བོད་མི་ཞིག་གི་རང་སྲེག་རྒྱ་རྒོལ།

ཟླ་འདིའི་ཚེས་༡༨ ཉིན་ཁམས་ཉག་རོང་མཚོ་ཁ་དགོན་པའི་ལྷ་སྡེ་ཕྱ་ཡུལ་གྲོང་པ་ནས་ཡིན་པ་པདྨ་རྒྱལ་མཚན་གྱིས་རྒྱ་ནག་ལ་རང་ལུས་མེར་སྲེག་གི་ངོ་རྒོལ་བྱེད་སྐབས། རྒྱ་ནག་གི་ཉེན་རྟོག་པས་འཇུ་བཟུང་བཙན་ཁྲིད་བྱས་ཡོད་པ་རེད།

རང་སྲེག་རྒྱ་རྒོལ་བྱེད་མཁན་པདྨ་རྒྱལ་མཚན་(པད་རྒྱལ)གྱི་ཕ་མིང་ལ་དབང་རྒྱལ་དང་མ་མིང་ལ་ཡུལ་ལྷ་ཟེར་གྱི་ཡོད་པ་དང་། རང་ལོ་༢༤ ཡིན་འདུག ཁོང་གིས་དཀར་མཛེས་རྫོང་ཐོག་ཏུ་རང་ལུས་མེར་སྲེག་སྐབས་རྒྱ་ནག་གི་ཉེན་རྟོག་པས་བཙན་ཁྲིད་བྱས་ཡོད་པ་དང་། དེ་རྗེས་ཀྱི་གནས་སྟངས་ཤེས་རྟོགས་ཐུབ་ཀྱི་མེད་པ་རེད།

ཟླ་འདིའི་ཚེས་༡༩ ཉིན་གྱི་དགོང་མོ་དྷ་ས་མེག་གྷན་དུ་བོད་རང་བཙན་སློབ་ཕྲུག་ཚོགས་པ་དང་། ས་གནས་གཞོན་ལྷན་དང་ས་གནས་བུད་མེད་ཚོགས་པ་བཅས་ཀྱི་གོ་སྒྲིག་འོག པདྨ་རྒྱལ་མཚན་གྱིས་རང་ལུས་མེར་སྲེག་བཏང་བར་གདུང་སེམས་མཉམ་བསྐྱེད་མཚོན་ཆེད་མི་མང་གིས་མར་མེའི་ཁྲོམ་སྐོར་ཞིག་བྱས་ཡོད་པ་རེད།།

གསར་འགོད་པ་ཆོས་ཉིད་འོད་ཟེར།

Print Friendly, PDF & Email
Share on Facebook0Tweet about this on TwitterShare on Google+0Share on LinkedIn0Email this to someone
0 commentsViews: 86

Leave a Reply