རང་སྲེག་ལས་འགུལ་སྤེལ་མཁན་བཀྲ་ཤིས་འདས་གྲོངས།

ཕྱི་ཟླ་༨ ཚེས་ ༡༣ ཉིན་རང་ལུས་མེར་སྲེག་གིས་རྒྱ་གཞུང་ ལ་ངོ་རྒོལ་གནང་མཁན་རྒྱལ་གཅེས་དཔའ་བོ་བཀྲ་ཤིས་རྔ་པ་བོད་རིགས་རང་སྐྱོང་ཁུལ་གྱི་ལྟེ་གནས་འབར་ཁམས་ནས་ཕྱི་ཚེས་ ༡༤ ཉིན་འདས་གྲོངས་སུ་གྱུར་ཡོད་འདུག

ཁོང་གི་སྐུ་ཕུང་ནང་མིར་སྤྲད་ཡོད་མེད་གསལ་པོ་ཤེས་རྟོགས་མ་བྱུང་། རྒྱལ་གཅེས་དཔའ་བོ་གཉིས་ཀྱིས་ཕྱི་ཚེས་ ༡༣ ཉིན་རང་ལུས་མེར་སྲེག་བཏང་བར་བརྟེན་ཤུལ་ལུས་ནང་མི་དང་བཅས་པར་གདུང་སེམས་མཉམ་བསྐྱེད་མཚོན་ཆེད་ཕྱི་ཚེས་ ༡༤ ཉིན་རྔ་པའི་རྫོང་མཁར་གྱི་བོད་པའི་ཟ་ཁང་དང་ཚོང་ཁང་ཚང་མ་སྒོ་བརྒྱབ་སྟེ་རྔ་པ་མི་མང་གིས་དགོན་པ་ཁག་ལ་བསྔོ་བསྟེན་ཕུལ་བ་དང་སྐོར་ར། ཕྱག་མཆོད་འབུལ་སོགས་བྱས་ཡོད་པ་རེད།

ཕྱི་ཚེས་ ༡༣ ཉིན་གྱི་དོན་རྐྱེན་རྗེས་སུ་རྔ་པ་ཀིརྟི་དགོན་པའི་དགེ་སྐོས་དང་ཆོས་ལུགས་དོ་དམ་ཁང་གི་འགན་འཛིན་སོགས་དགོན་པའི་ལས་སྣེ་ཁག་ཅིག་རྫོང་སྲིད་གཞུང་དུ་ཐེངས་ཁ་ཤས་ལ་འབོད་འགུག་གིས་ཚོགས་འདུ་སྐོང་ཡོད་འདུག

དྷ་ས་བཞུགས་སྒར་ཀིརྟིའི་བྱེས་པ་གྲྭ་ཚང་གི་བོད་གནས་འབྲེལ་མཐུད་པ་བློ་བཟང་ཡེ་ཤེས་དང་ཀ་ཉག་ཚེ་རིང་གཉིས་ཀྱིས། ཕྱི་ལོ་ ༢༠༡༢ ཟླ་ ཚེས་ ༡༥ ལ།

Share this:
༣༢ ཀློག་གྲངས།