ང་རྒྱང་རང་རྒྱང་དུ་ཆས་དགོས།

ང་ལྕགས་རྟ་ལ་བཞོན་ནས་རྒྱང་དུ་ཆས་དགོས།

མ་འོངས་ལོ་ཟླའི་མུན་ནག་ཕྲེད་དུ་བཅད་ནས།

མུ་མཐའ་མི་མངོན་པའི་ཕ་མཐའ་དེ།

འབད་པ་བརྒྱ་དང་བརྩོན་པ་སྟོང་གིས་བཅད་དགོས་ཡ།

ལམ་ཐག་ཇི་ཙམ་རིང་ཡང་།

དཀའ་སྡུག་ཇི་ཙམ་འཕྲད་ཀྱང་།

དཀའ་སྡུག་ལྕི་མོ་རྒྱབ་ཏུ་ཁྱེར་ནས།

འབད་པ་སྟོང་དང་མཉམ་དུ་འགྲོགས་ནས།

ང་རྒྱང་རིང་ནས་རྒྱང་རིང་དུ་ཆས་དགོས།

གནས་དེ་ན།

ངའི་མ་འོངས་བའི་འོད་སྟོང་ལྡན་ལ། 

ངའི་མི་ཚེ་འདིའི་ཕུགས་བསམ་བཅངས་ཡོད།

རེ་འདུན་ཟབ་མོ་སྙིང་ཁར་སྒོམ་བཞིན། 

འོད་སྟོང་འབར་བའི་མ་འོངས་དེ་ཡི་སླད།

ཕུགས་བསམ་གྱི་ཕྱུག་པའི་འབྱུང་འགྱུར་དེ་ཡི་ཆེད།

ངས་ལྷག་བསམ་དཀར་པོའི་ལྕགས་ཀྱི་རྟ་ཕོར་བཞོན་བཞིན།

གུས་རྟག་སྦྱོར་བའི་བརྩོན་པར་འགྲོགས་ནས།

ང་རྒྱང་རིང་དུ་ཆས་ན་འདོད།

 

 

Share this:
༡༣༩ ཀློག་གྲངས།