རྒྱ་ནག་གིས་བོད་མིའི་དྲ་ཐོག་ཏུ་གཏོར་བཅོམ་གཏོང་གི་ཡོད།

བོད་དོན་ལས་འགུལ་བསྟི་གནས་ཁང་ནས་གནས་ཚུལ་སྤེལ་བ་ལྟར་ན། འདས་པའི་ལོ་ངོ་མང་པོའི་རིང་ལ། རྒྱ་ནག་གཞུང་གིས་མངོན་ལྐོག་གང་རུང་ནས་བོད་པའི་སྤྱི་ཚོགས་དང་བོད་མི་སྒེར་པ་རྣམས་ལ་དྲ་འབུ་ཡོད་པའི་མཉེན་ཆས་རིགས་བརྒྱུད་ནས་དྲ་ལམ་ནས་འཇབ་རྒོལ་དང་ལྐོག་ལྟ་སོགས་བྱེད་ཀྱི་ཡོད་པ་མ་ཟད་། གནས་ཚུལ་གསང་རྐུ་ཡང་བྱེད་ཀྱི་ཡོད།

ལྷག་པར་དུ། ལག་འཁྱེར་ཁ་པར་བརྒྱུད་ནས་བོད་མི་སྒེར་པའི་དྲ་ཐོག་གི་གནས་ཚུལ་ཁོངས་སུ་སིམ་འཛུལ་བྱེད་པ་དང་གཏོར་བཅོམ་གཏོང་བ་སོགས་ཇེ་མང་དུ་འགྲོ་བཞིན་ཡོད་པས། གནད་དོན་འདིའི་རིགས་ལ་བོད་མི་ཚོས་ངེས་པར་དུ་དོ་སྣང་དང་གཟབ་ནན་བྱེད་རྒྱུ་ཧ་ཅང་ནས་གལ་ཆེ། དཔེར་ན། ཉེ་བའི་ཆར་། ཉེན་སྲུང་གི་བཟོ་ཚོང་ཁང་གྲགས་ཅན་མན་སྒྲན་ཁྲི (Mandiant) ཟེར་བས། དྲ་ལམ་གྱི་གསང་ཉུལ་སྐོར་ལ་ “ཚབས་ཆེའི་གཏོར་བཅོམ་དང་པོ་” ཟེར་བའི་སྙན་ཐོ་ཞིག་བཏོན་ཡོད་ཅིང་། དེའི་ཁོངས་སུ་ཕྱིའི་རྒྱལ་ཁབ་མང་པོར་དྲ་ལམ་ནས་གསང་ཉུལ་དང་ཚབས་ཆེའི་གཏོར་བཅོམ་གཏོང་མཁན་གཅིག་ནི། རྒྱ་ནག་བཅིངས་གྲོལ་དམག་མིའི་དོན་གཅོད་གཉིས་པའི་འགན་འཛིན་ལས་བྱེད་སྡེ་ཚན་གྱི་ལས་ཁུངས་གསུམ་པ་དེ་ཡིན་པ་གསལ་སྟོན་བྱས་ཡོད་ཅིང་། དེ་ཡང་གཙོ་བོ་དཔལ་འབྱོར་གྱི་གསང་བ་རྐུ་འཁྱེར་གྱི་སྐོར་ནས་ཡིན། དེའི་རྗེས་སུ། ཁྲོ་རོན་ཁྲོ་གཙུག་ལག་སློབ་ཁང་ཆེན་མོའི་རྒྱལ་སྤྱིའི་གནད་དོན་སྡེ་ཚན་གྱི་ (Citizen Lab) མི་མང་བརྟག་དཔྱད་ཁང་ཟེར་བས་སྙན་ཐོ་བཏོན་པ་ལྟར་ན། གོང་གི་བཟོ་ཚོང་ཁང་དེའི་བཏོན་པའི་སྙན་ཐོ་བཞིན། རྒྱ་ནག་གི་བཅིངས་གྲོལ་དམག་མིའི་ལས་ཁུངས་དེ་ཡིས་དྲ་འབུ་ཡོད་པའི་མཉེན་ཆས་རིགས་བརྒྱུད་ནས་བོད་མིའི་སྤྱི་ཚོགས་དངོས་ཤུགས་བརྒྱུད་གསུམ་ནས་གཏོར་བཅོམ་གཏོང་བའི་དམིགས་འབེན་བྱས་ཡོད་པ་གསལ་སྟོན་བྱས་ཡོད། ལྷག་པར་དུ། བཟོ་ཚོང་ཁང་ཁ་སི་ཕར་སི་ཁེས(Kaspersky) ཟེར་བས་དྲ་འབུ་ཡོད་པའི་ཨན་སྒྲོ་(Android) བཀོལ་སྤྱོད་མ་ལག་གི་སྐོར་ལ་སྙན་ཐོ་ཞིག་བཏོན་ཡོད་ཅིང་དེ་དང་འབྲེལ་ནས་མི་མང་བརྟག་དཔྱད་ཁང་(Citizen Lab) ཡིས་ “གསང་མྱུལ་བར་ཆོག་མཆན་སྟེ། དྲ་འབུ་ཅན་གྱི་ཨན་སྒྲོའི་མཉེན་ཆས་ཡིས་བོད་མི་རྣམས་དམིགས་འབེན་ཏུ་བཟུང་བའི་སྐོར་གྱི་བརྟག་དཔྱད་སྙན་ཐོ་” ཟེར་བ་ཞིག་བཏོན་འདུགབོད་ཡིག་ནང་ཕྱོགས་བསྡོམས་བྱེད་པའི་སྙན་ཐོར་གཟིགས་ན་འབྲེལ་ཐག་འདི་ལ་སྣུན།https://docs.google.com/file/d/0BxTYBPmqCIWOaVkwNG0yUjE0UW8/edit?usp=sharing

གནས་ཚུལ་རྒྱས་བ་ཤེས་འདོད་ཚེ། བོད་དོན་ལས་འགུལ་བསྟི་གནས་ཁང་གི་ལས་བྱེད་བློ་བཟང་རྒྱ་ཚོ་ལ་ཁ་པར་༩༨༨༢༤༠༧༣༦༥ ཐོག་འབྲེལ་བ་གནང་རོགས།

Share this:
༡༠༡ ཀློག་གྲངས།