བོད་མི་ས་ཡ་དྲུག་གི་ཆེད་དུ་རང་ལུས་མེ་མཆོད་བཏང་བ་ཡིན།

༢༠༡༣ ལོའི་ཟླ་༡༢ ཚེས་༡༩ ཉིན་བོད་མདོ་སྨད་་ཨ་མཆོག་གྲོང་བརྡལ་གྱི་ཁྲོམ་གཞུང་ནས་ཨ་མཆོག་དགོན་པའི་གྲྭ་ཚུལ་ཁྲིམས་རྒྱ་མཚོས་རྒྱ་གཞུང་ལ་ངོ་རྒོལ་ཆེད་རང་ལུས་མེར་སྲེག་གིས་སྐུ་གྲོངས་པ་དང་། ཁོང་གིས་ཞལ་ཆེམས་ཡི་གེ་ཞིག་བཞག་ཡོད་པ་རེད།

48505e25_956d_49

ཁོང་གིས་“མིག་ཆུ་གསེར་གྱི་ཐིགས་པ།”ཞེས་པའི་ཞལ་ཆེམས་ཡི་གེ་ཞིག་བཞག་པའི་ནང་འཁོད་དོན། “ཨེ་མ་མིག་ཆུ། སྙིང་སྡུག ཨ་ཇོ་ལགས། ཁྱེད་ཀྱིས་གསན་ནམ། ཁྱེད་ཀྱིས་མཐོང་ངམ། ཁྱེད་ཀྱིས་མཐོས་སམ། བོད་མི་ས་ཡ་དྲུག་གི་སྡུག་བསྔལ་འདི་སུ་ལ་ཞུ། རྒྱ་ནག་པོའི་ཁྲིམས་ཁང་བཙན་པོའི།། གསེར་དངུལ་གྱི་བང་མཛོད་ཁྱེར་ཐ།། འབངས་མི་སེར་སྡུག་ལ་སྦྱར་གི། འདི་བསམ་ན་མིག་ཆུ་ལྷུང་གི། རང་ལུས་རིན་ཆེན་མེ་ལ་སྲེག་པའི་མཐུས། རྒྱལ་དབང་བསྟན་འཛིན་རྒྱ་མཚོ་རང་ཡུལ་ཕེབས་རྒྱུས་ཆེད་དང་པཎ་ཆེན་སྣང་བ་མཐའ་ཡེ། བཙོན་གྲོལ་ཐོབ་པའི་ཆེད་དང་བོད་མི་ས་ཡ་དྲུག་གི་བདེ་སྡུག་གི་ཆེད་དུ་རང་ལུས་མེ་མཆོད་བཏང་བ་ཡིན། འདི་ཐུན་ལ་རྟེན་ནས་ཁམས་གསུམ་སེམས་ཅན་ཐམས་ཅད་དུག་གསུམ་སྲོག་ནས་ཐར་བ་བྱང་ཆུབ་ཀྱི་ལམ་ལ་མགོན་པོའི་སྨོན་ལམ། བླ་མ་མཆོག་གསུམ་མཁྱེན་རང་ཁྱེན་མགོན་མེད་སྐྱབས་མེད་རྣམས་ཐུགས་རྗེ་མཛོད། གངས་རིའི་སྤུན་ཟླ་རྣམ་པ་བོད་ལ་མཐུན་སྒྲིན་དགོན་ནང་གཡོ་སྒྱུ་ཝ་མོའི་འོག་ཏུ་མ་རྒྱུགས། གངས་རིའི་དཔལ་རྒོད་ཚུལ་ཁྲིམས་རྒྱ་མཚོ་ནས། བཏང་ནས་མི་གཅིག་གཉིས་བར་ཆད་མེད་པའི་ཕྱིར་རོ།”ཞེས་འཁོད་ཡོད་པ་རེད།

1477551_1817897648349202_941527842_n

ཁོང་གིས་རང་ལུས་མེར་སྲེག་བཏང་བའི་ཉིན་གྱི་དགོང་མོ་དྷ་ས་ས་གནས་གཞོན་ལྷན་དང་། དྷ་ས་བུད་མེད་ཚོགས་པ། བོད་རང་བཙན་སློབ་ཕྲུག་ཚོགས་པ་བཅས་ཀྱི་གོ་སྒྲིག་དྷ་ས་མེག་གྷན་དུ་མི་མང་གིས་མར་མེའི་ཁྲོམ་སྐོར་བྱས་ཏེ། འདས་པོ་ཁོང་ལ་གདུང་སེམས་མཉམ་བསྐྱེད་ཞུས་ཡོད་པ་རེད།།

དྷ་སར་མི་མང་གིས་མར་མེའི་ཁྲོམ་སྐོར་སྐབས། ༢༠༡༣།༡༢།༡༩

གནས་ཚུལ་སྔོན་སོང་།   http://www.tibetexpress.net/bo/home/2010-02-04-05-37-19/11359-2013-12-19-10-17-44

Share this:
༡༥༨ ཀློག་གྲངས།