བོད་མི་ཞིག་ལ་ལོ་གཉིས་རིང་དུས་བཀག་ཁྲིམས་ཆད།

ཟླ་ འདིའི་ཚེས་༢༣ ཉིན་འབྲེལ་ཡོད་ཀྱིས་གནས་ཚུལ་འགྲེལ་བརྗོད་གནང་བ་ལྟར་ན། ཕྱི་ལོ་༢༠༡༢ ཟླ་༡༠ ཚེས་༦ ཉིན་ཏེ། ཁམས་འབྲི་རུ་ནས་ཡིན་པའི་དགུ་འགྲུབ་ཀྱིས་རྒྱ་གཞུང་ལ་ངོ་རྒོལ་གྱིས་རང་ལུས་ མེར་སྲེག་བཏང་ནས་ཉིན་གཉིས་ཀྱི་རྗེས།དགུ་འགྲུབ་ཀྱི་ཚ་བོ་བཀྲ་ཤིས་ཆོས་དབང་དང། ཨ་བུ་བསོད་ནམས་གཉིས་དང་ལྷན་དུ་མི་འགའ་ཞིག་འཇུ་བཟུང་བྱས་ཡོད་འདུག་པའི་ནང་ནས། འབྲི་རུ་རྫོང་འབྲི་རུ་ཡུལ་ཚོ། མོ་པ་གྲོང་ཚོ་ནས་ཡིན་པ། ནམ་རྒྱུན་ལྷ་སར་གནས་སྡོད་བྱེད་མཁན། ཨ་བུ་བསོད་ནམས་ཀྱི་ཨ་ཁུ་རྡོ་རྗེ་ཞེས་པ་འཇུ་བཟུང་བྱས་ཏེ་ད་ལྟ་ལྷ་སའི་ཉེ་ འགྲམ་སྟོད་ལུང་བདེ་ཆེན་རྫོང་ཁོངས་སུ་ཡོད་པའི་བཙོན་ཁང་ཞིག་ནང་ལོ་གཉིས་ཀྱི་ ཁྲིམས་ཐག་བཅད་ཡོད་འདུག་ཅིང། ཁྲིམས་ཐག་བཅད་པའི་ཚེས་གྲངས་སོགས་ཁ་གསལ་ཤེས་རྟོགས་མི་ཐུབ་པ་མ་ཟད། རོགས་པ་གཞན་རྣམས་ཀྱི་མིང་དང་ལོ་གྲངས་གང་དུ་ཡོད་མེད་སོགས་ཀྱི་གནས་ཚུལ་ཞིབ་ ཕྲ་ཤེས་རྟོགས་གང་ཡང་མེད་པ་རེད།རྡོ་རྗེའི་ཕ་མིང་ལ་འབྲས་ལྷུག་དང་མ་མིང་ལ་ཀླུ་མོ་ཚེ་སྐྱིད་ཟེར་གྱི་ཡོད་པ་ དང་། སྤྱིར་དེང་སང་འབྲི་རུ་རྫོང་དུ་ཕྲ་འཕྲིན་སོགས་ཀྱི་བརྒྱུད་ལམ་བཀག་ནས་ས་གནས་ས་ ཐོག་ཏུ་འབྲེལ་བ་བྱ་རྒྱུ་ཧ་ཅང་ཁག་པོ་ཆགས་ཡོད་པ་རེད།

Share this:
༡༨༣ ཀློག་གྲངས།