ཁམས་འབྲི་རུ་རྫོང་གི་བོད་མིར་རྒྱ་གཞུང་གིས་རྡུང་རྡེག

tseringyaltsen1གནས་ཚུལ་མཁོ་སྤྲོད་པས་འགྲེལ་བརྗོད་གནང་དོན། ཟླ་༩ ཚེས་༢༩ ཉིན་ཉེས་རྡུང་བཏང་ནས་བཟུང་ཟླ་༡༠ ཚེས་༥ བར་དུ་སྨན་ཁང་དུ་བཏང་མི་འདུག དེ་ནི་འགྲོ་བ་མིའི་ཐོབ་ཐང་ལ་རྩིས་མེད་དང་བོད་མིའི་ཚེ་སྲོག་ལ་མཐོང་ཆུང་བྱས་ནས་བོད་མི་རྣམས་ནི་སྲོག་མེད་བེམ་པོ་ལྟ་བུ་ཞིག་ལ་ངོས་འཛིན་བྱེད་ཀྱི་ཡོད་པ་ལས། མིར་ངོས་འཛིན་བྱེད་ཀྱི་མེད་པ་གསལ་པོ་རེད། ཚེ་རིང་རྒྱལ་མཚན་ནི་ལོ་༢༥ རེད་འདུག ཉེན་རྟོག་པས་ཚེ་རིང་རྒྱལ་མཚན་ནི་མི་སྣ་གཙོ་བོ་རེད་ཟེར་ནས་ཉེས་རྡུང་ཚད་བཏང་ནས་དེང་སྐབས་གཅིན་པ་དང་བཙོག་པ་ཚང་མ་ཁྲག་ལ་འགྱུར་ནས། ཤི་གསོན་ཧ་མི་གོ་བས་གནས་སུ་གྱུར་ཏེ། ལྷ་སའི་མི་དམངས་སྨན་ཁང་དུ་ཉལ་འདུག སྨན་པ་ཚོའི་ཕྱི་ནད་རེད་ཟེར་ནས་ནང་ནད་གང་ཡོད་པ་རྣམས་གསལ་བཤད་མི་བྱེད་པ་མ་ཚད། དེ་ཙམ་གྱི་དོ་སྣང་དང་རོགས་རམ་མཐུན་འགྱུར་བྱེད་ཕོད་ཀྱི་མི་འདུག་”ཅེས་བརྗོད་སོང་།

ཟླ་༩ ཚེས་༢༩ཉིན་ཚ་ཆུ་ཤང་ནས་སྟག་ལྷས་གྲོང་ཚོའི་སྤུན་ཟླ་ཉི་ཤུ་ཙམ་དང་དེ་བཞིན་བ་རོ་གྲོང་། ལ་འོག་གྲོང་། ཀོ་ན་གྲོང་། བ་ལག་སོགས་ཀྱིས་གྲོང་མི་མང་པོ་ཞིག་མོ་བ་གྲོང་ལ་སོང་ནས། དམར་གཞུང་གི་དྲག་ཆས་ཉེན་རྟོག་པ་དང་དམག་མི་བཅས་ལ་བཙོན་ཁང་དུ་ཡོད་པའི་བོད་མི་རྣམས་གློད་གྲོལ་གཏོང་དགོས་པའི་རེ་ཞུ་ཕུལ་ཡང་། རེ་ཞུ་དེར་ཉན་རྒྱུ་ཕར་གཞག་ནས་མི་དེ་ཚོར་ཉེས་རྡུང་དང་གནར་གཅོད་ཚད་མེད་བཏང་འདུག ད་ལྟའི་གནས་སྐབས་སུ་ཉེས་རྡུང་ཕོགས་པའི་ནད་པ་བརྒྱ་མ་ཟིན་ཙམ་ཞིག་འདུག དེ་ཚོ་ཚང་མ་སྨན་བཅོས་ཀྱི་གོ་སྐབས་ཕར་བཞག་ནས་རང་གི་ཁང་པའི་སྒོ་ཕྱི་ནང་ལ་ཡང་འགྲོ་དབང་མེད་པ་གྱུར་ཡོད་འདུག

ཟླ་༩ ཚེས་༢༨ཉིན་ནས་བཟུང་ཆུ་ཚོད་༤༨ རིང་འབྲི་རུ་རྫོང་མོ་བ་ཐང་གྲོང་ཚོའི་མི་ཟོག་ཁྱི་གསུམ་ལ་ཟས་ཁམ་ཅིག་ཙམ་དང་ཆུ་ཐིག་པ་ཙམ་ཡང་མེད་པར་རྒྱ་དམག་གི་དྲག་པོའི་བཙན་དབང་འོག་ལ་མི་༤༠ འཛིན་བཟུང་བྱས་པ་མ་ཚད། ནང་ལ་ཡོད་པའི་མི་དག་སྒོ་ཕྱིར་ཐོན་དུ་མ་བཅུག་པ་དང་། དུད་འགྲོ་སེམས་ཅན་རི་ལ་གཏོང་དུ་མ་བཅུག་པ། སྒོ་ཁྱི་ལའང་ལྟོ་སྟེར་དུ་མ་འཇུག་པར་མེ་མདའི་ཁ་གྲིས་ཁྱིམ་ཆས་ཡོངས་རྫོགས་བསྔོགས་ནས་ཐལ་ཟིང་ཕུང་སྦྱོར་གྱི་མི་སྤྱོད་དང་། རྒྱལ་ཁྲིམས་སོགས་གང་ལ་ཡང་མི་མཐུན་པའི་སྡུག་རྩུབ་ཀྱི་བྱ་ངན་དེ་དག་ལག་བསྟར་བྱས་པ་རེད།

དེ་སྔོན་ཉིན་ཧོང་དམག་དཔུང་གི་རྒྱ་མི་རིགས་ལ་མནར་གཅོད་ཚད་མེད་གཏོང་མྱོང་བ་ལས། ལྡབ་བརྒྱ་ཕྲག་ལས་སྡུག་པ་ཏང་གི་དམག་མིས་ཞི་བའི་བོད་མི་ཉམ་ཆུང་དེ་དག་ལ་མནར་གཅོད་ཚད་མེད་དང་ཉེས་རྡུང་ཚད་མེད་གཏོང་གི་ཡོད་པ་རེད། །

Share this:
༡༨༨ ཀློག་གྲངས།