གཞོན་ལྷན་གྱི་གྲོས་ཆོད་ཁག་༣ ལ་ངོས་ལེན་མེད།

ཟླ་འདེའི་ཚེས་༡༥ ཉིན་རྒྱ་གར་ལྷོ་ཕྱོགས་སྦེལ་ཀོབ་བདེ་སླར་དུ་ས་གནས་གཞོན་ནུ་ཁག་བརྒྱད་ཀྱི་རྒྱུན་ལས་དང་སྐབས་སྔོན་མའི་རྒྱུན་ཟུར་རྣམས་ཆེད་འཛོམས་ཀྱིས་ཉེ་ལམ་བོད་ཀྱི་གཞོན་ནུ་ལྷན་ཚོགས་ཀྱིས་འགན་འཛིན་ལྷན་ཚོགས་ཐེངས་༤༥པའི་ཐོག གྲོས་ཆོད་ཁག་༣བཞག་པར་ངོས་ལེན་མེད་པའི་གསལ་བསྒྲགས་ཤིག་སྤེལ་ཡོད་པ་རེད།
ས་གནས་ཁག་བརྒྱད་ནི་མོན་གྷོ་དང་། སྦེལ་ཀོབ། ལ་དགས། ཀོ་ལི་གྷལ། ཧོན་སོར། དྲ་ཧོར། སྤོན་གྲོ། སྦང་ལོར་བཅས་ཡིན་པ་རེད།

DSC06575བྱ་ཉལ་ཚེ་རིང་ལྷ་སྐྱབས་དང་། ཚེ་རིང་རྡོ་རྗེ་གཅུང་གཉིས་ཀྱི་མིང་འཁོད་གསར་འགོད་གསལ་བསྒྲགས་ཤིག་སྤེལ་བའི་ནང་འཁོད་དོན། བོད་ཀྱི་གཞོན་ནུ་ལྷན་ཚོགས་ཀྱི་ཚོགས་ཆེན་ཐེངས་༡༥ སྔ་སྣུར་གྱིས་ངྷ་སར་ཕྱི་ལོ་་༢༠༡༣ ཕྱི་ཟླ་༥ ཚེས་༢༧ ནས་ཕྱི་ཟླ་༦ ཚེས་༡ བར་ལྷན་འཛོམས་བསྐྱངས་སྐབས་ཚོགས་འདུ་སྔ་སྣུར་དང་འབྲེལ་བའི་གྲོས་གཞིའི་ཐད་ཚོགས་མིའི་མངོན་འདོད་ཇི་ཡོད་བགྲོ་བསྡུར་སྦྱང་བཤད་ཀྱི་གོ་སྐབས་རྩ་བ་ནས་མ་སྤྲད་པ་མ་ཟད། ལངས་ཕྱོགས་ལའང་འགྱུར་བ་མེད་པའི་གསལ་བསྒྲགས་གནང་བར་བརྟེན། ས་གནས་ཁག་བརྒྱད་ཀྱི་མང་ཚོགས་ཀྱི་མངོན་འདོད་བཏོན་མ་ཐུབ་སྟབས་ཚོགས་འདུ་ནས་ཕྱིར་ཐོན་མ་བྱས་ག་མེད་བྱུང། གོང་གསལ་ས་གནས་རྣམས་ནས་བོད་ཀྱི་གཞོན་ནུ་ལྷན་ཚོགས་ཀྱི་སྒྲིག་འཛུགས་ལ་བརྩི་མཐོང་དང་གུས་བཀུར། དེ་བཞིན་མ་འོངས་པར་གཞོན་ནུའི་ལངས་ཕྱོགས་ལ་འགྱུར་བ་བྱུང་མཚམས་སྔ་ལམ་ལྟར་མུ་མཐུད་འཕྱར་གྲུ་མཉམ་འདེགས་ཞུ་རྒྱའི་ལྷག་བསམ་དང་སྙིང་སྟོབས་ལ་འགྱུར་བ་ནམ་ཡང་མེད་པའི་དམ་བཅའ་བརྟན་པོ་ཡོད་ཅེས་ཕྱི་ལོ་༢༠༡༣ ཟླ་བ་༥ ཚེས་༣༠ ཉིན་ཚོགས་ཆེན་ཐོག་དབུས་རྒྱུན་ལས་ལྷན་རྒྱས་གཙོས་པའི་ཚོགས་བཅར་བའི་མཚན་འགོད་ཞུ་ཡིག་ཕུལ་བ་དང་དེའི་ངོ་བཤུས་ཁག

༡ དཔལ་ལྡན་དགའ་ལྡན་ཕོ་བྲང་གི་ཡིག་ཚང་།
༢ དཔལ་ལྡན་བོད་མི་མང་སྤྱི་འཐུས་ལྷན་ཚོགས།
༣ དཔལ་ལྡན་དབུས་བོད་མིའི་སྒྲིག་འཛུགས་ཀྱི་དཀའ་ཤག
༤ འབྲེལ་ཡོད་གཞིས་འགོ་བདེ་དོན།
༥ གསར་འགོད་ཁག
༦ ཚོགས་བཅར་བ་ཡོངས་ལ་འབུལ་ལམ་ཞུས་ཡོད།

༼༡ སྒང་དོག་ཏུ་བོད་ཀྱི་གཞོན་ནུ་ལྷན་ཚོགས་ཀྱི་འགན་ལྷན་ཐེངས་༤༥ ཐོག་རྒྱབ་ལྗོངས་ཀྱི་རྒྱུ་མཚན་ཡང་དག་ཡང་མེད་པའི་ས་གནས་ཁག་བརྒྱད་ཀྱི་ཐོག་གྲོས་ཆོད་དོན་ཚན་གསུམ་བཞག་པར་ངོས་ལེན་ཞུ་ཐབས་མེད།

༼༢ ས་གནས་ཁག་བརྒྱད་ཀྱི་ཚོགས་མིའི་མངོན་འདོད་ལ་བརྟེན་ནས་རང་བཞིན་གྱིས་གཞོན་ལྷན་ནང་ལངས་ཕྱོགས་གཉིས་ཅན་ཞིག་ཆགས་སྟབས། འགྲོ་ལུགས་ལྟར་གཞོན་ནུའི་མཚན་བྱང་དང་ལས་རྟགས། ལས་དམ། ངོ་སྤྲོད་ལག་འཁྱེར་སོགས་ལ་འགྱུར་བ་མ་བཏང་ཐབས་མེད་ཆགས་ཡོད།

༼༣ བོད་ཀྱི་གཞོན་ནུ་ལྷན་ཚོགས་དང་ས་གནས་ཁག་བརྒྱད་ཀྱི་གཞོན་ལྷན་གཉིས་དབར་ལངས་ཕྱོགས་ཁོ་ན་མ་མཐུན་པ་ལས་དེ་མིན་གཞོན་ལྷན་གྱི་སྒྲིགས་འཛུགས་ལ་གཏོར་བཤིག་དང་བརྩི་མེད་རིགས་གཏན་ནས་བཏང་མེད་པ་དང་། འབྱུང་འགྱུར་བོད་ཀྱི་གཞོན་ནུ་ལྷན་ཚོགས་ཀྱི་ལངས་ཕྱོགས་ལམ་དབུ་མར་གཏན་འབེབས་བྱུང་ཉིན་ཚོགས་མིའི་མངོན་འདོད་གཞིར་བཟུང་གཞོན་ལྷན་སྒྲིག་འཛུགས་ནང་སྔོན་ཚུད་ཐག་གཅོད་གྲོས་ཆོད་བཞིན་གོམ་པ་མདུན་སྤོས་ཀྱིས་སྒྲིག་འཛུགས་ནང་འཛུལ་ཞུགས་ཞུ་རྒྱུ།

༼༤ ལོ་གཅིག་རིང་ས་གནས་ཁག་བརྒྱད་ནས་རང་ཚུགས་བརྟན་པོའི་ངང་ཆབ་སྲིད་དང་འབྲེལ་བའི་ལས་འགུལ་ཁག་དུས་ཐོག་འཐུས་གཙང་ཞུས་པ་ལས། དབུས་ལ་ད་བར་སྐྱོན་འཛུགས་རིགས་བྱས་མྱོང་མེད་ལ། འབྱུང་འགྱུར་དང་ད་ལྟའི་ཆར་གང་དུ་ཡང་དེ་རིགས་གཏན་ནས་བྱེད་རྩིས་མེད་སྟབས་ས་གནས་སོ་སོའི་ཚོགས་མི་རྣམས་ནས་དགའ་སྤོབས་ཆེན་པོ་དང་རྒྱ་ཆེའི་སྐྱ་སེར་ཡོངས་ནས་བསྔགས་བརྗོད་ཐོབ་མུས་ཡིན།

༼༥ ལོ་གཅིག་ནང་དབུས་ནས་ད་བར་ས་གནས་ཆེ་ཁག་བརྒྱད་ཀྱི་དགོས་འདུན་ལ་དགོངས་བཞེས་གཏད་ནས་མ་གནང་བར་བློ་ཕམ་གྱི་གནས་སུ་གྱུར།

༼༦ གྲོས་ཆོད་ཨང་གཉིས་པ་ནང་གསལ། སྐབས་སྔོན་མའི་ས་གནས་ཁག་བརྒྱད་ཀྱི་རྒྱུན་ལས་རྣམས་ད་ནས་བཟུང་གཞོན་ལྷན་ཚོགས་མི་ཡིན་པར་ངོས་ལེན་མེད་ཅེས་འཁོད་ཐད། ས་གནས་ཁག་བརྒྱད་ཀྱི་ཚོགས་མི་གཙོས་ལས་ཐོག་རྒྱུན་ལས་དང་། རྒྱུན་ཟུར་བཅས་ནས་གྲོས་ཆོད་དེར་ནམ་ཡང་ངོས་ལེན་མེད་པ་ནི་ས་གནས་ཚོགས་མི་རྣམས་ཀྱི་མངོན་འདོད་བཞིན་ཕྱག་ལས་མུ་འཐུད་རྒྱུན་འཁྱོངས་ཡོང་རྒྱུར་ངོས་ལེན་ཞུས་པ་ཡིན།

༼༧ གྲོས་ཆོད་དོན་ཚན་གསུམ་པའི་ནང་གསལ་ས་གནས་ཁག་བརྒྱད་ཀྱི་རྒྱུན་ལས་གསར་བ་དང་ཚོགས་མི་ཚོས་བོད་ཀྱི་གཞོན་ནུ་ལྷན་ཚོགས་ཀྱི་ཁྱབ་ཁོངས་འོག གཞོན་ལྷན་གྱི་སྒྲིག་གཞིར་རྩ་འཛིན་གྱིས་བོད་བསྟན་སྲིད་མི་རིགས་དང་བཅས་པར་སྨན་པའི་ལས་དོན་རྒྱུན་སྐྱོང་གནང་རྒྱུའི་འབོད་སྐུལ་ཞུས་པ་དང་ཆབས་ཅིག   མ་འོངས་པར་ས་གནས་ཁག་བརྒྱད་ཀྱི་གནད་དོན་ཐོག་ཐག་གཅོད་ཅི་ཞིག་གནང་དགོས་ཀྱང་གནང་ཆོག་པའི་དབང་ཚད་ཆ་ཚང་དབུས་སྤྱི་ཁྱབ་རྒྱུན་ལས་ལ་འགན་ལྷན་འདེའི་ཐོག་ནས་ཕུལ་བ་ཡིན་ཞེས་པའི་ཐད། ས་གནས་ཁག་བརྒྱད་ཀྱི་ལས་ཐོག་རྒྱུན་ལས་དང་ཚོགས་མི་ཡོངས་ནས་གྲོས་ཆོད་འདིར་ངོས་ལེན་གནང་ཐབས་མེད།

༼༨ མཐའ་དོན་ས་སྟེང་རྒྱལ་བསྟན་ཡོངས་ཀྱི་བླ་ན་མེད་པ་འདི་ཕྱི་གཉིས་ཀྱི་དབུ་ཁྲིད་འཛམ་གླིང་ཞི་བདེའི་དེད་དཔོན་༧སྤྱི་ནོར་༧གོང་ས་སྐྱབས་མགོན་རྒྱལ་བའི་དབང་པོ་མཆོག་གི་སྔ་ཕྱི་བར་གསུམ་གྱི་བཀའ་སློབ་ལམ་སྟོན་མུན་སེལ་འོག་བཙན་བྱོལ་དབུས་བོད་མིའི་སྒྲིགས་འཛུགས་ཀྱིས་གཏན་ལ་ཕབ་པའི་སྲིད་བྱུས་གཉིས་སྨན་དབུ་མའི་ལམ་གྱི་ཐོག་ཚོགས་མི་ཡོངས་ནས་ཤར་བསྐྱོད་ཞུ་རྒྱུའི་དམ་བཅའ་བརྟན་པོ་ཞུ་རྒྱུའི་གྲོས་ཆོད་དུ། སྦེལ་ཀོབ་བདེ་སླར་ཚོགས་ཁང་ནང་ས་གནས་ཁག་བརྒྱད་ཀྱི་རྒྱུན་ལས་ལས་ཐོག་དང་སྐབས་སྔོན་མའི་རྒྱུན་ཟུར་མཐུན་མོང་ནས། ༢༠༡༤ ལོའི་ཕྱི་ཟླ་༩ ཚེས་༡༥ ལ།

 

Share this:
༡༡༡ ཀློག་གྲངས།