རྩེད་འགྲན་སྐབས་ཀྱི་འཁྲུག་རྩོད།

    རྩེད་འགྲན་བྱས་ནས་ཉིན་བརྒྱད་པའི་སྐབས་དེར། ཟློས་གར་རུ་ཁག་དང། ཅོང་ཏ་ར་རུ་ཁག་གཉིས་རྩེད་འགྲན་བྱེད་སྐབས། ཟློས་གར་རུ་ཁག་གིས་སྤོ་ལོ་༦ བླུགས་པའི་མཚམས་དེར་རྩེད་འགྲན་པའི་བར་འཁྲུག་རྩོད་ཤོར་ཡོད་འདུག རྩེད་འགྲན་པ་འཁྲུག་རྩོད་ཤོར་མ་ཐག་མང་ཚོགས་ནང་རྒྱབ་རྩར་ལངས་རེས་བྱས་ཏེ། རྡོ་གཞུ་རེས་བྱས་པ་དང། རྒྱ་གར་ཉེན་རྟོག་པ་བཅུ་གྲངས་ཤིག་ལས་མེད་པས། བར་འདུམ་ཡང་མགྱོགས་པོ་ཐུབ་མེད་པ་དང། ཉེན་རྟོག་པ་བུད་མེད་གཅིག་གི་མགོར་རྡོ་ཕོག་ནས་སྨན་ཁང་དུ་བསྐྱོད་དགོས་བྱུང་ཡོད་འདུག
    འཁྲུག་རྩོད་དེའི་སྐོར་རྩེད་རིགས་ཚོགས་ཆུང་གི་དྲུང་ཆེ་སྐལ་བཟང་དོན་གྲུབ་ལགས་སུ་བཅར་འདྲི་ཞུས་པར། དེའི་སྐོར་ལ་ཚོགས་པའི་ངོས་ནས་གསལ་བཤད་གང་ཡང་མེད། རུ་ཁག་གཉིས་ཀ་རྩེ་མི་ཆོག་པ་ཐ་མའི་ཐག་ཆོད་རེད། དང་ཐོག་རྩེད་འགྲན་པའི་ནང་དུ་འཁྲུག་རྩོད་བྱུང་ཡོད་འདུག དེ་མིན་དེའི་མ་འགྲིག་པ་དང། འདིའི་མ་འགྲིག་པ་རེད་ཅེས་བཤད་རྒྱུ་གང་ཡང་མེད་ཅེས་གསུངས་སོང། ཕན་ཚུན་རྨས་སྐྱོན་བྱུང་བ་དེ་འདྲ་ཡོད་མེད་སྐོར་དྲིས་པར། ཉེན་རྟོག་པ་ཞིག་གི་མགོ་རྨས་འདུག དེ་མིན་ཤེས་རྟོགས་གང་ཡང་མེད་ཅེས་འགྲེལ་བརྗོད་གནང་སོང།།

Print Friendly, PDF & Email
Share on Facebook0Tweet about this on TwitterShare on Google+0Share on LinkedIn0Email this to someone
0 commentsViews: 3

Comments are closed.