འཛམ་གླིང་ནང་གི་མི་ཐུང་ཤོས་ལ་གཟེངས་རྟགས་སྤྲད་པ།

ཁཱ་གྷན་ར་ཐ་པཱ་མཱ་གྷར་ནི་བལ་ཡུལ་གྱི་རྒྱལ་ས་ཀ་ཐ་མན་ཌུ་ནས་རྒྱང་ཐག་ཅུང་ཟད་རིང་བའི་བྷག་ལོན་རྫོང་ཁོངས་སུ་སྐྱེས་ཤིང། སྐྱེས་དུས་ནས་ལྗིད་ཚད་སོགས་མིའི་ཚད་ལོངས་མེད་པ་དང། དེ་ནས་རིམ་གྱིས་ལོ་མང་པོ་སོང་རུང་གཟུགས་པོ་འཚར་ལོངས་བྱུང་མེད་པས། ད་ལྟའི་སྐབས་རང་ལོ་༡༨ ལ་སོན་ཡོད་རུང་གཟུགས་པོ་ཚད་གཞི་བྱིས་པ་ལོ་གསུམ་ཙམ་གྱི་ཚད་ལས་མེད་པ་རེད།

sm11འཛམ་གླིང་ཟིན་ཐོ་ལྷན་ཁང་གི་འཐུས་མི་ཁག་གཅིག བལ་ཡུལ་དུ་ཡོང་ནས་ཁཱ་གྷན་ར་ཐ་པཱ་མཱ་གྷར་གྱི་གཟུགས་པོ་དང་ལོ་ཚད་ལ་ཞིབ་འཇུག་བྱས་ཏེ། འཛམ་གླིང་ཟིན་ཐོའི་ནང་མི་གཟུགས་པོ་ཐུང་ཤོས་ཀྱི་གཟེངས་རྟགས་དེ་སྤྲད་ཡོད་པ་རེད། གཟེངས་རྟགས་ཐོབ་མཁན་མཱ་གྷར་གྱིས་གསར་འགོད་པ་ཚོར། ནང་མི་དང་ཁྱིམ་ཚང་སྐྱོ་པོ་ཡིན་པས་ཁང་པ་སྤུས་གཙང་ཞིག་དགོས་མཁོ་ཆེ་བ་དང། དེ་བཞིན་གང་མགྱོགས་ཆང་ས་རྒྱག་འདོད་ཡོད་སྐོར་སོགས་འགྲེལ་བརྗོད་བྱས་ཡོད་པ་རེད།

འཛམ་གླིང་ཟིན་ཐོ་ཟེར་བ་ནི། འཛམ་གླིང་ནང་ཆེས་ངོ་མཚར་ཆེ་བའི་དངོས་བྱུང་གི་ལོ་རྒྱུས་བཟོ་མཁན་དང། དེ་བཞིན་མི་ལ་ལྷན་སྐྱེས་སུ་ཡོད་པའི་ཐུན་མོང་མ་ཡིན་པའི་ཁྱད་ཆོས། གཟུགས་པོ་ཧ་ཅང་རིང་བ་དང་ཡང་ན་ཧ་ཅང་ཐུང་བ་སོགས་ལ་ཞིབ་འཇུག་བྱས་ཏེ། མཐར་འཛམ་གླིང་ནང་དངོས་པོ་དང་མི་སོགས་ག་འདྲ་ཡིན་རུང་། བསྡུར་གཤིབ་དང་འགྲན་ཡ་མེད་མཁན་རྣམས་ཁྱབ་བསྒྲགས་བྱེད་མཁན་གྱི་ཚོགས་པ་ཞིག་ཡིན་པ་རེད།

{jcomments on}

Share on Facebook0Tweet about this on TwitterShare on Google+0Share on LinkedIn0Email this to someone
Comments Off on འཛམ་གླིང་ནང་གི་མི་ཐུང་ཤོས་ལ་གཟེངས་རྟགས་སྤྲད་པ།Views: 21

Comments are closed.