གྲྭ་འཇམ་དཔལ་རྒྱ་མཚོས་རྒྱ་གཞུང་ལ་ངོ་རྒོལ་བྱས་འདུག

Jampal gyatso 03ཟླ་འདིའི་ཚེས་༩ ཉིན་གྱི་བོད་ནང་གི་ཆུ་ཚོད་༡༢ ཙམ་ལ་བོད་མདོ་སྨད། རྔ་པ་ཀིརྟི་དགོན་པའི་གྲྭ་འཇམ་དཔལ་རྒྱ་མཚོས་༸གོང་ས་མཆོག་གི་སྐུ་པར་ཆེན་པོ་ཞིག་མཐོན་པོར་བསྒྲེངས་ནས་བོད་ལ་རང་དབང་དགོས་པའི་ངོ་རྒོལ་སྐད་འབོད་གནང་བཞིན་རྔ་པ་རྫོང་མཁར་གྱི་གཞུང་ལམ་དུ་གོམ་བགྲོད་བྱས་ཡོད་ཀྱང་།  སྐབས་ཐོག་དེར་ཉེན་རྟོག་པ་ཡོང་ནས་ཁོང་བཙན་ཁྲིད་བྱས་ཡོད་པ་རེད།

གྲྭ་འཇམ་དཔལ་རྒྱ་མཚོ་རྒྱ་གཞུང་གི་ཉེན་རྟོག་པས་བཙན་ཁྲིད་བྱས་རྗེས་ཀྱི་གནས་ཚུལ་གསལ་པོ་ཤེས་རྟོགས་ཐུབ་ཀྱི་མེད་པ་དང་། ཁོང་ནི་རྔ་པ་རྫོང་རྨེའུ་རུ་མ་ཡུལ་ཚོའི་རུ་ཆེན་གསུམ་པའི་ཕ་སུར་ཡ་དང་། མ་ཏཱ་རེ་སྐྱིད་གཉིས་ལ་བུ་གཉིས་དང་བུ་མོ་གཅིག་ཡོད་པའི་ནང་གི་ཆུང་ཤོས་དེ་ཡིན་འདུག ད་ལྟ་རང་ལོ་༢༡ ཡིན་པ་དང་། ཆུང་ཆུང་སྐབས་ནས་རྔ་པ་ཀིརྟི་དགོན་པར་ཆོས་ཞུགས་བྱས་ཏེ་དེང་སྐབས་བློ་རིག་འཛིན་གྲྭ་ཡིན་པའི་གནས་ཚུལ་དྷ་ས་བཞུགས་སྒར་ཀིརྟིའི་བྱེས་པ་གྲྭ་ཚང་གི་བོད་གནས་འབྲེལ་མཐུད་པ་བློ་བཟང་ཡེ་ཤེས་དང་ཀ་ཉག་ཚེ་རིང་གཉིས་ཀྱིས་འགྲེལ་བརྗོད་བྱས་འདུག །
གསར་འགོད་པ་ཆོས་ཉིད་འོད་ཟེར།

Jampal gyatso 02

 

 

 

 

 

 

 

 

བརྙན་འཕྲིན།

Share this:
༩༠ ཀློག་གྲངས།