རྒྱ་གར་གྱི་དབུ་ཁྲིད་ཚོས་ལུང་བསྟན་གནང་བ་དེང་སྐབས་མངོན་སུམ་དུ་ཡོང་བཞིན་ཡོད།

ཟླ་འདིིའི་ཚེས་ ༧ ཉིན་སྲིད་སྐྱོང་བློ་བཟང་སེང་གེས་རྒྱ་གར་རྒྱལ་ས་ལྡི་ལིར་རྟེན་གཞི་བྱས་པའི་གྷན་དིའི་ཞི་བདེའི་ཐེབས་རྩ་ཁང་དུ་ཨཱ་ཅཱརྱ་ཀིར་པ་ལཱ་ནིའི་རྗེས་དྲན་ཚོགས་འདུའི་ཐོག་གསུང་བཤད་གནང་ཡོད་པ་རེད།

ftjuuuརྗེས་དྲན་ཚོགས་འདུའི་ཐོག རྒྱ་གར་གྲོས་ཚོགས་འོག་མའི་དྲུང་ཆེ་ཟུར་པ་སྐུ་ཞབས་སུ་བྷ་སི་ཀཤྱཔ་(Dr. Subhash C. Kashyap) དང་། གཙུག་ལག་སློབ་དཔོན་སྐུ་ཞབས་ཨཱ་ནནྡཱ་ཀུ་མཱར་(Prof. Anand Kumar) དེ་བཞིན་ཨཱ་ཅཱརྱ་ཀིར་པ་ལཱ་ནིའི་རྗེས་དྲན་ཐེབས་རྩ་ཁང་གི་འགན་འཛིན་སྐུ་ཞབས་པ་ཡ་རེ་མོ་ཧན་ཏྲི་པ་ཊི་(Shri Pyare Mohan Tripati) སོགས་ཕེབས་ཡོད་པ་རེད།

སྐྱོང་བློ་བཟང་སེང་གེས་གསུང་བཤད་གནང་དོན། “བོད་མི་ཚོས་རྒྱ་གར་འཕགས་པའི་ཡུལ་འདི་གཙིགས་ཆེ་ཤོས་སུ་འཛིན་བཞིན་ཡོད། ཕྱོགས་གཅིག་ནས་རྒྱ་གར་ནི་བོད་མི་སྐྱབས་བཅོལ་བ་མང་ཤོས་གནས་ཡུལ་གྱི་རྒྱལ་ཁབ་ཅིག་ཡིན་པ་དང་། བོད་མིའི་སྒྲིག་འཛུགས་ཀྱང་རྒྱ་གར་ནང་གཞིས་ཆགས་ཡོད། ལྷག་པར་དུ་དེང་སྐབས་རྒྱ་གར་སྲིད་བློན་མོ་དི་མཆོག་གིས་རྒྱ་གར་ནང་འཛུགས་སྐྲུན་དགོས་པའི་ལས་འགུལ་སྤེལ་བཞིན་པ་དང་མཚུངས་པར། བོད་མིའི་འཐབ་རྩོད་འདི་རྒྱ་གར་ནང་འཛུགས་སྐྲུན་བྱུང་བ་ཞིག་ཡིན་ཞེས་བརྗོད་ཆོག དེར་བརྟེན་ང་ཚོའི་ལས་འགུལ་དེར་ཁྱེད་རྣམ་པས་རྒྱབ་སྐྱོར་གནང་དགོས་པ་དེ་ཆོས་ཕྱོགས་དང་ཆབ་སྲིད། ཁོར་ཡུག ས་བབ་སོགས་གང་ཅིའི་ཐོག་ནས་བོད་དོན་ཐོག་རྒྱབ་སྐྱོར་གནང་དགོས་པ་གལ་ཆེ་ཆགས་ཡོད་སྐོར་རིམ་བཞིན་རྒྱས་སྤྲོས་བྱ་རྒྱུ་ཡིན། ང་ཚོས་སྔོན་མ་ལྡི་ལིར་བོད་དོན་ལས་འགུལ་སྤེལ་སྐབས་གསར་འགྱུར་བརྒྱུད་ལམ་ནང་གནས་ཚུལ་འཐོན་རྒྱུ་ཏོག་ཙམ་དཀོན་པོ་ཡིན། འོན་ཀྱང་དེང་སྐབས་ཨ་རི་དང་ཡུ་རོབ། རྒྱ་གར་སོགས་ནང་ང་རང་བསྐྱོད་སྐབས་བོད་དོན་ཐོག་དོ་སྣང་དང་རྒྱུས་མངའ་ཆེ་བ་ཡོད་པ་མ་ཟད། དེ་སྔ་ལས་རྒྱབ་སྐྱོར་ཤུགས་ཆེ་བ་ཡོད་པ་ཧ་ཅང་གསལ་པོ་འདུག ལྷག་པར་དུ་བསྟི་གནས་ཁང་འདི་བོད་དོན་ཐོག་རྒྱབ་སྐྱོར་གནང་མཁན་གཙོ་གྲས་ཤིག་ཆགས་ཡོད། དེ་བཞིན་ང་ཚོར་རྒྱབ་སྐྱོར་གནང་མཁན་རྒྱ་གར་བའི་ཁྲོད་དེང་སྐབས་འབུམ་རམ་པ་ཊི་ཁ་ Dr. N. K. Trikha ལགས་དང་ཨར་ཀེ་ཀིར་མེ་ RK. Kirmey ལགས། དེ་བཞིན་གཱན་དིའི་ལྟ་གྲུབ་ཉམས་བཞེས་གནང་མཁན་ཚད་ལྡན་ཡིན་པ་སྐུ་ཞབས་སུ་རེནྡྲ་སིངྒ་ལགས་བཅས་ཁྱེད་རྣམ་པ་ཚང་མས་འབད་བརྩོན་ལ་བརྟེན་ནས་བོད་ཀྱི་གནད་དོན་ལ་རྒྱབ་སྐྱོར་བྱེད་དགོས་པ་དེ་རྒྱུ་མཚན་དང་ལྡན་པ་ཞིག་ཡིན་པའི་ར་སྤྲོད་གནང་ཡོད། འདི་ལྟར་ངོས་ཀྱིས་བརྗོད་དགོས་པ་འདི་བརྗོད་གཞི་དང་འབྲེལ་བ་ཡོད་”ཅེས་གསུངས་ཡོད་པ་རེད།

kuhhsསྲིད་སྐྱོང་གིས་མུ་མཐུད་རྗེས་དྲན་ཞུ་སའི་མཁས་དབང་དེ་དང་འབྲེལ་ནས་དོན་སྐོར་གསུང་དོན། “གཙོ་བོ་ང་ཚོ་བོད་མི་ཚོས་འདས་པའི་ལོ་ངོ་ ༥༠ ལྷག་གི་རིང་བོད་ཀྱི་གནད་དོན་ཐོག་འབད་བརྩོན་གནང་བ་དེར་དེ་སྔ་ཕྱི་ལོ་ ༡༩༥༠།༦༠ ནང་དང་བསྡུར་བ་ཡིན་ན། དཔེར་ན་སྐབས་དེར་ཨཱ་ཅཱརྱ་ཀིར་པ་ལ་ནི་ Acharya Kripalani མཆོག་དང་། ཇ་ཡ་པྲ་ཀཱཤ་ན་རཱ་ཡན་ Jayaprakash Narayan མཆོག དེ་བཞིན་དིན་དཱ་ཡལ་ཨུ་པཱ་དྱ་མཆོག Pandit Deendayal Upadhyaya Ram Manohar Lohia དོ་སྣང་རཱམ་མ་ནོ་ཧར་ལོ་ཧི་ཡ་མཆོག དེ་བཞིན་པཎྜི་ཏ་ནེ་རུ་ Pandit Nehru མཆོག ཝལ་ལཱ་བྷ་ཡི་པ་ཊེལ་ Vallabhbhai Patel མཆོག་བཅས་ཚང་མས་བོད་དོན་རྒྱབ་སྐྱོར་གནང་ཡོད། ཁོང་རྣམ་པས་གང་གསུངས་པ་ལྟར་གནས་སྟངས་དེ་མཚུངས་བྱུང་ཡོད་པ་མ་ཟད། དེང་སྐབས་སུའང་དེ་མཚུངས་གནས་སྟངས་ཆགས་བཞིན་ཡོད། དཔེར་ན། ཨཱ་ཅཱརྱ་ཀིར་པ་ལ་ནིས་རྒྱ་ནག་གཞུང་གིས་བོད་སར་བཙན་འཛུལ་བྱས་སྟབས་ད་ཆ་རྒྱ་དཀར་ནག་གཉིས་དབར་བར་ཞུགས་སུ་གནས་མཁན་མེད་པར་གྱུར་ཡོད། བོད་བཙན་འཛུལ་བྱས་རྗེས་རྒྱ་གར་གྱི་ས་མཚམས་སྒོ་ཁར་རྒྱ་མི་བསླེབ་རྒྱུ་རེད་ཅེས་གསུངས་པ་ལྟར་རྒྱ་མི་བསླེབས་ཡོད། དེ་ཙམ་མ་ཟད། རྒྱ་ནག་གཞུང་གིས་བོད་སར་བཙན་འཛུལ་བྱས་པ་དེར་ད་ཆ་རྒྱ་གར་གྱིས་གདོང་ལེན་བྱེད་དགོས། གལ་ཏེ་བོད་ནང་བྱུང་བ་དེ་མཚུངས་བལ་ཡུལ་ལ་བྱུང་བ་ཡིན་ན། ང་ཚོས་རྒྱ་ནག་ལ་དམག་རྒྱག་རྒྱུ་རེད། བཙན་འཛུལ་དེ་བོད་ནང་བྱུང་སྟབས་ང་ཚོས་འགོ་ཁྲིད་ཚོས་གང་ཡང་གནང་མེད་ཅེས་གསུང་མཁན་བྱུང་ཡོད། འོན་ཀྱང་ད་ལྟའི་བལ་ཡུལ་གནས་སྟངས་ལ་གཟིགས་པ་ཡིན་ན། རྒྱ་མི་སླེབས་ཚར་བ་ལྟ་བུ་ཡིན་པ་མ་ཟད། བྷང་ལ་དེ་ཤི་དང་པ་ཀི་སི་ཐན་ནང་སླེབས་ཟིན། དེ་མཚུངས་ཤྲི་ལངྐཱའི་ནང་སླེབ་ཡོང་གི་རེད། གང་ཡིན་བརྗོད་ན། ཨཱ་ཅཱརྱ་ཀིར་པ་ལ་ནིས་གསུངས་པ་ལྟར་བར་བཞུགས་བྱེད་མཁན་རྒྱལ་ཁབ་དེ་མེད་པ་ཆགས་སྐབས་རྒྱ་མི་ཁྱེད་རང་གི་སྒོ་ཁར་བསླེབས་ནས་དཀའ་ངལ་བཟོ་རྒྱུ་རེད། དེང་སྐབས་ལ་དགས་དང་ཨ་རུ་ནཱ་ཅལ་སོགས་རྒྱ་གར་གྱི་ས་མཚམས་སུ་རྒྱ་མིའི་དམག་མིས་བཙན་འཛུལ་བྱས་པའི་གནས་ཚུལ་མང་པོ་གོ་ཐོས་བྱུང་། དཔེར་ན་ཕྱི་ལོ་ ༢༠༡༢ ལོར་རྒྱ་མིའི་དམག་མིས་ཁྲིམས་འགལ་ཐོག་ནས་རྒྱ་གར་ས་མཚམས་སུ་ཐེངས་ ༢༠༠།༣༠༠། ལྷག་འཛུལ་ཡོད་པའི་གནས་ཚུལ་བྱུང་ཡོད། ལྷག་པར་བོད་ནང་དུ་རྒྱ་ནག་གཞུང་གིས་བརྒྱབ་དང་རྒྱག་བཞིན་པའི་གཞུང་ལམ་དེ་དག་དམག་མིའི་གཞུང་ལམ་གྱི་གནས་ཚད་ཡིན་པར་བརྟེན་བོད་ཀྱི་རང་བྱུང་ཐོན་སྐྱེད་དེ་དག་བཤུ་གཞོག་གཏོང་ཆེད་འཕྲུལ་ཆས་ཧ་ཅང་ལྕི་མོའི་རིགས་ལས་སླ་པོའི་ཐོག་ནས་འོར་འདྲེན་བྱེད་ཐུབ་པ་ཙམ་དུ་མ་ཟད། འཕྲུལ་ཆས་དེ་དག་གིས་བོད་ཀྱི་གཏེར་ཁ་གང་བྱུང་སྔོག་བཤེར་བྱས་ནས་གཏེར་དངོས་རྣམས་རྒྱ་ནག་ཏུ་འོར་འདྲེན་བྱས་པ་དང་། ལྷག་པར་གཞུང་ལམ་སྤུས་དག་དེ་དག་ཐོག་དམག་མིའི་སྣུམ་འཁོར་རྣམས་རྒྱ་གར་སོགས་ཁྱིམ་མཚེས་རྒྱལ་ཁབ་དེ་དག་གི་ས་མཚམས་བར་ཧ་ཅང་སྟབས་བདེ་པོའི་ཐོག་ནས་ཡོང་ཐུབ་རྒྱུ་རེད། ལྷག་པར་རྒྱ་ནག་གཞུང་གིས་རྒྱ་ནག་ནས་བོད་ཀྱི་གྲོང་ཁྱེར་ཆེ་ཁག་གཞིས་ཀ་རྩེ་བར་མེ་འཁོར་འབབ་ཚུགས་གསར་འཛུགས་བྱ་རྒྱུ་མ་ཟད། བལ་ཡུལ་དང་སྒང་ཏོག་བར་མེ་འཁོར་འབབ་ཚུགས་གསར་རྒྱག་གི་འཆར་གཞི་འདིང་བཞིན་ཡོད། གལ་ཏེ་རྒྱ་ནག་གཞུང་གིས་རྒྱ་གར་གྱི་ས་མཚམས་བར་མེ་འཁོར་འཛུགས་ཐུབ་པ་ཡིན་ན་གནས་སྟངས་གང་འདྲ་ཞིག་ཡོང་རྒྱུ་རེད། བོད་ནང་དུ་མཚོན་ན་རྒྱ་ནག་གཞུང་གིས་གནམ་ཐང་ ༣༠ བརྒྱབ་ཟིན་པ་མ་ཟད། གནམ་དམག་འབབ་ཚུགས་ཀྱི་གནམ་ཐང་ཆེ་ཁག་ ༦ བརྒྱབ་ཟིན། དེ་ཁྲོད་ཁག་གཅིག་རྒྱ་གར་གྱི་ཨ་རུ་ནཱ་ཅལ་ས་མཚམས་དང་ཐག་ཉེ་པོ་ཡོད། དེར་བརྟེན་ཕྱི་ལོ་ ༡༩༥༠།༡༩༦༠ ནང་རྒྱ་གར་དབུ་ཁྲིད་ཚོས་ལུང་བསྟན་གནང་བ་དེ་དག་དེང་སྐབས་མངོན་སུམ་དུ་ཡོང་བཞིན་ཡོད་”ཅེས་སོགས་གསུངས་ཡོད་པ་རེད།།
གསར་འགོད་པ་ཆོས་ཉིད་འོད་ཟེར།

Share this:
༧༢ ཀློག་གྲངས།