༢༠༠༨ ལོའི་བོད་མིའི་ཞི་རྒོལ་དྲན་གསོའི་འདྲ་པར་གསར་རྙེད།

ku ga from tehor1འདི་གར་འབྲེལ་ཡོད་ཀྱིས་གནས་ཚུལ་བཏང་བའི་ནང་འཁོད་དོན། གཞིས་ནིང་ལོར་བོད་མདོ་དབུས་ཁམས་གསུམ་གྱིས་འབོད་སྒྲ་གཅིག་གི་འོག་ནས་རང་དབང་གི་མངོན་འདོད་དང་རྒྱ་དམར་གྱི་སྲིད་ཇུས་ལ་འགོག་རྒོལ་བྱས་སྐབས། རྒྱ་དམར་གྱིས་མནར་གཅོད་ཚད་ལས་བརྒལ་བའི་གཅར་རྡུང་དང་མི་སྤྱོད་ལས་འདས་པའི་སྦྱོར་ངན་འོག་རང་རེའི་ཤ་ཁྲག་གཅིག་པའི་སྤུན་ཟླ་སྟོང་ཕྲག་མང་པོའི་སྐུ་སྲོག་ཕྲོགས་པ་དང་བཙོན་འཇུག་བྱས་པ། གར་སོང་ཆ་མེད་དུ་གྱུར་པ་སོགས་ཀྱི་ལོ་རྒྱུས་བྱུང་དང་འབྱུང་བཞིན་པའི་སྐབས་རང་རེའི་སྤྱི་སྒེར་སུ་ཡིན་རུང་དུས་ཐོག་ཏུ་གནད་སྨིན་གྱི་གསལ་བསྒྲགས་དང་ཁོར་ཡུག་གི་འགྱུར་འགྲོས་དང་བསྟུན། གོ་སྐབས་དམ་འཛིན་བྱ་རྒྱུ་ནི་རང་རེ་ཤུལ་ལུས་ཚོས་འགན་འཁྲི་ལ་བབས་པའི་འོས་འགན་ཉག་གཅིག་ཡིན།

མདོ་ཁམས་ཏྲེ་ཧོར་ཁུལ་གྱི་སེར་སྐྱ་མང་པོས་ཏྲེ་ཧོར་ཁྲོམ་གཞུང་དུ་ཞི་རྒོལ་བྱས་སྐབས་རྒྱ་དམར་གྱིས་སྐུ་སྲོག་བཀྲོངས་པའི་རྒྱལ་གཅེས་དཔའ་བོ་ཀུན་དགའ་ལགས་ནི་ཏྲེ་བོ་གྲ་ལ་ལྟག་མ་ཚང་དུ་སྐྱེས་ཤིང། མེ་ཏོག་གི་ཚལ་ཁ་ནས་ཚར་ལོངས་བྱུང།  དགུང་ལོ་༡༨ཐོག་མེ་མདའི་སོ་ཁ་ནས་རང་ཉིད་ཀྱི་ཡོད་ཚད་བློས་བཏང་བྱས་ཏེ་ལས་དབང་ཡོད་ཚད་གངས་ཅན་པའི་ཆེད་དུ་ཕུལ་ནས་དེ་རིང་བར་མི་ལོ་གསུམ་འཁོར་ལ་ཉེ་བའི་དུས་འདིར་ངེད་མདོ་དབུས་ཁམས་གསུམ་གྱི་རྒྱལ་གཅེས་དཔའ་བོ་དཔའ་མོ་ཚོར་རྗེས་དྲན་ཆེད་་་་་་་་་་་གསར་རྙེད་བྱུང་བའི་ཀུན་དགའ་ལགས་ཀྱི་ཕུང་པོའི་པར་རིས་འདིར་གཟིགས་ཏེ། རང་རེ་བྱེས་འབྱོར་བ་ཚོས་བོད་བསྟན་སྲིད་ཆེད་ཤ་ཁྲག་རུས་གསུམ་གྱིས་མཆོད་སྦྱིན་དུ་ཕུལ་མ་ཐུབ་ཀྱང་ཁོ་ཚོའི་དྲང་བདེན་གྱི་ལམ་ཁ་ནས་འཚོལ་བའི་གཟི་བརྗིད་འོད་སྣང་ལ་གཡོ་ཟུར་མེད་པ་ཤར་བསྐྱོད་བྱེད་རོགས་ཞེས་ཞེ་བསམ་པའི་སྟེང་ནས་རེ་བ་འདི་བསྐུལ་བའོ་ཞེས་འདྲ་པར་མཁོ་གཏོང་བས་བྲིས་འདུག །

{jcomments on}

Share this:
༡༦ ཀློག་གྲངས།