༄༅།། ཕ་མའི་བྱམས་བརྩེ་དྲན་པའི་གདུང་འཔོད།།

དྲི་མེད་འོད་ཞགས་ཀྱི་བརྩེ་བ།།

བྱམས་ཆེན་ཕ་མ་ཡི་དུང་སེམས།།

ལྷོ་མཐའ་བྱང་མཐའ་ནི་ཉུལ་ཡང་།།

བརྗེད་པའི་གོ་སྐབས་དེ་མི་སྲིད།།

གསེར་ཆུ་རྫ་ཆུ་ཡི་བཞུར་རྒྱུན།།

མཐའ་མེད་རྒྱ་མཚོ་ལ་འདྲེས་སོང་།།

དྲིན་ཆེན་ཕ་མ་ཡི་དུང་སེམས།།

བུ་ངས་སེམས་ཁོང་ལ་འཐིམས་སོང་།།

དྲིན་ལན་རྫོགས་མཐའ་དེ་མེད་མོད།།

བྱམས་ཆེན་ཕ་མ་ཡི་རེ་བ།།

བདག་གི་སེམས་གཏིང་ནས་བསྒུབ་འདོད།།

དམ་བཅའ་སྙིང་དབུས་ལ་བྲིས་ཡོད།།

ཕུགས་བསམ་བུ་ང་ལ་ཕྱོགས་པའི།།

དྲིན་ཆེན་ཕ་མ་ཡི་བརྩེ་བ།།

ཁེར་རྐྱང་བུ་ང་ཡི་དྲན་སྐབས།།

མིག་ཟུང་རླན་གཤེར་གྱི་ཁེངས་སོང་།།


 

Share this:
༩༠༩ ཀློག་གྲངས།