བོད་དོན་རྒྱབ་སྐྱོར་ཚོགས་ཆེན་གྱི་སྙན་ཐོ།

དབུ་འབྱེད་མཛད་སྒོའི་ཐོག་ཕྱི་དྲིལ་བཀའ་བློན་སྟག་ལྷ་སྐལ་བཟང་དབྱངས་སྐྱིད་མཆོག་གིས་དབྱིན་སྐད་ཐོག་དཔེ་དེབ་སྐོར་གྱི་གསར་འགོད་གསལ་བསྒྲགས་སྒྲོགས་སྦྱང་ཡོད་པ་རེད།   དཔེ་དེབ་དེ་ནི་རྒྱལ་སྤྱིའི་བོད་དོན་རྒྱབ་སྐྱོར་ཚོགས་པའི་ཚོགས་ཆེན་ཐེངས་དྲུག་པའི་སྙན་ཐོ་ཡིན་པ་དང་། བོད་དོན་རྒྱབ་སྐྱོར་ཚོགས་ཆེན་ཐོག་གི་་གསུང་བཤད་གལ་ཆེ་ཁག་བཀོད་ཡོད་པ་རེད།

ngawang phelge1རྒྱལ་སྤྱིའིི་བོད་དོན་རྒྱབ་སྐྱོར་ཚོགས་ཆེན་ཐེངས་དྲུག་པ་དེ་ཕྱི་ལོ་ ༢༠༡༠ ཟླ་ ༡༡ ཚེས་ ༥_༧ བར་རྒྱ་གར་གྱི་མངའ་སྡེ་ཧརི་ཡ་ནའི་གྲོང་སྡེའི་ནང་འཚོགས་པ་དང་། ཚོགས་ཆེན་གྱི་བརྗོད་གཞིའི་རྒྱབ་ལྗོངས་གཙོ་བོ་ནི་༢༠༠༨ ལོར་བོད་ས་ཁྱོན་ཡོངས་སུ་བོད་མིའི་ཞི་རྒོལ་བྱུང་བ་དེའི་སྐོར་ཡིན་པ་དང་རྒྱ་གཞུང་ནས་བོད་མིའི་ཞི་རྒོལ་ལ་དྲག་གནོན་གྱི་སྲིད་བྱུས་ལག་བསྟར་བྱས་པར་སྔར་བྱུང་མ་མྱོང་བའི་རྒྱལ་སྤྱིའི་སྐྱོན་བརྗོད་བྱས་ཡོད་པ་བཅས་ཀྱི་སྐོར་ཡིན་པ་རེད།
གསལ་བསྒྲགས་དེའི་ནང་འཁོད་དོན། “ང་ཚོའི་བསམ་པར་ཚོགས་ཆེན་གྱི་མ་འོངས་པའི་ལག་བསྟར་འཆར་གཞི་འདིས་རྒྱལ་སྤྱིའི་བོད་དོན་རྒྱབ་སྐྱོར་ཚོགས་པའི་ལས་འགུལ་དང་བྱེད་ཕྱོགས་ཁག་ཆ་ཚང་བ་དང་ལག་ལེན་དོན་འཁྱོལ་ཡོང་སླད་ལམ་སྟོན་ཡོང་རྒྱུ་དང་། དེ་ཙམ་མ་ཟད་ང་ཚོའི་ཡིད་ཆེས་ལ་མ་འོངས་པའི་ལག་བསྟར་འཆར་གཞི་འདིས་རྒྱབ་སྐྱོར་ཚོགས་པའི་ལས་འགུལ་ལ་ནུས་སྟོབས་གསར་པ་དང་ཁ་ཕྱོགས་གསར་པ་ཞིག་ཀྱང་བསྐྲུན་ཐུབ་རྒྱུའི་རེ་བ་བྱེད་བཞིན་ཡོད་”ཅེས་དང། “བོད་དོན་རྒྱབ་སྐྱོར་ཚོགས་པའི་ཚོགས་མི་རྣམས་དང་བླངས་བ་ཤ་སྟག་ཡིན་པ་དང་ཁོང་ཚོས་མ་བསྐུལ་དང་བླངས་ཐོག་དངོས་ཤུགས་རྒྱུད་གསུམ་གྱིས་བོད་ཀྱི་གནད་དོན་རང་རང་སོ་སོའི་ས་ཁུལ་དུ་དྲིལ་བསྒྲགས་དང་ལས་འགུལ་སྤེལ་དང་སྤེལ་བཞིན་ཡོད། རྒྱལ་སྤྱིའི་བོད་དོན་རྒྱབ་སྐྱོར་ཚོགས་པའི་ཚོགས་ཐེངས་དྲུག་པའི་སྐབས་ཚོགས་བཅར་བ་རྣམས་ཀྱི་གོ་བསྡུར་ལྷུག་པོ་གནང་སྟེ་ད་ལྟའི་བོད་ཀྱི་གནས་སྟངས་གཞིར་འཛིན་ཐོག་མ་འོངས་པར་ལག་བསྟར་འཆར་གཞི་སྤེལ་ཐབས་གནང་ཡོད་ཅིང་ང་ཚོའི་རེ་བ་ལ་འབྱུང་འགྱུར་བྱེད་འཆར་དེ་དག་གི་བོད་ནང་འགྲོ་བ་མིའི་ཐོབ་ཐང་གི་གནས་སྟངས་ཡར་རྒྱས་དང་རྒྱབ་སྐྱོར་ཚོགས་པའི་མ་འོངས་ལས་གཞི་ཁག་ལ་ལམ་སྟོན་ཡོང་ངེས་ཡིན་”ཞེས་འཁོད་འདུག
མུ་མཐུད་གསལ་བསྒྲགས་དེའི་ནང་འཁོད་དོན། “ཐེངས་འདིར་དམིགས་བསལ་འདོད་བློ་ཚིམ་པའི་གནས་ཚུལ་ཞིག་ནི་ཚོགས་ཆེན་ཐེངས་དྲུག་པ་འདིའི་ཐོག་རྒྱ་རིགས་ཀྱི་ཚོགས་བཅར་བ་མང་དག་ཅིག་མཉམ་ཞུགས་གནང་ཡོད། ཁོང་ཚོས་བོད་མིའི་འཚེ་བ་མེད་པའི་འཐབ་རྩོད་ལ་གདུང་སེམས་མཉམ་སྐྱེ་གནང་བ་དེས་བོད་མི་དང་རྒྱལ་སྤྱིའི་བོད་དོན་རྒྱབ་སྐྱོར་ཚོགས་པ་བཅས་ལ་བློ་སྤོབས་ཤུགས་ཆེ་འཕེལ་བ་མ་ཟད། རྒྱ་རིགས་སྤུན་ཟླ་ཇེ་མང་གིས་བོད་མིའི་དངོས་ཡོད་གནས་ཚུལ་ལ་རྒྱབ་སྐྱོར་ཇེ་ཆེར་འགྲོ་བཞིན་ཡོད་པ་འདིས་རྒྱ་ནག་གཞུང་ཕྱོགས་ནས་རྒྱལ་སྤྱིའི་བོད་དོན་ལས་འགུལ་ཁག་རྒྱ་ནག་དང་རྒྱ་མི་རིགས་ལ་ངོ་རྒོལ་རེད་ཅེས་བཤད་པ་དེ་དག་བརྫུན་གཏམ་ཡིན་པའི་བརྡ་ལན་གསལ་པོ་ཞིག་སྤྲད་ཡོད་”ཅེས་འཁོད་པ་རེད།

བོད་དོན་རྒྱབ་སྐྱོར་ཚོགས་ཆེན་ཐེངས་དྲུག་པའི་དབུ་འབྱེད་མཛད་སྒོའི་ཐོག་༸གོང་ས་མཆོག་ནས་ཚོགས་བཅར་བ་རྣམས་ལ་བཀའ་སློབ་གནང་བ་དང་། དེ་བཞིན་སྐུ་མགྲོན་གཙོ་བོ་རྒྱ་གར་གྱི་སྲིད་བློན་གཞོན་པ་ཟུར་པ་ཨ་ངྷེ་ཝ་ནི་མཆོག (L K Advani) དང་རྒྱ་གར་གྱི་ཕྱི་སྲིད་དུང་ཆེ་ཟུར་པ་སྐུ་ཞབས་ཀན་ཝལ་སི་བལ་མཆོག་ (Kanval Sibal) ཧི་མ་ཅལ་མངའ་སྡེའི་བློན་ཆེན་ཟུར་པ་སྐུ་ཞབས་ཝི་ཇེ་སིལྷག་མན་ཀོ་ཏི་ཨ་མཆོག་ (Major Vijay Singh Mankotia) བཅས་ཀྱི་རྒྱབ་སྐྱོར་དང་གསུང་བཤད་གནང་བ་དང་། ཚོགས་ཆེན་ཐོག་རྒྱལ་ཁབ་ཁག་ ༥༧ ནས་ཕེབས་པའི་ཚོགས་བཅར་བ་གྲངས ༢༥༨ ནས་མཉམ་ཞུགས་གནང་ཡོད།།

Share this:
༣༧ ཀློག་གྲངས།