ལྷ་ས་ཁུལ་གྱི་དགོན་སྡེ་ཁག་ཅིག་སྒོ་འབྱེད་རྒྱུ་ཡིན་པའི་གསལ་བསྒྲགས་སྤེལ་འདུག

རྒྱ་ནག་གཞུང་ནས་རྒྱལ་སྤྱིའི་ནང་དུ་ཏོག་དབྱིབས་ནད་དུག་ལ་འཐབ་རྒོལ་གྱི་གྲུབ་འབྲས་ཐོན་ཡོད་པའི་རྣམ་པ་སྟོན་ཐབས་བྱེད་བཞིན་ཡོད་པ་ལྟར། བོད་ཀྱི་རྒྱལ་ས་ལྷ་ས་ཁུལ་གྱི་དགོན་སྡེ་སོགས་ཆོས་ལུགས་ཀྱི་བྱེད་སྒོ་སྤེལ་ཡུལ་མང་པོ་ཞིག་སྒོ་འབྱེད་རྒྱུ་ཡིན་པའི་གསལ་བསྒྲགས་སྤེལ་འདུག དེ་ཡང་བོད་ནང་གི་ཀྲུང་གོའི་བོད་ལྗོངས་དྲ་བའི་ཐོག་ཏུ་སྤེལ་བའི་གནས་ཚུལ་ཞིག་ནང་དུ། ལྷ་ས་གྲོང་ཁྱེར་ནང་བསྟན་མཐུན་ཚོགས་ཀྱིས། ཟླ་༣ པའི་ཚེས་༣༡ ཉིན་ནས་ལྷ་ས་གྲོང་ཁྱེར་ལྟེ་བ་ནས་ཐག་རིང་བའི་དགོན་སྡེ་སོགས་ཆོས་ལུགས་བྱེད་སྒོ་སྤེལ་ཡུལ་༢༡༤ སྒོ་ཕྱར་རྒྱུ་གཏན་འཁེལ་བྱུང་ཡོད་སྐོར་བསྒྲགས་འདུག འོན་ཀྱང་ཏོག་དབྱིབས་ནད་དུག་ལ་དོགས་ཟོན་ཆེད་དུ། དགོན་པའི་སྒོ་ནས་ཚ་བ་བལྟ་བ་སོགས་སྔོན་འགོག་གི་ལས་དོན་སྤེལ་དགོས་པའི་གསལ་བསྒྲགས་སྤེལ་འདུག དེ་ཡང་གསལ་བསྒྲགས་དེའི་ནང་། “སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གལ་ཆེའི་གསུང་བཤད་དང་མཛུབ་སྟོན་གྱི་དགོངས་དོན་ལག་བསྟར་དོན་འཁྱོལ་གཏིང་ཟབ་དང་། ལྗོངས་ཏང་ཨུད་དང་ལྷ་ས་གྲོང་ཨུད་ཀྱི་བཀའ་བཀོད་གསར་པ་དང་རེ་བ་གསར་པ་ལག་བསྟར་དོན་འཁྱོལ་བྱ་ཆེད། ལྷ་ས་གྲོང་ཁྱེར་ནང་བསྟན་མཐུན་ཚོགས་ཀྱིས་གྲོང་ཁྱེར་ཡོངས་ཀྱི་བོད་བརྒྱུད་ནང་བསྟན་གྱི་ཆོས་ལུགས་བྱེད་སྒོ་སྤེལ་ཡུལ་གྱི་གནས་སྟངས་དང་། གཞི་ཁྱོན། ཤུགས་རྐྱེན། དེ་བཞིན་རིམས་ནད་སྔོན་འགོག་ཚོད་འཛིན་སོགས་ལ་གཞིགས་ཏེ། རིམ་གྱིས་སྒོ་ཕྱེ་བའི་རྩ་དོན་ལྟར། སྔོན་ལ་ཐག་རིང་དང་། དེ་ནས་རྫོང་གྲོང་།

Read more

བོད་ཀྱི་མཛངས་མ་འགྲན་སྡུར་ཕར་འགྱངས་བྱས་འདུག

བོད་ཀྱི་མཛངས་མ་འགྲན་སྡུར་གོ་སྒྲིག་པ་བློ་བཟང་དབང་རྒྱལ་གྱིས་གསལ་བསྒྲགས་སྤེལ་དོན་ལ། ཏོག་དབྱིབས་ནད་ཡམས་རྐྱེན་པས། འདི་ལོའི་ཟླ་༦ པའི་ཚེས་༥ ནས་༧ བར་རྡ་ས་མེག་གྷན་དུ་གོ་སྒྲིག་བྱེད་འཆར་ཡོད་པའི་བོད་ཀྱི་མཛངས་མ་འགྲན་སྡུར་ཐེངས་༡༨ པ་དེ། ལོ་གཅིག་རིང་ཕར་འགྱངས་བྱས་ཏེ་ཕྱི་ལོ་༢༠༢༡ ལོའི་ཟླ་༦ པའི་ཚེས་༤ ནས་༦ བར་རྡ་ས་མེག་གྷན་དུ་གོ་སྒྲིག་བྱེད་རྒྱུ་རེད་འདུག དེ་ཡང་འདི་ལོར་འགྲན་སྡུར་ལ་མཉམ་ཞུགས་བྱེད་མཁན་ཚོར། འདི་ལོའི་ཟླ་༡༢ པའི་ནང་བསྐྱར་དུ་དེབ་སྐྱེལ་བྱེད་དགོས་པའི་བརྡ་ལན་སྤྲད་ཟིན་འདུག ལོ་སྔོན་མར་བོད་ཀྱི་མཛངས་མ་འགྲན་སྡུར་ལ་དེབ་སྐྱེལ་བྱེད་མཁན་གཅིག་ཀྱང་བྱུང་མེད་པས། འགྲན་སྡུར་གོ་སྒྲིག་བྱེད་ཐུབ་མེད་པ་རེད།། གསར་འགོད་པ་སྐལ་བཟང་དོན་གྲུབ།

Read more

འཛམ་གླིང་འཕྲོད་བསྟེན་ལྷན་ཚོགས་ལ་སྐྱོན་བརྗོད་བྱེད་མཁན་མང་དུ་འགྲོ་བཞིན་འདུག

འཛམ་གླིང་འཕྲོད་བསྟེན་ལྷན་ཚོགས་ཀྱིས་རྒྱ་ནག་གཞུང་གི་ནོར་འཁྲུལ་སྲུང་སྐྱོབ་བྱས་ཏེ་བསྟོད་བསྔགས་དང་། དེ་བཞིན་ཐའེ་ཝན་གྱི་ནད་ཡམས་བཀག་འགོག་གི་གྲུབ་འབྲས་མངོན་གསལ་ལ་སྣང་ཆུང་བྱེད་བཞིན་ཡོད་པས། རྒྱལ་སྤྱིའི་ནང་ལྷན་ཚོགས་ཀྱི་བྱེད་སྟངས་དེ་ལ་བརྟེན་ནས་སྐྱོན་བརྗོད་བྱེད་མཁན་མང་དུ་འགྲོ་བཞིན་འདུག ཟླ་༣ པའི་ཚེས་༣༡ ཉིན་རྒྱལ་སྤྱིའི་བརྒྱུད་ལམ་ཁག་ཏུ་གནས་ཚུལ་སྤེལ་གསལ། ཉེ་ཆར་ཧོང་ཀོང་གི་བརྙན་འཕྲིན་ལས་ཁང་ཞིག་གིས། འཛམ་གླིང་འཕྲོད་བསྟེན་ལྷན་ཚོགས་ཀྱི་འགན་འཛིན་གཞོན་པར་བཅར་འདྲི་བྱས་སྐབས། གསར་འགོད་པས་འཛམ་གླིང་འཕྲོད་བསྟེན་ལྷན་ཚོགས་ཀྱིས་ཐའེ་ཝན་ལ་ཚོགས་མིར་དེབ་སྐྱེལ་བྱེད་དུ་འཇུག་འཆར་ཡོད་མེད་དྲིས་སྐབས། ཁོང་གིས་ཐོག་མར་དྲི་བ་གོ་ཡི་མེད་མདོག་བྱས་པ་དང་། རྗེས་སུ་དྲི་བ་རྗེས་མ་དེ་གཏོང་བའི་རེ་སྐུལ་བྱས་ཏེ་གནད་དོན་དེའི་ཐོག་ལན་འདེབས་བྱས་མེད་པ་དང་། དེ་བཞིན་ཐའེ་ཝན་གྱིས་ཏོག་དབྱིབས་ནད་དུག་བཀག་འགོག་གི་ལས་དོན་གྱི་གྲུབ་འབྲས་ཐོག་བསམ་ཚུལ་དྲིས་སྐབས། ཁོང་གིས་རྒྱ་ནག་གི་མངའ་ཁོངས་ཚང་མས་ལས་དོན་ཡག་པོ་སྒྲུབ་བཞིན་ཡོད་སྐོར་ལན་འདེབས་བྱས་འདུག ཨ་རིའི་གྲོས་ཚོགས་གོང་མའི་འཐུས་མི་གཉིས་ཀྱིས་འཛམ་གླིང་འཕྲོད་བསྟེན་ལྷན་ཚོགས་ཀྱི་བྱེད་སྟངས་དེར་སྐྱོན་བརྗོད་བྱས་ཏེ། ལྷན་ཚོགས་དེ་རྒྱ་ནག་གི་རྒྱུག་ཁྱི་འདྲ་རུ་འགྲོ་ཡི་ཡོད་པ་དང་། འཐབ་ས་མདུན་མར་ལས་ཀ་བྱེད་མཁན་ལྷན་ཚོགས་ཀྱི་ལས་མི་ཚོས་ལས་ཀ་ཡག་པོ་བྱེད་ཀྱི་ཡོད་ཀྱང་། ལྷན་ཚོགས་ཀྱི་འགོ་ཁྲིད་ཁག་ཅིག་གིས་ཏོག་དབྱིབས་ནད་དུག་གི་མགོ་སྟོད་ནས་བཟུང་རྒྱ་ནག་ལ་སྲུང་སྐྱོབ་བྱེད་ཀྱི་ཡོད་སྐོར་བརྗོད་འདུག གནས་ཚུལ་དེ་མ་བྱུང་བའི་སྔོན་ནས། འཛམ་གླིང་འཕྲོད་བསྟེན་ལྷན་ཚོགས་ཀྱིས་རྒྱ་ནག་གཞུང་གི་ཏོག་དབྱིབས་ནད་ཡམས་བཀག་འགོག་གི་ལས་དོན་ལ་བསྟོད་བསྔགས་བྱས་ཡོད་པས། འཕྲོད་བསྟེན་ཆེད་ལས་པ་དང་ལས་འགུལ་བ་སོགས་མང་པོ་ཞིག་གིས་སྐྱོན་བརྗོད་ཆེན་པོ་བྱས་ཡོད་ཁར།

Read more

༧གོང་ས་མཆོག་གིས་ནད་ཡམས་ཐོག་དམིགས་བསལ་གསུང་འཕྲིན་བསྩལ་འདུག

ཟླ་༣ པའི་ཚེས་༣༠ ཉིན་༧གོང་ས་མཆོག་གིས་ཏོག་དབྱིབས་ནད་ཡམས་ཐོག་དམིགས་བསལ་གསུང་འཕྲིན་ཞིག་བསྩལ་འདུག་པ་དང་། དེའི་ནང་འཁོད་དོན། ” དེང་སང་འཛམ་གླིང་གང་སར་ནད་ཡམས་ཀྱི་དཀའ་ངལ་དམིགས་བསལ་ཞིག་འཕྲད་མུས་དང། སྤྱིར་ནས་འཛམ་གླིང་སྤྱིའི་གནམ་གཤིས་ཚ་དྲོད་འགྱུར་ལྡོག་གི་གནས་བབ་ཛ་དྲག་ཏུ་གྱུར་པ་སོགས་དཀའ་ངལ་སྣ་ཚོགས་ཤིག་འཕྲད་བཞིན་ཡོད། འོན་ཀྱང་རྒྱ་གར་གཞུང་གིས་མཚོན་འཛམ་གླིང་གང་ས་ནས་གདོང་ལེན་གནང་མུས་ལ་ཡི་རང་དང་བསྔགས་བརྗོད་ཞུ། རྒྱ་གར་གནའ་རབས་ཀྱི་རིག་གཞུང་ནང་འཛམ་གླིང་བྱེ་བ་ཕྲག་བརྒྱ་ཆགས་གནས་འཇིག་སྟོང་བར་མ་ཆད་དུ་བྱུང་དང་འབྱུང་མུས་དང་། འཇིག་རྟེན་འདི་འཇིག་པ་ན་མཚོན་དང་ནད་དག་གིས་འཇིག་པར་ཡང་གསུངས་པ་དེ་དག་ནི་ད་ཆར་མངོན་སུམ་ལྟ་བུར་སྣང་། གང་ལྟར་ཡང་འཇིག་རྟེན་འདིར་གོད་ཆགས་སྣ་ཚོགས་འབྱུང་བའི་སྐབས་སོ་སོར་སྲོག་ཆགས་སྤྱི་དང་། མིའི་རིགས་ཀྱིས་གདོང་ལེན་གྱིས་མུ་མཐུད་འཚོ་བཞིན་ཡོད། ཞུམ་པས་སྡུག་བསྔལ་ལས་མི་གྲོལ་བས་དཀའ་ངལ་ཇི་འདྲ་ཞིག་འཕྲད་ཀྱང་སྙིང་སྟོབས་བསྐྱེད་དེ་མིའི་རྣམ་དཔྱོད་དང་། དེང་དུས་རིག་འཕྲུལ་ཟུང་འབྲེལ་གྱིས་སེལ་ཐབས་བྱེད་དགོས། ཅི་སྟེ་སེལ་དུ་མེད་པའི་དཀའ་ངལ་ཞིག་འཕྲད་ནའང་། གལ་ཏེ་བཅོས་སུ་ཡོད་ན་ནི།། དེ་ལ་མི་དགར་ཅི་ཞིག་ཡོད།། གལ་ཏེ་བཅོས་སུ་མེད་ན་ནི།། དེ་ལ་མི་དགར་བྱས་ཅི་ཕན།། ཞེས་པ་ལྟར་ཡིན་པས་དངངས་སྐྲག་བྱ་དགོས་མེད།

Read more

རྒྱལ་ཡུམ་ཆེན་མོའི་རྐང་སྤོལ་རྩེད་འགྲན་ལོ་གཅིག་རིང་ཕར་འགྱངས་བྱས་འདུག

རྒྱ་ནག་ནས་ཐོན་པའི་ཏོག་དབྱིབས་ནད་དུག་འཛམ་གླིང་གང་སར་ཁྱབ་བརྡལ་འགྲོ་བཞིན་པ་དང་བསྟུན། འདི་ལོའི་རྒྱལ་ཡུམ་ཆེན་མོའི་རྐང་སྤོལ་རྩེད་འགྲན་དེ་ལོ་གཅིག་རིང་ཕར་འགྱངས་བྱེད་རྒྱུ་ཐག་གཅོད་བྱུང་བའི་གསལ་བསྒྲགས་གནང་སོང་། ཟླ་༣ པའི་ཚེས་༢༧ ཉིན་བོད་རྒྱལ་ཡོངས་རྩེད་རིགས་ཚོགས་པའི་སྤྱི་ཁྱབ་དྲུང་ཆེ་པ་སངས་རྡོ་རྗེ་ལགས་ཀྱིས་ངོ་དེབ་བརྒྱུད་ནས་གསལ་བསྒྲགས་བྱེད་དོན་ལ། འཆར་གཞི་ལྟར་བྱས་ན་འདི་ལོའི་ཟླ་༥ པའི་ཚེས་༣ ཉིན་ནས་རྒྱ་གར་བྱང་ཕྱོགས་རྡེ་ར་རྡུན་དུ་ཡོད་པའི་བོད་མིའི་གཞིས་སྒར་དོན་གྲུབ་གླིང་དུ། རྒྱལ་ཡུམ་ཆེན་མོའི་དྲན་རྟེན་རྐང་སྤོལ་རྩེད་འགྲན་ཐེངས་༢༦ པ་གོ་སྒྲིག་བྱེད་རྒྱུ་ཡིན་པ་དང་། རྩེད་འགྲན་ལ་དེབ་སྐྱེལ་བྱེད་མཁན་རུ་ཁག་༡༤ བྱུང་ཡོད་ཀྱང་། རྒྱ་གར་ནང་ཏོག་དབྱིབས་ནད་དུག་ཁྱབ་བརྡལ་འགྲོ་བཞིན་པའི་རྐྱེན་གྱིས་ཟླ་༤ པའི་ཚེས་༡༥ བར་འགྲོ་བསྐྱོད་བཀག་སྡོམ་བྱེད་རྒྱུ་ཡིན་ཡང་། དེའི་རྗེས་སུ་གནས་སྟངས་གང་འདྲ་ཆགས་མིན་ཚོད་དཔག་བྱེད་རྒྱུ་ཁག་པོ་ཡིན་པས། གྲོས་སྡུར་རིམ་པ་བྱས་རྗེས། འདི་ལོའི་རྒྱལ་ཡུམ་ཆེན་མོའི་རྐང་སྤོལ་འགྲན་སྡུར་ལོ་གཅིག་རིང་ཕར་འགྱངས་བྱས་ཏེ། ཕྱི་ལོ་༢༠༢༡ ལོའི་ཟླ་༥

Read more

ཨོ་ལིམ་ཕིག་རྩེད་འགྲན་ཆེན་མོ་ལོ་གཅིག་ལ་ཕྱིར་འགྱངས་བྱས་འདུག 

ཏོག་དབྱིབས་ནད་ཡམས་ཀྱི་དཀའ་ཉེན་ཇེ་ཆེར་འགྱུར་བཞིན་པར་བརྟེན། ཉི་ཧོང་གི་སྲིད་བློན་ཤིན་ཛོ-ཨ་བྷེ་(Shinzo Abe)དང་། རྒྱལ་སྤྱིའི་ཨོ་ལིམ་ཕིག་ལྷན་ཚོགས་ཀྱི་ཚོགས་གཙོ་ཐོ་མ་སི-བྷ་ཁི་(Thomas Bach)གཉིས་ཀྱིས་ཕྱི་ལོ་ ༢༠༢༠ ལོའི་ཨོ་ལིམ་ཕིག་རྩེད་འགྲན་ཆེན་མོ་ལོ་གཅིག་ལ་ཕྱར་འགྱངས་བྱེད་པའི་མོས་མཐུན་གནང་འདུག  དེ་ཡང་རྒྱ་ནག་ནས་གོ་ལ་ཁྱོན་ལ་ཁྱབ་པའི་ཏོག་དབྱིབས་ནད་ཡམས་ཀྱི་ཁྱབ་ཚད་དང་། དཀའ་ཉེན་ཉིན་རེ་ལས་མ་འདས་པར་ཇེ་ཆེ་ནས་ཇེ་ཆེར་གྱུར་ཏེ་འགྲོ་བ་མིའི་རིགས་སྤྱི་ལ་བསམ་ཡུལ་ལས་འདས་པའི་ཉེན་ཁ་འཕྲད་བཞིན་པའི་དུས་སྐབས་ཁྲོད། ཁེ་ན་ཊ་དང་ཨོ་སི་ཁྲུ་ལི་ཡས་གཙོས་པའི་རྒྱལ་ཁབ་རྣམས་ཀྱིས་རྒྱལ་སྤྱིའི་ཨོ་ལིམ་ཕིག་རྩེད་འགྲན་ལྷན་ཚོགས་ལ་འདི་ལོའི་ཕྱི་ཟླ་ ༧ ཚེས་ ༢༤ ནས་ཕྱི་ཟླ་ ༨ ཚེས་ ༩ བར་ཉི་ཧོང་གི་རྒྱལ་ས་ཐྲོ་ཁེའོ་(Tokyo)རུ་འཚོགས་གཏན་ཁེལ་བའི་རྩེད་འགྲན་ཆེན་མོ་དེ་ཕར་འགྱངས་དགོས་པའི་གནོན་ཤུགས་སྤྲད་པ་ལྟར། སྙན་གྲགས་ཆེ་བའི་རྒྱལ་སྤྱིའི་རྩེད་འགྲན་ཆེན་མོ་དེ་དངོས་སུ་ཕར་འགྱངས་བྱེད་རྒྱུ་གསལ་བསྒྲགས་བཏང་འདུག ལོ་བཞི་རེའི་ནང་ཐེངས་རེར་སྐོང་འཚོགས་བྱེད་པའི་ཨོ་ལིམ་ཕིག་རྩེད་འགྲན་ཆེན་མོ་ནི།

Read more

ཟབ་སྦྱོང་སྤྲོད་པར་ཟབ་མོ་ཤེས་དགོས།

བོད་ཀྱི་བང་ཆེན་སྤྱིའི་འདོན་ཐེངས་ ༧༩༤  ཕྱི་ལོ་ ༢༠༢༠/༠༣/༡༨ བཙན་བྱོལ་བོད་པའི་སྤྱི་ཚོགས་སུ་མིའི་ནུས་པ་གསོ་སྐྱོང་ཆེད་འདས་པའི་ངོ་ལོ་ཉི་ཤུ་ཙམ་གྱི་རིང་། ཟབ་སྦྱོང་གང་མང་ཞིག་སྤྲོད་སྲོལ་དར་བ་དང་། དེ་ལ་བརྟེན་ནས་སྤྱི་ཚོགས་ནང་ཕྱོགས་གཅིག་ནས་ལས་དོན་བྱེད་སྟངས་མང་པོ་ཞིག་ལ་རྒྱུས་མངའ་ཡོང་ཐབས་སོགས་ལག་ལེན་དངོས་ལ་ཕན་ཐོགས་ཆེན་པོ་བྱུང་ཡོད། སྐབས་རེ་ཟབ་སྦྱོང་དེ་སྐར་མ་ལྔ་ཅན་གྱི་མགྲོན་ཁང་དུ་གོ་སྒྲིག་བྱས་པ་སོགས་ཀྱིས་སྤྱི་ཚོགས་ནང་། ཟབ་སྦྱོང་མ་རེད་ཟ་སྦྱོང་རེད། ཟེར་མཁན་ཡང་ཡོད། གང་ལྟར་ཕྱི་རྒྱལ་གྱི་རོགས་ཚོགས་ཁག་ལ་མཚོན་ནའང་། ཟབ་སྦྱོང་ལ་རོགས་དངུལ་གནང་མཁན་མང་པོ་ཡོད་པས་ཟབ་སྦྱོང་ནི་ད་ལྟའི་ཆར་བཙན་བྱོལ་བོད་པའི་སྤྱི་ཚོགས་སུ་དར་སྲོལ་ཆེན་པོ་ཡོད། ལོ་འདིར་བཙན་བྱོལ་བོད་མིའི་སྲིད་སྐྱོང་དང་། སྤྱི་འཐུས་ཀྱི་འོས་བསྡུ་ཆེན་མོ་དང་ཐུག་ཡོད་པས་སྤྱི་ཚོགས་ནང་འོས་བསྡུ་དང་འབྲེལ་བའི་གོ་རྟོགས་སྤེལ་བའི་ལས་འགུལ་མང་པོ་ཞིག་ཡོང་ངེས་པ་དང་། ལྷག་པར་དུ་འོས་བསྡུའི་འགན་འཛིན་དང་འགན་འཛིན་ལས་འཕར་གཉིས་ས་ཕྱོགས་གང་སར་ཕེབས་ནས་ཟབ་སྦྱོང་གནང་ངེས་རེད། སྤྱིར་བཙན་བྱོལ་བོད་པའི་སྤྱི་ཚོགས་སུ་དུས་ཐུང་ཟབ་སྦྱོང་ཙམ་མ་ཡིན་པར། ཆེད་ལས་སྦྱོང་བརྡར་རག་མཁན་མང་པོ་ཞིག་ཀྱང་ད་ལྟའི་ཆར་ལས་གནས་དེ་དག་ཏུ་ཡོད་མཁན་དཀོན་ལ། སྐབས་རེ་ཆེད་ལས་དེ་དག་དང་བཙན་བྱོལ་སྤྱི་ཚོགས་དབར་འབྲེལ་བ་མེད་པ་ལྟ་བུ་དང་། སྐབས་རེ་ཆེད་ལས་དེ་གང་ཟག་སོ་སོའི་དམིགས་ཡུལ་དང་ཡང་འབྲེལ་བ་ཡོད་དམ་སྙམ་པ་ལྟ་བུ་སོགས་གནས་སྟངས་མི་འདྲ་བ་མང་པོ་མཐོང་རྒྱུ་ཡོད། འོན་ཀྱང་སྤྱི་ཚོགས་འདི་ཉིད་མུ་མཐུད་གནས་དགོས་སྟབས་འོས་བསྡུ་ཆེན་མོ་སོགས་ཀྱི་སྐབས་ལས་དོན་བྱེད་ཕྱོགས་ཀྱི་གོ་རྟོགས་ལས་འགུལ་ལམ་ཟབ་སྦྱོང་ངེས་པར་དགོས་པ་ཞིག་ཏུ་གྱུར་ཡོད། ད་ལོ་ཏོག་དབྱིབས་ནད་དུག་གིས་འགལ་རྐྱེན་མ་བྱུང་ན་ལས་འགུལ་འདི་རིགས་ལ་དབུས་ས་གང་ཐད་ནས་ཤུགས་རྒྱག་དགོས་པ་དེ་གལ་ཆེ་བ་མ་ཟད།

Read more

ནག་ཉེས་བྱས་ནས་ལོ་ངོ་༧ རྗེས་སུ་སྲོག་ཐོག་བཏང་འདུག

ཟླ་༣ པའི་ཚེས་༢༠ ཡི་སྔ་དྲོའི་ཆུ་ཚོད་༥:༣༠ ལ། རྒྱ་གར་གྱི་རྒྱལ་ས་ལྡི་ལིར་རྟེན་གཞི་བྱས་པའི་རྒྱ་གར་གྱི་བཙོན་ཁང་ཆེ་གྲས་ཏི་ཧར་ནང་དུ། ཕྱི་ལོ་༢༠༡༢ ལོའི་ལོ་མཇུག་ཏུ་རྒྱ་གར་དང་རྒྱལ་སྤྱིའི་ནང་གནས་ཚུལ་ཆེན་པོ་ཆགས་པའི་བཙན་གཡེམ་དོན་རྐྱེན་དང་འབྲེལ་བའི་མི་བཞི། ལོ་ངོ་༧ གྱི་རྗེས་སུ་སྲོག་ཐོག་དངོས་སུ་བཏང་འདུག་པ་དང་། རང་སྲོག་ཤོར་མཁན་གྱི་བུད་མེད་དེའི་ནང་མི་དང་རྒྱབ་སྐྱོར་བ་ཚོས་གནས་ཚུལ་དེར་དགའ་བསུ་ཆེན་པོ་བྱས་འདུག བཙོན་ཁང་གི་ཕྱི་ལོགས་སུ་ཞོགས་པ་སྔ་པོ་ནས་མི་བརྒྱ་ཕྲག་ཁ་ཤས་མི་བཞི་པོ་དེ་སྲོག་ཐོག་གཏོང་རྒྱུ་ཡིན་པར་དགའ་བསུ་བྱེད་དུ་སླེབས་ཡོད་པས། ཉེན་རྟོག་པ་དང་དམག་མི་སོགས་ཀྱིས་མཐའ་བསྐོར་ཡོད་འདུག སྲོག་ཐོག་བཏང་ཚར་བའི་རྗེས་སུ། མི་ཚོས་དགའ་བསུའི་རྣམ་པ་ཆེན་པོ་བསྟན་ཡོད་འདུག དེ་ཡང་ཕྱི་ལོ་༢༠༡༢ ལོའི་ཟླ་༡༢ པའི་ཚེས་༡༦ ཉིན་གྱི་དགོང་མོར་རྒྱ་གར་གྱི་རྒྱལ་ས་ལྡི་ལིར། རང་ལོ་༢༣ ཡིན་པའི་མཐོ་སློབ་ཀྱི་སློབ་མ་བུད་མེད་གཅིག་དགའ་རོགས་གཉིས་གློག་བརྙན་བལྟས་རྗེས།

Read more

ཆབ་སྲིད་བཙོན་ཟུར་ཞིག་གྲོངས་འདུག

རྒྱ་ནག་གཞུང་གིས་བཙོན་ཁང་དུ་མནར་གཅོད་ཚད་མེད་བཏང་བར་བརྟེན། ཡུན་རིང་ནད་ཀྱིས་མནར་ཏེ་ཆབ་སྲིད་བཙོན་ཟུར་བཀྲ་ཤིས་ཕུན་ཚོགས་ལགས་ཟླ་༣ པའི་ཚེས་༡༧ ཉིན་ཕ་ཡུལ་ལི་ཐང་དུ་གྲོངས་ཡོད་འདུག་པ་དང་། ཁོང་དགུང་ལོ་༦༠ ཙམ་ལ་སླེབས་ཀྱི་ཡོད་འདུག ཁོང་ནི་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་དམ་པ་མཆོག་གིས་ཕྱག་བཏབ་པའི་ཁམས་ནཱ་ལེན་དྲ་ཐེག་ཆེན་བྱང་ཆུབ་ཆོས་གླིང་གི་དགོན་པའི་དགེ་བསྐོས་ཟུར་པ་ཡིན་པ་དང་། ཕྱི་ལོ་༢༠༠༢ ལོའི་ཟླ་༤ པ་ཙམ་ལ་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་ལ་རྒྱ་ནག་གཞུང་གིས་མ་ཉེས་ཁག་གཡོགས་ཀྱིས་འབར་རྫས་གས་གཏོར་དང་འབྲེལ་ནས་འཛིན་བཟུང་བྱེད་སྐབས། བཀྲ་ཤིས་ཕུན་ཚོགས་ལགས་དོན་རྐྱེན་དེ་དང་འབྲེལ་བ་ཡོད་པར་ཉེས་མེད་ཉེས་འཛུགས་ཀྱིས་འཛིན་བཟུང་བྱས་ཡོད་པ་དང་། ཐོག་མར་དཀར་མཛེས་བོད་རིགས་རང་སྐྱོང་ཁུལ་འབྲིང་རིམ་ཁྲིམས་ཁང་གིས་ཁོང་ལ་ལོ་བདུན་གྱི་རིང་བཙོན་འཇུག་ཁྲིམས་ཐག་བཅད་ཡོད་ཀྱང་། བཙོན་ཁང་དུ་སྡུག་སྦྱོང་མནར་གཅོད་ཚད་མེད་བཏང་མཐར། ལོ་གཅིག་ཙམ་ལས་བཙོན་ཁང་དུ་འདུག་མ་ཐུབ་པར་ནད་གཅོང་དུ་གྱུར་ཏེ་སྨན་ཁང་ནས་ཤི་གྲབས་བྱེད་སྐབས་ཕྱིར་ནང་མིར་རྩིས་སྤྲོད་བྱས་ཡོད་འདུག དེ་སྔོན་ཕྱི་ལོ་ ༡༩༩༣ ལོར་ཉག་ཆུ་རྫོང་ནགས་ལས་ཁང་གིས་གཞུང་གི་ཐོབ་དབང་ཟེར་བའི་ཤིང་ནགས་གཅོད་འབྲེག་གི་ལས་འགུལ་ཞིག་ཨོ་ཐོག་སྡེ་དྲུག་གི་ས་གནས་སུ་སྤེལ་སྐབས། ཁོང་གིས་དབུ་ཁྲིད་པའི་ཡུལ་མི་རྣམས་ཀྱིས་བཀག་འགོག་ངོ་རྒོལ་གྱི་ལས་འགུལ་སྤེལ་ཡོད་པ་དང་། དུས་དེ་ནས་བཟུང་རྒྱ་ནག་གཞུང་གིས་ཁོང་འཛིན་བཟུང་བྱེད་རྩིས་བྱས་ཡོད་པ་བཞིན། ཕྱིས་སུ་སྤྲུལ་སྐུ་བསྟན་འཛིན་བདེ་ལེགས་དམ་པ་མཆོག་དང་འབྲེལ་ཡོད་ཀྱི་མི་མང་པོ་རྒྱ་ནག་གིས་འཛིན་བཟུང་བྱས་པ་ལྟར་བཀྲ་ཤིས་ཕུན་ཚོགས་ལགས་ཀྱང་གས་རྫས་ཀྱི་དོན་རྐྱེན་དང་འབྲེལ་བ་ཡོད་པར་ཉེས་མེད་ཉེས་འཛུགས་བྱས་ནས་འཛིན་བཟུང་བྱས་པ་ཡིན་འདུག

Read more

ཐུགས་གསོའི་གསུང་འཕྲིན་བསྩལ་འདུག

ཟླ་ ༣ ཚེས་ ༡༧ ཉིན་བྱང་ཨར་ལན་ཌིའི་ཞི་བའི་ལས་འགུལ་བ་དང་ནོ་བེལ་ཞི་བདེའི་གཟེངས་རྟགས་བཞེས་མྱོང་མཁན་ལྕམ་བྷེ་ཊི་ཝིལ་ཡེམ་སི་ Betty Williams རང་གི་ཁྱིམ་དུ་ལོ་ན་༧༦ ལ་སྐུ་གྲོངས་པའི་ཡིད་སྐྱོའི་གནས་ཚུལ་ཐོན་པར་། ༧གོང་ས་མཆོག་དང་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་གཉིས་ནས་ཐུགས་གསོའི་གསུང་འཕྲིན་བསྩལ་གནང་ཡོད་འདུག དེ་ཡང་༧གོང་ས་མཆོག་གིས་འདས་པོ་ཁོང་གི་ཚ་བོར་ཐུགས་གསོའི་གསུང་འཕྲིན་བསྩལ་དོན་ལ། ༧གོང་ས་མཆོག་ནས་ལོ་མང་རིང་དམ་པ་ཁོང་དང་ནོ་སྦེལ་ཞི་བདེའི་དེད་དཔོན་གཞན་ལྷན་དུ། འཛམ་གླིང་ཁྲོད་ཀྱི་རྩོད་རྙོག་རྣམས་འཚེ་བའི་ཐོག་ནས་མ་ཡིན་པར་གྲོས་མོལ་དང་ཞི་བདེའི་ཐོག་ནས་འདུམ་འགྲིག་གནང་ཕྱོགས་ཐད་ལ་ཕྱག་ལས་གནང་ཡོད་པ་དང་། དམ་པ་ཁོང་ནི་དཀའ་ངལ་གང་འདྲ་ཞིག་ཡིན་ཀྱང་ཞི་བའི་ཐོག་ནས་སེལ་བའི་ཆོད་སེམས་བརྟན་པོས་ཕྱག་ལས་གནང་མཁན་ཞིག་ཡིན་པ། དེ་སྔོན་དམ་པ་ཁོང་དང་ལྷན་དུ་མཇལ་འཕྲད་མཛད་རྒྱུའི་གོ་སྐབས་ལན་མང་བྱུང་ཡོད་པར་མ་ཟད། ཁོང་གིས་ཞི་བདེའི་སྤྱི་ཚོགས་དང་རྒྱལ་ཁབ་འཛུགས་སྐྲུན་ཐོག་ཕྱག་ལས་གནང་ཁག་ལ་ཡི་རང་སྔགས་བརྗོད་ཤུགས་ཆེ་གནང་མཁན་ཞིག་ཀྱང་ཡིན་པར་བཀའ་བསྩལ་པ་དང་སྦྲགས། ཁོང་དགོངས་པ་རྫོགས་པ་དེ་ནི་ཞི་བདེའི་ཆེད་དུ་ཕྱག་ལས་གནང་མཁན་མི་སྣ་རླབས་ཆེན་ཞིག་མེད་པ་གྱུར་ཡོད་པར་བཀའ་བསྩལ་ཏེ་དམ་པ་ཁོང་ལ་རྗེས་དྲན་ཞུ་ཐབས་ཡག་ཤོས་ནི་ཚང་མས་རང་ཉིད་ཀྱི་སེམས་ནང་ཞི་བདེ་སྐྲུན་པ་བརྒྱུད་ནས་ཞི་བདེ་དང་བདེ་སྐྱིད་ལྡན་པའི་ཁྱིམ་ཚང་དང་སྤྱི་ཚོགས་བསྐྲུན་རྒྱུ་དེ་ཡིན་པའི་གསུང་འཕྲིན་བསྩལ་གནང་འདུག དེ་བཞིན་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེས་ཐུགས་གསོ་གནང་དོན། ལྕམ་སྐུ་བྷེ་ཊི་ཝིལ་ཡེམ་སི་མཆོག་སྐུ་ཚེ་མ་ཟིན་པའི་ཡིད་སྐྱོའི་གནས་ཚུལ་ཐོན་པར་ང་རང་བློ་ཕམ་ཧ་ཅང་བྱུང་། དམ་པ་ཁོང་ནི་འཛམ་གླིང་ནང་ཞི་བདེའི་ལས་འགུལ་བ་གྲགས་ཅན་ཞིག་ཡིན་ཞིང་།

Read more
Page 1 of 1,11312345...Last »