རྒྱ་ནག་ཏུ་འཐུང་ཆུའི་དཀའ་ངལ།

ཟླ་འདིའི་ཚེས་ ཉིན་བརྒྱུད་ལམ་ཁག་ནས་གནས་ཚུལ་སྤེལ་གསལ་ལྟར་ན། རྒྱ་ནག་གི་བྱང་དང་དབུས་གཉིས་སུ་ས་ཁུལ་ཁག་བརྒྱད་ལྷག་ཙམ་ཞིག་ནང༌། མི་འབོར་ས་ཡ་ ལ་འཐུང་ཆུའི་དཀའ་ངལ་ཡོད་པ་མ་ཟད། ཞིང་ལས་ཐོན་སྐྱེད་ལ་ཉེན་ཁ་ཤིན་ཏུ་ཆེན་པོ་ཆགས་ཡོད་པའི་གནས་ཚུལ་ཐོན་འདུག སྤྱིར་བཏང་རྒྱ་ནག་ཏུ་ཆུ་ལོག་དང་ཐན་པའི་དཀའ་ངལ་ཡང་ཡང་འཕྲད་ཀྱི་ཡོད་ནའང༌། ཉེ་དུས་གནམ་གཤིས་ཧ་ཅང་སྐྱོ་པོ་ཆགས་པའི་རྐྱེན་གྱིས་མི་མང་ལ་འཐུང་ཆུའི་དཀའ་ངལ་ཤུགས་ཆེན་འཕྲད་བཞིན་ཡོད་པས། སྲིད་འཛིན་ཧུའུ་ཅིན་ཐའོ་དང་སྲིད་བློན་ཝིན་ཅཱ་པའོ་གཉིས་ཀྱིས་ཐན་པའི་སྐྱོབ་གསོ་མ་དངུལ་ཨ་སྒོར་ས་ཡ ༥༨ སྤྲོད་གཏན་འཁེལ་བའི་ཁྱབ་བསྒྲགས་བྱས་ཡོད་པ་དང༌། རྒྱ་ནག་དབུས་སྐྱོབ་གསོ་ལས་ཁང་གིས་སྐྱོབ་གསོའི་མ་དངུལ་རོགས་རམ་འདི་འདྲ་བ་ལོ་རྒྱུས་ནང་སྤྲད་མྱོང་ཡོད་མ་རེད་ཅེས་བརྗོད་ཡོད་པ་རེད།

Read more

གཞས་དེ་གཏོང་མཁན་བཀྲ་ཤིས་དོན་གྲུབ་རེད་ཟེར།

སྤྱི་ལོ་ལྔ་བཅུ་ང་བརྒྱད་ལོ་དང་སྤྱི་ལོ་ཉིས་སྟོང་བརྒྱད་ལོ། ཞེས་པའི་གཞས་དེ་སོག་ཕྲུག་ཤེས་རབ་ལགས་ཀྱིས་བཏང་བ་རེད་ཅེས་གསར་འགྱུར་བརྒྱུད་ལམ་ཁག་ཏུ་སླེབས་ཡོད་ནའང༌། གཞས་དེ་གཏོང་མཁན་རྨ་ལྷོ་སོག་རྫོང་ནས་ཡིན་པ་བཀྲ་ཤིས་དོན་གྲུབ་རེད། ཁོང་ཡང་འཇུ་བཟུང་བྱེད་མྱོང་བ་རེད་ཅེས་ཁོང་གི་ཕ་ཡུལ་གཅིག་པ་ཞིག་གིས་འདི་གར་འགྲེལ་བརྗོད་་གནང་སོང༌།

2008 ཕྱི་ཟླ་ 12 པའི་ནང་བོད་ཨ་མདོ་མཚོ་སྔོན་ཞིང་ཆེན་རྨ་ལྷོ་སོག་རྫོང་ནས་ཡིན་པའི་གླུ་བ་སོག་ཕྲུག་ཤེས་རབ་ལགས་རྒྱ་གཞུང་གིས་འཛིན་བཟུང་བཀག་གཉར་བྱས་ཡོད་འདུག དེ་ནི་སོག་ཕྲུག་ཤེས་རབ་ལགས་ཀྱིས་སྒྲ་སྙན་རྡུང་ལེན་གྱི་འོད་སྡེར་ཞིག་འདོན་སྤེལ་བྱས་ཡོད་པ་དང༌།

Read more

གླུ་བ་སོག་ཕྲུག་ཤེས་རབ་ལགས་འཇུ་བཟུང༌།

གསར་འགྱུར་རྒྱུད་ལམ་ཁག་ནས་གནས་ཚུལ་སྤེལ་བ་ལྟར་ན། 2008 ཕྱི་ཟླ་ 12 པའི་ ནང་བོད་ཨ་མདོ་མཚོ་སྔོན་ཞིང་ཆེན་རྨ་ལྷོ་སོག་རྫོང་ནས་ཡིན་པའི་གླུ་བ་སོག་ཕྲུག་ཤེས་རབ་ལགས་རྒྱ་གཞུང་གིས་འཛིན་བཟུང་བཀག་ཉར་བྱས་ཡོད་འདུག དེ་ནི་སོག་ཕྲུག་ཤེས་རབ་ལགས་ཀྱིས་སྒྲ་སྙན་རྡུང་ལེན་གྱི་འོད་སྡེར་ཞིག་འདོན་སྤེལ་བྱས་ཡོད་པ་དང༌། འོད་སྡེར་དེའི་ནང༌། ལྔ་བཅུ་ང་བརྒྱད་ལོ་དང་ཉིས་སྟོང་བརྒྱད་ལོ། ཞེས་པ་སོགས་བོད་མིའི་སྐྱིད་སྡུག་དང་འབྲེལ་བའི་དངོས་ཡོད་གནས་སྟངས་མང་པོ་ཞིག་གཞས་ཚིག་གི་ལམ་ནས་གསལ་སྟོན་བྱས་ཡོད་སྟབས། རྒྱ་གཞུང་གིས་སོག་ཕྲུག་ཤེས་རབ་ལགས་འཛིན་བཟུང་བཀག་ཉར་དང༌། འོད་སྡེར་རྣམས་འགྲེམས་སྤེལ་བྱེད་དུ་མ་བཅུག་པར་གཞུང་བཞེས་བཏང་ཡོད་འདུག

Read more

བཅུ་དགུའི་བུ་མོ་དངུལ་གྱིས་བསླུས།

ང་རང་མེ་འཁོར་དང་རླངས་འཁོར་དུ་མ་བརྒྱུད་ལྷོ་ཕྱོགས་སུ་ཕྱི་ཚེས་༥ཉིན་འབྱོར་རྗེས་ཕྱི་ཚེས་༦ཉིན་གྱི་ཕྱི་དྲོ་གྲོགས་པོ་དང་ལྷན་སེར་བྱེས་མགྲོན་ཁང་ཡིད་དགའ་ཆོས་གླིང་དུ་བསྐྱོད་སྐབས་གནས་དེ་ནི་གནས་སྐབས་སློབ་གྲྭ་ཞིག་དང་གཉིས་སུ་མ་མཆིས།

Read more

ཌོ་ལར་གྱིས་ཉོས་པའི་བཅུ་དགུའི་བུ་མོ་གཟུགས་མཛེས།

རེད་ང་མེ་འཁོར་དང་རླང་འཁོར་འཕྲུལ་འཁོར་ཆེ་ཆུང་འདྲ་མིན་རྒྱུད་ད་བཟོད་གཞི་ནས་ལྷོ་ཕྱོགས་སྦེལ་ཀོབ་སེ་རར་འབྱོར་སོང་།་་་མདང་ནུབ་ཕྱི་དྲོ་གྲོགས་པོ་ཞིག་དང་ལྷན་སེར་བྱེས་མགྲོན་ཁང་ཡིད་དགའ་ཆོས་གླིང་དུ་ བསྐྱོད་བས།་དངོས་གནས་ཡིད་དགའ་ཆོས་གླིང་ནི་གནས་སྐབས་སློབ་གྲྭ་ཞིག་དང་འདྲ་བར་སློབ་ཕྲུག་ཕོ་མོས་ཁེངས་ཏེ་འདུག་་་་་ད་དུང་དེ་ལས་ཧང་སངས་དགོས་པ་ཞིག་ལ་མགྲོན་ཁང་དེའི་ཐོག་བརྩེགས་འོག་མའི་ ཟུར་ན་ཡོད་པའི་ཁང་མིག་དེ་ནས་གློ་བུར་ལོ་ན་པལ་ཆེར་༤༦་ནས་༤༧་བར་ཡིན་པའི་སྐྱེས་ཞིག་མཐོན་བྱུང་བར་ངའི་གྲོགས་པོས།་ཝ་ཡེ་བལྟོས་དང་ཕ་གིའི་མི་དེ་ཨ་རི་ཡིན་པ་དང་།་གྲྭ་ལོག་ཡིན་པ།་ད་དུང་དེས་ད་ཆ་ཉལ་ཁང་དུ་གྷོ་པ་པུར་སློབ་ཕྲུག་བུ་མོ་ལོ་ན་བཅུ་དགུར་སོན་པ་ཞིག་ ཁོ་རང་ཆུང་མར་འཁྲིད་ཡོད་པ་སོགས་འགྲེལ་བརྗོད་བྱས་སོང་འོན་ཀྱང་དེ་ཙམ་སྣང་བ་མེད།་་་་་དེ་རྗེས་སྐར་མ་གཉིས་གསུམ་ཙམ་རྗེས་དངོས་གནས་ཁོའི་ཉལ་ཁང་ནས་བུ་མོ་ལོ་ན་ཤིན་ཏུ་ཕྲ་བ་གཟུགས་མཛེས་པ་ཞིག་མཐོན་བྱུང་བས་ངས་ཀྱང་ཕར་ཙམ་ཕྱིན་ཏེ་བུ་མོར་དེར་བལྟ་སྐབས་དངོས་གནས་ལོ་ན་ཆུང་བའི་སློབ་ཕྲུག་བུ་མོར་དེར་ཡ་ང་ཞིག་ཀྱང་སྐྱེས་བྱུང་ཡང་བྱ་ཐབས་མ་མཆིས།་དེ་ནི་ཨ་རིའི་ཌོ་ལར་ གྱིས་བསླུ་ཡོན་ཞུས་པའི་བོད་པའི་བུ་མོ་ལོ་ཆུང་རེད།་གོ་ཐོས་ལྟར་ན་བུ་མོ་དེའི་ཨ་མ་ལགས་རྡ་སར་ཡོད་པ་དང་ཕ་བོད་དུ་ཡོད་པ།་མོ་རང་ཡང་སྐྱེ་ཡུལ་བོད་རང་ནས་ཡིན་ཚུལ་འདུག་་་་་་་་་་་་་་་་་་་་་་་་་་་་་་་་་དངོས་གནས་ཌོ་ལར་ཡ་ཁྱེད་ནི་དེ་འདྲའི་རྒྱུ་ནོར་ལ་རྔམས་པའི་བོ་མོ་དག་གི་ཤིན་ཏུ་རྩ་ཆེན་སྲོག་རྩ་རང་རེད་ཡ།་་་ངོ་མ་དེ་ཐབས་སྡུག་མ་རེད་པས།་།

Read more

དྲིན་ཅན་ཨ་མ་དྲན་པའི་གདུང་དབྱངས་སྤྲིན་པའི་མགུལ་ལ་བཏགས་ནས་གཏོང༌།

དྲིན་ཅན་ཨ་མ་དྲན་པའི་གདུང་དབྱངས་སྤྲིན་པའི་མགུལ་ལ་བཏགས་ནས་གཏོང༌།

བྱམས་བརྩེ་ཆར་པ་སྟོང་དུ་འཇོ་བས་དབྱིག་འཛིན་བུ་མོའི་བཞིན་རས་རློན།།

ཚ་ཟེར་འབུམ་གྱི་འོད་རྣོན་སྒྲིབ་སྟེ་ཞི་བསིལ་བདེ་བ་སྦྱིན་པའི་གཏེར།།

ལྷ་ཡི་དབང་པོའི་ཁྱུ་མཆོག་འགྲོས་ལྡན་གནམ་མཐོངས་དབྱིངས་ཀྱི་སྤྲིན་པ་ལཊ།།

གལ་ཏེ་ཁྱོད་ཉིད་བྱང་ཕྱོགས་བསྐྱོད་ན་ཉམ་ཆུང་བུ་ངའི་འཕྲིན་འདི་ཁྱེར།།

Read more

ལོ་གསར་བཀག་འགོག་བྱས་པའི་ཉེས་མིང་འོག་འཇུ་བཟུང༌།

ཟླ་འདིའི་ཚེས་༢ ཉིན་ནང་ཆེན་རྫོང་རྐ་གཞུང་ས་གནས་ཀྱི་བཀྲ་ཤིས་དགོན་པའི་གྲྭ་དགའ་དབང་ལགས་རྒྱ་ནག་གཞུང་གི་ཉེན་རྟོག་པས་འཇུ་བཟུང་བྱས་ཡོད་པ་དང༌། ཁོང་ལ་ལོ་གསར་སྤྲོ་སྐྱིད་གཏོང་རྒྱུར་བཀག་འགོག་བྱས་པའི་ཉེས་མིང་བཙུགས་ཡོད་འདུག ཁོང་འཇུ་བཟུང་སྐབས་རྡུང་རྡེག་ཚད་མེད་བཏང་སྟེ་འདྲི་རྩད་བྱས་ཡོད་ནའང་ཁོང་གིས་ལོ་གསར་སྤྲོ་སྐྱིད་གཏོང་རྒྱུར་བཀག་འགོག་བྱས་པ་ངོས་ལེན་བྱས་མི་འདུག ཉེ་སྔོན་ནས་བོད་ཀྱི་ས་གནས་སྤྱི་མཚུངས་བཞིན་༢༠༠༨ ལོར་རྒྱ་ནག་གཞུང་གིས་བོད་ལ་དྲག་གནོན་ཚད་མེད་བཏང་ནས་བོད་མི་མང་པོ་དམར་གསོད་དང༌། རྡུང་རྡེག་བཙོན་འཇུག་བྱས་པར་བརྟེན། འདི་ལོར་ལོ་གསར་སྤྲོ་སྐྱིད་གཏོང་རྒྱུ་མེད་སྐོར་གྱི་ཡིག་ཆ་ནང་ཆེན་རྫོང་ཐོག་ཏུ་བཀྲམ་ཡོད་པ་དང༌། གྲྭ་དགའ་དབང་དང་ཁོང་གི་རོགས་པ་གསུམ་ལ་ཡིག་ཆ་བཀྲམ་མཁན་གྱི་དོགས་གཞིའི་འོག་འདྲི་རྩད་བྱས་ཡོད་འདུག ད་ལྟ་དགའ་དབང་ལགས་གང་དུ་བཙོན་འཇུག་བྱས་ཡོད་མེད་ཀྱི་གནས་ཚུལ་གསལ་བོ་མི་འདུག་ཅེས་འབྲེལ་ཡོད་ཀྱིས་འདི་གར་འགྲེལ་བརྗོད་གནང་སོང༌།

Read more

དང་པོ། བོད་ཀྱི་བཙན་པོ་ཐོག་མ་གཉའ་ཁྲི་བཙན་པོའི་སྐོར་གླེང་བ།

འདོན་ཐེངས་སྔོན་མའི་འཕྲོས།

ཞེས་སོགས་འབྱུང་བ་རྣམས་ཡིན་པར་བཤད། རྒྱུ་མཚན་ནི། ཤིན་ཏུ་གསང་བར་འོས་པའི་གནད་དོན་གང་ཡོད་པ་དེ་དག་ཕན་ཚུན་གསང་བརྡ་སྤྲོད་པའི་ཤེས་རིག་ཁྱད་པར་ཅན་ཞིག་ཡིན་པས་སོ་ཞེས་པ་ལྟ་བུ་གསལ། ༣བོན་གྱི་སྐོར། བོན་ཞེས་པའི་སྒྲ་བཤད་མང་ནའང༌། དོན་ལ་བོད་གནའ་རབས་སུ་ཆོས་ལུགས་ཀྱི་མིང་དུ་གྱུར་ཡོད། བོན་གྱི་སྐོར་སྔ་ས་ནས་དཔྱད་རྩོམ་ཞིག་འབྲི་དགོས་བསམ་ཡང་ལུས། ད་ཐེངས་བསམ་གཞིག་ཐོལ་བྱུང་ཙམ་ཞིག་སྤྲོ་ན། འབྲི་གུང་འཇིག་རྟེན་མགོན་པོའི་དགོངས་གཞིར་གཏུགས་པའི་ཐུའུ་བཀྭན་བློ་བཟང་ཆོས་ཀྱི་ཉི་མས། བོད་དུ་དར་བའི་བོན་ལ་བརྡོལ་བོན། འཁྱར་བོན། བསྒྱུར་བོན་གསུམ་ཞེས་དང༌། ཡང་ཁོང་གིས། རྒྱལ་རབས་རྣམས་སུ་གཉའ་ཁྲི་བཙན་པོ་ནས་ཁྲི་ཐོག་རྗེ་བཙན་བར་གྱི་རྒྱལ་རབས་ཉི་ཤུ་རྩ་དྲུག་ལ་ཆབ་སྲིད་བོན་གྱིས་བསྐྱངས་ཟེར་བ་ཙམ་ལས་མ་བཤད་ཀྱང༌། བོད་ཡུལ་དུ་བོན་དར་བའི་ཐོག་མ་འདི་ནས་བྱུང་བར་མངོན། འོན་ཀྱང་དེ་དུས་ཀྱི་བོན་རྣམས་ལ་མར་འདྲེ་སྲི་གནོན་པ་དང༌། ཡར་རྒན་གྱི་ལྷ་མཆོད་པ་དང༌། བར་ཁྱིམ་གྱི་ཐབ་འདོན་པ་གསུམ་ཙམ་ལས། བོན་ལུགས་ཀྱི་ལྟ་བ་སོགས་ཀྱི་ཐ་སྙད་མ་བྱུང་བས་ཆོས་འབྱུང་དང་རྒྱལ་རབས་འགའ་ཞིག་ཏུ་གྲི་གུམ་བཙན་པོའི་རིང་ནས་བོན་དར་བར་ཡང་བཤད་དོ་ཞེས་གསལ།

Read more

དངུལ་སྒོར་མང་ན་དེའི་རྗེས་ལ་རྒྱུག་མཁན་མང་བའི་སྣང་ཚུལ་བྱུང༌།

ཉི་མ་འཚོ་ལགས་སུ་བཅར་འདྲི།
ཉི་མ་འཚོ་ནི་མདོ་སྨད་འབོ་ར་ནས་ཡིན་པ་དང་ཕ་ཡུལ་ནས་ཀན་ལྷོ་གཙོས་བོད་རིགས་སློབ་འབྲིང་དུ་སློབ་སྦྱོང་བྱས་རྗེས། ༡༩༩༩ ལོའི་ཕྱི་ཟླ་༡༢ པའི་ནང་བཙན་བྱོལ་ལ་འབྱོར་ཏེ་སུ་ཇཱ་བོད་ཁྱིམ་སློབ་གྲྭ་ནས་འཛིན་རིམ་བརྒྱད་པ་བར་སློབ་གཉེར་བྱས། ༢༠༠༣ ལོར་ནོར་གླིང་མཐོ་སློབ་ཏུ་འཛུལ་ཞུགས་ཀྱིས་སློབ་སྦྱོང་བྱས་པ་དང༌། ད་ལྟ་ནོར་གླིང་བོད་ཀྱི་རིག་གཞུང་གཅེས་སྐྱོང་ཁང་གི་ཡིག་ཚང་དུ་བྱ་བ་གཉེར་བཞིན་ཡོད་པ་རེད།

Read more

ནང་ཆོས་དང་འབྲེལ་བའི་དྲི་བ་འགའ།

མཚན་ཉིད་གྲྭ་ཚང་གི་དཔེ་ཁྲིད་དགེ་རྒན་དཀོན་མཆོག་དབང་འདུས་ལགས་སུ་འདི་ག་གསར་ཁང་གིས་བཅར་འདྲི་ཞུས།
འདོན་ཐེངས་སྔོན་མའི་འཕྲོས།
ནད་ན་ཚ་ཡིན་ནའང་སོ་སོས་སྤྱོད་ལམ་བསྟེན་སྟངས་མ་འགྲིག་པ་དང༌། ཁ་ལག་ཟ་སྟངས་མ་འགྲིག་པ། ཡང་ན་ཕྱི་ལོགས་ཀྱི་འབྱུང་བ་འཁྲུགས་པ་ལ་བརྟེན་ནས་སྡུག་བསྔལ་དེ་ཡོང་གི་ཡོད་རེད། དེ་བཞིན་ཚོར་བ་བདེ་སྡུག་ཐམས་ཅད་རྒྱུ་རྐྱེན་ལ་བརྟེན་ནས་ཡོང་དགོས་ཀྱི་རེད། རྒྱུ་དང་རྐྱེན་དེ་ཕྱི་ལོགས་རྐྱང་རྐྱང་མ་ཡིན་པར་ནང་ལ་ཡང་རག་ལས་ཀྱི་རེད། དཔེར་ན། ན་ཚ་ཞིག་ལ་ཆ་བཞག་ན། མི་སེམས་སྟོབས་ཆེ་ཆུང་དབང་གིས་སྡུག་བསྔལ་ཆེ་ཆུང་ཡོང་གི་རེད། མི་ཏོག་ཙམ་བློ་ཁོག་ཆེན་པོ་ཡོད་མཁན་ཞིག་ཆམ་པ་ན་བ་ཡིན་ན་དེ་ཙམ་གྱིས་སྐྱོན་གྱི་མ་རེད། མི་བློ་ཁོག་ཆུང་ཆུང་ཡོད་མཁན་ཞིག་ཡིན་ན། ཆམ་པ་ཙམ་ན་བ་ཡིན་ན་ཡང་སྡུག་སྐད་ཞེ་བོ་རྒྱག་གི་འདུག་གཱ་དེ་ག་རེ་རེད་ཟེར་ན། ན་ཚ་གཅིག་པ་གཅིག་རྐྱང་ཡིན་ཡང་སེམས་སྟོབས་ཆེ་ཆུང་གི་དབང་གིས་བཟོད་བསྲན་ཡོད་མཁན་དེ་ལ་སྡུག་བསྔལ་ཆུང་ཆུང་དང༌། བཟོད་བསྲན་མེད་མཁན་ལ་སྡུག་བསྔལ་ཆེན་པོ་ཆགས་ཀྱི་རེད།

Read more
Page 1,036 of 1,107« First...1,0341,0351,0361,0371,038...Last »