བཀའ་ཟུར་བློ་བཟང་སྙན་གྲགས་༢༠༢༡ ལོའི་སྲིད་སྐྱོང་འོས་འགྲན་ནང་ཞུགས་རྒྱུ་རེད་འདུག

བཙན་བྱོལ་བོད་མིའི་སྤྱི་ཚོགས་ནང་དེ་སྔོན་ནས་བཀའ་ཟུར་བློ་བཟང་སྙན་གྲགས་ཕྱི་ལོ་༢༠༢༡ ལོའི་སྲིད་སྐྱོང་འོས་མིར་ལང་རྒྱུ་ཡིན་པའི་སྐད་ཆ་འགྲོ་བཞིན་ཡོད་པ་ལྟར། ཐེངས་འདིར་ཁོང་གིས་དངོས་སུ་འོས་འགྲན་ནང་ཞུགས་རྒྱུའི་གསལ་བསྒྲགས་བྱས་འདུག དེ་ཡང་ཟླ་༣ པའི་མགོ་སྟོད་དུ་སྤྱི་ཚོགས་དྲ་ལམ་ངོ་དེབ་སྟེང་དུ་ཕྱི་ལོ་༢༠༢༡ ལོའི་སྲིད་སྐྱོང་འོས་མི་བཀའ་ཟུར་བློ་བཟང་སྙན་གྲགས་ཞེས་པའི་ངོ་དེབ་ཀྱི་ཤོག་ངོས་ཤིག་གསར་དུ་ཐོན་ཡོད་འདུག་པ་དང་། དེའི་ནང་ཁོང་གི་ལོ་རྒྱུས་དང་། འོས་བསྡུའི་དྲིལ་བསྒྲགས་ཀྱི་འབོད་ཚིག་ཏུ་ང་ཚོ་མཉམ་དུ་བོད་ཀྱི་མ་འོངས་འཛུགས་སྐྲུན་བྱེད་ཅེས་དང་། རྩ་འཛིན་དམ་བཅར་དྲང་བདེན་དང་ཕྱི་གསལ་ནང་གསལ། ཡོངས་སུ་སྒྲིལ་པའི་འཛིན་སྐྱོང་ཞིག་འཛུགས་རྒྱུ་ཡིན་ཞེས་བཀོད་འདུག ད་ལྟའི་ཆར་ཁོང་གིས་བོད་ཀྱི་ཐེབས་རྩའི་འགན་འཛིན་གྱི་ལས་འགན་འཁུར་མུས་ཡིན་པ་དང་། འོས་བསྡུའི་དྲིལ་བསྒྲགས་ཀྱི་ངོ་དེབ་ཤོག་ངོས་ཐོག་ཏུ། ཕྱི་ལོ་༡༩༨༧ ལོར་ཅན་རྡི་གྷར་བོད་ཀྱི་གཞོན་ནུ་ལྷན་ཚོགས་ཀྱི་དྲུང་ཆེའི་ལས་ཁུར་བླངས་པ་ནས་བཟུང་། ད་བར་མི་ལོ་༣༠ ལས་མང་བ་བོད་མིའི་སྤྱི་ཚོགས་སུ་ཞབས་ཞུ་སྒྲུབ་མུས་ཡིན་སྐོར་འཁོད་འདུག ཁོང་གིས་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གི་འགན་འཛིན་དང་། སྐབས་༡༢ པའི་བོད་མི་མང་སྤྱི་འཐུས། བོད་རྒྱལ་ཡོངས་མང་གཙོ་ཚོགས་པའི་དྲུང་ཆེ་དང་ཚོགས་གཞོན།

Read more

ཚོད་དཔག་འཆར་རྩིས་ཚོགས་ཆུང་གིས་ལས་དོན་འགོ་འཛུགས་བྱས་འདུག

བོད་མི་མང་སྤྱི་འཐུས་ལྷན་ཚོགས་ཀྱི་སྔོན་རྩིས་ཚོད་དཔག་འཆར་རྩིས་ཚོགས་ཆུང་གིས། རྩིས་ལོ་༢༠༢༠ ནས་༢༠༢༡ བར་བོད་མིའི་སྒྲིག་འཛུགས་ཀྱི་ལས་ཁུངས་མ་ལག་ཁྱབ་ཁོངས་དང་བཅས་པའི་ལོ་འཁོར་སྔོན་རྩིས་འཆར་གཞིར་ཞིབ་འཇུག་གི་ལས་དོན་འགོ་འཛུགས་བྱས་ཡོད་པ་རེད་འདུག དེ་ཡང་བོད་མིའི་སྒྲིག་འཛུགས་ཀྱི་དྲ་རྒྱར་འཁོད་དོན། བོད་མིའི་སྒྲིག་འཛུགས་ཀྱི་ལས་ཁུངས་མ་ལག་ཁྱབ་ཁོངས་དང་བཅས་པའི་ལོ་འཁོར་སྔོན་རྩིས་འཆར་གཞིར་བོད་མི་མང་སྤྱི་འཐུས་ལྷན་ཚོགས་ཀྱི་ཚོད་དཔག་འཆར་རྩིས་ཚོགས་ཆུང་ཆེད་འཛུགས་ཐོག་ཞིབ་འཇུག་ནན་ཏན་གྱིས་གྲོས་ཚོགས་སུ་གྲུབ་དོན་སྙན་ཐོ་འབུལ་ལམ་ཞུ་སྲོལ་ཡོད་པ་ལྟར། བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་འདུའི་འགྲོ་ལུགས་དང་། ལས་དོན་བྱེད་ཕྱོགས་ཀྱི་སྒྲིག་གཞི། དོན་ཚན་རེ་དྲུག་པ། ལོ་འཁོར་སྔོན་རྩིས་འཆར་འབུལ་དང་། སྔོན་རྩིས་ཚོད་དཔག་འཆར་རྩིས་ཆོགས་ཆུང་ཞེས་པའི་ནང་གསེས་ ༡ “བོད་མིའི་སྒྲིག་འཛུགས་ཀྱི་ལས་ཁུངས་མ་ལག་ཡོོངས་རྫོགས་ཀྱི་སྔོན་རྩིས་འཆར་ལོའི་ཡོང་འབབ་དང་། འགྲོ་སོང་ཇི་ཡོད་ཟུར་འཇོག་བཅས་འཚེམས་ལུས་མེད་པའི་ལོ་འཁོར་སྔོན་རྩིས་འགོད་འབུལ་བྱུང་བ་གྲོས་ཚོགས་སུ་བཀའ་འཁྲོལ་གོ་བསྡུར་ཆེད་སྔོན་རྩིས་ཚོད་དཔག་འཆར་རྩིས་ཚོགས་ཆུང་ཞིག་ཚོགས་གཙོ་སྦྲེལ་པོས་ཚོགས་མི་ཇི་དགོས་དམིགས་འཛུགས་ཀྱིས་བསྐོ་གཞག་བྱ་དགོས། དེའི་དུས་ཡུན་ཚོགས་གཙོ་སྦྲེལ་པོས་གཏན་འབེབས་ཇི་བྱས་ལྟར་ཡིན།” ཞེས་པའི་དགོངས་དོན་གཞིར་བཟུང་། དཔལ་ལྡན་ཚོགས་གཙོ་སྦྲེལ་པོ་མཆོག་གིས་རྩིས་ལོ་ ༢༠༢༠་་་༢༡ ལོའི་སྔོན་རྩིས་ཚོད་དཔག་འཆར་རྩིས་ཚོགས་ཆུང་གི་མི་འགྲོར་སྤྱི་འཐུས་མཁན་པོ་འཇམ་དཔལ་བསྟན་འཛིན་ལགས་དང་། སྤྱི་འཐུས་བསྟན་འཛིན་འཇམ་དབྱངས་ལགས།

Read more

རྒྱ་གཞུང་གིས་སྔོན་ཚུད་ནས་ཏོག་དབྱིབས་ནད་དུག་སྐོར་དྲ་ཐོག་ནས་ཞིབ་བཤེར་བྱས་པའི་སྙན་ཐོ་ཐོན་འདུག

རྒྱ་ནག་གཞུང་གིས་ཡོངས་གྲགས་སུ་ཏོག་དབྱིབས་ནད་དུག་གི་ཁྱབ་ཚད་གསལ་བསྒྲགས་མ་བྱས་པའི་སྔོན་དུ། བདུན་ཕྲག་ཁ་ཤས་རིང་ནད་དུག་དེ་དང་འབྲེལ་བའི་གནས་ཚུལ་དང་གྲོས་བསྡུར་རིགས་དྲ་ཐོག་ནས་ཞིབ་བཤེར་སྟངས་འཛིན་བྱས་ཡོད་འདུག་པས། རྒྱུ་མཚན་དེ་ལ་བརྟེན་ནས་མི་མང་ལ་སྔོན་ཚུད་ནས་གཟབ་ནན་བྱེད་ཆེད་ཀྱི་གནས་ཚུལ་ཐོབ་མེད་འདུག ཟླ་༣ པའི་ཚེས་༤ ཉིན་རྒྱལ་སྤྱིའི་བརྒྱུད་ལམ་ཁག་ཏུ་གནས་ཚུལ་སྤེལ་གསལ། ཟླ་༣ པའི་ཚེས་༣ ཉིན་ཁེ་ན་ཌར་རྟེན་གཞི་བྱས་པའི་ཊོ་རོན་ཊོ་གཙུག་ལག་སློབ་གཉེར་ཁང་གི་ཞིབ་འཇུག་སྡེ་ཚན་ཞིག་གིས་བཏོན་པའི་ཞིབ་འཇུག་སྙན་ཐོའི་ནང་དུ། རྒྱ་ནག་གཞུང་གིས་ཡོངས་གྲགས་སུ་ཏོག་དབྱིབས་ནད་དུག་གི་ཚབས་ཆེན་རང་བཞིན་ཟླ་༡ པོའི་ཚེས་༢༠ བར་ཁས་ལེན་དང་གསལ་བསྒྲགས་བྱས་མེད་ཀྱང་། དྲ་ཐོག་ཏུ་ཏོག་དབྱིབས་ནད་དུག་དང་འབྲེལ་བའི་གནས་ཚུལ་དང་གྲོས་བསྡུར་རིགས་ཞིབ་བཤེར་སྟངས་འཛིན་བྱེད་རྒྱུ་ཟླ་༡༢ པའི་ཚེས་༣༡ ནས་འགོ་བཙུགས་ཟིན་ཡོད་པ་དང་། དེ་ནི་རྒྱ་ནག་གི་སྨན་པ་དང་མི་མང་༨ ཀྱིས་ནད་དུག་གི་སྐོར་མི་མང་ལ་ཉེན་བརྡ་གཏོང་ཐབས་བྱས་པའི་ཉིན་གཅིག་གི་རྗེས་སུ་ཡིན་འདུག སྙན་ཐོའི་ནང་རྒྱ་ནག་ནང་གི་སྤྱི་ཚོགས་འབྲེལ་མཐུད་དྲ་ལམ་སྐད་འཕྲིན་དང་། བརྙན་ཐུང་ཐད་གཏོང་གི་དྲ་ལམ་(yy)ཞེས་པ་དེ་གཉིས་ཐོག་ཏུ། ལོ་སྔོན་མའི་ཟླ་༡༢

Read more

དབུས་གཙང་ལོ་རྒྱུས་ཆེན་མོ་དབུ་འབྱེད་གནང་སོང་།

ལོ་ངོ་ལྔ་ཡི་རིང་ཞིབ་འཇུག་དང་རྩོམ་སྒྲིག་བྱས་པའི་དབུས་གཙང་ལོ་རྒྱུས་ཆེན་མོའི་དེབ་པོད་གསུམ་དབུ་འབྱེད་གནང་སོང་བ་དང་། དེ་དག་ནི་ལོ་རྒྱུས་ཀྱི་དཔྱད་གཞིའི་ཡིག་ཆ་སྐད་རིགས་འདྲ་མིན་དང་དུས་ཚོད་འདྲ་མིན། ས་གནས་འདྲ་མིན་སོགས་ལ་གཞི་བཅོལ་ནས་རྩོམ་སྒྲིག་བྱས་པའི་དབུས་གཙང་སྤྱི་ཚོགས་ཀྱི་ལོ་རྒྱུས་ཡིན་འདུག ཟླ་༣ པའི་ཚེས་༣ ཉིན་རྡ་ས་མེག་གྷན་ནོར་བུ་གསོལ་མགྲོན་ཁང་གི་ཚོགས་ཁང་དུ། དབུས་གཙང་སྤྱི་ཁྱབ་རྒྱུན་ལས་ཁང་གི་གོ་སྒྲིག་འོག དབུས་གཙང་ལོ་རྒྱུས་ཆེན་མོའི་དེབ་པོད་གསུམ་དབུ་འབྱེད་ཀྱི་མཛད་སྒོ་ཞིག་འཚོགས་སོང་བ་དང་། དེ་གར་སྐུ་མགྲོན་གཙོ་བོ་བཀའ་བློན་ཁྲི་ཟུར་༧ཟམ་གདོང་རིན་པོ་ཆེེས་གཙོས་པའི་སྐུ་མགྲོན་དང་དོ་སྣང་ཅན་མང་པོ་ཞིག་ཕེབས་འདུག དབུས་གཙང་སྤྱི་ཁྱབ་རྒྱུན་ལས་ཁང་གི་ཚོགས་གཙོ་བྱམས་པ་ཆོས་འཕེལ་གྱིས། དབུས་གཙང་ལོ་རྒྱུས་ཆེན་མོ་པར་སྐྲུན་ཐུབ་པ་དེ་ནི་༧གོང་ས་མཆོག་གི་བཀའ་སློབ་དང་། དགའ་ལྡན་ཕོ་བྲང་གི་མཐུན་སྦྱོར་། དེ་བཞིན་རྩོམ་སྒྲིག་པ་དང་ཞུ་དག་པ་ཚོའི་ངལ་བ་ཁྱད་གསོད་ཀྱིས་དཀའ་ལས་བརྒྱབ་པ། དེ་བཞིན་དགའ་ལྡན་ཕོ་བྲང་ནས་དེབ་འདི་དག་གི་པར་སྐྲུན་བདག་དབང་དབུས་གཙང་སྤྱི་ཁྱབ་རྒྱུན་ལས་ཁང་ལ་གནང་བ། པར་སྐྲུན་གྱི་སྦྱིན་བདག་སྨན་པ་བློ་བཟང་དང་སྐལ་བཟང་དོན་ལྡན་སོགས་ལ་བརྟེན་ནས་བྱུང་བ་ཡིན་སྐོར་ངོ་སྤྲོད་གནང་སོང་། རྩོམ་སྒྲིག་འགན་འཛིན་ལོ་རྒྱུས་སློབ་དཔོན་གཙང་ཕྲུག་སྟོབས་ལགས་ཀྱིས། དབུས་གཙང་ལོ་རྒྱུས་ཞིབ་འཇུག་གི་ལས་གཞི་ཕྱི་ལོ་༢༠༡༣ ལོའི་ལོ་དཀྱིལ་ནས་འགོ་བཙུགས་ཡོད་པ་དང་། ད་ལྟ་དངོས་སུ་ཕྱིར་ཐོན་པའི་གྲུབ་འབྲས་དེ་ནི་རྩོམ་སྒྲིག་ཚོགས་ཆུང་ཙམ་གྱི་མ་ཡིན་པར། དེར་མཐུན་སྦྱོར་བྱེད་མཁན་ཚང་མའི་ཡིན་པ།

Read more

རྒྱ་ནག་གི་མཁའ་རླུང་འབག་བཙོག་ཉུང་དུ་ཕྱིན་འདུག

ཟླ་༣ པའི་ཚེས་༡ ཉིན་རྒྱལ་སྤྱིའི་བརྒྱུད་ལམ་ཁག་ཏུ་གནས་ཚུལ་སྤེལ་གསལ། ཨ་རིའི་མཁའ་དབྱིངས་རྟོག་ཞིབ་ལས་ཁང་གི་འཕྲུལ་སྐར་གྱིས་བླངས་པའི་པར་དག་ལས། རྒྱ་ནག་ནང་ཏོག་དབྱིབས་ནད་དུག་འགོ་ཁྱབ་ཀྱི་ཛ་དྲག་གནས་སྟངས་ཆགས་པའི་རྗེས་སུ། རྒྱ་ནག་གི་བཟོ་གྲྭའི་བྱེད་སྒོ་ཉུང་དུ་ཕྱིན་ཡོད་པས། མཁའ་རླུང་འབག་བཙོག་གི་ཚད་གཞི་ཧ་ཅང་གི་ཆུང་དུ་ཕྱིན་ཡོད་པ་ཤེས་རྟོགས་བྱུང་འདུག དེ་ཡང་མཁའ་དབྱིངས་རྟོག་ཞིབ་ལས་ཁང་གི་ཚན་རིག་པས། རྒྱ་ནག་གི་མཁའ་རླུང་ནང་བཟོ་གྲྭ་དང་སྣུམ་འཁོར་ཁག་ནས་ཐོན་གྱི་ཡོད་པའི་གནོད་ཚབས་ཅན་གྱི་དུག་རླུང་nitrogen dioxide ཞེས་པ་དེའི་འབོར། ལོ་སྔོན་མའི་ཟླ་དང་པོ་གཉིས་པ་དང་། ལོ་འདིའི་ཟླ་དང་པོ་གཉིས་པ་བར་བསྡུར་ན་ཁྱད་པར་ཤིན་ཏུ་ཆེན་པོ་ཡོད་པ་དང་། དེ་ཡང་ཏོག་དབྱིབས་ནད་དུག་ཐོག་མར་ཐོན་ཡུལ་རྒྱ་ནག་གི་གྲོང་ཁྱེར་ཝུ་ཧན་ནས་ཐོག་མར་དུག་རླུང་དེ་ཉུང་དུ་ཕྱིན་ཡོད་པ་དང་། རྗེས་སུ་རྒྱ་ནག་རྒྱལ་ཡོངས་སུ་དུག་རླུང་དེ་ཉུང་དུ་ཕྱིན་ཡོད་པ་ཤེས་རྟོགས་བྱུང་སྐོར་བརྗོད་འདུག དེ་བཞིན་ཚན་རིག་པས་ཕྱི་ལོ་༢༠༠༨ ལོར་འཛམ་གླིང་གི་དཔལ་འབྱོར་ཉམས་རྒུད་ཕྱིན་སྐབས། མཁའ་རླུང་འབག་བཙོག་ཆུང་དུ་ཕྱིན་ཡོད་པ་དོ་སྣང་བྱུང་ཡང་། སྐབས་དེར་བརྒྱུད་རིམ་དེ་དལ་བུ་ཡིན་པ་དང་། ཐེངས་འདིར་རྒྱ་ནག་ནང་མཁའ་རླུང་འབག་བཙོག་ཉུང་དུ་འགྲོ་བའི་བརྒྱུད་རིམ་དེ་ནི་གློ་བུར་དང་ས་གཞི་ཆེན་པོ་ཞིག་ལ་ལམ་སེང་ཁྱབ་ཡོད་པ།

Read more

སྦིར་ལི་ལི་གྲོང་དུ་བདེ་ཆེན་ཞིང་སྒྲུབ་འཚོགས་པ།

བོད་མིའི་སྒྲིག་འཛུགས་ནང་སྲིད་ལས་ཁུངས་ནས་གསར་དུ་བསྐྲུན་པ་བོད་ནས་གསར་དུ་འབྱོར་བའི་སྦིར་ལི་ལི་གྲོང་སྡེའི་ཚོགས་ཁང་དུ། ལི་ལི་ཚོགས་པའི་གོ་སྒྲིག་འོག་བདེ་ཆེན་ཞིང་སྒྲུབ་ཅིག་ཕྱི་ལོ་༢༠༢༠ ཟླ་༢ ཚེས་༢༨ ནས་ཕྱི་ཟླ་༣ ཚེས་༡ བར་ཉིན་གྲངས་༣ རིང་འཚོགས་ཡོད་པ་དང་། སྐབས་དེར་དགེ་འདུན་པ་དང་མི་སྐྱ་ཕོ་མོ་བཅས་གྲངས་༡༢༠ བརྒལ་བ་ཞིག་མཉམ་ཞུགས་བྱས་ཡོད་པ་རེད། སྦིར་ལི་ལི་ཚོགས་པའི་ཚོགས་གཙོ་སྐལ་བཟང་ཤེས་རབ་ཀྱིས། ད་ལན་བདེ་ཆེན་ཞིང་སྒྲུབ་འདིར་དཔལ་སྤུངས་བྱེས་ཀྱི་གདན་ས་ཤེས་རབ་གླིང་གི་སྤྲུལ་སྐུ་དམ་ཆོས་ནོར་བུ་བསྟན་པའི་རྒྱལ་མཚན་གྱིས་དབུ་བཞུགས་མཛད་ཐོག མཁན་པོ་དང་རྡོ་རྗེ་སློབ་དཔོན་དགེ་འདུན་པ་གྲངས་༣༠ ལྷག་ཙམ་གདན་འདྲེན་ཞུས་ཡོད་པ་དང་། དེའི་ཐོག་མི་སྐྱ་ཕོ་མོ་བཅས་ཁྱོན་མི་གྲངས་༡༢༠ ཙམ་འཚོགས་ཡོད་ཅེས་བརྗོད་སོང་། ཁོང་གིས་མུ་མཐུད་བདེ་ཆེན་ཞིང་སྒྲུབ་འདི་ཉིད་འཚོགས་དགོས་དོན་ནི། ད་བར་བཙན་བྱོལ་ནང་བདེ་ཆེན་ཞིང་སྒྲུབ་ཆེན་མོ་འཚོགས་པའི་ལོ་རྒྱུས་མ་ཐོས་ཤིང་། ད་ལན་ང་ཚོས་གོ་སྒྲིག་བྱས་པ་འདི་ཉིད་ཐོག་མ་ཆགས་ཡོད་ས་རེད་སྙམ། བོད་ནང་གི་ས་ཆ་སྟོད་སྨད་བར་གསུམ་གང་སར་བདེ་ཆེན་ཞིང་སྒྲུབ་འཚོགས་རྒྱུ་དེ་དར་སྲོལ་ཧ་ཅང་ཆེན་པོ་ཡོད་པས།

Read more

བཙན་བྱོལ་དུ་གྱར་ནས་ལོ་རེ་གཅིག

བོད་ཀྱི་བང་ཆེན་སྤྱིའི་འདོན་ཐེངས་ ༧༩༢  ཕྱི་ལོ་ ༢༠༢༠/༠༣/༠༤   བོད་ས་ཡོངས་རྫོགས་རྒྱ་དམར་གཞུང་གིས་བཙན་འཕྲོག་བྱས་ཤིང་། སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་གིས་དབུས་བོད་མི་དུ་མ་ཞིག་ཕྱི་ལོ་༡༩༥༩ ལོར་བཙན་བྱོལ་དུ་གྱར་ནས། ད་ལོ་ཕྱི་ལོ་༢༠༢༠ ལོའི་བར་མི་ལོ་༦༡ ཧྲིལ་པོ་འཁོར་སོང་བ་རེད། དུས་ཡུན་དེའི་རིང་ཕྱོགས་གཅིག་ནས་བཤད་ན། ༧གོང་ས་མཆོག་གིས་མཛད་འཕྲིན་དང་མཚན་སྙན་གྲགས། བཙན་བྱོལ་གཞུང་གི་ལས་ཀྱི་སྣེ་མོ་བ་རྣམ་པས་གཙོས་གཞུང་སྒེར་གྱི་ཚོགས་སྡེ་ཁག་དང་། བོད་དོན་རྒྱབ་སྐྱོར་བ་རྣམས་ཀྱིས་འབད་བརྩོན་དུ་མ་བྱས་པ་ལ་བརྟེན་ནས། ད་ལྟའི་ཆར་འཛམ་གླིང་གི་ས་ཕྱོགས་གང་སར་བོད་ཅེས་པ་དེ་མི་གོ་མཁན་ཕལ་ཆེར་མེད་པར་གྱུར་ཡོད་པ་མ་ཟད། བོད་དོན་ལ་རྒྱབ་སྐྱོར་གྱི་རྣམ་པའང་ཕྱོགས་གཅིག་ནས་ཚད་མཐོན་པོར་སླེབས་ཡོད་ཅེས་བརྗོད་ཆོག ཤར་ནུབ་ཀྱི་ཡུལ་གྲུ་དུ་མ་ཞིག་ནས་བོད་བརྒྱུད་ནང་བསྟན་ལ་ཨ་གསར་ལྟ་བུའི་ཐོག་ནས་སྦྱོང་བརྩོན་བྱེད་མཁན་ཡང་མང་དུ་འགྲོ་བཞིན་པའི་རྣམ་པ་ལྟ་བུ་ཞིག་ཡོད། དེ་དག་ནི་བཙན་བྱོལ་ནང་མི་ལོ་དྲུག་ཅུ་ལྷག་སྡོད་དགོས་བྱུང་བ་དང་། དེའི་ཤུགས་རྐྱེན་ལ་བརྟེན་ནས་བྱུང་བ་ནི་སྨྲོས་མི་དགོས་པ་རེད། ད་དུང་བོད་ཕྱི་ནང་གཉིས་སུ་ཡོད་པའི་བོད་མི་དག་གི་ངག་རྒྱུན་དུ་བཙན་བྱོལ་བོད་པའི་སྤྱི་ཚོགས་ནི། རང་དབང་ལུང་པར་གནས་སྡོད་བྱས་ཡོད་པ་དང་། བོད་ཀྱི་སྐད་ཡིག་རིག་གནས་རྒྱུད་འཛིན་གྱི་ཐོག་ལ་ནུས་པ་མ་བརྒྱབ་པ་མ་གཏོགས། ཁོར་ཡུག་མེད་པ་ཞིག་གཏན་ནས་མིན་པར་བརྗོད་མཁན་མང་པོ་ཡོད་ཀྱང་། དོན་དངོས་སུ་བོད་མི་གནས་སྡོད་བྱེད་ཡུལ་གཙོ་བོ་རྒྱ་གར་ལ་མཚོན་ན་བོད་མི་རྣམས་ཤར་ཨ་སམ་ནས། ལྷོ་ཀར་ན་ཊ་ཀ ནུབ་ལ་དྭགས་སོགས་རྒྱ་གར་གྱི་ས་ཕྱོགས་གང་སར་བོད་པ་ཁ་འཐོར་ནས་གནས་སྡོད་བྱས་ཡོད་པ་དང་། སྒོ་ཕྱི་ལ་ཐོན་ནས་ཚ་སྤྱི་རྒྱ་(ཀེ་ལོ་)གང་ཉོ་དགོས་ཀྱང་། ཕལ་ཆེར་བོད་སྐད་བཤད་ས་མེད་ཅེས་བརྗོད་ཀྱང་འུར་དུ་མི་འགྱུར་བ་ལྟ་བུ་ཡོད། གོམ་གང་འགྲོ་དགོས་ན་གླ་འཁོར་ཆེ་ཆུང་སོགས་ཚང་མ་བོད་སྐད་བརྒྱབ་ནས་གླ་རྒྱུའི་ཁོར་ཡུག་མེད་པ་ཞིག་ཏུ། བོད་ཀྱི་སྐད་ཡིག་རྒྱུད་འཛིན་གྱི་ཐད་ནས་རང་དབང་ཡོད་པ་ཞིག་ཏུ་གཏན་ནས་གྱུར་མེད་ཀྱང་། ད་བར་བཙན་བྱོལ་ནང་མི་ལོ་དྲུག་ཅུའི་རིང་བོད་པ་རྣམས་ཀྱིས་སྐད་ཡིག་རིག་གནས་རྒྱུད་འཛིན་གྱི་ཐོག་ལ་ཁོར་ཡུག་དང་གནས་སྟངས་ཀྱི་ཐོག་ནས་ནུས་པ་ཆེན་པོ་ཐོན་ཡོད། སྤྱིར་རྒྱ་གར་ལ་མཚོན་ན་རང་དབང་ཆེ་ཤོས་ཀྱི་རྒྱལ་ཁབ་ཅིག་ཡིན་ནའང་། སྐྱབས་བཅོལ་བོད་མི་རྣམས་ཕྱི་རྒྱལ་མི་རིགས་ཀྱི་ངོ་བོར་ལོ་གཅིག་རེའི་མཚམས་སུ་སླར་ཡང་སྡོད་ཆོག་པའི་དུས་འགྱང་བྱེད་དགོས་པ་དང་། རྒྱ་གར་དུ་སྐྱེས་པའམ། རྒྱ་གར་དུ་འབྱོར་ནས་མི་ལོ་ཧྲིལ་པོ་༢༠ སོང་ཟིན་པ་དག་ལ་ལོ་ལྔ་རེའི་མཚམས་བསྐྱར་དུ་སྡོད་ཆོག་པའི་ཆོག་མཆན་ཞུ་དགོས། ཁྲིམས་ལུགས་ཐོག་ནས་ས་གནས་གཞན་དུ་འགྲོ་སྐབས་ཉིན་གྲངས་༡༤ ལས་མང་བ་འགོར་གྱི་ཡོད་ན། རང་ཉིད་སྡོད་གནས་ཀྱི་ཉེན་རྟོག་ས་ཚིགས་ནས་ཐོན་ཆོག་པའི་ཆོག་མཆན་ཞུ་དགོས་པ་དང་། གང་དུ་འབྱོར་བའི་ས་གནས་དེའི་ཉེན་རྟོག་ས་ཚིགས་སུ་འབྱོར་ཡོད་པའི་ཐོ་འགོད་ཞུ་དགོས། ཕྱིར་ཡོང་བའི་སྐབས་ཀྱང་ཐོན་པའི་སྐབས་དང་། སླེབས་པའི་སྐབས་སོ་སོར་ཉེན་རྟོག་ལས་ཁུངས་སུ་ཐོ་འགོད་ཆོག་མཆན་ཞུ་དགོས་པས། རང་དབང་ཆེན་པོ་ཞིག་ཡོད་པའི་ཚོར་སྣང་དེ་རྒྱ་གར་གཞུང་གིས་རང་བཞིན་གྱིས་གུ་ཡངས་བཏང་བསྡད་པ་ཙམ་ལས་ཁྲིམས་ལུགས་ཀྱི་ཐོག་ནས་སྲུང་སྐྱོབ་བམ། ཁྲིམས་ཀྱི་རྒྱབ་ལྗོངས་ཡོད་པའི་ཐོག་ནས་རང་དབང་ཡོད་པ་ཞིག་མ་རེད། གང་ལྟར་ད་བར་བཙན་བྱོལ་བོད་པའི་སྤྱི་ཚོགས་ནང་ཆོས་དང་རིག་གནས་རྒྱུད་འཛིན་གྱི་ཐོག་ནས་ཁོར་ཡུག་ཡོད་པ་དང་། གོ་སྐབས་ཡོད་པ་ཕལ་ཆེ་བའམ་ཆ་ཚང་དམ་འཛིན་བྱེད་ཐུབ་ཡོད་ལ། མ་འོངས་པར་ཡང་གནད་དོན་འདི་རིགས་ཀྱི་ཐོག་ནས་འཐུས་ཤོར་དུ་མ་སོང་བ་ཞིག་བྱེད་དགོས་པ་དེ་གལ་ཆེ་ཤོས་སུ་གྱུར་ཡོད། འོན་ཀྱང་བོད་དོན་འཐབ་རྩོད་ཀྱི་ཐོག་ནས་ཁོར་ཡུག་དང་གོ་སྐབས་ཀྱང་དཀོན་པོར་གྱུར་ཡོད་པ་དང་། ཁོར་ཡུག་དང་གོ་སྐབས་ཡོད་པ་དེ་དག་ཀྱང་ཆ་ཚང་དམ་འཛིན་བྱེད་ཐུབ་པ་ཞིག་བྱུང་མེད། སྐབས་རེ་ཆོས་ལུགས་ཀྱི་ནང་དུ་ཆབ་སྲིད་ཀྱི་མཐུད་ཁ་བརྒྱབ། སྐབས་རེ་ཆབ་སྲིད་ཀྱི་ནང་དུ་ཆོས་ལུགས་ཀྱི་ལྷན་པ་བརྒྱབ་ནས་ཡོང་བའི་སྐབས་སུ་རྩ་དོན་འཐབ་རྩོད་ཀྱི་ཐོག་ནས་བཤད་ན་ཤུགས་རྐྱེན་ངན་པ་ཐེབས་མེད་པ་ཞིག་གཏན་ནས་མིན། དཔེར་ན་རྒྱ་དམར་གཞུང་ལ་ངོ་རྒོལ་བྱེད་པའི་སྐབས་སུ་བྱང་ཆུབ་སེམས་མཆོག་རིན་པོ་ཆེ་དབྱངས་སུ་གྱེར་ནས་གོམ་བགྲོད་བྱེད་པ་ལྟ་བུ་ལ་མཚོན་ན། དོན་དངོས་སུ་བྱང་ཆུབ་སེམས་མཆོག་སྐྱེ་བར་འབད་བརྩོན་བྱེད་པ་དང་བོད་དོན་འཐབ་རྩོད་བྱེད་པ་གཉིས་འཕྲལ་ཕུགས་གཉིས་ཐད་ནས་མཚུངས་བསྡུར་བྱེད་མི་འོས། མདོར་ན་ལོ་འདིར་ཡང་ཏོག་དབྱིབས་ནད་དུག་ཁྱབ་བརྡལ་དུ་འགྲོ་བའི་སྐབས་སུ་གསུམ་བཅུའི་དུས་དྲན་སོགས་སུ་མི་མང་འདུ་འཛོམས་བྱེད་དགོས་མིན་དང་། ངོ་རྒོལ་ལས་འགུལ་སྤེལ་དགོས་མིན་བསམ་བློ་དགོས་པ་ཞིག་ཡིན་མོད། སྐབས་དེར་གལ་སྲིད་མི་མང་འདུ་འཛོམས་བྱེད་པའི་དབང་དུ་བཏང་ན། ཆོས་ཕྱོགས་ཀྱི་བྱེད་སྒོ་འབའ་ཞིག་བྱས་ན་ཆོས་ཕྱོགས་ནས་རྣམ་པ་ཡག་པོ་ཙམ་དུ་འགྱུར་སྲིད་ནའང་། ཆབ་སྲིད་ཀྱི་ཐོག་ནས་གཉེན་ལ་ཁ་གཏད་བཅགས། དགྲ་ལ་སྙིང་རྗེ་སྐྱེ་བའི་ཉན་ལེན་བྱེད་ཐུབ་མཁན་ཞིག་ཕལ་ཆེར་མེད་ལ། སྐྱེ་བའི་དབང་དུ་བཏང་ཡང་། ཆབ་སྲིད་ཀྱི་ཐོག་ནས་ཁེ་ཁ་ཞིག་མ་ཡིན་པར་ཉེན་ཁ་ཞིག་ཏུ་འགྱུར་ངེས་རེད། གནད་དོན་འདི་དག་ལ་བསམ་བློ་བཏང་ན་ཆོས་སྒྲུབ་པའི་སྐབས་ཆབ་སྲིད་དང་འདྲེས་ན་འཇིག་རྟེན་ཆོས་བརྒྱད་དུ་འགྱུར་བ་དང་། ཆབ་སྲིད་བསྒྲུབ་པའི་སྐབས་སུ་ཆོས་ཕྱོགས་ཁོ་ནའི་སློབ་གསོ་ལག་བསྟར་བྱས་ན། ཆབ་སྲིད་ལ་ནུས་པ་གང་ཡང་མེད་པར་མི་མང་པོའི་སེམས་ཤུགས་གཅོག་ངེས་པ་དང་། ཁ་ཤས་ཀྱིས་གོ་སྐབས་དེ་བེད་སྤྱོད་ལོག་པར་ཡང་གཏོང་སྲིད་པས་གནད་དོན་འདི་ལ་ངེས་པར་དུ་གཟབ་དགོས་པར་སྣང་།།

Read more

ཧོང་ཀོང་ཉེན་རྟོག་པས་མང་གཙོ་དོན་གཉེར་བ་ཚོང་པ་གྲགས་ཅན་ཞིག་འཛིན་བཟུང་བྱས་འདུག

རྒྱ་ནག་གཞུང་དང་ཧོང་ཀོང་གཞུང་ལ་སྐྱོན་བརྗོད་ཆེན་པོ་བྱེད་མཁན་དང་། མང་གཙོའི་ལས་འགུལ་ལ་རྒྱབ་སྐྱོར་ཤུགས་ཆེན་བྱེད་མཁན་ཧོང་ཀོང་གི་ཚོང་པ་གྲགས་ཅན་ཞིག་དང་། མང་གཙོ་ལས་འགུལ་བ་གྲགས་ཅན་གཞན་གཉིས་ཀྱང་ཉེན་རྟོག་པས་འཛིན་བཟུང་བྱས་འདུག ཟླ་༢ པའི་ཚེས་༢༨ ཉིན་རྒྱལ་སྤྱིའི་བརྒྱུད་ལམ་ཁག་ཏུ་གནས་ཚུལ་སྤེལ་གསལ། ཧོང་ཀོང་ཉེན་རྟོག་པས་རང་ལོ་༧༡ སོན་པའི་ཧོང་ཀོང་གི་ཚོང་པ་གྲགས་ཅན་ཇཱི་མཱི་ལའི་ལ། ཁྲིམས་འགལ་གྱི་འདུ་འཛོམས་དང་མི་གཞན་ལ་སྡིགས་བསྐུལ་བྱས་པའི་དོགས་གཞིའི་འོག་འཛིན་བཟུང་བྱས་ཡོད་འདུག ཁོང་ནི་ཧོང་ཀོང་ནང་མང་གཙོ་དོན་གཉེར་བ་དང་ཚོང་པ་གྲགས་ཅན་ཞིག་ཡིན་ཁར། རྒྱུན་དུ་ནས་ཧོང་ཀོང་གཞུང་དང་རྒྱ་ནག་གཞུང་ལ་མངོན་གསལ་དོད་པོའི་ཐོག་ནས་སྐྱོན་བརྗོད་ཤུགས་ཆེན་བྱེད་མཁན་ཡིན་འདུག དེ་བཞིན་ཁོང་ནི་མང་གཙོ་དོན་གཉེར་བར་རྒྱབ་སྐྱོར་གྱི་གནས་ཚུལ་ཁྱབ་ཆེན་སྤེལ་མཁན་གྱི་གསར་ཤོག་(Apple Daily)གསར་འཛུགས་བྱེད་མཁན་དང་སྤྱི་ཁྱབ་རྩོམ་སྒྲིག་པ་ཟུར་པ་ཡང་ཡིན་འདུག དེ་ཡང་ལོ་སྔོན་མའི་ཟླ་༨ པའི་ཚེས་༣༡ ཉིན་ཧོང་ཀོང་ནས་རྒྱ་ནག་ལ་དོགས་ཡོད་ཉེས་ཅན་རྩིས་སྤྲོད་ཀྱི་ཁྲིམས་འཆར་ལ་ངོ་རྒོལ་ལས་འགུལ་ཞིག་ལ་ཉེན་རྟོག་པས་ཆོག་མཆན་སྤྲད་མེད་ཀྱང་། མང་གཙོ་ལས་འགུལ་བ་མང་པོ་ཞིག་གིས་ལས་འགུལ་སྤེལ་ཡོད་འདུག་པས། འཛིན་བཟུང་བྱས་པའི་ཚོང་པ་གྲགས་ཅན་ཇཱི་མཱི་ལའི་དང་། རྒྱ་ནག་ནང་གི་རྒྱལ་ཞེན་མང་གཙོའི་ལས་འགུལ་ལ་རྒྱབ་སྐྱོར་བྱེད་མཁན་ཧོང་ཀོང་མཐུན་ཕྱོགས་ཚོགས་པའི་ཚོགས་གཙོ་ཟུར་པ་དང་། ད་ལྟའི་ཆར་ངལ་རྩོལ་སྲིད་དོན་ཚོགས་པའི་ཚོགས་གཞོན་རང་ལོ་༦༣

Read more

༧གོང་ས་མཆོག་གི་སྐུ་ཚེའི་ལོ་རྒྱུས་ཀྱི་དེབ་གསར་པ་ཞིག་ཐོན་འདུག

དབྱིན་ཡུལ་གྱི་གསར་འགོད་པ་དང་རྩོམ་པ་པོ་ཞིག་གིས་བྲིས་པའི་༧གོང་ས་མཆོག་གི་སྐུ་ཚེའི་ལོ་རྒྱུས་ཀྱི་དེབ་གསར་པ་ཞིག་ཉེ་ཆར་པར་སྐྲུན་བྱས་འདུག ཟླ་༢ པའི་ཚེས་༢༥ ཉིན་“ཏཱ་ལའི་བླ་མའི་ཁྱད་དུ་འཕགས་པའི་སྐུ་ཚེ་”ཞེས་པའི་དེབ་པར་སྐྲུན་བྱས་འདུག་པ་དང་། ད་ལྟའི་ཆར་དྲ་ཐོག་ཚོང་ཁང་ཁག་ནས་དེབ་གཟུགས་དང་གློག་དེབ་གང་དགོས་སྔོན་ཚོད་ནས་མངགས་ཉོ་བྱེད་རྒྱུ་འདུག དེབ་འདི་པར་སྐྲུན་བྱེད་མཁན་ནི་(Houghton Mifflin Harcourt)པར་སྐྲུན་ཁང་རེད་འདུག་པ་དང་། འབྲི་མཁན་ནི་དེ་སྔོན་༧གོང་ས་མཆོག་གི་སྐུ་ཚེའི་ལོ་རྒྱུས་ཀྱི་དེབ་ཁྱབ་ཆེན་འགྲེམས་སྤེལ་སོང་བ་“བཙན་བྱོལ་ནང་གི་རང་དབང་”ཞེས་པ་༧གོང་ས་མཆོག་དང་ལྷན་དུ་འབྲི་མཁན་ཨེ་ལེག་སེ་ནོར་མན་(Alexander Norman)རེད་འདུག འོན་ཀྱང་ད་ལྟའི་ཆར་རྒྱ་གར་གྱི་ཁྲོམ་རར་དངོས་སུ་ཐོན་མེད་པ་དང་། པར་སྐྲུན་ཁང་ཡང་གཞན་ཞིག་རེད་འདུག ཚེས་༢༥ ཉིན་ནིའུ་ཡོག་དུས་བབ་སྟེང་དུ་ཏཱ་ལའི་བླ་མ་སུ་རེད་ཅེས་པའི་ཁ་བྱང་ཐོག་ནས། གསར་དུ་ཐོན་པའི་དེབ་འདིའི་དཔྱད་བརྗོད་རྩོམ་ཡིག་གཅིག་སྤེལ་འདུག དེའི་ནང་རྩོམ་པ་པོས་དེབ་འདིའི་མགོ་༧རྒྱལ་དབང་སྐུ་ཕྲེང་བཅུ་གསུམ་པའི་སྐུ་ཚེ་ལོ་རྒྱུས་ནས་བཙུགས་ཡོད་པ་དེ་ནི་རྣམ་དཔྱོད་ལྡན་པའི་ཐག་གཅོད་གཅིག་ཡིན་པ་དང་། དེ་ཡང་ཁོང་གི་དུས་སྐབས་སུ་གདོང་ལེན་མཛད་དགོས་པའི་དཀའ་ངལ་མང་པོ་ཞིག་༧སྐུ་ཕྲེང་བཅུ་བཞི་པས་ཀྱང་གདོང་ལེན་གནང་དགོས་བྱུང་ཡོད་པ་རེད་ཅེས་དང་། རྩོམ་པ་པོས་༧རྒྱལ་དབང་སྐུ་ཕྲེང་བཅུ་གསུམ་པའི་དུས་སྐབས་དང་བཅུ་བཞི་པ་བོད་དུ་བཞུགས་ཡོད་པའི་དུས་སྐབས་རིང་། བོད་ནང་གི་ལྐོག་ཟ་རུལ་སུངས་དང་། བོད་ཀྱི་ཁྲིམས་ཁང་གི་གནས་སྟངས།

Read more

རྒྱ་ཡི་ནད་དུག་དང་བོད་ཀྱི་ཆག་སྒོ།

རྒྱ་ནག་གི་ཡུལ་དུ་ད་ལྟའི་ཆར་དར་ཁྱབ་ཆེན་པོ་འགྲོ་བཞིན་པའི་ནད་དུག་ཅིག་ལ་བརྟེན་ནས། རྒྱ་ནག་གི་ས་ཁུལ་མང་པོར་འགྲོ་འོང་བཀག་སྡོམ་ནན་པོ་བྱེད་བཞིན་ཡོད་པ་དང་། འཛམ་གླིང་སྤྱི་ཡོངས་ནས་འཛེམ་ཟོན་ཆེན་པོ་བྱེད་བཞིན་པའི་སྐབས་ཤིག་ཏུ་གྱུར་ཡོད།

Read more
Page 3 of 1,11312345...Last »