མཚན་སྨད་ཞུ་མཁན་ཁོ་རང་ལ་ཡང་༧རྒྱལ་བ་རིན་པོ་ཆེས་ཕན་ཐོགས་ཀྱི་ཡོད་རེད།

ད་ལྟ་འཚོག་བཞིན་པའི་རྒྱ་ནག་རྒྱལ་ཡོངས་འཐུས་མི་ཚོགས་ཆེན་གྱི་སྐབས་སུ་བོད་རང་སྐྱོང་ལྗོངས་ཟེར་བའི་དམར་ཤོག་འགོ་ཁྲིད་ཝུས་དབྱིང་ཅེས་སོགས་ཀྱིས་༧གོང་ས་མཆོག་ལ་མཚན་སྨད་ཞུས་པ་དག ཕྱི་དྲིལ་དྭགས་པོ་བསོད་ནམས་ནོར་བུས་དངོས་ཡོད་མིན་པའི་ཐད་བོད་ཀྱི་འགྲེམ་སྟོན་ཁང་གི་གོ་སྒྲིག་བྱས་པའི་བོད་མིའི་གསུམ་བཅུའི་སྒེར་ལངས་ལོ་ངོ་༦༠ འཁོར་བའི་ཉིན་མོ་སྲུང་བརྩི་ཞུ་བའི་མཛད་སྒོའི་སྐབས་སུ་གསུངས་སོང་།

Read more

བོད་མིའི་གསུམ་བཅུའི་དུས་དྲན་ལོ་ངོ་༦༠ འཁོར་བའི་པར་རིས་འགྲེམ་སྟོན།

ཟླ་འདིའི་ཚེས་༢༨ ཉིན་བོད་མིའི་སྒྲིག་འཛུགས་ཕྱི་དྲིལ་བོད་ཀྱི་འགྲེམ་སྟོན་ཁང་གི་གོ་སྒྲིག་འོག བོད་མིའི་སྒེར་ལངས་གསུམ་བཅུའི་དུས་དྲན་ལོ་༦༠ འཁོར་བའི་ཉིན་མོ་དེ་དྷ་ས་བོད་ཀྱི་འགྲེམས་སྟོན་ཁང་དུ་ལོ་རྒྱུས་དང་འབྲེལ་བའི་པར་རིས་འགྲེམ་སྟོན་གྱི་མཛད་སྒོ་ཞིག་འཚོགས་སོང་།

Read more

ང་ཚོར་གསུམ་བཅུའི་དུས་དྲན་སྲུང་བརྩི་ལ་ངོས་འཛིན་གསལ་བོ་ཞིག་དགོས།

བོད་ཀྱི་ཡིག་ཟམ་འདོན་ཐེངས་བཅུ་གསུམ་པའི་རྩོམ་སྒྲིག་པའི་གཏམ། ང་ཚོར་གསུམ་བཅུའི་དུས་དྲན་སྲུང་བརྩི་ལ་ངོས་འཛིན་གསལ་བོ་ཞིག་དགོས། གསུམ་བཅུའི་དུས་དྲན་མི་ཤེས་པའི་མི་ཞིག་གིས་བོད་རྒྱལ་ཁབ་ཅི་ལྟར་ཤོར་བ་མི་ཤེས་ལ། རྒྱལ་བ་རིན་པོ་ཆེ་དང་བོད་མི་རིགས་ཀྱི་འབྲེལ་བའང་མི་ཤེས། གསུམ་བཅུའི་དུས་དྲན་ཅིའི་ཕྱིར་སྲུང་བརྩི་བྱས་པ་ཤེས་པ་ལ་བོད་མིའི་རང་དབང་སྒེར་ལངས་ཅིའི་ཕྱིར་ལངས་པ་ཤེས་དགོས་ཤིང་། དེ་ནི་ཕྱོགས་གཅིག་ནས་རྒྱ་དམར་སྲིད་གཞུང་གི་དབང་བསྒྱུར་ལ་ངོ་རྒོལ་གྱི་ཕྱིར་དུ་ལངས་པ་ཡིན་ཏེ། ཉིན་དེར་༼རྒྱ་དམར་བོད་ནས་ཕར་རྒྱུགས་ཤིག བོད་ཀྱི་བདག་པོ་བོད་མི་ཡིན་༽ཞེས་པའི་འབོད་སྒྲ་ཞིག་གིས་བོད་ཀྱི་རྒྱལ་སའི་གནམ་ས་ཡོངས་སུ་གཡོས་པའི་ཕྱིར། ཕྱོགས་གཅིག་ནས་རྒྱལ་བ་རིན་པོ་ཆེའི་སྐུ་སྲོག་ལ་བར་ཆད་ཡོང་དོགས་ཀྱི་འཇིགས་སྔང་གིས་ལངས་པ་ཡིན་ཏེ། རྒྱ་ནག་གིས་རྒྱལ་བ་རིན་པོ་ཆེ་དམག་སྒར་ནང་གདན་ཞུ་བྱས་པ་གསང་རྒྱ་བྱེད་དགོས་པ་དང་དེ་ལ་སྐུ་སྲུང་བཅར་མི་ཆོག་པའི་བཙན་བཀའ་བཏང་བ་ཐོས་འཕྲལ་མི་མང་ཕྱོགས་བཞི་མཚམས་བརྒྱད་ནས་འདུས་པས་ཉིན་དེ་བོད་ཀྱི་རྒྱལ་ས་ལྷ་སར་མི་མང་འདུ་འཛོམས་ཆེས་མང་པའི་ཟིན་ཐོ་རུ་གྱུར་པའི་ཕྱིར། ད་དུང་གསུམ་བཅུའི་དུས་དྲན་ནི་༧གོང་ས་སྐྱབས་མགོན་ཆེན་པོ་བཙན་བྱོལ་དུ་ཕེབས་ནས་ཁོང་གིས་དབུ་ཁྲིད་དེ་སྲུང་བརྩི་གནང་བའི་དུས་དྲན་ཐོག་མ་དང་། སྲིད་དབང་ཡོངས་སུ་རྩིས་སྤྲོད་ཀྱི་བར་དུ་ལོ་རེ་བཞིན་རྒྱ་བོད་དབར་གྱི་སྲིད་བྱུས་འཛིན་ཕྱོགས་དང་། བོད་དོན་གྱི་ཕྱི་ནང་གསང་གསུམ་ལ་ལམ་སྟོན་རང་བཞིན་གྱི་གསུང་འཕྲིན་ཆག་མེད་དུ་གནང་བའི་དུས་དྲན་གལ་ཆེན་དེ་ཡིན་པས། གསུམ་བཅུའི་དུས་དྲན་ནི་རང་དབང་ཐོབ་དུས་གསེར་ནག་གི་རྡོ་རིང་བཞེངས་སའི་དུས་དྲན་དང་། རང་དབང་མ་ཐོབ་ཀྱི་བར་དུ་སྤུན་ཟླ་འབུམ་ཕྲག་ལྷག་གི་ཚེ་སྲོག་དགྲ་ལ་ཤོར་བའི་མྱ་ངན་དང་སྙིང་སྟོབས་རྗེས་དྲན་གྱི་ཉིན་མོ་ཡིན་པར་ངོས་ཟིན་དགོས། ཕྱོགས་ངོས་འདི་དག་ནས་བལྟས་ན་གསུམ་བཅུའི་དུས་དྲན་སྲུང་བརྩི་ལ་སྲིད་བྱུས་ཀྱི་ལངས་ཕྱོགས་ཤིག་གིས་འགྲེལ་བཤད་མི་ཐུབ། དེ་ལྟར་གསུམ་བཅུའི་དུས་དྲན་ནི། མི་རིགས་ཤིག་གི་རང་དབང་ཡོངས་སུ་ཤོར་བ་ལ་ལོ་རྒྱུས་རང་བཞིན་གྱི་ངོ་རྒོལ་གྱི་ཉིན་མོ་དང་། རང་ཐག་རང་གཅོད། ཆོས་དད་རང་དབང་སོགས་ཡོངས་ཁྱབ་ཀྱི་གཞི་རྩའི་ཐོབ་ཐང་འཐབ་རྩོད་ཀྱི་ཉིན་མོ་ཞིག་ཡིན་པས།

Read more

གསུམ་བཅུའི་དུས་དྲན་སྐབས་ཨོ་སི་ཁྲོ་ལི་ཡའི་ས་གནས་གཞུང་གིས་བོད་ཀྱི་རྒྱལ་དར་འཕྱར།

ཟླ་འདིའི་ཚེས་༨ ཉིན་ཨོ་སི་ཁྲོ་ལི་ཡའི་སི་ནེ་གྲོང་ཁྱེར་རི་སྔོན་པོ་ཞེས་པའི་ས་གནས་སུ་བོད་མིའི་གསུམ་བཅུའི་དུས་དྲན་ཐེངས་༦༠ པ་དེ་ཉིན་གཉིས་སྔ་བསྣུར་གྱིས་སྲུང་བརྩི་བྱས་པ་དང་། ས་གཞུང་གི་ལས་ཁུངས་སྒོ་རུ་བོད་ཀྱི་རྒྱལ་དར་བསྒྲེངས་འཛུགས་བྱས་ཡོད་རེད། དུས་དྲན་སྔ་བསྣུར་དགོས་དོན་ཚེས་བཅུ་ཉིན་གཟའ་ཉི་མར་ཁེལ་བས། ལས་ཁུངས་ཁག་སྒོ་བརྒྱབ་ཡོད་པས་ཡིན་པ་རེད།

Read more

གཞིས་བྱེས་བོད་མིའི་རེ་འདུན།

ཁ་ཚོན་བཅད་ནས་བཤད་ཆོག་པ་ཞིག་ལ་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་སྐུ་ཚེ་ཡུན་དུ་བརྟན་དགོས་པ་དེ་གཞིས་བྱེས་བོད་མི་ཡོངས་ཀྱི་རེ་འདུན་རེད་ལ། དེའི་ཆེད་དུ་ཁ་ཞེ་གཉིས་མེད་ཀྱིས་འབད་བརྩོན་བྱེད་མཁན་ཡང་མང་པོ་ཡོད་པ་སྨྲོས་མི་དགོས་པ་རེད། འོན་ཀྱང་དད་པ་ཆེ་དྲགས་ནས་ཡིན་མིན་བཤད་ཚོད་མི་ཐིག་ནའང་།

Read more

རྒྱ་ནག་མི་མང་འཐུས་མི་ཚོགས་ཆེན་སྐབས་བོད་ནང་དམ་དྲག

ཚོགས་ཆེན་སྐབས་སུ་བོད་ནང་དུ་དམ་དྲག་བྱེད་ཀྱི་ཡོད་པ་མ་ཟད་མང་ཚོགས་དང་ལས་བྱེད་ལ་བརྙན་འཕྲིན་ལམ་ནས་ཚོགས་ཆེན་ཐད་གཏོང་ལ་ལྟ་འཇུག་གི་ཡོད་པ་རེད།

Read more

དབྱིན་ཡུལ་གྱི་གྲོང་ཁྱེར་ནོར་ཐམ་ཊོན་དུ་ལོ་འཁོར་བོད་ཀྱི་རྒྱལ་དར་སྒྲེང་འཛུགས་ལས་འགུལ།

དབྱིན་ཡུལ་གྱི་གྲོང་ཁྱེར་ཆེ་གྲས་ནོར་ཐམ་ཊོན་དུ་གྲོང་ཁྱེར་དེའི་ནང་ལོ་ངོ་༢༠ གོང་ནས་བཟུང་ལོ་ལྟར་ཕྱི་ཟླ་གསུམ་པའི་ནང་གསུམ་བཅུའི་དུས་དྲན་གྱི་དུས་སྐབས་དང་བསྟུན་བོད་ཀྱི་རྒྱལ་དར་སྒྲེང་འཛུགས་ཀྱི་ལམ་ནས་བོད་དང་བོད་མིར་གདུང་སེམས་མཉམ་སྐྱེ་གནང་བཞིན་ཡོད་པ་རེད།

Read more

མཁའ་རླུང་བཙོག་ཤོས་ཀྱི་གྲོང་ཁྱེར་༢༠ ནང་རྒྱ་གར་གྱི་གྲོང་ཁྱེར་༡༥ ཡོད་འདུག

རྒྱལ་ཁབ་༧༣ ནང་གི་གྲོང་ཁྱེར་༣༠༠༠ ལས་མཁའ་རླུང་བཙོག་ཤོས་ཀྱི་གྲོང་ཁྱེར་༢༠ ཡི་ནང་དུ་རྒྱ་གར་གྱི་གྲོང་ཁྱེར་༡༥ ཚུད་ཡོད་པ་དང་། རྒྱལ་ཁབ་གཞིར་བཟུང་གི་ཐོ་གྲངས་ནས་རྒྱ་གར་ཨང་གསུམ་པ་དང་རྒྱ་ནག་ཨང་༡༢ ཡིན་འདུག

Read more

རྒྱ་ནག་གཞུང་གིས་བོད་ཀྱི་གྲྭ་བཙུན་ཚོར་ཏང་གི་བཀའ་ལ་ཉན་པ་དང་ཏང་གི་རྗེས་སུ་འབྲང་དགོས་ཟེར།

བོད་ཀྱི་གསུམ་བཅུའི་སྒེར་ལངས་དུས་དྲན་སླེབས་ལ་ཉེ་བ་དང་། བོད་ཀྱི་ས་གནས་ཚང་མར་རྒྱ་ནག་གཞུང་གོས་དམ་དྲག་ཆེ་རུ་བཏང་ཡོད་པ་དང་། རྒྱ་ནག་གཞུང་འབྲེལ་གྱི་བརྒྱུད་ལམ་ཐོག་གནས་ཚུལ་སྤེལ་གསལ། ཉེ་ཆར་ལྗོངས་ཏང་ཨུད་ཀྱི་རྒྱུན་ལས་ཧྲུའུ་ཅི་གཞོན་པ་ལྗོངས་སྲིད་གྲོས་ཏང་ཙུའུ་ཡི་ཧྲུའུ་ཅི་ཏིང་ཡེ་ཤན་ཟེར་བ་དང་ལྗོངས་ཏང་ཨུད་ཀྱི་རྒྱུན་ཨུ་ལྷ་ས་གྲོང་ཨུད་ཀྱི་ཧྲུའུ་ཅི་པད་མ་དབང་འདུས་ཞེས་པ་གཉིས་འབྲས་སྤུངས་དགོན་དང་། ལྷ་ལྡན་གཙུག་ལག་ཁང་། བར་སྐོར། ར་མོ་ཆེ་གཙུག་ལག་ཁང་། ཕོ་བྲང་པོ་ཏ་ལའི་ཐང་ཆེན་སོགས་སུ་བརྟན་ལྷིང་སྲུང་སྐྱོང་གི་ལས་དོན་ལ་ལྟ་སྐུལ་མཛུབ་ཁྲིད་དང་ཞིབ་བཤེར་ཟེར་བའི་ཆེད་དུ་བསྐྱོད་ཡོད་པ་རེད།

Read more

རྒྱ་གཞུང་གིས་ནང་སོག་དང་ཤིན་ཅང་ལ་སྤུས་ཚད་མཐོ་བའི་གོམ་སྟབས་གསར་པ་སྤོས་ཡོད་ཟེར།

ཟླ་འདིའི་ཚེས་༣ ལ་སྐབས་བཅུ་གསུམ་པའི་རྒྱལ་ཡོངས་མི་དམངས་འཐུས་ཚོགས་ཀྱི་གྲོས་ཚོགས་ཐེངས་གཉིས་པ་ཞེས་པ་པེ་ཅིང་དུ་འཚོགས་ཡོད་པ་དང་། སྐབས་དེར་ནང་སོག་ཏུ་ངར་ལྕགས་དང་རྡོ་སོལ་ཐོན་སྐྱེད་བྱས་ནས་དཔལ་འབྱོར་སོགས་ཡར་རྒྱས་གཏོང་ཚུལ་དང་དམངས་སེམས་གཅིག་ཏུ་སྒྲིལ་ནས་མཛེས་སྡུག་ལྡན་པའི་ཤིན་ཅང་འཛུགས་སྐྲུན་བྱས་ཡོད་པར་བརྗོད་འདུག

Read more
Page 4 of 1,041« First...23456...Last »