ད་ལོ་ལོ་གསར་མེད།

སྦེལ་ཀོབ་ས་གནས་གཞོན་ནུ་དང་བུད་མེད་སོགས་ཀྱིས་མྱང་ངན་དྲན་གསོའི་ཆེད་ལོ་གསར་མི་གཏོང་བའི་ལས་འགུལ་ཟེར་བ་དེར་ང་རང་གི་ངོས་ནས་རྒྱབ་སྐྱོར་བྱེད་འོས་སུ་མཐོང༌། ད་ལོར་ཆ་མཚོན་ན་བོད་གངས་ཅན་གྱི་ལྗོངས་དེ་ཉིད་བཙོན་ར་ཆེན་པོ་ཞིག་གི་ངང་ཚུལ་ལས་མེད་ལ། བོད་མི་ཚོར་མཚོན་ན་བཙོན་པ་རྐྱང་རྐྱང་གི་འཚོ་བ་ཞིག་བསྐྱལ་དང་སྐྱེལ་མུས་རེད། ལོ་རྗེས་མར་ཆ་བཞག་ན་བོད་ཁམས་ཡོངས་རྫོགས་རྒྱ་འོག་ཏུ་བསྡུས་པ་དང༌། ྋགོང་ས་སྐྱབས་མགོན་ཆེན་པོས་གཙོས་བོད་མི་མང་པོ་མི་འདོད་བཞིན་བཙན་བྱོལ་དུ་འབྱོར་ནས་ལོ་ངོ་ལྔ་བཅུ་འཁོར་བའི་མྱ་ངན་དུས་དྲན་གྱི་ལོ་ཞིག་ཡིན་པ་ལས། དགའ་སྐྱིད་ཀྱི་དཔལ་ལ་རོལ་བའི་དུས་བཟང་ཞིག་གཏན་ནས་མིན། དེར་བརྟེན་བཙན་བྱོལ་ནང་ཙམ་དུ་མ་ཟད། བོད་ནང་གི་རྒྱ་ཆེའི་སྤུན་ཟླ་རྣམས་ཀྱིས་མྱ་ངན་མཚོན་བྱེད་དུ་ལོ་གསར་གྱི་དགའ་སྟོན་མི་བྱེད་པའི་ལས་འགུལ་ཞིག་སྤེལ་ཐུབ་ན་བོད་སྤྱི་པའི་རྩ་དོན་ལ་གང་ལ་གང་འཚམ་གྱི་ཕན་ཐོགས་ཡོང་ངེས་རེད། དེར་བརྟེན་རྒྱ་ཆེའི་བོད་རིགས་སྤུན་ཟླ་རྣམས་ཀྱིས་ལས་འགུལ་དེར་རྒྱབ་སྐྱོར་དགོས་རྒྱུ་གལ་ཆེན་པོ་རེད་སྙམ།།

Read more

མྱ་ངན་དྲན་གསོའི་ཆེད་ལོ་གསར་མི་གཏོང་བའི་ལས་འགུལ།

ཟླ་འདིའི་ཚེས་༢༡ བྷེལ་ཀོབ་ས་གནས་གཞོན་ནུ་དང་བུད་མེད། གངས་ལྗོངས་རང་བདེན་རྩོད་ལེན་མཐུན་གྱི་ཚོགས་གཙོ་རྣམ་པ་དང༌། ས་གནས་གཞོན་ནུའི་སློབ་སྟོན་པ་རྒན་བློ་བཟང་རྡོ་རྗེ་སོགས་ས་གནས་གནད་ཡོད་མི་སྣ་ཁག་བཅོ་ལྔ་ཙམ་བོད་ཀྱི་བང་ཆེན་ས་གནས་གསར་འགོད་པའི་སྡོད་གནས་སུ་འདུ་འཛོམས་ཀྱིས་ད་ལོ་བོད་གཞིས་བྱེས་གཉིས་སུ་གྱེས་ནས་ལོ་འཁོར་ལྔ་བཅུ་འཁོར་བ་དང༌། བོད་ནང་ཛ་དྲག་དོན་རྐྱེན་བྱུང་བའི་རྒྱུ་མཚན་གྱིས་ལོ་གསར་དུས་སྟོན་བྱེད་རྒྱུའི་དུས་ཚོད་མིན་པས་མྱ་ངན་དྲན་གསོ་ཞེས་པའི་ལས་འགུལ་ཞིག་སྤེལ་དགོས་པའི་སྐོར་བགྲོ་གླེང་དང་ཐག་ཆོད་བྱས་པ་སོང༌། དེ་ཡང་བྷེལ་ཀོབ་གཅིག་པུ་ཙམ་མིན་པར་འཛམ་གླིང་གང་ས་ན་ཡོད་པའི་བོད་མི་ཡོད་དོ་ཅོག་གིས་དེ་ལ་མཉམ་ཞུགས་དགོས་པའི་འབོད་སྐུལ་ཡང་ཞུ་བཞིན་འདུག ལས་འགུལ་གཙོ་བོ་ནི་ཁང་པར་དཀར་རྩི་མི་གཏོང་བ་དང་མི་མང་མཉམ་འཛོམས་ཀྱིས་གླུ་དང་ཞབས་བྲོ་མི་བྱེད་པ་སོགས་གཙོ་བོ་རེད་འདུག དེ་ཡང་ཁོང་རྣམས་པས་ལས་འགུལ་སྐོར་ཀྱི་གསར་འགོད་གསལ་བསྒྲགས་བྱས་དོན།

Read more

ཁེ་ཕན་མི་འདྲ་བའི་ཤུགས་ལྡན་གྱི་རྩོད་རྙོག

ད་ལྟའི་དུས་ཚོད་འདིར་བཙན་བྱོལ་བོད་པའི་སྤྱི་ཚོགས་ལ་མཚོན་ན་རྩོད་རྙོག་ཧ་ཅང་ཉུང་ཉུང་ཡིན་ནའང༌། ཤུགས་ལྡན་སྐོར་གྱི་རྩོད་རྙོག་དེ་གཏན་ནས་འཇམ་ཐུབ་ཀྱི་མེད་པ་རེད། དེ་ལའང་རྒྱུ་མཚན་མི་འདྲ་བ་གཉིས་ཀྱི་ཐོག་ནས་འཇམ་ཐུབ་ཀྱི་མེད་པ་དང༌། དེ་ཡང་ཁེ་ཕན་དང་འབྲེལ་བའི་ཆ་ནས་རྩོད་རྙོག་དེ་ཞི་འཇམ་དུ་འགྱུར་ཐུབ་ཀྱི་མེད་པ་དང༌། ཁག་ཅིག་གིས་སྒེར་ནད་སྤྱི་སྤུངས་ཀྱི་ཐོག་ནས་རྩོད་རྙོག་དེ་ཞི་འཇམ་དུ་གཏོང་མི་ཐུབ་པའི་འབད་བརྩོན་བྱེད་བཞིན་ཡོད་པའི་ཚོར་སྣང་བྱུང༌།

Read more

ལེགས་ཚོགས་རྒྱ་མཚོའི་གསལ་བསྒྲགས།

༄༅། །སྦེལ་ཀོབ་རང་བདེན་ཚོགས་ཆུང་གི་ཚོགས་གཙོ་སྐུ་ཞབས་ལྷུན་འགྲུབ་དཔལ་འབྱོར་མཆོག་ལ།

ཆེད་ཞུ།

སྐུ་ཉིད་ཀྱིས་སྒྲིག་གཞི་དང་ལམ་སྟོན་ཁག་ལས་ཁུངས་ཀྱི་འགྲོ་ཕྱོགས་དང་འགལ་བའི་ལས་དོན་བྱེད་བཞིན་འདུག་པ། གཤམ་གསལ་ལྟར།

༡ སྐབས་༡༤ པའི་སྤྱི་འཐུས་རྣམ་པ་གསུམ་སྦེལ་ཀོབ་ཏུ་ཕེབས་སྐབས་ཀྱི་ལས་སྡོམ་སྙན་ཐོའི་འདྲ་བཤུས་རང་བདེན་ཚོགས་ཆུང་དུ་བསྐུར་བ་ཚོགས་ཆུང་ལ་མ་སྤྲད་པར་སྒེར་ཉར་བྱས་འདུག

Read more

བསམ་ཚུལ་ཐུང་ངུ་ཞིག

དོན་དམ་པའི་ཤེས་ཡོན་པ་ཞིག་ཡིན་ན། རྒྱུ་མཚན་ལྡན་པ་དང༌། དངོས་ཡོད་གནས་ཚུལ་དང་མཐུན་པའི་རྣམ་དཔྱོད་དང་རིག་པའི་རྩལ་གྱིས་གཞན་ལ་འགྲན་ཟླ་དང་སྐྱོན་བརྗོད་བྱེད་པ་ལས། སྒེར་གྱི་འཁོན་འཛིན་དང་ཚོད་དཔག་རྐྱང་རྐྱང་གིས་གཏམ་ཉོག་གང་སར་སྤེལ་བ་ནི། ཤེས་ཡོན་པ་དངོས་གནས་ཤིག་མིན་པའི་རྟགས་མཚན་རེད། དེ་ལྟར་ཞིབ་ཚགས་ཀྱིས་བསམ་བློ་གཏོང་ན་དོན་དམ་པའི་ཤེས་ཡོན་པ་དང༌། རྩོམ་པ་པོ། སྙན་ངག་པ་ཞིག་ང་ཚོའི་སྤྱི་ཚོགས་སུ་རྙེད་དཀའ་བར་གྱུར་ཡོད། དེའི་རྒྱུ་མཚན་ནི་མི་གཞིའི་ཀུན་སྤྱོད་ལ་དོ་སྣང་མ་བྱས་པ་དང༌། ཁ་ཙམ་གྱི་ཤེས་ཡོན་པ་དང༌། རྩོམ་པ་པོ། སྙན་ངག་པ་ཞིག་ལས། བསམ་བློའི་སྒྲོ་འདོགས་ཆོད་པ་ཞིག་བྱེད་པའི་སྙིང་རུས་སམ་བརྩོན་འགྲུས་ཀྱིས་མི་འདང་བའི་སྐྱོན་མངོན་གསལ་དོད་པོ་ཉིན་མཚན་བར་མེད་དུ་ཡོང་གི་ཡོད་པ་ང་ཚོས་ཚོར་དགོས་པ་འདུག བསམ་ཚུལ་འདི་ནི་རང་གིས་རང་ལ་དཔེ་བྱས་ནས་ཀློག་པ་པོ་རྣམས་ལ་དྲན་སྐུལ་གྱི་ཚུལ་དུ་ཡིན་པ་ལས། སུ་ལ་ཟུར་ཟ་དང་ནག་པོ་བཟོ་འདོད་ཀྱིས་བྲིས་པ་ཞིག་མིན། 

Read more

དུས་རབས་ཉེར་གཅིག་ནང་རྒྱ་ནག་གང་དུ་ཕྱོགས་ཡོད་དམ།

ཟླ་བ་འདིའི་ལོ་སུམ་ཅུའི་སྔོན་ལ་རྒྱ་ནག་གི་དམར་ཤོག་ཚོགས་པའི་འགོ་ཁྲིད་ཚོས་ཆབ་སྲིད་ལ་འཕོ་འགྱུར་གང་ཡང་བཏང་མེད་ཀྱང༌། རྒྱལ་ཁབ་གཞན་ལ་ཕྱི་ཚོང་དང་ཁྲོམ་ར་གུ་ཡངས་ཀྱི་ལེགས་བཅོས་སོགས་སྒོ་འབྱེད་བྱེད་པའི་དཔལ་འབྱོར་གྱི་གསར་བརྗེའི་ལས་གཞི་གསར་པ་ཞིག་སྤེལ་འདུག རྒྱ་ནག་གི་དུས་རབས་གསར་པ་ནི་ཕྱི་ལོ་༡༩༧༨ ལོ་ཟླ་བ་༡༢ ཚེས་༡༨ ཉིན་གྱི་དམར་ཤོག་ཚོགས་པའི་ཚོགས་འདུའི་སྐབས་སུ་འགོ་ཚུགས་ཡོད་ཅིང༌། སྐབས་དེར་རྒྱ་ནག་ནང་སྒེར་པའི་ཞིང་ལས་ཀྱི་བཟོ་གྲྭ་ཆུང་ངུ་བདག་གཉེར་བྱེད་ཆོག་པའི་ཆོག་མཆན་སྤྲད་ཡོད་པ་རེད། དེ་ནི་མའོ་ཙེ་དོང་གི་སྤྱི་ཚོགས་རིང་ལུགས་ཀྱི་བཟོ་ལས་དང་ཞིང་ལས་ཀྱི་ཕུགས་འདུན་མེད་པ་བཟོ་བའི་གོམ་པ་དང་པོ་དེ་ཡིན་པ་རེད།

Read more

ཁལ་མིག་སྲིད་བློན་སོགས་བཞུགས་སྒར་དུ་ཕེབས་པ།

ཨུ་རུ་སུའི་གྲོས་ཚོགས་འཐུས་མི་ཁག་ཅིག་དང་ཁལ་མིག་སྲིད་བློན་སོགས་ཀྱིས་བཞུགས་སྒར་དུ་གཟིགས་སྐོར།
ཉེ་བའི་ལོ་ཤས་སྔོན་ནས་ཨུ་རུ་སུ་མཉམ་འབྲེལ་གྱི་ཁོངས་གཏོགས་ཁལ་མིག་སྤྱི་མཐུན་རྒྱལ་ཁབ་ཀྱི་སྲིད་འཛིན་དང་གྲོས་ཚོགས་ཀྱི་འཐུས་མི་སོགས་བཞུགས་སྒར་ཁུལ་དུ་ཐེངས་སྔ་ཕྱི་རིམ་པ་ཕེབས་ཡོད་པ་མ་ཟད། ཡུལ་དེའི་གཟེངས་རྟགས་ཆེ་ཤོས་པདྨ་དཀར་པོ་ཞེས་པ་དེ་ཡང་ྋགོང་ས་མཆོག་ལ་ཕུལ་ཡོད་པ་དང༌།

Read more

ཟིན་བྲིས་བདག་པོ་རྣམས་ལ་འབོད་སྐུལ།

ཟིན་བྲིས་བདག་པོ་རྣམས་ལ་དེ་རིང་ཆེད་དུ་འབོད་སྐུལ་ཞུ་རྒྱུ་གཅིག་ཡོད། ཁྱེད་ཀྱིས་ཟིན་བྲིས་སུ་རྩོམ་ཡིག་འགོད་པའི་སྐབས། རྩོམ་ཡིག་གི་ནང་ནས་ཐིག་ཕྲེང་གང་ཉུང་ཉུང་གི་མཚམས་སུ་མདའ་མགོ་བཞག་པ་དང༌། གཤམ་དུ་(བརྙན་རིས)(Pagebreak)(དེ་ལས་མང་)ཞེས་གསུམ་ཡོད་པའི་ནང་ནས་(དེ་ལས་མང་)ཞེས་གཤམ་འཁོད་དཔེ་རིས་ཐོག་དམར་རྟགས་བརྒྱབ་པ་དེར་རྐྱང་རྡེབ་གནང་རོགས། དེ་ལྟར་བྱས་ནས་ཁྱེད་ཀྱི་རྩོམ་ཡིག་གི་སྟོད་དེ་ཕྱི་ལོགས་སུ་ཡོད་པ་དང༌། དེའི་འཕྲོས་རྒྱབ་ལོགས་སུ་འགྲོ་ཐུབ། རྩོམ་ཡིག་ཆ་ཚང་ཀློག་སྐབས་རྩོམ་ཡིག་གི་ཁ་བྱང་ཐོག་རྐྱང་རྡེབ་བྱས་ན་ཆ་ཚང་མཐོང་ཐུབ། རྩོམ་ཡིག་ཚང་མ་ཕྱི་ལོགས་སུ་བཀོད་ན། ཟིན་བྲིས་མང་པོ་ཞིག་མདུན་ངོས་མི་ཆུད་པའི་དཀའ་ངལ་འདུག་པས་དེ་ལུགས་དགོངས་བཞེས་ཡོང་བ་ཞུ་བཞིན་ཡོད། གཙོ་སྒྲིག་པས།

Read more

དྲན་འཆར་འགའ་ཟིན་བྲིས་སུ་བཀོད་པ།

ཉལ་ཁྲིའི་སྟེང་ནས། མདང་དགོང་མར་མ་ཉལ་བའི་སྔོན་ལ། བོད་ཀྱི་སྐད་ཡིག་་ཞེས་བའི་དྲ་ཚིགས་དེའི་ཁ་ཕྱེས། བོད་ནང་གི་རྩོམ་འབྲི་བ་ཚོའི་རྩོམ་ཡིག་འགའ་རེ་བྐླགས། མི་ཉག་ལམ་རིང་ཞེས་བའི་གློག་བརྙག་འཁྲབ་ཚན་ཞིག་དྲ་ངོས་སུ་འདུག གློག་བརྙན་དེ་བཟོ་མཁན་རྒྱ་རིགས་ཤིག་རེད་འདུག འོན་ཀྱང་། གློག་བརྙན་འཁྲབ་མཁན་གྱི་མི་སྣ་མང་ཆེ་བ་བོད་པ་རེད་འདུག བོད་ཀྱི་གཞས་པ་གྲགས་ཅན་བདུད་བྷེ་དེའི་ནང་གི་གཅིག་རེད་འདུག ད་དུང་གཞས་པ་གྲགས་ཅན་ཡ་དུང་དང་ཀུན་དགའ་སོགས་ཀྱིས་ཀྱང་གློག་བརྙན་འཁྲབ་ཀྱི་འདུག་ཞེས་གོ་ཐོས་བྱུང་། ངེད་ཀྱི་སེམས་ན་གསལ་ལྷེང་ངེར་ཡོད་པ་ནི་པད་མ་ཚེ་བརྟན་གྱི་འཁྲབ་གཞུང་ལྷིང་འཇགས་ཀྱི་མི་ཎི་རྡོ་འབུམ་ཞེས་པ་དེར་རྒྱལ་ནང་དང་རྒྱལ་སྤྱིར་བྱ་དགའ་རེག་སོང་།  ད་དུང་བཀྲ་ཤིས་ཟླ་བས་རི་དྭགས་སྲུང་སྐྱོབ་གྱི་སྐོར་ནས་བཟོས་བའི་་གློག་བརྙན་དེར་ཡང་རྒྱལ་ནང་དང་རྒྱལ་སྤྱི་ནས་བྱ་དགའ་འཐོབ།ངེད་ཀྱི་སེམས་ལ། བོད་ནང་གི་བོད་མི་འདི་ཚོས་མི་འཇོན་ན་མ་གཏོགས་རང་གིས་ནུས་ཚོད་ཀྱིས་ཕྱོགས་ཚང་མར་འཐམ་གྱིན་འདུག་སྙམ་པའི་ཚོར་བ་ཞིག་བྱུང་། འོན་ཀྱང་། བཙན་བྱོལ་དུ། རང་དབང་ཡོད་ས་རུ། འཛམ་གླིང་མཐོང་ས་རུ།  གློག་བརྙན་སྐད་གྲགས་ཅན་ཞིག་བཟོ་བསྐྲུན་མ་ཐུབ་ཅི་རེད། བོད་པ་རང་གི་ངོས་ནས་བཟོས་བ་ཅུང་སྐད་གྲགས་ཡོད་པ་ནི་ཕོར་བ་དང་ལྷ་སའི་རྨི་ལམ་ལྟ་བུ་རེད། གཞན་བསོད་ནམས་དབང་འདུས་ཀྱིས་འཁྲབ་བའི་གློག་བརྙན་དེ་གཉིས་དང་མི་ཚེ་ཟེར་བ་དེ་ཚོ་ནི་དེ་འདྲ་ཞིག་རེད།  འོན་ཀྱང་།

Read more

གྲོད་པ་ས་ལ་ཐུག་པའི་རྒྱགས་པ་ཞིག

མི་རྒྱགས་པ་འདིའི་གྲོད་པའི་མདོག་དམར་པོ་ཆགས་ཡོད་པ་དང་དེ་ལ་ཟ་འཕྲུག་མང་པོ་ལང་གི་ཡོད་པར་སྨན་ཁང་དུ་སླེབས་དུས་སྨན་པས་བརྟག་དཔྱད་བྱས་རྗེས་ཁོ་བོའི་གྲོད་པ་ལྟེབ་རྩེགས་ཐེབས་པའི་ནང་ཟ་ཆས་རིགས་འཛུལ་ཡོད་པ་མཐོང་བ་མ་ཟད། དྲི་ངན་ཞིག་ཀྱང་ཁ་བཞིན་ཡོད་པ་རེད།  མི་དེས་དྲི་མ་དེ་ཟླ་བ་གཅིག་སྔོན་ནས་ཁ་ཡི་འདུག་ལབ་པ་རེད། འོན་ཀྱང་ཁོ་རང་རྒྱགས་དྲགས་ནས་གྲོད་ཁོག་གི་ལྟེབ་རྩེག་བར་དུ་གང་ཡོད་པ་བལྟ་མི་ཐུབ་པ་རེད།

Read more
Page 987 of 1,022« First...985986987988989...Last »