Author: ཆོས་ཉིད་འོད་ཟེར།

ཟླ་འདིའི་ཚེས་༡༩ ཉིན་གྱི་སྔ་དྲོར་དྷ་སར་བོད་ཀྱི་གཞུང་འབྲེལ་མ་ཡིན་པའི་ཚོགས་པ་བདུན་མཉམ་འབྲེལ་གྱིས། ༧གོང་ས་མཆོག་ལ་མཚན་སྨོད་ཞུ་མཁན་ཚོ་ཐར་འདོན་དང་། གནས་ཡུལ་སོ་སོའི་ས་གནས་ལ་ཁྲིམས་གཏུག་དགོས་པའི་གསར་འགོད་ལྷན་ཚོགས་ཤིག་བསྐོངས་པ་དང་། མི་དྲུག་གི་མིང་དངོས་སུ་བཏོན་སོང་།

ཟླ་འདིའི་ཚེས་༡༤ ཉིན་༸གོང་ས་མཆོག་བྷེང་ལོར་ཏཱ་ལའི་བླ་མ་མཐོ་རིམ་སློབ་གཉེར་ཁང་དུ་༸ཞབས་སོར་འཁོད་དེ། མཐོ་སློབ་དབུ་འབྱེད་རབ་གནས་གནང་བ་དང་། དགེ་ལས་སློབ་མ་དང་། ཕྱི་ནང་སྐུ་མགྲོན་རྣམས་ལ་བཀའ་སློབ་གནང་ཡོད་པ་རེད།

ཟླ་འདིའི་ཚེས་༡༦ དགོང་མོར་དྷ་ས་མེག་གྷན་དུ་བུད་མེད་ན་གཞོན་སྙན་ངག་པ་སྐལ་བཟང་གིས་དབྱིན་ཡིག་ཐོག་བརྩམས་པའི་སྙན་ངག་ཕྱོགས་བསྒྲིགས་ཀྱི་དེབ་ཆུང་ཞིག་སྒོ་འབྱེད་བྱས་ཡོད་པ་དང་། དཔེ་དེབ་དེ་ནི་བོད་སྨྱུག་དྲ་ཐོག་རྩོམ་སྒྲིག་ཁང་གིས་པར་སྐྲུན་བྱས་ཡོད་པ་རེད།

ཟླ་འདིའི་ཚེས་༡༠ ཉིན་སྟེ། རྒྱལ་སྤྱིའི་འགྲོ་བ་མིའི་ཐོབ་ཐང་གི་ཉིན་མོ་དང་སྟབས་བསྟུན། རྒྱ་གར་སྲིད་འཛིན་ཕོ་བྲང་གི་རིག་གཞུང་བསྟི་གནས་ཁང་གི་ཚོགས་ཁང་ཞིག་དུ་རྒྱལ་སྤྱིའི་བྱིས་པའི་ལྷན་ཚོགས་དབུ་འབྱེད་མཛད་སྒོའི་ཐོག རྒྱ་གར་གྱི་སྲིད་འཛིན་དང་། ༸གོང་ས་མཇལ་འཕྲད་གནང་ཡོད་པ་རེད།