Author: ཆོས་ཉིད་འོད་ཟེར།

བོད་མིའི་སྒེར་ལངས་གསུམ་བཅུའི་དུས་དྲན་ཐེངས་དྲུག་ཅུ་པའི་གཞོན་ལྷན་གྱི་རྒྱ་ནག་ལ་ངོ་རྒོལ་གྱི་ལས་འགུལ་ཉིན་གཉིས་པར་མི་མང་གིས་ངོ་རྒོལ་ཁྲོམ་སྐོར་དང་། ལྡི་ལིར་རྟེན་གཞི་བྱས་པའི་མཉམ་འབྲེལ་རྒྱལ་ཁབ་ལས་ཁུངས་སུ་བོད་དོན་རྒྱབ་སྐྱོར་དགོས་པའི་སྙན་ཞུ་ཕུལ་ཡོད་པ་རེད།

“རང་བཙན་ཟེར་བའི་ཚིག་དེས་མི་མང་པོར་ནུས་པ་སྤྲོད་ཐུབ་པ་དང་། རང་བཙན་རྩོད་པ་ནི་དུས་ནམ་ཡང་ནོར་ཡོད་པ་མ་རེད་ལ། མང་གཙོའི་སྤྱི་ཚོགས་ནང་མི་ཚང་མར་བཤད་རྒྱུ་དང་ཉན་རྒྱུའི་ཐོབ་ཐང་ཡོད་རེད། བོད་ཀྱི་འཐབ་རྩོད་དེ་རང་བཙན་གཙང་མ་མ་རག་བར་དུ་རྩོད་རྒྱུ་རེད་ལ། ཁྱེད་ཚོ་ཚང་མས་འཚེ་མེད་ཞི་བའི་ཐོག་ནས་འཐབ་རྩོད་ཀྱི་མདུན་བསྐྱོད་བྱེད་ཐུབ་པའི་རེ་བ་ཡོད་”ཅེས་བོད་དོན་རྒྱབ་སྐྱོར་བ་ ལྡི་ལི་ས་གནས་གྲོས་ཚོགས་ཀྱི་འཐུས་མི་ལྕམ་ཨལ་ཀ་ལེམ་པ་ཡིས་གསུངས་སོང་།

ཆབ་སྲིད་བཙོན་ཟུར་བསྟན་པ་དར་རྒྱས་རྒྱ་གར་ལ་སྐྱབས་བཅོལ་ཡོང་བ་དང་། ཁོང་གིས་བོད་གཞིས་བྱེས་མཉམ་འཛོམས་མ་བྱུང་བར་ལོ་སར་སྤྲོ་སྐྱིད་མི་གཏོང་བར་ཉིན་དེར་རྒྱ་ནག་ལ་ངོ་རྒོལ་ཆེད་ཟས་བཅད་་ངོ་རྒོལ་བྱེད་ཀྱི་ཡོད་པ་ལྟར། དེང་སྐབས་ཁོང་ཨོ་སི་ཁྲི་ལི་ཡར་ནས་ལས་འགུལ་དེ་མུ་མཐུད་ནས་སྤེལ་བཞིན་འདུག

ཕྱི་ཟླ་༡ ཚེས་༣༡ ཉིན་སྲིད་སྐྱོང་བློ་བཟང་སེང་གེས་ཁ་བའི་འོག་གི་མེ་ལྕེ་ཞེས་པའི་ཉི་ཧོང་བོད་དོན་རྒྱབ་སྐྱོར་ཚོགས་པའི་གོ་སྒྲིག་འོག ཉི་ཧོང་གི་ཨོ་ས་ཀའི་གྲོང་ཁྱེར་དུ་མི་མང་ལ་གཏམ་བཤད་སྐབས། གལ་ཏེ་རྒྱ་ནག་གི་སྐོར་ཤེས་དགོས་ན་བོད་སྐོར་ངེས་པར་དུ་ཤེས་དགོས་པ་རེད་ཅེས་གསུངས་འདུག

ཟླ་འདིའི་ཚེས་༡༠ ཉིན་རྒྱལ་སྤྱིའི་འགྲོ་བ་མིའི་ཐོབ་ཐང་གི་ཉིན་མོ་ཐེངས་བདུན་བཅུ་པ་སྲུང་བརྩི་དང་སྟབས་བསྟུན། ནིའུ་ཡོག་ཏུ་རྟེན་གཞི་བྱས་པའི་འཛམ་གླིང་མཉམ་འབྲེལ་རྒྱལ་ཁབ་ཀྱི་ལས་ཁུང་ཨ་མའི་ནང་དུ། བོད་རྒྱལ་ཡོངས་རང་བཙན་ལྷན་ཚོགས་ཀྱི་ངོས་ནས་བོད་དོན་ཞུ་གཏུག་བྱས་ཡོད་པ་རེད།

ཟླ་འདིའི་ཚེས་༨ ཉིན་དྷ་ས་བོད་ཀྱི་དཔེ་མཛོད་ཁང་གི་ཚོགས་ཁང་དུ་སྨོན་ལམ་བོད་ཀྱི་བརྡ་འཕྲིན་ཞིབ་འཇུག་ཁང་དང་སྤྲུལ་སྐུ་མཐུ་སྟོབས་རིན་པོ་ཆེ་གཉིས་མཉམ་འབྲེལ་གྱིས། བོད་ཀྱི་དཔེ་མཛོད་འཛིན་སྐྱོང་མ་ལག་དང་དེའི་མཉེན་ཆས་སྐོར་ལ་བགྲོ་གླེང་ཞིག་འཚོགས་སོང་།