ཨ་རིའི་གྲོས་ཚོགས་འཐུས་མིའི་སྐུ་ཚབ་ཚོགས་ཆུང་ཞིག་དྷ་སར་ཕེབས་པ།

ཟླ་༨ པའི་ཚེས་༢ ཉིན་ཨ་རིའི་མང་གཙོ་ཚོགས་པ་དང་སྤྱི་མཐུན་ཚོགས་པའི་གྲོས་ཚོགས་འཐུས་མི་དྲུག་ལས་གྲུབ་པའི་སྐུ་ཚབ་ཚོགས་ཆུང་ཞིག་དང་སྐུ་ཟླ་རྣམ་པ། འབྲེལ་ཡོད་ལས་བྱེད། དེ་བཞིན་རྒྱ་གར་གྱི་རྒྱལ་ས་ལྡི་ལིར་རྟེན་གཞི་བྱས་པའི་ཨ་རིའི་གཞུང་ཚབ་ཁང་གི་ལས་བྱེད་བཅས་ཁྱོན་སྐུ་མགྲོན་གྲངས་༣༢ ཙམ་ཞིག་བཞུགས་སྒར་དྷ་སར་འབྱོར་ཡོད་པ་དང་། སྐབས་དེར་ཨ་རིའི་སྤྱི་མཐུན་ཚོགས་པའི་གྲོས་ཚོགས་འཐུས་མི་སྐུ་ཞབས་ནེ་ལི་ཌན་གྱིས་གསར་འགོད་པར་ཐེངས་འདིར་བཞུགས་སྒར་དྷ་སར་ཕེབས་དགོས་པའི་དམིགས་ཡུལ་གཙོ་བོ་ནི། བོད་མིའི་སྒྲིག་འཛུགས་ལ་རྒྱུས་ལོན་བྱ་རྒྱུ་དང་བོད་མི་ཚོར་རོགས་རམ་ག་རེ་ཞུ་ཐུབ་པའི་ཆེད་དུ་བཅར་སྐོར་གསུངས་ཡོད་པ་རེད། དེ་ཉིན་སྐུ་མགྲོན་རྣམ་པ་ནོར་གླིང་བོད་ཀྱི་རིག་གཞུང་གཅེས་སྐྱོང་ཁང་ལ་བལྟ་སྐོར་དུ་ཕེབས་སྐབས། བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་གིས་ཕེབས་བསུའི་སྣེ་ལེན་ཞུས་ཡོད་པ་རེད། ཟླ་ ༨ ཚེས་ ༣ ཉིན་གྱི་སྔ་དྲོར་སྐུ་ཚབ་ཚོགས་པ་རྣམས་བོད་མིའི་སྒྲིག་འཛུགས་ཀྱི་བཀའ་ཤག་ཚོགས་ཁང་དུ་ཕེབས་ནས། སྲིད་སྐྱོང་བློ་བཟང་སེང་གེ་མཆོག་གིས་དབུས་བཀའ་བློན་རྣམ་པ་དང་ཆུ་ཚོད་གཅིག་ཙམ་གྱི་མཇལ་འཕྲད་གྲུབ་མཚམས་ཚོགས་ཆུང་གི་ཚོགས་གཙོ་མང་གཙོ་ཚོགས་པའི་གྲོས་ཚོགས་འཐུས་མི་སྐུ་ཞབས་ཌེ་ཝི་ཌི་པཱེ་རའི་སེ་ཡིས་གསར་འགོད་པ་ཚོར། ཐེངས་འདིར་ཁོང་རྣམས་རྡ་སར་བཅར་དགོས་དོན་གཙོ་བོ་ནི་བོད་མིའི་ཆོས་དང་རིག་གཞུང་སྲུང་སྐྱོབ་ལ་རྒྱབ་སྐྱོར་གང་ཡོང་ཞུ་རྒྱུ་ཡིན་པ་དང་། བོད་མིར་གདུང་མཉམ་སྐྱེ་ཐོག་བོད་ནང་རང་དབང་སླར་གསོའི་ལས་འགུལ་ལ་རྒྱབ་སྐྱོར་གྱི་རྣམ་པ་སྟོན་ཆེད་ཡིན་པ། བཀའ་ཤག་ལྷན་རྒྱས་མཇལ་འཕྲད་ཡག་པོ་བྱུང་སྐོར་དང་།  མཇལ་འཕྲད་གྲུབ་བསྟུན་༸རྒྱལ་བའི་ཕོ་བྲང་དུ་༸གོང་ས་མཆོག་མཇལ་ཁ་ཞུ་རྒྱུ་ཡིན་སྐོར་གསུངས།  

Read more

ཤེས་རིག་ལས་ཁུངས་ཀྱིས་བརྡ་ཆད་འཚོལ་ཞིབ་མཉེན་ཆས་དབུ་འབྱེད་བྱས་སོང་།

ཟླ་༦ པའི་ཚེས་༦ ཉིན་ཤེས་རིག་ལས་ཁུངས་ཀྱི་བརྡ་ཆད་ཚན་པས་བརྡ་ཆད་རྣམས་ལག་ཐོག་ཁ་པར་དང་ཀམ་པུ་ཊར་གཉིས་ཐོག་འཚོལ་ཞིབ་ཐུབ་ཆེད་ཀྱི་མཉེན་ཆས་ TibTerm ཞེས་པ་ཞིག་དང་། བརྡ་ཆད་དེབ་ཕྲེང་བཅུ་གཉིས་པའི་དབུ་འབྱེད་མཛད་སྒོ་ཞིག་འཚོགས་སོང་། མཉེན་ཆས་དེར་མཐུན་འགྱུར་བྱེད་མཁན་ཌན་མག་གཞུང་གི་རོགས་ཚོགས་ཤིག་ཡིན་འདུག མཛད་སྒོའི་ཐོག་བོད་མིའི་སྒྲིག་འཛུགས་ཀྱི་ཤེས་རིག་བཀའ་བློན་པདྨ་དབྱངས་ཅན་གཙོས་ཤེས་རིག་དྲུང་ཆེ་ཀརྨ་སེངྒེ། དྲུང་འཕར་འཇིགས་མེད་རྣམ་རྒྱལ། ཤེས་རིག་ལས་ཁུངས་ཀྱི་བརྡ་ཆད་ཚན་པའི་འགན་འཛིན་ཨོ་རྒྱན་བསྟན་འཛིན་དང་འབྲེལ་ཡོད་ལས་བྱེད་དང་། ལས་བྱེད་གཞན་བཅས་མཉམ་ཞུགས་བྱས་ཡོད་པ་དང་།ཐོག་མར་ཨོ་རྒྱན་བསྟན་འཛིན་གྱིས་བརྡ་ཆད་ཚན་པ་ནས་ད་བར་བཙན་བྱོལ་བོད་མིའི་སློབ་གྲྭ་ཁག་དང་མང་ཚོགས་ལ་ཐ་སྙད་ཐོག་གོ་རྟོགས་ཇི་ལྟར་སྤེལ་ཐུབ་པ་བྱུང་ཡོད་སྐོར་དང་། ཕྱི་ཟླ་༦ པའི་མཇུག་ནས་རྒྱ་གར་ལྷོ་ཕྱོགས་སུ་ཡོད་པའི་བཙན་བྱོལ་བོད་མིའི་སློབ་གྲྭ་ཁག་དང་། མང་ཚོགས་ལ་གོ་རྟོགས་སྤེལ་རྒྱུའི་ལས་རིམ་ཡོད་སྐོར་གྱི་ངོ་སྤྲོད་གཏམ་བཤད་གནང་སོང་། ཤེས་རིག་དྲུང་ཆེ་ཀརྨ་སེངྒེ་ཡིས་བརྡ་ཆད་དེབ་ཕྲེང་བཅུ་གཉིས་དབུ་འབྱེད་བྱས་ཏེ་གཏམ་བཤད་གནང་དོན། བོད་མིའི་སྒྲིག་འཛུགས་ཤེས་རིག་ལས་ཁུངས་ཀྱི་ལས་འགན་གཙོ་བོ་ནི། བོད་མི་གཞོན་སྐྱེས་རྣམས་ཀྱི་ཤེས་ཡོན་དང་བོད་ཀྱི་ཐུན་མིན་སྐད་ཡིག་སོགས་ཀྱི་ཐོག་དོ་སྣང་བྱེད་དགོས་རྒྱུ་རེད། དེ་རིང་གི་ལས་འཆར་ལྟ་བུ་མཚོན་ན། བོད་མིའི་ཐུན་མིན་སྐད་ཡིག་མི་ཉམས་རྒྱུན་འཛིན་དང་སྲུང་སྐྱོབ་སླད་ཤེས་རིག་བརྡ་ཆད་ཚན་པ་དེ་བཞིན་གསར་འཛུགས་གནང་བ་ཞིག་ཡིན། ཤེས་རིག་བརྡ་ཆད་ཚན་པས་ད་བར་བརྡ་ཆད་དེབ་ཕྲེང་བཅུ་གཉིས་གཏན་འབེབས་གནང་ཟིན་ཡོད་པ་རྣམས།

Read more

ཝཱཎ་དབུས་བོད་ཀྱི་གཙུག་ལག་སློབ་གཉེར་ཁང་དུ་སློབ་འཇུག་གསལ་བསྒྲགས།།

Central Institute of Higher Tibetan Studies Sarnath, Varanasi Tel: 0542- 2585242, 2585148                                                                                    Fax: 0542-2585150   Admission notification for the academic

Read more

བོད་ཀྱི་བུད་མེད་སྒེར་ལངས་ཐེངས་༦༠ པ་སྲུང་བརྩི་རྒྱ་ཆེར་ཞུས་སོང་།

རྒྱལ་གཅེས་དཔའ་བོ་དཔའ་མོ་ཚོའི་བློས་བཏང་ལ་དྲན་གསོ་ཞུ་ཆེད་ནུས་པ་བསྐྱར་གསོ་བྱས་པའི་ཐོག ཆོད་སེམས་བརྟན་པོས་བོད་ཀྱི་འཐབ་རྩོད་དེ་དག་རྒྱུན་འཁྱོངས་བྱ་རྒྱུའི་དམ་བཅའ་འཇོག་རྒྱུ་ཡིན་ཞེས་བུད་མེད་སྒེར་ལངས་ཐེངས་༦༠ པའི་ཐོག་བསྒྲགས་གཏམ་སྤེལ་སོང་། ཕྱི་ལོ་༢༠༡༩ ཟླ་ ༣ ཚེས་༡༢ ཉིན་བོད་ཀྱི་བུད་མེད་སྒེར་ལངས་ཐེངས་༦༠ པ་ཐེག་ཆེན་ཆོས་གླིང་གཙུག་ལག་ཁང་གི་འགྲམ་དུ་ཡོད་པའི་དཔའ་བོའི་རྡོ་རིང་གི་མདུན་དུ་སྲུང་བརྩི་ཞུས་ཡོད་པ་དང་། སྐབས་དེར་སྐུ་མགྲོན་གཙོ་བོ་བོད་མི་མང་གི་སྤྱི་འཐུས་སྒྲོལ་མ་ཚེ་རིང་ལགས་དང་། དམིགས་བསལ་སྐུ་མགྲོན་བཀའ་ཟུར་རིན་ཆེན་མཁའ་འགྲོ་དང་རྡ་ས་གྲོང་སྡེའི་སྤྱི་ཁྱབ་ཟུར་པ་ལྕམ་ར་ཅི་ནི་ཝས། བོད་མི་མང་སྤྱི་འཐུས་དང་ས་གནས་འགོ་འཛིན། གཞུང་འབྲེལ་མ་ཡིན་པའི་ཚོགས་པ་ཁག་གི་འགན་འཛིན་གྱིས་གཙོས་པའི་སློབ་ཕྲུག་དང་བཙུན་མ། དེ་བཞིན་རྡ་སའི་གཡས་གཡོན་དུ་གནས་སྡོད་ཀྱི་བུད་མེད་སོགས་ལོ་ན་རྒན་གཞོན་མེད་པར་བུད་མེད་བརྒྱ་ཕྲག་དུ་མ་ཞིག་མཉམ་ཞུགས་གནང་འདུག ཐོག་མར་རྒྱལ་གཅེས་དཔའ་བོ་དཔའ་མོ་རྣམས་ཀྱི་བཀའ་དྲིན་རྗེས་དྲན་ཆེད་མྱ་ངན་གུས་འདུད་ཀྱིས་ངག་བཅད་སྐར་མ་གཅིག་བྱས་རྗེས་བོད་རྒྱལ་ཁབ་ཆེན་པོའི་རྒྱལ་གླུ་དང་བུད་མེད་ལངས་གླུ་བཅས་བླངས་སོང་། དེ་ནས་བུད་མེད་ལྷན་ཚོགས་ཀྱི་དབུས་སྤྱི་ཁྱབ་ཚོགས་གཙོ་སྒྲོལ་མ་དབྱངས་ཅན་ལགས་ནས་བུད་མེད་སྒེར་ལངས་ཀྱི་བསྒྲགས་གཏམ་སྒྲོག་སྦྱང་གནང་རྗེས། བུད་མེད་ལྷན་ཚོགས་ཀྱི་སློབ་སྟོན་པ་བཀའ་ཟུར་རིན་ཆེན་མཁའ་འགྲོ་ལགས་ཀྱིས་བོད་ནང་དུ་བོད་ཀྱི་བུད་མེད་སྒེར་ལངས་ལང་དགོས་པའི་སྐོར་དང་། ང་ཚོར་མི་རེ་ངོ་རེ་ལ་བོད་རྒྱལ་ཁབ་དང་སྐད་ཡིག དེ་བཞིན་རིག་གཞུང་བཅས་ཀྱི་ཆེད་དུ་འགན་འཁྲི་ག་རེ་ཡོད་མེད་སོགས་ཀྱི་སྐོར་གསུངས་པ་མ་ཟད། སློབ་ཕྲུག་ཚོར་ཆེད་དུ་པོ་རྨོ་ཚོར་རྒྱ་གར་ཡོང་དོན་དང་ང་ཚོ་རྒྱ་གར་ག་རེ་བྱས་ནས་བསྡད་པའི་དོན་ཤེས་དགོས་ཚུལ་དང་སློབ་སྦྱོང་དང་ཀུན་སྤྱོད་ཀྱི་སྐོར་ལ་བཀའ་སློབ་གནང་སོང་།

Read more

གསུམ་བཅུའི་དུས་དྲན་ཐེངས་ ༦༠ པའི་ཐོག་བོད་མི་མང་སྤྱི་འཐུས་ལྷན་ཚོགས་ཀྱི་གསུང་འཕྲིན།

༄༅། །ཕྱི་ལོ་ ༢༠༡༩ ཟླ་ ༣ ཚེས་ ༡༠ འདི་ནི་བོད་མི་རྣམས་ཀྱིས་རྒྱ་ནག་དབང་འཛིན་པར་ཞི་བའི་ངོ་རྒོལ་བྱས་ནས་ལོ་ངོ་  ༦༠ འཁོར་བའི་དུས་ཚིགས་གལ་ཆེན་ཞིག་ཆགས་ཡོད།   དེ་ཡང་ཐོག་མར་ཕྱི་ལོ་ ༡༩༤༩ ཟླ་ ༡༠ ཚེས་ ༡ ཉིན་རྒྱ་ནག་དམར་ཤོག་ཚོགས་པས་རྒྱ་ནག་མི་དམངས་སྤྱི་མཐུན་རྒྱལ་ཁབ་གསར་འཛུགས་བྱས་རྗེས་རྒྱ་དམག་གིས་བོད་ས་བཅིངས་གྲོལ་གཏོང་རྒྱུའི་མིང་འདོགས་འོག་བོད་ནང་བཙན་འཛུལ་གྱིས་བོད་ས་ཡོངས་རྗོགས་ཧམ་བཟུང་བྱ་འགོ་བཙུགས་པ་རེད། དུས་དེ་ནས་བཟུང་སྟེ་ལོ་ངོ་དགུ་ལྷག་ཙམ་རིང་སྐབས་དེའི་བོད་གཞུང་དང་༸གོང་ས་༸སྐུ་ཕྲེང་བཅུ་བཞི་པ་ཆེན་པོ་མཆོག་གིས་རྒྱ་ནག་དམར་གཞུང་མཉམ་གྲོས་མོལ་གྱི་ལམ་ནས་དཀའ་རྙོག་སེལ་ཐབས་འབད་བརྩོན་རིམ་མཐུད་བྱས་ཡོད་ཀྱང་། ༸གོང་ས་མཆོག་དང་བོད་གཞུང་ལ་བཀའ་བསྡུར་བཀའ་འཁྲོལ་གང་ཡང་མེད་པའི་ཐོག་ནས་རྒྱ་དམར་གཞུང་གིས་ང་ཕོད་ངག་དབང་འཇིགས་མེད་ཀྱིས་འགོ་ཁྲིད་པའི་བོད་གཞུང་གི་གྲོས་མོལ་སྐུ་ཚབ་ཚོགས་ཆུང་ལ་བཙན་དབང་འོག་གྲོས་མཐུན་དོན་ཚན་ ༡༧

Read more

གསུམ་བཅུའི་དུས་དྲན་ཐེངས་༦༠ པའི་ཐོག་སྲིད་སྐྱོང་གི་གསུང་འཕྲིན།

༄༅། །ཕྱི་ལོ་ ༡༩༥༩ ལོའི་དེ་རིང་གི་ཉིན་མོར་བོད་ཀྱི་རྒྱལ་ས་ལྷ་སར་ཆོལ་གསུམ་བོད་མི་སེར་སྐྱ་ཕོ་མོ་རྒན་གཞོན་ཁྲི་ཕྲག་བརྒལ་བས་མ་བགྲོས་བསམ་པ་གཅིག་མཐུན་གྱི་སྒོ་ནས། རྒྱ་གཞུང་གིས་བོད་ས་ཁྲིམས་འགལ་གྱིས་བཙན་བཟུང་དང་བོད་མིའི་ཐོག་མི་སྤྱོད་ལས་འདས་པའི་དྲག་གནོན་བྱས་པ་ལ་ཞི་བའི་སྒེར་ལངས་བྱས་པའི་བོད་ཀྱི་ལོ་རྒྱུས་ཐོག་བརྗེད་དུ་མེད་པའི་ཉིན་མོ་ཞིག་ཡིན་ཞིང། ལྷག་པར་བོད་མི་ཚོའི་བློས་གཏོང་གི་སྙིང་སྟོབས་དང་ཆོད་སེམས་ལ་ཡི་རངས་དང། རྒྱ་གཞུང་གི་དྲག་གནོན་འོག་འདས་གྲོངས་སུ་གྱུར་པ་རྣམས་ལ་མྱ་ངན་རྗེས་དྲན་བྱེད་དགོས་པའི་དུས་ཚེས་ཤིག་ཀྱང་ཡིན། དེ་ཡང་དེ་རིང་གི་ཉིན་མོ་འདིར་བོད་མི་ཚོས་རྡོག་རྩ་གཅིག་བསྒྲིལ་གྱིས་རྒྱ་དམར་གཞུང་གིས་བོད་མིར་བཙན་དབང་གདུག་རྩུབ་བྱས་པར། “བོད་ནི་བོད་མིའི་ཡིན། ཏཱ་ལའི་བླ་མའི་དབང་ཆར་ཐེ་བྱུས་བྱེད་པ་མཚམས་འཇོག་དགོས།” ཞེས་སོགས་ཞི་བའི་སྒོ་ནས་བོད་མི་མང་གི་མངོན་འདོད་གསལ་འདོན་བྱས་པ་དང། བོད་མིའི་འདི་ཕྱི་གཉིས་ཀྱི་མགོན་སྐྱབས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དགྲ་ལག་ཏུ་མ་ཤོར་བར་སྲུང་སྐྱོབ་ཐུབ་ཡོད་པར་དགའ་སྤོབས་བྱེད་ཆོག་པའི་དུས་ཚིགས་ཤིག་དང། ལྷག་པར་དེ་རིང་ནི་བོད་བསྟན་སྲིད་མི་རིགས་ཀྱི་དོན་དུ་ལུས་སྲོག་ལོངས་སྤྱོད་བློས་བཏང་གནང་མཁན་གྱི་དཔའ་བོ་དང་དཔའ་མོ་འདས་གསོན་ཡོངས་ཀྱི་ཆེད་དུ་མྱ་ངན་རྗེས་དྲན་དང་གུས་བཏུད་ཞུ་རྒྱུའི་དུས་ཚིགས་ཤིག་ཀྱང་ཡིན། མི་ལོ་ ༦༠ ཐམ་པའི་རིང་རྒྱ་ནག་གཞུང་གིས་བོད་མིའི་ཐོག་མི་སྤྱོད་ལས་འདས་པའི་གདུག་རྩུབ་དྲག་གནོན་དང་འགྲོ་བ་མིའི་གཞི་རྩའི་ཐོབ་ཐང་བརྡལ་བཤིག་བཏང་ཡོད་པ་མ་ཟད། འཆར་གཞི་དང་ལྡན་པའི་ཐོག་ནས་བོད་ཀྱི་ཐུན་མོང་མ་ཡིན་པའི་ཆོས་དང་རིག་གཞུང་སྐད་ཡིག་བཅས་བོད་མི་རིགས་ཀྱི་ངོ་བོ་རྩ་མེད་བཟོ་ཐབས་རིམ་པ་བྱས་ཡོད། བོད་ཀྱི་འབྲོག་པས་གཙོས་མི་མང་ས་ཡ་གཉིས་ལྷག་ཙམ་བཙན་དབང་གིས་གཞིས་སྤོ་བྱེད་དུ་བཅུག་སྟེ་སྲོལ་རྒྱུན་གྱི་འཚོ་བའི་ལམ་ལུགས་རྩ་མེད་དང་རང་དབང་ངང་འཚོ་བ་སྐྱེལ་རྒྱུའི་གོ་སྐབས་དང་མཐུན་རྐྱེན་མེད་པ་བཟོས་དང་བཟོ་བཞིན་ཡོད། ཨ་རིར་རྟེན་གཞི་བྱེད་པའི་འགྲོ་བ་མིའི་ཐོབ་ཐང་རྟོག་ཞིབ་ཚོགས་པས་འདི་ལོའི་ལོ་འཁོར་སྙན་ཐོའི་ནང་། རྒྱ་ནག་གཞུང་གིས་བོད་ཀྱི་བླ་ན་མེད་པའི་དབུ་འཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་དད་གུས་དང་རྒྱབ་སྐྱོར་བྱེད་མཁན་ཡིན་པའི་དོགས་གཞི་ཙམ་བྱུང་ནའང་ཁོང་ཚོར་ནག་ཉེས་གཡོགས་ནས་སྐྱོན་བརྗོད་ཐེར་འདོན་བྱེད་དགོས་པ་རྒྱ་ནག་རྒྱལ་ཡོངས་ནང་བཀོད་ཁྱབ་བྱས་ཡོད་སྐོར་གསལ་བཀོད་བྱས་ཡོད། དེ་ཙམ་མ་ཟད། བོད་མི་༸གོང་ས་མཆོག་ལ་བསྔོ་རྟེན་དང་སྐྱབས་རྟེན་འབུལ་མཁན་ཚུན་ཆད་ཁ་བྲལ་བར་ངོས་འཛིན་བྱེད་སྟངས་འདིས་ཆོས་དད་རང་དབང་མེད་པ་ཤིན་ཏུ་གསལ་པོ་ཡིན། གཞན་ཡང་ཨ་རིར་རྟེན་གཞི་བྱེད་པའི་རང་དབང་ཁང་པའི་སྙན་ཐོར་བོད་ནི་ལོ་བཞི་བསྟུད་མར་རང་དབང་དམ་བསྒྲགས་ཆེ་ཤོས་དེ་ཡིན་པར་གསལ་འདོན་བྱས་འདུག་པ་དང། དེ་བཞིན་རྒྱལ་མཚམས་མེད་པའི་གསར་འགོད་ཚོགས་པས་ཀྱང་། བོད་ནང་གསར་འགོད་རང་དབང་ཐོག་དམ་བསྒྲགས་ཧ་ཅང་ཆེན་པོ་ཡོད་པ་དང་། གསར་འགོད་པ་བོད་ནང་འགྲོ་འོང་བྱེད་རྒྱུ་ནི་བྱང་ཀོ་རི་ཡཱ་ལས་ཀྱང་དོ་དམ་ཆེ་བ་ཡོད་པ་གསལ་འདོན་བྱས་ཡོད། རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་ནང་མི་རིགས་ཁག་ཚང་མར་རང་ཉིད་ཀྱི་སྐད་ཡིག་བེད་སྤྱོད་དང་དར་རྒྱས་གཏོང་རྒྱུའི་རང་དབང་འགན་སྲུང་བྱས་ཡོད་པ་ལྟར་བཀྲིས་དབང་ཕྱུག་གིས་བོད་ཀྱི་སྐད་ཡིག་སྦྱོང་སྤྱོད་བྱེད་རྒྱུའི་ཐོབ་ཐང་སྤྲོད་དགོས་པའི་ཞུ་འབོད་བྱས་པར་མ་ཉེས་ཁ་གཡོགས་ཀྱིས་ལོ་ལྔའི་བཙོན་འཇུག་བྱས་ཡོད་པ་དང། དེ་བཞིན་བོད་རིགས་ལོ་ཆུང་སློབ་མ་རྣམས་ལ་གུང་གསེང་སྐབས་ཁུལ་སོ་སོའི་དགོན་སྡེ་ཁག་ཏུ་བོད་ཀྱི་སྐད་ཡིག་ཞོར་འཁྲིད་བྱེད་པ་ལའང་ཁྲིམས་འགལ་ཡིན་ལུགས་བརྗོད་དེ་བཀག་སྡོམ་བྱེད་པའི་གནས་ཚུལ་ཐོན་བཞིན་འདུག

Read more

པདྨ་ཚེ་བརྟན་གྱི་གློག་བརྙན་ལ་རྩེ་ཕུད་བྱ་དགའ་གསུམ་ཐོབ་འདུག

བོད་ཀྱི་གློག་བརྙན་འཁྲབ་ཁྲིད་པ་སྙན་གྲགས་ཆེ་ཤོས་པདྨ་ཚེ་བརྟན་གྱི་གློག་བརྙན་གསར་པ་ལག་དམར་ཞེས་པ་དེར། ཧྥ་རན་སིར་འཚོགས་པའི་རྒྱལ་སྤྱིའི་ཨེ་ཤི་ཡའི་གློག་བརྙན་དུས་སྟོན་སྐབས་སུ། རྩེ་ཕུད་ཀྱི་བྱ་དགའ་གསུམ་ཐོབ་འདུག་པ་དང་། དེ་སྔོན་ནས་རྒྱལ་སྤྱིའི་གློག་བརྙན་དུས་སྟོན་ཁག་ཅིག་ནང་ཁོང་གི་གློག་བརྙན་རྣམས་ལ་རྩེ་ཕུད་ཀྱི་བྱ་དགའ་ཐོབ་མྱོང་བ་རེད། དེ་ཡང་ཟླ་༢ པའི་ཚེས་༡༢ ཉིན་ཡུ་རོབ་ཧྥ་རན་སིར་འཚོགས་པའི་རྒྱལ་སྤྱིའི་ཨེ་ཤི་ཡའི་གློག་བརྙན་དུས་སྟོན་སྐབས་སུ། པདྨ་ཚེ་བརྟན་གྱིས་འཁྲབ་ཁྲིད་བྱས་པའི་གློག་བརྙན་ལག་དམར་ཞེས་པ་དེར། དངོས་སྒྲུང་མ་ཡིན་པའི་གློག་བརྙན་གྲགས་ཅན་༨ ཁོངས་ནས་གློག་བརྙན་རྩེ་ཕུད་ཀྱི་བྱ་དགའ་དང་། དེ་བཞིན་གློག་བརྙན་དཔྱད་བརྗོད་པས་འདེམས་ཐོན་བྱས་པའི་གློག་བརྙན་རྩེ་ཕུད་ཀྱི་བྱ་དགའ། དེ་བཞིན་ཧྥ་རན་སིར་ཡོད་པའི་ཨེ་ཤི་ཡའི་རིག་གནས་གཙུག་ལག་སློབ་གཉེར་ཁང་གིས་འདེམས་ཐོན་བྱས་པའི་གློག་བརྙན་རྩེ་ཕུད་ཀྱི་བྱ་དགའ་བཅས་བྱ་དགའ་མི་འདྲ་བ་གསུམ་ཐོབ་འདུག དེ་ཡང་ཕྱི་ལོ་༢༠༡༦ ལོར་གློག་བརྙན་དུས་སྟོན་དེར་པདྨ་ཚེ་བརྟན་གྱི་གློག་བརྙན་ཐར་ལོ་ལ་དུས་སྟོན་གྱི་གློག་བརྙན་རྩེ་ཕུད་ཀྱི་བྱ་དགའ་ཐོབ་མྱོང་འདུག་པས། གློག་བརྙན་དུས་སྟོན་དེའི་ལོ་རྒྱུས་ནང་གློག་བརྙན་འཁྲབ་ཁྲིད་པ་ཞིག་ལ། གློག་བརྙན་རྩེ་ཕུད་ཀྱི་བྱ་དགའ་ཐེངས་གཉིས་ཐོབ་མཁན་ཐོག་མ་དེ་པདྨ་ཚེ་བརྟན་ཆགས་འདུག དེ་བཞིན་ཕྱི་ལོ༢༠༡༨ ལོའི་ཟླ་༩ པའི་ཚེས་༨ ཉིན་ཨི་ཊ་ལིའི་ཝེ་ནཱེ་སི་(Venice)རྒྱལ་སྤྱིའི་གློག་བརྙན་དུས་སྟོན་སྐབས་༧༥

Read more

བོད་མིའི་སྨན་བཅོས་ལྟ་སྐྱོང་ལས་གཞིའི་ནང་ཚོགས་ཞུགས་ཐོ་འགོད་བྱ་རྒྱུ།

༄༅། །ཕྱི་ལོ་ ༢༠༡༩  ཟླ་ ༡ ཚེས་ ༡ ནས་ ཟླ་ ༣ ཚེས་ ༣༡ བར་བོད་མིའི་སྒྲིག་འཛུགས་འཕྲོད་བསྟེན་ལས་ཁུངས་ཀྱི་བོད་མིའི་སྨན་བཅོས་ལྟ་སྐྱོང་ལས་གཞིའི་ནང་ཚོགས་ཞུགས་ཐོ་འགོད་བྱ་རྒྱུ། ཕྱི་ལོ་ ༢༠༡༨་་་༡༩ ལོའི་སྨན་བཅོས་ལྟ་སྐྱོང་ལས་གཞིའི་གནས་སྟངས་མདོར་བསྡུས་གཤམ་གསལ། ཚོགས་ཞུགས་མི་གྲངས་ ༢༤༣༢༡ ཕྱི་ལོ་ ༢༠༡༨ ཟླ་ ༤ ཚེས་

Read more

རྙོག་གྲའི་ནང་ལྷུང་བའི་སྲིད་འཛིན་ཊོམ་གྱི་ཐེབས་རྩ་སྒོ་རྒྱག་རྒྱུ་རེད་འདུག

རྙོག་གྲའི་ནང་ལྷུང་བའི་སྲིད་འཛིན་ཊོམ་གྱི་ཐེབས་རྩ་སྒོ་རྒྱག་རྒྱུ་རེད་འདུག ཨ་རིའི་སྲིད་འཛིན་ཊོམ་གྱི་ཐེབས་རྩ་ཁང་གི་རོགས་དངུལ་མང་པོ་ཞིག སྒེར་གྱི་ཁེ་ཕན་ཆེད་བེད་སྤྱད་པའི་ཉེས་འཛུགས་བྱུང་ཏེ། ཊོམ་གྱི་ནང་མི་གཙོས་པའི་འབྲེལ་ཡོད་ལས་བྱེད་ཁག་ལ་ཞིབ་འཇུག་བྱེད་བཞིན་ཡོད་པས།ཁོ་ཚོས་ཐེབས་རྩ་ཁང་དེ་སྒོ་རྒྱག་རྒྱུར་མོས་མཐུན་བྱས་ཏེ། དེའི་རྒྱུ་དངོས་རྣམས་ཐེབས་རྩ་གཞན་ལ་བགོ་འགྲེམ་བྱ་རྒྱུ་རེད་འདུག ཟླ་༡༢ པའི་ཚེས་༡༩ ཉིན་རྒྱལ་སྤྱིའི་བརྒྱུད་ལམ་ཁག་ཏུ་གནས་ཚུལ་སྤེལ་གསལ། ཨ་རིའི་ནིའུ་ཡོག་མངའ་སྡེའི་གཞུང་གི་ཁྲིམས་རྩོད་པ་གཙོ་བོས། ཨ་རིའི་སྲིད་འཛིན་ཊོམ་དང་ཁོང་གི་ཕྲུ་གུ་རྒན་ཤོས་གསུམ་གྱིས་ཐེབས་རྩ་ཁང་དེའི་རོགས་དངུལ་མང་པོ་ཞིག སྒེར་གྱི་ཁེ་ཕན་ཆེད་བེད་སྤྱད་པའི་ཉེས་འཛུགས་བྱས་འདུག་ཀྱང་། ཐེབས་རྩ་ཁང་དེའི་ཁྲིམས་རྩོད་པས། ནིའུ་ཡོག་མངའ་སྡེའི་གཞུང་གི་ཁྲིམས་རྩོད་པ་གཙོ་བོས་གནད་དོན་དེ་ཆབ་སྲིད་ཀྱི་ལག་ཆར་བེད་སྤྱོད་བྱེད་ཀྱི་ཡོད་པའི་སྐྱོན་བརྗོད་བྱས་འདུག ད་ལྟའི་ཆར་སྲིད་འཛིན་ཊོམ་དང་ཁོང་གི་ནང་མི། དེ་བཞིན་ཉེ་འཁོར་གྱི་མི་རྣམས་ལ་ཁྲིམས་ཞིབ་བྱེད་བཞིན་ཡོད་པ་དང་། དེ་དག་ཁྲོད་གནད་དོན་ཆེ་ཤོས་ཤིག་ནི། ཊོམ་གྱི་སྲིད་འཛིན་འོས་བསྡུའི་རྒྱབ་སྐྱོར་ཚོགས་པ་དང་། ཨུ་རུ་སུ་བར་ལག་སྦྲེལ་བྱས་ཏེ་འོས་བསྡུར་ཤུགས་རྐྱེན་སྤྲད་ཡོད་མེད་ཐད་ཨ་རིའི་གཞུང་གི་རྟོག་ཞིབ་ལས་ཁང་གི་དམིགས་བསལ་རུ་ཁག་གཅིག་གིས་ཞིབ་འཇུག་བྱེད་མུས་ཡིན་པ་དང་། གལ་ཏེ་ཞིབ་འཇུག་གྲུབ་དོན་ཊོམ་གྱི་སྲིད་འཛིན་འོས་བསྡུའི་རྒྱབ་སྐྱོར་ཚོགས་པ་དང་ཨུ་རུ་སུ་བར་ལག་སྦྲེལ་བྱས་ཡོད་པ་དང་། བྱ་སྤྱོད་དེའི་ཐོག་ཊོམ་མཉམ་ཞུགས་བྱས་ཡོད་པའི་དཔང་རྟགས་རྙེད་གསོན་བྱུང་ཚེ།

Read more
Page 1 of 2912345...Last »