སློབ་གྲྭར་མེ་ཤོར་ནས་སློབ་ཕྲུག་༢༣ ཤི་འདུག

ཨེ་ཤི་ཡའི་རྒྱལ་ཁབ་མ་ལེ་ཤི་ཡའི་ཁ་ཆེ་ཆོས་ལུགས་ཀྱི་སློབ་གྲྭ་ཞིག་ལ་མེ་ཤོར་ནས། སློབ་ཕྲུག་༢༣ དང་དགེ་རྒན་༢ ཀྱི་ཚེ་སྲོག་ཤོར་ཡོད་པ་དང་། དེ་ནི་ལོ་ངོ་༢༠ ཡི་རིང་རྒྱལ་ནང་དུ་མེ་རྐྱེན་གོད་ཆག་ཆེ་ཤོས་ཤིག་ཡིན་འདུག

བོད་མི་ཞིག་མེ་འཁོར་ལྕགས་ལམ་ཐོག་མཆོང་ནས་གྲོངས་འདུག

ཟླ་འདིའི་ཚེས་༧ ཉིན་སུད་སི་རྒྱལ་ཁབ་ཀྱི་ས་གནས་ལུ་རྫན་(Luzern) གྲོང་ཁྱེར་ནང་བོད་མི་ཞིག་མེ་འཁོར་ལྕགས་ལམ་ཐོག་མཆོང་ནས་གྲོངས་ཡོད་པ་དང་། ཉེན་རྟོག་པས་རྩད་གཅོད་བྱས་རྗེས་ཁོང་གི་སྦ་ཁུག་ནང་ཁ་ཆེམས་ཡི་གེ་ཞིག་བཞག་ཡོད་འདུག

ཨ་རིར་བོད་པའི་གཞོན་སྐྱེས་ཤིག་བསད་པ་དང་འབྲེལ་ནས་དོགས་ཡོད་གཞོན་སྐྱེས་ཤིག་འཛིན་བཟུང་།

ཨ་རི་ནས་བོད་པའི་གཞོན་སྐྱེས་རང་ལོ་༡༦ ཡིན་པའི་བསྟན་འཛིན་ཀུན་མཁྱེན་དམར་གསོད་བཏང་ཡོད་པའི་གནས་ཚུལ་དང་འབྲེལ་ནས། ལོ་༡༧ ཡིན་པའི་གཞོན་སྐྱེས་ཤིག་འཛིན་བཟུང་བྱས་འདུག་པ་དང་། ཁོ་དང་མཉམ་དུ་མི་གཞན་ཞིག་ཀྱང་འཛིན་བཟུང་བྱས་ཡོད་པ་རེད་འདུག

ཆབ་སྲིད་བཙོན་པ་བསོད་ནམས་རྒྱལ་པོ་ལགས་གློད་གྲོལ་བཏང་འདུག

བོད་ཀྱི་དགུ་བཅུ་གསུམ་ལས་འགུལ་ཚོགས་པས་གནས་ཚུལ་མཁོ་སྤྲོད་བྱས་པར་གཞིགས་ན། ཕྱི་ལོ་༢༠༡༧ ཟླ་ ༨ པའི་ཚེས་༢༧ ཉིན་བོད་ཀྱི་ཆབ་སྲིད་བཙོན་པ་བསོད་ནམས་རྒྱལ་པོ་ལགས་གློད་གྲོལ་བཏང་ཡོད་པ་རེད་འདུག

ཨོ་སི་ཀྲོ་ལི་ཡའི་སྲིད་བློན་ལ་༧གོང་ས་མཆོག་དང་མཇལ་མི་རུང་བའི་ཉེན་བརྡ་བཏང་འདུག

རྒྱ་ནག་གཞུང་གི་དྲིལ་བསྒྲགས་ལས་བྱེད་ཅིག་གིས། མ་འོངས་པར་ཨོ་སི་ཀྲོ་ལི་ཡའི་སྲིད་བློན་གྱིས་༧གོང་ས་མཆོག་དང་མཇལ་འཕྲད་གནང་ཚེ། ཕྱོགས་གཉིས་ཀྱི་འབྲེལ་ལམ་ལ་དོ་ཕོག་འགྲོ་རྒྱུ་ཡིན་པའི་ཉེན་བརྡ་བཏང་འདུག

འདི་ལོར་ཕག་ཆམ་གྱིས་རྐྱེན་པས་རྒྱ་གར་ནང་མི་༡༠༩༤ གྲོངས་ཡོད་འདུག

རྒྱ་གར་ནང་དེ་སྔོན་ཟླ་ངོ་བརྒྱད་ཀྱི་རིང་ལ་ཕག་ཆམ་ནད་ཡམས་ཀྱི་དབང་གིས་ མི་༡༠༩༤ ཤི་ནས་ལོ་སྔོན་མ་དང་བསྡུར་ན་ལྡབ་བཞི་འགྱུར་གྱིས་འཕར་ཡོད་འདུག

ཤར་ཏུར་ཀི་སི་ཐན་གྱི་ཁ་ཆེ་རྣམས་འཛམ་གླིང་གི་ཁ་ཆེའི་ཁྲོད་ནས་སྐྱིད་ཤོས་ཡིན་ཟེར།

ཤར་ཏུར་ཀི་སི་ཐན་དུ་གནས་སྡོད་ཡུ་གུར་གྲངས་ཉུང་མི་རིགས་དང་། རྒྱ་ནག་ཧན་མི་རིགས་བར་དྲག་སྤྱོད་བྱུང་ནས་མི་གྲངས་བརྒྱ་ཕྲག་བསད་ཟིན་ཁར། འདི་ལོར་བཀག་སྡོམ་གྱི་རྣམ་གྲངས་མང་དག་ཅིག་གསར་བཟོ་བྱས་ཡོད་ཀྱང་། ད་དུང་རྒྱ་གཞུང་གིས་ཤར་ཏུར་ཀི་སི་ཐན་གྱི་ཁ་ཆེ་བ་རྣམས་འཛམ་གླིང་གི་ཁ་ཆེའི་ཁྲོད་ནས་སྐྱིད་ཤོས་ཡིན་ཟེར་བརྗོད་ཡོད་འདུག

ལྷོ་ཨེ་ཤི་ཡའི་ནང་ཆར་ཤུགས་ཆེན་པོའི་རྐྱེན་གྱིས་སྔོན་ཆད་མ་བྱུང་བའི་གོད་ཆགས་འབྱུང་བཞིན་པ།

ཟླ་༨ པའི་ནང་ལྷོ་ཨེ་ཤི་ཡའི་རྒྱལ་ཁབ་བྷང་ལ་དྷེ་ཤེ་དང་རྒྱ་གར། བལ་ཡུལ་བཅས་གསུམ་ནང་ཆར་ཤུགས་ཆེན་པོ་བབས་པའི་རྐྱེན་གྱིས། ཆུ་ལོག་དང་ས་རུད་མང་པོ་བྱུང་ནས། མི་གྲངས་༧༠༠ ལས་མང་བའི་ཚེ་སྲོག་ཤོར་ཡོད་པ་དང་། ས་ཡ་མང་པོར་གནོད་འཚེ་ཕོག་ཡོད་པ་རེད་འདུག

རྒྱ་གར་ནང་བུ་མོ་ལོ་༡༠ ཡིན་པ་ཞིག་ལ་བཙན་གཡེམ་བྱས་ནས་ཕྲུ་གུ་སྐྱེས་ཡོད་འདུག

རྒྱ་གར་ནང་བུ་མོ་ལོ་ན་༡༠ ལས་མ་སོན་པའི་བྱིས་པ་ཞིག་ལ་མོ་རང་གི་ཉེ་རིགས་ཤིག་གིས་བཙན་གཡེམ་བྱས་ནས་ཕྲུ་གུ་བུ་མོ་ཞིག་སྐྱེས་ཡོད་འདུག