༄༅།  །གདན་ས་དཔལ་སྤུངས་ཤེས་རབ་རྣམ་པར་རྒྱལ་བའི་གླིང་གི་རིག་གནས་མཐོ་སློབ་དོན་གཉིས་ནོར་བུའི་དགའ་ཚལ་གྱི་སྐབས་གསུམ་པའི་སྨན་རྩིས་བསྡུས་ར་བ་དང་དཀའ་བཅུ་པའི་སློབ་མ་གསར་བསྡུའི་གསལ་བསྒྲགས།

༄༅། །མཁྱེན་པའི་སྤྱན་རས་ཡངས་ཤིང་བསླབ་གསུམ་ནོར་གྱིས་ཕྱུག་པའི་རིས་མེད་དགོན་སྡེ་ཁག་གི་འགན་འཛིན་རྣམ་པ་དང་འབྲེལ་ཡོད་ལྷན་དྲུང་དུ། ཆེད་དུ་ཞུ་གསོལ། འགེངས་ཤོག་ཕབ་ལེན། འཕགས་ཡུལ་གདན་ས་དཔལ་སྤུངས་ཤེས་རབ་རྣམ་པར་རྒྱལ་བའི་གླིང་གི་རིག་གནས་མཐོ་སློབ་དོན་གཉིས་ནོར་བུའི་དགའ་ཚལ་ནི། སྤྱི་ལོ་ ༡༧༠༠ ལོར་མདོ་ཁམས་སྡེ་དགེ་ཨ་ལོའི་ཡུལ་དུ་འཁྲུངས་པ་༸བྱམས་མགོན་ཀྭན་ཏིང་ཏཱའི་སི་ཏུ་༸མ་ཧཱ་པཎྜི་ཏ་ཀུན་མཁྱེན་ཆོས་ཀྱི་འབྱུང་གནས་མཆོག་གིས་སྤྱི་ལོ་ ༡༧༢༧ ལོར་མདོ་སྔགས་རིག་གནས་ཆ་ལག་དང་བཅས་པའི་དཔལ་ཀུན་སྤུངས་པའི་གདན་ས་ཆེན་པོ་ཤར་དཔལ་སྤུངས་ཐུབ་བསྟན་ཆོས་འཁོར་གླིང་ཕྱག་བཏབ། དེའི་ཆ་ལག་ཏུ་དཔལ་སྤུངས་ལྔ་རིག་སློབ་གླིང་ཆེན་མོ་ཞེས་ཐུན་མིན་ནང་དོན་རིག་པ་དང་། ཐུན་མོང་སྒྲ་སྙན་བརྡ་སྤྲོད། བཟོ་གསོ་རྩིས་རིག་སོགས་སློབ་གཉེར་གྱི་བསྟི་གནས་གསར་དུ་བཙུགས་ཏེ་གཞིས་བྱེས་སློབ་ཚོགས་མཁས་དབང་རིམ་ཐོན་གྱིས་བོད་ཁམས་ཡོངས་ལ་རིག་གནས་ཀྱི་ཞབས་འདེགས་རྒྱ་ཆེན་སྒྲུབ་པ་ནས་བཟུང། ༸ཀྭན་ཏིང་ཏཱའི་སི་ཏུ་སྐུ་ཕྲེང་རིམ་བྱོན་གཙོས་ཡབ་སྲས་བརྒྱུད་པར་བཅས་པས་རྒྱུན་འཁྱོངས་གནང་བའི་མཛད་བཟང་མུ་མཐུད་རྒྱུ་དགོས་གལ་ཆེར་གཟིགས་ཀྱིས། ༸བྱམས་མགོན་རྡོ་རྗེ་འཆང་ཀྭན་ཏིང་ཏཱའི་སི་ཏུ་པདྨ་དོན་ཡོད་གྲུབ་པ་མཆོག་གིས་སྤྱི་ལོ་ ༢༠༡༡ ལོར་འཕགས་ཡུལ་གདན་ས་དཔལ་སྤུངས་ཤེས་རབ་གླིང་དུའང་སྨན་དང་རྩིས། བརྡ་སྤྲོད་སོགས་ཐུན་མོང་རིག་གནས་སློབ་གཉེར་གྱི་བསྟི་གནས་གསར་དུ་བཙུགས་པར་མཛད།༸བྱམས་མགོན་རྡོ་རྗེ་འཆང་མཆོག་ནས་བོད་ཀྱི་རྩ་ཆེའི་རིག་གནས་མི་ཉམས་རྒྱུན་གནས་ལ་དགོངས་པ་ཆེར་གཟིགས་ཀྱིས་རིས་མེད་ཆོས་སྡེ་ཁག་གི་དགེ་འདུན་པ་རྣམས་སློབ་ཞུགས་ཀྱི་གོ་སྐབས་འབུལ་རྒྱུ་གལ་ཆེའི་བཀའ་སློབ་ལམ་སྟོན་ལྟར་སྤྱི་ལོ་ ༢༠༡༡ ནས་ ༢༠༡༧ བར་སྐབས་དང་པོའི་གསོ་རྩིས་ཆེད་སྦྱོང་སློབ་གཉེར་བ་གྲངས་ ༥༠ སློབ་ཐོན་ཟིན་པ་དང་། སྤྱི་ལོ་ ༢༠༡༧ ནས་ ༢༠༢༣ བར་སྐབས་གཉིས་པའི་གསོ་རྩིས་ཆེད་སྦྱོང་སློབ་གཉེར་བ་གྲངས་ ༣༧ སློབ་ཞུགས་ཀྱིས་སློབ་པ་མཐར་སོན་ལ་ཉེ།ད་ལམ་སྐབས་གསུམ་པ་ལའང་རིས་སུ་མ་མཆིས་པའི་དགོན་སྡེ་ཁག་གི་དགེ་འདུན་ཞལ་གྲངས་ ༢༥ ལ་གོ་སྐབས་འབུལ་གཏན་འཁེལ་བ་ལགས་ན་རིས་མེད་དགོན་སྡེ་གང་ཞིག་ནས་གཞུང་འབྲེལ་གྱིས་གཏང་བའམ། རང་ཁུངས་དགོན་སྡེའི་ཆོག་མཆན་འོག་དོན་གཉེར་ཆེ་བའི་སྒེར་པ་སུ་ཞིག་ཞུགས་འདོད་ཡོད་པ་རྣམས་ཀྱིས་གཤམ་འཁོད་ཁ་བྱང་ཐོག་འབྲེལ་བ་གནང་རྒྱུ་དང་། གསོ་རྩིས་རིག་པའི་གཞུང་ལུགས་ལ་སློབ་གཉེར་གྱི་རྨང་གཞིའི་མཐུན་རྐྱེན་བརྡ་སྤྲོད་ཚུད་རྒྱུགས་མཐོ་སློབ་ཀྱི་ལམ་ལུགས་གཞིར་བཟུང་གདམ་གསེས་བྱ་རྒྱུ་ཡིན། གལ་ཏེ་ཚུད་རྒྱུགས་ཀྱི་བརྒྱ་ཆ་མ་ལོན་ཚེ་སྐབས་གསུམ་པའི་སློབ་ཁོངས་སུ་ཚུད་ཐབས་མེད།སློབ་ཞུགས་པའིི་མཚན་ཐོ་ཁ་གསལ་སྤྱི་ལོ་ ༢༠༢༣ ཟླ་ ༧ ཚེས་ ༢༠ སྔོན་ཚུད་ངེས་པར་འདིར་ལས་ཁུངས་སུ་འབྱོར་བ་གནང་དགོས། སློབ་མའི་གྲངས་ཚད་ཀྱི་མཚན་ཐོ་འབྱོར་སྔ་ཕྱིའི་གོ་རིམ་ལྟར་སློབ་ཞུགས་ཆོག་རྒྱུ་དང་། མཚན་ཐོ་དུས་ཐོག་མ་འབྱོར་ཚེ་སྙན་ཞུ་རྩིས་མེད་འགྲོ་རྒྱུ་ཡིན་པ་བཅས་ཐུགས་ལ་འཇོག་གནང་དགོས།ཚུད་རྒྱུགས་གྲུབ་འབྲས་ལེགས་སོན་ཐོག་སློབ་ཞུགས་ཟིན་རྗེས་དངོས་གཞི་སློབ་སྦྱོང་གི་མཐུན་རྐྱེན་ཆ་ཚང་གདན་སའི་མཐོ་སློབ་ནས་སྔར་རྒྱུན་ལྟར་འབུལ་རྒྱུ་དང་། སློབ་མ་རང་ངོས་ནས་ཆ་རྐྱེན་གང་དགོས་དང་སློབ་ཁྲིད་ཀྱི་བརྒྱུད་རིམ་དང་བཅའ་ཁྲིམས་སོགས་མཁྱེན་པར་འདོད་ཚེ་གཤམ་འཁོད་འགན་འཛིན་རྣམ་པའི་ཁ་བྱང་ཐོག་འབྲེལ་བ་གནང་རོགས་ཞུ། དཔལ་སྤུངས་རིག་གནས་མཐོ་སློབ་དོན་གཉིས་ནོར་བའི་དགའ་ཚལ་གྱི་ཡིག་ཚང་ནས།སྤྱི་ལོ་ ༢༠༢༣ ཟླ་ ༦ ཚེས་ ༡༠ ཉིན། སློབ་སྤྱི་གཞོན་པ། སྨན་དགེ་སྐྱིད་ལུས། +91(0) […]

ཝཱཎ་དབུས་བོད་ཀྱི་གཙུག་ལག་སློབ་གཉེར་ཁང་དུ་སློབ་འཇུག་གསལ་བསྒྲགས།

༡)        ༄༅། །ཝཱཎ་དབུས་བོད་ཀྱི་གཙུག་ལག་སློབ་གཉེར་ཁང་དུ་ཕྱི་ལོ་ ༢༠༢༢་་༢༠༢༣ ལོའི་སློབ་དུས་རིང་སྒྱུ་རྩལ་སློབ་གཉེར་བ་གསར་འཇུག་བྱ་རྒྱུའི་ཡོངས་ཁྱབ་གསལ་བསྒྲགས།   ཁ་པར་ཨང་། ༠༥༤༢–༢༥༨༥༢༤༢                          ༄༅། །ཝཱཎ་དབུས་བོད་ཀྱི་གཙུག་ལག་སློབ་གཉེར་ཁང་དུ་ཕྱི་ལོ་ ༢༠༢༢་་༢༠༢༣  སློབ་དུས་རིང་གི་སྒྱུ་རྩལ་སྔོན་འགྲོ་ལོ་དང་པོའི་ནང་འཛུལ་ཞུགས་བྱ་རྒྱུའི་འཛུལ་རྒྱུགས་ཕྱི་ལོ་ ༢༠༢༢ ཟླ་ ༧ ཚེས་ ༨།༩ བཅས་སོ་སོར་ཝཱཎ་གཙུག་ལག་སློབ་གཉེར་ཁང་དུ་གཏོང་གཏན་འཁེལ་བ་ཡིན། འཛུལ་རྒྱུགས་ཐོན་རིགས་ཁོངས་ནས་སྒྲིག་གཞི་གཞི་བཟུང་རི་མོ་དང་ཤིང་བརྐོས་ནང་སློབ་གཉེར་བ་ལྔ་རེ་སློབ་འཇུག་བྱ་རྒྱུ་ཡིན། དེ་ཡང་རི་མོ་དང་ཤིང་བརྐོས་ཆེད་སྔོན་འགྲོ་ལོ་གཉིས་དང་དེ་རྗེས་སྒྱུ་རྩལ་བསྟན་བཅོས་(BFA)ལོ་གསུམ་དང་སྒྱུ་རྩལ་སློབ་དཔོན་(MFA)ལོ་གཉིས་བཅས་ཡོད། སྒྱུ་རྩལ་གྱི་སློབ་ཚན་ཁག་ནི་རི་མོ་དང་ཤིང་བཟོའི་སྦྱོང་བརྡར་སྤྲོད་རྒྱུ་ཙམ་མིན་པར་སློབ་ཚན་གཞན་ཁག་ཀྱང་ཡོད་པ་གཤམ་གསལ་ལྟར་ཡིན། དེ་ལྟར་བཀོད་སྒྲིག་བྱེད་དགོས་དོན་ནི་སྒྱུ་རྩལ་ཙམ་མིན་པར་ཆ་རྐྱེན་གཞན་དུ་མ་ཞིག་དང་ལྡན་པའི་སྒྱུ་རྩལ་བ་ཞིག་ཏུ་འགྱུར་རྒྱུར་དམིགས་པ་ཡིན་པས་འབྲེལ་ཡོད་རྣམས་ཀྱི་གཤམ་གསལ་དོན་གནས་ཁག་ལ་ཐུགས་སྣང་གིས་འབྲེལ་བ་གནང་ཆོག་པ་ཡིན།           སློབ་ཚན་ཁག ཀ༽       རི་མོའམ་ཤིང་བརྐོས་སྒྱུ་རྩལ། ཁ༽       སྒྱུ་རྩལ་གྱི་ལོ་རྒྱུས་དང་ལྟ་གྲུབ། ག༽       བོད་ཀྱི་བརྡ་སྤྲོད་དང་སྙན་ངག ང༽        ནང་ཆོས་དང་ལྟ་གྲུབ། ཅ༽        དབྱིན་ཇིའི་སྐད་ཡིག སློབ་རིམ་དེར་སློབ་འཇུག་ཆ་རྐྱེན་ཚང་དགོས་རིགས། ༡༽        ཞུགས་བློ་ཡོད་རིགས་ཀྱི་སློབ་གཉེར་བ་རྣམས་རྒྱ་གར་དབུས་གཞུང་སམ་མངའ་སྡེ་གཞུང་གི་རྒྱུགས་སྤྲོད་ལྷན་ཚོགས་ནས་འཛིན་རིམ་བཅུ་པ་ཐོན་པའམ། དེ་མིན་ངོས་འཛིན་ལྡན་པའི་གཞི་རིམ་སློབ་གྲྭ་ཞིག་ནས་འཛིན་རིམ་བཅུ་པ་མཐར་སོན་པ། ༢༽        འཛིན་རིམ་བཅུ་པའི་སློབ་ཚན་ནང་བོད་སྐད་མེད་ཀྱང་འཛིན་རིམ་བཅུ་པ་ཐོན་ཅིང་བོད་སྐད་ཤེས་ཚད་འཛིན་རིམ་བཅུ་པ་དང་མཉམ་པར་ཡོད་པའི་ཤེས་རིག་སྡེ་ཚན་ཞིག་ནས་རྒྱབ་གཉེར་ཡོད་པ་དང་། དབྱིན་ཧིན་གང་རུང་གཅིག་གི་ཤེས་ཚད་ཀྱང་འཛིན་རིམ་བཅུ་པ་དང་མཉམ་པ། ༣༽       ཞུགས་འདོད་ཡོད་རིགས་རྣམས་གོང་གསལ་བརྡ་སྤྲོད། རིགས་གནས། སྐད་ཡིག སྒྱུ་རྩལ་གྱི་ལྟ་གྲུབ་བཅས་ཀྱི་ཆ་རྐྱེན་དང་སྦྲགས་སྒྱུ་རྩལ་སྦྱོང་འདོད་ཀྱི་འདུན་པ་ཤུགས་དྲག་ཡོད་པ། ༤༽       རྒྱ་གར་མཐོ་སློབ་མཐུན་སྦྱིན་ལྷན་ཚོགས་ཀྱི་ལམ་སྟོན་གཞི་བཟུང་ཟུར་ཐོར་བཀོད་པའི་མི་རིགས་དང་མི་སྡེ། དབང་པོ་སྐྱོན་ཅན་བཅས་ཀྱི་ས་མིག་གི་ཆ་རྐྱེན་ཡང་སྤྱི་མཚུངས་ཡོད། སློབ་འཇུག་འགེངས་ཤོག་དང་ལྷན་དུ་རང་ཉིད་ཀྱིས་དག་མཆན་ཞུས་པའི་རྒྱུགས་སྤྲོད་མཐའ་མའི་ཨང་ཤོག་དང་། གཟུགས་པོ་བདེ་ཐང་ཡིན་པའི་སྨན་པའི་ལག་འཁྱེར། ཟུར་ཐོར་བཀོད་པའི་མི་རིགས་དང་མི་སྡེ། དེ་བཞིན་ཚུལ་གཞན་ནུས་ལྡན་གང་རུང་ཡིན་ཚེ་དེའི་ལག་འཁྱེར་བཅས་ཀྱི་ངོ་བཤུས་མཉམ་སྦྱར་གྱིས་འདི་ག་ལས་ཁུངས་ཀྱི་གཤམ་གསལ་གློག་འཕྲིན་ཁ་བྱང་ཐོག་ཕྱི་ལོ་ […]

ནོར་གླིང་མཐོ་སློབ་ཁང་དུ་སློབ་འཇུག་གསལ་བསྒྲགས།

༄༅། ། ནོར་གླིང་བོད་ཀྱི་རིག་གཞུང་གཅེས་སྐྱོང་ཁང་གི་རིག་གནས་ཆེས་མཐོའི་སློབ་གཉེར་ཁང་དུ། ཕྱི་ལོ་ ༢༠༢༢ ལོའི་ཟླ་ ༠༨ ཚེས་ ༠༡ གཅིག་ཉིན་ནས་བོད་ཀྱི་སྐད་བརྡ་རིག་པ་དང་། རྩོམ་རིག རྒྱལ་རབས། ནང་པའི་རིགས་ལམ་དང་ལྟ་གྲུབ་རིག་པ། གསོ་བ་རིག་པ། སྐད་ཡིག་གཉིས་པ་དབྱིན་ཡིག་དང་རྒྱ་ཡིག་བཅས་ཀྱི་སློབ་ཚན་གཙོ་བོ་ཁག་དང་འབྲེལ་བའི་སྐབས་དགུ་པའི་ཉེ་བའི་གཙུག་ལག་རབ་འབྱམས་པའི་སློབ་འཇུག་བྱེད་རྒྱུ་ཡིན་པ་དང་། བསླབ་པ་མཐར་སོན་པ་རྣམས་ལ་དབུས་བོད་མིའི་སྒྲིག་འཛུགས་ཀྱི་ལས་བྱེད་འདེམས་བསྐོ་ལྷན་ཁང་དང་། དཔལ་ལྡན་ཤེས་རིག་ལས་ཁུངས་ནས་ངོས་འཛིན་ཡོད་པའི་ཉེ་བའི་གཙུག་ལག་རབ་འབྱམས་པའི་ཕྱག་འཁྱེར་དང་། འདི་ག་མཐོ་སློབ་ཀྱི་ངོས་ནས་ལོ་རིམ་མཐའ་མའི་སྐབས་སློབ་ཚན་དང་མཉམ་དུ་དགེ་འོས་ཟབ་སྦྱོང་དང་ཕྱག་འཁྱེར། (དགེ་འོས་ཕྱག་འཁྱེར་འདི་ཉིད་ངོས་བཞེས་ཐད་གོང་གི་ཉེ་བའི་གཙུག་ལག་རབ་འབྱམས་པའི་ཕྱག་འཁྱེར་ལྟར་མ་ཡིན་པར་མཐོ་སློབ་རང་ངོས་ནས་འབུལ་བཞིན་པ་ཡིན་) སློབ་ཐོན་རྗེས་ནོར་གླིང་གི་རིག་གཞུང་དང་ཐོན་སྐྱེད་ཚོང་ལས་སྡེ་ཚན་སོ་སོར་ལས་ཀའི་གོ་སྐབས་སྔར་ལྟར་མཐུན་འགྱུར་ཡོང་ཐབས་བྱེད་བཞིན་ཡོད་ན། ཕྱི་ལོ་ ༢༠༢༢ ཟླ་ ༠༦ ཚེས་ ༣༠ བར་འགྱངས་མེད་ཞུ་སྙན་འབུལ་དགོས་པ་དང་། འཚུད་རྒྱུགས་བརྒྱུད་སློབ་ཞུགས་བྱ་དགོས། སློབ་ཡོན་གྱི་གོ་སྐབས་ཐོབ་ཁོངས་སུ་ཉེ་བའི་གཙུག་ལག་རབ་འབྱམས་པའི་སློབ་ཕྲུག་གྲངས་ ༢༠ ལ་དབུས་བོད་མིའི་སྒྲིག་འཛུགས་ཀྱི་དཔལ་ལྡན་ ཤེས་རིག་ལས་ཁུངས་དང་། ནོར་གླིང་བོད་ཀྱི་རིག་གཞུང་གཅེས་སྐྱོང་ཁང་སོ་སོ་ནས་སློབ་ཡོན་གྲངས་༡༠ རེ་གནང་མུས་དང་། གཞན་སྒྱུ་རྩལ་སློབ་ཕྲུག་གྲངས་༣༠ ལ་ནོར་གླིང་ནས་སློབ་ཡོན་ཐོབ་བཞིན་པ་བཅས་ཡིན། དགོས་ངེས་ཤེས་ཡོན་དང་ཆ་རྐྱེན། 1. འཛིན་རིམ་བཅུ་པ་དང་། འཛིན་རིམ་བཅུ་གཉིས་ཀྱི་ལག་འཁྱེར་རམ་རྒྱུགས་ཞུགས་ངོ་སྤྲོད་ལག་འཁྱེར་ངོ་བཤུས། 2. འཚུད་རྒྱུགས་ཨང་ཐོབ་བརྒྱ་ཆ་ ༧༠ ཡན་ལོན་པ་ཁག་ལ་འཛིན་རིམ་ ༡༢ དང་། རིག་གནས་རབ་འབྱམས་པ་སོགས་ཀྱི་ལག་འཁྱེར་མེད་ཀྱང་དམིགས་བསལ་དགོངས་བཞེས་གནང་རྒྱུ། 3. འདེམས་སྒྲུག་གནང་ཕྱོགས་ཐད་རྒྱུགས་སྤྲོད་འཕེར་རིགས་ཀྱི་ཨང་རིམ་རྩེ་བཏོག་བྱ་རྒྱུ། གལ་སྲིད་ཡིག་ཚད་གྲུབ་འབྲས་ཨང་ཐོབ་གཅིག་མཚུངས་ཡིན་ཚེ་ཞུ་སྙན་སྔོན་དུ་འབུལ་མཁན་ལ་གོ་སྐབས་སྤྲོད་རྒྱུ། 4. འདི་གའི་སློབ་ཁོངས་སུ་ཚུད་རྗེས་སློབ་ཕྲུག་གྲངས་ ༢༠ ལ་སློབ་ཡོན་དང་། ཞལ་ལག་དང་ཉལ་ཁང་བཅས་རིན་མེད་ནར་གཏོང་ཐོག་ཟླ་རེར་གྲོན་དངུལ་ཧིན་སྒོར་ […]