བོད་ཀྱི་ལོ་རྒྱུས།

བོད་ཀྱི་བང་ཆེན་སྤྱིའི་འདོན་ཐེངས་ ༢༢༡
བོད་ཀྱི་རྒྱལ་རབས་གཉིས་པ་མུ་ཁྲི་བཙན་པོ་ནས་རྒྱལ་རབས་སོ་གཉིས་པ་གནམ་རི་སྲོང་བཙན་བར་གྱི་རྒྱལ་རབས་བྱུང་རིམ་ཧྲོབ་བསྡུས་ཙམ་ཞིག་གཤམ་གསལ། དང་པོ་བོད་ཀྱི་རྒྱལ་རབས་གཉིས་པ་མུ་ཁྲི་བཙན་པོའི་སྐོར་གླེང་བ། དེ་ཡང༌། བོད་ཀྱི་རྒྱལ་རབས་གཉིས་པ་མུ་ཁྲི་བཙན་པོ་ནི། ཡབ་གཉའ་ཁྲི་བཙན་པོ་དང༌། ཡུམ་གནམ་མུག་མུག་གཉིས་ཀྱི་སྲས་སུ་འཁྲུངས་པར་གསལ་ཏེ། ཏུན་ཧོང་ཡིག་ཆར། ང་ཅ་ ༡༢༨༦ ལྡེ་ཉག་ཁྲི་བཙན་པོ་དང༌། གནམ་མུག་མུག་བཤོས་པ་འྀ་སྲས།  མུ་ཁྲི་བཙན་པོ། ཞེས་གསལ། རྒྱལ་པོ་འདི་ནི་གནམ་གྱི་ཁྲི་བདུན་གྱི་ནང་གིའང་གཉིས་པ་དེ་ཡིན་པ་རེད། འདི་ན་མུ་ཁྲི་བཙན་པོ་དང༌། དིང་ཁྲི་བཙན་པོ། སོ་ཁྲི་བཙན་པོ་ལ་སོགས་པའི་མཚན་འདི་འདྲ་འགའ་ཞིག་ནི་འདོད་རྒྱལ་གྱི་མིང་ཙམ་མ་ཡིན་པར་སྐབས་དེར་སྤྱི་ཚོགས་ཀྱི་ཁྱད་ཆོས་སམ་གནས་སྟངས་མཚོན་ཐུབ་པའི་མིང་ཞིག་ཡིན་པར་བཤད་ཡོད། དཔེར་ན་ལ་ལས། སོ་ཁྲི་བཙན་པོ་དང༌། གདགས་ཁྲི་བཙན་པོ། སྲིབ་ཁྲི་བཙན་པོ་གསུམ་ནི་ཡུམ་གྱི་མཚན་ལས་ཡི་གེ་ཐོག་མ་དེ་བླངས་པ་དང༌།

བོད་ཀྱི་བང་ཆེན་སྤྱིའི་འདོན་ཐེངས་ ༢༢༠

གོང་བརྗོད་ལྟར། འདི་ན་དྲངས་པའི་སྒྲུང་ལྡེའུ་བོན་གསུན་སྐོར་གྱི་མཚན་གཞི་ཁག་ཆ་ཚང་བོད་ཀྱི་རྒྱལ་རབས་དུས་རིམ་ནང་དུ་བྱུང་བར་འདོད་པ་མིན་ལ། གཉའ་ཁྲིའི་སྐབས་ཙམ་ནས་བྱུང་ཚར་བ་ཞིག་དེ་བས་ཀྱང་མ་རེད། སྒྲུང་ལྡེའུ་བོན་གསུམ་ནི་གདོང་དམར་མི་རིགས་ཀྱི་འཚོ་བའི་རླབས་རྒྱུན་དང་འབྲེལ་ནས་ད་བར་བྱུང་དང་འབྱུང་བཞིན་པའི་གནས་སུ་བསམ་དགོས་ངེས་ཡིན།མདོར་ན། གཉའ་ཁྲི་བཙན་པོ་ནི་བོད་ཀྱི་རྒྱལ་རབས་དང་པོ་དེ་ཡིན་པ་དང༌། དེ་ནས་རྒྱལ་རབས་བྱུང་རིམ་ཏུན་ཧོང་ཡིག་ཆར། ང་ཅ་ ༡༢༨༦ལྡེ་ཉག་ཁྲི་བཙན་པོ་དང༌། གནམ་མུག་མུག་བཤོས་པ་འྀ་སྲས།  མུ་ཁྲི་བཙན་པོ། མུ་ཁྲི་བཙན་པོ་དང་ས་དྀང་དིང་དུ་བཤོས་པ་འྀ་སྲས། དྀང་ཁྲི་བཙན་པོ། དིང་ཁྲ་བཙན་པོ་དང༌། སོ་ཐམ་ཐམ་དུ་བཤོས་པ་འྀ་སྲས། སོ་ཁྲི་བཙན་པོ། སོ་ཁྲི་བཙན་པོ་འི་སྲས། དེ་ཁྲི་བཙན་པོ། དེ་ཁྲི་བཙན་པོ་འི་སྲས། ཁྲི་སྤེ་བཙན་པོ། འདྀ་ཡན་ཆད་འདྲའ་སྟེ། སྲས་ཆྀབས་ཀ་ཐུབ་པ། ཡབ་དགུང་དུ་གཤེགས་སོ། །ཁྲི་སྤེ་བཙན་པོ་འི་སྲས། དྲྀ་གུམ་བཙན་པོ། དྲྀ་གུམ་བཙན་པོ་འི་སྲས། སྤུ་དེ་གུང་རྒྱལ་གནམ་ལ་དྲི་བདུན། ས་ལེ་ལེགས་དྲུག་བཤོས་ན། སྤུ་དེ་གུང་རྒྱལ་གྲོངས་ན། གྲང་མོ་གནམ་གསེར་བརྩིག །གསེར་བརྩྀག་གྀ་སྲས། ཐོ་ལེག་བཙན་པོ། །ཐོ་ལེག་བཙན་པོ་འྀ་སྲས། །ཤོ་ལེགས་བཙན་པོ། ཤོ་ལེགས་བཙན་པོ་འི་སྲས། །གོ་རུ་ལེགས་བཙན་པོ། གོ་རུ་ལེགས་བཙན་པོ་འི་སྲས། །འབྲོང་ཞི་ལེགས་བཙན་པོ། འབྲོང་ཞི་ལེགས་བཙན་པོ་འི་སྲས། ཐི་ཤོ་ལེགས་བཙན་པོའ། ཐྀ་ཤོ་ལེགས་གི་སྲས། ཨི་ཤོ་ལེག་བཙན་པོ། །ཨི་ཤོ་ལེག་གྀ་སྲས། ཟྭ་གནམ་ཟྀན་ཏེ། ཟྭ་གནམ་ཟྀན་ཏེ་འི་སྲས། ལྡེ་པྲུལ་བོ་གནམ་གཞུང་བཙན། གནམ་གཞུང་བརྩན་གྱྀ་སྲས།

བོད་ཀྱི་བང་ཆེན་སྤྱིའི་འདོན་ཐེངས་ ༢༡༩

འདོན་ཐེངས་སྔོན་མའི་འཕྲོས། ༑ བོན་ཐེག་པ་རིམ་དགུ་ལ་དབྱེ་ན་རྒྱུའི་ཐེག་པ་བཞི་དང༌། འབྲས་བུའི་ཐེག་པ་ལྔ་བཅས་ཡོད་པར་གསལ་ཞིང༌། དང་པོ་རྒྱུའི་ཐེག་པ་བཞི་ནི། ༡ཕྱྭ་གཤེན་ཐེག་པ། ༢སྣང་གཤེན་ཐེག་པ། ༣འཕྲུལ་གཤེན་ཐེག་པ། ༤སྲིད་གཤེན་ཐེག་པ་བཅས་ཡིན་པ་དང༌། གཉིས་པ་འབྲས་བུའི་ཐེག་པ་ལྔ་ནི། ༡དགེ་བསྙེན་ཐེག་པ། ༢དྲང་སྲོང་ཐེག་པ། ༣ཨ་དཀར་ཐེག་པ། ༤ཡེ་གཤེན་ཐེག་པ། ༥ཡང་རྩེ་བླ་མེད་ཐེག་པ་དང་བཅས་པ་ལ་བོན་གྱི་ཐེག་པ་རིམ་པ་དགུ་ཡིན་པར་གསལ། ༑ བོད་དུ་དར་བའི་བོན་ལ་བརྡོལ་འཁྱར་བསྒྱུར་གསུམ་ཡོད་པར་ཤེལ་གྱི་མེ་ལོང་ལས་བཤད་ཅིང༌། དང་པོ་བརྡོལ་བོན་ནི། གཉའ་ཁྲི་བཙན་པོ་ནས་རྒྱལ་རབས་དྲུག་པ་ཁྲི་ལྡེ་བཙན་པོའི་དུས་སུ་དབུས་སམ་ཤང་འོན་བྱ་བར་རུས་གཤེན་ཡིན་པའི་བྱིས་པ་ལོ་བཅུ་གསུམ་ལོན་པ་གཅིག་འདྲེས་ལོ་བཅུ་གསུམ་གྱི་བར་དུ་བོད་ཁམས་ཐམས་ཅད་དུ་ཁྲིད་ནས་ལོ་ཉི་ཤུ་རྩ་དྲུག་ལ་མིའི་ནང་དུ་ཆུད་པ་ལ།

དང་པོ། བོད་ཀྱི་བཙན་པོ་ཐོག་མ་གཉའ་ཁྲི་བཙན་པོའི་སྐོར་གླེང་བ།

གྲུབ་ཆེན་བརྒྱད་ཅུ་དང་སྒྲོལ་མ་ཉེར་གཅིག་སོགས་ལྷ་ཚོགས་རྣམས་ཀྱི་སྐོར་ལའང་ཕྱོགས་མང་པོ་ཞིག་གཅིག་མཚུངས་སུ་ཡིན་པར་བཤད་པ། དྲུག ལ་ལས། འགྲོ་བ་མི་ཡི་རིགས་ཀྱིས་རང་གཤིས་དང་འཚམ་པའི་རིག་གནས་སྲུང་སྐྱོབ་བྱེད་ཅིང༌། རིག་གནས་དེ་ཡིས་སྤྲད་པའི་མི་གཤིས་ལ་གཡོ་འགུལ་ངེས་ཅན་ཞིག་གཏོང་ངེས་ཡིན་པ་དང༌། གལ་ཏེ་མི་རིགས་ཤིག་ལ་རིག་གནས་གསར་པ་ཞིག་དར་ཚེ་མི་གཤིས་ཀྱང་རིག་གནས་དེའི་རྗེས་སུ་རང་བཞིན་འགྱུར་བ་འགྲོ་ངེས་ཅན་ཡིན་ཏེ། རིག་གནས་དང་མི་གཤིས་གཉིས་ཀྱི་བར་ན་བསྐྱེད་བྱ་སྐྱེད་བྱེད་དམ་རྒྱུ་འབྲས་ཀྱི་འབྲེལ་བ་ལྟ་བུ་ཡིན་པར་བཤད།

དང་པོ། བོད་ཀྱི་བཙན་པོ་ཐོག་མ་གཉའ་ཁྲི་བཙན་པོའི་སྐོར་གླེང་བ།

གྲུབ་ཆེན་བརྒྱད་ཅུ་དང་སྒྲོལ་མ་ཉེར་གཅིག་སོགས་ལྷ་ཚོགས་རྣམས་ཀྱི་སྐོར་ལའང་ཕྱོགས་མང་པོ་ཞིག་གཅིག་མཚུངས་སུ་ཡིན་པར་བཤད་པ། དྲུག ལ་ལས། འགྲོ་བ་མི་ཡི་རིགས་ཀྱིས་རང་གཤིས་དང་འཚམ་པའི་རིག་གནས་སྲུང་སྐྱོབ་བྱེད་ཅིང༌། རིག་གནས་དེ་ཡིས་སྤྲད་པའི་མི་གཤིས་ལ་གཡོ་འགུལ་ངེས་ཅན་ཞིག་གཏོང་ངེས་ཡིན་པ་དང༌། གལ་ཏེ་མི་རིགས་ཤིག་ལ་རིག་གནས་གསར་པ་ཞིག་དར་ཚེ་མི་གཤིས་ཀྱང་རིག་གནས་དེའི་རྗེས་སུ་རང་བཞིན་འགྱུར་བ་འགྲོ་ངེས་ཅན་ཡིན་ཏེ། རིག་གནས་དང་མི་གཤིས་གཉིས་ཀྱི་བར་ན་བསྐྱེད་བྱ་སྐྱེད་བྱེད་དམ་རྒྱུ་འབྲས་ཀྱི་འབྲེལ་བ་ལྟ་བུ་ཡིན་པར་བཤད།

འདོན་ཐེངས་སྔ་མའི་འཕྲོས།
འོན་ཀྱང༌། དེ་དག་ནི་གནད་ལ་མ་ཁེལ་བའི་ཚིག་ལོ་སྤྲོས་ཤིང་བརྗོད་པ་ཁ་ཡན་དུ་ཤོར་བའི་གཏམ་ཚོགས་འབའ་ཞིག་ཏུ་གྱུར་སོང་འདུག གསུམ། ཁ་ཅིག་གིས་བོན་ལ་ལྟ་ཚུལ་ཐད། ལ་ལས། གཤེན་རབ་མི་བོ་ནི་བཙན་པོའི་དུས་སྐབས་གཞུག་གི་བོན་ཆོས་གསར་གཏོད་བྱེད་མཁན་གྱི་སྟོན་པ་ཞིག་ཡིན་པར་བསམ་ཞིང་བརྗོད་སྲིད་ཀྱང༌། དེ་ལ་མཁར་རྨེའུ་ཡིས། གཤེན་རབ་ཅེས་པའི་མིང་དེ་ཉིད་ཆོ་ག་གཏོང་མཁན་གྱི་བོན་པོ་ཞིག་ཡིན་པ་ཏུན་ཧོང་གཏེར་ཡིག་ན་ཐེངས་དྲུག་ལ་གླེང་ཡོད་པ་¿་་་གནམ་གྱི་བོན་མོ་སྡིག་ང་སྡྀང་ལོམ་དང༌། ས་འི་བོན་མོ་འབྱོ་ར་འབྱོར་འཇོང་གཉིས་ཀྱིས། །ཤེལ་གྱི་མོ་རྡེའུ་བཞི་བཅུ་རྩ་གཉིས་ལ། །གཏོ་དང་མོ་བགྱིས་ན། བདུད་དང་ལྟས་ངན་བབ། གཤེན་བཞི་སྤྱན་དྲང་འཚལ། གླུད་བཞི་གཏང་བར་བཟང༌། བདུད་བོན་དྲེང་ནག་ཆུ་ལྕགས་དང༌། ཐར་བོན་དྲུ་སྐྱོལ་དང༌། གླུད་བོན་ངག་སྙན་དང༌། གཤེན་རབ་མྱི་བོ་བཞི། ཡབ་བླ་བདལ་དྲུག་གིས། གཤེན་བཞི་སྤྱན་དྲངས་སོ། །

འདོན་ཐེངས་སྔོན་མའི་འཕྲོས།
གནའ་རབས་ཀྱི་བོན་ཡོད་ཚད་སྟོན་པ་གཤེན་རབས་ཀྱིས་གསུངས་པར་ཁས་བླངས་ན་ཐལ་བའི་བཟློག་ཏུ་མེད་པར་འབྱུང་ཞིང༌། གལ་ཏེ་གཡུང་དྲུང་བོན་འདི་ཉིད་ཙམ་སྟོན་པ་གཤེན་རབ་ཀྱིས་གསུངས་སོ་ཞེས་ཟིན་མཚམས་འདྲ་བྱས་ཚེ། གཡུང་དྲུང་བོན་ནི་གཉའ་ཁྲི་བཙན་པོའི་རྗེས་སོར་ནས་དར་བར་ངེས་ཏེ། དེ་ཡང་སྐྱབས་རྗེ་སྨན་རི་ཡོངས་འཛིན་སློབ་དཔོན་བསྟན་འཛིན་རྣམ་དག་མཆོག་གིས། གཡུང་དྲུང་བོན་ནི་བོད་ཀྱི་རྒྱལ་པོ་བྱུང་ཕྱིན་ཆད་བོད་དུ་བྱུང་བ་ཡིན་པར་བཤད་པས་སོ་ཞེས་གསུངས་ཤིང༌། རིགས་པས་དཔྱད་ནའང་དེ་ལྟར་གྲུབ་ཏེ། གཡུང་དྲུང་བོན་གྱི་སེམས་ངོར་སྟོན་པ་གཤེན་རབ་སྟག་གཟིག་འོལ་མོ་ལུང་རིང་ནས་བྱོན་ཏོ་སྙམ་པའི་བསམ་བློའི་འཆར་གཞི་དེ། ཞང་ཞུང་དང་ཁད་ཉེ་བའི་ཡུལ་ཞིག་ནས་སྟོན་པ་གཤེན་རབ་བྱོན་ཡུལ་སྟག་གཟིག་འོལ་མོ་ལུང་རིང་ཟེར་བ་ཞིག་ཡོད་པར་དྲན་ནས་བསྡད་ཡོད།

འདོན་ཐེངས་སྔོན་མའི་འཕྲོས།

ཞེས་སོགས་འབྱུང་བ་རྣམས་ཡིན་པར་བཤད། རྒྱུ་མཚན་ནི། ཤིན་ཏུ་གསང་བར་འོས་པའི་གནད་དོན་གང་ཡོད་པ་དེ་དག་ཕན་ཚུན་གསང་བརྡ་སྤྲོད་པའི་ཤེས་རིག་ཁྱད་པར་ཅན་ཞིག་ཡིན་པས་སོ་ཞེས་པ་ལྟ་བུ་གསལ། ༣བོན་གྱི་སྐོར། བོན་ཞེས་པའི་སྒྲ་བཤད་མང་ནའང༌། དོན་ལ་བོད་གནའ་རབས་སུ་ཆོས་ལུགས་ཀྱི་མིང་དུ་གྱུར་ཡོད། བོན་གྱི་སྐོར་སྔ་ས་ནས་དཔྱད་རྩོམ་ཞིག་འབྲི་དགོས་བསམ་ཡང་ལུས། ད་ཐེངས་བསམ་གཞིག་ཐོལ་བྱུང་ཙམ་ཞིག་སྤྲོ་ན། འབྲི་གུང་འཇིག་རྟེན་མགོན་པོའི་དགོངས་གཞིར་གཏུགས་པའི་ཐུའུ་བཀྭན་བློ་བཟང་ཆོས་ཀྱི་ཉི་མས། བོད་དུ་དར་བའི་བོན་ལ་བརྡོལ་བོན། འཁྱར་བོན། བསྒྱུར་བོན་གསུམ་ཞེས་དང༌། ཡང་ཁོང་གིས། རྒྱལ་རབས་རྣམས་སུ་གཉའ་ཁྲི་བཙན་པོ་ནས་ཁྲི་ཐོག་རྗེ་བཙན་བར་གྱི་རྒྱལ་རབས་ཉི་ཤུ་རྩ་དྲུག་ལ་ཆབ་སྲིད་བོན་གྱིས་བསྐྱངས་ཟེར་བ་ཙམ་ལས་མ་བཤད་ཀྱང༌། བོད་ཡུལ་དུ་བོན་དར་བའི་ཐོག་མ་འདི་ནས་བྱུང་བར་མངོན། འོན་ཀྱང་དེ་དུས་ཀྱི་བོན་རྣམས་ལ་མར་འདྲེ་སྲི་གནོན་པ་དང༌། ཡར་རྒན་གྱི་ལྷ་མཆོད་པ་དང༌། བར་ཁྱིམ་གྱི་ཐབ་འདོན་པ་གསུམ་ཙམ་ལས། བོན་ལུགས་ཀྱི་ལྟ་བ་སོགས་ཀྱི་ཐ་སྙད་མ་བྱུང་བས་ཆོས་འབྱུང་དང་རྒྱལ་རབས་འགའ་ཞིག་ཏུ་གྲི་གུམ་བཙན་པོའི་རིང་ནས་བོན་དར་བར་ཡང་བཤད་དོ་ཞེས་གསལ།

འདོན་ཐེངས་སྔོན་མའི་འཕྲོས།

ཡང་ཁོང་གིས། འོན་ཀྱང་ཚིག་དངོས་ཀྱི་དོན་ལྡེའུ་མིག་ཁོ་ནར་མ་ངེས་པ་ནི་ལྡེའམ། ལྡེའུ་ཞེས་བྱ་བའི་ཚིག་རྐྱང་པས་ལྡེའུ་མིག་གི་དོན་བསྟན་མི་ནུས་ཤིང༌། ལྡེའུ་མིག་གི་དོན་ཇི་ལྟ་བར་བསྟན་པ་ལ་ཚིག་ཕྲད་¿མིག་¿་ཅེས་པ་དེ་དང་དངོས་སུ་འབྲེལ་དགོས་པས་ཤེས་ཐུབ། ལྡེའུ་ཞེས་པའི་དོན་དེ་རྒྱུ་སྐར་གྱི་ནང་ཚན་དུ་གྱུར་པའི་ལྡེའུ་དེའི་དོན་ཡིན་པའི་ལུགས་སུ་བྱས་ན་ནི་ཐོག་མར་ལྡེའུ་ཞེས་པ་དེའི་དོན་གང་ཡིན་ངེས་དགོས། དེ་མ་ངེས་ན་རྒྱུ་སྐར་དེ་ལ་ལྡེའུ་ཞེས་བཏགས་པའི་དགོས་པ་གང་ཡིན་ཤེས་པའི་ཐབས་མེད། དེ་མ་ཤེས་ན་རྒྱུ་སྐར་དེ་ལ་ལྡེའུ་ཞེས་བཏགས་པ་ནི། ཉི་མ་དང༌། རི་ཞེས་པ་ལྟ་བུ་འདོད་རྒྱལ་གྱི་མིང་ཙམ་དུ་ཟད་པས། ལྡེའུ་ཞེས་པའི་གོ་དོན་འཚོལ་བ་ལ་ཕན་ཐོགས་ཅི་ཞིག་ཀྱང་མེད་པ་ཡིན།

འདོན་ཐེངས་སྔོན་མའི་འཕྲོས།
མདོར་ན། བོད་རྗེ་ཐོག་མ་གཉའ་ཁྲི་བཙན་པོ་ནི་ཡབ་ལྷ་བདག་དྲུག་ཞེས་པ་དང༌། ཡུམ་སྤུ་མོ་བྱ་མོ་བཙུན་ཟེར་བ་གཉིས་ཀྱི་སྲས་སུ་ཀོང་པོ་སྤོ་བོའི་ཡུལ་དུ་འཁྲུངས། ཏུན་ཧོང་ཡིག་ཆར། ང་ཅ་༡༢༨༦ ཁོང་ལ་གཅེན་གསུམ་དང་གཅུང་གསུམ་ཡོད་པར་གསལ། ཆུང་མིང་ལ་མང་སྙ་ཨུ་བེ་ར་ཞེས་ཟེར། ཕྱི་ལོའི་སྔོན་ལོ་༡༢༧ ལོར་ཡར་ཀླུང་ཕྱོགས་སུ་བྱོན་ཏེ་བོད་ཀྱི་རྒྱལ་པོ་ཐོག་མར་བྱས། རྒྱུ་མཚན་དེའི་དབང་གིས་རྗེ་ལ་སྔ་བ་གཉའ་ཁྲི་བཙན་པོ་ཞེས་གྲགས། བོད་ཀྱི་རྒྱལ་པོ་ཟིན་པའི་སྐབས་དེ་ཙམ་ནས་ཁོང་གི་མཚན་ལ་གཉའ་ཁྲི་བཙན་པོ་ཞེས་བཏགས། བླ་དྭགས་ཀྱི་མཚན་ལ་འོ་ལྡེ་སྤུ་རྒྱལ་ལམ་འོད་དེ་སྤུ་རྒྱལ་ཞེས་ཟེར། གཉའ་ཁྲི་བཙན་པོས་བོད་ཀྱི་རྒྱལ་སྲིད་ཐོག་མར་ཟིན་པའི་ལོ་དེ་ནས་བོད་རྒྱལ་ལོ་ཞེས་པ་འདི་བྱུང་ཞིང༌། ད་ལྟ་ཕྱི་ལོ་༢༠༠༩ དང༌། འདས་ལོ་༢༥༥༣ བར། བོད་རྒྱལ་ལོ་༢༡༣༦ ཙམ་སོང༌། འཆད་འགྱུར་ལྟར། བོད་ཀྱི་རྒྱལ་རབས་དང་པོ་གཉའ་ཁྲི་བཙན་པོ་ནས་ཐ་མ་ཁྲི་དར་མ་འུ་དུམ་བཙན་པོ་བར་རྒྱལ་རབས་ཞེ་གཉིས་ཙམ་བགྲང་རྒྱུ་ཡོད་དོ། །