བོད་ཀྱི་ལོ་རྒྱུས།

ཡིག་ཐོག་ཏུ་གསལ་བའི་བོད་ཀྱི་ལོ་རྒྱུས་ཕུ་ཐག

སྤྱི་མཚུངས་ལྟར། འདི་ནས་ཡས་འདེད་ལོ་དུང་ཕྱུར་དུ་མའི་སྔོན་ནས་འཇིག་རྟེན་གྱི་སྒྲ་ཆེན་བྱུང་བས་འཛམ་གླིང་འདི་གྲུབ་ཅིང༌། འདི་ནས་ལོ་ས་ཡ་༡༨༠ ཡི་སྔོན་རོལ་ནས་སེམས་ཅན་སྨིན་དྲུག་བྱུང་ཚུལ་བཤད་ལ། ལོ་གྲངས་ས་ཡས་བར་སྟོང་ཆོད་པའི་རིམ་པའི་རྗེས་སུ་མི་རྒོད་དང༌། སྤྲེའུ་སོགས་སེམས་ཅན་མི་འདྲ་བ་སྣ་ཚོགས་ཤིག་གི་རྗེས་སུ་འགྲོ་བ་མིའི་རིགས་བྱུང་ཟེར། དེས་ན་འཛམ་གླིང་གྲུབ་ནས་འགྲོ་བ་མིའི་རིགས་མ་བྱུང་གི་བར་དུ་སྟོང་ཆ་ལོ་གྲངས་དུང་ཕྱུར་དང་ས་ཡ་རིམ་པས་ཆོད།

Bangchen admin· · 0 མཆན་འགྲེལ། ·

ལེའུ་དང་པོ། བོད་གདོད་མིའི་དུས་རིམ།

དང་པོ། གནའ་ཤུལ་གྱིས་གསལ་བའི་བོད་ཀྱི་ལོ་རྒྱུས་ཕུ་ཐག

ལ་ལས་དུས་རིམ་གོང་མ་དང༌། བར་མ། འོག་མ་བཅས་དབྱེ་བ་ཕྱེས་ཤིང༌། འགའ་རེས་རྡོའི་དུས་རབས་དང༌། ཟངས་ཀྱི་དུས་རབས། ལྕགས་ཀྱི་དུས་རབས་སོགས་གནའ་དུས་ལ་དབྱེ་བ་མང་དུ་ཕྱེས་ཡོད། གཤམ་གསལ་ལྟར་འཇིག་རྟེན་གདོད་མ་ནས་ལོ་དུང་ཕྱུར་རིམ་པའི་ལོ་རྒྱུས་རགས་བཤད་ལས་ཞིབ་ཕྲ་སུས་ཀྱང་བཤད་ཐུབ་མེད། དེའི་ཕྱིར་ངས་ཀྱང་བོད་བཙན་པོའི་དུས་རིམ་སྔོན་གྱི་ལོ་རྒྱུས་གང་ཤེས་པ་༵༵བོད་གདོད་མའི་དུས་རིམ།ཀཀཞེས་པའི་ལེའུ་འདིའི་ནང་དུ་དབྱེ་བ་གང་ནུས་བརྗོད།

Bangchen admin· · 0 མཆན་འགྲེལ། ·

ལྔ་པ། བོད་ཀྱི་རིགས་རུས་གླེང་བ།

བོད་མིས་རང་ཉིད་གདོད་མའི་འབྱུང་ཁུངས་ཕ་སྤྲེལ་རྒན་བྱང་ཆུབ་སེམས་དཔའ་དང༌། མ་བྲག་སྲིན་གཉིས་ཡིན་ལུགས་ཤོད་ཀྱང༌། རྣལ་མས་བསམ་དགོས་པ་ལ། ཚན་རིག་པས་བཤད་པ་ལྟར་འགྲོ་བ་མིའི་རིགས་སྤྲེའུ་ལས་བྱུང་ཡོད་ན་བོད་མིའང་དེ་ལྟར་ཡིན་མོད། སྤྲེའུའི་རིགས་ཚན་བྱེ་བྲག་པ་གྲངས་མང་པོ་ཞིག་ལས་བོད་མི་གྱུར་ཚུལ་བལྟ་དགོས་པ་ལས། ཡབ་མེས་སྤྲེའུ་གྲངས་གཉིས་ཙམ་གྱིས་བོད་མི་འཕེལ་བར་དྲན་ན་རྒྱུ་ཚན་མ་བསམ་པའི་གནས་སུ་འགྱུར་ངེས། ༑

Bangchen admin· · 0 མཆན་འགྲེལ། ·

བཞི་པ། བོད་ཀྱི་སྐད་ཡིག་སྐོར་གླེང་བ།

སྐད་ཡིག་ནི་མི་རིགས་ཀྱི་བླ་སྲོག་ཡིན་ལ། སྐད་ཡིག་ནི་མི་རིགས་ཀྱི་ཟུངས་ཁྲག་དང་ལྷན་དུ་འཁོལ་པའི་ཚོར་འདུ་ཞིག་ཀྱང་རེད། གལ་ཏེ་སྐད་ཡིག་བོར་བའི་མི་རིགས་དེ་ནི་བདེན་རྩོད་ཀྱི་རྨང་གཞི་བྲལ་ལ། སྐད་ཡིག་བོར་བའི་མི་རིགས་དེ་ནི་སྲོག་དབང་བྲལ་བའི་བེམ་གཟུགས་ཤིག་ལའང་མཚུངས་སོང༌།

འཛམ་གླིང་དུ་སྒྲ་ལ་མཁས་པ་མང་པོས་འགྲོ་བ་མིའི་སྐད་ཀྱིས་བརྡ་སྤྲོད་སྟངས་འདི་དག་ཐོག་མ་ཇི་ལྟར་མགོ་ཚུགས་མིན་སུས་ཀྱང་མི་ཤེས་ཟེར། མི་ནི་འགྲོ་བ་གཞན་དང་མི་འདྲ་བར་བསམ་བློ་དང་དབང་ཤེས་ཀྱི་གསལ་ཆ་ཁྱད་འཕགས་ཀྱི་རྣམ་དཔྱོད་གསར་དུ་བྱུང་ནས་སྒྲ་འདྲ་མིན་ལ་བརྟེན་ཏེ་བརྡ་སྤྲོད་ཐུབ་པའི་ནུས་པ་བྱུང༌། དེ་རྗེས་བརྡ་འཕྲོད་པའི་ནུས་པ་མྱུར་ཚད་ཀྱང་ཧ་ཅང་གིས་ཆེ་རུ་སོང༌། མཁས་པ་མང་པོས་སྐད་བརྡ་ནི་ཡི་གེ་འབྲི་སྲོལ་མ་བྱུང་བའི་ལོ་དུ་མའི་སྔོན་ནས་ཡོད་ཅིང༌། ཡི་གེ་འབྲི་སྲོལ་གྱི་ཐོག་མར་སྲོག་ཆགས་ཀྱི་གཟུགས་བརྙན་དང༌། ཅ་དངོས་འདྲ་རིས་སོགས་ཀྱིས་བརྡ་སྤྲོད་པའི་ལུགས་སྲོལ་རྙིང་ཤོས་ལོ་དྲུག་སྟོང་བར་སོང་ཞིང་རིམ་པས་རི་མོ་དེ་དག་ཡིག་གཟུགས་སུ་གྱུར་ཚུལ་བཤད།

Bangchen admin· · 0 མཆན་འགྲེལ། ·

གསུམ་པ། བོད་དུ་འགྲོ་བ་མིའི་བྱུང་རིམ་དང༌། འཕེལ་འགྲིབ།

རྒྱལ་ཁབ་གཞན་གྱིས་མིའི་འབྱུང་ཁུངས་བཤད་སྲོལ་དང༌། བོད་པས་བོད་མི་ཐོག་མ་ཇི་ལྟར་བྱུང་མིན་བཤད་སྲོལ་བཅས་ལ་མི་འདྲ་བ་སྣ་ཚོགས་ཡོད་ཀྱང༌། མང་དག་བསམ་ཚུལ་དང་ཕྱོགས་ཞེན་ཙམ་ལས་རྒྱུ་མཚན་གྱིས་འགྲམ་ཆུ་ལྡང་བའི་བསམ་རིན་ཡོད་པ་ཞིག་ཆེར་མེད། དཔེར་ན། བོད་པས་རྒྱ་གར་སྐྱ་སེང་བུ་ལྔ་འཐབ་པའི་ཚེ། རཱུ་པ་ཏི་དཔུང་ཚོགས་རི་བོ་གངས་ཅན་གྱི་གསེབ་ཏུ་བྲོས་པའི་རིགས་ལས་བོད་མི་ཐོག་མ་བྱུང་ཟེར་བ་ལྟ་བུ་ནི་ནང་ཆོས་འབྱུང་ཁུངས་ལ་ཕྱོགས་ཞེན་གྱིས་འཁྱོག་བཤད་ཤ་སྟག་བྱས་ཡོད། ཡིད་མི་ཆེས་ན། ཕྱོགས་རིས་འཁྱོག་བཤད་བྱས་ཚུལ་ཡོད་དེ། འཇམ་དཔལ་རྩ་རྒྱུད་ལས། ང་ནི་ས་སྟེང་མྱ་ངན་འདའ། །ཁ་བ་ཅན་གྱི་ནང་དག་ཏུ། །སཱ་ལའི་ནགས་ནི་ཡང་དག་འབྱུང༌། །སོགས་ཀྱིས་སྟོན་པ་རང་ཉིད་མྱ་ངན་ལས་འདའ་བའི་ཡུལ་དང༌།

Bangchen admin· · 0 མཆན་འགྲེལ། ·

གཉིས་པ། བོད་ཡུལ་ཆགས་ཚུལ་བཤད་པ།

བོད་ཡུལ་ཆགས་ཚུལ་བཤད་པ་ལ། ཐོག་མར་འཛམ་གླིང་སྤྱིའི་ཆགས་ཚུལ་རགས་རིམ་མཚམས་སྦྱོར་གྱིས་བཤད་དགོས་ཤིང༌། དེ་མ་བཤད་ན་བོད་ཡུལ་ཆགས་ཚུལ་གྱི་ལོ་རྒྱུས་རབ་རིབ་ཙམ་ལས་བཤད་དཀའ་བ་དང༌། བོད་ནི་འཛམ་གླིང་གི་ཆ་ཤས་ཆུང་ཆུང་ཞིག་ཡིན་པས་སྤྱིར་འཛམ་གླིང་ཆགས་ཚུལ་རགས་ཙམ་ངེས་ན། བོད་ཀྱི་ཡུལ་ལྗོངས་ངོ་འཕྲོད་པ་ལ་དགེ་ཕན་ཆེན་པོ་ཡོད། དེས་ན་འཛམ་གླིང་སྤྱིའི་བྱུང་རིམ་བཤད་པ་དང༌། བོད་ཀྱི་ཡུལ་ལྗོངས་ཆགས་ཚུལ་བཤད་པའོ། །

Bangchen admin· · 0 མཆན་འགྲེལ། ·

བོད་ཀྱི་ལོ་རྒྱུས་ཤེས་པའི་སྔོན་འགྲོ།

དང་པོ། བོད་ཅེས་པའི་མིང་གི་སྐོར་བཤད་པ།

བོད་མིས་རང་ཉིད་བོད་ཀྱི་ལོ་རྒྱུས་ཤེས་དགོས་ཤིང༌། དེ་ཤེས་པར་ཐོག་མར་བོད་ཅེས་པའི་མིང་གི་སྐོར་བསམ་གཞིག་ཅིག་བྱ་རྒྱུ་གལ་འགངས་ཆེན་པོ་ཡིན། དེ་ཡང༌། བོད་ཅེས་པའི་རྒྱལ་ཁབ་ནི་འཛམ་གླིང་ཤར་ཕྱོགས་རྒྱལ་ཁབ་ཆེ་ཤོས་རྒྱ་དཀར་ནག་གཉིས་ཀྱི་དབར་དུ་ཡོད་པས་རྒྱ་གར་གྱིས་བྷོ་ཊ་དང༌། རྒྱ་ནག་གིས་ཐུ་ཕཱན། དེང་དུས་གྲགས་ཆེ་བའི་དབྱིན་ཇི་སྐད་ཡིག་ནང་བོད་ཀྱི་རྒྱལ་ཁབ་ལ་ཅགྲསྐྱཁྱཅདང༌། དེའི་བདག་པོ་གནས་སྡོད་བྱེད་མཁན་བོད་ཀྱི་མི་རིགས་ལ་ṬĪ??ṬĀṆཞེས་འབོད་ཅིང༌།

Bangchen admin· · 0 མཆན་འགྲེལ། ·

ལོ་རྒྱུས་ཤེས་པའི་དགེ་ཕན།

ཐོག་མ་འཇིག་རྟེན་གྲུབ་པ་ནས་བཟུང༌། འཛམ་གླིང་ནང་དུ་གནས་པའི་མི་རིགས་སུ་འདྲ་ཞིག་ཡིན་ནའང་ད་བར་རང་རང་མི་རིགས་ཀྱི་ལོ་རྒྱུས་བཟང་ངན་སྣ་ཚོགས་དང་གནས་ལུགས་ཉིན་མཚན་སྣང་མུན་བརྗེས་པ་ལྟ་བུ་གྲངས་ལས་འདས་པ་ཞིག་བྱུང་ཡོད་པས། གོ་ལའི་ཡང་རྩེར་གནས་པའི་རང་ཅག་བོད་མི་རིགས་ལའང་དེ་བཞིན་ལོ་རྒྱུས་ཀྱི་འཕྲང་ལམ་རིང་མོ་ཞིག་ཡོད་པ་རེད། འོན་ཀྱང༌། རང་རེ་བོད་མི་རིགས་ཀྱི་གོམས་གཤིས་ནང་ལོ་རྒྱུས་ནི་བེད་མེད་ལྟ་བུ་བསམ་ནས་སྦྱང་བརྩོན་ཞན་པས་ལྷོད་གཡེང་ཤོར་ཏེ་ལེགས་པར་མི་ཤེས་པའམ། ཡང་ན་ཞོར་སྦྱང་ཙམ་ལས་བྱེད་སྲོལ་མེད་སྟབས་བོད་ཀྱི་ལོ་རྒྱུས་འགའ་ཤས་མི་གསལ་བ་དང༌། འགའ་ཤས་བཞེད་པ་མི་མཐུན་པའི་རྩོད་རྙོག་སོགས་ཀྱི་གནས་སུ་གྱར་ཡོད་པ་རེད། དེང་སྐབས་མཁས་པ་མང་པོས་ལོ་རྒྱུས་ནི་སྤྱིར་ཤེས་ཡོན་ཀུན་གྱི་རྨང་གཞིར་ཤེས་དགོས་པའི་ཤེས་བྱ་གལ་ཆེན་ཞིག་ཡིན་ལུགས་སོགས་ཀྱི་གསུང་རྒྱུན་ཡང་མང་དུ་འགྲོ་བཞིན་པ་ལ། སྔ་ཕྱིའི་རྒྱུ་མཚན་ཕྱོགས་བསྡོམས་ཀྱིས་ད་ཐེངས་སོ་སོའི་ལོ་རྒྱུས་ལ་དགའ་མོས་ཆེ་བའི་བློ་གསལ་རྣམས་ལ་ལོ་རྒྱུས་ངེས་ཆ་སྲ་བརྟན་ཡོང་ཆེད་འདི་ནས་ལོ་རྒྱུས་ཤེས་པའི་དགེ་ཕན་སྐོར་གང་ཤེས་ཅུང་ཙམ་བརྗོད་ན་སྙམ། དང་པོ། ལོ་རྒྱུས་ཤེས་པའི་དགེ་ཕན་དང༌། ལོ་རྒྱུས་མི་ཤེས་པའི་སྐྱོན། ཞོར་འཕྲོས་དང་གསུམ།

Bangchen admin· · 0 མཆན་འགྲེལ། ·