རྒྱ་ནག་གིས་ཨ་རིའི་གསར་ཁང་ཞིག་གི་གསར་འགོད་པ་གསུམ་ཕྱིར་འབུད་བཏང་འདུག 

ཨ་རིའི་གསར་ཁང་ཆེ་གྲས་ཤིག་གི་དྲ་ཐོག་ཏུ་སྤེལ་བའི་རྩོམ་ཡིག་གཅིག་གིས། རྒྱ་མི་རིགས་ལ་མཐོང་ཆུང་དང་། རྒྱ་ནག་གིས་ཏོག་དབྱིབས་ནད་དུག་ལ་འགོག་རྒོལ་བྱེད་བཞིན་པའི་འབད་བརྩོན་ལ་རྩིས་མེད་དང་སྐྱོན་བརྗོད་བྱས་པ་ཡིན་སྐོར་བརྗོད་ནས། རྒྱ་ནག་གཞུང་གིས་གསར་ཁང་དེའི་གསར་འགོད་པ་གསུམ་རྒྱ་ནག་ནས་ཕྱིར་ཐོན་དགོས་པའི་བཀའ་བཏང་འདུག 

Read more

ཨ་རིས་རྒྱ་ནག་གཞུང་འབྲེལ་བརྒྱུད་ལམ་ཁག་ལ་ཁྲིམས་གསར་པ་ལག་བསྟར་བྱེད་རྒྱུ་རེད་འདུག 

ཨ་རིའི་གཞུང་གིས་ཨ་རིའི་ནང་ཡོད་པའི་རྒྱ་ནག་གཞུང་འབྲེལ་བརྒྱུད་ལམ་རྣམས། རྒྱ་ནག་དམར་ཤོག་ཚོགས་པའི་ལས་དོན་སྒྲུབ་མཁན་ཡིན་པར་ངོས་འཛིན་གྱིས། ཕྱིའི་རྒྱལ་ཁབ་ཁག་གི་གཞུང་ཚབ་མི་སྣ་རྣམས་ལ་ཡོད་པའི་ཁྲིམས་ལག་བསྟར་བྱེད་རྒྱུའི་གསལ་བསྒྲགས་བྱས་འདུག 

Read more

༸གོང་ས་མཆོག་གིས་བོད་ཁམས་རྟའུ་རྫོང་གི་ཡུལ་དགོན་སྤྱི་ལ་གསུང་འཕྲིན་བསྩལ།

ཉེ་ལམ་རྒྱ་ནག་ཝུ་ཧན་གྲོང་ཁྱེར་ནས་ཐོག་མར་འགོ་བཙུགས་པའི་ཏོག་དབྱིབས་ནད་དུག་དེ་བཞིན་ད་ཆ་བོད་ཁམས་རྟའུ་རྫོང་དུའང་ཁྱབ་གདལ་འགྲོ་བཞིན་ཡོད་པར་བརྟེན། རྟའུ་ཡུལ་དགོན་སྤྱི་ནས་སྤྱི་ནོར་༸གོང་༸སྐྱབས་མགོན་ཆེན་པོ་མཆོག་ལ་བརྟག་ཞུ་ཞུས་པར་མགོན་པོ་གང་ཉིད་ཀྱིས་ཕྱི་ལོ་༢༠༢༠ ཟླ་༢ ཚེས་༡༤ ཉིན་བརྟག་ཞུ་གནང་འབྲས་སུ།

Read more

༸གོང་མ་ཁྲི་འཛིན་རིན་པོ་ཆེ་སྦན་ད་ར་ལ་ཆིབས་བསྒྱུར་གནང་།

ཟླ་འདིའི་ཚེས་༡༣ ཉིན་༸སྐྱབས་མགོན་༸གོང་མ་ཁྲི་འཛིན་རིན་པོ་ཆེ་མཆོག་སྦན་ད་ར་ནོར་རྒྱས་གླིང་གཞིས་ཆགས་ཆིབས་བསྒྱུར་གནང་བ་དང་། ས་གནས་འགོ་འཛིན་གཙོས་པའི་ཕྱོགས་བཞུགས་སྤྱི་འཐུས་ཀརྨ་དགེ་ལེགས་དང་། ས་གནས་ཀྱི་ལས་སྣེ་རྣམ་པ་རྒྱ་གར་གྱི་གནད་ཡོད་མི་སྣ། གཞིས་ཆགས་ཀྱི་སེར་སྐྱ་མི་མང་བཅས་ནས་ཕེབས་བསུ་ཟབ་རྒྱས་ཏེ། གཞིས་དགོན་ཐེག་ཆེན་གླིང་དུ་ཞབས་སོར་བདེ་བར་འཁོད་ཡོད།

Read more

ཨ་རིའི་གྲོས་ཚོགས་ནང་རྒྱ་ནག་གི་ཞིབ་བཤེར་སྟངས་འཛིན་ལས་སྲུང་སྐྱོབ་བྱེད་པའི་ཁྲིམས་འཆར་གསར་པ་བཏོན་འདུག

 རྒྱ་ནག་གཞུང་གིས་ཁྲོམ་ར་དང་དཔལ་འབྱོར་གྱི་དབང་ཤུགས་བཀོལ་ཏེ་ཨ་རིའི་ས་ཐོག་ནས་ཨ་རིའི་མི་སེར་གྱི་སྨྲ་བརྗོད་རང་དབང་ལ་ཞིབ་བཤེར་དང་སྟངས་འཛིན་བྱེད་ཤུགས་ཇེ་ཆེར་འགྲོ་བཞིན་ཡོད་སྟབས། ཨ་རིའི་ཆབ་སྲིད་ཚོགས་པ་གཉིས་ཀའི་འཐུས་མི་ཚོ་གཅིག་གིས་དེ་ལ་ཁ་གཏད་བཅག་སྟེ། ཨ་རིའི་མི་མང་གི་སྨྲ་བརྗོད་རང་དབང་སྲུང་སྐྱོབ་བྱེད་པའི་ཁྲིམས་འཆར་གསར་པ་ཞིག་བཏོན་ཡོད་འདུག 

Read more

གྲོས་ཚོགས་གོང་མས་ཊོམ་གྱི་ཨི་རན་ལ་དམག་རྒྱག་རྒྱུའི་དབང་ཚད་ཆུང་དུ་གཏོང་རྒྱུར་རྒྱབ་སྐྱོར་བྱས་འདུག

ཨ་རིའི་གྲོས་ཚོགས་གོང་མའི་ནང་དུ། ཨ་རིའི་སྲིད་འཛིན་གྱིས་ཨི་རན་ལ་དམག་རྒྱག་པར་ཐོག་མར་གྲོས་ཚོགས་ནས་ཆོག་མཆན་ཐོབ་དགོས་ཀྱི་ཡོད་པའི་གྲོས་ཆོད་ལ་རྒྱབ་སྐྱོར་ཐོབ་པ་དང་། སྲིད་འཛིན་ཊོམ་དང་སྤྱི་མཐུན་ཚོགས་པའི་གྲོས་ཚོགས་གོང་མའི་འཐུས་མི་ཕལ་ཆེ་བས་གྲོས་ཆོད་དེར་རྒྱབ་སྐྱོར་བྱེད་ཀྱི་མི་འདུག་པས། ཊོམ་གྱིས་དགག་བྱ་བྱས་ཏེ་མིང་རྟགས་བཀོད་རྒྱུ་མིན་པའི་སྡིགས་སྐུལ་བྱས་འདུག 

Read more

བོད་ཆས་དང“འགྱིང་འགྲོས”ཀྱིས་བོད་རང་བཙན་ཉིན་མོ་བརྩི་སྲུང་ཞུས་སོང་། 

༧རྒྱལ་མཆོག་སྐུ་ཕྲེང་བཅུ་གསུམ་པ་ཆེན་པོ་མཆོག་གིས་ཆུ་གླང་རྩ་ཚིག་གམ་རང་བཙན་བསྒྲགས་གཏམ་སྤེལ་ནས་ལོ་ངོ་ཧྲིལ་པོ་ ༡༠༧ འཁོར་བའི་ཉིན་མོར། རྒྱ་གར་བོད་རང་བཙན་སློབ་ཕྲུག་ཚོགས་པ་ནས་“འགྱིང་འགྲོས”ཞེས་པའི་ལས་འགུལ་ཞིག་གོ་སྒྲིག་ཞུས་ནས་བོད་རྒྱལ་ཁབ་ཆེན་པོའི་ལོ་རྒྱུས་རིང་མོའི་ཁྲོད་ཀྱི་ཉིན་མོ་གལ་ཆེན་དེ་སྲུང་བརྩི་དང་རྗེས་དྲན་ཞུས་སོང་།  དེ་ཡང་བོད་ཆས་གྱོན་ནས་དྷ་སའི་མེག་གྷན་གྱི་སྲང་ལམ་དུ་“འགྱིང་འགྲོས”ཀྱིས་སྐྱོད་པའི་ལས་འགུལ་དེ་དེ་རིང་ཉིན་གུང་གི་ཆུ་ཚོད་ ༡༢: ༣༠ ཡོལ་ཙམ་ལ་འགོ་ཚུགས་སོང་བ་དང་། བོད་ཀྱི་གཡག་དང་གངས་སེང་གི་འབག་གོས་གྱོན་མཁན་དང་། མདོ་དབུས་ཁམས་གསུམ་གྱི་ཆས་གོས་གྱོན་པའི་ལས་འགུལ་བ་ཚོས་བོད་རྒྱལ་ཁབ་ཆེན་པོའི་རྒྱལ་དར་དང་། ཐང་གའི་གཟུགས་སུ་བཟོས་པའི་ཆུ་གླང་རྩ་ཚིག་ཁྱེར་ནས་གཙུག་ལག་ཁང་གི་སྒོ་འགྲམ་དུ་ཡོད་པའི་དཔའ་བོའི་རྡོ་རིང་ནས་དྷ་སའི་སུམ་མདོ་བར་འགྱིང་འགྲོས་ཀྱིས་བསྐྱོད་སོང་།  “འགྱིང་འགྲོས”ཞེས་པའི་ལས་འགུལ་དེའི་འགོ་དངོས་སུ་མ་ཚུགས་པའི་སྔོན་ལ། རྒྱ་གར་བོད་རང་བཙན་སློབ་ཕྲུག་ཚོགས་པའི་འགན་འཛིན་རིག་འཛིན་ཆོས་སྒྲོན་གྱིས་ལས་འགུལ་དེ་ལྟ་བུ་ཞིག་སྤེལ་དགོས་པའི་རྒྱུ་མཚན་དང་རྒྱབ་ལྗོངས་སྐོར་གྱི་གཏམ་བཤད་ཅིག་སྤེལ་བའི་ནང་། བོད་རང་བཙན་སློབ་ཕྲུག་ཚོགས་པས་༧གོང་ས་བཅུ་གསུམ་པ་ཆེན་པོས་རང་བཙན་བསྒྲགས་གཏམ་སྤེལ་ནས་ལོ་ ༡༠༠ འཁོར་བའི་ལོ་སྟེ། ཕྱི་ལོ་ ༢༠༡༣ ནས་དེ་འདྲའི་ལས་འགུལ་སྤེལ་བཞིན་ཡོད་པ་དང་། དེ་རིང་ཆས་གོས་གྱོན་ནས་འགྲོ་བའི་དམིགས་ཡུལ་གཙོ་བོ་དེ་ནི་བོད་ནང་དུ་ཡོད་པའི་བོད་མི་ཚོས་རིག་གཞུང་བེད་སྤྱོད་བྱས་ནས་རྒྱ་མི་དང་།

Read more

ཨ་རིའི་གཙུག་ལག་སློབ་ཁང་གྲགས་ཅན་གཉིས་ཀྱིས་ཕྱིའི་རོགས་དངུལ་སྦས་གསང་བྱས་ཡོད་འདུག

ཨ་རིའི་ཤེས་ཡོན་སྡེ་ཚན་ཁག་གི་ནང་རྒྱ་ནག་གཙོས་པའི་ཕྱིའི་རྒྱལ་ཁབ་ཁག་གིས་དཔལ་འབྱོར་འགྲོ་སོང་བཏང་ནས། སོ་མྱུལ་དང་འཇབ་རྒོལ་སོགས་ཀྱི་བྱ་སྤྱོད་སྤེལ་གྱི་ཡོད་པའི་གནས་ཚུལ་མང་པོ་ཕྱིར་ཐོན་ཡོད་པའི་སྐབས་དེར། རྒྱལ་ཁབ་དེའི་གཙུག་ལག་སློབ་ཁང་གྲགས་ཅན་གཉིས་ཀྱིས་ཨ་སྒོར་ས་ཡ་མང་པོ་ཕྱི་ལོགས་ནས་བླངས་ཀྱང་ཁྲིམས་ལྟར་སྙན་སེད་ཞུས་མེད་རྐྱེན། དབུས་གཞུང་ནས་ཞིབ་འཇུག་བྱེད་བཞིན་ཡོད་པ་རེད་འདུག ཟླ་༢ པའི་ཚེས་༡༣ ཉིན་རྒྱལ་སྤྱིའི་བརྒྱུད་ལམ་ཁག་ཏུ་གནས་ཚུལ་སྤེལ་གསལ། ཨ་རིའི་ཁྲིམས་ལུགས་ལྟར་ན་རྒྱལ་ཁབ་དེའི་གཙུག་ལག་སློབ་ཁང་ངམ་ཤེས་ཡོན་ལྟེ་གནས་ཁང་ཞིག་ལ། ཕྱིའི་རྒྱལ་ཁབ་ཁག་ནས་ཞལ་འདེབས་སམ་གན་རྒྱ་ཐོག་ནས་དངུལ་ཨ་སྒོར་༢༥༠,༠༠༠ ལས་མང་བ་ཐོབ་ཚེ། དབུས་གཞུང་ལ་སྙན་སེང་ཞུ་དགོས་ཀྱི་ཡོད་འདུག འོན་ཀྱང་ལོ་མང་རིང་ཨ་རིའི་གཙུག་ལག་སློབ་ཁང་གྲགས་ཅན་ཚོས། ཕྱིའི་རྒྱལ་ཁབ་ཁག་ནས་ཞལ་འདེབས་དང་གན་རྒྱ་ཐོག་ནས་ཨ་སྒོར་ས་ཡ་བརྒྱ་ཕྲག་མང་པོ་ཐོབ་པའི་གནས་ཚུལ་རྣམས་སྙན་སེང་ཞུས་མེད་པ་གསལ་པོ་ཆགས་ཡོད་སྐོར་ཨ་རིའི་ཤེས་རིག་ལས་ཁུངས་ཀྱིས་བརྗོད་འདུག ལོ་སྔོན་མའི་ཟླ་༧ པ་ནས་ད་བར་ཤེས་རིག་ལས་ཁུངས་ཀྱིས་ཨ་རིའི་གཙུག་ལག་སློབ་ཁང་ཁག་ལ། རྒྱ་ནག་དང་ཁ་ཊར། སོ་ཌི་ཨ་རབ་སོགས་ནས་ཨ་སྒོར་ཐེར་འབུམ་༦.༦ ཞལ་འདེབས་སྤྲད་ཡོད་པའི་གནས་ཚུལ་ར་སྤྲོད་གསལ་པོ་ཆགས་ཡོད་པ་དང་། དངོས་ཡོད་གནས་ཚུལ་ལ་དངུལ་འབོར་དེ་ལས་མང་བ་ཡོད་སྲིད་སྐོར་བརྗོད་འདུག ད་ལྟའི་ཆར་ཨ་རིའི་ནང་གི་གཙུག་ལག་སློབ་ཁང་གྲགས་ཅན་ཧཱ་ཝར་ཌ་དང་ཡཱེལ་གཉིས་ལ།

Read more

༧གོང་ས་མཆོག་གིས་ལྡི་ལིའི་སྤྱི་ཁྱབ་བློན་ཆེན་སྐྱར་དུ་འོས་འདེམས་བྱུང་བར་དགའ་བསུའི་འཚམས་འདྲི་གནང་།

ཁ་སང་རེས་གཟའ་མིག་དམར་ཉིན་ཕྱིར་བསྒྲགས་བྱས་པའི་རྒྱལ་ས་ལྡི་ལིའི་གྲོས་ཚོགས་འོས་བསྡུའི་ནང་། ལྡི་ལིའི་སྤྱི་ཁྱབ་བློན་ཆེན་ལས་ཐོག་པ་ཨར་ཝིནྡ-ཀེཇི་རི་ཝལ(Arvind Kejriwal)གྱི་ཚོགས་པ་ལ་རྒྱལ་ཁ་ཆེན་པོ་ཐོབ་སྟེ་ཁོང་སླར་ཡང་ལྡི་ལིའི་སྤྱི་ཁྱབ་བློན་ཆེན་དུ་འདེམས་ཐོན་བྱུང་རྗེས། ༧གོང་ས་མཆོག་གིས་ཁོང་དང་ཁོང་གི་ཚོགས་པའི་རྒྱལ་ཁ་ལ་བཀྲ་ཤིས་བདེ་ལེགས་ཀྱི་འཚམས་འདྲི་དང་། ཕྱི་ལོ་ ༡༩༤༧ ལོར་རྒྱ་གར་ལ་རང་བཙན་ཐོབ་པ་ནས་བཟུང་རྒྱ་གར་མི་མང་གིས་མང་གཙོར་ལོངས་སུ་སྤྱོད་བཞིན་པ་དེར་ཡི་རང་བསྔགས་བརྗོད་མཛད་འདུག  དེ་ཡང་༧རྒྱལ་བ་རིན་པོ་ཆེའི་འཚམས་འདྲིའི་ཕྱག་འཕྲིན་དེར། “སྐུ་ཉིད་ཀྱི་དབུ་ཁྲིད་ལམ་སྟོན་བཟང་པོ་ལས། ལྡི་ལིའི་མི་མང་ཚོར་མུ་མཐུད་ཕན་ཐོགས་འབྱུང་བཞིན་ཡོད། ང་ཚོས་ཕྱི་ལོ་ ༢༠༡༨ ཟླ་ ༧ ཚེས་ ༢ ཉིན་ལྡི་ལིའི་མངའ་ཁོངས་ཀྱི་གཞུང་འབྲེལ་སློབ་གྲྭ་ཁག་གི་ཆེད་དུ་བདེ་སྐྱིད་སྐྲུན་ཐབས་(Happiness Curriculum)ཞེས་པའི་སློབ་ཚན་དབུ་འབྱེད་སྐབས་ངོས་ཀྱིས་ཁྱེད་ལ་ཞུས་པ་ལྟར། ཁྱེད་དང་ཁྱེད་ཀྱི་གཞུང་ནས་བཟང་པོའི་ཡོན་ཏན་རྣམས་གོང་མཐོར་བཏང་སྟེ་བདེ་སྐྱིད་ལྡན་པའི་འགྲོ་བ་མི་བཟང་པོ་སྐྲུན་ཐབས་བྱེད་པའི་འབད་བརྩོན་ལ་ངོས་ཀྱིས་སྙིང་ཐག་པ་ནས་ཡི་རང་བསྔགས་བརྗོད་ཞུ་ཡི་ཡོད། འབད་བརྩོན་འདི་དག་གིས་ཕྲུ་གུ་ཚོའི་ཁྱོན་ཡོངས་ཀྱི་ཤེས་ཡོན་ལ་བཟང་ཕྱོགས་ཀྱི་ཤུགས་རྐྱེན་ཐེབས་ངེས་པ་མ་ཟད། དབུལ་ཕོངས་ཉམ་ཐག་ཚོར་སོ་སོའི་འཚོ་བ་བཟང་དུ་གཏོང་བའི་རྨི་ལམ་མངོན་དུ་བསྒྱུར་བར་ཡང་ཕན་ཐོགས་ངེས་རེད”ཅེས་འཁོད་འདུག དེ་མིན་ད་དུང་ཁོང་གི་མཛད་འཆར་དང་འབྲེལ་བའི་ཐད་ལ་མུ་མཐུད་འཁོད་དོན།

Read more

མཱ་ནི་པུར་གཙུག་ལག་སློབ་ཁང་དང་སྨན་རྩིས་ཁང་བར་མོས་མཐུན་གན་རྒྱ་བཞག་གནང་སོང་།

བོད་ཀྱི་སྨན་རྩིས་ཁང་དང་རྒྱ་གར་བྱང་ཤར་མངའ་སྡེ་མཱ་ནི་པུར་ནང་དུ་ཡོད་པའི་མཱ་ནི་པུར་རྒྱལ་སྤྱིའི་གཙུག་ལག་སློབ་ཁང་གཉིས་བར་མཉམ་ལས་ཀྱི་མོས་མཐུན་གན་རྒྱ་ཞིག་བཞག་སོང་བ་དང་། ད་བར་འདས་པའི་ལོ་ངོ་༦༠ ལྷག་གི་ནང་མཉམ་ལས་ཀྱི་འཆར་གཞི་དེ་འདྲ་ཆེན་པོ་བྱུང་མེད་འདུག་པས། མོས་མཐུན་གྱི་གན་རྒྱ་བཞག་པ་དེ་ནི་ལོ་རྒྱུས་ཀྱི་རང་བཞིན་ལྡན་པ་ཞིག་ཡིན་སྐོར་གསུངས་སོང་། ཟླ་༢ པའི་ཚེས་༡༢ ཉིན་བོད་ཀྱི་སྨན་རྩིས་ཁང་གི་ཚོགས་ཁང་དུ། སྨན་རྩིས་ཁང་གི་འགན་འཛིན་བཀྲ་ཤིས་ཚེ་རིང་དང་། མཱ་ནི་པུར་རྒྱལ་སྤྱིའི་གཙུག་ལག་སློབ་ཁང་(Manipur International University)གི་རིགས་བདག་ཧཱ་རི་ཀུ་མར་པཱ་ལ་ཐཌཀ་(Dr. Harikumar Pallathadka)གཉིས་ཀྱིས་ཕྱོགས་གཉིས་བར་མཉམ་ལས་ཀྱི་མོས་མཐུན་གན་རྒྱར་མཚན་རྟགས་བཀོད་གནང་སོང་། དེ་ཡང་གན་རྒྱ་དེའི་ནང་མཱ་ནི་པུར་རྒྱལ་སྤྱིའི་གཙུག་ལག་སློབ་གཉེར་ཁང་དུ། གསོ་བ་རིག་པའི་སྡེ་ཚན་ཞིག་གསར་འཛུགས་བྱེད་རྒྱུ་ཡིན་པ་དང་། དེའི་ཆེད་དུ་གཙུག་ལག་སློབ་ཁང་དེས་བོད་ཀྱི་སྨན་རྩིས་ཁང་ལ་ས་ཆ་ཨེ་ཀར་༢༥༠༠ ཞལ་འདེབས་སྤྲད་རྒྱུ་དང་འཛུགས་སྐྲུན་གྱི་འགྲོ་སོང་ཆ་ཚང་གཏོང་རྒྱུ། སྨན་རྩིས་ཁང་ནས་མི་བྱ་གང་དགོས་གཏོང་རྒྱུ་དང་། གཙུག་ལག་སློབ་ཁང་གི་ལས་བྱེད་ལ་སྦྱོང་བརྡར་སྤྲོད་རྒྱུ་སོགས་ཀྱི་མོས་མཐུན་བྱུང་ཡོད་པ་རེད་འདུག ཁོང་རྣམ་པ་གཉིས་ཀྱིས་གཞི་རྒྱ་ཆེ་བའི་ལས་འཆར་དེ་ནི་༧གོང་ས་མཆོག་དེ་སྔོན་ཕྱི་ལོ་༢༠༡༧

Read more
Page 1 of 18812345...Last »