རྫ་ཆུ་ཁ་རྫ་སྨད་དབོན་པོར་རྒྱ་གཞུང་གིས་མུ་མཐུད་དམ་དྲག་དང་དྲག་གནོན་བྱས་ཡོད་འདུག  

  ཟླ་བ་གཉིས་མ་ཟིན་ཙམ་གྱི་སྔོན་དུ་རྫ་དབོན་པོར་བོད་རང་བཙན་གྱི་ཡིག་ཆ་གཏོར་བ་དང་གྲྭ་པ་ཁག་ཅིག་དང་མི་སྐྱ་འགའ་འཛིན་བཟུང་བྱས་པ་ནས་བཟུང་། ས་གནས་དེར་དྲག་ཆས་ཉེན་རྟོག་པ་བསླེབས་ནས་མི་མང་རྣམས་བཀག་ཉར་དང་། “བསམ་བློའི་སློབ་གསོ”སྤེལ་ནས་མུ་མཐུད་དྲག་གནོན་དང་འཇིགས་སྐུལ་ཚད་མེད་བྱས་ཡོད་འདུག དེ་ཡང་ཕྱི་ལོ་ ༢༠༢༠ ཟླ་ ༡ ཚེས་ ༦ ཉིན་ཁུངས་ལྡན་གནས་ཚུལ་མཁོ་སྤྲོད་པ་ཞིག་གིས་འདི་ག་གསར་ཁང་དུ“རྫ་ཆུ་ཁ་རྫ་སྨད་དབོན་པོ་ནས་གནས་ཚུལ་ཕྱོགས་བསྡུས”ཞེས་པ་ཞིག་དང་། ཡུལ་དངོས་ཀྱི་འདྲ་པར་རྣམས་བསྐུར་བྱུང་བའི་ནང་། ཕྱི་ལོ་ ༢༠༡༩ ཟླ་ ༡༡ ཚེས་ ༢༤ ནས་ཕྱི་ལོ་ ༢༠༢༠

Read more

རྒྱ་ནག་གི་གནོན་ཤུགས་འོག་བོད་ནང་གི་ཤུགས་རྐྱེན་ཆེ་ཤོས་ཀྱི་མཁན་པོ་ཞིག་གི་ཆོས་ཚོགས་ཤིག་སྒོ་བརྒྱབས་འདུག 

བོད་དང་རྒྱ་ནག་ཏུ་མཛད་འཕྲིན་རབ་ཏུ་རྒྱས་བཞིན་པའི་མཁན་པོ་བསོད་དར་རྒྱས་ཀྱིས་ཁོང་གི་བྱང་ཆུབ་ཆོས་ཚོགས་དང་དེའི་ཡན་ལག་རྣམས་སྒོ་རྒྱག་རྒྱུ་ཡིན་པའི་གསལ་བསྒྲགས་སྤེལ་ཡོད་འདུག  དེ་ཡང་ཕྱི་ལོ་ ༢༠༡༩ ཟླ་ ༡༢ ཚེས་ ༣༠ ཉིན་གསེར་རྟ་བླ་རུང་སྒར་གྱི་མཁན་པོ་བསོད་དར་རྒྱས་ཀྱིས་བླ་རུང་སྒར་གྱི་དྲ་བ་དང་། དེ་མིན་གྱི་སྤྱི་ཚོགས་དྲ་ལམ་བརྒྱུད་དེ་རྒྱ་ཡིག་གི་གསལ་བསྒྲགས་ཤིག་སྤེལ་བའི་ནང་། མི་ཁ་ཅིག་གིས་ཁོང་གི་བྱང་ཆུབ་ཆོས་ཚོགས་ཀྱི་མིང་ཐོག་ནས་ལས་འགུལ་གཞན་རྩོམ་བཞིན་ཡོད་པ་མ་ཟད། ལ་ལ་ཞིག་གིས་“ཁྲིམས་འགལ་གྱི་བྱ་སྤྱོད་”སྤེལ་བར་ཁོང་ཐུགས་ཕམ་བྱུང་བའི་སྐོར་གསུངས་པ་མ་ཟད།  ཁོང་གིས་བྱང་ཆུབ་ཆོས་ཚོགས་དང་དེ་འབྲེལ་བྱེད་སྒོ་ཐམས་ཅད་ཀྱི་སྒོ་རྒྱག་རྒྱུ་ཡིན་པ་དང་། ཁོང་གིས་“མུ་མཐུད་དུ་རྒྱལ་གཅེས་ཆོས་གཅེས་ངང་མི་དམངས་ལ་ཞབས་འདེགས་ཞུ་རྒྱུ་”ཡིན་པ་སོགས་འཁོད་ཡོད་འདུག  མཁན་པོ་བསོད་དར་རྒྱས་ཀྱི་གློ་བུར་གྱི་གསལ་བསྒྲགས་དེ་དང་འབྲེལ་བའི་གནས་ཚུལ་ཞིག རྒྱལ་སྤྱིའི་བོད་དོན་ལས་འགུལ་ཁང་གིས་ཕྱི་ལོ་ ༢༠༢༠ ཟླ་ ༡ ཚེས་ ༢

Read more

ལ་དྭགས་གཙོ་བོ་མཚོན་པའི་ཧི་མ་ལ་ཡ་རི་རྒྱུད་ནས་བོད་ཀྱི་སྨན་རྩིས་ཁང་ཟུར་དུ་འཇོག་ཐབས་བྱེད་བཞིན་ཡོད་འདུག

བོད་ཀྱི་སྨན་རྩིས་ཁང་གི་འགན་འཛིན་བཀྲ་ཤིས་ཚེ་རིང་གིས། བོད་ཀྱི་གསོ་བ་རིག་པ་ཞེས་སྨན་རྩིས་ཁང་ཟུར་དུ་འཇོག་ཐབས་ལྟ་བུ་དང་། ཧི་མ་ལ་ཡའི་གསོ་བ་རིག་པ་ཞེས་གཙོ་བོ་ལ་དྭགས་མཚོན་པའི་ཧི་མ་ལ་ཡ་རི་རྒྱུད་ནས་འབད་བརྩོན་དང་རྒྱ་གར་AYUSH ནས་ཁ་ཡ་བྱེད་ཀྱི་ཡོད་པ་དེར་མཐའ་གཅིག་ཏུ་བློ་ཕམ་དང་ངོ་རྒོལ་ཡོད། གལ་ཏེ་སྨན་རྩིས་ཁང་ནས་བྱེད་བཞིན་པ་དེ་བོད་ཀྱི་གསོ་བ་རིག་པ་དང་། སྨན་རྩིས་ཁང་གི་ལས་དོན་མ་ཡིན་པའི་ཧི་མ་ལ་ཡའི་གསོ་བ་རིག་པ་ཞེས་པ་ཞིག་མཛུབ་སྟོན་བྱ་རྒྱུ་ཡོད་ན་དེ་ལྟར་གནང་དགོས་པ་ལས་དེ་མིན་ཁུངས་གཅིག་ལ་རོགས་རམ་རག་ཐབས་དང་། ཁུངས་གཅིག་ལ་རོགས་རམ་འགྲོ་མ་དགོས་པ་འབད་བརྩོན་བྱེད་པ་སོགས་མི་འགྲིག་སྐོར་གསུངས་སོང་། ཟླ་ ༡ ཚེས་ ༣ ཉིན་བོད་ཀྱི་སྨན་རྩིས་ཁང་གི་ཚོགས་ཁང་དུ། འགན་འཛིན་བཀྲ་ཤིས་ཚེ་རིང་གིས་སྨན་རྩིས་ཁང་གི་ལས་དོན་གལ་ཆེ་དྲུག་གི་ཐོག་གསར་འགོད་གསལ་བསྒྲགས་ཤིག་སྤེལ་སོང་བ་དང་། དེ་ཡང་སྦེང་ལོར་སྨན་རྩིས་ཁང་གི་མཐོ་སློབ་ཨར་པོའི་འཛུགས་སྐྲུན་ལེགས་པར་བསྒྲུབས་ཡོད་པ་དང་། ལྡི་ལི་གསར་པར་UNESCO ལས་ཁུངས་མདུན་དུ་སྨན་རྩིས་ཁང་གི་ལས་བྱེད་སློབ་ཕྲུག་ནས་ལས་ཁུངས་དེའི་དངོས་མིན་རིག་གནས་ཤུལ་བཞག་སྡེ་ཚན་ལ་རྒྱ་ནག་གིས་འགྲོ་སོང་གཏོང་གི་ཡོད་པ་དང། སྡེ་ཚན་དེས་བོད་སྨན་ཐོག་ཐེ་བྱུས་བྱེད་ཀྱི་ཡོད་པ་དེ་མི་ཆོག་པ་དང་། དེ་བཞིན་བོད་སྨན་དེ་རྒྱ་དཀར་ནག་གཉིས་བར་གྱི་འཐབ་རྩོད་གཅིག་མིན་པ་སོགས་ཀྱི་ཐོག་ངོ་རྒོལ་ལས་འགུལ་སྤེལ་གྱི་ཡོད་པ། སྐར་རྩིས་སྡེ་ཚན་ཁོངས་སྐོར་བསྐྱོད་དང་རྒྱ་སྐྱེད་སྡེ་ཚན་ཞེས་གསར་འཛུགས་བྱ་རྒྱུ། སྨན་པ་བསྟེན་གཏུགས་མ་དགོས་པའི་སྨན་གཏན་འབེབས་སྐོར།

Read more

༧གོང་ས་མཆོག་གིས་གནས་མཆོག་རྡོ་རྗེ་གདན་དུ་གསུང་ཆོས་དང་བཀའ་དབང་དབུ་འཛུགས་གནང་།

  <<རྒྱལ་སྲས་ལག་ལེན་སོ་བདུན་མ>>འི་སྔོན་འགྲོའི་བཀའ་སློབ་ནང་། ༧རྒྱལ་བ་རིན་པོ་ཆེ་མཆོག་གིས“མང་གཙོ་ཁ་ལ་ཁྱེར་ནས་རང་དོན་སྒྲུབ་པ་ཡིན་ན། དོན་དག་རང་གཅེས་འཛིན་གྱི་གཞན་དབང་དུ་སོང་བ་ཡིན་སྟབས་བདེ་སྐྱིད་ཡོང་གི་མ་རེད”ཅེས་གསུངས་འདུག  ཁ་སང་སྟེ་ཕྱི་ཟླ་ ༡ ཚེས་ ༢ ཉིན་༧རྒྱལ་བ་རིན་པོ་ཆེ་མཆོག་གིས་རྒྱལ་སྲས་ཐོགས་མེད་བཟང་པོས་མཛད་པའི<<རྒྱལ་སྲས་ལག་ལེན་སོ་བདུན་མ>>འི་གསུང་ཆོས་གནང་བ་དང་། གསུང་ཆོས་ཀྱི་དབུ་འཛུགས་དངོས་སུ་མ་གནང་གོང་ལ་སྔོན་འགྲོའི་ཚུལ་དུ་བླང་དོར་གྱི་བཀའ་སློབ་ཅིག་གནང་སྲོལ་ཡོད་པ་ལྟར་བཀའ་སློབ་ཀྱང་བསྩལ་འདུག སྔོན་འགྲོའི་བཀའ་སློབ་དེའི་ནང་། ཁོང་གིས་སངས་རྒྱས་བཅོམ་ལྡན་འདས་སངས་རྒྱས་ནས་རིང་པོར་མ་སོང་བར་ཡུལ་ཝཱ་རཱ་ཎ་སིར་ཆོས་འཁོར་དང་པོ་བདེན་པ་བཞི་གསུངས་པ་དེ། སངས་རྒྱས་པའི་ཆོས་ཀྱི་རྨང་གཞི་ཆགས་ཡོད་པ་དང་།  ཤྲི་ལངྐཱ་དང་། ཐའི་ལན་ཌི། འབར་མ། ཁམ་བྷོ་ཌི་ཡ། ལའོ་སི། དེ་བཞིན་རྒྱ་ནག་དང་། བོད།

Read more

ཧོང་ཀོང་གིས་ཕྱི་ལོ་གསར་པ་ངོ་རྒོལ་གྱིས་བསུས་འདུག 

  ༢༠༢༠ ལོའི་ཉིན་དང་པོར་ཧོང་ཀོང་གི་མི་མང་ས་ཡ་བརྒལ་བ་སྲང་ལམ་དུ་དོན་ནས་ངོ་རྒོལ་བྱས་པ་དང། ཉེན་རྟོག་པ་དང་ངོ་རྒོལ་བའི་བར་དྲག་པོའི་གདོང་ཐུག་བྱུང་ཡོད་འདུག  དེ་ཡང་ཕྱི་ལོ་ ༢༠༢༠ ཟླ་ ༡ ཚེས་ ༡ ཉིན་རྒྱལ་སྤྱིའི་བརྒྱུད་ལམ་ཁག་ནས་གནས་ཚུལ་སྤེལ་བ་ལྟར་ན། ཧོང་ཀོང་གི་མང་གཙོའི་ངོ་རྒོལ་བ་རྣམས་ཀྱིས་ཕྱི་ལོ་གསར་པའི་ཚེས་གཅིག་ཉིན་གཞི་རྒྱ་ཆེ་བའི་ངོ་རྒོལ་ཞིག་སྤེལ་ནས་གཞུང་ལ་ཁོ་ཚོའི་དགོས་འདུན་གཅིག་ཀྱང་མ་ལུས་པ་སྐོང་བའི་དགོས་འདུན་བཏོན་ཡོད་འདུག  ཉིན་དེར་ངོ་རྒོལ་བ་ཁྲི་ཕྲག་མང་པོས་ངོ་རྒོལ་གྱི་མཚོན་རྟགས་སུ་གྱུར་བའི་གོས་ནག་པོ་གྱོན་ཏེ། ཝིག་ཏྲོ་རི་ཡ་སྤྱི་གླིང་(Victoria Park)ཞེས་པའི་ས་གནས་ནས་མར་ཧོང་ཀོང་གྲོང་ཁྱེར་གྱི་ལྟེ་བའི་ཚོང་རྭ་ཕྱོགས་སུ་ཞི་བའི་ངང་གོམ་བགྲོད་བྱེད་འགོ་བརྩམས་པ་དང་། སྐད་གསང་མཐོན་པོས“དྲག་གནོན་ལ་མ་འཇིགས། ཆབ་སྲིད་བཙོན་པ་ཚང་མ་གློད་གྲོལ་དགོས། ཉེན་རྟོག་པའི་གདུག་རྩུབ་ལ་ཞིབ་འཇུག་དགོས”ཞེས་སྐད་འབོད་བརྒྱབས་ཡོད་འདུག མི་མང་ས་ཡ་ལྷག་གི་ངོ་རྒོལ་དེ་ཐོག་མར་ཞི་བའི་ངང་འགོ་ཚུགས་མོད། འོན་ཀྱང་ཆུ་ཚོད་གསུམ་ཙམ་གྱི་རྗེས་སུ་ངོ་རྒོལ་བ་དང་ཉེན་རྟོག་པའི་དབར་དུ་གདོང་ཐུག་བྱུང་སྟེ།

Read more

ལྕམ་ཚེ་དབྱིང་ཝན་གྱིས་ཐའེ་ཝན་གྱི་ཁྲིམས་གསར་པ་སྲུང་སྐྱོབ་བྱས་འདུག 

རྒྱལ་སྤྱིའི་རྒྱལ་ཁབ་མང་པོ་ཞིག་གི་ཤེས་ཡོན་དང་ཆབ་སྲིད་སྡེ་ཚན་ནང་དུ། རྒྱ་ནག་གིས་སིམ་འཛུལ་བྱས་ཏེ་ཤུགས་རྐྱེན་སྤྲོད་ཐབས་བྱེད་ཀྱི་ཡོད་པའི་གནས་ཚུལ་ཐོན་བཞིན་པ་ལྟར། ཐའེ་ཝན་གྲོས་ཚོགས་ཀྱིས་འོས་བསྡུ་སླེབས་ཉེ་བའི་སྐབས་དེར། རྒྱ་ནག་གི་དབང་ཤུགས་འགོག་ཆེད་ཀྱི་ཁྲིམས་གསར་ཞིག་གཏན་འབེབས་བྱས་ཡོད་པ་དང་། གོ་མིན་ཏང་སྲིད་དོན་ཚོགས་པས་ཁྲིམས་དེར་སྐྱོན་བརྗོད་བྱེད་བཞིན་ཡོད་པས། ལྕམ་ཚེ་དབྱིང་ཝན་གྱིས་ཁྲིམས་གསར་དེས་ཐའེ་ཝན་གྱི་མང་གཙོ་སྲུང་སྐྱོབ་བྱེད་ཆེད་ཡིན་སྐོར་བརྗོད་འདུག ཟླ་༡ པའི་ཚེས་༢ ཉིན་རྒྱལ་སྤྱིའི་བརྒྱུད་ལམ་ཁག་ཏུ་གནས་ཚུལ་སྤེལ་གསལ། གོ་མིན་ཏང་སྲིད་དོན་ཚོགས་པའི་དགག་བྱ་དང་སྐྱོན་བརྗོད་གང་འདྲ་བྱས་མིན་ལ་མ་ལྟོས་པར། ཕྱི་ལོ་༢༠༡༩ ལོའི་ཟླ་༡༢ པའི་ཚེས་༣༡ ཉིན་གཞུང་འཛིན་མང་གཙོ་ཡར་ཐོན་ཚོགས་པའི་གྲོས་ཚོགས་འཐུས་མི་མང་ཆེ་བ་ཡོད་པའི་ཐའེ་ཝན་གྲོས་ཚོགས་ཀྱིས། སིམ་འཛུལ་ཁ་གཏད་ཀྱི་ཁྲིམས་འཆར་ཞེས་པར་འོས་ཤོག་འཕངས་ཡོད་པ་དང་། མང་མོས་རྒྱབ་སྐྱོར་ཐོབ་ནས་ཁྲིམས་སུ་གཏན་འབེབས་བྱས་འདུག་ ཁྲིམས་དེས་ཕྱིའི་རྒྱལ་ཁབ་ཁག་གི་དཔུང་ཚོགས་ཀྱིས་ཐའེ་ཝན་གྱི་འོས་བསྡུ་དང་འབྲེལ་ནས། འོས་བསྡུའི་དྲིལ་བསྒྲགས་ལས་འགུལ། ཞུ་གཏུག་ལས་འགུལ། སྲིད་དོན་ཞལ་འདེབས།

Read more

༧རྒྱལ་བ་རིན་པོ་ཆེས་སླར་ཡང་ལོ་ཤས་ནང་རྒྱ་ནག་གི་ཆབ་སྲིད་ལ་འགྱུར་བ་འགྲོ་ངེས་ཚུལ་གསུངས་འདུག 

ཉེ་སྔོན་༧གོང་ས་མཆོག་གིས“རྒྱ་ནག་དམར་ཤོག་གི་ཡུན་ཚད་ལས་ངོས་ཀྱི་མི་ཚེ་རིང་བ་ཞིག་ཡོང་རྒྱུ་རེད”ཅེས་གསུངས་པ་ལྟར། སླར་ཡང་ཆབ་སྲིད་ཀྱི་འགྱུར་བ་ག་ལེར་འགྲོ་བཞིན་ཡོད་པ་དང་། ལོ་ཤས་ནང་ཁོང་རི་བོ་རྩེ་ལྔར་ཕེབས་ཐུབ་པའི་རེ་བ་ཡོད་ཚུལ་གསུངས་ཡོད་འདུག  ཟླ་འདིའི་ཚེས་ ༢༩ ཉིན་༧རྒྱལ་བ་རིན་པོ་ཆེའི་དྲ་ཚིགས་ནས་གནས་ཚུལ་སྤེལ་བ་ལྟར་ན། ཉིན་དེར་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་རྡོར་གདན་དགའ་ལྡན་འཕེལ་རྒྱས་གླིང་དུ་རྒྱ་གར་གྱི་དཔོན་རིགས་ཁག་གཅིག་དང་། བལ་མི། འབྲུག་པ། བོད་མི།  གཞན་ཡང་རྒྱ་རིགས་ཁག་གཅིག་བཅས་ལ་མཇལ་ཁ་སྩལ་ཡོད་པ་རེད། དེ་ཡང་ཉིན་དེའི་སྔ་དྲོ་ཆུ་ཚོད་ ༩།༠༠ ཙམ་ལ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་རྡོར་གདན་དགའ་ལྡན་འཕེལ་རྒྱས་གླིང་གི་གཟིམ་ཆུང་ནས་མཇལ་འཕྲད་ཁང་དུ་ཆིབས་བསྒྱུར་གྱིས་རིགས་སོ་སོའི་མི་མང་སྐོར་ཁག་བྱས་ཏེ་མཇལ་ཁ་དང་སྐུ་པར་ལྷན་སྒྲོན་མཛད་པ་དང་། སྐོར་ཁག་མཐའ་མའི་རྒྱ་རིགས་མི་མང་ལ་མཇལ་ཁ་སྩལ་རྗེས་སེམས་ཀྱི་བདེ་སྐྱིད་ཀྱི་སྐོར་ལ་བཀའ་སློབ་སྩལ་བ་དང་འབྲེལ། དེང་གི་འཛམ་གླིང་དུ་དབུལ་ཕྱུག་གི་ཁྱད་པར་ཆེན་པོ་ཡོད་པས་དཀའ་ངལ་དེ་སེལ་ཐབས་དགོས་སྐོར་དང་། ནཱ་ལེནྡྲའི་ཆོས་བརྒྱུད་ཀྱི་སྐོར། དབུལ་ཕྱུག་དང་ལྐོག་ཟ་རུལ་སུངས་ཀྱི་གནས་ཚུལ་མང་པོ་འགྲོ་བཞིན་འདུག་པ་དང་། ཞིས་ཅིན་ཕིན་གྱིས་བློ་ཁོག་ཆེན་པོ་བྱས་ཏེ་ལྐོག་ཟ་རུལ་སུངས་བྱེད་མཁན་ལ་འཐབ་རྩོད་ཤུགས་ཆེན་པོ་བྱས་སོང་། ཞེས་སོགས་བཀའ་སློབ་སྩལ།

Read more

ཐའེ་ཝན་སྲིད་འཛིན་གྱིས་ཐའེ་ཝན་དེ་ཧོང་ཀོང་ལྟ་བུ་འགྱུར་སྲིད་པའི་ཉེན་བརྡ་བཏང་འདུག

ཐའེ་ཝན་གྱི་སྲིད་འཛིན་དང་གྲོས་ཚོགས་འོས་བསྡུ་སླེབས་ཉེ་བ་དང་བསྟུན། སྲིད་འཛིན་འོས་མིའི་བགྲོ་གླེང་སྐབས་སུ་ལས་ཁུར་སྲིད་འཛིན་གྱིས། ཧོང་ཀོང་ནང་གི་གནས་སྟངས་དཔེ་མཚོན་དུ་བཞག་ནས། གལ་ཏེ་ཐའེ་ཝན་གྱིས་རྒྱ་ནག་གི་གནོན་ཤུགས་འོག་མགོ་སྒུར་ནས་དམར་ཤོག་གི་དབང་སྒྱུར་ཁས་ལེན་བྱས་ཚེ། ཐའེ་ཝན་ཡང་ཧོང་ཀོང་ལྟ་བུ་ཆགས་རྒྱུ་ཡིན་པའི་ཉེན་བརྡ་བཏང་འདུག ཟླ་༡༢ པའི་ཚེས་༣༠ ཉིན་རྒྱལ་སྤྱིའི་བརྒྱུད་ལམ་ཁག་ཏུ་གནས་ཚུལ་སྤེལ་གསལ། ཚེས་༢༩ ཉིན་ཐའེ་ཝན་གྱི་སྲིད་འཛིན་འོས་མིའི་བགྲོ་གླེང་སྐབས་སུ། ལས་ཁུར་སྲིད་འཛིན་དང་མང་གཙོ་ཡར་ཐོན་ཚོགས་པའི་སྲིད་འཛིན་འོས་མི་ལྕམ་ཚེ་དབྱིང་ཝན་གྱིས། རང་ཉིད་ལ་ཧོང་ཀོང་ནས་གཞོན་སྐྱེས་ཤིག་གིས་བསྐུར་བའི་ཡི་གེ་ལུང་འདྲེན་བྱས་འདུག ཡི་གེའི་ནང་གཞོན་སྐྱེས་དེས་ཐའེ་ཝན་མི་མང་གིས་རྒྱ་ནག་དམར་ཤོག་ཚོགས་པ་དང་། དམར་ཤོག་ཚོགས་པར་རྒྱབ་སྐྱོར་བྱེད་མཁན་འགོ་ཁྲིད་ལ་ཡིད་ཆེས་མི་བྱེད་པའི་རེ་སྐུལ་བྱས་ཡོད་ཁར། རྒྱ་ནག་དམར་ཤོག་ཚོགས་པའི་དངུལ་གྱི་མགོ་སྐོར་འོག་ལ་ཚུད་མི་རུང་སྐོར་བརྗོད་ཡོད་འདུག ཁོང་གིས་ཡི་གེ་དེ་སུས་དང་ག་དུས་བསྐུར་ཡོད་པའི་སྐོར་གང་ཡང་བརྗོད་མེད་པ་དང་། འོན་ཀྱང་ཡི་གེ་དེ་ལུང་འདྲེན་བྱེད་དགོས་པའི་རྒྱུ་མཚན་ནི། ཐའེ་ཝན་གྱི་མང་གཙོའི་ལམ་ལུགས་ལ་ཉེན་ཁ་ཆེ་ཤོས་དེ་ནི་རྒྱ་ནག་ཡིན་པ་དང་། གལ་ཏེ་ཐའེ་ཝན་གྱིས་རྒྱ་ནག་གི་གནོན་ཤུགས་འོག་མགོ་སྒུར་ནས་དམར་ཤོག་གི་དབང་སྒྱུར་ཁས་ལེན་བྱས་ཚེ། ཐའེ་ཝན་ཡང་ཧོང་ཀོང་ལྟ་བུ་ཆགས་རྒྱུ་ཡིན་པས།

Read more

གཞི་རྒྱ་ཆེ་བའི་ངོ་རྒོལ་ལ་བརྟེན་ནས་རྒྱ་གར་གྱི་ཡུལ་སྐོར་ཚོང་ལས་ལ་ཕོག་ཐུག་ཆེན་པོ་ཐེབས་ཡོད་འདུག  

  འདས་པའི་བདུན་ཕྲག་གཉིས་ནང་། རྒྱལ་སྤྱི་དང་རྒྱལ་ནང་གི་ཡུལ་སྐོར་སྤྲོ་འཆམ་བ་འབུམ་ ༢ ཙམ་གྱིས་རྒྱ་གར་གྱི་སྙན་གྲགས་ཆེ་བའི་གནའ་ཤུལ་ཏ་ཇི་མ་ཧལ་(Taj Mahal)དུ་འགྲོ་བའི་འགྲུལ་བཞུད་ཕྱིར་འཐེན་ནམ་ཕར་འགྱངས་བྱས་ཡོད་འདུག  ཕྱི་ཟླ་ ༡༢ པའི་ཚེས་ ༢༩ ཉིན་བརྒྱུད་ལམ་ཁག་ནས་གནས་ཚུལ་སྤེལ་བ་ལྟར་ན། ཉེ་ཆར་རྒྱ་གར་གཞུང་གིས་མི་སེར་གྱི་ཐོབ་དང་འབྲེལ་བའི་ཁྲིམས་གསར་པ་ཞིག་གཏན་ལ་ཕབ་པ་དེར། རྒྱ་གར་གྱི་གྲོང་ཁྱེར་ཆེ་ཁག་ནས་མི་མང་གིས་མི་འདོད་པའི་ངོ་རྒོལ་ཤུགས་ཆེན་བྱས་ཏེ་གནས་སྟངས་ཛ་དྲག་ཏུ་གྱུར་བའི་རྐྱེན་གྱིས། རྒྱ་གར་གྱི་ཡུལ་སྐོར་སྤྲོ་འཆམ་གྱི་ཚོང་ལས་ལ་ཕོག་ཐུག་ཆེན་པོ་ཐེབས་ཡོད་འདུག  གཞི་རྒྱ་ཆེ་བའི་ངོ་རྒོལ་དེའི་ཁྲོད། ངོ་རྒོལ་བ་དང་ཉེན་རྟོག་པའི་དབར་དུ་གདོང་ཐུག་དྲག་པོ་བྱུང་ནས་མ་མཐར་ཡང་མི་ ༢༥ བསད་ཡོད་འདུག་མོད། འོན་ཀྱང་ངོ་རྒོལ་དེར་མཚམས་འཇོག་པའི་རྣམ་པ་མེད་པར་མུ་མཐུད་འབྱུང་མུས་སུ་ཡོད་འདུག  གཞུང་འབྲེལ་གྱི་གྲངས་ཐོ་ལྟར་ན།

Read more

བཀའ་ཤག་གིས“བཟོད་གསོལ”ཞུ་བའི་གསལ་བསྒྲགས་སྤེལ་འདུག 

ཟླ་ ༡༢ པའི་ཚེས་ ༢༧ ཉིན་བོད་མིའི་སྒྲིགས་འཛུགས་ཀྱི་དྲ་བའི་ཐོག བཀའ་ཤག་ནས་ཁ་མཆུ་ཨང་ ༢༠ པའི་དཔྱད་ཁྲ་དང་འབྲེལ་བའི་གསལ་བསྒྲགས་ཤིག་སྤེལ་འདུག་པ་དེའི་ནང་། “ཆེས་མཐོའི་ཁྲིམས་ཞིབ་ཁང་གིས་ཕྱི་ལོ་ ༢༠༡༩ ཟླ་ ༡༠ ཚེས་ ༡༤ ཉིན་སྤེལ་བའི་བཅད་ཁྲའི་ནང་། “བཀའ་ཤག་ནས་བྱང་ཨ་རི་དོན་གཅོད་སྤེན་པ་ཚེ་རིང་ལགས་འཕོ་འགྱུར་དང་། དེའི་རྗེས་འབྲེལ་གསལ་བཤད་དོན་ཚན་ ༡༠ གསལ་བསྒྲགས་བྱས་པ་དེ། གནས་ཚུལ་ཡོང་ཁུངས་ངེས་བརྟན་མེད་པ་དང་།

Read more
Page 3 of 18512345...Last »