Front Slider

ཡུ་རོབ་ཀྱི་རྒྱལ་ཁབ་ཆུང་ཆུང་ལི་ཐུའུ་ནི་ཡའི་(Lithuania) གྲོས་ཚོགས་འཐུས་མི་༢༩ དང་ཡུ་རོབ་མཐུན་ཚོགས་ཀྱི་ཚོགས་མི་གཅིག་བཅས་ཁྱོན་བསྡོམས་འཐུས་མི་སུམ་ཅུས་རྒྱ་ནག་གི་སྲིད་འཛིན་ཞི་ཅིན་ཕིང་ལ་འབོད་སྐུལ་ཞུ་ཡིག་ཅིག་བཏང་ནས། རྒྱ་ནག་གིས་ཆོས་ལུགས་ཚང་མ་རྩ་མེད་བཟོ་བའི་སྲིད་བྱུས་ལ་སྐྱོན་བརྗོད་བྱས་ཡོད་འདུག 

མཉམ་འབྲེལ་རྒྱལ་ཁབ་ཀྱི་འགྲོ་བ་མིའི་ཐོབ་ཐང་ལྷན་ཚོགས་ཀྱི་ལས་བྱེད་ཅིག་གིས་བརྗོད་པ་ལྟར་ན། རྒྱལ་སྤྱིའི་འགྲོ་བ་མིའི་ཐོབ་ཐང་དང་འབྲེལ་བའི་ཚོགས་པ་ཆེ་ཤོས་དེས་རྒྱ་ནག་གི་འགྲོ་བ་མིའི་ཐོབ་ཐང་ལས་འགུལ་བ་ཚོའི་གནས་ཚུལ་རྒྱ་ནག་གཞུང་ལ་མཁོ་སྤྲོད་བྱེད་ཀྱི་ཡོད་འདུག 

རྒྱ་ནག་གི་གཞུང་ཚབ་མི་སྣ་གཉིས་རང་དགར་ཨ་རིའི་དམག་སྒར་ཞིག་ཏུ་འཛུལ་རྗེས། ཨ་རིའི་གཞུང་ནས་གསང་བའི་ངང་ཁོ་གཉིས་ཕྱིར་འཕུད་བཏང་ཡོད་འདུག 

རྒྱལ་སྤྱིའི་ནང་རྐང་སྤོལ་རྩེད་མོ་བ་གྲགས་ཅན་ཨོ་ཛིལ་གྱིས། རྒྱ་ནག་གིས་ཡུ་གུར་ནང་དུ་ཁ་ཆེ་མི་རིགས་ལ་དྲག་གནོན་དང་དམར་གསོད་གཏོང་གི་ཡོད་ཀྱང་། ཁ་ཆེ་གཞན་ཚོས་གང་ཡང་བྱེད་ཀྱི་མེད་སྐོར་བརྗོད་པར་བརྟེན། རྒྱ་ནག་གིས་ཕར་རྒོལ་ཆེད་དུ་ཁོང་ཡོད་པའི་རྩེད་འགྲན་ཞིག་བརྙན་འཕྲིན་ནང་བཀག་འགོག་བྱས་འདུག 

ཡུ་རོབ་མཐུན་ཚོགས་ནས་དབྱིན་ཡུལ་ཕྱིར་འཐེན་བྱེད་རྒྱུར་རྒྱབ་སྐྱོར་བྱེད་མཁན་རྙིང་ཞེན་ཚོགས་པར། དབྱིན་ཡུལ་གྱི་རྒྱལ་ཡོངས་གྲོས་ཚོགས་འོས་བསྡུར་རྒྱལ་ཁ་ཆེན་པོ་ཐོབ་འདུག་པ་དང་། ཕྱོགས་འགལ་ཚོགས་པ་གཙོ་བོ་ངལ་རྩོལ་ཚོགས་པའི་རྐུབ་སྟེགས་མང་པོ་ཤོར་འདུག 

ཟླ་འདིའི་ཚེས་༡༢ བརྒྱུད་ལམ་དུ་གནས་ཚུལ་སྤེལ་བ་ལྟར་ན། རྒྱ་གར་གྱི་རྩོད་གཞི་ཆེ་བའི་ཁྲིམས་འཆར་གསར་པ་སྟེ། “༢༠༡༩ ལོའི་མི་སེར་ཐོབ་ཐང་བསྐྱར་བཅོས་”ཞེས་པར་གྲོས་ཚོགས་གོང་འོག་གཉིས་ཀའི་མོས་མཐུན་ཐོབ་སྟེ་སྲིད་འཛིན་གྱི་མཚན་རྟགས་འཐོབ་རྒྱུར་སྒུག་བཞིན་ཡོད་པས། རྒྱ་གར་རྒྱལ་ཡོངས་ཁ་ཆེའི་སྐྱིད་སྡུག་ཚོགས་པ་(The indian Union Muslim League) ནས་ཁྲིམས་འཆར་དེ་རྒྱ་གར་གྱི་རྩ་ཁྲིམས་དང་འགལ་སྐོར་བཤད་དེ་ཆེས་མཐོའི་ཁྲིམས་ཁང་དུ་ཞུ་གཏུག་བྱས་ཡོད་འདུག 

ཨ་རིའི་ཆོས་དད་རང་དབང་ལྷན་ཚོགས་ནས་གལ་སྲིད་“༢༠༡༩ ལོའི་མི་སེར་ཐོབ་ཐང་བསྐྱར་བཅོས་”ཞེས་པའི་རྒྱ་གར་གྱི་ཁྲིམས་འཆར་གསར་པ་དངོས་སུ་ཁྲིམས་ལ་གཏན་འབེབས་བྱས་པ་ཡིན་ན། ཨ་རི་གཞུང་ནས་ཁྲིམས་འཆར་དེའི་འབྲེལ་ཡོད་མི་སྣ་རྣམས་ལ་ཉེས་ཆད་གཅོད་དགོས་སྐོར་བརྗོད་ཡོད་འདུག

ཨ་རིའི་གྲོས་ཚོགས་འོག་མའི་ནང་མང་གཙོ་ཚོགས་པའི་འགོ་ཁྲིད་ཚོས། སྲིད་འཛིན་ཊོམ་གྱིས་དབང་ཆ་ལོག་སྤྱོད་དང་། གྲོས་ཚོགས་ཀྱི་ལས་དོན་ལ་འགོག་རྐྱེན་བཟོས་པའི་ཉེས་འཛུགས་བྱེད་རྒྱུའི་གསལ་བསྒྲགས་བྱས་འདུག