སྲིད་སྐྱོང་གིས་ཅེག་སྤྱི་མཐུན་རྒྱལ་ཁབ་ལ་བོད་དོན་གསུང་བཤད་གནང་བ།

བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་གིས་ཅེག་སྤྱི་མཐུན་རྒྱལ་ཁབ་ཏུ། ཚོགས་འདུ་གཉིས་ལ་མཉམ་ཞུགས་ཀྱིས་རྒྱ་ནག་གི་སྲིད་བྱུས་དང་བོད་ནང་གི་གནས་སྟངས་ཐད་གསུང་བཤད་གནང་འདུག

Read more

དཔའ་བོ་དཔའ་མོར་རྗེས་དྲན་ལག་སྤོལ་རྩེད་འགྲན་གྱི་མཐའ་མའི་རྒྱལ་ཁ།

ཟླ་འདིའི་ཚེས་༧ ཉིན་དྷ་ས་ས་གནས་བོད་ཀྱི་གཞོན་ནུ་ལྷན་ཚོགས་ཀྱི་གོ་སྒྲིག་བྱས་པའི་དཔའ་བོ་དཔའ་མོའི་རྗེས་དྲན་གྱི་ལག་རྩེད་སྤོ་ལོའི་རྩེད་འགྲན་མཐའ་མ་དེ་བྱས་ཏེ། བུ་རྩེད་འགྲན་པ་གྷུ་རུ་ཊ་རུ་ཁག་དང་། བུད་མེད་རྩེད་འགྲན་པ་མུན་སེར་རུ་ཁག་གཉིས་ལ་མཐའ་མའི་རྒྱལ་ཁའི་གཟེངས་རྟགས་ཐོབ་ཡོད་པ་རེད།

Read more

མི་མང་ལྷག་དཀར་དབུ་བཙུགས་ནས་ལོ་ལྔ་འཁོར་བའི་དུས་དྲན།

ཟླ་འདིའི་ཚེས་༥ ཉིན་ནིའུ་ཡོག་དང་ནིའུ་འཇར་སིའི་མི་མང་ལྷག་དཀར་དབུ་བཙུགས་ནས་ལོ་ངོ་ཧྲིལ་པོ་ལྔ་འཁོར་བའི་དུས་དྲན་མཛད་སྒོ་ནིའུ་ཡོག་ཏུ་འཚོགས་པ་སྟབས་བསྟུན། དཔལ་འབྱོར་འདུ་འགོད་ཀྱི་ལས་འགུལ་ཞིག་སྤེལ་ཡོད་པ་རེད།

Read more

༸གོང་ས་མཆོག་གིས་དབུ་མ་འཇུག་པའི་བཀའ་ཆོས་གནང་བ།

ཟླ་འདིའི་ཚེས་༣ ནས་ཉིན་བཞི་རིང་༸གོང་ས་མཆོག་གིས་དྷ་ས་ཐེག་ཆེན་ཆོས་གླིང་གཙུག་ལག་ཁང་དུ། ཐེ་ཝན་གཙོ་བོར་གྱུར་པའི་ཕྱི་ནང་དད་ལྡན་མང་ཚོགས་རྣམས་ལ་སློབ་དཔོན་ཟླ་བ་གྲགས་པས་མཛད་པའི་དབུ་མ་འཇུག་པའི་བཀའ་ཆོས་གནང་གི་ཡོད་པ་རེད།

Read more

སྲིད་སྤྱིའི་འོས་བསྡུར་སྔོན་འགྲོ་དང་དངོས་གཞི་གཉིས་རང་སོར་བཞག་པ་དེ་རྒྱལ་ཁ་རེད།

བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གི་འགན་འཛིན་ཚེ་རིང་མཚོ་མོས། སྲིད་སྤྱི་གཉིས་ཀྱི་འོས་བསྡུ་ལ་སྔོན་འགྲོ་དང་དངོས་གཞི་གཉིས་ཀ་རང་འཇགས་དགོས་པའི་ཐད་ལ་སྤྱི་འཐུས་གྲོས་ཚོགས་ནང་མང་མོས་རྒྱབ་སྐྱོར་ཐོབ་པ་དེ་ནི་རྒྱ་ཆེའི་མི་མང་གི་མངོན་འདོད་ལ་རྒྱལ་ཁ་ཆེན་པོ་ཐོབ་པ་ཞིག་ཡིན་པར་ངོས་འཛིན་བྱེད་ཀྱི་ཡོད་སྐོར་གསུངས་སོང་།

Read more

མ་ལེ་ཤི་ཡ་རུ་ཡུལ་སྐོར་སྤྲོ་འཆམ་པའི་མཛངས་པ་དང་མཛངས་མའི་འགྲན་སྡུར།

ཟླ་འདིའི་ཚེས་༡ ནས་༢༠༡༨ ལོའི་ཡུལ་སྐོར་སྤྲོ་འཆམ་པའི་འཇིག་རྟེན་མཛངས་པ་དང་མཛངས་མའི་སྐུ་ཚབ་ཀྱི་འགྲན་སྡུར་དེ་མ་ལེ་ཤི་ཡའི་ཀོ་ཏ་ཀེ་ནཱ་བྷ་ལུ་(Kota Kinabalu) གྲོང་འཁྱེར་དུ་འཚོག་བཞིན་ཡོད་པ་དང་། དེའི་ནང་བོད་ཀྱི་བུད་མེད་མེ་ཏོག་ལྷ་མཛེས་མཉམ་ཞུགས་བྱས་ཡོད་པ་རེད།

Read more

༧རྒྱལ་དབང་ཀརྨ་པ་མཆོག་གིས་ཌོ་མི་ནི་ཁའི་ཕྱི་བསྐྱོད་ལག་ཁྱེར་བཞེས་ཡོད་འདུག

ཟླ་༡༠ པའི་ཚེས་༣ ཉིན་རྒྱ་གར་གྱི་གསར་ཁང་ཧིན་རྡུའི་དྲ་ཐོག་ཏུ་གནས་ཚུལ་སྤེལ་བར་གཞིགས་ན།  རྒྱ་གར་དབུས་གཞུང་གི་མཐོ་རིམ་དཔོན་རིགས་ཤིག་གིས་གསར་ཁང་དེར། ༧རྒྱལ་དབང་ཀརྨ་པ་ཨོ་རྒྱན་འཕྲིན་ལས་རྡོ་རྗེ་མཆོག་གིས་ཕྱིའི་རྒྱལ་ཁབ་ཁག་ཏུ་ཆིབས་བསྒྱུར་བསྐྱང་རྒྱུ་སྟབས་བདེ་པོ་ཡོང་ཆེད། ཌོ་མི་ནི་ཁ་(Dominica)ཡི་ཕྱི་བསྐྱོད་ལག་ཁྱེར་བཞེས་ཡོད་སྐོར་བརྗོད་འདུག རྒྱ་གར་དབུས་གཞུང་ལ་བོད་དོན་ཐད་སློབ་སྟོན་པ་ཟུར་པ་ཨཱ་མི་ཏ་མཱ་ཐུར་གྱིས།  ཕྱིའི་རྒྱལ་ཁབ་གཅིག་གི་ཕྱི་བསྐྱོད་ལག་ཁྱེར་བཞེས་པ་དེ་གལ་ཆེན་གནད་དོན་ཞིག་མིན་པ་དང་། དེ་ནི་ཆིབས་བསྒྱུར་སྟབས་བདེ་ཡོང་ཆེད་ཡིན་པས། ༧རྒྱལ་དབང་མཆོག་གི་ཆེ་མཐོང་དང་ཁོང་གི་བོད་མིའི་ངོ་བོ་མེད་པ་ཆགས་ཀྱི་མེད་སྐོར་བརྗོད་འདུག རྒྱ་གར་གྱི་བརྒྱུད་ལམ་གཞན་ཁག་ཅིག་ཏུ། ༧རྒྱལ་དབང་མཆོག་གིས་ཌོ་མི་ནི་ཁན་སྤྱི་མཐུན་རྒྱལ་ཁབ་(Dominican Republic)ཀྱི་ཕྱི་བསྐྱོད་ལག་ཁྱེར་བཞེས་ཡོད་སྐོར་བྲིས་པ་ཡང་འདུག ། གསར་འགོད་པ་སྐལ་བཟང་དོན་གྲུབ།

Read more

སྲིད་སྐྱོང་གིས་བཙན་བྱོལ་བོད་མིའི་ནང་“ཆབ་སྲིད་ཚོགས་པ་ཁྲིམས་འགལ་རེད་”ཅེས་གསུངས་སོང་།

ཟླ་འདིའི་ཚེས་༣ ཉིན། འདི་ལོའི་ཕྱི་ཟླ་༩ ནང་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཐོག་འོས་བསྡུའི་སྒྲིག་གཞི་བསྐྱར་བཅོས་ཀྱི་ཁྲིམས་འཆར་གཏན་འབེབས་ལ་སྲིད་སྐྱོང་གིས་མཚན་རྟགས་བརྒྱབ་ཏེ། ཁྲིམས་ཡིག་ཏུ་གཏན་འབེབས་བྱས་ཡོད་པ་རེད།

Read more

༧གོང་ས་མཆོག་ནས་དབུ་མ་འཇུག་པའི་གསུང་ཆོས་འཕྲོ་སྐྱོང་དབུ་འཛུགས་གནང་སོང་།

ཐལ་འགྱུར་བའི་རིག་པའི་ཐོག་ནས་ཀླུ་སྒྲུབ་ཡབ་སྲས་ཀྱི་དགོངས་པ་ཐུན་མོང་མ་ཡིན་པ་དེ་དག་མར་བཤད་ཡོང་དུས་དངོས་གནས་དྲང་གནས་ཚན་རིག་པ་དང་མཐུན་བསྡད་པ་ཞིག་འདུག་ཅེས་༧གོང་ས་མཆོག་གིས་དབུ་མ་འཇུག་པའི་གསུང་ཆོས་གནང་སྐབས་གསུངས་སོང་།

Read more

བོད་མི་གཞོན་སྐྱེས་ཞིག་ཡོད་པའི་རོལ་དབྱངས་ཚན་སྡེབ་ལ་ཨང་གཉིས་པའི་བྱ་དགའ་ཐོབ།

བོད་མི་གཞོན་སྐྱེས་བསྟན་འཛིན་དོན་ཡོད་དང་ཁོང་གི་རོལ་དབྱངས་ཚན་སྡེབ་རི་བོའི་རྣམ་ཤེས་དང་གྷུར་རྡེབ་ལ། རྒྱ་གར་གྱི་གླུ་གཞས་འགྲན་བསྡུར་ཆེ་གྲས་ཤིག་ནང་། ཨང་རིམ་གཉིས་པ་སོན་ཡོད་པ་དང་། མི་མང་ནང་ཚན་སྡེབ་དེར་དགའ་མོས་ཆེན་པོ་བྱེད་བཞིན་འདུག ཟླ་༩ པའི་ཚེས་༣༠ ཉིན་རྒྱ་གར་གྱི་གླུ་གཞས་འགྲན་བསྡུར་( Dil Hai Hindustan)སྐབས་༢ པའི། མཐའ་མའི་འགྲན་བསྡུར་དེ་བྱས་ཡོད་པ་དང་། སྐབས་དེར་རྒྱ་གར་བྱང་ཕྱོགས་ཀ་སྦུག་ནས་འཚར་ལོངས་བྱུང་བའི་བོད་མི་གཞོན་སྐྱེས་བསྟན་འཛིན་དོན་ཡོད་དང་ཁོང་གི་རོལ་དབྱངས་ཚན་སྡེབ་རི་བོའི་རྣམ་ཤེས་(Mountain souls ft. gaurdeep)ཞེས་པ་དེར། མི་མང་གི་འོས་འཕངས་པའི་གྲུབ་དོན་དུ་ཨང་རིམ་གཉིས་པ་སོན་ནས་ཧིན་སྒོར་འབུམ་ལྔ་ཡི་བྱ་དགའ་ཐོབ་འདུག གླུ་གཞས་འགྲན་བསྡུར་དེ་རྒྱ་གར་གྱི་གྲོང་ཁྱེར་མུམ་བྷེ་ལ་ཟླ་བ་གསུམ་ཙམ་རིང་འཚོགས་ཡོད་པ་དང་། དུས་རིམ་དེའི་ནང་རེས་གཟའ་སྤེན་པ་དང་ཉི་མ་འཆར་ཅན་ལ། རྒྱ་གར་རྒྱལ་ཡོངས་སུ་བརྙན་འཕྲིན་ནང་བསྟན་ཡོད་པ་རེད།

Read more
Page 3 of 39112345...Last »