བཙན་བྱོལ།

བཀའ་ཁྲི་མཆོག་གི་གསར་འགོད་གསལ་བསྒྲགས།

ཟླ་འདིའི་ཚེས་༡༡ ཉིན་ཐེག་ཆེན་ཆོས་གླིང་གཙུག་ལག་ཁང་དུས་འཁོར་ལྷ་ཁང་དུ། བཀའ་ཁྲི་ཟམ་གདོང་རིན་པོ་ཆེས་རྒྱལ་ཁབ་ཕྱི་ནང་གི་གསར་འགོད་པ་གང་མང་འདུས་པའི་དབུས་སུ་གསར་འགོད་པ་ཚོའི་དྲི་བར་ལན་འདེབས་གནང་བའི་གསར་འགོད་གསལ་བསྒྲགས་ཤིག་གནང་ཡོད་པ་རེད། བཀའ་ཁྲི་མཆོག་གི་གསུང་དོན། དེ་རིང་དམིགས་བསལ་གང་ཡང་མེད། ཁ་སང་ཞུས་ཟིན་པའི་གསུམ་བཅུའི་དུས་དྲན་གྱི་བཀའ་ཤག་གི་གསུང་བཤད་དང་གཅིག་པ་ཡིན། གཙོ་བོ་གསར་འགོད་པ་རྣམས་ཀྱི་དྲི་བར་ལན་འདེབས་བྱེད་རྒྱུ་ཡིན་ཞེས་གསུངས་སོང༌། དེའི་སྐབས་ཕྱི་རྒྱལ་གསར་འགོད་པ་ཞིག་གིས་བལ་ཡུལ་དུ་ཡོད་པའི་བོད་པ་ཚོར་ད་ལྟའི་གནས་སྐབས་སུ་དཀའ་ངལ་འཕྲད་ཀྱི་ཡོད་པ་དེ་

Bangchen admin· · 0 མཆན་འགྲེལ། ·

3.10 དུས་དྲན་ཐོག་སྤྱི་འཐུས་ཀྱི་གསུང་བཤད།

འདས་པའི་ལོ་༥༠ ནང་རང་ཡུལ་རང་དབང་གི་དོན་དུ་རང་གི་རྩ་ཆེའི་ལུས་སྲོག་ལོངས་སྤྱོད་དང་བཅས་པ་བློས་བཏང་གནང་མཁན་རྒྱལ་གཅེས་ལྷག་བསམ་སྙིང་སྟོབས་ཅན་གྱི་དཔའ་བོ་དཔའ་མོ་རྣམས་དང༌། ད་ལྟའང་ཉེས་མིང་སྣ་ཚོགས་ཁག་འདོགས་ཀྱིས་དོ་དམ་བཙོན་བཅུག་འོག་ཉིན་མཚན་མ་འཁྱོལ་བའི་མནར་གཅོད་མྱངས་དང་མྱོང་བཞིན་པ་རྣམས་ཀྱི་དཔའ་མཛངས་མཛད་རྗེས་ལ་གུས་འདུད་དང་གདུང་སེམས་མཉམ་སྐྱེད་ཀྱི་ལེགས་སོའི་བསྔགས་བརྗོད་ཞུ་བ་དང་འབྲེལ་འདས་པོ་རྣམས་འཕགས་མཆོག་འཇིག་རྟེན་མགོན་པོས་ཚེ་རབས་ཀུན་ཏུ་མཉེས་ཤིང་རྗེས་སུ་འཛིན་པའི་སྨོན་འདུན་ཤུགས་དྲག་ཞུ་རྒྱུ་ཡིན།

Bangchen admin· · 0 མཆན་འགྲེལ། ·

དྷ་སར་མར་མེའི་ཁྲོམ་སྐོར།

གསུམ་བཅུའི་དུས་དྲན་གྱི་དགོང་མོར་བོད་མི་མང་སྤྱི་འཐུས་ཚོགས་གཙོ་སྤེན་པ་ཚེ་རིང་མཆོག་གིས་དབུས་སྤྱི་འཐུས་རྣམ་པས། དྷ་ས་མེག་གྷན་ནས་གཙུག་ལག་ཁང་གི་མདུན་ཐང་བར་མར་མེའི་ཁྲོམ་སྐོར་བྱས་ཡོད་པ་དང༌། སྐབས་དེར་དྷ་སའི་མི་མང་དང༌། ཨི་ཊ་ལའི་ནས་ཕེབས་པའི་བོད་དོན་རྒྱབ་སྐྱོར་བ་རྣམས་མཉམ་ཞུགས་གནང་ཡོད་པ་རེད། གཙུག་ལག་ཁང་གི་མདུན་ཐང་དུ་སྤྱི་འཐུས་ཚོགས་གཙོ་དང་ཚོགས་གཞོན། ཨི་ཊ་ལའི་རྒྱབ་སྐྱོར་ཚོགས་པའི་འཐུས་མི། རྒྱ་རིགས་མང་གཙོ་དོན་གཉེར་བའི་འཐུས་མི་སོགས་ཀྱིས་བོད་དོན་སྐོར་གཏམ་བཤད་སྤེལ་ཡོད་པ་རེད།།

Bangchen admin· · 0 མཆན་འགྲེལ། ·

བུད་མེད་ཀྱི་ནུས་ཤུགས་སྤེལ་ཐབས་སུ་ཟབ་སྦྱོང༌།

ཟླ་འདིའི་ཚེས་༢ ནས་ཚེས་༧ བར་བོད་གཞུང་དཔལ་འབྱོར་ལས་ཁུངས་སྤྱི་ཚོགས་ཡར་རྒྱས་ལྟེ་གནས་ཁང་གི་གོ་སྒྲིག་འོག བྷེལ་ཀོབ་ས་གནས་བོད་ཀྱི་བུད་མེད་ཁྲོད་དུ་བུད་མེད་ཀྱི་ནུས་ཤུགས་སྤེལ་བའི་སྲིད་བྱུས་ལྟར་ས་གནས་འཛིན་སྐྱོང་ཁག་གི་ནང་བུད་མེད་ཀྱི་ལས་ཞུགས་ཡར་རྒྱས་འགྲོ་བར་ཟབ་སྦྱོང་ཞིག་སྤེལ་ཡོད་པ་རེད།
     ཟབ་སྦྱོང་སྣེ་ཁྲིད་པ་བསྟན་འཛིན་ཚེ་དབྱངས་ལགས་ཀྱིས་ང་ཚོས་ཟབ་སྦྱོང་འདི་གཙོ་བོ་བུད་མེད་ཀྱི་བསམ་བློའི་ནུས་ཤུགས་སྤེལ་བ་དང༌། གོ་རྟོགས་སྤེལ་བ། ས་གནས་འཛིན་སྐྱོང་ནང་བུད་མེད་སླེབས་ཐུབ་ཐབས་ལ་དམིགས་ཡོད། སྐྱེས་པ་དང་བུད་མེད་མཉམ་འབྲེལ་ཐོག་འཛིན་སྐྱོང་གང་ལ་ཡང་ལས་ཀ་བྱེད་ཐུབ་པ་ཟབ་སྦྱོང་གི་དམིགས་ཡུལ་རེད་ཅེས་དང༌། དེ་སྔོན་ས་གནས་འགོ་འཛིན་སོགས་ཀྱི་འཛིན་སྐྱོང་ནང་བུད་མེད་སླེབས་མ་ཐུབ་པ་ནི། གཅིག་ཆུང་དུས་འཚར་ལོངས་བྱུང་སྟངས་ཀྱི་ཁྱད་པར། གཉིས་སྤྱི་ཚོགས་དང་ཡུལ་སྲོལ་གོམས་གཤིས་ནང་བུད་མེད་ཚོ་གཉོམ་ཆུང་དགོས་པའི་ལྟ་སྟངས་ཤིག་ཡོད་པ། གསུམ་སློབ་གྲྭ་ལ་སོང་ཡང་བུ་མོ་ཚོ་འཛིན་གྲ་༡༡ དང་༡༢ བར་ཡོང་ཐུབ་ཀྱི་ཡོད་ཀྱང་དེ་ནས་ཉུང་དུ་འགྲོ་ཡི་ཡོད་པ། དེ་འདྲ་ལ་བརྟེན་ནས་རེད་བསམ་པ་འདུག

Bangchen admin· · 0 མཆན་འགྲེལ། ·

3.10 དུས་དྲན་ཐེངས་༥༠ པའི་དུས་དྲན་སྲུང་བརྩི།

དེ་རིང་གསུམ་བཅུའི་དུས་དྲན་ཐེངས་༥༠ པའི་དུས་དྲན་སྲུང་བརྩིའི་ཐོག་ྋགོང་ས་མཆོག་གིས་ཁོང་གི་ཡོངས་ཁྱབ་གསུང་འཕྲིན་སྒྲོགས་སྦྱང་མ་གནང་བའི་སྔོན་དུ་བཀའ་སློབ་གནང་དོན། དེ་རིང་འདིར་གསར་འགོད་བརྒྱུད་ལམ་ཁག་ནས་གསར་འགོད་པ་མང་པོ་ཞིག་སླེབས་འདུག དེས་ག་རེ་རྟགས་སྟོན་གྱི་ཡོད་པ་རེད་ཟེར་ན། བོད་པའི་དཀའ་རྙོག་དེ་བདེན་པའི་གནས་ཚུལ་ཞིག་ཡིན་པས། མིའི་གཤིས་ཀ་བདེན་པ་ལ་དགའ་བོ་བྱེད་པ་དང༌། སྟོབས་ཤུགས་ཆེ་བ་ཡིས་སྟོབས་ཤུགས་ཆུང་བ་ལ་དབང་ཡོད་བཤད་པ་དེ་མ་དྲང་པ་ལ་ལྟ་སྡོད་པ་དེ་རང་བཞིན་གྱིས་མིའི་ལྷན་སྐྱེས་རེད་འདུགདེ་འདྲ་ཡིན་པས་འཛམ་གླིང་ཐོག་བོད་པའི་གནས་ཚུལ་ལ་དོ་སྣང་ཤུགས་ཆེ་རུ་འགྲོ་ཡི་ཡོད་པའི་རྟགས་གསལ་བོ་རེད་འདུག་ཅེས་སོགས་བོད་དོན་རྒྱབ་སྐྱོར་བ་རྣམས་ལ་བསྔགས་བརྗོད་གནང་བ་དང༌།

Bangchen admin· · 0 མཆན་འགྲེལ། ·

3.10 དུས་དྲན་ཐེངས་༥༠ པའི་ཐོག་ྋགོང་ས་མཆོག་གི་གསུང་འཕྲིན།

༄༅། །དེ་རིང་གི་ཉིན་མོ་འདི་ནི་ཕྱི་ལོ་༡༩༥༩ ལོར་བོད་ཀྱི་རྒྱལ་ས་ལྷ་སར་རྒྱ་དམར་གྱི་བཙན་གནོན་ལ་མ་བཟོད་པར་བོད་མིས་ཞི་བའི་ངོ་རྒོལ་བྱས་ནས་ལོ་ལྔ་བཅུ་ཧྲིལ་པོ་འཁོར་བའི་དུས་ཚིགས་ཡིན་པ་དང༌། སྔ་ལོའི་གསུམ་བཅུའི་རྗེས་ཆོལ་གསུམ་བོད་ཀྱི་ས་ཁུལ་ཡོངས་ཁྱབ་ཏུ་བྱུང་བའི་ཞི་རྒོལ་བྱེད་མཁན་ཕལ་མོ་ཆེ་ཕྱི་ལོ་ ༡༩༥༩ རྗེས་སུ་སྐྱེས་འཚར་བྱུང་བའི་ན་གཞོན། རང་དབང་བོད་ཀྱི་གནས་བབ་མྱོང་ཚོར་མེད་མཁན་ཡིན་ནའང༌། བོད་ཀྱི་རྩ་དོན་ཐོག་ལྷག་བསམ་འགྱུར་མེད་མི་རབས་ནས་མི་རབས་རྒྱུན་གནས་ཡོད་པ་ནི་སྤོབས་པ་སྐྱེ་གཞི་དང༌། རྒྱལ་སྤྱིའི་ནང་བོད་དོན་ལ་དོ་སྣང་ཡོད་མཁན་ཚོར་སྙིང་སྟོབས་འཕེལ་རྐྱེན་ཞིག་ཏུ་གྱུར་ཡོད། སྐབས་དེར་རྐྱེན་ལམ་དུ་སོང་བ་དང༌། སྡུག་སྦྱོང་མནར་གཅོད་མྱོང་མཁན་རྣམས་ཀྱིས་མཚོན་ད་བར་བསྟན་སྲིད་ཀྱི་དོན་དུ་ལུས་སྲོག་ཤོར་མཁན་དང༌། སྡུག་སྦྱོང་མྱོང་མཁན་ཚང་མར་རྗེས་དྲན་དང་མཆོག་གསུམ་གསོལ་འདེབས་བྱེད་དགོས།

Bangchen admin· · 0 མཆན་འགྲེལ། ·

གསུམ་བཅུའི་དུས་དྲན་ཐེངས་༥༠ པའི་ཐོག་བཀའ་ཤག་གི་གསུང་བཤད།

༄༅།  །དེ་རིང་  ༢༠༠༩  ཕྱི་ཟླ་  ༣  ཚེས་  ༡༠  བོད་མི་རྣམས་ཀྱིས་འཚེ་མེད་ཞི་བའི་ལམ་ནས་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་བཙན་གནོན་དབང་བསྒྱུར་ལ་ངོ་རྒོལ་བྱས་ཏེ་ལོ་ལྔ་བཅུ་ཧྲིལ་པོ་འཁོར་བའི་གལ་ཆེའི་དུས་ཚིགས་འདིའི་ཐོག  བཙན་བྱོལ་བོད་གཞུང་བཀའ་ཤག་གིས་བོད་མི་རིགས་དང་བསྟན་སྲིད་ཀྱི་དོན་དུ་ལུས་སྲོག་དོར་བའི་དཔའ་བོ་དཔའ་མོ་སྤྱི་དང༌།  ཁྱད་པར་སྔ་ལོ་གསུམ་དུས་ནས་བཟུང་ད་བར་ཆོལ་གསུམ་ཡོངས་སུ་ཞི་རྒོལ་གྱི་ནང་ལུས་སྲོག་ཤོར་བ་རྣམས་ལ་རྗེས་དྲན་དང༌།  ད་ལྟ་བཙན་འོག་ཏུ་མནར་གཅོད་མྱོང་བཞིན་པ་རྣམས་ལ་གདུང་སེམས་མཉམ་སྐྱེད།  གཞིས་བྱེས་བོད་མི་ཡོངས་ལ་སེམས་ཚོར་དྲག་པོས་འཚམས་འདྲི་བཅས་ཞུ་རྒྱུ་ཡིན།

Bangchen admin· · 0 མཆན་འགྲེལ། ·
ྋགོང་ས་མཆོག་ལ་བོད་གཞུང་མང་གཉིས་ཀྱི་བརྟན་བཞུགས།

ྋགོང་ས་མཆོག་ལ་བོད་གཞུང་མང་གཉིས་ཀྱི་བརྟན་བཞུགས།

བོད་ཀྱི་ཆོས་སྲིད་གཉིས་ཀྱི་དབུ་ཁྲིད་ྋགོང་ས་མཆོག་ལ་བོད་ལྗོངས་ལྷ་མི་ཡོངས་ཀྱིས་བརྟན་བཞུགས་ཕུལ་ཡོད་པ་དང༌། ྋགོང་ས་མཆོག་གིས་སྐབས་དེར་སེར་སྐྱ་ལྷ་མི་ཚང་མས་དད་པ་དང་འདུན་པ། དམ་ཚིག་ལྷག་བསམ་གཅིག་ཏུ་བསྒྲིལ་ནས་ཡོང་གི་ཡོད་པས། ངའི་ངོས་ནས་ཀྱང་དེ་བཞིན་ལྷག་བསམ་བསྐྱེད་ནས་འདུན་པ་རིང་པོ་ད་དུང་ཡིན་ནའང་སྨོན་ལམ་རྒྱག་གི་ཡིན། ཁྱེད་རང་ཚོ་ཐུགས་བདེ་བོ་བྱས་ནས་བཞུགས་རོགས་ཞེས་བཀའ་གནང་ཡོད་པ་རེད། དེ་ནི་བོད་མི་བཙན་བྱོལ་དུ་འབྱོར་ནས་ལོ་ལྔ་བཅུ་འཁོར་བའི་དུས་དྲན་གྱི་སྲུང་བརྩི་ཞུ་རྒྱུའི་ལས་རིམ་ཐོག་མ་དེ་ཡིན་པ་རེད།

Bangchen admin· · Comments are Disabled ·
ཆོས་ཚོགས་ཐོག་ྋགོང་ས་མཆོག་ཆིབས་བསྒྱུར།

ཆོས་ཚོགས་ཐོག་ྋགོང་ས་མཆོག་ཆིབས་བསྒྱུར།

ཟླ་འདིའི་ཚེས་༦ ནས་༨ དྷ་ས་ཐེག་ཆེན་ཆོས་གླིང་གཙུག་ལག་ཁང་དུ་འཚོགས་པའི་བཙན་བྱོལ་བོད་གཞུང་གི་ཆོས་ཚོགས་ཐེངས་བཅུའི་ཐོག་ཚེས་༨ སྔ་དྲོ་ྋགོང་ས་མཆོག་ཚོགས་མགོན་དུ་ཆིབས་བསྒྱུར་གནང་བ་དང༌། ྋམགོན་པོ་གང་ཉིད་ཀྱིས་ད་ལྟ་ཆོས་བརྒྱུད་ཁག་སྔར་དང་མི་འདྲ་བའི་དམ་ཚིག་འོ་ཆུ་གཅིག་འདྲེས་ཡོད་པས། དེ་ལ་རྗེས་སུ་ཡི་རངས་ཡོད་པའི་སྐོར་དང༌། གོང་བུ་གཅིག་གྱུར་དེ་གལ་ཆེན་པོ་ཡིན་པ། དེང་སྐབས་ས་ཆ་གང་སར་བོད་པའི་བླ་མས་ཞབས་འདྲེན་བྱེད་ཀྱི་འདུག་ཟེར་མཁན་ཡོད་པས། མང་ཚོགས་ནང་ཆོས་ཀྱི་གོ་རྟོགས་གོང་མཐོར་གཏོང་དགོས་ཀྱི་འདུག མང་ཚོགས་ཀྱིས་བརྟག་དཔྱད་བྱེད་རྒྱུ་གལ་ཆེན་པོ་ཡིན་པ་དང༌། ཞབས་འདྲེན་ཞུ་མཁན་ཐེར་འདོན་བྱེད་རྒྱུ་གལ་ཆེན་པོ་རེད། ཚང་མས་འགན་ཁུར་དགོས་སྐོར་གྱི་བླང་དོར་བཀའ་སློབ་ཟབ་རྒྱས་གནང་ཡོད་པ་རེད།

Bangchen admin· · 0 མཆན་འགྲེལ། ·
ལྔ་བཅུའི་དུས་དྲན་སྐབས་ཀྱི་སྨོན་ལམ་མཆོད་འབུལ།

ལྔ་བཅུའི་དུས་དྲན་སྐབས་ཀྱི་སྨོན་ལམ་མཆོད་འབུལ།

བཙན་བྱོལ་བོད་གཞུང་རྒྱ་གར་དུ་བཙུགས་ནས་ལོ་ལྔ་བཅུ་འཁོར་བའི་དུས་དྲན་དང་སྟབས་བསྟུན། ཟླ་འདིའི་ཚེས་༨ ཉིན་གྱི་སྔ་དྲོ་དྷ་ས་ཐེག་ཆེན་ཆོས་གླིང་གཙུག་ལག་ཁང་དུ། ྋགོང་ས་མཆོག་དབུ་བཞུགས་ཐོག་བོད་ཀྱི་ཆོས་བརྒྱུད་ཁག་གི་དབུ་ཁྲིད་རྣམས་ཀྱིས་དབུས་སེར་སྐྱ་མི་མང་འདུ་འཛོམས་ཀྱིས་བོད་དོན་བདེན་མཐའ་མྱུར་ཏུ་གསལ་བ་དང༌། པཎ་ཆེན་ཆུང་སྲིད་རིན་པོ་ཆེས་དབུས་ཆབ་སྲིད་བཙོན་པ་རྣམས་མྱུར་དང་གློད་གྲོལ་ཡོང་ཐབས། རྒྱལ་གཅེས་དཔའ་བོ་རང་སྲོག་ཤོར་བ་རྣམས་ཀྱི་བཀའ་དྲིན་རྗེས་དྲན་སོགས་ཀྱི་ཆེད་སྨོན་ལམ་འཚོགས་ཡོད་པ་རེད།

Bangchen admin· · Comments are Disabled ·