བཙན་བྱོལ།

བོད་གཞུང་མང་ཛ་དྲག་ཚོགས་ཆུང་སྒོ་བརྒྱབ་པ།

    བོད་གཞུང་མང་ཛ་དྲག་ལས་འགུལ་ཚོགས་ཆུང་གི་འགན་ཁུར་མུ་མཐུད་སྤྱི་འཐུས་རྒྱུན་ལས་ཆབ་སྲིད་སྡེ་ཚན་ནས་བཞེས་བཞིན་ཡོད་ནའང༌། ཉེ་བའི་ཆར་བཀའ་ཤག་གིས་ཕྱི་རྒྱལ་དོན་གཅོད་ཁག་དང་ས་གནས་འགོ་འཛིན་ཁག་ལ་ཚོགས་ཆུང་ནས་ཕྱིར་འཐེན་དགོས་པའི་བཀའ་རྒྱ་བཏང་བར་བརྟེན་སྤྱི་འཐུས་རྒྱུན་ལས་ནས་ཕྱི་རྒྱལ་དོན་གཅོད་ཁག་དང་ས་གནས་འགོ་འཛིན་བཅས་ནས་མཉམ་རུབ་མེད་ཚེ་ནུས་པ་དང་ལྡན་པའི་ལས་འགུལ་གང་ཡང་སྤེལ་ཐབས་མེད་པ་དངོས་འབྲེལ་ལ་སོང༌། དབུས་ས་གཉིས་ཀྱི་བོད་གཞུང་མང་ཛ་དྲག་ལས་འགུལ་ཚོགས་ཆུང་རྣམས་རེ་ཞིག་མཚམས་འཇོག་མི་བྱ་ཐུ་མེད་དུ་གྱུར་སོང་ཞེས་གསལ་བསྒྲགས་ཤིག་སྤེལ་ཡོད་པ་རེད།

Bangchen admin· · 0 མཆན་འགྲེལ། ·
བོད་མིའི་ཚོང་ལས་ཡར་རྒྱས་གཏོང་ཐབས།

བོད་མིའི་ཚོང་ལས་ཡར་རྒྱས་གཏོང་ཐབས།

བོད་པའི་སྤྱི་ཚོགས་ནང་དུ་དཔལ་འབྱོར་ཡར་རྒྱས་ཡོང་ཐབས་ལ་ཕན་ཚུན་འབྲེལ་བ་ཡར་རྒྱས་གཏོང་རྒྱུ་དང༌། ཚོང་ལས་གཉེར་མཁན་མཉམ་རུབ་ཀྱིས་དཔལ་འབྱོར་གྱི་ཤེས་བྱ་གོ་རྟོགས་སྤེལ་ཐབས། ཕན་ཚུན་ཚོང་རྫས་བརྗེ་ལེན་ག་འདྲ་བྱེད་དགོས་མིན་སྐོར་ལ་ནུས་ཤུགས་འདོན་གྱི་ཡོད་ཅེས་བོད་མིའི་ཚོང་པའི་ལྷན་ཚོགས་ཀྱི་དྲུང་ཆེ་ཟླ་བ་རིན་ཆེན་ལགས་ཀྱིས་འགྲེལ་བརྗོད་གནང་སོང༌།    ཟླ་འདིའི་ཚེས་༢༢ ཉིན་བོད་གཞུང་ཕྱི་དྲིལ་ལྷག་པ་ཚེ་རིང་ཚོགས་ཁང་དུ་བོད་མིའི་ཚོང་པའི་ལྷན་ཚོགས་ཀྱི་རྒྱུན་ལས་གསར་པ་རྣམས་ཀྱིས་གསར་འགོད་གསལ་བསྒྲགས་ཤིག་གནང་ཡོད་པ་དང༌། དེར་ཚོགས་གཙོ་བསོད་ནམས་སྟོབས་རྒྱལ་ལགས་དང༌། དྲུང་ཆེ་ཟླ་བ་རིན་ཆེན་ལགས་གཉིས་ཕེབས་ཡོད་པ་རེད། རྒྱུན་ལས་གསར་པའི་ངོས་ནས་བོད་གཞུང་དང་གཞུང་འབྲེལ་མ་ཡིན་པའི་ཚོགས་པ་ཁག དེ་བཞིན་བོད་མི་ཚོང་ལས་གཉེར་མཁན་ཚོར་འབྲེལ་བ་བྱས་ཏེ། ཚོང་ལས་ཡར་རྒྱས་གཏོང་ཕྱོགས་དང༌། ཁྲིམས་མཐུན་གྱི་ཚོང་ལས་ཡོང་ཐབས། ཚོགས་མི་མང་དུ་གཏོང་ཐབས་སོགས་ཀྱི་ཆེད་འབད་བརྩོན་བྱེད་ཀྱི་ཡོད། རྒྱལ་ཁབ་གཞན་ལ་ཚོང་འབྲེལ་བྱེད་ཕྱོགས་སྐོར་ལ་ཡང་བསམ་བློ་གཏོང་གི་ཡོད། ཉེ་ཆར་ཁལ་མིག་གི་སྲིད་བློན་མཆོག་འདིར་ཕེབས་སྐབས། ཁོང་ལ་བཅར་ནས་བོད་མིའི་ཚོང་ལས་སྡེ་ཚན་སྐོར་ཞུ་རྒྱུ་བྱུང་སོང༌། ཁོང་དཔལ་འབྱོར་རིག་པའི་ཐོག་སློབ་གཉེར་གནང་མཁན་ཞིག་ཡིན་པས། ཕན་ཚུན་གོ་བསྡུར་ཡག་པོ་བྱུང་སོང༌། བོད་མིའི་ཚོང་ལས་སྡེ་ཚན་ནང་དུ་ཞུགས་ནས་ཧོབ་སྟེ་ཁེ་བཟང་ཆེན་པོ་ཞིག་རག་ཐབས་མེད་ནའང༌། མ་འོངས་པར་བོད་མིའི་སྤྱི་ཚོགས་ནང་ཚོང་ལས་སྲ་བརྟན་དུ་གནས་ཐབས་དང༌། ཚོང་འབྲེལ་བྱེད་ཕྱོགས་ལ་ཕན་ཐོགས་ཡོད་སྐོར་འགྲེལ་བརྗོད་གནང་སོང༌།།

Bangchen admin· · 0 མཆན་འགྲེལ། ·

བོད་ལོངས་ཤོག རྒྱ་གར་ལོངས་ཤོག

བོད་དོན་རྒྱབ་སྐྱོར་བ་རྒྱ་གར་མི་རིགས་སྐུ་ཞབས་མཱ་ཧེ་ཤ་ཡ་རྡབ་ལགས་དང་ཁོང་གི་ ཕྱག་རོགས་བོད་དོན་རྒྱབ་སྐྱོར་བ་གཉིས་བཅས་ཀྱིས་རྒྱ་གར་ལོངས་ཤོག བོད་ལོངས་ཤོག་ཅེས་པའི་འབོད་ཚིག་འོག་རྒྱ་གར་གྱི་གྲོང་ཁྱེར་དང་གྲོང་གསེབ་ཆེས་ མང་པོའི་ནང་གོམ་བགྲོད་གནང་བཞིན་ཡོད་པ་དང༌། ལས་འགུལ་དེ་འདི་ལོའི་འགྲོ་བ་མིའི་ཐོབ་ཐང་གི་ཉིན་མོ་ནས་རྒྱ་གར་མངའ་སྡེ་མཱར་ དྷེ་བྷར་དེ་ཤི་ནས་འགོ་འཛུགས་ཀྱིས་རྒྱ་གར་གྱི་བདེ་འཇགས་ཆེད་དང༌། བོད་དོན་བདེན་མཐའ་སེལ་ཐབས་སུ་བཅས་ཀྱི་ཆེད་དུ་ཡིན་པ་རེད།

Bangchen admin· · 0 མཆན་འགྲེལ། ·

གྲོས་ཚོགས་ཚོགས་དུས་བདུན་པ།

སྐབས་བཞི་བཅུ་པའི་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་དུས་བདུན་པ་སྟེ། སྔོན་རྩིས་གྲོས་ཚོགས་དེ་ད་ལོ་དམིགས་བསལ་གྱིས་དུས་ཡུན་རིང་དུ་བཏང་ཡོད་པ་དང༌། དེ་ནི་གཙོ་བོ་དམིགས་བསལ་ཚོགས་ཆེན་སྐབས་ཀྱི་གནད་དོན་ཁག་དང༌། ༢༠༠༨ ལོའི་ཕྱི་ཟླ་༣ པ་ནས་བོད་ནང་དུ་ཞི་རྒོལ་ཤུགས་ཆེན་བྱུང་བར་རྒྱ་ནག་གཞུང་གིས་དྲག་གནོན་ཚད་མེད་ བཏང་བར་བརྟེན།

Bangchen admin· · 0 མཆན་འགྲེལ། ·

ྋགོང་ས་མཆོག་ལ་བརྟན་བཞུགས་འབུལ་འཆར།

བོད་རྒྱ་འོག་ཏུ་ཤོར་བ་དང༌། རྒྱ་གར་དུ་བཙན་བྱོལ་བོད་གཞུང་བཙུགས་ནས་ལོ་ལྔ་བཅུ་འཁོར་བའི་དུས་དྲན་དང་སྟབས་བསྟུན། བོད་གཞུང་མང་གཉིས་ནས་ྋགོང་ས་མཆོག་སྐུ་ཚེ་བརྟན་པ་དང༌། མཛད་པ་འཕྲིན་ལས་རྒྱས་ཆེད་བརྟན་བཞུགས་རིམ་པ་གཉིས་ཕུལ་འཆར་ཡོད་འདུག ལྔ་བཅུའི་དུས་དྲན་དེ་༢༠༠༩ ལོའི་ཕྱི་ཟླ་༣ ཚེས་༩ ཉིན་ལ་དབུ་འཛུགས་གནང་གི་ཡོད་པ་དང༌།

Bangchen admin· · Comments are Disabled ·

དགའ་ལྡན་ལྔ་མཆོད་ཆེན་མོ།

དགའ་ལྡན་ལྔ་མཆོད་ཆེན་མོ་ནི་རྗེ་ཙོང་ཁ་པ་ཆེན་པོ་དགོངས་རྫོགས་ཀྱི་དུས་མཆོད་ཀྱི་ཉིན་མོ་ཡིན་པ་དང༌། དེའང་རབ་བྱུང་བདུན་པའི་ས་ཕག་ཕྱི་ལོ་༡༤༡༩ ལོའི་སྟོན་དུས་ཙོང་ཁ་པ་ཆེན་པོས་སྟོད་ལུང་དང༌། འབྲས་སྤུངས། ལྷ་ས། སེ་ར་སོགས་སུ་ཕེབས་ནས་ཆོས་མང་དུ་གསུངས་ཤིང༌། དེ་རྗེས་དགའ་ལྡན་དུ་ཕྱིར་ཕེབས་ཀྱིས་ཐུབ་དབང་ཚུལ་ཁྲིམས་མའི་སྐུ་མདུན་དུ་མཆོད་འབུལ་དང་བསྔོ་བ་སྨོན་ལམ་རྒྱ་ཆེར་མཛད། སྐུ་བེར་དང་དབུ་ཞྭ་སྲས་ཀྱི་ཐུ་བོ་དར་མ་རིན་ཆེན་ལ་གནང་སྟེ་རྒྱལ་ཚབ་ཏུ་བསྐོ་བཞག་མཛད་ནས་བོད་ཟླ་༡༠ ཚེས་༢༥ ཉིན་གཟིམ་ཁང་འོད་གསལ་སྦུག་ཏུ་སྐུ་གཤེགས་པའི་ཚུལ་བསྟན་པ་ནས། ལོ་ལྟར་དུས་ཆེན་དེ་ཉིད་རྩི་སྲུང་ཞུ་བཞིན་ཡོད་པ་དང༌།

Bangchen admin· · 0 མཆན་འགྲེལ། ·

མྱ་ངན་དྲན་གསོའི་ཆེད་ལོ་གསར་མི་གཏོང་བའི་ལས་འགུལ།

ཟླ་འདིའི་ཚེས་༢༡ བྷེལ་ཀོབ་ས་གནས་གཞོན་ནུ་དང་བུད་མེད། གངས་ལྗོངས་རང་བདེན་རྩོད་ལེན་མཐུན་གྱི་ཚོགས་གཙོ་རྣམ་པ་དང༌། ས་གནས་གཞོན་ནུའི་སློབ་སྟོན་པ་རྒན་བློ་བཟང་རྡོ་རྗེ་སོགས་ས་གནས་གནད་ཡོད་མི་སྣ་ཁག་བཅོ་ལྔ་ཙམ་བོད་ཀྱི་བང་ཆེན་ས་གནས་གསར་འགོད་པའི་སྡོད་གནས་སུ་འདུ་འཛོམས་ཀྱིས་ད་ལོ་བོད་གཞིས་བྱེས་གཉིས་སུ་གྱེས་ནས་ལོ་འཁོར་ལྔ་བཅུ་འཁོར་བ་དང༌། བོད་ནང་ཛ་དྲག་དོན་རྐྱེན་བྱུང་བའི་རྒྱུ་མཚན་གྱིས་ལོ་གསར་དུས་སྟོན་བྱེད་རྒྱུའི་དུས་ཚོད་མིན་པས་མྱ་ངན་དྲན་གསོ་ཞེས་པའི་ལས་འགུལ་ཞིག་སྤེལ་དགོས་པའི་སྐོར་བགྲོ་གླེང་དང་ཐག་ཆོད་བྱས་པ་སོང༌། དེ་ཡང་བྷེལ་ཀོབ་གཅིག་པུ་ཙམ་མིན་པར་འཛམ་གླིང་གང་ས་ན་ཡོད་པའི་བོད་མི་ཡོད་དོ་ཅོག་གིས་དེ་ལ་མཉམ་ཞུགས་དགོས་པའི་འབོད་སྐུལ་ཡང་ཞུ་བཞིན་འདུག ལས་འགུལ་གཙོ་བོ་ནི་ཁང་པར་དཀར་རྩི་མི་གཏོང་བ་དང་མི་མང་མཉམ་འཛོམས་ཀྱིས་གླུ་དང་ཞབས་བྲོ་མི་བྱེད་པ་སོགས་གཙོ་བོ་རེད་འདུག དེ་ཡང་ཁོང་རྣམས་པས་ལས་འགུལ་སྐོར་ཀྱི་གསར་འགོད་གསལ་བསྒྲགས་བྱས་དོན།

Bangchen admin· · 0 མཆན་འགྲེལ། ·
ཁལ་མིག་སྲིད་བློན་སོགས་བཞུགས་སྒར་དུ་ཕེབས་པ།

ཁལ་མིག་སྲིད་བློན་སོགས་བཞུགས་སྒར་དུ་ཕེབས་པ།

ཨུ་རུ་སུའི་གྲོས་ཚོགས་འཐུས་མི་ཁག་ཅིག་དང་ཁལ་མིག་སྲིད་བློན་སོགས་ཀྱིས་བཞུགས་སྒར་དུ་གཟིགས་སྐོར།
ཉེ་བའི་ལོ་ཤས་སྔོན་ནས་ཨུ་རུ་སུ་མཉམ་འབྲེལ་གྱི་ཁོངས་གཏོགས་ཁལ་མིག་སྤྱི་མཐུན་རྒྱལ་ཁབ་ཀྱི་སྲིད་འཛིན་དང་གྲོས་ཚོགས་ཀྱི་འཐུས་མི་སོགས་བཞུགས་སྒར་ཁུལ་དུ་ཐེངས་སྔ་ཕྱི་རིམ་པ་ཕེབས་ཡོད་པ་མ་ཟད། ཡུལ་དེའི་གཟེངས་རྟགས་ཆེ་ཤོས་པདྨ་དཀར་པོ་ཞེས་པ་དེ་ཡང་ྋགོང་ས་མཆོག་ལ་ཕུལ་ཡོད་པ་དང༌།

Bangchen admin· · 0 མཆན་འགྲེལ། ·

རྒྱལ་ཚོགས་ཀྱི་དྲུང་ཆེས་བོད་དོན་གླེང་བར་དགའ་བསུ།

བཙན་བྱོལ་བོད་གཞུང་བཀའ་ཤག་གིས་ཟླ་འདིའི་ཚེས་༡༨ ཉིན་གསར་འགོད་གསལ་བསྒྲགས་ཤིག་སྤེལ་བའི་ནང༌། ཉེ་ཆར་མཉམ་འབྲེལ་རྒྱལ་ཚོགས་ཀྱི་སྤྱི་ཁྱབ་དྲུང་ཆེ་བྷན་ཀི་མོན་མཆོག་གིས་རྒྱ་ནག་ལ་ྋགོང་ས་མཆོག་དང་ལྷན་དུ་མུ་མཐུད་ནས་ཞི་འགྲིག་ཡོང་ཐབས་དང༌། རྒྱ་ནག་གཞུང་གིས་བོད་རྒྱའི་གནད་དོན་དེ་ཞི་མོལ་གྱི་ལམ་ནས་སེལ་ཐབས་དགོས་པའི་སྐུལ་མ་གནང་བ་དེར་དགའ་བསུ་ཞུས་ཡོད་པ་རེད།

Bangchen admin· · Comments are Disabled ·

མོན་གྷོ་གཏན་སློབ་ཀྱི་སློབ་མའི་རྩེད་འགྲན།

ཟླ་འདིའི་ཚེས་༡༧ ཉིན་ལྷོ་ཕྱོགས་མོན་གྷོ་གཏན་སློབ་ཀྱི་གོ་སྒྲིག་འོག་སློབ་ཕྲུག་རྣམས་ཀྱིས་རྩེད་ཐང་དུ་རུ་བསྒྲིགས་དང་གླིང་བུ་རོལ་མོའི་སྒྲ་དབྱངས་དང་བཅས་རྩེད་འགྲན་དབུ་འཛུགས་གནང་སོང༌། བོད་དང་རྒྱ་གར་རྒྱལ་ཁབ་གཉིས་ཀྱི་རྒྱལ་གླུ་བཏང་སྟེ་སློབ་ཕྲུག་ཆུང་བའི་སྡེ་ཚན་ནས་རྩེད་མོའི་བསྟོད་དབྱངས་ཀྱི་མཉམ་གཞས་བཏང་བ་དང༌། དེ་རྗེས་སློབ་གྲྭའི་ཁང་ཚན། ཁྲི་སྲོང༌། པདྨ།

Bangchen admin· · 0 མཆན་འགྲེལ། ·