ྋགོང་ས་མཆོག་གིས་ཨ་སྒོར་འབུམ་གཅིག་གི་ཞལ་འདེབས་གནང་འདུག

 ཟླ་འདིའི་ཚེས་༢༨ ཉིན་གསར་ལམ་ཁག་ནས་གནས་ཚུལ་སྤེལ་གསལ་ལྟར་ན། ཨ་རིའི་གཙུག་ལག་སློབ་གྲྭ་ཆེན་པོ་ཧཕི་ལོའ་རི་ཌའི་ནང་དུ་ཆོས་རིག་སོགས་སྡེ་ཚན་མང་པོ་ཡོད་པས། ཨ་རི་གཞུང་གི་ངོས་ནས་སྡེ་ཚན་དེ་དག་ལ་ལོ་རེར་ཨ་སྒོར་ས་ཡ་༢༧ འགྲོ་གྲོན་གཏོང་བཞིན་ཡོད་རུང༌། ཉེ་དུས་དཔལ་འབྱོར་ཉམས་གུད་ཕྱིན་པ་དང་སྟབས་བསྟུན་ནས་ཨ་རི་གཞུང་གིས་འགྲོ་གྲོན་དེ་མཚམས་འཇོག་བྱེད་སྐབས། སློབ་གྲྭའི་འཆར་འགོད་མང་པོ་ཞིག་དུས་ཐོག་འགྲོ་མི་ཐུབ་པ་དང་སྡེ་ཚན་དེ་དག་སྒོ་རྒྱག་ལ་ཉེ་བའི་སྐབས། ྋགོང་ས་མཆོག་གི་ངོ་ཤེས་རྙིང་པ་གཙུག་ལག་སློབ་གྲྭ་དེའི་ཆོས་རིག་སྡེ་ཚན་གྱི་སློབ་དཔོན་ཆེན་མོ་ནཱ་ཐང་ཁཱ་རྫི་མཆོག་གིས། ཡིག་ཐོག་ནས་ྋགོང་ས་མཆོག་ལ་གཙུག་ལག་སློབ་གྲྭའི་ཆོས་རིག་སྡེ་ཚན་ལ་དེང་སྐབས་དཀའ་ངལ་འཕྲད་བཞིན་ཡོད་སྐོར་གྱི་སྙན་གསན་ཞུས་པས། ྋགོང་ས་མཆོག་གིས་ཨ་སྒོར་༡༠༠༠༠༠ རོགས་རམ་ཞལ་འདེབས་གནང་ཡོད་པ་རེད།

Read more

རྒྱ་གར་རྒྱལ་ཡོངས་ཀྱི་འཛིན་རིམ་བཅུ་པའི་ཡིག་རྒྱུགས།

བོད་གཞུང་གི་དྲ་གནས་ཐོག་གནས་ཚུལ་སྤེལ་གསལ་ལྟར་ན། རྒྱ་གར་རྒྱལ་ཡོངས་ཀྱི་འཛིན་རིམ་བཅུ་པའི་ཡིག་རྒྱུགས་ཆེན་མོ་ ༢༠༠༩ ཕྱི་ཟླ་ ༣ ནང་བཏང་སྟེ་ཕྱི་ཟླ་ ༥ ཚེས་ ༢༦ དང་ཚེས་ ༢༩ སོ་སོར་ཡིག་རྒྱུགས་ཀྱི་གྲུབ་འབྲས་གསལ་བསྒྲགས་གནང་ཡོད་པ་དང། ༢༠༠༩ ལོའི་རྒྱ་གར་རྒྱལ་ཡོངས་ཀྱི་འཛིན་རིམ་བཅུ་པའི་ཡིག་རྒྱུགས་ཆེན་མོའི་ནང་བོད་པའི་སློབ་གྲྭ་ཁག ༢༧ གྱི་འཛིན་རིམ་བཅུ་པའི་སློབ་མ་ ༡༦༧༢ འཛུལ་ཞུགས་གནང་ཁོངས་སློབ་ཕྲུག་༡༤༥༣ ཡིག་རྒྱུགས་འཕྲོད་ཡོད་པ་དང༌། བསྐྱར་དུ་ཡིག་རྒྱུགས་གཏོང་དགོས་པའི་སློབ་མ་གྲངས་ ༢༡༧། ཡིག་རྒྱུགས་མ་འཕྲོད་པའི་སློབ་མ་གྲངས་ ༢ བྱུང་ཡོད་འདུག

Read more

རང་དབང་འཐབ་རྩོད་པ་ཞིག་ཆགས་ཐུབ་རྒྱུར་འབད་བརྩོན་བྱེད་དགོས།

དྷ་ས་རྒྱ་གར་ས་གནས་འཐུས་མིའི་ཚོགས་གཞོན་ཧིན་བོད་མཛའ་འབྲེལ་ཚོགས་པའི་དྲུང་ཆེ་ཟུར་པ་སྐུ་ཞབས་སུ་བྷཤི་ནི་རཱ་ལགས་སུ་འདི་ག་གསར་ཁང་གིས། ཁྱེད་རང་ཧིན་བོད་མཛའ་འབྲེལ་ཚོགས་པའི་དྲུང་ཆེ་གནང་བའི་རིང་དཀའ་ངལ་ཆེ་ཤོས་ག་རེ་འཕྲད་མྱོང་ཡོད་སྐོར་བཅར་འདྲི་བྱས་པར། ཁོང་གིས་གསུང་དོན། དཀའ་ངལ་ཆེན་པོ་གང་ཡང་མ་བྱུང། མཚམས་རེ་བོད་མི་དང་ཡུལ་མིའི་བར་འཁྲུག་རྩོད་འདྲ་བྱུང་ཡོད་པ་རེད་མོད། དེ་ནི་ནང་མི་གཅིག་ཡིན་ཡང་མཚམས་རེར་འཁྲུག་རྩོད་ཡོང་སྲིད་པ་ཞིག་རེད། ང་ཚོས་ཧིན་བོད་མཛའ་ཚོགས་བཙུགས་པའི་དམིགས་ཡུལ་ཡང་དཀའ་ངལ་དེ་དག་ལ་གདོང་ལེན་བྱེད་ཆེད་རེད། ཕྱོགས་གཉིས་ཀའི་བར་གྱི་སྐད་ཆ་ལ་དཔྱད་ཞིབ་བྱས་ནས་ཕན་ཚུན་དཀའ་ངལ་སེལ་རྒྱུ་དེ་གལ་ཆེ་ཤོས་རེད་ཅེས་གསུངས་སོང།

Read more

སྔ་ལོའི་ཞི་རྒོལ་དུ་ཞུགས་མྱོང་བའི་མི་བཞི་དྷ་སར་འབྱོར་བ།

ཟླ་འདིའི་ཚེས་༢༨ ཉིན་བོད་གཞུང་ཕྱི་དྲིལ་ལྷག་པ་ཚེ་རིང་ཚོགས་ཁང་དུ་གསར་དུ་འབྱོར་བའི་ཕ་ཡུལ་ཁམས་དཀར་མཛེས་ཏྲེ་ཧོར་ལྕོག་རི་སྒོ་རོང་གྲོང་སྡེ་ནས་ཡིན་པ་ཚེ་དབང་དོན་གྲུབ། རང་ལོ་༣༩། ཕ་ཡུལ་དཀར་མཛེས་ཏྲེ་ཧོར་ལྕོག་རི་སྔོ་ལ་གྲོང་ནས་ཡིན་པ་བློ་བཟང་ཐུབ་བསྟན། ལོ་༣༡། ཕ་ཡུལ་དཀར་མཛེས་ཏྲེ་ཧོར་སེ་ངོ་ཤང༌། ཀ་རྡོག་གྲོང་ནས་ཡིན་པ་མགོན་པོ། ལོ་༤༡། ཕ་ཡུལ་དཀར་མཛེས་ཏྲེ་ཧོར་རྫོང་ལྷོ་པ་ཤང༌། ཕུག་ཡུལ་ནས་ཡིན་པ། རྩིས་ཚང་དགོན་གྱི་གྲྭ་ཚེ་རིང་འགྱུར་མེད། ལོ་༢༣ ཡིན་པ་བཅས་ཀྱིས་སྔ་ལོའི་ཕྱི་ཟླ་གསུམ་པའི་ནང་རྒྱ་གཞུང་ལ་ཞི་བའི་ངོ་རྒོལ་བྱེད་སྐབས་ཀྱི་གནས་ཚུལ་ངོ་སྤྲོད་ཀྱི་གསར་འགོད་གསལ་བསྒྲགས་ཤིག་སྤེལ་ཡོད་པ་དང༌། རྒྱ་གཞུང་ལ་ངོ་རྒོལ་སྐབས་དྲག་གནོན་འོག་ནས་ཁོང་ཚོར་རྨས་སྐྱོན་ཡང་ཚབ་ཆེན་ཕོག་འདུག་ལ། ལོ་གཅིག་ལྷག་རིང་གསང་ཡུབ་བྱས་ཏེ་ད་ལྟ་བཙན་བྱོལ་དུ་འབྱོར་ཐུབ་ཡོད་པ་རེད།

Read more

ཕྱིར་རང་ཡུལ་དུ་ལོག་པའི་ལས་འགུལ་ཐེངས་གཉིས་པ་བཀག་འགོག

ཟླ་འདིའི་ཚེས་༢༦ ཉིན་དྷ་ས་ཀིརྟི་གྲྭ་ཚང་དུ་ཕྱིར་རང་ཡུལ་དུ་ལོག་པ་ཞེས་པའི་ལས་འགུལ་ཐེངས་གཉིས་པ་བཀག་འགོག་བྱས་པའི་སྐོར་ལ་གསར་འགོད་གསལ་བསྒྲགས་ཤིག་གནང་ཡོད་པ་དང༌། གསར་འགོད་གསལ་བསྒྲགས་དེ་བྱེད་དགོས་དོན་ནི། ད་ཐེངས་ཀྱི་ལས་འགུལ་ལེགས་འགྲུབ་མ་བྱུང་བས་རྒྱ་ཆེའི་བོད་མི་མང་ལ་དགོངས་དག་ཞུ་བའི་ཆེད་དུ་ཡིན་པ་ལས། ང་ཚོས་འཇོན་ཡོད། ང་ཚོས་བྱས་ཡོད་ཟེར་བའི་ཆེད་དུ་མིན་ཞེས་ཤིང་བཟའ་རིན་པོ་ཆེས་གསུངས་ཡོད་པ་རེད།
    ཕྱིར་རང་ཡུལ་དུ་ལོག་པ་ཞེས་པའི་ལས་འགུལ་ཐེངས་དང་པོ་དེ་ཕྱི་ལོ་༢༠༠༨ ལོར་སྤེལ་བ་དང༌། དེའི་སྐབས་སུ་མི་གྲངས་༥༩ ཡོད་ཅིང༌། རྒྱ་གར་དང་བོད་ཀྱི་ས་མཚམས་ལ་སླེབས་པར་མི་ཊར་༢༧ གྱི་མཚམས་སུ་རྒྱ་གར་གཞུང་གིས་བཀག་འགོག་བྱས་པ་རེད། སྤྱིར་ལས་འགུལ་འདི་འདྲ་ཞིག་སྤེལ་དགོས་དོན་ནི། བོད་ཀྱི་ས་ཆར་བོད་ཀྱི་རྒྱལ་དར་བསྒྲེང་རྒྱུ་དེ་ཡིན་པ་མ་ཟད།

Read more

གྲྭ་པ་གསུམ་འཛིན་བཟུང།

ཟླ་འདིའི་ཚེས་༡༧ ཡས་མས་ཤིག་ལ་ཨ་མདོ་ར་རྒྱ་དུས་འཁོར་གྲྭ་ཚང་གི་བློ་གྲོས་དང་། ངག་དབང་བཟང་པོ། ཡར་འཕེལ་བཟང་པོ་བཅས་རྒྱ་དམག་གིས་འཛིན་བཟུང་བྱས་ནས་ད་ལྟ་གར་ཡོད་ཆ་མེད་གྱུར་ཡོད་འདུག
སེར་བྱེས་བྱ་བྲལ་ཁམས་ཚན་གྱི་གྲྭ་བློ་དབང་ལགས་ཀྱིས་གནས་ཚུལ་མཁོ་སྤྲོད་བྱས་པ་ལྟར་ན། ཟླ་འདིའི་ཚེས་༡༧ ཡས་མས་ཤིག་ལ་ཨ་མདོ་ར་རྒྱ་དུས་འཁོར་གྲྭ་ཚང་གི་གྲྭ་བློ་གྲོས་དང། ངག་དབང་བཟང་པོ། ཡར་འཕེལ་བཟང་པོ་བཅས་རྒྱ་དམག་གིས་འཛིན་བཟུང་བྱས་ནས་ད་ལྟ་གར་ཡོད་ཆ་མེད་གྱུར་ཡོད་འདུག

Read more

ཆིངས་ཡིག་དོན་ཚན་བཅུ་བདུན་བཞག་ནས་ལོ་༥༨ འཁོར་བ།

རྒྱ་ནག་གིས་གྲོས་མཐུན་དོན་ཚན་བཅུ་བདུན་ཟེར་བ་བཙན་དབང་འོག་བཞག་ནས་ལོ་༥༨ འཁོར་བའི་ཉིན་མོ་དེ་ངོ་རྒོལ་གྱི་རྣམ་པ་འདྲ་མིན་བསྟན་ནས། ཟླ་འདིའི་ཚེས་༢༣ ཉིན་ལྷོ་ཕྱོགས་སུ་དུས་དྲན་བྱས་ཡོད་པ་རེད། དེ་ཡང་ལྷོ་ཕྱོགས་ཀོ་ལེ་གྷལ་དོན་ལྡན་གླིང་དང་ཧོང་སར་རབ་རྒྱས་གླིང། བྷེལ་ཀོབ་ས་གནས་བཅས་ཀྱི་ས་གནས་གཞོན་ལྷན་དང། བུད་མེད་དང་མེ་སོར་ས་གནས་གཞོན་ལྷན་དང། གངས་ལྗོངས་རང་བདེན་རྩོད་ལེན་མཐུན་ཚོགས་བཅས་ཚོགས་པ་ཁག་བརྒྱད་གྱི་གོ་སྒྲིག་འོག་མེ་སོར་གྲོང་ཁྱེར་དུ་རྒྱ་ནག་གིས་༡༩༥༡ ཟླ་༥ པའི་ཚེས་༢༣ ཉིན་བཙན་དབང་འོག་གྲོས་མཐུན་དོན་བཅུ་བདུན་ཟེར་བ་བཞག་ནས་ལོ་འཁོར་༥༨ འཁོར་བའི་དུས་དྲན་ཆེད་ངོ་རྒོལ་སྐད་འབོད་ཤུགས་ཆེན་བྱས་ཡོད་པ་རེད།

Read more

དྭངས་བླང་དཔྱ་ཁྲལ་འབུལ་རྒྱུ་དེ་ཡུལ་མིའི་ལས་འགན་གཙོ་བོ་ཡིན།

ཟླ་འདིའི་ཚེས་༢༢ ཉིན་བཙན་བྱོལ་བོད་མིའི་དྭངས་བླང་དཔྱ་ཁྲལ་ལག་དེབ་ཀྱི་དཔྱ་ཁྲལ་བསྡུ་འབབ་སྐོར་ལ་ཚོགས་འདུ་ཞིག་རྒྱ་གར་ལྷོ་ཕྱོགས་མོན་གྷོ་གཞིས་སྤྱིའི་ཚོགས་ཁང་དུ་འཚོགས་ཡོད་པ་དང། ཚོགས་འདུ་དེར་མོན་གྷོ་གཞིས་གྲོང་དགུའི་མི་མང་དང་གདན་སའི་ཕྱགས་མཛད་རྣམས་པ་བཅས་མི་མང་འབོར་ཆེན་ཚོགས་ཞུགས་བྱས་ཡོད་པ་རེད།

Read more

གྲྭ་པ་ལས་འགུལ་བ་བཅུ་ས་མཚམས་སུ་འབྱོར་འདུག

ཟླ་འདིའི་ཚེས་༡༤ ཉིན་ནས་འགོ་འཛུགས་ཀྱིས་གྲྭ་པ་བཅུ་ཙམ་གྱིས་གསང་བའི་ཐོག་ནས་བོད་དུ་བསྐྱོད་ཐབས་བྱས་ཡོད་པ་དང། ད་ལྟ་ས་མཚམས་སུ་གངས་ཆེན་པོ་བབས་ཡོད་པའི་རྐྱེན་གྱིས་དཀའ་ངལ་འཕྲད་ཀྱི་ཡོད་ནའང་མུ་མཐུད་བསྐྱོད་འཆར་ཡོད་འདུག ཁོང་ཚོ་ནི་ལོ་སྔོན་མ་བོད་ལ་ཕྱིར་ལོག་ཅེས་པའི་མིང་ཐོག་ནས་བོད་དོན་ཆེད་ཞི་བའི་གོམ་བགྲོད་བྱེད་མཁན་ཚོའི་གྲས་ཡིན་པ་དང༌། ད་སྐབས་བསྐྱར་དུ་བོད་ལ་བསྐྱོད་པ་ཡིན་འདུག ཤིང་བཟའ་རིན་པོ་ཆེ་མཆོག་གིས་ཁོང་ཚོའི་གནས་སྟངས་སྐོར་བརྒྱུད་ལམ་ཁག་ལ་འགྲེལ་བརྗོད་གནང་དོན་ལྟར་ན། བོད་ནང་གི་དངོས་ཡོད་གནས་སྟངས་ར་སྤྲོད་པའི་ཆེད་དུ་ཡིན་ལ། རྒྱ་གཞུང་གིས་གསོད་གཏུབ་བཙོན་འཇུག་དང༌། མནར་གཅོད་གང་ཞིག་བྱས་ཀྱང་འགྱོད་པ་མེད་པར་རང་སྲོག་བློས་གཏོང་གི་དམ་བཅའ་ཡང་བཞག་ཡོད་འདུག

Read more

ནང་ཆོས་ཀྱིས་སྤྱི་ཚོགས་ཞབས་ཞུ།

ཟླ་འདིའི་ཚེས་ ༡༧ ཉིན་མོན་གྷོ་ས་གནས་གངས་ལྗོངས་རང་བདེན་རྩོད་ལེན་མཐུན་ཚོགས་ཀྱི་གོ་སྒྲིག་འོག་ནང་ཆོས་ཀྱིས་སྤྱི་ཚོགས་ལ་ཞབས་འདེགས་ག་རེ་སྒྲུབ་ཐུབ་བམ་ཞེས་པའི་བརྗོད་གཞི་ཐོག་བགྲོ་གླེང་ཞིག་མོན་གྷོ་གཞིས་སྤྱིའི་ཚོགས་ཁང་དུ་འཚོགས་ཡོད་པ་རེད།

Read more
Page 394 of 420« First...392393394395396...Last »