བོད་ཆས་དང“འགྱིང་འགྲོས”ཀྱིས་བོད་རང་བཙན་ཉིན་མོ་བརྩི་སྲུང་ཞུས་སོང་། 

༧རྒྱལ་མཆོག་སྐུ་ཕྲེང་བཅུ་གསུམ་པ་ཆེན་པོ་མཆོག་གིས་ཆུ་གླང་རྩ་ཚིག་གམ་རང་བཙན་བསྒྲགས་གཏམ་སྤེལ་ནས་ལོ་ངོ་ཧྲིལ་པོ་ ༡༠༧ འཁོར་བའི་ཉིན་མོར། རྒྱ་གར་བོད་རང་བཙན་སློབ་ཕྲུག་ཚོགས་པ་ནས་“འགྱིང་འགྲོས”ཞེས་པའི་ལས་འགུལ་ཞིག་གོ་སྒྲིག་ཞུས་ནས་བོད་རྒྱལ་ཁབ་ཆེན་པོའི་ལོ་རྒྱུས་རིང་མོའི་ཁྲོད་ཀྱི་ཉིན་མོ་གལ་ཆེན་དེ་སྲུང་བརྩི་དང་རྗེས་དྲན་ཞུས་སོང་།  དེ་ཡང་བོད་ཆས་གྱོན་ནས་དྷ་སའི་མེག་གྷན་གྱི་སྲང་ལམ་དུ་“འགྱིང་འགྲོས”ཀྱིས་སྐྱོད་པའི་ལས་འགུལ་དེ་དེ་རིང་ཉིན་གུང་གི་ཆུ་ཚོད་ ༡༢: ༣༠ ཡོལ་ཙམ་ལ་འགོ་ཚུགས་སོང་བ་དང་། བོད་ཀྱི་གཡག་དང་གངས་སེང་གི་འབག་གོས་གྱོན་མཁན་དང་། མདོ་དབུས་ཁམས་གསུམ་གྱི་ཆས་གོས་གྱོན་པའི་ལས་འགུལ་བ་ཚོས་བོད་རྒྱལ་ཁབ་ཆེན་པོའི་རྒྱལ་དར་དང་། ཐང་གའི་གཟུགས་སུ་བཟོས་པའི་ཆུ་གླང་རྩ་ཚིག་ཁྱེར་ནས་གཙུག་ལག་ཁང་གི་སྒོ་འགྲམ་དུ་ཡོད་པའི་དཔའ་བོའི་རྡོ་རིང་ནས་དྷ་སའི་སུམ་མདོ་བར་འགྱིང་འགྲོས་ཀྱིས་བསྐྱོད་སོང་།  “འགྱིང་འགྲོས”ཞེས་པའི་ལས་འགུལ་དེའི་འགོ་དངོས་སུ་མ་ཚུགས་པའི་སྔོན་ལ། རྒྱ་གར་བོད་རང་བཙན་སློབ་ཕྲུག་ཚོགས་པའི་འགན་འཛིན་རིག་འཛིན་ཆོས་སྒྲོན་གྱིས་ལས་འགུལ་དེ་ལྟ་བུ་ཞིག་སྤེལ་དགོས་པའི་རྒྱུ་མཚན་དང་རྒྱབ་ལྗོངས་སྐོར་གྱི་གཏམ་བཤད་ཅིག་སྤེལ་བའི་ནང་། བོད་རང་བཙན་སློབ་ཕྲུག་ཚོགས་པས་༧གོང་ས་བཅུ་གསུམ་པ་ཆེན་པོས་རང་བཙན་བསྒྲགས་གཏམ་སྤེལ་ནས་ལོ་ ༡༠༠ འཁོར་བའི་ལོ་སྟེ། ཕྱི་ལོ་ ༢༠༡༣ ནས་དེ་འདྲའི་ལས་འགུལ་སྤེལ་བཞིན་ཡོད་པ་དང་། དེ་རིང་ཆས་གོས་གྱོན་ནས་འགྲོ་བའི་དམིགས་ཡུལ་གཙོ་བོ་དེ་ནི་བོད་ནང་དུ་ཡོད་པའི་བོད་མི་ཚོས་རིག་གཞུང་བེད་སྤྱོད་བྱས་ནས་རྒྱ་མི་དང་།

Read more

ཨ་རིའི་གཙུག་ལག་སློབ་ཁང་གྲགས་ཅན་གཉིས་ཀྱིས་ཕྱིའི་རོགས་དངུལ་སྦས་གསང་བྱས་ཡོད་འདུག

ཨ་རིའི་ཤེས་ཡོན་སྡེ་ཚན་ཁག་གི་ནང་རྒྱ་ནག་གཙོས་པའི་ཕྱིའི་རྒྱལ་ཁབ་ཁག་གིས་དཔལ་འབྱོར་འགྲོ་སོང་བཏང་ནས། སོ་མྱུལ་དང་འཇབ་རྒོལ་སོགས་ཀྱི་བྱ་སྤྱོད་སྤེལ་གྱི་ཡོད་པའི་གནས་ཚུལ་མང་པོ་ཕྱིར་ཐོན་ཡོད་པའི་སྐབས་དེར། རྒྱལ་ཁབ་དེའི་གཙུག་ལག་སློབ་ཁང་གྲགས་ཅན་གཉིས་ཀྱིས་ཨ་སྒོར་ས་ཡ་མང་པོ་ཕྱི་ལོགས་ནས་བླངས་ཀྱང་ཁྲིམས་ལྟར་སྙན་སེད་ཞུས་མེད་རྐྱེན། དབུས་གཞུང་ནས་ཞིབ་འཇུག་བྱེད་བཞིན་ཡོད་པ་རེད་འདུག ཟླ་༢ པའི་ཚེས་༡༣ ཉིན་རྒྱལ་སྤྱིའི་བརྒྱུད་ལམ་ཁག་ཏུ་གནས་ཚུལ་སྤེལ་གསལ། ཨ་རིའི་ཁྲིམས་ལུགས་ལྟར་ན་རྒྱལ་ཁབ་དེའི་གཙུག་ལག་སློབ་ཁང་ངམ་ཤེས་ཡོན་ལྟེ་གནས་ཁང་ཞིག་ལ། ཕྱིའི་རྒྱལ་ཁབ་ཁག་ནས་ཞལ་འདེབས་སམ་གན་རྒྱ་ཐོག་ནས་དངུལ་ཨ་སྒོར་༢༥༠,༠༠༠ ལས་མང་བ་ཐོབ་ཚེ། དབུས་གཞུང་ལ་སྙན་སེང་ཞུ་དགོས་ཀྱི་ཡོད་འདུག འོན་ཀྱང་ལོ་མང་རིང་ཨ་རིའི་གཙུག་ལག་སློབ་ཁང་གྲགས་ཅན་ཚོས། ཕྱིའི་རྒྱལ་ཁབ་ཁག་ནས་ཞལ་འདེབས་དང་གན་རྒྱ་ཐོག་ནས་ཨ་སྒོར་ས་ཡ་བརྒྱ་ཕྲག་མང་པོ་ཐོབ་པའི་གནས་ཚུལ་རྣམས་སྙན་སེང་ཞུས་མེད་པ་གསལ་པོ་ཆགས་ཡོད་སྐོར་ཨ་རིའི་ཤེས་རིག་ལས་ཁུངས་ཀྱིས་བརྗོད་འདུག ལོ་སྔོན་མའི་ཟླ་༧ པ་ནས་ད་བར་ཤེས་རིག་ལས་ཁུངས་ཀྱིས་ཨ་རིའི་གཙུག་ལག་སློབ་ཁང་ཁག་ལ། རྒྱ་ནག་དང་ཁ་ཊར། སོ་ཌི་ཨ་རབ་སོགས་ནས་ཨ་སྒོར་ཐེར་འབུམ་༦.༦ ཞལ་འདེབས་སྤྲད་ཡོད་པའི་གནས་ཚུལ་ར་སྤྲོད་གསལ་པོ་ཆགས་ཡོད་པ་དང་། དངོས་ཡོད་གནས་ཚུལ་ལ་དངུལ་འབོར་དེ་ལས་མང་བ་ཡོད་སྲིད་སྐོར་བརྗོད་འདུག ད་ལྟའི་ཆར་ཨ་རིའི་ནང་གི་གཙུག་ལག་སློབ་ཁང་གྲགས་ཅན་ཧཱ་ཝར་ཌ་དང་ཡཱེལ་གཉིས་ལ།

Read more

༧གོང་ས་མཆོག་གིས་ལྡི་ལིའི་སྤྱི་ཁྱབ་བློན་ཆེན་སྐྱར་དུ་འོས་འདེམས་བྱུང་བར་དགའ་བསུའི་འཚམས་འདྲི་གནང་།

ཁ་སང་རེས་གཟའ་མིག་དམར་ཉིན་ཕྱིར་བསྒྲགས་བྱས་པའི་རྒྱལ་ས་ལྡི་ལིའི་གྲོས་ཚོགས་འོས་བསྡུའི་ནང་། ལྡི་ལིའི་སྤྱི་ཁྱབ་བློན་ཆེན་ལས་ཐོག་པ་ཨར་ཝིནྡ-ཀེཇི་རི་ཝལ(Arvind Kejriwal)གྱི་ཚོགས་པ་ལ་རྒྱལ་ཁ་ཆེན་པོ་ཐོབ་སྟེ་ཁོང་སླར་ཡང་ལྡི་ལིའི་སྤྱི་ཁྱབ་བློན་ཆེན་དུ་འདེམས་ཐོན་བྱུང་རྗེས། ༧གོང་ས་མཆོག་གིས་ཁོང་དང་ཁོང་གི་ཚོགས་པའི་རྒྱལ་ཁ་ལ་བཀྲ་ཤིས་བདེ་ལེགས་ཀྱི་འཚམས་འདྲི་དང་། ཕྱི་ལོ་ ༡༩༤༧ ལོར་རྒྱ་གར་ལ་རང་བཙན་ཐོབ་པ་ནས་བཟུང་རྒྱ་གར་མི་མང་གིས་མང་གཙོར་ལོངས་སུ་སྤྱོད་བཞིན་པ་དེར་ཡི་རང་བསྔགས་བརྗོད་མཛད་འདུག  དེ་ཡང་༧རྒྱལ་བ་རིན་པོ་ཆེའི་འཚམས་འདྲིའི་ཕྱག་འཕྲིན་དེར། “སྐུ་ཉིད་ཀྱི་དབུ་ཁྲིད་ལམ་སྟོན་བཟང་པོ་ལས། ལྡི་ལིའི་མི་མང་ཚོར་མུ་མཐུད་ཕན་ཐོགས་འབྱུང་བཞིན་ཡོད། ང་ཚོས་ཕྱི་ལོ་ ༢༠༡༨ ཟླ་ ༧ ཚེས་ ༢ ཉིན་ལྡི་ལིའི་མངའ་ཁོངས་ཀྱི་གཞུང་འབྲེལ་སློབ་གྲྭ་ཁག་གི་ཆེད་དུ་བདེ་སྐྱིད་སྐྲུན་ཐབས་(Happiness Curriculum)ཞེས་པའི་སློབ་ཚན་དབུ་འབྱེད་སྐབས་ངོས་ཀྱིས་ཁྱེད་ལ་ཞུས་པ་ལྟར། ཁྱེད་དང་ཁྱེད་ཀྱི་གཞུང་ནས་བཟང་པོའི་ཡོན་ཏན་རྣམས་གོང་མཐོར་བཏང་སྟེ་བདེ་སྐྱིད་ལྡན་པའི་འགྲོ་བ་མི་བཟང་པོ་སྐྲུན་ཐབས་བྱེད་པའི་འབད་བརྩོན་ལ་ངོས་ཀྱིས་སྙིང་ཐག་པ་ནས་ཡི་རང་བསྔགས་བརྗོད་ཞུ་ཡི་ཡོད། འབད་བརྩོན་འདི་དག་གིས་ཕྲུ་གུ་ཚོའི་ཁྱོན་ཡོངས་ཀྱི་ཤེས་ཡོན་ལ་བཟང་ཕྱོགས་ཀྱི་ཤུགས་རྐྱེན་ཐེབས་ངེས་པ་མ་ཟད། དབུལ་ཕོངས་ཉམ་ཐག་ཚོར་སོ་སོའི་འཚོ་བ་བཟང་དུ་གཏོང་བའི་རྨི་ལམ་མངོན་དུ་བསྒྱུར་བར་ཡང་ཕན་ཐོགས་ངེས་རེད”ཅེས་འཁོད་འདུག དེ་མིན་ད་དུང་ཁོང་གི་མཛད་འཆར་དང་འབྲེལ་བའི་ཐད་ལ་མུ་མཐུད་འཁོད་དོན།

Read more

མཱ་ནི་པུར་གཙུག་ལག་སློབ་ཁང་དང་སྨན་རྩིས་ཁང་བར་མོས་མཐུན་གན་རྒྱ་བཞག་གནང་སོང་།

བོད་ཀྱི་སྨན་རྩིས་ཁང་དང་རྒྱ་གར་བྱང་ཤར་མངའ་སྡེ་མཱ་ནི་པུར་ནང་དུ་ཡོད་པའི་མཱ་ནི་པུར་རྒྱལ་སྤྱིའི་གཙུག་ལག་སློབ་ཁང་གཉིས་བར་མཉམ་ལས་ཀྱི་མོས་མཐུན་གན་རྒྱ་ཞིག་བཞག་སོང་བ་དང་། ད་བར་འདས་པའི་ལོ་ངོ་༦༠ ལྷག་གི་ནང་མཉམ་ལས་ཀྱི་འཆར་གཞི་དེ་འདྲ་ཆེན་པོ་བྱུང་མེད་འདུག་པས། མོས་མཐུན་གྱི་གན་རྒྱ་བཞག་པ་དེ་ནི་ལོ་རྒྱུས་ཀྱི་རང་བཞིན་ལྡན་པ་ཞིག་ཡིན་སྐོར་གསུངས་སོང་། ཟླ་༢ པའི་ཚེས་༡༢ ཉིན་བོད་ཀྱི་སྨན་རྩིས་ཁང་གི་ཚོགས་ཁང་དུ། སྨན་རྩིས་ཁང་གི་འགན་འཛིན་བཀྲ་ཤིས་ཚེ་རིང་དང་། མཱ་ནི་པུར་རྒྱལ་སྤྱིའི་གཙུག་ལག་སློབ་ཁང་(Manipur International University)གི་རིགས་བདག་ཧཱ་རི་ཀུ་མར་པཱ་ལ་ཐཌཀ་(Dr. Harikumar Pallathadka)གཉིས་ཀྱིས་ཕྱོགས་གཉིས་བར་མཉམ་ལས་ཀྱི་མོས་མཐུན་གན་རྒྱར་མཚན་རྟགས་བཀོད་གནང་སོང་། དེ་ཡང་གན་རྒྱ་དེའི་ནང་མཱ་ནི་པུར་རྒྱལ་སྤྱིའི་གཙུག་ལག་སློབ་གཉེར་ཁང་དུ། གསོ་བ་རིག་པའི་སྡེ་ཚན་ཞིག་གསར་འཛུགས་བྱེད་རྒྱུ་ཡིན་པ་དང་། དེའི་ཆེད་དུ་གཙུག་ལག་སློབ་ཁང་དེས་བོད་ཀྱི་སྨན་རྩིས་ཁང་ལ་ས་ཆ་ཨེ་ཀར་༢༥༠༠ ཞལ་འདེབས་སྤྲད་རྒྱུ་དང་འཛུགས་སྐྲུན་གྱི་འགྲོ་སོང་ཆ་ཚང་གཏོང་རྒྱུ། སྨན་རྩིས་ཁང་ནས་མི་བྱ་གང་དགོས་གཏོང་རྒྱུ་དང་། གཙུག་ལག་སློབ་ཁང་གི་ལས་བྱེད་ལ་སྦྱོང་བརྡར་སྤྲོད་རྒྱུ་སོགས་ཀྱི་མོས་མཐུན་བྱུང་ཡོད་པ་རེད་འདུག ཁོང་རྣམ་པ་གཉིས་ཀྱིས་གཞི་རྒྱ་ཆེ་བའི་ལས་འཆར་དེ་ནི་༧གོང་ས་མཆོག་དེ་སྔོན་ཕྱི་ལོ་༢༠༡༧

Read more

ཏོག་དབྱིབས་ནད་ཡམས་ནི་རྒྱ་ནག་གི་དཔལ་འབྱོར་ཉམས་ཆག་འགྲོ་བའི་རྒྱུ་རྐྱེན་གསར་ཤོས་དེ་ཡིན། 

རྒྱ་ནག་གི་གྲོང་ཁྱེར་ཝུ་ཧན་ནས་རྒྱ་ནག་རྒྱལ་ཡོངས་ཙམ་མ་ཟད། འཛམ་གླིང་ལ་ཁྱབ་པའི་ནད་ཡམས་ཚབས་ཆེན་དེ་ནི་རྒྱ་ནག་གི་དཔལ་འབྱོར་ཉམས་ཆག་འགྲོ་བའི་རྒྱུ་རྐྱེན་གསར་ཤོས་དེ་ཆགས་ཡོད། དེ་ཡང་ཁ་སང་སྟེ་ཕྱི་ཟླ་ ༢ ཚེས་ ༡༠ ཉིན་ནིའུ་ཡོག་དུས་བབ་ཀྱིས“ནད་འབུས་རྒྱ་ནག་གི་དཔལ་འབྱོར་དལ་དུ་གཏོང་བཞིན་པ”ཞེས་པའི་རྩོམ་ཞིག་སྤེལ་བའི་ནང་། རྒྱ་ནག་གིས་ནད་ཡམས་འགོག་སྲུང་ཆེད་དུ་གྲོང་ཁྱེར་ཕལ་མོ་ཆེ་རྣམས་སྒོ་རྒྱག་འགོ་བརྩམས་ནས་བདུན་ཕྲག་གཉིས་ལྷག་ཕྱིན་པའི་རྗེས་སུ། ངལ་རྩོལ་བ་རྣམས་ལས་ཀར་འགྲོ་མི་ཐུབ་པར་སོ་སོའི་ཕ་ཡུལ་དུ་ལུས་ཡོད་པ་དང་། བཟོ་གྲྭ་དང་ལས་ཁུངས་རྣམས་སྒོ་བརྒྱབས་ནས་བཞག་པ། རླངས་འཁོར་དང་ཀུ་ཤུའི་ཁ་པར་བཟོ་ལས་ཁང་རྣམས་ཁུ་སིམ་མེར་གྱུར་བ་སོགས་རྒྱ་ནག་གི་དཔལ་འབྱོར་ད་དུང་འགུལ་མེད་དུ་བསྡད་ཡོད་པ་མ་ཟད། སྟོང་པར་གྱུར་བའི་སྲང་ལམ་དང་། ལྷིང་འཇགས་སེར་གནས་པའི་བཟོ་གྲྭ་ཡིས་རྒྱ་ནག་གི་དཔལ་འབྱོར་མཁོ་སྒྲུབ་ཀྱི་འཁོར་ལོ་དེ་འཁོར་བར་ད་དུང་ཡང་བདུན་ཕྲག་དང་ཟླ་བ་མང་པོ་འགོར་སྲིད་ཚུལ་བཀོད་འདུག  དེ་བཞིན་དེ་རིང་ཚེས་ ༡༡ ཉིན་ཨ་རིའི་བྷི་ལུམ་བྷར་གྷི་(Bloomberg)གསར་ཁང་ནས་“རྒྱ་ནག་གི་ཁང་པའི་ཉོ་ཚོང་གི་བརྒྱ་ཆ་ ༩༠ མར་ལྷུང་བ”ཞེས་པའི་གནས་ཚུལ་ཞིག་བཏོན་པའི་ནང་། ནད་ཡམས་ཀྱི་རྐྱེན་གྱིས་འདི་ལོའི་ཕྱི་ཟླ་ ༢

Read more

ཀོ་རི་ཡའི་གློག་བརྙན་ཞིག་གིས་ལོ་རྒྱུས་ཀྱི་ཟིན་ཐོ་གསར་པ་བཞག་འདུག

ལྷོ་ཀོ་རི་ཡའི་གློག་བརྙན་ཞིག་ལ་རྒྱལ་སྤྱིའི་ནང་གློག་བརྙན་གྱི་བྱ་དགའི་འདུ་འཛོམས་སྐད་གྲགས་ཆེ་ཤོས་ཐོག་ཏུ། གློག་བརྙན་རྩེ་ཕུད་ཀྱི་བྱ་དགའ་ཐོབ་ནས། བྱ་དགའ་དེའི་ལོ་ངོ་༩༢ ཡི་ལོ་རྒྱུས་ནང་དབྱིན་སྐད་ཐོག་བཟོ་སྐྲུན་མ་བྱས་པའི་གློག་བརྙན་ཞིག་ལ་གློག་བརྙན་རྩེ་ཕུད་ཀྱི་བྱ་དགའ་ཐོབ་པ་ཐེངས་དང་པོ་ཆགས་འདུག ཟླ་༢ པའི་ཚེས་༡༠ ཉིན་རྒྱལ་སྤྱིའི་ནང་གློག་བརྙན་གྱི་བྱ་དགའི་འདུ་འཛོམས་སྐད་གྲགས་ཆེ་ཤོས་ཨོ་སེ་ཁར་(0scar)ཞེས་པ་དེ་འཚོགས་ཡོད་པ་དང་། ལོ་རེའི་འདུ་འཛོམས་དེའི་སྐབས་སུ་འདས་མ་ཐག་པའི་ལོར་རྒྱལ་སྤྱིའི་ནང་བཟོ་སྐྲུན་བྱས་པའི་གློག་བརྙན་ཁྲོད། སྡེ་ཚན་འདྲ་མིན་ཐོག་རྩེ་ཕུད་ཀྱི་བྱ་དགའ་དང་། སྡེ་ཚན་མི་འདྲ་བའི་ནང་འཁྲབ་སྟོན་པ་རྩེ་ཕུད་ཀྱི་བྱ་དགའ་སྤྲོད་ཀྱི་ཡོད་པ་རེད། ཨོ་སེ་ཁར་བྱ་དགའ་དེ་ནི་གློག་བརྙན་དང་འབྲེལ་བའི་བྱ་དགའ་སྐད་གྲགས་ཆེ་ཤོས་སུ་ངོས་འཛིན་བྱེད་ཀྱི་ཡོད་པ་རེད་ལ། བྱ་དགའི་ཁོངས་སུ་གློག་བརྙན་ཡག་ཤོས་ཀྱི་བྱ་དགའ་དང་འཁྲབ་སྟོན་པ་ཡག་ཤོས་ཀྱི་བྱ་དགའ་དེ་གལ་ཆེ་ཤོས་སུ་ངོས་འཛིན་བྱེད་ཀྱི་ཡོད་པ་རེད། ཐེངས་འདིའི་འདུ་འཛོམས་སྐབས་སུ་ལྷོ་ཀོ་རིའི་གྲགས་ཅན་གློག་བརྙན་འཁྲབ་ཁྲིད་པ་རང་ལོ་༥༠ སོན་པའི་བྷེག་ཡོང་ཧུན་(Baek Young-hoon)གྱིས་བཟོས་པའི་གློག་བརྙན་གཞན་རྟེན་སྲིད་འབུ་(Parasite)ལ། གློག་བརྙན་རྩེ་ཕུད་དང་འཁྲབ་ཁྲིད་པ་རྩེ་ཕུད། རང་རྩོམ་འཁྲབ་གཞུང་རྩེ་ཕུད། དབྱིན་སྐད་མ་ཡིན་པའི་རྒྱལ་སྤྱིའི་གློག་བརྙན་རྩེ་ཕུད་བཅས་བྱ་དགའ་བཞི་ཐོབ་ཡོད་པ་དང་། དེ་ཡང་ད་བར་དབྱིན་སྐད་ཐོག་བཟོ་སྐྲུན་མ་བྱས་པའི་གློག་བརྙན་ཞིག་ལ། གློག་བརྙན་རྩེ་ཕུད་ཀྱི་བྱ་དགའ་ཐོབ་པ་ཐེངས་དང་པོ་ཡིན་འདུག་པས།

Read more

དགེ་འདུན་པ་ཆོས་མཆོག་ལགས་བཙོན་ཁང་ནས་གློད་གྲོལ་ཐོབ་འདུག 

རྫ་སྨད་དབོན་པོ་དགོན་ནས་ཡིན་པའི་དགེ་འདུན་པ་ཆོས་མཆོག་ལགས་ལོ་གཉིས་ཀྱི་བཙོན་འཇུག་རྗེས་སུ་གློད་གྲོལ་ཐོབ་འདུག  དེ་ཡང་རྒྱ་གར་ལྷོ་ཕྱོགས་སེ་ར་དགོན་དུ་བཞུགས་པའི་དགེ་འདུན་པ་ཞིག་གིས་བོད་འབྱོར་ཁུངས་ལྡན་གནས་ཚུལ་མཁོ་སྤྲོད་བྱུང་བ་ལྟར་ན། རྫ་སྨད་དབོན་པོ་དགོན་གྱི་དགེ་འདུན་པ་ཆོས་མཆོག་ལགས་ཕྱི་ལོ་ ༢༠༢༠ ཟླ་ ༢ ཚེས་ ༦ ཉིན་བཙོན་ཁང་ནས་གློད་གྲོལ་ཐོབ་འདུག ཁོང་ ༢༠༡༧ ཟླ་ ༡༢ ཟླ་མཇུག་ཏུ་དར་ལག་རྫོང་ཐོག་ཏུ་རྒྱ་ནག་གི་ཉེན་རྟོག་པས་འཛིན་བཟུང་བྱས་འདུག་ཅིང་། འཛིན་བཟུང་མ་བྱས་པའི་སྔོན་དུ་ཁོང་གིས་ ༢༠༡༧ ཟླ་༡༢ ཚེས་༢༣ ཉིན་རྒྱལ་གཅེས་དཔའ་བོ་དཀོན་པེ་ལགས་ཀྱིས་རྔ་བ་ནས་རང་ལུས་མེར་བསྲེགས་བཏང་བའི་པར་ཞིག་སྐད་འཕྲིན་རྒྱབ་ལྗོངས་སུ་བཞག་པའི་མཚན་མོར་གློ་བུར་དུ་བཟུང་སྟེ་ལོ་གཉིས་ལྷག་རིང་བཙོན་འཇུག་བྱས་འདུག  ད་ལྟའི་ཆར་ཡང་ཁོང་འཛིན་བཟུང་བྱེད་དགོས་པའི་རྒྱུ་མཚན་གསལ་པོ་དང་།

Read more

འཛམ་གླིང་འཕྲོད་བསྟེན་ལྷན་ཚོགས་སུ་ཐའེ་ཝན་ཐད་འགལ་ཟླ་བྱུང་འདུག

འཛམ་གླིང་འཕྲོད་བསྟེན་ལྷན་ཚོགས་སུ། རྒྱལ་སྤྱིའི་ནང་ཏོག་དབྱིབས་ནད་དུག་སྔོན་འགོག་དང་སྨན་བཅོས་ཀྱི་ལས་དོན་ཐོག་ཚོགས་འདུ་འཚོགས་པའི་སྐབས་སུ། རྒྱ་ནག་དང་ཨ་རི་གཙོས་པའི་རྒྱལ་ཁབ་གཞན་གྱི་བར་དུ་ཚོགས་འདུའི་ནང་ཐའེ་ཝན་མཉམ་ཞུགས་བྱེད་དགོས་མིན་ཐད་འགལ་ཟླ་བྱུང་འདུག ཟླ་༢ པའི་ཚེས་༧ ཉིན་རྒྱལ་སྤྱིའི་བརྒྱུད་ལམ་ཁག་ཏུ་གནས་ཚུལ་སྤེལ་གསལ། རྒྱ་ནག་གིས་ཐའེ་ཝན་ནི་རང་གི་ཆ་ཤས་ཡིན་པ་ནན་བརྗོད་ཀྱིས། འཛམ་གླིང་འཕྲོད་བསྟེན་ལྷན་ཚོགས་ལྟ་བུའི་རྒྱལ་སྤྱིའི་ཚོགས་སྡེ་ཁག་གི་ཚོགས་མིར་ཐའེ་ཝན་ཞུགས་སུ་འཇུག་པར་དགག་བྱ་བྱས་ནས་ཟུར་ཕུད་བྱེད་བཞིན་ཡོད་པ་ལྟར། ཉེ་ཆར་འཛམ་གླིང་འཕྲོད་བསྟེན་ལྷན་ཚོགས་ཀྱི་ཚོགས་འདུར། ཐའེ་ཝན་དེ་ཚོགས་མི་མིན་ཡང་ཚོགས་འདུའི་སྐབས་སུ་ཟུར་ཉན་དུ་ཡོང་འཇུག་དགོས་པ་དང་། འཕྲོད་བསྟེན་ལྷན་ཚོགས་ནས་ཏོག་དབྱིབས་ནད་དུག་དང་འབྲེལ་བའི་ལས་དོན་དང་གནས་ཚུལ་སྤྲོད་ལེན་ཆེད་དུ། ཐའེ་ཝན་གྱི་འཕྲོད་བསྟེན་ལས་ཁུངས་དང་ཐད་ཀར་འབྲེལ་བ་བྱས་ན་ལས་དོན་ཚགས་ཚུད་ཡོང་རྒྱུ་ཡིན་པའི་བསམ་འཆར་བཏོན་པར། རྒྱ་ནག་གི་སྐུ་ཚབ་ཀྱིས་བསམ་འཆར་དེ་རིགས་ལ་དགག་བྱ་ཆེན་པོ་བྱས་ཏེ། རྒྱ་ནག་དབུས་གཞུང་གིས་ཐའེ་ཝན་མི་མང་རྣམས་ཀྱི་བདེ་སྡུག་ལ་སེམས་ཁུར་བྱེད་ཀྱི་ཡོད་པས། གལ་ཆེའི་ལས་དོན་ཆེད་དུ་ཐའེ་ཝན་དང་མཉམ་ལས་བྱེད་ཀྱི་ཡོད་པ། ཐའེ་ཝན་དེ་རྒྱ་ནག་གི་ཆ་ཤས་ཡིན་པའི་བདེན་པ་དེ་འགྱུར་བ་གཏོང་ཐབས་བྲལ་བས། འབྲེལ་ཡོད་རྒྱལ་ཁབ་ཚོས་ཐའེ་ཝན་གྱི་གནད་དོན་དེ་ཆེན་པོ་བཟོ་མི་རུང་སྐོར་བརྗོད་ཡོད་འདུག འཛམ་གླིང་འཕྲོད་བསྟེན་ལྷན་ཚོགས་ཀྱིས་ཐའེ་ཝན་དེ་ཚོགས་མི་རྒྱལ་ཁབ་གཅིག་ཏུ་ངོས་འཛིན་བྱེད་ཀྱི་མེད་པས། ཏོག་དབྱིབས་ནད་དུག་དང་འབྲེལ་བའི་ལས་དོན་ཆེད་དུ། ཐད་ཀར་ཐའེ་ཝན་གཞུང་ལ་འབྲེལ་བ་བྱེད་ཀྱི་མེད་ཁར།

Read more

འཛམ་གླིང་གིས་བསྟོད་བསྔགས་འཐེན་སའི་རྒྱ་གར་དེ་འགྱུར་ཟིན། 

ཤ་ཤིའི-ཐར་རོར་(Shashi Tharoor)གྱིས་བརྩམས།  དཀོན་མཆོག་རབ་བརྟན་གྱིས་བོད་སྒྱུར་ཞུས།  ངས་ད་ལྟའི་གཞུང་འཛིན་ཚོགས་པ་ལ་རྒྱབ་སྐྱོར་བྱེད་མཁན་ཞིག་དང་རྩོད་གླེང་བྱེད་དུས་དང་། ལྷག་པར་དུ་རྩོད་པ་རྒྱག་མཁན་དེ་ལ་ངས་བཤད་པའི་འགལ་ཟླ་ཆེ་བའི་ཆབ་སྲིད་ཀྱི་མཁའ་དབུགས་དང་། སྤྱི་ཚོགས་ཀྱི་ཟང་ཟིང་། དཔལ་འབྱོར་ཉམས་ཆག་བཅས་ཀྱི་ཐོག་ལ་དགག་ལེན་གང་ཡང་མེད་པའི་སྐབས་ལ་རྟག་ཏུ་ལན་ཞིག་ཡོང་བ་ནི། “མ་མཐར་ཡང་ད་ལྟ་འཛམ་གླིང་ནང་རྒྱ་གར་གྱི་མཚན་མཐོང་དེ་སྔར་འབྱུང་མྱོང་མེད་པའི་མཐོན་པོ་ཆགས་ཡོད”ཅེས་པ་དེ་རེད། ང་རང་ཧོན་ཐོར་ནས་འགྲམ་པ་ལུག་དུས། ‘བླུན་པོ’དེས་མ་མཐུད་“ད་ལྟ་ཐེངས་དང་པོར་རྒྱ་གར་བ་རྣམས་འཛམ་གླིང་ནང་མགོ་བོ་མཐོན་པོར་དགྱེ་ཐུབ”ཅེས་བཤད་ངེས་རེད།  ཧ་ལས་དགོས་པའི་གནས་ཚུལ་རྫུན་མ་འདིས་བྷི་ཇི་ཕི་(BJP)ཚོགས་པས་དོ་ནན་ཆེན་པོས་སྤྱི་ཚོགས་དྲ་ལམ་དུ་ཁྱབ་སྤེལ་བཏང་བའི་རྫུན་བསྒྲགས་ཀྱི་ཤུགས་རྐྱེན་ཟབ་མོ་དེ་སྟོན་ཞིང་། སྤྱི་ཚོགས་དྲ་ལམ་ཐོག་ཡང་བཤད་བསྐྱར་ཟློས་ཁོ་ནས་ཡིད་ཆེས་སུ་འཇུག་གི་ཡོད། ཡིན་ན་ཡང་། བདེན་པ་ནི་དེ་ལས་ཡོངས་སུ་ལྡོག་ཡོད་དེ། ད་ལྟ་འཛམ་གླིང་ནང་རྒྱ་གར་གྱི་མཚན་མཐོང་ཆེས་དམའ་ཤོས་སུ་ལྷུང་ཡོད།  འདི་བཤད་པ་ལ་ང་རང་དགའ་སྤྲོ་སྐྱེ་ཡི་མི་འདུག ང་རང་ཆབ་སྲིད་ཕྱོགས་འགལ་ཚོགས་པའི་(Congress)འཐུས་མི་ཞིག་ཡིན་ན་ཡང་། ངས་རང་ཉིད་ཀྱི་ལུང་པ་དེ་གོ་ལ་ཡོངས་ནས་མཐོང་ཆེན་བྱས་ན་འདོད་ཅིང་། དེ་ཡང་དར་ཞིང་རྒྱས་པའི་མང་གཙོ་དང་། རང་དབང་དང་གུ་ཡངས་ཀྱི་སྤྱི་ཚོགས་ཁྲོད་རིག་གཞུང་དང་ཆོས་ལུགས་སྣ་ཚོགས་ཇི་ལྟར་མཉམ་གནས་ཐུབ་པའི་འཛམ་གླིང་གི་དཔེ་མཚོན་ཞིག་ཏུ་བརྩིས་པའི་ཐོག་ནས་བྱས་ན་འདོད།

Read more

གྲོས་ཚོགས་གོང་མས་སྲིད་འཛིན་ཊོམ་ལ་ནག་ཉེས་མེད་པའི་ཐག་གཅོད་བྱས་འདུག

སྤྱི་མཐུན་ཚོགས་པའི་ཚོགས་མི་མང་ཆེ་བ་ཡོད་པས་ཨ་རིའི་གྲོས་ཚོགས་གོང་མའི་ནང་འོས་བསྡུ་བྱས་ཏེ། སྲིད་འཛིན་ཊོམ་ལ་ཉེས་འཛུགས་ཀྱི་དོན་ཚན་གཉིས་ཀའི་ཐོག་ནག་ཉེས་མེད་པའི་ཐག་གཅོད་བྱས་འདུག་པ་དང་། ཟླ་བ་༤ ལྷག་རིང་སྲིད་འཛིན་ཊོམ་ལ་ཉེས་འཛུགས་ཀྱི་ལས་དོན་དེ་གཞུང་འབྲེལ་ཐོག་ནས་མཇུག་བསྒྲིལ་ཡོད་ཁར། ཊོམ་གནས་དབྱུང་བཏང་ཐུབ་མེད་པས་མང་གཙོ་ཚོགས་པའི་མངོན་འདོད་གྲུབ་མེད་པ་རེད་དེ། འོས་བསྡུ་སླེབས་ལ་ཉེ་བས་ཕྱོགས་ཁག་ཚང་མས་ལས་དོན་དེར་ཤུགས་སྣོན་རྒྱག་པའི་དུས་ལ་སླེབས་ཡོད་པ་རེད། ཟླ་༢ པའི་ཚེས་༥ ཉིན་ཨ་རིའི་གྲོས་ཚོགས་གོང་མའི་ནང་དུ། སྲིད་འཛིན་ཊོམ་ལ་ཉེས་འཛུགས་ཀྱི་ཉན་ཞིབ་ལས་དོན་མཐའ་མ་སྟེ་ནག་ཉེས་ཡོད་མེད་ཐད་འོས་བསྡུ་བྱས་ཡོད་པ་རེད། སྐབས་དེར་ཊོམ་ལ་ཉེས་འཛུགས་དོན་ཚན་དང་པོ་སྟེ་དབང་ཆ་ལོག་སྤྱོད་བྱས་ཡོད་པའི་ཐད། གྲོས་ཚོགས་འཐུས་མི་༥༢ ཀྱིས་ནག་ཉེས་མེད་པའི་འོས་ཤོག་འཕངས་ཡོད་པ་དང་། ༤༨ ཀྱིས་ནག་ཉེས་ཡོད་པའི་འོས་ཤོག་འཕངས་འདུག་པས། ནག་ཉེས་བསགས་ཡོད་པའི་ཐག་གཅོད་བྱེད་པར་དགོས་ངེས་ཀྱི་འོས་ཤོག་གསུམ་ཆ་གཉིས་མ་ལོན་ནས་དབང་ཆ་ལོག་སྤྱོད་བྱས་མེད་པ་ཐག་གཅོད་བྱས་འདུག ཉེས་འཛུགས་དོན་ཚན་དེར་སྤྱི་མཐུན་ཚོགས་པའི་གྲོས་ཚོགས་གོང་མའི་འཐུས་མིའི་ཁོངས་ནས་རཱོམ་ནཱི་གཅིག་པུས་སྲིད་འཛིན་ཊོམ་ལ་ནག་ཉེས་ཡོད་པའི་འོས་ཤོག་འཕངས་ཏེ། རང་གི་སྲིད་དོན་ཚོགས་པ་དང་རྒྱབ་འགལ་ཕྱིན་ཡོད་པས། གླེང་སློང་གི་གནད་དོན་ཆེན་པོ་ཆགས་འདུག ཉེས་འཛུགས་དོན་ཚན་གཉིས་པ་སྟེ་གྲོས་ཚོགས་ཀྱི་ལས་དོན་བཀག་འགོག་བྱས་ཡོད་པའི་ཐད།

Read more
Page 2 of 76412345...Last »