བཙན་དབང་འཁྲིག་སྤྱོད་བྱེད་མཁན་ཡེ་ཤུ་བླ་ཆེན་ཞིག་བཙོན་འཇུག་བྱས་འདུག

དེང་གི་ཆར་ཡེ་ཤུ་ཁེ་ཐོ་ལེག་ཆོས་ལུགས་ནང་། བླ་ཆེན་དང་ཆོས་དཔོན་སོགས་ཀྱིས་ཕྲུ་གུ་མང་པོར་བཙན་གཡེམ་དང་ཚུལ་མིན་གྱི་འཁྲིག་སྤྱོད་རོགས་བྱས་པའི་གནས་ཚུལ་ཕྱིར་ཐོན་བཞིན་པ་དང་བསྟུན། དེ་སྔོན་ཡེ་ཤུ་བླ་དཔོན་ལ་ལམ་སྟོན་བྱེད་མཁན་བླ་ཆེན་འཁོར་ཚོགས་ནང་ཡིན་པའི་བླ་ཆེན་ཞིག་གིས། ཕྲུ་གུ་གཉིས་ལ་བཙན་དབང་འཁྲིག་སྤྱོད་བྱས་པའི་ནག་ཉེས་ཕོག་ནས་ལོ་༦ གི་བཙོན་འཇུག་ཁྲིམས་ཐག་བཅད་འདུག ཁོ་ནི་ད་བར་གནད་དོན་དེའི་ཁྲིམས་ཐག་བཅད་པའི་ཡེ་ཤུའི་བླ་ཆེན་གོ་གནས་མཐོ་ཤོས་དེ་ཡིན་འདུག ཟླ་༣ པའི་ཚེས་༡༣ ཉིན་རྒྱལ་སྤྱིའི་བརྒྱུད་ལམ་ཁག་ཏུ་གནས་ཚུལ་སྤེལ་གསལ། ཨོ་སི་ཀྲོ་ལི་ཡའི་མེལ་བྷོན་གྲོང་ཁྱེར་གྱི་ཁྲིམས་ཁང་ཞིག་ཏུ། རང་ལོ་༧༧ སོན་པའི་ཡེ་ཤུ་ཁེ་ཐོ་ལེག་གི་བླ་ཆེན་ཇོར་ཇེ་པཱེལ་གྱིས། ཕྲུ་གུ་གཉིས་ལ་བཙན་དབང་འཁྲིག་སྤྱོད་བྱས་པའི་ནག་ཉེས་ལ་ལོ་དྲུག་གི་བཙོན་འཇུག་ཁྲིམས་ཐག་བཅད་འདུག་པ་དང་། སྐབས་དེར་ཨོ་སི་ཀྲོ་ལི་ཡའི་ས་གནས་མང་པོ་ཞིག་ནས། དེ་སྔོན་ཡེ་ཤུ་ཁེ་ཐོ་ལེག་གི་བླ་ཆེན་དང་ཆོས་དཔོན་སོགས་ཀྱི་ལག་ནས་བཙན་དབང་འཁྲིག་སྤྱོད་ཀྱི་གནོད་འཚེ་ཕོག་མྱོང་མཁན་མང་པོ་ཞིག་ཆེད་དུ་ཉན་ཞིབ་བྱེད་པར་སླེབས་ཏེ། ཁྲིམས་ཁང་ནང་དུ་མི་མང་དྲགས་ནས་རྐུབ་སྟེགས་སྣོན་མ་སྒྲིག་འཇོག་བྱེད་དགོས་འཁེལ་འདུག དེ་ཡང་ལོ་སྔོན་མའི་ཟླ་༡༢ པའི་ནང་ཁྲིམས་ཁང་གི་བཤེར་དཔང་རྣམས་ཀྱིས་སྤྱི་མོས་ཐོག་ནས། བླ་ཆེན་པཱེལ་གྱིས་ཕྲུ་གུ་ལོ་ན་༡༦ འོག་ཡིན་པ་ཞིག་ལ་བཙན་དབང་ཐོག་ནས་མཚན་མ་ནང་འཇུག་གི་འཁྲིག་སྤྱོད་ཀྱི་གནོད་འཚེ་བཏང་ཡོད་པ་དང་།

Read more

ལ་དྭགས་བྱང་ཐང་ཁུལ་གྱི་བོད་མིའི་འབྲོག་པར་གངས་སྐྱོན་ངལ་སེལ་ཆེད་ཛ་དྲག་གི་རོགས་སྐྱོར་ཞུ་བཞིན་འདུག

བོད་མི་༢༣༥༠ ཙམ་འཚོ་སྡོད་བྱེད་བཞིན་པའི་ལ་དྭགས་བྱང་ཐང་ཁུལ་དུ་གངས་སྐྱོན་ཆེན་པོ་བྱུང་སྟེ་ཁ་བ་དང་བུ་ཡུག་གི་ཁྲོད་དུ་འབྲི་གཡག་དང་ར་ལུག་མང་པོ་ཞིག་འཁྱགས་ལྟོགས་ཀྱིས་འཆི་བཞིན་ཡོད་པས་ས་ཕྱོགས་གང་སར་བཞུགས་པའི་བོད་རིགས་སྤུན་ཟླ་ཚོར་གཟན་རྩྭ་ཉོ་བྱེད་སོགས་གངས་སྐྱོན་ངལ་སེལ་ཆེད་ཛ་དྲག་གི་རོགས་སྐྱོར་འབོད་སྐུལ་ཞུ་བཞིན་འདུག དེ་ཡང་ད་ལོ་དགུན་ཁར་ས་ཆ་གང་སར་དུ་ཁ་བ་འབབ་ཡུན་རིང་ཞིང་གྲང་ངར་ཆེ་བར་བརྟེན་བོད་ནང་གི་ཡུལ་ཤུལ་ཁུལ་སོགས་སུ་གངས་སྐྱོན་གྱིས་སྒོ་ཕྱུགས་དང་རི་དྭགས་ཕོན་ཆེན་འཁྱགས་ལྟོགས་ཀྱིས་ཤི་ཡོད་པ་བཞིན། ཉེ་ཆར་ལ་དྭགས་བྱང་ཐང་ཁུལ་དུ་ཡང་གངས་སྐྱོན་ཆེན་པོ་བྱུང་སྟེ་དེར་འཚོ་བ་སྐྱེལ་བཞིན་པའི་བོད་པའི་འབྲོག་པ་ཚོའི་སྒོ་ཕྱུགས་མང་པོ་ཞིག རྩྭ་མ་རག་པ་དང་གྲང་ལྷགས་ཆེ་བས་འཁྱགས་ལྟོགས་ཀྱིས་ཤི་དང་འཆི་བཞིན་པའི་ཛ་དྲག་གི་དཀའ་ངལ་འཕྲད་ཀྱིན་ཡོད་པ་དེ། ལ་དྭགས་བསོད་ནམས་གླིང་ས་གནས་འགོ་འཛིན་གྱིས་གནས་སྟངས་དངོས་ཡོད་རྒྱུས་ལོན་གནང་བ་ཞིག་རེད་འདུག བོད་མིའི་སྒྲིག་འཛུགས་ནང་སྲིད་ལས་ཁུངས་ནས་ངལ་སེལ་ཆེད་ཧིན་སྒོར་འབུམ་ལྔ་དང་ས་གནས་རྒྱ་གར་གཞུང་གིས་གཟན་རྩྭ་དོས་སྐྱེལ་རླངས་འཁོར་དྲུག་ཙམ་རོགས་སྐྱོར་གནང་བའི་གནས་ཚུལ་འདུག་སྟེ། དེ་ཙམ་གྱིས་སྒོ་ཕྱུགས་མང་པོའི་འཁྱགས་ལྟོགས་ཡུན་རིང་སེལ་ཐབས་མེད་པ་རེད། འབྲོག་པའི་འཚོ་རྟེན་ནི་འབྲི་གཡག་ར་ལུག་བཅས་ཡིན་ཞིང་དེ་ཤི་བ་ཡིན་ན་འབྲོག་པའི་འཚོ་བ་རྟེན་ས་མེད་པ་ཞིག་ཆགས་ཀྱི་ཡོད་སྟབས། སྒོ་ཕྱུགས་ཤི་བ་རྣམས་ཀྱི་ཚབ་ཏུ་སླར་ཉོ་བྱེད་དང་གསོན་པ་ཚོར་གཟན་རྩྭ་སྟེར་བྱེད་བཅས་ཀྱི་སླད་དུ། རང་རེའི་བོད་པ་ཚོས་ཆ་རྐྱེན་ཞན་ཞིང་འགྲུལ་ལམ་སྟབས་མེད་པའི་ལ་དྭགས་བྱང་ཐང་གི་བོད་ཀྱི་འབྲོག་པ་ཚོའི་འཚོ་རྟེན་ལ་དཀའ་ངལ་འཕྲད་བཞིན་པ་དེར། རིགས་གཅིག་གི་སྤུན་ཟླའི་བརྩེ་སེམས་དང་གཞན་ཕན་གྱི་དགོངས་པ་ཆེར་བཞེས་ཐོག་ཛ་དྲག་གི་རོགས་སྐྱོར་འབོད་སྐུལ་ཞུ་བཞིན་འདུག སྤྱིར་ལ་དྭགས་ཁུལ་དུ་བོད་མི་བཙན་བྱོལ་བ་ ༧༥༤༦ ཡོད་པ་ལས་བྱང་ཐང་ཁུལ་དུ་འབྲོག་པའི་འཚོ་བ་སྐྱེལ་བཞིན་པའི་བོད་མི་ ༢༣༥༠ ཡོད་འདུག གནས་ཚུལ་འདིར་བདེན་མིན་དོགས་འདྲི་དང་ཞལ་འདེབས་གཏོང་སྟངས་སོགས་ཀྱི་སྐོར་ཤེས་རྟོགས་དགོས་ཚེ་ནང་སྲིད་དྲུང་ཆེའི་དྲ་རྒྱའི་ཁ་བྱང་homesecretary@tibet.net ཐོག་ཐད་ཀར་འབྲེལ་བ་གནང་ན་འགྲིག་གི་ཡོད་པ་རེད།། གསར་འགོད་པ་བསྟན་འཛིན་ལམ་བཟང་།

Read more

བོད་ཀྱི་བུད་མེད་སྒེར་ལངས་ཐེངས་༦༠ པ་སྲུང་བརྩི་རྒྱ་ཆེར་ཞུས་སོང་།

རྒྱལ་གཅེས་དཔའ་བོ་དཔའ་མོ་ཚོའི་བློས་བཏང་ལ་དྲན་གསོ་ཞུ་ཆེད་ནུས་པ་བསྐྱར་གསོ་བྱས་པའི་ཐོག ཆོད་སེམས་བརྟན་པོས་བོད་ཀྱི་འཐབ་རྩོད་དེ་དག་རྒྱུན་འཁྱོངས་བྱ་རྒྱུའི་དམ་བཅའ་འཇོག་རྒྱུ་ཡིན་ཞེས་བུད་མེད་སྒེར་ལངས་ཐེངས་༦༠ པའི་ཐོག་བསྒྲགས་གཏམ་སྤེལ་སོང་། ཕྱི་ལོ་༢༠༡༩ ཟླ་ ༣ ཚེས་༡༢ ཉིན་བོད་ཀྱི་བུད་མེད་སྒེར་ལངས་ཐེངས་༦༠ པ་ཐེག་ཆེན་ཆོས་གླིང་གཙུག་ལག་ཁང་གི་འགྲམ་དུ་ཡོད་པའི་དཔའ་བོའི་རྡོ་རིང་གི་མདུན་དུ་སྲུང་བརྩི་ཞུས་ཡོད་པ་དང་། སྐབས་དེར་སྐུ་མགྲོན་གཙོ་བོ་བོད་མི་མང་གི་སྤྱི་འཐུས་སྒྲོལ་མ་ཚེ་རིང་ལགས་དང་། དམིགས་བསལ་སྐུ་མགྲོན་བཀའ་ཟུར་རིན་ཆེན་མཁའ་འགྲོ་དང་རྡ་ས་གྲོང་སྡེའི་སྤྱི་ཁྱབ་ཟུར་པ་ལྕམ་ར་ཅི་ནི་ཝས། བོད་མི་མང་སྤྱི་འཐུས་དང་ས་གནས་འགོ་འཛིན། གཞུང་འབྲེལ་མ་ཡིན་པའི་ཚོགས་པ་ཁག་གི་འགན་འཛིན་གྱིས་གཙོས་པའི་སློབ་ཕྲུག་དང་བཙུན་མ། དེ་བཞིན་རྡ་སའི་གཡས་གཡོན་དུ་གནས་སྡོད་ཀྱི་བུད་མེད་སོགས་ལོ་ན་རྒན་གཞོན་མེད་པར་བུད་མེད་བརྒྱ་ཕྲག་དུ་མ་ཞིག་མཉམ་ཞུགས་གནང་འདུག ཐོག་མར་རྒྱལ་གཅེས་དཔའ་བོ་དཔའ་མོ་རྣམས་ཀྱི་བཀའ་དྲིན་རྗེས་དྲན་ཆེད་མྱ་ངན་གུས་འདུད་ཀྱིས་ངག་བཅད་སྐར་མ་གཅིག་བྱས་རྗེས་བོད་རྒྱལ་ཁབ་ཆེན་པོའི་རྒྱལ་གླུ་དང་བུད་མེད་ལངས་གླུ་བཅས་བླངས་སོང་། དེ་ནས་བུད་མེད་ལྷན་ཚོགས་ཀྱི་དབུས་སྤྱི་ཁྱབ་ཚོགས་གཙོ་སྒྲོལ་མ་དབྱངས་ཅན་ལགས་ནས་བུད་མེད་སྒེར་ལངས་ཀྱི་བསྒྲགས་གཏམ་སྒྲོག་སྦྱང་གནང་རྗེས། བུད་མེད་ལྷན་ཚོགས་ཀྱི་སློབ་སྟོན་པ་བཀའ་ཟུར་རིན་ཆེན་མཁའ་འགྲོ་ལགས་ཀྱིས་བོད་ནང་དུ་བོད་ཀྱི་བུད་མེད་སྒེར་ལངས་ལང་དགོས་པའི་སྐོར་དང་། ང་ཚོར་མི་རེ་ངོ་རེ་ལ་བོད་རྒྱལ་ཁབ་དང་སྐད་ཡིག དེ་བཞིན་རིག་གཞུང་བཅས་ཀྱི་ཆེད་དུ་འགན་འཁྲི་ག་རེ་ཡོད་མེད་སོགས་ཀྱི་སྐོར་གསུངས་པ་མ་ཟད། སློབ་ཕྲུག་ཚོར་ཆེད་དུ་པོ་རྨོ་ཚོར་རྒྱ་གར་ཡོང་དོན་དང་ང་ཚོ་རྒྱ་གར་ག་རེ་བྱས་ནས་བསྡད་པའི་དོན་ཤེས་དགོས་ཚུལ་དང་སློབ་སྦྱོང་དང་ཀུན་སྤྱོད་ཀྱི་སྐོར་ལ་བཀའ་སློབ་གནང་སོང་།

Read more

བོད་དོན་ལས་འགུལ་བ་རྒྱ་གར་ཉེན་རྟོག་པས་བཀག་ཉར་བྱས།

 ཟླ་འདིའི་ཚེས་༡༢ ཉིན་ཏེ། རྒྱ་ནག་གིས་བོད་དབང་བསྒྱུར་བྱས་ནས་ལྷ་སར་བོད་ཀྱི་བུད་མེད་སྒེར་ལངས་བྱས་ནས་ལོ་དྲུག་ཅུ་འཁོར་བའི་ཉིན་མོ་དང་སྟབས་བསྟུན། བོད་ཀྱི་གཞོན་ལྷན་གྱིས་གོ་སྒྲིག་བྱས་པའི་གསུམ་བཅུའི་དུས་དྲན་གྱི་ལས་འགུལ་ཉིན་གསུམ་པར་རྒྱ་ནག་གཞུང་ཚབ་སྒོ་རུ་ངོ་རྒོལ་དང་། གཞུང་ཚབ་ནང་རྒོད་མཆོང་བྱེད་ཐབས་བྱས་པར་བརྟེན། རྒྱ་གར་ཉེན་རྟོག་པས་བོད་མི་༡༥༠ ལྷག་བཀག་ཉར་བྱས་ཡོད་པ་རེད། དེ་ཡང་ཉིན་དེའི་ལས་འགུལ་རུ་ཁག་གཉིས་སུ་བགོས་ཡོད་པ་དང་། རུ་ཁག་དང་པོས་ལྡི་ལིའི་རྒྱ་ནག་གཞུང་ཚབ་ཀྱི་ཉེ་འཁྲིས་ཁྲཱན་མ་ཊི་མར་(Teen Murti Marg) ས་གནས་ནས་གོམ་བགྲོད་ཁྲོམ་སྐོར་བྱས་ཏེ། རྒྱ་ནག་གཞུང་ཚབ་ཕྱོགས་སུ་བསྐྱོད་སྐབས། ཉེན་རྟོག་པས་བཀག་འགོག་བྱས་པ་དང་། རུ་ཁག་གཉིས་པའི་ནང་མི་བརྒྱ་དང་ལྔ་བཅུས་རྒྱ་ནག་གཞུང་ཚབ་འཁྲིས་ལ་གསང་བའི་ཐོག་བསྐྱོད་ནས། གཞུང་ཚབ་སྒོ་རུ་ངོ་རྒོལ་སྐད་འབོད་བྱེད་བཞིན་གཞུང་ཚབ་ནང་འཛུལ་ཐབས་བྱས་པར་བརྟེན། རྒྱ་གར་ཉེན་རྟོག་པ་དང་དམག་མིས་ལས་འགུལ་བ་ཚང་མ་འཇུས་ནས་བཀག་ཉར་བྱས་ཡོད་པ་རེད། ལས་འགུལ་དེའི་འགན་ཁུར་བ་གཞོན་ལྷན་གྱི་ཕྱི་འབྲེལ་འགན་འཛིན་ཚེ་དབང་སྒྲོལ་མས་གསུང་དོན། “གཞོན་ལྷན་གྱི་གཞི་རྒྱ་ཆེ་བའི་ལས་འགུལ་ཉིན་གསུམ་པ་རེད། གཙོ་བོ་ང་ཚོའི་དགྲ་དེ་རྒྱ་ནག་ཆགས་བསྡད་ཡོད་པས།

Read more

འཛམ་གླིང་རྒྱལ་ཁབ་གང་སར་ནས་བོད་མི་ཚོས་གསུམ་བཅུའི་དུས་དྲན་ཐེངས་༦༠ པ་སྲུང་བརྩི་རྒྱ་ཆེར་ཞུས།

རྒྱ་དམར་གཞུང་གི་བཙན་འཛུལ་ལ་འགོག་རྒོལ་ཆེད་མདོ་དབུས་ཁམས་གསུམ་གྱི་བོད་མིས་ཕྱི་ལོ་༡༩༥༩ ཟླ ༣ པའི་༡༠ ཉིན་རང་དབང་སྒེར་ལངས་བྱས་ཏེ་ད་བར་ལོ་ངོ་༦༠ འཁོར་བའི་ཉིན་མོར་འཛམ་གླིང་གི་རྒྱལ་ཁབ་གང་སར་དུ་གནས་སྡོད་བྱེད་བཞིན་པའི་བོད་རིགས་དང་བོད་དོན་རྒྱབ་སྐྱོར་བ་རྣམས་ཀྱིས་མཉམ་སྦྲེལ་རྒྱལ་ཁབ་དང་རྒྱ་མིའི་གཞུང་ཚབ་སོགས་ཀྱི་མདུན་དུ་ཚོར་ཤུགས་ཆེན་པོས་དུས་དྲན་སྲུང་བརྩི་ཞུས་ཡོད་པ་རེད། ཕྱི་ལོ་༡༩༥༩ ཟླ་༣ ཚེས་༡༠ ཉིན་མོར་མདོ་དབུས་ཁམས་གསུམ་གྱི་བོད་མི་སྐྱ་སེར་དང་རྒན་གཞོན་དབྱེར་མེད་ཀྱིས་མ་གྲོས་བསམ་པ་གཅིག་མཐུན་ཐོག་རྒྱ་ནག་དམར་པོའི་གཞུང་གིས་བོད་ས་བཙན་བཟུང་དང་། བོད་མི་རྡུང་རྡེག་དང་དམར་གསོད། རིག་གཞུང་རྩ་གཏོར་དང་༧གོང་ས་མཆོག་གི་སྐུ་དབང་ལ་ཐེ་བྱུས་བྱེད་པ་སོགས་ཀྱི་བྱ་འགུལ་ཤུགས་ཆེ་རུ་ སོང་བ་དང་བསྟུན་བོད་མདོ་དབུས་ཁམས་གསུམ་གྱི་བོད་མིས་རྒྱ་དམར་འགོག་རྒོལ་དང་༧གོང་ས་མཆོག་གི་སྐུ་ཕྱ་སྲུང་སྐྱོབ་སོགས་ཀྱི་དོན་དུ་བོད་མིའི་རང་དབང་གི་སྒེར་ལངས་ཆེན་མོ་བྱས་པའི་ཉིན་ནས་བཟུང་། དེ་རིང་ཡན་གྱི་ལོ་ངོ་༦༠ ནང་དུ་རྒྱ་དམར་གྱིས་བོད་ལ་དམ་དྲག་ཇེ་ཆེར་བཏང་སྟེ་མིང་བྱང་ཆེན་པོ་བཞི་གཙོ་བོར་བྱས་པའི་ཐོག་ནས་དགོན་སྡེ་གཏོར་བཤིག རིག་གཞུང་རྩ་གཏོར། རྒྱ་ཡི་མི་སེར་དར་སྤེལ། བོད་མི་མང་པོའི་ཚེ་སྲོག་འཕྲོགས་པ། རྨས་པ། བཙོན་དུ་བཅུག་པ།

Read more

མཉམ་སྦྲེལ་རྒྱལ་ཁབ་སྒོ་རུ་བོད་མིའི་ཞུ་འབོད་དང་དཔོན་རིགས་ལ་ཐུག་འཕྲད།

བོད་མིའི་སྒེར་ལངས་གསུམ་བཅུའི་དུས་དྲན་ཐེངས་དྲུག་ཅུ་པའི་གཞོན་ལྷན་གྱི་རྒྱ་ནག་ལ་ངོ་རྒོལ་གྱི་ལས་འགུལ་ཉིན་གཉིས་པར་མི་མང་གིས་ངོ་རྒོལ་ཁྲོམ་སྐོར་དང་། ལྡི་ལིར་རྟེན་གཞི་བྱས་པའི་མཉམ་འབྲེལ་རྒྱལ་ཁབ་ལས་ཁུངས་སུ་བོད་དོན་རྒྱབ་སྐྱོར་དགོས་པའི་སྙན་ཞུ་ཕུལ་ཡོད་པ་རེད།

Read more

རང་བཙན་སླར་གསོ་མ་ཐུབ་བར་བོད་ཀྱི་གཞོན་ལྷན་གྱིས་བཙན་རྒོལ་རྒྱལ་སྐྱོབ་མཚམས་འཇོག་རྒྱུ་མིན་སྐོར་གསུངས་སོང་།

“རང་བཙན་ཟེར་བའི་ཚིག་དེས་མི་མང་པོར་ནུས་པ་སྤྲོད་ཐུབ་པ་དང་། རང་བཙན་རྩོད་པ་ནི་དུས་ནམ་ཡང་ནོར་ཡོད་པ་མ་རེད་ལ། མང་གཙོའི་སྤྱི་ཚོགས་ནང་མི་ཚང་མར་བཤད་རྒྱུ་དང་ཉན་རྒྱུའི་ཐོབ་ཐང་ཡོད་རེད། བོད་ཀྱི་འཐབ་རྩོད་དེ་རང་བཙན་གཙང་མ་མ་རག་བར་དུ་རྩོད་རྒྱུ་རེད་ལ། ཁྱེད་ཚོ་ཚང་མས་འཚེ་མེད་ཞི་བའི་ཐོག་ནས་འཐབ་རྩོད་ཀྱི་མདུན་བསྐྱོད་བྱེད་ཐུབ་པའི་རེ་བ་ཡོད་”ཅེས་བོད་དོན་རྒྱབ་སྐྱོར་བ་ ལྡི་ལི་ས་གནས་གྲོས་ཚོགས་ཀྱི་འཐུས་མི་ལྕམ་ཨལ་ཀ་ལེམ་པ་ཡིས་གསུངས་སོང་།

Read more

བཞུགས་སྒར་དྷ་རམ་ས་ནས་གསུམ་བཅུའི་དུས་དྲན་ཐེངས་༦༠ པ་སྲུང་བརྩི་ཞུས།

རྒྱ་ནག་དམར་པོའི་བཙན་འཛུལ་ལ་ངོ་རྒོལ་ཆེད་བོད་མིའི་སྒེར་ལངས་གསུམ་བཅུའི་དུས་དྲན་ཐེངས་༦༠ པ་འཁོར་བའི་ཉིན་མོ་བཞུགས་སྒར་དྷ་རམ་ས་ནས་སྲུང་བརྩི་ཞུས་ཡོད་པ་རེད། ཕྱི་ལོ་༢༠༡༩ ཟླ་༣ ཚེས་༡༠ ཉིན་གྱི་ཞོགས་པའི་ཆུ་ཚོད་༡༠ ཐོག་བོད་ཀྱི་ཟློས་གར་ཚོགས་པའི་བསུ་བ་བཅས་ཀྱིས་སྐུ་མགྲོན་རྣམ་པ་གཙུག་ལག་ཁང་གི་མདུན་དུ་ཕེབས་ཏེ་བཞུགས་གྲལ་ཏུ་འཁོད། བོད་ཀྱི་ཟློས་གར་ཚོགས་པ་དང་མི་མང་རྣམས་ཀྱིས་བོད་རྒྱལ་ཁབ་ཆེན་པོའི་རྒྱལ་གླུ་བཏང་བ་དང་མཉམ་དུ་དཔལ་ལྡན་སྲིད་སྐྱོང་མཆོག་གིས་བོད་ཀྱི་རྒྱལ་དར་སྒྲེང་འཛུགས་གནང་བ་དང་། དེ་རྗེས་རྒྱལ་གཅེས་དཔའ་བོ་དཔའ་མོ་རྣམས་ལ་བཀའ་དྲིན་རྗེས་དྲན་དང་མྱ་ངན་ཞུ་སླད་ངག་བཅད་སྐར་མ་གཅིག་གནང་ཐོག་བོད་ཀྱི་ཟློས་གར་ཚོགས་པས་གསུམ་བཅུའི་དྲན་གླུ་བླངས་ཏེ་མཛད་སྒོ་དངོས་དབུ་འཛུགས་གནང་སོང་། ཐེངས་འདིར་སྐུ་མགྲོན་གཙོ་བོ་ཨ་ཧྥི་རི་ཀའི་ (Botswana)སྦོ་སྭོ་ཝ་ནའི་སྲིད་འཛིན་ཟུར་པ་འབུམ་རམས་པ་ཨེན་ཁ་མ་( lan khama)ལགས་གཙོས་པའི་ཡོ་རོབ་མཐུན་ཚོགས་ཀྱི་འཐུས་མི་དང་རྒྱ་གར་གྲོས་ཚོགས་ཀྱི་ཚོགས་མི། དེ་བཞིན་རྒྱ་ཁབ་མི་འདྲ་བ་བཅུ་ཡི་གྲོས་ཚོགས་ཀྱི་འཐུས་མི་དང་རྒྱ་ནག་བོད་དོན་རྒྱབ་སྐྱོར་ཚོགས་པ་གསུམ་གྱི་འཐུས་ཚབ་ཀྱིས་མཚོན། ཨ་རི་དང་ཨོ་སི་ཊོ་ལི་ཡ། ཡུ་རོབ་ཁུལ་བཅས་ནས་བོད་དོན་རྒྱབ་སྐྱོར་བ་དང་རྒྱ་ནག་སྐམ་ས་ཆེན་མོ་ནས་མང་གཙོ་དོན་གཉེར་བ་སོགས་མང་པོ་ཞིག་ཆེད་ཕེབས་གནང་ཡོད་པ་རེད།  གཞན་ཡང་བོད་མིའི་སྒྲིག་འཛུགས་ཀྱི་མང་གཙོའི་ཀ་བ་གསུམ་གྱི་མཛད་གཙོ་རྣམ་པ་དང་། བོད་མི་མང་སྤྱི་འཐུས་རྣམ་པ་གཙོས་པའི་གཞུང་དང་གཞུང་འབྲེལ་མ་ཡིན་པའི་ཚོགས་པ་སྐྱིད་སྡུག་ཁག་གི་འགན་འཛིན་རྣམས་དང་སློབ་ཕྲུག་སོགས་རྒྱལ་དར་ལག་ཏུ་ཐོགས་པའི་སེར་སྐྱ་མི་མང་སྟོང་ཕྲག་ལྷག་འདུ་འཛོམས་གནང་ཡོད་པ་རེད། སྐབས་དེར་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ་པདྨ་འབྱུང་གནས་ལགས་ཀྱིས་བོད་མི་མང་སྤྱི་འཐུས་ཀྱི་ལྷན་ཚོགས་ཀྱི་གཏམ་བཤད་གནང་ཡོད་པ་དང་། དཔལ་ལྡན་སྲིད་སྐྱོང་མཆོག་གིས་ཡོངས་ཁྱབ་ཏུ་སྲིད་སྐྱོང་གི་གསུང་འཕྲིན་གནང་སོང་།  དེ་རྗེས་རྒྱལ་ཁབ་གཞན་གྱི་གྲོས་ཚོགས་དང་བོད་དོན་རྒྱབ་སྐྱོར་ཚོགས་པ་བཅས་ཀྱི་འཐུས་མི་རྣམས་ཀྱིས་སེམས་ཚོར་ཆེན་པོས་བོད་དོན་རྒྱབ་སྐྱོར་གྱི་གཏམ་བཤད་རྒྱས་པ་གནང་རྗེས།

Read more

གསུམ་བཅུའི་དུས་དྲན་ཐེངས་ ༦༠ པའི་ཐོག་བོད་མི་མང་སྤྱི་འཐུས་ལྷན་ཚོགས་ཀྱི་གསུང་འཕྲིན།

༄༅། །ཕྱི་ལོ་ ༢༠༡༩ ཟླ་ ༣ ཚེས་ ༡༠ འདི་ནི་བོད་མི་རྣམས་ཀྱིས་རྒྱ་ནག་དབང་འཛིན་པར་ཞི་བའི་ངོ་རྒོལ་བྱས་ནས་ལོ་ངོ་  ༦༠ འཁོར་བའི་དུས་ཚིགས་གལ་ཆེན་ཞིག་ཆགས་ཡོད།   དེ་ཡང་ཐོག་མར་ཕྱི་ལོ་ ༡༩༤༩ ཟླ་ ༡༠ ཚེས་ ༡ ཉིན་རྒྱ་ནག་དམར་ཤོག་ཚོགས་པས་རྒྱ་ནག་མི་དམངས་སྤྱི་མཐུན་རྒྱལ་ཁབ་གསར་འཛུགས་བྱས་རྗེས་རྒྱ་དམག་གིས་བོད་ས་བཅིངས་གྲོལ་གཏོང་རྒྱུའི་མིང་འདོགས་འོག་བོད་ནང་བཙན་འཛུལ་གྱིས་བོད་ས་ཡོངས་རྗོགས་ཧམ་བཟུང་བྱ་འགོ་བཙུགས་པ་རེད། དུས་དེ་ནས་བཟུང་སྟེ་ལོ་ངོ་དགུ་ལྷག་ཙམ་རིང་སྐབས་དེའི་བོད་གཞུང་དང་༸གོང་ས་༸སྐུ་ཕྲེང་བཅུ་བཞི་པ་ཆེན་པོ་མཆོག་གིས་རྒྱ་ནག་དམར་གཞུང་མཉམ་གྲོས་མོལ་གྱི་ལམ་ནས་དཀའ་རྙོག་སེལ་ཐབས་འབད་བརྩོན་རིམ་མཐུད་བྱས་ཡོད་ཀྱང་། ༸གོང་ས་མཆོག་དང་བོད་གཞུང་ལ་བཀའ་བསྡུར་བཀའ་འཁྲོལ་གང་ཡང་མེད་པའི་ཐོག་ནས་རྒྱ་དམར་གཞུང་གིས་ང་ཕོད་ངག་དབང་འཇིགས་མེད་ཀྱིས་འགོ་ཁྲིད་པའི་བོད་གཞུང་གི་གྲོས་མོལ་སྐུ་ཚབ་ཚོགས་ཆུང་ལ་བཙན་དབང་འོག་གྲོས་མཐུན་དོན་ཚན་ ༡༧

Read more

གསུམ་བཅུའི་དུས་དྲན་ཐེངས་༦༠ པའི་ཐོག་སྲིད་སྐྱོང་གི་གསུང་འཕྲིན།

༄༅། །ཕྱི་ལོ་ ༡༩༥༩ ལོའི་དེ་རིང་གི་ཉིན་མོར་བོད་ཀྱི་རྒྱལ་ས་ལྷ་སར་ཆོལ་གསུམ་བོད་མི་སེར་སྐྱ་ཕོ་མོ་རྒན་གཞོན་ཁྲི་ཕྲག་བརྒལ་བས་མ་བགྲོས་བསམ་པ་གཅིག་མཐུན་གྱི་སྒོ་ནས། རྒྱ་གཞུང་གིས་བོད་ས་ཁྲིམས་འགལ་གྱིས་བཙན་བཟུང་དང་བོད་མིའི་ཐོག་མི་སྤྱོད་ལས་འདས་པའི་དྲག་གནོན་བྱས་པ་ལ་ཞི་བའི་སྒེར་ལངས་བྱས་པའི་བོད་ཀྱི་ལོ་རྒྱུས་ཐོག་བརྗེད་དུ་མེད་པའི་ཉིན་མོ་ཞིག་ཡིན་ཞིང། ལྷག་པར་བོད་མི་ཚོའི་བློས་གཏོང་གི་སྙིང་སྟོབས་དང་ཆོད་སེམས་ལ་ཡི་རངས་དང། རྒྱ་གཞུང་གི་དྲག་གནོན་འོག་འདས་གྲོངས་སུ་གྱུར་པ་རྣམས་ལ་མྱ་ངན་རྗེས་དྲན་བྱེད་དགོས་པའི་དུས་ཚེས་ཤིག་ཀྱང་ཡིན། དེ་ཡང་དེ་རིང་གི་ཉིན་མོ་འདིར་བོད་མི་ཚོས་རྡོག་རྩ་གཅིག་བསྒྲིལ་གྱིས་རྒྱ་དམར་གཞུང་གིས་བོད་མིར་བཙན་དབང་གདུག་རྩུབ་བྱས་པར། “བོད་ནི་བོད་མིའི་ཡིན། ཏཱ་ལའི་བླ་མའི་དབང་ཆར་ཐེ་བྱུས་བྱེད་པ་མཚམས་འཇོག་དགོས།” ཞེས་སོགས་ཞི་བའི་སྒོ་ནས་བོད་མི་མང་གི་མངོན་འདོད་གསལ་འདོན་བྱས་པ་དང། བོད་མིའི་འདི་ཕྱི་གཉིས་ཀྱི་མགོན་སྐྱབས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དགྲ་ལག་ཏུ་མ་ཤོར་བར་སྲུང་སྐྱོབ་ཐུབ་ཡོད་པར་དགའ་སྤོབས་བྱེད་ཆོག་པའི་དུས་ཚིགས་ཤིག་དང། ལྷག་པར་དེ་རིང་ནི་བོད་བསྟན་སྲིད་མི་རིགས་ཀྱི་དོན་དུ་ལུས་སྲོག་ལོངས་སྤྱོད་བློས་བཏང་གནང་མཁན་གྱི་དཔའ་བོ་དང་དཔའ་མོ་འདས་གསོན་ཡོངས་ཀྱི་ཆེད་དུ་མྱ་ངན་རྗེས་དྲན་དང་གུས་བཏུད་ཞུ་རྒྱུའི་དུས་ཚིགས་ཤིག་ཀྱང་ཡིན། མི་ལོ་ ༦༠ ཐམ་པའི་རིང་རྒྱ་ནག་གཞུང་གིས་བོད་མིའི་ཐོག་མི་སྤྱོད་ལས་འདས་པའི་གདུག་རྩུབ་དྲག་གནོན་དང་འགྲོ་བ་མིའི་གཞི་རྩའི་ཐོབ་ཐང་བརྡལ་བཤིག་བཏང་ཡོད་པ་མ་ཟད། འཆར་གཞི་དང་ལྡན་པའི་ཐོག་ནས་བོད་ཀྱི་ཐུན་མོང་མ་ཡིན་པའི་ཆོས་དང་རིག་གཞུང་སྐད་ཡིག་བཅས་བོད་མི་རིགས་ཀྱི་ངོ་བོ་རྩ་མེད་བཟོ་ཐབས་རིམ་པ་བྱས་ཡོད། བོད་ཀྱི་འབྲོག་པས་གཙོས་མི་མང་ས་ཡ་གཉིས་ལྷག་ཙམ་བཙན་དབང་གིས་གཞིས་སྤོ་བྱེད་དུ་བཅུག་སྟེ་སྲོལ་རྒྱུན་གྱི་འཚོ་བའི་ལམ་ལུགས་རྩ་མེད་དང་རང་དབང་ངང་འཚོ་བ་སྐྱེལ་རྒྱུའི་གོ་སྐབས་དང་མཐུན་རྐྱེན་མེད་པ་བཟོས་དང་བཟོ་བཞིན་ཡོད། ཨ་རིར་རྟེན་གཞི་བྱེད་པའི་འགྲོ་བ་མིའི་ཐོབ་ཐང་རྟོག་ཞིབ་ཚོགས་པས་འདི་ལོའི་ལོ་འཁོར་སྙན་ཐོའི་ནང་། རྒྱ་ནག་གཞུང་གིས་བོད་ཀྱི་བླ་ན་མེད་པའི་དབུ་འཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་དད་གུས་དང་རྒྱབ་སྐྱོར་བྱེད་མཁན་ཡིན་པའི་དོགས་གཞི་ཙམ་བྱུང་ནའང་ཁོང་ཚོར་ནག་ཉེས་གཡོགས་ནས་སྐྱོན་བརྗོད་ཐེར་འདོན་བྱེད་དགོས་པ་རྒྱ་ནག་རྒྱལ་ཡོངས་ནང་བཀོད་ཁྱབ་བྱས་ཡོད་སྐོར་གསལ་བཀོད་བྱས་ཡོད། དེ་ཙམ་མ་ཟད། བོད་མི་༸གོང་ས་མཆོག་ལ་བསྔོ་རྟེན་དང་སྐྱབས་རྟེན་འབུལ་མཁན་ཚུན་ཆད་ཁ་བྲལ་བར་ངོས་འཛིན་བྱེད་སྟངས་འདིས་ཆོས་དད་རང་དབང་མེད་པ་ཤིན་ཏུ་གསལ་པོ་ཡིན། གཞན་ཡང་ཨ་རིར་རྟེན་གཞི་བྱེད་པའི་རང་དབང་ཁང་པའི་སྙན་ཐོར་བོད་ནི་ལོ་བཞི་བསྟུད་མར་རང་དབང་དམ་བསྒྲགས་ཆེ་ཤོས་དེ་ཡིན་པར་གསལ་འདོན་བྱས་འདུག་པ་དང། དེ་བཞིན་རྒྱལ་མཚམས་མེད་པའི་གསར་འགོད་ཚོགས་པས་ཀྱང་། བོད་ནང་གསར་འགོད་རང་དབང་ཐོག་དམ་བསྒྲགས་ཧ་ཅང་ཆེན་པོ་ཡོད་པ་དང་། གསར་འགོད་པ་བོད་ནང་འགྲོ་འོང་བྱེད་རྒྱུ་ནི་བྱང་ཀོ་རི་ཡཱ་ལས་ཀྱང་དོ་དམ་ཆེ་བ་ཡོད་པ་གསལ་འདོན་བྱས་ཡོད། རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་ནང་མི་རིགས་ཁག་ཚང་མར་རང་ཉིད་ཀྱི་སྐད་ཡིག་བེད་སྤྱོད་དང་དར་རྒྱས་གཏོང་རྒྱུའི་རང་དབང་འགན་སྲུང་བྱས་ཡོད་པ་ལྟར་བཀྲིས་དབང་ཕྱུག་གིས་བོད་ཀྱི་སྐད་ཡིག་སྦྱོང་སྤྱོད་བྱེད་རྒྱུའི་ཐོབ་ཐང་སྤྲོད་དགོས་པའི་ཞུ་འབོད་བྱས་པར་མ་ཉེས་ཁ་གཡོགས་ཀྱིས་ལོ་ལྔའི་བཙོན་འཇུག་བྱས་ཡོད་པ་དང། དེ་བཞིན་བོད་རིགས་ལོ་ཆུང་སློབ་མ་རྣམས་ལ་གུང་གསེང་སྐབས་ཁུལ་སོ་སོའི་དགོན་སྡེ་ཁག་ཏུ་བོད་ཀྱི་སྐད་ཡིག་ཞོར་འཁྲིད་བྱེད་པ་ལའང་ཁྲིམས་འགལ་ཡིན་ལུགས་བརྗོད་དེ་བཀག་སྡོམ་བྱེད་པའི་གནས་ཚུལ་ཐོན་བཞིན་འདུག

Read more
Page 3 of 69912345...Last »