News

བལ་ཡུལ་དུ་བྱ་ནད་ཁྱབ་པ།

    ཟླ་འདིའི་ཚེས་༡༦ ཉིན་བལ་ཡུལ་གཞུང་ནས་བལ་ཡུལ་དང་རྒྱ་གར་གྱི་མཐའ་མཚམས་ཇཱ་པ་ས་ཁུལ་དུ་བྱ་ནད་དངོས་སུ་ཁྱབ་ཡོད་པའི་དྲིལ་བསྒྲགས་བྱས་ཡོད་པ་དང༌། དེ་ནི་བྱ་ནད་བལ་ཡུལ་དུ་ཁྱབ་པ་ཐེངས་དང་པོ་ཡིན་འདུག
    ལོ་སྔོན་མར་བལ་ཡུལ་དུ་བྱ་ནད་ཁྱབ་ཡོད་པའི་དོགས་གཞི་ཙམ་ལས་དངོས་སུ་ཁྱབ་ཡོད་མེད་ར་སྤྲོད་བྱུང་མེད་མོད་ད་ལོ་བྱ་རོ་ཁག་ཅིག་ལ་བརྟག་དཔྱད་བྱས་འབྲས་སུ་བདུན་ཕྲག་གཉིས་ཙམ་གྱི་གོང་ནས་རྒྱ་གར་ས་མཚམས་བརྒྱུད་བྱ་ནད་དངོས་སུ་ཁྱབ་ཡོད་པ་ཤེས་རྟོགས་བྱུང་འདུག བལ་གཞུང་ནས་ཁུལ་དེར་ལས་མི་དང་སྨན་བཅོས་བྱེད་མཁན་བཏང་ཡོད་པ་མ་ཟད།

Bangchen admin· · 0 མཆན་འགྲེལ། ·

རྔ་པ་ཀིརྟི་དགོན་པའི་གྲྭ་པ་ཞིག་འཛིན་བཟུང༌།

 ༢༠༠༨ ལོའི་ཕྱི་ཟླ་༣ པའི་ཚེས་༡༠ ནས་ད་ལྟ་བར་དུ་བོད་ནང་གི་ས་གནས་གང་སར་རྒྱ་གཞུང་ལ་ངོ་རྒོལ་ཤུགས་ཆེན་བྱས་ཡོད་ལ། རྒྱ་ནག་གཞུང་གིས་ལུགས་མཐུན་མིན་པའི་བོད་མི་རྣམས་ལ་ཁྲིམས་ཆད་བཙོན་འཇུག་གི་གནས་སྟངས་མཚམས་བཞག་མེད་པ་རེད། ཉེ་ཆར་རང་ལོ་ཉེར་བདུན་ལ་སོན་པའི་རྔ་པ་ཀིརྟི་དགོན་པའི་གྲྭ་བློ་བཟང་ཀིརྟི་ལགས་ཡིག་ཆ་སྦྱར་འགྲེམས་བྱེད་མཁན་ཡིན་པའི་དོགས་གཞིའི་འོག་རྒྱ་གཞུང་གིས་ཕྱི་ཟླ་༡ པོའི་ཚེས་༡༥ ཉིན་རྔ་པ་རྫོང་ཐོག་ཏུ་འཛིན་བཟུང་བྱས་པ་དང༌། གཞན་པ་ཁག་ཅིག་ལ་བཙོན་འཇུག་ཁྲིམས་ཐག་བཅད་ཡོད་འདུག

Bangchen admin· · Comments are Disabled ·

བོད་མིར་བཙོན་འཇུག་ཁྲིམས་ཆད།

    འདི་གར་དྷ་ས་ཏྲེ་ཧོར་སྐྱིད་སྡུག་ནས་གནས་ཚུལ་མཁོ་སྤྲོད་གནང་བ་ལྟར་ན། ཉེ་ཆར་དཀར་མཛེས་རྫོང་མཐིང་མཁར་ཤང༌། ལམ་གོང་གྲོང་ཚོའི་ཕ་བློ་བཟང་བརྩོན་འགྲུས་དང༌། མ་ཡེ་ཤེས་དབང་མོ་གཉིས་ཀྱི་བུ་མོ་རང་ལོ་༢༦ ཅན་བཀྲ་ཤིས་མཚོ་ལ་དུས་བཀག་བཙོན་འཇུག་ཁྲིམས་ཐག་ལོ་༢ དང་ཕྱེད། མཐིང་ཁ་ཤང་འབྲུག་ཉལ་ཚང་སྒྲོན་གཡང་གི་བུ་མོ་རང་ལོ་༢༠ ཙམ་ཅན་དུང་མཚོ་ལ་ལོ་༢ བཙོན་འཇུག་གི་ཁྲིམས་ཐག་བཅད་ཡོད་འདུག ཁོང་གཉིས་ནི་དཀར་མཛེས་དགེ་མ་བྲག་འོག་བཙུན་དགོན་གྱི་བཙུན་མ་ཡིན་པ་དང༌། ༢༠༠༨ ཟླ་༦ ཚེས་༡༨ ཉིན་དགོན་པར་དམ་དྲག་ཤིན་ཏུ་ཆེ་ཞིང་ཕན་ཚུན་འགྲོ་བསྐྱོད་མི་ཆོག་པའི་གནས་སྐབས་དེར་ཁོང་གཉིས་ནས་སྨན་ཁང་དུ་འགྲོ་བྱེད་ཀྱི་ལག་འཁྱེར་བླངས་ཏེ། དཀར་མཛེས་རྫོང་ཐོག་ཏུ་ཕྱིན་ནས་ཞི་རྒོལ་སྐད་འབོད་བྱེད་སྐབས་འཛིན་བཟུང་གིས་བཀག་ཉར་བྱས་པ་ཞིག་ཡིན་པ་རེད།

Bangchen admin· · 0 མཆན་འགྲེལ། ·

བལ་ཡུལ་དུ་ལོ་སར་གཏོང་མིན་སྐོར་གྱི་བསམ་ཚུལ།

   འདི་ལོར་བོད་ས་སྟོད་སྨད་གང་སར་བོད་མི་ཞི་རྒོལ་བར་རྒྱ་གཞུང་ནས་དྲག་གནོན་དང་སྡེབས་གསོད་བྱས་ཏེ་དཀའ་སྡུག་འོག་ཏུ་མྱོང་བཞིན་པའི་གཞིས་བཞུགས་བོད་མི་དེ་དག་ལ་གདུང་སེམས་མཉམ་སྐྱེད་མཚོན་བྱེད་དུ་བྱེས་བཞུགས་བོད་མི་རྣམས་ཀྱིས་འཆར་ལོའི་ལོ་སར་མི་གཏོང་བའི་འབོད་སྐུལ་ཚུལ་དུ་རྒྱ་གར་སོགས་ནས་མི་སྒེར་དང་ཚོགས་སྡེ་ཅི་རིགས་ནས་བསམ་ཚུལ་རབ་དང་རིམ་པ་ཐོན་ཡོད་མོད། བལ་ཡུལ་དུ་ལོ་སར་གཏོང་མིན་སྐོར་བསམ་ཚུལ་ཇི་ཡོད་ཤེས་རྟོགས་བྱུང་མེད་འདི་ག་གསར་ཁང་ནས་ཟླ་འདིའི་ཚེས་༡༨ དང་༡༩ བཅས་

Bangchen admin· · 0 མཆན་འགྲེལ། ·

རིགས་གཅིག་རྐང་འཛིན་པ་འཚོལ་བ།

བོད་གཞུང་ཤེས་རིག་ལས་ཁུངས་ཀྱི་ངོས་ནས་བཙན་བྱོལ་བོད་མིའི་སྤྱི་ཚོགས་ནང་རིག་གཅིག་རྐང་འཛིན་གྱི་མཁས་དབང་ག་ཚོད་ཡོད་མེད་གྲངས་ཐོ་ལེན་བཞིན་ཡོད་པ་དང༌། དེའི་སྐོར་ཤེས་རིག་དྲུང་འཕར་དངོས་གྲུབ་རྡོ་རྗེ་ལགས་སུ་བཅར་འདྲི་བྱས་པར། ཁོང་གིས་དེ་སྔོན་སློབ་མ་ཚོར་འཛིན་གྲྭ་༡༢ བར་ཤེས་ཡོན་སྤྲད་པ་དང༌། དེ་རྗེས་མཐོ་སློབ་ཀྱི་སློབ་ཡོན་འཚོལ་སྒྲུབ་སོགས་བྱེད་ཀྱི་ཡོད་པ་རེད་མོད།

Bangchen admin· · 0 མཆན་འགྲེལ། ·

བཀའ་བརྒྱུད་སྨོན་ལམ་ཆེན་མོ།

ཟླ་འདིའི་ཚེས་༡༢ ནས་ཉིན་བརྒྱད་རིང་དཔལ་ཉམས་མེད་འགྲོ་མགོན་བཀའ་བརྒྱུད་པའི་སང་གྷ་སྨོན་ལམ་ཆེན་པོ་ཐེངས་༢༦ པ་དེ་གནས་མཆོག་རྡོ་རྗེ་གདན་དུ་འཚོགས་ཡོད་པ་དང༌། དེའི་སྐོར་བཀའ་བརྒྱུད་སྤྱི་འཐུས་བསོད་ནམས་དགྲ་འདུལ་ལགས་སུ་བཅར་འདྲི་ཞུས་པར། ཁོང་གིས་སྨོན་ལམ་གྱི་ཚོགས་མགོན་དུ་དཔལ་རྒྱལ་དབང་ཀརྨ་པ་མཆོག་གིས་དབུས་རྒྱ་བལ་འབྲུག་གསུམ་དང་ཕྱི་རྒྱལ་ཁག་ནས་གཙོ་བོ་ཀརྨ་བཀའ་བརྒྱུད་དང༌། བཀའ་བརྒྱུད་ཆེ་བཞི་ཆུང་བརྒྱད་ཀྱི་དགོན་སྡེ་ཁག་ནས་བླ་སྤྲུལ་༤༠ ཙམ་དང༌། གྲྭ་པ་དང་བཙུན་མ་༤༠༠༠ ཙམ་ཕེབས་ཡོད་པ་རེད། ཉིན་དང་པོར་རྒྱལ་དབང་ཀརྨ་པ་མཆོག་གིས་གསོ་སྦྱོང་གནང་བ་དང༌། རིམ་པས་མི་ལའི་འགུར་འབུམ་གྱི་གསུང་ཆོས། དེ་བཞིན་རྗེ་བཙུན་སྒྲོལ་དཀར་གྱི་ཚེ་དབང་དང༌། བླང་དོར་བཀའ་སློབ་གནང་བ་སོགས་སྨོན་ལམ་ལེགས་གྲུབ་བྱུང་སོང༌། དམིགས་བསལ་གྱིས་ཁོར་ཡུག་འཕྲོད་བསྟེན་གྱི་སྐོར་ལ་བཀའ་སློབ་གནང་བ་དང༌། ཁོར་ཡུག་གི་སྐོར་སྔོན་མ་ལས་ཡག་ཏུ་སོང་ཡོད་སྐོར་གྱི་ལམ་སྟོན་བཀའ་སློབ་གནང་སོང་ཞེས་འགྲེལ་བརྗོད་གནང་སོང༌།

Bangchen admin· · 0 མཆན་འགྲེལ། ·

བསླབ་གཞིའི་རྩ་འཛིན་གྱི་གཞི་རྩའི་ལམ་སྟོན་རགས་ཟིན།

ཤེས་ཡོན་སྲིད་བྱུས་ཀྱི་དགོངས་དོན་བཞིན་གཞི་རིམ་བར་མའི་བསླབ་གཞིའི་རྩ་འཛིན་གྱི་གཞི་རྩའི་ལམ་སྟོན་རགས་ཟིན་བཟོ་འགོད་ཚོགས་ཆུང་བསྐོ་འཛུགས།

    བོད་གཞུང་ཤེས་རིག་ལས་ཁུངས་ཀྱི་ངོས་ནས་ཤེས་ཡོན་སྲིད་བྱུས་ཀྱི་དགོངས་དོན་བཞིན་གཞི་རིམ་བར་མའི་བསླབ་གཞིའི་རྩ་འཛིན་གྱི་གཞི་རྩའི་ལམ་སྟོན་རགས་ཟིན་བཟོ་འགོད་ཚོགས་ཆུང་བསྐོ་འཛུགས་གནང་ཡོད་པ་དང༌། སྔོན་འགྲོ་ནས་གཞི་རིམ་འོག་མ་བར་གྱི་སློབ་ཚན་ཚང་མའི་བསླབ་གཞིའི་རྩ་འཛིན་གཏན་འབེབས་ཟིན་ཏེ། གཏན་སློབ་དང་ཉིན་མོའི་སློབ་གྲྭ་ཡོངས་སུ་རྩ་འཛིན་དེ་ལག་བསྟར་དགོས་པའི་བཀོད་ཁྱབ་གནང་ཡོད་པ་རེད།

Bangchen admin· · 0 མཆན་འགྲེལ། ·

དངུལ་ཁང་ཧ་ལོག་པའི་དཀྲོགས་གཏམ་ཐད་ལ་གསལ་བཤད།

ཉེ་ཆར་རྒྱ་གར་དངུལ་ཁང་Anara District Central Co-cp BANK.  ཞེས་དངུལ་ཁང་དེ་ཧ་ལོག་ཡོད་སྐོར་རྒྱ་གར་གསར་ཤོག་རེ་ཟུང་ཐོག་གསལ་ཡོད་འདུག དེར་བརྟེན་གོང་གསལ་དངུལ་ཁང་དེའི་ཡན་ལག་མོན་གྷོ་གཞིས་གྲོང་གསུམ་པར་ཡོད་པ་དེའི་ནང་དངུལ་བཅོལ་ལེན་བྱེད་མཁན་གཙོ་བོ་ས་གནས་བོད་ཀྱི་ཆོས་སྡེ་ཁག་ཅིག་དང༌། བོད་མིའི་མཉམ་འབྲེལ་ལས་ཁུངས། གྲོང་པའི་མི་མང་དཀྱུས་མ་སོགས་ཡིན་འདུག་པ་དང་གསར་ཤོག་ནང་གི་སྐད་ཆ་དེ་ཁྱབ་མ་ཐག་ནས་དངུལ་བཅོལ་མཁན་མང་དག་ཅིག་གིས་འབྲེལ་ཡོད་དངུལ་ཁང་གི་ལས་བྱེད་ཚོར་གནས་ཚུལ་དེ་བདེན་པ་ཡིན་མིན་སྐོར་ལ་སྐད་ཆ་འདྲི་རྩད་བྱས་ཡོད་འདུག

Bangchen admin· · 0 མཆན་འགྲེལ། ·

གཞིས་ཆགས་སུ་འཕྲུལ་བཟོ་ཡར་རྒྱས་གཏོང་ཕྱོགས་ཀྱི་བགྲོ་གླེང༌།

དམིགས་བསལ་ཚོགས་ཆེན་སྐབས་དང་པོའི་རྗེས་ལ་ྋགོང་ས་མཆོག་གི་ང་ཚོ་བཙན་བྱོལ་བ་ཆགས་ནས་ལོ་ལྔ་བཅུ་སོང་བའི་ནང་གྲུབ་འབྲས་དང་འཐུས་ཤོར་གང་ཕྱིན་པའི་སྐོར་གྱི་བཀའ་སློབ་ཅིག་གིས་གཉིད་ལ་ཡོད་པའི་བོད་མི་རྣམས་ཐེངས་གཅིག་སད་བཅུག་པ་བཞིན། སྐྱབས་བཅོལ་གྱི་སྤྱི་ཚོགས་གང་སར་འཛིན་སྐྱོང་དང་སྒྲིག་འཛུགས་ཀྱི་ཐོག་ལ་བསྐྱར་ཞིབ་ལྟ་བུའི་གླེང་གཞི་ཞིག་ཆགས་ཡོད་པ་རེད། དེ་བཞིན་བཙན་བྱོལ་གྱི་གཞིས་ཆགས་སྔ་ཤོས་དང་ཆེ་ཤོས་བྷེལ་ཀོབ་ལུགས་ཟུང་བསམ་གྲུབ་གླིང་དུ་ཡང་གླེང་སློང་གང་མང་འབྱུང་བཞིན་པ་ལྟར། ལུགས་བསམ་མཉམ་འབྲེལ་གྱི་འཕྲུལ་བཟོ་ཡར་རྒྱས་གཏོང་ཕྱོགས་སུ་གོ་བསྡུར་དང་ཞིབ་འཇུག་བྱས་དང་བྱེད་བཞིན་ཡོད་པ་རེད།

Bangchen admin· · 0 མཆན་འགྲེལ། ·

ཨ་རིའི་སྲིད་འཛིན་གསར་པ་ཨོ་བྷ་མ་ལས་གནས་ལ་མ་ཞུགས་སྔོན་གྱི་ལས་འཆར།

དང་པོ་ཆོས་མཇལ།
 ཟླ་འདིའི་ཚེས་༢༠ རེ་གཟའ་མིག་དམར་ཉིན་ཞོགས་པ་སྲིད་འཛིན་མཆོག་དང་བཟའ་ཟླ་མཱཀི་ལའི་གཉིས་སྲོལ་རྒྱུན་གྱི་ལུགས་ལྟར་ཕོ་བྲང་དཀར་པོའི་སྐུ་མགྲོན་གཟིམ་ཤག་ནས་ཐོན་ཏེ། རྒྱུན་ལྡན་སྲིད་འཛིན་གསར་པ་ཚོས་བྱེད་སྲོལ་བཞིན་ལས་ཞུགས་སྔོན་འགྲོའི་ཆོས་མཇལ་ཡི་ཤུའི་ལྷ་ཁང་དུ་བྱེད་རྒྱུ་ཡིན་པ་རེད།
    གཉིས་པ་སྲིད་འཛིན་བྷུ་ཤིའི་དང་ལྷན་འཛོམས།
  གོང་བརྗོད་ཀྱི་ལས་གཞི་གྲུབ་རྗེས་སྲིད་འཛིན་མཆོག་དང་ཁོང་གི་བློན་ཆེན་ཇའ་བྷི་དན། དེ་བཞིན་བཟའ་ཟླ་དང་ལས་རོགས་སོགས་ལ་རྒྱལ་ཚོགས་ཀྱི་འཐུས་མིའི་མཛད་སྒོ་ལྷན་ཚོགས་ཀྱིས་མཇལ་འཕྲད་ཞུ་རྒྱུ་དང༌།

Bangchen admin· · Comments are Disabled ·