News

རྒྱ་གར་གྱི་འཛམ་གླིང་ཞི་བདེ་ཆེད་གཟིགས་སྟངས།

ཟླ་འདི་ཚེས་༥ ཉིན་དྷ་ས་ཐེག་ཆེན་ཆོས་གླེང་གཙུག་ལག་ཁང་དུ་རྒྱ་གར་གྱི་འཛམ་གླིང་ཞི་བདེ་ཆེད་གཟིགས་སྟངས་ཞེས་པའི་ཚོགས་ཆེན་ཐེངས་གཉིས་པ་དེ་འཚོགས་ཡོད་པ་དང༌། དེའི་ཐོག་ྋགོང་མཆོག་གིས་དབུས་རྒྱ་གར་གྱི་བླ་ཆེན་ཁག་ཅིག་ཆིབས་བསྒྱུར་གནང་ཡོད་པ་རེད། རྒྱ་གར་བླ་ཆེན་རྣམ་པས་ྋགོང་མཆོག་གིས་རྒྱ་གར་གྱི་མི་སེལ་གྱི་ཕྱག་འཁྱེར་བཞེས་དགོས་སྐོར་དང༌། འཛམ་གླེང་གི་བཞི་བདེའི་དབུ་ཁྲིད་གནང་དགོས་པ་རེད། དེ་བཞིན་ྋགོང་ས་མཆོག་གིས་བོད་ཀྱི་གནད་དོན་ཐོག་མུ་མཐུད་ཐུགས་འགན་བཞེས་དགོས་པ་མ་ཟད། རྒྱ་གར་བླ་ཆེན་ཆེན་ཚོའི་ངོས་ནས་ཀྱང་རྒྱབ་སྐྱོར་གནང་རྒྱུ་ཡིན་སྐོར་གསུངས་ཡོད་པ་རེད།

Bangchen admin· · Comments are Disabled ·

ཨ་ཕས་རང་གི་བུ་ཕྲུག་ལྔ་ལ་མེ་མདའ་བརྒྱབ་འདུག

                ཨ་ཕས་རང་གི་བུ་ཕྲུག་ལྔ་ལ་མེ་མདའ་བརྒྱབ་འདུག
    ཟླ་འདིའི་ཚེས་ ༥ ཉིན་གསར་ལམ་ཁག་ནས་གནས་ཚུལ་སྤེལ་གསལ་ལྟར་ན། ཨ་རིའི་མི་ཚང་གཅིག་གི་བཟའ་ཟླས་ཁྱོ་ག་དང་ཁ་བྲལ་གྱི་ཡིན་ཞེས་བརྗོད་སྐབས། ཁྱོ་གས་བཟའ་ཟླ་མེད་པའི་དུས་དང་བསྟུན་ནས་ཁོ་རང་གཉིས་ཀྱི་ཕྲུ་གུ་༥ ལ་མེ་མདའ་བརྒྱབ་རྗེས་ཁོ་རང་ཡང་མཉམ་དུ་རང་ཤི་བརྒྱབ་ཡོད་པ་རེད།
    ཕྲུ་གུ་རྒན་ཤོས་བུ་རང་ལོ་ ༡༦ ཅན་དང་ ༧ ཅན། དེའི་འོག་བུ་མོ་གསུམ་བཅས་ཁྱོན་ཕྲུ་གུ་ལྔ་ཡོད་པ་རྣམས་ནས་ཕྲུ་གུ་བཞི་ཉལ་ཁྲིའི་སྒང་ལ་བསད་ཡོད་པ་དང་གཅིག་ཁྲུས་ཁང་ནང་བསད་ཡོད་པ་རེད། ཕྲུ་གུ་རྣམས་ཀྱི་ཕུང་པོ་སྒེའུ་ཁུང་ནས་མར་གཡུགས་སྐབས་ཉེན་རྟོག་པས་ནང་མིའི་འབྲེལ་ཡོད་ལ་ཁ་པར་བརྒྱུད་ནས་འབྲེལ་བ་བྱེད་སྐབས། སུ་གཅིག་གིས་འདི་ཡིན་དེ་མིན་གྱི་ལན་རྒྱག་མཁན་བྱུང་མེད་པ་རེད།

Bangchen admin· · Comments are Disabled ·

རིགས་སློབ་རྒན་དམ་པ་བློ་བཟང་རྒྱ་མཚོའི་ཡང་སྲིད་ཁྲི་འདོན།

ཟླ་འདིའི་ཚེས་༦ ཉིན་དྷ་ས་ཐེག་ཆེན་ཆོས་གླིང་གཙུག་ལག་ཁང་དུ་རིགས་ལམ་སློབ་གཉེར་ཁང་ངམ་མཚན་ཉིད་གྲྭ་ཚང་གི་དབུ་དགེ་གཅིག་ལྕོགས་ཞིང་གཤེགས་དམ་པ་རྒན་བློ་བཟང་རྒྱ་མཚོ་མཆོག་གི་ཡང་སྲིད་བསྟན་འཛིན་ཚེ་བརྟན་རིན་པོ་ཆེའི་ཁྲི་འདོན་མཛད་སྒོ་ཞིག་འཚོགས་ཡོད་པ་དང༌། མཛད་སྒོ་དེར་མཚན་ཉིད་གྲྭ་ཚང་གཙོ་བོར་གྱུར་པའི་དགོན་སྡེ་ཁག་གི་སྐུ་ཚབ་རྣམ་པ་དང༌། བཙན་བྱོལ་བོད་གཞུང་གི་ཁྲིམས་ཞིབ་པ་ཆེ་བ། བཀའ་བློན་རྣམ་པ། སྤྱི་འཐུས་ཚོགས་གཙོ་གཙོས་སྤྱི་འཐུས་རྣམ་པ། ལྷན་ཁང་ཁག་གི་དྲུང་ཆེ་རྣམ་པ། གཞུང་འབྲེལ་མ་ཡིན་པའི་ཚོགས་པ་ཁག་གི་སྐུ་ཚབ། ཡང་སྲིད་རིན་པོ་ཆེའི་ཡབ་ཡུམ་གྱིས་གཙོས་པས་སེར་སྐྱ་མི་མང་བརྒྱ་ཕྲག་མང་པོ་འདུ་འཛོམས་བྱུང་ཡོད་པ་རེད།

Bangchen admin· · 0 མཆན་འགྲེལ། ·

དཀར་མཛེས་རྫོང་དུ་རྒྱ་རྒོལ།

ཟླ་འདིའི་ཚེས་༤ ཉིན་དཀར་མཛེས་རྫོང་སྐུ་འབུམ་བྱང་དུ་བློ་བཟང་རིན་ཆེན་ཆེན་གྱིས་བོད་རང་བཙན་ཡིན་ཞེས་སྐད་འབོད་བྱས་རྗེས། རྒྱ་ནག་ཉེན་རྟོག་པས་འཇུ་བཟུང་བྱས་ཏེ། ད་ལྟ་དཀར་མཛེས་རྫོང་བཙོན་ཁང་དུ་བཀག་ཉར་བྱས་ཡོད་པ་རེད། ཁོང་ནི་ཕ་སངས་རྒྱུས་བཀྲ་ཤིས་དང་མ་བྱང་ཆུབ་གཉིས་ཀྱི་བུ་ཡིན་པ་དང༌། ད་ལྟ་རང་ལོ་༢༢ ཙམ་ཡིན་པ་རེད་ཅེས་དྷ་སར་གནས་སྡོད་དོན་གྲུབ་བཀྲ་ཤིས་ལགས་ཀྱིས་འགྲེལ་བརྗོད་གནང་སོང༌

Bangchen admin· · 0 མཆན་འགྲེལ། ·

ཉེན་རྟོག་པའི་རླངས་འཁོར་འོག་མི་མང་ལ་རྨས་སྐྱོན།

ཟླ་འདིའི་ཚེས་༣ ཉིན་རྔ་བ་བསེྭ་དགོན་པའི་ནང་དུ་མི་མང་གིས་བྱམས་པ་གླེང་སྐོར་གྱི་མཇལ་སྐོར་བྱས་ཡོད་པ་དང༌། སེར་སྐྱ་མི་མང་འདུ་འཛོམས་སར་རྒྱ་གཞུང་གི་ཉེན་རྟོག་པས་རླངས་འཁོར་མང་པོ་བཏང་ནས་ཡོང་སྐབས། མི་མང་གིས་ཉེན་རྟོག་པར་རྣམ་འགྱུར་ཡག་པོ་མ་བསྟན་པར་བརྟེན། རྒྱན་ནག་ཉེན་རྟོག་པས་མི་མང་ཁྲོད་རླངས་འཁོར་ཤུགས་ཆེན་པོ་བཏང་ནས། མི་བཞི་ལ་རྨས་སྐྱོན་ཕོག་ཡོད་འདུག དེ་རྗེས་ཀྱི་གནས་ཚུལ་གསལ་རྟོགས་བྱུང་མ་སོང༌། བྱམས་པ་གླེང་སྐོར་བྱེད་པ་ནམ་རྒྱུན་སྨོན་ལམ་གྱི་ཆ་ཤས་ཤིག་རེད། ད་ལོ་སྨོན་ལམ་འཚོགས་མ་བཅུག་པར་བརྟེན། ཕྱི་ཟླ་༤ པའི་ནང་བྱམས་པ་གླེང་སྐོར་བྱས་པ་ཞིག་རེད་ཅེས་བཞུགས་སྒར་ཀིརྟི་དགོན་པའི་གྲྭ་ཚེ་རིང་ལགས་ཀྱིས་འགྲེལ་བརྗོད་གནང་སོང༌།

Bangchen admin· · 0 མཆན་འགྲེལ། ·

གསང་མི་ཐུབ་པའི་གསང་བ་ཞེས་པའི་དཔེ་དེབ།

བོད་ཀྱི་གཞོན་ནུ་ལྷན་ཚོགས་ཀྱི་དྲུང་ཆེ་སྤོ་ཆུང་ཚང་དོན་གྲུབ་ལྷ་དར་ལགས་ཀྱིས་བརྩམས་པའི་<<གསང་མི་ཐུབ་པའི་གསང་བ་>>ཞེས་པའི་དཔེ་དེབ་དེ་ཟླ་འདིའི་ཚེས་༤ ཉིན་དབུ་འབྱེད་གནང་ཡོད་པ་དང༌། དེབ་དེ་ནི་རྒྱ་ནག་གིས་བོད་ཞི་བས་བཅིངས་འགྲོལ་ཟེར་བའི་བསྒྲགས་གཏམ་འོག་མི་ལོ་ལྔ་བཅུའི་མུན་ནག་གི་བདེན་དཔང་ཆེད་དུ་པར་སྐྲུན་བྱས་པ་ཞིག་རེད།
    དེབ་དེའི་ནང་དུ་རྒྱ་ནག་གཞུང་གིས་བོད་ཡུལ་ཡོངས་སུ་རྫོགས་པར་ཁོང་ཚོའི་རོགས་རམ་འོག བཀས་བཀོད་རྒྱུད་འཛིན་ཞིང་བྲན་ལམ་ལུགས་དེ་ཉིད་རྩ་མེད་དུ་བཏང་ནས་ཉམ་ཆུང་མི་མང་རྣམས་ལ་བཅིངས་འགྲོལ་བཏང་བ་དང༌། ད་ལྟའི་ཆར་གནམ་ས་བླ་འོག་བསྒྱུར་བ་ལྟ་བུ་དང༌། བྱ་འཕུར་བ་ལྟ་བུའི་ཡར་རྒྱས་སུ་འགྲོ་བཞིན་ཡོད་པ།

Bangchen admin· · 0 མཆན་འགྲེལ། ·

ཉག་རོང་གི་གྲྭ་པ་ཞིག་གི་རྒྱ་རྒོལ།

ཨ་རིར་གནས་སྡོན་ཉི་མ་ཚེ་རིང་ལགས་ཀྱིས་གནས་ཚུལ་མཁོ་སྤྲོད་གནང་བ་ལྟར། ཕྱི་ཟླ་བཞི་པའི་ཚེས་༢༨ ཉིན་ཁམས་ཉག་རོང་ས་སྟོད་ཡོང་དབྱེན་དགོན་པའི་གྲྭ་ཐུབ་བསྟན་འཕྲིན་ལས་ལགས་ཀྱིས་རྒྱ་ནག་གཞུང་ལ་ངོ་རྒོལ་བྱས་ཏེ། རྒྱ་ནག་གི་ཉེན་རྟོག་པས་འཇུ་བཟུང་བྱས་ཡོད་པ་ཡོད་པ་རེད། ཁོང་གིས་ཉིན་དེར་དཀར་མཛེས་རྫོང་ཐོག་ཏུ་རྒྱ་མི་བོད་ནས་ཕར་རྒྱུག་ཅེས་ངོ་རྒོལ་བྱས་མ་ཐག་ཉེན་རྟོག་པས་རྡུང་རྡེག་བཏང་ཏེ་འཇུ་བཟུང་བྱས་ཡོད་པ་ལས། གང་དུ་བཀག་ཉར་བྱས་ཡོད་པ་ཤེས་རྟོག་བྱུང་མི་འདུག ཐུབ་བསྟན་ཆོས་གཡང་ལགས་རང་ལོ་༣༠ ཙམ་ཡིན་པ་དང༌། ཕ་མིང་ལ་སངས་རྒྱུས་རྡོ་རྗེ་ཟེར་ཡོད་པ་རེད།

Bangchen admin· · 0 མཆན་འགྲེལ། ·

ཏྲེ་ཧོར་བྲག་མགོ་སྙི་པ་ཤང་གི་ལས་བྱེད་ཕྱིར་འཕུད་བྱེད་བཞིན་པ།

ཕྱི་ལོ་ ༢༠༠༩ ཕྱི་ཟླ་ ༣ ཚེས་ ༢༩ ཉིན་ཁམས་ཏྲེ་ཧོར་བྲག་མགོ་རྫོང་གི་མཐོ་རིམ་ལས་བྱེད་པ་ཁག་གཅིག་བྲག་མགོ་སྙི་པ་ཤང་དུ་ཡོང་ནས་སྙི་ཁོག་གི་གྲོང་སྡེ་སོ་སོའི་འགོ་ཁྲིད་ཚོས་ཡུལ་མི་རྣམས་ཀྱི་འགོ་ཁྲིད་དེ་ཞིང་ཁ་འདེབས་ལས་བྱེད་དགོས་སྐོར་བརྗོད་ཀྱང༌། གྲོང་སྡེའི་འགོ་ཁྲིད་རྣམས་ཀྱིས་ཁས་ལེན་མ་བྱས་པར་བརྟེན། ཕྱི་ཉིན་སླར་ཡང་ཁྱོད་ཚོས་གུང་ཁྲན་ཏང་ལ་དགའ་ཞེན་ཆེན་པོའི་ཐོག ཞིང་ཁ་འདེབས་ལས་མི་བྱེད་མཁན་རྣམས་ལ་དགག་རྒྱག་ནན་པོའི་མིང་རྟགས་བཀོད་དགོས་ཚུལ་བཤད་ཀྱང༌། ཁོང་ཚོས་ཉན་འཇོག་གཏན་ནས་བྱས་མེད། གལ་ཏེ་ཁྱོད་ཚོས་ཞིང་ཁ་འདེབས་ལས་མ་བྱས་ཚེ་ཁྱིམ་ཚང་རེར་རྒྱ་སྒོར་གཅིག་ཁྲི་རེ་བསྡུས་ཏེ་དྲག་ཆས་ཉེན་རྟོག་དམག་མིར་ཞིང་ལས་དང་༌། སྟོན་ཐོག་བསྡུ་རུབ་བྱེད་འཇུག་རྒྱུ་མ་ཟད། རྗེས་མ་ཞིང་ཁའི་ས་བོགས་ཀྱང་དྲག་ཆས་ཉེན་རྟོག་དམག་མིར་དབང་བ་ཡིན་ལུགས་ནན་བཤད་བྱས་ཡོད་ལ། གྲོང་སྡེ་སོ་སོའི་འགོ་ཁྲིད་ཁག་ཅིག་ཕྱིར་འཕུད་ཐོག ཁོང་ཚོའི་ཟླ་བ་གཅིག་གི་ཕོགས་ཐོབ་རྒྱ་སྒོར་གཅིག་སྟོང་རེ་ཡོད་པ་གཞུང་བཞེས་བཏང་ཡོད་འདུག

Bangchen admin· · 0 མཆན་འགྲེལ། ·
ས་ཡོམ་སྐབས་ཀྱི་ཉེན་འགོག་སྦྱོང་བརྡར།

ས་ཡོམ་སྐབས་ཀྱི་ཉེན་འགོག་སྦྱོང་བརྡར།

ཟླ་འདིའི་ཚེས་༤ ཉིན་ས་ཡོམ་བྱུང་སྐབས་སུ་ས་ལ་མར་སྒུར་བ་དང༌། ཅོག་ཙེའི་འོག་ཏུ་སྡོད་པ། ས་ཡོམ་མ་ཚར་བར་ཅོག་ཙེ་ལ་དམ་པོར་འཇུ་བ། ས་ཡོམ་ཚར་རྗེས་ཕྱི་ལ་ཐོན་དགོས་པ་སོགས་ས་ཡོམ་ཉེན་འགོག་བྱེད་ཐབས་སྐོར་ལ་སྦྱོང་བརྡར་ཞིག་དྷ་སྟེང་བོད་ཁྱིམ་དུ་སྤྲད་ཡོད་པ་དང༌། ཧི་མ་ཅལ་མངའ་སྡེའི་ནང་དུ་ཡོད་པའི་བོད་པའི་སློབ་གྲྭ་ཁག་༡༨ ལ་ཉིན་དེར་གཅིག་མཚུངས་ཀྱིས་སྦྱོང་བརྡར་སྤྲད་ཡོད་པ་རེད། སྦྱོང་བརྡར་བྱེད་དགོས་པའི་རྒྱུ་མཚན་ག་རེ་ཡིན་མིན་སྐོར་ས་ཡོམ་ཉེན་སྐྱོབ་སྦྱོང་བརྡར་གྱི་འབྲེལ་མཐུད་པ་ཚེ་རིང་དོན་གྲུབ་ལགས་སུ་དྲིས་པར། ཁོང་གིས་གསུང་དོན། ཧི་མ་ཅལ་མངའ་སྡེ་འདི་ནི་རྒྱ་གར་གྱི་ས་ཡོམ་གྱི་ཉེན་ཁ་ཆེ་བའི་ས་ཁུལ་ལྔའི་ནང་ནས་ཉེན་ཁ་ཆེ་ཤོས་ཀྱི་ས་གནས་སུ་ཁེལ་ཡོད་པ་དང༌། འདས་པའི་ལོ་རྒྱུས་ནང་ལ་ས་གནས་འདིར་ས་ཡོམ་ཚབས་ཆེན་བྱུང་བའི་ལོ་རྒྱུས་ཡོད་པ་རེད། ཚན་རིག་པ་མང་པོས་མ་འོངས་པར་ས་གནས་འདིར་ས་ཡོམ་རྒྱག་རྒྱུ་ཡིན་པའི་སྐོར་མང་པོ་གསུངས་ཡོད་རེད།

Bangchen admin· · Comments are Disabled ·

རྒྱུགས་ཤོག་བཙོང་བའི་ནག་ཉེས།

ཟླ་འདིའི་ཚེས་༤ ཉིན་གསར་ལམ་ཁག་ནས་གནས་ཚུལ་སྤེལ་གསལ་ལྟར་ན། རྒྱ་ནག་གི་གྲོང་ཁྱེར་ཌི་ཇིན་ནང་སློབ་གྲྭ་ཆེན་པོའི་ཡིག་ཚད་ཀྱི་སྐབས་དགེ་རྒན་གྱིས་ཡིག་ཚད་དྲི་བ་བཙོང་པ་དང༌། ནང་མིས་ཉོས་ཏེ་ལག་ཐོག་ཁ་པར་བརྒྱུད་ནས་ཕྲུ་གུར་གསང་བརྡ་བྱེད་སྐབས། ཡིག་ཚད་རྟོག་ཞིབ་པས་ཧ་གོ་ནས་དགེ་རྒན་དང་སློབ་མ་ནང་མི་གསུམ་ལ་བཙོན་འཇུག་གི་ཁྲིམས་ཆད་གཏོང་རྒྱུ་ཡིན་པ་ཁྱབ་བསྒྲགས་བྱས་ཡོད་པ་རེད།

Bangchen admin· · Comments are Disabled ·