ཀུན་དགའ་ཚངས་དབྱངས་ལ་ལོ་ལྔའི་ཁྲིམས་ཆད།

གསར་ལམ་ཁག་ནས་གནས་ཚུལ་སྤེལ་བ་ལྟར་ན། ཕྱི་ཟླ་༡༡ ཚེས་༡༤ ཉིན་ཀན་ལྷོ་གཙོད་གྲོང་ཁྱེར་མི་མང་ཁྲིམས་ཁང་གིས་རྩོམ་པ་པོ་གངས་ཉིའམ་ཀུན་དགའ་ཚངས་དབྱངས་ལ་ལོ་ལྔའི་ཁྲིམས་ཐག་བཅད་སྐབས། ས་གནས་མི་མང་ཡོང་དུ་བཅུག་མེད་ཀྱང། ཁོང་གི་སྤུན་མཆེད་གཅིག་གིས་རེ་འདུན་ཆེན་པོ་བཙོན་ཁང་གི་སྒོ་འདུན་དུ་ཡུན་རིང་སྒུག་རྗེས་ནང་དུ་བཏང་ཡོད་འདུག

Read more

ཁམས་ཉག་ཆུ་ཁའི་མི་བདུན་གློད་གྲོལ།

གསར་ལམ་ཁག་ནས་གནས་ཚུལ་སྤེལ་བ་ལྟར་ན། ཟླ་འདིའི་ཚེས་༡༦ ཉིན་དེ་སྔོན་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་མཇལ་བར་སོང་དུས་འཛིན་བཟུང་བྱས་པའི་ཁམས་ཉག་ཆུ་ཁའི་མི་བདུན་གློད་གྲོལ་བཏང་ཡོད་འདུག མི་བདུན་པོ་དེའི་ནང་གི་མི་བཞིའི་མིང་ཤེས་རྟོགས་བྱུང་བ་ནི་ཚུལ་ཁྲིམས་བཟང་པོ་དང། སྦྱིན་པ། ལྷ་མོ་ཆོས་འགྲུབ། ཚ་ཁའི་ཨ་རྟ་བཅས་ཡིན་པ་རེད། དེའི་ནང་ནས་ཚུལ་ཁྲིམས་བཟང་པོ་ལ་ཉེས་རྡུང་དྲག་པོ་བཏང་ཡོད་པ་དང།

Read more

སྙན་ངག་གྱེར་འདོན་དང་དེའི་སྐོར་གྱི་ཚོར་ཤུགས།

ཟླ་འདིའི་ཚེས་༡༠ ཉིན་ནོར་གླིང་མཐོང་སློབ་ཏུ་སྙན་ངག་གྱེར་འདོན་དང། དེའི་སྐོར་ལ་བགྲོ་གླིང་ཞིག་འཚོགས་ཡོད་པ་དང། གཉན་པོ་དང་བོན་རྒྱ་གཉིས་ཀྱིས་འདི་གར་གནས་ཚུལ་བཏང་བའི་ནང་འཁོད་དོན། རྒན་རབས་སྙན་ངག་པ་བེ་རི་འཇིགས་མེད་ལགས་ཀྱིས་ཚོར་བ་ཁ་ཐུག་ཚ་བོ་ཚ་རྐྱང་ཆགས་དུས་སླ་ང་ནང་གི་འོ་མ་འཕྱུར་བ་བཞིན་སྙན་ངག་ཡོང་བ་ཞིག་ཡོད་པ་རེད་ཅེས་གསུངས་ཡོད་པ་རེད།

Read more

ཁྲིམས་ཞིབ་པ་རྣམས་ལ་འགན་གཙོ་བོ་གཉིས་ཡོད།

krimshib pa chewaཟླ་འདིའི་ཚེས་༡༨ ཉིན་ནས་ཉིན་གསུམ་རིང་བཙན་བྱོལ་བོད་གཞུང་ཆེས་མཐོའི་ཁྲིམས་ཞིབ་ཁང་གི་གོ་སྒྲིག་འོག་དྷ་ས་གངས་སྐྱིད་དུ་ཟུར་འཛུགས་ས་གནས་ཁྲིམས་ཞིབ་པ་དང། ཁྲིམས་དྲུང། གཅིག་ལྕོགས་ས་གནས་ཁྲིམས་ཞིབ་པ་དང། ལས་དྲུང་བཅས་ལ་བཙན་བྱོལ་བོད་མིའི་ཁྲིམས་ཞིབ་སྐོར་ཟབ་སྦྱོང་ཞིག་འཚོག་བཞིན་པ་དང། ཟབ་ཁྲིད་གནང་མཁན་ཁྲིམས་ཞིབ་པ་ཆུ་སྟེང་ངག་དབང་ཐུབ་བསྟན་དང།

Read more

བོད་མི་གཉིས་ལ་ཁྲིམས་ཆད།

འདི་ལོར་བོད་ནང་ནས་རྒྱ་ནག་གཞུང་གིས་བོད་མི་ཞི་རྒོལ་བ་འཇུ་བཟུང་བཙོན་འཇུག་གང་མང་བྱས་པའི་ཁྲོད་ནས་ཨ་མདོ་ར་རྒྱ་དགོན་པའི་ཆུ་བ་སྡེ་བ་ནས་ཡིན་པ་གྲྭ་བློ་དར་དང། མན་ངག་རྡོ་རྗེ་གཉིས་ཀྱང་འཇུ་བཟུང་བྱས་ཡོད་པ་རེད། ཟླ་འདིའི་ཚེས་༨ ཉིན་རྒྱ་ནག་གཞུང་གི་རྨ་ཆེན་རྫོང་ཁྲིམས་ཁང་ནས་བློ་དར་ལ་ལོ་གཅིག་གི་ཁྲིམས་ཐག་དང། མན་ངག་རྡོ་རྗེ་ལ་ལོ་གསུམ་གྱི་ཁྲིམས་ཐག་བཅད་ཡོད་འདུག ཁྲིམས་ལུགས་ཀྱི་འགྲོ་སྟངས་ལྟར་ཁྲིམས་རྩོད་པས་ཞིབ་བཤེར་བྱེད་པ་སོགས་ཀྱི་ཐོབ་ཐང་སྤྲད་མེད་པ་རེད།།

Read more

ལི་ཐང་དུ་བོད་མིའི་རྒྱ་གཞུང་ལ་ངོ་རྒོལ་ལས་འགུལ།

འབྲེལ་ཡོད་ཀྱི་གནས་ཚུལ་མཁོ་སྤྲོད་གནང་བའི་ཡིག་ཆའི་ནང་འཁོད་གསལ་ལྟར་ན། ཁམས་ལི་ཐང་ས་ཕྱོགས་སུ་ལི་རྫོང་དང་ཉག་རྫོང་གཉིས་ནས་མི་མང་གིས་ཞིང་ཆེན་སོགས་ལ་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་མཆོག་ལ། ནག་ཉེས་གང་ཡང་མེད་པས་ཁོང་མགྱོགས་མྱུར་དུ་གློད་གྲོལ་གཏོང་དགོས་པའི་འབོད་སྐུལ་ཞི་བས་ཐོག་ནས་ཞུ་བར་བཅར་བ་ལ་རྒྱ་གཞུང་གིས་ཡ་ང་སྙིང་རྗེ་མེད་པར་དྲག་པོའི་ཐོག་ནས་འཛིན་བཟུང་བཙོན་འཇུག་གི་ཉེས་བརྡུང་མནར་གཅོད་ཚད་ལས་འགལ་བ་བཏང་པ་སོགས་ཀྱི་བྱུང་རིམ་རྣམས་ཕྱོགས་བསྡོམས་བྱས་པ་ནི་འདི་ལྟར།

Read more

གནམ་གཤིས་འགྱུར་ལྡོག་ལྷན་ཚོགས་སུ་བོད་མི་མཉམ་ཞུགས།

འཛམ་གླིང་གི་རྒྱལ་ཁབ་ཁག་ཉིས་བརྒྱ་མ་ཟིན་ཙམ་གྱིས་ས་ཡི་གོ་ལའི་གནམ་གཤིས་འགྱུར་ལྡོག་གི་སྐོར་ལྷན་ཚོགས་ཆེན་པོ་ཞིག  ཌེན་མག་གི་རྒྱལ་ས་ཀོ་པིན་ཧ་གྷན་ནང་འཚོགས་བཞིན་ཡོད་པ་དང་སྟབས་བསྟུན། རྒྱལ་སྤྱིའི་ཚོགས་པ་ཁག་ཅིག་གིས་ཟུར་དུ་ལྷན་ཚོགས་ཤིག་འཚོགས་པའི་ནང་བོད་ཀྱི་གཞུང་དང་གཞུང་འབྲེལ་མ་ཡིན་པའི་སྐུ་ཚབ་ཁག་གཅིག་ལྷན་ཞུགས་གནང་ནས།

Read more

དམིགས་བསལ་སྐུ་ཚབ་མཆོག་གི་བསྒྲགས་གཏམ།

ྋགོང་ས་མཆོག་གིས་མུ་མཐུད་ནས་གྲོལ་མོལ་གྱི་བརྒྱུད་ལམ་འདི་འཛིན་དགོས་པའི་དགོངས་ཚུལ་གནང་གི་ཡོད་པ་དང། ང་ཚོས་ཕྱོགས་གང་ཐད་ནས་གྲོས་མོལ་མུ་མཐུད་རྒྱུའི་ཐད་ལ་གྲ་སྒྲིག་ཨང་གསར་ཡོད་ཅེས་དམིགས་བསལ་སྐུ་ཚབ་རྒྱ་རི་བློ་གྲོས་རྒྱལ་མཚན་མཆོག་གིས་གསུངས་འདུག

Read more

མངའ་སྡེའི་ཁ་བྲལ་འཐབ་རྩོད་ཀྱིས་བོད་མིར་གྱོང་གུད་ཕོག་འདུག

འདི་ལོ་བོད་པའི་བལ་གོས་ཚོང་པ་ཚོའི་ཚོང་ཟོག་བྲིན་པོ་བྱུང་ཡོད་པས། རྒྱ་གར་གྱི་ས་གནས་གང་སར་བོད་པའི་བལ་གོས་ཚོང་པ་མང་པོ་སླེབས་ཡོད་པ་རེད། སྟབས་མ་ལེགས་པ་ཞིག་ལ་བལ་གོས་ཚོང་པ་མང་པོ་ཡོད་ས། རྒྱ་གར་ལྷོ་ཕྱོགས་ཀྱི་ཨིན་ཌི་ར་མངའ་སྡེའི་ཡུལ་མི་ཁག་གཅིག་གིས། མངའ་སྡེ་གཞུང་ལ་ཊི་ལན་གྷ་ན་(Telangana) མངའ་སྡེ་ཟེར་བ་ལོགས་སུ་དགོས་ཀྱི་ཡོད་པའི་ངོ་རྒོལ་གྱི་ལས་འགུལ་ས་གནས་གང་སར་སྤེལ་བཞིན་ཡོད་པས། ངོ་རྒོལ་བ་ཚོས་ཚོང་ཁང་དང་བལ་གོས་ཚོང་པ་སོགས་ལ་ཚོང་རྒྱག་མི་ཆོག་པའི་ཉེན་བརྡ་བཏང་ཡོད་པས། ཉིན་གྲངས་ངེས་མེད་ཐོག་ཚོང་ལས་མཚམས་འཇོག་ཐེངས་མང་བྱེད་དགོས་བྱུང་བས། བོད་མི་ཚོང་པ་ཚོར་ཧིན་སྒོར་ཁྲི་ཕྲག་མང་པོའི་གྱོང་གུད་ཕོག་ཡོད་འདུག

Read more

ཞི་བདེའི་གཟེངས་རྟགས་དུས་དྲན་ཐོག་༧གོང་ས་མཆོག་ཆིབས་བསྒྱུར།

ཟླ་འདིའི་ཚེས་༡༠ཉིན་ྋགོང་ས་མཆོག་གི་ནོ་སྦེལ་ཞི་བདེའི་གཟེངས་རྟགས་བཞེས་ནས་ལོ་༢༠ འཁོར་བའི་དུས་ཆེན་མཛད་སྒོ་ཞིག་ཨོ་སི་ཊོ་ལི་ཡའི་རྒྱ་བོད་མཛའ་འབྲེལ་ཚོགས་པ་ཞེས་པས་གོ་སྒྲིག་བྱས་ཏེ། ༧གོང་ས་མཆོག་གདན་འདྲེན་ཞུས་ཡོད་པ་དང། བོད་ཀྱི་དཀའ་ངལ་སེལ་རྒྱུའི་འགན་གཙོ་བོ་དེ་བོད་རིགས་དང་རྒྱ་རིགས་གཉིས་ཀར་ཡོད་པ་དང། དེ་བཞིན་བོད་རྒྱ་མི་རིགས་དབར་གྱི་མཐུན་སྒྲིལ་གོང་འཕེལ་གཏོང་རྒྱུར་འབད་བརྩོན་སྔར་ལས་ལྷག་བྱེད་དགོས་པའི་སྐོར་ལ་བཀའ་སློབ་ཕེབས་ཡོད་པ་རེད།

Read more
Page 558 of 655« First...556557558559560...Last »