བལ་ཡུལ་དུ་བོད་མི་ངོ་རྒོལ་བ་འཇུ་བཟུང།

ཨེ་ཨེབ་པི་གསར་ཁང་ནས་གནས་ཚུལ་སྤེལ་གསལ་ལྟར་ན། ཕྱི་ཟླ་༧ ཚེས་༡༤ ཉིན་བལ་ཡུལ་རྒྱལ་ས་ཀ་ཐ་མན་ཌུ་རུ་བོད་མི་རྣམས་ཀྱི་མཉམ་འབྲེལ་རྒྱལ་ཚོགས་ཀྱི་ལས་ཁུངས་མདུན་དུ་རྒྱ་ནག་ལ་ངོ་རྒོལ་གྱི་ལས་འགུལ་ཞིག་སྤེལ་ནས་བོད་མི་༢༥ བལ་ཡུལ་ཉེན་རྟོག་པས་འཛིན་བཟུང་བྱས་ཡོད་འདུག  ཞི་བའི་སྐད་འབོད་འདིའི་ནང་བོད་རང་བཙན་ཡིན། བོད་ནང་དུ་མི་གསོད་མཚམས་འཇོག་བྱེད་དགོས། མཉམ་འབྲེལ་རྒྱལ་ཚོགས་གཉིད་སད་རོགས། དྲང་བདེན་གང་དུ་ཡོད། བོད་ནང་སྲོག་གཅོད་ལ་ཞིབ་འཇུག་བྱེད་དགོས་ཞེས་སོགས་འབོད་ཚིག་བསྒྲགས་ཡོད་པ་དང། ཉེན་རྟོག་པས་བོད་མི་སྐད་འབོད་བ་རྣམས་འཕྲལ་དུ་འཛིན་བཟུང་གིས་བཀག་ཉར་ཁང་དུ་ཁྲིད་ཡོད་པ་རེད། འདས་པའི་བདུན་སྔོན་མའི་ནང་བལ་ཡུལ་གཞུང་གིས་བལ་ཡུལ་དང་རྒྱ་ནག་ལ་གནོད་པའི་ལས་འགུལ་གང་འདྲ་ཞིག་སྤེལ་རུང་ཚེ་བཙོན་ཡིན་ཞེས་ཉེན་བརྡ་བཏང་ཡོད་པ་རེད།།

Read more

བོད་རང་དབང་ཆེད་འདུ་འཛོམས།

ཟླ་འདིའི་ཚེས་༡༡ ཉིན་ཐེ་ཝན་གྱི་རྒྱལ་ས་ཐེ་པེ་རུ་བོད་རང་དབང་གི་རོལ་དབྱངས་འདུ་འཛོམས་ཤིག་འཚོགས་ཡོད་པ་དང། དེའི་ཐོག་ཐེ་ཝན་གྱི་གཞས་པ་གྲགས་ཅན་བཅུ་ཙམ་དང།  གཞོན་སྐྱེས་ཧ་ཅང་མང་པོ་འདུ་འཛོམས་བྱུང་ཡོད་པ་རེད། ཁོང་ཚོས་གླུ་གཞས་གཏོང་ཞོར་དུ་བོད་རང་དབང་དགོས་པའི་སྐད་འབོད་དང། གོ་སྒྲིག་བྱེད་མཁན་ཐེ་ཝན་བོད་ཀྱི་གྲོགས་པོ་ཚོགས་པ་སོགས་ཚོགས་པ་གསུམ་ཡིན་པ་དང། གཙོ་བོ་བོད་རང་བཙན་ཤོར་ནས་ལོ་༥༠ འཁོར་བའི་དུས་དྲན་དང། ཐེ་ཝན་གྱི་གཞོན་སྐྱེས་ཚོར་བོད་དོན་ངོ་སྤྲོད་བྱེད་རྒྱུའི་ཆེད་དུ་ཡིན་འདུག  དེའི་ཐོག་ྋགོང་ས་མཆོག་གིས་དམིགས་བསལ་གསུང་འཕྲིན་ཞིག་གནང་ཡོད་པ་དང། བོད་གཞུང་གི་ཐེ་ཝན་དོན་གཅོད་སྐུ་ཚབ་ཟླ་བ་ཚེ་རིང་ལགས་དང། ས་གནས་དེའི་བོད་ཀྱི་ཚོགས་པ་ཁག་ནས་རོལ་དབྱངས་འདུ་འཛོམས་དེར་ཐུགས་རྗེ་ཆེ་ཞུའི་གསུང་བཤད་གནང་ཡོད་པ་རེད། གོ་སྒྲིག་བྱེད་མཁན་མི་སྣ་ཞིག་གིས་ཐེ་ཝན་མི་མང་གིས་བོད་དོན་ལ་རྒྱབ་སྐྱོར་ཡོད་པ་དེ་རྒྱ་ནག་སྐམ་ས་ཆེན་མོ་ནས་ཡོང་མཁན་ཚོས་ཤེས་རྟོགས་དགོས་པ་རེད་ཅེས་བརྗོད་ཡོད་པ་རེད།།

Read more

ཨི་ཊ་ལའི་ནང་ཡོད་པའི་བོད་མི་ཚོས་ཧུའུ་ཅིན་ཐའོ་ལ་ངོ་རྒོལ།

ཟླ་འདིའི་ཚེས་༡༠ ཉིན་གསར་ལམ་ཁག་ནས་གནས་ཚུལ་སྤེལ་བ་ལྟར་ན། ཨི་ཊ་ལའི་ནང་འཛམ་གླིང་རྒྱལ་ཁབ་༨ ཀྱི་ལྷན་ཚོགས་སྐབས་རྒྱ་ནག་གི་སྲིད་འཛིན་ཧུའུ་ཅིན་ཐའོ་དུས་ཐུང་རིང་ཚོགས་བཅར་བྱེད་སྐབས། བོད་མི་ཚོ་གཙོ་བོར་གྱུར་པའི་ཨི་ཊ་ལའི་བོད་དོན་རྒྱབ་སྐྱོར་ཚོགས་པ་ཚོས་ངོ་རྒོལ་ཤུགས་ཆེ་བྱས་ཡོད་པའི་གནས་ཚུལ་ཐོན་ཡོད་པ་རེད།

Read more

ྋགོང་ས་མཆོག་སྤི་ཏི་ས་ཁུལ་དུ་ཆིབས་བསྒྱུར།

སེམས་ཅན་མཐའ་དག་སྡུག་བསྔལ་མི་འདོད་པ་དང། བདེ་བ་འདོད་པ་ཤ་སྟག་ཡིན་པས། ང་རང་ཚོས་རང་འདོད་རང་གཅེས་བྱས་ནས། རང་གི་སྡུག་བསྔལ་ཉུང་དུ་གཏོང་རྒྱུ་དང་བདེ་བ་མང་དུ་གཏོང་རྒྱུའི་ཐབས་ཤེས་བྱེད་ཀྱི་ཡོད་པ་ནང་བཞིན། བསམ་བློ་ཡག་པོ་བཏང་ན། ནམ་མཁའི་མཐར་ཐུག་པའི་

Read more

ཁམས་སྡེ་དགེ་འཇོ་མདའ་ཁུལ་གྱི་ཛ་དྲག་གནས་ཚུལ།

འདི་ལོའི་ལོ་མགོ་ནས་བཟུང་རྒྱ་ནག་གཞུང་གིས་ཁམས་སྡེ་དགེ་འཇོ་མདའ་ས་ཁུལ་འདན་ ཆོས་འཁོར་དགོན་སོགས་གང་སར་རྒྱལ་གཅེས་ཆོས་གཅེས་དང། ཏཱ་ལའི་ཁ་བྲལ་རིང་ལུགས་པར་ངོ་རྒོལ་ཟེར་བའི་ས་ཡིག་བསྡུ་རུབ་ཀྱི་ལས་འགུལ་དྲག་པོ་རབ་དང་རིམ་པ་སྤེལ་ཡོད་པ་དང། ཐ་ན་སྟོངས་ལ་ཉེ་བའི་རི་སྐྱེས་སྲོག་ཆགས་ཤྭ་བ་སོགས་ཀྱང་རང་སྣང་གང་ཤར་གྱིས་སྡེབས་གསོད་བྱས་དང་བྱེད་བཞིན་ཡོད་པ་ལྟར། སྐྱབས་ཆེ་དགོན་དུའང་རྒྱལ་གཅེས་ཆོས་གཅེས་དང། ཏཱ་ལའི་ཁ་བྲལ་རིང་ལུགས་ལ་ངོ་རྒོལ་ཟེར་བའི་ལས་འགུལ་སྤེལ་མཁན་སྔ་རྗེས་ཐེངས་དགུ་ཙམ་ཕྱིན་ཀྱང་དགེ་འདུན་པས་ངོས་ལེན་རྩ་བ་ནས་མ་བྱས་པར་མཐའ་མར་དགེ་འདུན་པ་ཚང་མ་ཕྱོགས་གང་སར་ཁ་འཐོར་བྲོས་བྱོལ་དུ་ཕེབས་བྱུང་ནས་ཟླ་བ་གཅིག་ལྷག་དགོན་མ་ལག་དང་བཅས་པ་སྟོང་པ་ཆགས་ཡོད་འདུག

Read more

རྒྱ་ནག་ཡུན་ནན་དུ་ཚད་རིམ་༦.༠ ཅན་གྱི་ས་ཡོམ་བརྒྱབ་པ།

རྒྱ་ནག་གི་གསར་ལམ་ཁག་ནས་དེ་རིང་སྔ་དྲོ་གནས་ཚུལ་སྤེལ་གསལ་ལྟར་ན། ཕྱི་ཚེས་༩ མཚན་མོ་ཆུ་ཚོད་༡༡ སྐར་མ་༤༠ ཐོག་རྒྱ་ནག་ཡུན་ཡན་ཞིང་ཆེན་གྱི་ཁོངས་གཏོགས་རྫོང་ཁག་༩ ནང་ས་ཡོམ་ཚད་རིམ་༦.༠ བརྒྱབ་ནས་མི་གཅིག་ཤི་བ་དང།  མི༣༢༠ ལ་རྨས་ཕོག་ཡོད་ཚུལ་འདུག ཡུན་ནན་ཞིང་ཆེན་དམངས་སྲིད་ཐིང་ཟེར་བས་ཐོག་མར་སྡོམ་རྩིས་བྱས་པ་ལྟར་ན། ཁང་པ་༣༤༠༠ རྡིབ་སྐྱོན་བྱུང་ཡོད་པ་དང། ཡུན་ནན་ཞིང་ཆེན་གྱི་རྫོང་༩ ཡི་ཕལ་ཆེར་མི་ཁྲི༧༠ ལ་ཉེ་བ་ཞིག་ལ་ས་ཡོམ་གྱིས་གནོད་སྐྱོན་བཟོས་ཡོད་འདུག་པ་དང། ཡུན་ནན་གྱི་ཁོངས་སུ་ཡོད་པའི་བོད་རིགས་ཀྱི་རྫོང་ཁག་རྣམས་གནོད་སྐྱོན་ཕོག་ཡུལ་གྱི་ཁོངས་སུ་ཡོད་མེད་ད་ཆ་གསར་ལམ་ཁག་ཏུ་གསལ་གང་ཡང་བཀོད་མེད་པ་རེད།

Read more

རྒྱ་གར་མེ་འཁོར་བློན་ཆེན་གྱི་འཆར་འགོད།

ཟླ་འདིའི་ཚེས་༥ ཉིན་གསར་ལམ་ཁག་ནས་གནས་ཚུལ་སྤེལ་བར་གཞིགས་ན། རྒྱ་གར་གྱི་ཆབ་སྲིད་ཚོགས་པར་ཀོང་རི་སི་ལ་འོས་བསྡུ་ཆེན་པོའི་རྒྱལ་ཁ་ཐོབ་པ་དང༌། མངའ་སྡེ་ཁག་གི་འོས་ཐོབ་ཀྱི་གྲངས་འབོར་ལ་གཞིགས་ནས། མེ་འཁོར་བློན་ཆེན་སོགས་བློན་ཆེན་མང་པོ་གསར་བསྐོས་བྱས་ཏེ་བློན་ཆེན་ཁག་གི་ལས་གནས་ལ་ཧ་ཅང་འཕོ་འགྱུར་ཆེན་པོ་བཏང་ཡོད་པ་རེད། དེའི་ནང་ནས་མེ་འཁོར་བློན་ཆེན་ལཱ་ལུས་པར་སཱ་ཐིའི་ཚབ་ཏུ་ནུབ་བྷན་གལ་མངའ་སྡེའི་ཁ་གཏད་ཚོགས་པའི་ཚོགས་གཙོ་མཱ་མཱ་ཏཱ་མཆོག རྒྱ་གར་རྒྱལ་ཡོངས་མེ་འཁོར་བློན་ཆེན་གྱི་གོ་གནས་ལ་བསྐོ་བཞག་བྱས་ཡོད་པ་རེད།

Read more

བལ་ཡུལ་དུ་འཁྲུངས་སྐར་སྲུང་བརྩི་བཀག་འགོག

བལ་ཡུལ་རྒྱལ་ས་ཀ་ཐ་མན་ཌུ་རུ་བལ་ཡུལ་དུ་ཡོད་པའི་བོད་མི་རྣམས་ྋགོང་ས་མཆོག་དགོངས་གྲངས་༧༤ ཕེབས་པའི་སྐུའི་འཁྲུངས་སྐར་གྱི་ཉིན་ཞོགས་པ་སྔ་པོ་ནས་བོད་མི་སྟོང་ཕྲག་གཅིག་ལྷག་མཆོད་རྟེན་བྱ་རུང་ཁ་ཤོར་དུ་ལྷན་འཛོམས་ཀྱིས་འཁྲུངས་སྐར་སྲུང་བརྩི་ཞུས་ཡོད་པ་དང། སྐབས་དེར་བལ་ཡུལ་གྱི་ཉེན་རྟོག་པ་ཧ་ཅང་མང་པོ་འབྱོར་ནས་བཀག་འགོག་བྱས་ཡོད་པ་རེད།

Read more

རྒྱ་གར་གྱིས་རྒྱབ་སྐྱོར་གཞན་ལས་ལྷག་བྱེད་དགོས་པ་རེད།

ཟླ་འདིའི་ཚེས་༦་ཉིན་རྒྱ་གར་ལྷོ་ཕྱོགས་བྷེལ་ཀོབ་བོད་མིའི་གཞིས་སྒར་ལུགས་བདེ་གཉིས་ཀྱི་བོད་མི་སྐྱ་སེར་ཡོངས་ཀྱིས་༸གོང་ས་མཆོག་གི་འཁྲུངས་སྐར་སྲུང་བརྩིའི་དགའ་སྟོན་བྱས་ཤིང། སྐུ་མགྲོན་གཙོ་བོ་G.T.DebeGodaམཆོག་གིས་༸གོང་ས་མཆོག་གི་ཕྱི་ནང་གསང་གསུམ་གྱི་མཛད་འཕྲིན་ལ་བསྟོད་བསྔགས་གནང་བ་དང། བོད་ལ་རང་དབང་མ་ཐོབ་བར་དུ་རྒྱ་གར་གཞུང་མང་གཉིས་ཀྱིས་བོད་མིར་ཕྱོགས་གང་ས་ནས་རྒྱབ་སྐྱོར་དང་འགན་ཁུར་གཞན་ལས་ལྷག་པ་བྱེད་རྒྱུ་ཡིན་པའི་གསུང་བཤད་གནང་ཡོད་པ་རེད།

Read more

བོད་དོན་རྒྱབ་སྐྱོར་ཆེད་རྒྱ་གར་གྱི་གོམ་བགྲོད།

ཟླ་འདིའི་ཚེས་༦ ཉིན་རྒྱ་གར་མི་མང་ཆབ་སྲིད་ཚོགས་པའམ་བྷི་ཇེ་པི་ཆབ་སྲིད་ཚོགས་པའི་ན་གཞོན་རྒྱབ་སྐྱོར་བ་རྣམས་ཀྱི་གོ་སྒྲིག་འོག་རྒྱ་གར་ནས་བོད་བར་གོམ་བགྲོད་ཅེས་པ་ཞིག་གོ་སྒྲིག་གནང་ཡོད་པ་དང༌། འཕགས་བོད་མཛའ་འབྲེལ་གོང་འཕེལ་དང་བོད་ལ་རང་སྲིད་རང་སྐྱོང་ཐོབ་ཐབས་སྐོར་གྱི་ཚོགས་ཆེན་ཞིག་ཚོགས་ཡོད་པ་རེད།

Read more
Page 590 of 655« First...588589590591592...Last »