མོན་གྷོ་བོད་མིའི་གཞིས་སྒར་དུ་མར་མེའི་ཁྲོམ་སྐོར།

འདི་ཟླའི་ཚེས་ཉིན་མོན་གྷོ་ས་གནས་གཞོན་ནུ་ལྷན་ཚོགས་ཀྱི་གོ་སྒྲིག་འོག་མར་མེ་ཁྲོམ་སྐོར་ཞིག་བྱས་སོང་བ་དང༌། དེ་ཡང་ཉིན་དེའི་དགོང་མོ་ཆུ་ཚོད་དྲུག་པའི་ཐོག་མོན་གྷོ་བོད་མིའི་གཞིས་གྲོང་ཁག་དགུ་ཡི་མི་མང་དང་བཙུན་དགོན་བྱང་ཆུབ་ཆོས་གླིང་གི་བཙུན་མ་རྣམས་ཀྱིས་སོ་སོའི་དགོན་པ་དང་གྲོང་སྡེ་ནས་བྱང་ཆུབ་སེམས་མཆོག་མའི་སྟ་དབྱངས་སྒྲོག་བཞིན་ས་གནས་གཞིས་སྤྱིའི་ཚོགས་ཁང་ནང་དུ་འཛོམས་ནས་རྒྱལ་བའི་ཞབས་བརྟན་དང་སྒྲོལ་མ་སོགས་གསོག་སྒྲུབ་གནང་བ་དང་དེ་བཞིན་ཆུ་ཚོད་སྐར་ཆ་གཅིག་རིང་བོད་ནང་དུ་སྲོག་ཐོག་གཏོང་ལ་ཉེ་བའི་བོད་མི་དེ་དག་ལ་གདུང་སེམས་མཉམ་བསྐྱེད་ཆེད་མྱ་ངན་གུས་འདུད་ཞུས་ཡོད་པ་རེད།

Read more

ཁམས་ཏྲེ་ཧོར་ཁུལ་དུ་ཞི་བའི་ངོ་རྒོལ་མུ་མཐུད་བྱེད་བཞིན་པ།

འདས་ལོ་བོད་མིའི་རང་དབང་སྒེར་ལངས་ཐེངས་༤༩ པའི་ཐོག་བོད་ཀྱི་རྒྱལ་ས་ལྷ་ས་རུ་སེ་འབྲས་གཉིས་ཀྱི་དགེ་འདུན་པས་སྣེ་འཁྲིད་ཅིང༌། དྲག་པོའི་དམག་དཔུང་གི་གོ་མཚོན་གྱི་སོ་ཁ་ནས་རང་སྲོག་བློས་གཏོང་གིས་རྒྱ་ནག་སྲིད་གཞུང་ལ་ཞི་བའི་ངོ་རྒོལ་ཡར་ལངས་བྱས་ཏེ་རིམ་བཞིན་མདོ་དབུས་ཁམས་གསུམ་གྱི་གྲོང་དང༌། གྲོང་ཁྱེར། གྲོང་གསེབ། ཞིང་འབྲོག་ཁུལ། དགོན་སྡེ་གྲྭ་ཚང༌། སློབ་གྲྭ་དང་སློབ་ཆེན་སོགས་བོད་ཁྱོན་ཡོངས་ནས་སྤུན་ཟླ་ཁྲི་ཚོ་དུ་མ་ཡར་ལངས་ཀྱིས། རྒྱ་གཞུང་ལ་ཞི་རྒོལ་གྱི་ལས་འགུལ་གང་མང་ཞིག་སྤེལ་ཡོད་པ་ལྟར། འདི་ལོར་ཡང་གཞིས་ལུས་བོད་མི་ཚོས་བོད་རང་བཙན་གྱི་རྒྱལ་ཁའི་ཁྲོད་ྋགོང་ས་མཆོག་ཕོ་བྲང་པོ་ཏཱ་ལར་གདན་འདྲེན་ཞུ་རྒྱུའི་སྙིང་སྟོབས་དང་སེམས་ཤུགས་ཞུམ་པ་མེད་པའི་ཐོག རྒྱ་ནག་སྲིད་གཞུང་ལ་ཞི་བའི་ངོ་རྒོལ་བྱས་དང་བྱེད་བཞིན་པ་ལྟར། མདོ་ཁམས་ཏྲེ་ཧོར་དཀར་མཛེས་ཁུལ་མི་མང་རྣམས་ཀྱིས་ྋགོང་ས་རྒྱལ་བ་རིན་པོ་ཆེ་མཆོག་སྐུ་ཚེ་ཞབས་པད་བརྟན་པའི་ཆེད་དུ། དཀར་མཛེས་རྫོང་ཁོངས་གྲོང་སྡེ་༨༠ ལྷག་གིས་རིམ་ཅན་དུ་ཟླ་བ་གཉིས་ཙམ་གྱི་རིང་ལ་མ་ཎི་དང༌། སྒྲོལ་མ་གྲངས་གསོག་བྱས་ཡོད་འདུག དེའི་སྐབས་མ་ཎི་གྲངས་ཀ་རོབ་རྩིས་དུང་ཕྱུར་༣༠ ལས་མ་ཉུང་བ་གྲངས་གསོག་དང་སྔོན་གྱི་ལོ་རྒྱུས་ཐོག་བྱུང་མྱོང་མེད་པའི་ཞི་རྒོལ་གྱི་རྣམ་པ་གསར་པ་ཞིག་སྤེལ་ཡོད་པ་རེད།

Read more

རྒྱ་ནག་གི་འགྲོ་བ་མིའི་ཐོབ་ཐང་ལག་བསྟར་གྱི་འཆར་འགོད།

  ཟླ་འདིའི་ཚེས་༡༤ ཉིན་གསར་ལམ་ཁག་ནས་གནས་ཚུལ་སྤེལ་གསལ་ལྟར་ན། རྒྱ་ནག་གཞུང་གིས་ཤོག་གྲངས་༥༤ ཡོད་པའི་འགྲོ་བ་མིའི་ཐོབ་ཐང་སྐོར་གྱི་ཡིག་ཆ་ཞིག་འགྲེམས་སྤེལ་བྱས་ཡོད་པ་དང༌། དེའི་ནང་དེང་སྐབས་རྒྱ་ནག་ཏུ་ལག་བསྟར་བྱེད་བཞིན་པའི་སྲོག་ཐོག་གི་ཁྲིམས་གཅོད་དང་མནར་གཅོད་སོགས་ཁྲིམས་ཆད་དེ་དག་བསྒྱུར་བཅོས་གཏོང་འཆར་ཡོད་ཅེས་འཁོད་ཡོད་པར། ཤར་ཨེ་ཤ་ཡའི་རྒྱལ་སྤྱིའི་བཙོན་གྲོལ་མཐུན་ཚོགས་ཀྱིས་དགའ་བསུ་ཞུས་ཡོད་པའི་གནས་ཚུལ་ཐོན་ཡོད་པ་རེད།

Read more

རྨ་ཆུ་རྫོང་དབལ་པཎ་ཤང་དུ་བོད་མི་འཛིན་བཟུང།

    རྨ་ཆུའི་སྒྲོལ་དཀར་སྐྱབས་ལགས་ཀྱིས་འདི་གར་གནས་ཚུལ་མཁོ་གཏོང་གནང་བ་ལྟར་ན། རྨ་ཆུ་རྫོང་དབལ་པཎ་ཤང་དུ་རྒྱ་གཞུང་གིས་དམག་གིས་མི་གཅིག་འཇུ་བཟུང་དང། དེ་མིན་མང་པོ་འཇུ་བཟུང་དགོས་པའི་བཀའ་རྒྱ་བཏང་ཡོད་པ་མ་ཟད། མི་མང་ཁྲོད་ཉེས་འཛུགས་སྣ་ཚོགས་བྱས་ཏེ་རྡུང་རྡེག་བཏང་བར་བརྟེན་རྨས་སྐྱོན་ཕོག་དང་བྲོས་བྱོལ་དུ་འགྲོ་མཁན་སོགས་བྱུང་ནས་གནས་སྟངས་ཛ་དྲག་ཆགས་ཡོད་འདུག ཟླ་འདིའི་ཚེས་༡༠ ཉིན་རྨ་ཆུ་རྫོང་དབལ་པཎ་ཤང་གསར་མ་དགོན་གྱི་གར་འཆམ་སྐབས། རྒྱ་དམག་གིས་དགོན་པར་མཆོད་མཇལ་ཞུ་བར་འགྲོ་མཁན་མི་མང་ལ་གང་བྱུང་ཉེས་རྡུང་དང་སྔོག་བཤེར་གྱིས་ལྕགས་རྡོ་དང་གློ་གྲི་སོགས་ཕྲོགས་པ་དང༌།

Read more

གྲྭ་པ་ཞིག་གི་རང་སྲོག་གཅོད་དགོས་བྱུང་བ།

གནས་ཚུལ་ཤེས་རྟོགས་བྱུང་བ་ལྟར་ན། མདོ་སྨད་རེབ་གོང་མདོ་བ་འབྲོག་ནས་ཡིན་པའི་གྲྭ་བཤད་སྒྲུབ་ལགས་ཀྱིས་ཉིན་ཤས་སྔོན་རང་སྲོག་གཅོད་དགོས་བྱུང་ཡོད་པ་དང། ཁོང་གིས་རང་སྲོག་གཅོད་དོན་ཕྱི་ལོ་༢༠༠༨ ལོར་རེབ་གོང་ནས་རྒྱ་ནག་གཞུང་ལ་ཞི་བའི་ངོ་རྒོལ་སྔ་རྗེས་སྤེལ་བའི་ནང་མཉམ་ཞུགས་བྱས་པར་བརྟེན། ས་གནས་རྒྱ་གཞུང་གི་ཉེན་རྟོག་པས་འཛིན་བཟུང་བཀག་ཉར་གྱིས་གཅར་རྡུང་ཚད་མེད་བཏང་རྗེས་གློད་གྲོལ་བཏང་ཡོད་འདུག།

Read more

ཆབ་སྲིད་བཙོན་པ་ཁག་ཅིག་གློད་གྲོལ།

རྒྱ་ནག་གཞུང་གིས་འཇུ་བཟུང་བྱས་པའི་མདོ་སྨད་མང་ར་ཀླུ་ཚང་དགོན་པའི་དགེ་འདུན་པ་དྲུག་དང༌། སུམ་མདོ་ཞང་གི་བོད་རིགས་ལས་བྱེད་བཀྲ་ཤིས་དོན་འགྲུབ། ཁོང་གི་སྤུན་ཆུང་སྦྱིན་པ་རྒྱ་མཚོ་བཅས་བསྡོམས་པའི་མི་༨ གློད་གྲོལ་བཏང་ཡོད་འདུག

Read more

སྐབས་བཅོ་ལྔ་པའི་རྒྱ་གར་འོས་བསྡུ་ཆེན་པོ།

འདིའི་ཚེས་༡༣ ཉིན་གསར་ལམ་ཁག་ནས་གནས་ཚུལ་སྤེལ་གསལ་ལྟར་ན། རྒྱ་གར་གྱི་ཆབ་སྲིད་ཚོགས་པ་ཆེ་ཤོས་ཁན་གྷི་རི་སི་དང། བྷི་ཇི་བྷི་གཉིས་ལས་གཞན་པའི། ལྟ་གྲུབ་གཅིག་མཐུན་ཚོགས་པ་ཟེར་བ་ཞིག་རྒྱ་གར་གྱི་དམར་ཕྱོགས་ཚོགས་པ་གཙོ་བོར་བྱས་ནས་བཙུགས་པའི་ཆབ་སྲིད་ཚོགས་པ་གཞན་ཞིག་ཐོན་ཡོད་པ་དང༌། ཆབ་སྲིད་ཚོགས་པ་ཚང་མས་གཞུང་འཛིན་གྱི་རྒྱལ་ཁ་ཐོབ་ན་ས་ཁུལ་དེ་དང་དེ་ལ་དཀའ་ངལ་གང་ཡོད་པ་རྣམས་འཕྲལ་དུ་སེལ་རྒྱུ་ཡིན་པའི་གཏམ་བཤད་སྤེལ་བཞིན་ཡོད་ལ། དམིགས་བསལ་གྱི་གྲོང་གསེབ་ཁག་ཏུ་ལས་འགུལ་དེ་དག་གཞི་རྒྱ་ཆེན་པོ་དང་འགྲོ་གྲོན་ཡང་མི་ཉུང་བ་ཞིག་གཏོང་བཞིན་ཡོད་པའི་གནས་ཚུལ་ཐོན་ཡོད་པ་རེད།

Read more

རྒྱ་ནག་གཞུང་གིས་རྒྱ་གར་གྱི་སྲིད་འཛིན་ལ་ངོ་རྒོལ།

        གསར་ལམ་ཁག་ནས་གནས་ཚུལ་སྤེལ་གསལ་ལྟར་ན། རྒྱ་གར་གྱི་སྲིད་འཛིན་ལྕམ་པཱ་ཊལ་རྒྱ་གར་ཨ་རུན་ནཱ་ཆའི་མངའ་སྡེའི་ཁོངས་སུ་གཏོགས་པའི་མོན་རྟ་དབང་དུ་གཟིགས་སྐོར་ལ་ཕེབས་སྐབས། རྒྱ་ནག་གཞུང་ངོས་ནས་མོན་རྟ་དབང་རྒྱ་ནག་གི་ཆ་ཤས་ཡིན་པས་རྒྱ་གར་གྱི་དཔོན་རིགས་ཚོ་ས་ཆ་དེར་ཕེབས་པ་ངོ་རྒོལ་ཡོད་ཅེས་ཁྱབ་བསྒྲགས་བྱས་ཡོད་པ་རེད།

Read more

འཆི་མེད་དགའ་ཚལ་གླིང་དགོན་པ་དབུ་འབྱེད་མཛད་སྒོ།

སངས་རྒྱས་ཀྱི་བསྟན་པ་ཞེས་ངོ་ཐོག་མཛུབ་མོ་འཛུགས་ས་དེ་རང་གི་རྒྱུད་ལ་བལྟ་དགོས་ཀྱི་རེད། རང་རྒྱུད་ལ་སངས་རྒྱས་ཀྱི་ཆོས་སློབ་སྦྱོང་བྱས་ནས། གཞི་ལམ་འབྲས་གསུམ་གྱི་རྣམ་གཞག་གིས་མཚོན་པའི་མདོ་རྒྱུད་ཀྱི་གཞུང་མང་པོ་ཡོད་པ་དེ་དག་སློབ་གཉེར་དང༌། ཤེས་ཚད་ཀྱི་ཐོག་ནས་ལུང་གི་ཡོན་ཏན་ཡོད་པ། མདོར་ན་སྡེ་སྣོད་གསུམ་ལ་སློབ་སྦྱོང་བྱས་ནས་དེའི་བརྗོད་བྱ་བསླབ་པ་གསུམ་གྱི་ཉམས་ལེན་རང་རྒྱུད་ལ་ཚང་བ་དགོས་ཀྱི་ཡོད་རེད། ལུང་རྟོགས་ཀྱི་ཡོན་ཏན་རྒྱུད་ལ་ཚང་བ་ཞིག་མེད་པ་ཡིན་ན་ཕྱི་ལོགས་སུ་རྒྱས་སྤྲོས་ག་ཚོད་ཡོད་ཀྱང༌། དེས་བསྟན་པ་རྒྱས་པ་ཟེར་བ་བཤད་ཐུབ་རྒྱུ་ཁག་པོ་རེད་ཅེས་ྋགོང་ས་མཆོག་གིས་གསུངས་ཡོད་པ་རེད།

Read more

བཙན་བྱོལ་བོད་མིའི་མི་འབོར་ཞིབ་བཤེར།

ཟླ་འདིའི་ཚེས་༡༢ ཉིན་བཙན་བྱོལ་བོད་གཞུང་གི་མི་འབོར་ཞིབ་བཤེར་ཐེངས་གཉིས་པ་དེ་བྱེད་ཀྱི་ཡོད་པ་དང། བཙན་བྱོལ་བོད་མི་གནས་སྡོད་བྱེད་སའི་རྒྱ་བལ་འབྲུག་གསུམ་དང། ཕྱི་རྒྱལ་ཁག་ཡོངས་ལ་ཉིན་དེར་དུས་གཅིག་ལ་ཞིབ་བཤེར་བ་གྲངས་༢༤༠༠ ཙམ་གྱིས་ཁྱིམ་ཚང་རེ་རེ་བཞིན་མིང་ཐོ་བསྡུ་རུབ་བྱས་ཡོད་པ་རེད།
    བོད་གཞུང་འཆར་འགོད་ལས་ཁུངས་ཀྱི་འགན་འཛིན་དཀོན་མཆོག་བརྩོན་འགྲུས་ཀྱིས་གསར་འགོད་གསལ་བསྒྲགས་ཤིག་གི་ཐོག་གསུང་དོན། བཙན་བྱོལ་བོད་གཞུང་གི་མི་འབོར་ཞིབ་བཤེར་ཐོག་མ་དེ་༡༩༩༨ ལོར་བྱས་པ་རེད། དེའི་སྐབས་མི་གྲངས་གཅིག་འབུམ་ཉིས་ཁྲི་གསུམ་སྟོང་ལྷག་ཅིག་ཡོད་པ་དང། རྒྱལ་སྤྱིའི་འགྲོ་སྟངས་བྱས་ན། ལོ་བཅུ་རེའི་མཚམས་སུ་ཞིབ་བཤེར་རེ་བྱེད་དགོས་པ་ཡོད་པ་རེད་མོད། ༢༠༠༨ ལོར་བོད་ནང་ཛ་དྲག་གི་གནས་སྟངས་བྱུང་ནས་ས་གནས་གང་སར་ལྷིང་འཇགས་མེད་པ་ཆགས་ནས་ཟླ་༡༠ རིང་ལ་ཕྱིར་འགྱངས་བྱེད་དགོས་བྱུང་བ་རེད།

Read more
Page 655 of 699« First...653654655656657...Last »