རྒྱ་ནག་ཤར་ཕྱོགས་ཨན་ཧུའེ་ཞིང་ཆེན་གྱི་ཞིང་པ་ཁྱིམ་ཚང་ཞིག་ལ་ཕྲུ་གུ་བུ་ལག་པ་གསུམ་ཅན་ཞིག་སྐྱེས་ཡོད་པ་དང༌། ད་ཆ་བུ་དེ་ཟླ་བ་གཉིས་ཙམ་ཡིན་ཞིང༌། ཧྲང་ཧེ་གྲོང་ཁྱེར་སྨན་ཁང་ཞིག་ཏུ་བཤའ་བཅོས་བྱས་ནས་ལག་པ་གཅིག་གཅོད་རྒྱུ་ཡིན་པའི་གནས་ཚུལ་སྤེལ་འདུག
Read more
ཏྲེ་ཧོར་རྟའུ་མ་གཟི་ཤང་ཅོང་གཞི་གྲོང་ནས་ཡིན་པ། ཕ་ཚེ་འདས་བློ་བཟང་རྒྱ་མཚོ་དང༌། མ་ཚེ་འདས་པད་སྐྱིད་གཉིས་བུ་རང་ལོ་༥༥ ཅན་ཚེ་དབང་རིག་འཛིན་ཉེ་སྔོན་རྟའུ་ཁུལ་དུ་ཞི་རྒོལ་བའི་གྲས་ཀྱི་གཙོ་བོ་ཡིན་པའི་ཉེས་འཛུགས་འོག ཕྱི་ཟླ་༦ ཚེས་༡༣ ཉིན་འཛིན་བཟུང་བྱས་ནས་ད་སྐབས་ག་སོང་ཆ་མེད་གྱུར་ཡོད་པ་མ་ཚད། ཁོང་གི་ཕ་དམ་པ་ཡང་ཁོང་ཆུང་རང་ལོ་༢ ཡས་མས་སྐབས་རྒྱ་གཞུང་ནས་སྡུག་སྦྱོར་ཚད་མེད་བཏང་རྐྱེན་མ་བཟོད་པ་རང་ཤི་བརྒྱབ་ཡོད་འདུག རྟའུ་མ་གཟི་ཤང་ཅོང་གཞི་གྲོང་ནས་ཕ་མིང་ཚེ་འདས་ཉི་ཆེན་དང༌། མ་མིང་ནོར་སྲས་གཉིས་ཀྱི་བུ་རང་ལོ་༣༨ ཅན་བཀྲིས་དབང་ཕྱུག་ཁོང་གི་གྲོགས་ཉི་མ་གྲགས་པ་དང་གཅིག་མཚུངས་ཀྱི་ཕྱི་རྒྱལ་ཁག་ལ་གནས་ཚུལ་མཁོ་སྤྲོད་བྱས་པའི་ཉེས་འཛུགས་འོག་ཕྱི་ཟླ་༤ པའི་ནང་རྒྱ་གཞུང་ནས་འཛིན་རྩིས་བྱས་སྐབས་རི་ལ་བྲོས་བྱོལ་དུ་སོང་ཡོད་པ་དང་ད་དུང་ཡང་ག་སོང་ཆ་མེད་དུ་གྱུར་ཡོད་འདུག
Read more
ལོ་འདིའི་འཇང་དགུན་ཆོས་ཆེན་མོ་དེ་མོན་གྷོ་བོད་མིའི་གཞིས་ཁོངས་ཀྱི་འབྲོག་རི་བོ་ཆེ་དགེ་ལྡན་རྣམ་པར་རྒྱལ་བའི་གླིང་དུ་འཚོགས་བཞིན་ཡོད་པ་རེད། དེ་ཡང་ཟླ་༡༡ ཚེས་༢༧ ནས་དབུ་འཛུགས་ཀྱིས་འཇང་དགུན་ཆོས་ཆེན་མོ་དེ་ལོ་ལྟར་སེ་འབྲས་དགེ་གསུམ་དང་བཀྲིས་ལྷུན་པོ་རྭ་སྟོད་རྣམ་གྲྭ་རྒྱུད་གྲྭ་སྟོད་སྨད་སོགས་མང་ཆེ་བ་དཔལ་རྒྱལ་བ་ཙོང་ཁ་པ་ཆེན་པོའི་རིང་ལུགས་འཛིན་པའི་ཆོས་སྡེ་ཆེ་ཕྲ་ཡོངས་རྫོགས་ཆེད་ཕེབས་སྲོལ་ཡོད་པ་བཞིན་འདི་ལོའང་ཟླ་གཅིག་མ་ཟིན་ཙམ་རིང་འཚོགས་བཞིན་ཡོད་པ་རེད།
Read more
ཕྱི་ཟླ་༡༡ པའི་ཚེས་༢༦ ནས་༢༨ པར་ཉིན་གསུམ་རིང་འབྲས་བློ་གླིང་ཆོས་རིག་འཛིན་སྐྱོང་སློབ་གྲྭའི་གོ་སྒྲིག་འོག་སེར་སྐྱ་མི་མང་རྣམས་ལ་ཆོས་ཚན་ཟུང་འབྲེལ་འགྲེམས་སྟོན་ཐེངས་དང་པོ་ཞེས་པ་གནང་སོང་བ་དང༌། དེའི་སྐོར་བློ་གླིང་ཆོས་རིག་འཛིན་སྐྱོང་སློབ་གྲྭའི་སློབ་སྤྱི་ངག་དབང་རྒྱ་མཚོ་མཆོག་གིས་གསུངས་པ་ལྟར་ན། དམིགས་ཡུལ་གཙོ་བོ་དེ་ྋགོང་ས་སྐྱབས་མགོན་རིན་པོ་ཆེའི་བཀའ་དགོངས་ཟབ་མོ་བཞིན་ཚན་རིག་དང་ནང་ཆོས་དབར་གྱི་གོ་བསྡུར་བྱེད་རྒྱུ་གལ་ཆེན་ཞིག་ཏུ་བརྩིས་ནས་དེ་རིང་ང་ཚོས་ཆོས་ཚན་ཟུང་འབྲེལ་གྱི་འགྲེམས་སྟོན་ཐེངས་དང་པོ་དེ་འགོ་བཙུགས་པ་ཞིག་ཡིན་སྐོར་དང༌།
ཟླ་སྔོན་མའི་ཕྱི་ཚེས་༢༩ ཉིན་མཉམ་འབྲེལ་རྒྱལ་ཚོགས་ཀྱིས་དངུལ་རྩིས་ཡར་རྒྱས་གཏོང་ཕྱོགས་སྐོར་གྱི་ཚོགས་ཆེན་ཞིག་འཚོགས་ཡོད་པ་དང༌། ཚོགས་ཆེན་དེའི་ཐོག་མཉམ་འབྲེལ་རྒྱལ་ཚོགས་ཀྱི་དྲུང་ཆེས་འཛམ་གླིང་དུ་དབུལ་ཕོངས་ཀྱི་གྲངས་ཀ་ཉུང་དུ་གཏོང་ཐུབ་ན། རྒྱལ་སྤྱིའི་དཔལ་འབྱོར་ཡར་རྒྱས་འགྲོ་བར་ཕན་ཐོགས་ཆེན་པོ་ཡོང་རྒྱུ་རེད་ཅེས་གསུངས་ཡོད་པ་རེད། འོན་ཀྱང་ད་ལྟའི་དཔལ་འབྱོར་གྱི་དཀའ་ངལ་ལ་བརྟེན་ནས་རྒྱལ་ཁབ་མང་པོ་ཞིག་ཚོགས་ཆེན་དུ་བཅར་ཐུབ་མེད་པ་རེད།
Read more
གསར་འགྱུར་བརྒྱུད་ལམ་ཁག་ནས་གནས་ཚུལ་སྤེལ་བ་ལྟར་ན། ཟླ་སྔོན་མའི་ཚེས་༢༦ ཉིན་རྒྱ་གར་ལྷོ་ཕྱོགས་མོམ་བྷེ་རུ་འཇིགས་སྐུལ་རིང་ལུགས་པས་འབར་རྫས་གཏོར་ནས་དྲག་སྤྱོད་ཀྱི་དོན་རྐྱེན་ཚབས་ཆེན་ཞིག་བཟོས་ཡོད་པ་དང༌། དེའི་སྐབས་སུ་ཕྱི་རྒྱལ་བ་གྲངས་༢༢ དང༌། བདེ་སྲུང་མི་སྣ་༢༠ གསར་འགོད་པ་༡ མི་མང་བཅས་ཁྱོན་མི་གྲངས་༡༨༣ ཙམ་བསད་པ་དང༌། མི་༣༠༠ ལྷག་ལ་རྨས་སྐྱོན་བཟོས་ཡོད་པ་རེད། རྒྱ་གར་རྒྱལ་ཡོངས་ལ་གཡོ་འགུལ་ཆེན་པོ་ཞིག་ཐེབས་ཡོད་པ་རེད།
Read more
ཉེ་ཆར་ནག་ཆུ་ཨ་མདོ་རྫོང་ནས་ཕེབས་པའི་གྲྭ་པ་ཞིག་བལ་ཡུལ་སྣེ་ལེན་ཁང་དུ་འབྱོར་ཡོད་པ་དང༌། ཁོང་ན་ནིང་འབྲུག་ནས་འཛིན་བཟུང་བྱས་ཏེ་ཕྱིར་སློག་བྱས་པ་ཞིག་རེད་འདུག ༢༠༠༧ ལོའི་ཟླ་༡ ཚེས་༢༥ ཉིན་ཕ་ཡུལ་ནག་ཆུ་ཨ་མདོ་རྫོང་ནས་ཡིན་པའི་མི་ལྔ་ནག་ཆུ་ནས་འབྲུག་བརྒྱུད་རྒྱ་གར་དུ་སྐྱབས་བཅོལ་ལ་ཡོང་བ་དང༌། ཚེས་༢༨ འབྲུག་པའི་སྐོར་སྲུང་བས་འཛིན་བཟུང་བྱས་ཏེ་པག་རོག་རྫོང་དུ་ཉིན་ཤས་རིང་བཀག་ཉར་བྱས་འདུག
Read more
མེས་དབོན་གཙུག་ལག་དཔེ་སྟོན་སློབ་གྲྭ་དབུ་བརྙེས་ནས་ལོ་ངོ་གསུམ་འཁོར་ཟིན་ཡོད་པ་དང༌། ཟླ་འདིའི་ཚེས་༡ ཉིན་གངས་སྐྱིད་ཕྱི་དྲིལ་ལྷག་པ་ཚེ་རིང་ཚོགས་ཁང་དུ་སློབ་ཕྲུག་ཚོས་བྲིས་པའི་རི་མོ་དང་ཡིག་གཟུགས་སོགས་ཀྱི་འགྲེམས་སྟོན་ཞིག་གོ་སྒྲིག་བྱས་ཡོད་པ་རེད། དེར་ཤེས་རིག་བཀའ་བློན་ཐུབ་བསྟན་ལུང་རིགས་མཆོག་སྐུ་མགྲོན་གཙོ་བོར་ཕེབས་ཡོད་པ་རེད།
ཟླ་འདིའི་ཚེས་༡ ཉིན་ནི་འཛམ་གླིང་གཉན་ནད་རེག་དུག་(HIV/AIDS)གི་ན་ཚའི་ཉིན་མོ་ཡིན་པ་དང༌། ཉིན་དེར་དྷ་ས་ཟློས་གར་ཚོགས་ཁང་དུ་བོད་གཞུང་འཕྲོད་བསྟེན་ལས་ཁུངས་ཀྱིས་མི་མང་ལ་ན་ཚ་སྔོན་འགོག་སྐོར་ལ་ངོ་སྤྲོད་གནང་བ་དང་འབྲེལ་བོད་པའི་སྤྱི་ཚོགས་ནང་གཉན་ནད་རེག་དུག་གི་ནད་གཞི་ངོ་སྤྲོད་དང༌། སྔོན་འགོག་ཐབས་ལམ་སོགས་ཀྱི་སྐོར་ལ་སློབ་གསོའི་ལས་འགུལ་རྒྱ་ཆེ་སྤེལ་རྒྱུའི་ལས་རིམ་ནང་འདི་ལོའི་ཕྱི་ཟླ་༡༢ ཚེས་༡ ནས་༢༠༠༩ ལོའི་ཟླ་༣ ཚེས་༣༡ བར་ས་གནས་གང་ས་ནས་རིན་མེད་ཐོག་བརྟག་དཔྱད་བྱ་རྒྱུ་ཡིན་པ་འགྲེལ་བརྗོད་གནང་ཡོད་པ་རེད། དེ་བཞིན་བོད་གཞུང་སྨན་རྩིས་ཁང་གི་སྨན་པ་བསྟན་འཛིན་རྣམ་གྲོལ་ལགས་ཀྱིས་བོད་པའི་སྤྱི་ཚོགས་ནང་ནད་གཞི་དེ་ཇེ་མང་དུ་འགྲོ་བཞིན་ཡོད་པ་ངོ་སྤྲོད་དང༌།
བཀའ་ཟུར་བཀྲ་ཤིས་དབང་འདུས་ལགས་སུ་ཨ་རིའི་སྤྱི་ཚོགས་ནང་བོད་དོན་ཐོག་ལྟ་སྟངས་ག་འདྲ་ཡོད་མེད་སྐོར་བཅར་འདྲི་ཞུས་པར། ཁོང་གིས། ཨ་རིའི་མང་ཚོགས་དང༌། གྲོས་ཚོགས། སྲིད་གཞུང་གི་འཛིན་སྐྱོང་གི་ཕྱོགས་གང་ཐད་ནས་བོད་ཐོག་རྒྱབ་སྐྱོར་ཤུགས་ཆེན་པོ་ཞེ་དྲག་རེད། སྤྱི་ཡོངས་ནས་བཤད་ན་ཨ་རི་དེ་བོད་དོན་ཐོག་ཤུགས་ཆེ་ཤོས་ཀྱི་རྒྱབ་སྐྱོར་གནང་མཁན་ཞིག་ཆགས་བསྡད་ཡོད་པ་རེད།
Read more