ང་ཚོར་འགན་ཞིག་ཡོད་པ་རེད།

 ྋགོང་ས་མཆོག་ཐེངས་འདིར་ཌན་མག་ཏུ་ཆིབས་བསྒྱུར་གནང་ནས། བོད་མི་མཇལ་ཁ་ཞུ་མཁན་ཚོར་བཀའ་སློབ་གནང་སྐབས། བོད་པ་ཚོ་ཡུལ་གང་དུ་བསྡད་ཡོད་ནའང། མ་ཤི་བར་དུ་བོད་མིའི་ཤ་ཁྲག་རུས་གསུམ་ལ་འགྱུར་བ་ཡོད་པ་མ་རེད། བོད་ནང་གི་མི་མང་ཚོ་རང་དབང་བྲལ་ནས་དཀའ་ངལ་འཕྲད་བསྡད་ཡོད་པ་རེད། རྣམ་འགྱུར་སྟོན་སྟངས་ཤིག་མ་འགྲིག་ནའང་སྲོག་ཤོར་བའི་ཉེན་ཁ་ཡོད་པ་རེད། ད་ལྟ་རྒྱ་མིས་བོད་པར་དོགས་པ་ཏོག་ཙམ་ཟོས་ན་འཇུ་བཟུང་གིས་ཉེས་རྡུང་ཚད་ལས་འདས་པ་བཏང་ནས། ཉེས་རྡུང་འོག་ནས་ཁ་ཤས་ཤི་བ་དང། མང་པོ་ནད་གཅོང་ཆགས་པ་འབྱུང་གི་ཡོད་པ་རེད། བོད་རྒྱ་ཆེའི་མི་མང་གིས་རང་དབང་ལུང་པར་ཡོད་པའི་བོད་པ་ཚོར་རེ་བ་བརྒྱབ་བསྡད་ཡོད་པ་རེད། ང་ཚོར་འགན་ཞིག་ཡོད་པ་རེད་ཅེས་བཀའ་སློབ་བསྩལ་ཡོད་པ་རེད།།

Read more

མཆོག་གྱུར་ཡུལ་མིའི་གཟེངས་རྟཌ།

ཕྱི་ཟླ་༥ ཚེས་༣༠ ཉིན་རྒྱ་གར་གྱི་མ་ཧཱ་ར་ཤི་ཏའི་མངའ་སྡེའི་ནང་ཡོད་པའི་རིགས་རུས་དམའ་བའི་ཤེས་ཡོན་ལྟེ་གནས་ཁང་ཞེས་པའི་ཚོགས་པས་མཁས་དབང་ཨེམ་བྷི་དྷ་ཀར་གྱི་འཁྲུངས་སྐར་མཛད་སྒོའི་ཐོག་བོད་མི་མང་སྤྱི་འཐུས་ཚོགས་གཞོན་རྒྱ་རི་སྒྲོལ་མ་མཆོག་གདན་ཞུ་གནང་བ་དང། ཁོང་ལ་མཆོག་གྱུར་ཡུལ་མིའི་གཟེངས་རྟགས་ཞེས་པའི་བྱ་དགའ་ཞིག་གནང་ཡོད་པ་རེད། ཚོགས་པ་དེ་ནི་སྟོན་པ་བཅོམ་ལྡན་འདས་ཀྱི་རྗེས་སུ་འཇུག་མཁན་གྱི་ཚོགས་པ་ཞིག་ཡིན་ཞིང༌། མཁས་དབང་ཨེམ་བྷི་དྷ་ཀར་ནི་རྒྱ་གར་གྱི་རྩ་ཁྲིམས་གསར་བཟོ་གནང་མཁན་དང༌། རིགས་རུས་དམའ་བའི་རྒྱ་གར་བས་ཆེ་མཐོང་གུས་བཀུར་བྱེད་ས་ཞིག་ཡིན་པ་རེད། ཚོགས་པ་དེའི་ངོས་ནས་བོད་ཀྱི་བདེན་མཐའ་གསལ་ཆེད་འཚེ་བ་མེད་པའི་ཐོག་ཏུ་འབད་བརྩོན་གནང་བར་རྒྱབ་སྐྱོར་ཡོད་སྐོར་གྱི་དགོངས་ཚུལ་ཡང་བཏོན་ཡོད་འདུག །

Read more

མཚན་ཉིད་འགྲན་སྡུར།

ཟླ་འདིའི་ཚེས་༡ ཉིན་སེར་བྱེས་འབྲིང་རིམ་སློབ་གྲྭ་དབུ་བརྙེས་ནས་ལོ་༢༦ འཁོར་བའི་མཛད་སྒོའི་ཉིན་ཆོས་རའི་སློབ་གཉེར་བ་དང་སློབ་གྲྭ་བ་བཅས་ཀྱིས་མཚན་ཉིད་འགྲན་སྡུར་བྱས་པ་དང། ཨང་དང་པོ་ཆོས་རའི་བསྡུས་འབྲིང་དང་གཉིས་པ་བསྡུས་ཆེན་གསུམ་པ་བསྡུས་ཆུང་ཐོབ་ཡོད་པ་རེད།

Read more

འདན་ཆོས་འཁོར་དགོན་གྱི་དགེ་འདུན་པ་ཁག་ཅིག་ལ་ཁྲིམས་ཆད།

ཕྱི་ཟླ་༥ ཚེས་༢ཉིན་སྡེ་དགེ་འཇོ་མདའ་རྫོང་ལྡན་ཆོས་འཁོར་དགོན་པའི་མཁན་པོ་བསྟན་འཛིན་རྒྱལ་མཚན་སོགས་དགེ་འདུན་པ་དྲུག་ལ་རྒྱ་ནག་གཞུང་གིས་མ་ཉེས་ཁ་གཡོགས་དང་བཙན་ཤེད་ཀྱིས་དྲང་བདེན་མིན་པའི་ཁྲིམས་ཐག་གཅད་ཡོད་པ་རེད་ཅེས་འབྲེལ་ཡོད་ཀྱིས་གནས་ཚུལ་མཁོ་སྤྲོད་བྱས་སོང།

Read more

ྋགོང་ས་མཆོག་གི་ཆིབས་བསྒྱུར་ཐོག་མ།

ཟླ་འདིའི་ཚེས་༡ ཉིན་གསར་ལམ་ཁག་ནས་གནས་ཚུལ་སྤེལ་གསལ་ལྟར་ན། བདུན་འདིའི་ནང་ྋགོང་ས་མཆོག་ཡུ་རོབ་རྒྱལ་ཁབ་ཨཱ་སི་ལཱན་ཌིར་ཟླ་འདིའི་ཚེས་༢ ཉིན་ཆིབས་བསྒྱུར་གནང་གི་ཡོད་པ་དང། དེ་ནི་ྋགོང་ས་མཆོག་ལུང་པ་དེར་ཆིབས་བསྒྱུར་གནང་བ་ཐོག་མ་དེ་ཆགས་ཡོད་པ་རེད། དེ་ཡང་ཡོངས་གྲགས་སུ་ལུང་པ་དེའི་གནམ་གཤིས་ཧ་ཅང་གྲངས་མོ་ཡིན་པས། ཡུ་རོབ་འཁྱགས་གླིང་རྒྱལ་ཁབ་ཅེས་འབོད་ཀྱི་ཡོད་པ་རེད།

Read more

གྲྭ་པ་གསུམ་ལ་ལོ་གསུམ་གྱི་ཁྲིམས་ཆད།

གསེར་རྟ་རྫོང་གནུབས་ཟུར་དགོན་གྱི་སྤྲུལ་སྐུ་དགེ་འཕེལ་དང། གྲྭ་དབྱིངས་ཕྱུག གྲྭ་ས་གཞི་བཅས་ལ་ཕྱི་ཟླ་༥ པའི་ནང་རྒྱ་ནག་གཞུང་གིས་ལོ་གསུམ་རེའི་ཁྲིམས་ཐག་བཅད་ཡོད་པ་དང། ཁོང་ཚོས་༢༠༠༨ ལོར་རྒྱ་ནག་གཞུང་ལ་ཞི་བའི་ངོ་རྒོལ་བྱས་ཏེ། འཇུ་བཟུང་བྱས་པ་ཞིག་རེད། ད་ལྟའི་ཆར་རྒྱ་ནག་ཁྲིན་ཏུའུ་ཉེ་འགྲམ་གྱི་ཏེན་ཡང་ཞེས་པའི་བཙོན་ཁང་དུ་བཅུག་ཡོད་པ་དང། གཉེན་ཉེ་སོགས་ལ་ཡང་ཕྱི་རྒྱལ་ཁ་པར་ཡོང་ལྟ་བུ་བྱས་ན། འདྲི་གཅོད་བྱེད་བཞིན་ཡོད་འདུག།

Read more

འཇིགས་སྐུལ་རིང་ལུགས་པ་རྩ་མེད་གཏོང་ལ་ཉེ་ཟེར།

ཟླ་འདིའི་ཚེས་༡ ཉིན་གསར་ལམ་ཁག་ནས་གནས་ཚུལ་སྤེལ་གསལ་ལྟར་ན། པཱ་ཀི་སི་ཐན་གཞུང་དམག་གིས་བདུན་འགའི་སྔོན་ནས་པཱ་ཀི་སི་ཐན་བྱང་ཤར་ཁུལ་དུ་གཏན་འཇགས་ཡིན་པའི་ཏ་ལའི་བྷན་འཇིགས་སྐུལ་རིང་པ་དང་འཐབ་འཛིང་གི་འགོ་བཙུགས་ཡོད་པ་དང༌། ཟླ་འདིའི་ཚེས་༡༠ ནང་ཁུལ་ནས་བྱང་ཤར་གྱི་ས་ཁུལ་དུ་ཡོད་པའི་འཇིགས་སྐུལ་རིང་ལུགས་པ་ཡོངས་རྫོགས་རྩ་མེད་གཏོང་རྒྱུ་ཡིན་སྐོར་པཱ་ཀི་སི་ཐན་གྱི་ཕྱི་སྲིད་བློན་ཆེན་གྱིས་ཁྱབ་བསྒྲགས་བྱས་ཡོད་པ་རེད།

Read more

གནམ་སྡེ་སྒོ་མོའི་ཨ་མ།

ཟླ་འདིའི་ཚེས་༡ ཉིན་གསར་ལམ་ཁག་ནས་གནས་ཚུལ་སྤེལ་གསལ་ལྟར་ན། རྒྱ་ནག་པེ་ཅིང་གནམ་སྡེ་སྒོ་མོའི་ཐང་ཆེན་དུ་མང་གཙོ་དོན་གཉེར་བ་དང་སློབ་ཕྲུག རྩོམ་པ་པོ། གསར་འགོད་པ་སོགས་ཀྱིས་རྒྱ་ནག་ལ་འགྲོ་བ་མིའི་ཐོབ་དང་མང་གཙོ་དགོས་ཟེར་ནས། རང་དབང་སྒེར་ལངས་བྱས་ཏེ་མི་ལོ་ཧྲིལ་པོ་༢༠ འཁོར་ལ་ཉེ་བའི་དུས་དང་བསྟུན་ནས། གནམ་སྡེ་སྒོ་མོའི་ཐང་ཆེན་གྱི་ཨ་མ་ཟེར་བའི་ཚོགས་པ་དེས་རྒྱ་ནག་དབུས་གཞུང་ལ་ལོ་༢༠ སྔོན་གྱི་མི་གསོད་ཁྲག་སྦྱོར་ལ་འགན་ལེན་དགོས་ཟེར་བའི་ཡིག་ཆ་འགྲེམས་སྤེལ་བྱེད་བཞིན་ཡོད་པ་རེད།

Read more

བོད་དང་རྒྱ་ནག་གི་ལས་འགུལ།

རྒྱ་ནག་གི་གནམ་བདེ་སྒོ་མོའི་ཐང་ཆེན་དུ་རྒྱ་རིགས་མང་གཙོ་དོན་གཉེར་བའི་ཡར་ལངས་ལ་དམར་ཤོག་གཞུང་གིས་དྲག་གནོན་བྱས་ཏེ། ལོ་༢༠ འཁོར་བའི་ཉིན་མོར་རྒྱ་རིགས་མང་གཙོ་དོན་གཉེར་བ་ཚོར་རྒྱབ་སྐྱོར་དང་གདུང་སེམས་མཉམ་བསྐྱེད་མཚོན་ཆེད་བོད་མིའི་སྒེར་ལངས་ཆེན་མོའི་ལས་འགུལ་བའི་ངོས་ནས་ཕྱི་ཟླ་༦ པའི་ཚེས་༤ ཉིན་དུས་དྲན་གྱི་ལས་འགུལ་སྤེལ་རྒྱུ་ཡིན་ཞེས་ཟླ་འདིའི་ཚེས་༡ ཉིན་གསར་འགོད་གསལ་བསྒྲགས་ཤིག་སྤེལ་ཡོད་པ་རེད།

Read more

བོད་ནང་གི་འགྲོ་བ་མིའི་ཐོབ་ཐང་སྐྱོ་པོ་རེད།

ཟླ་འདིའི་ཚེས་༢༨ ཉིན་གསར་ལམ་ཁག་ནས་གནས་ཚུལ་སྤེལ་གསལ་ལྟར་ན། ཨ་རིའི་གྲོས་ཚོགས་འོག་མའི་ཚོགས་གཙོ་ནཱན་སི་ཕི་ལོ་སི་རྒྱ་ནག་ཏུ་གཟིགས་སྐོར་ལ་ཕེབས་ནས། རྒྱ་ནག་ཆེས་མཐོའི་དཔོན་རིགས་ཁག་དང་མཇལ་འཕྲད་བྱས་ཡོད་པ་དང། ཚོགས་གཙོས་རྒྱ་ནག་དང་བོད་ཀྱི་ནང་འགྲོ་བ་མིའི་ཐོབ་ཐང་སྐྱོ་པོ་ཡིན་པའི་གསུང་བཤད་གནང་ཡོད་པ་རེད།

Read more
Page 708 of 763« First...706707708709710...Last »