རྨ་ཆུ་རྫོང་དུ་གྲྭ་གཉིས་འཛིན་བཟུང༌།

ཕྱི་ལོ་ཉིས་སྟོང་དགུ་ལོའི་ཧོར་ཟླ་དང་པོའི་སྨོན་ལམ་གྱི་ཚེས་༡༤ རྨ་ཆུ་རྫོང་མུར་བྱེ་ཞང་བྱེ་གཤོང་དགོན་དགའ་ལྡན་ཆོས་འཁོར་གླིང་གི་གྲྭ་གཉིས་རྨ་ཆུ་རྫོང་ཐོག་ཏུ་རྒྱ་ནག་གཞུང་གི་སྤྱི་བདེ་མི་སྣ་ཟེར་བས་བོད་དོན་ལས་འགུལ་སྤེལ་མཁན་གྱི་དོགས་གཞིའི་འོག་འཛིན་བཟུང་བྱས་འདུག  གྲྭ་དེ་གཉིས་རྭ་རྒྱ་ཤེས་རིག་ནོར་བུའི་སློབ་གླིང་དུ་སློབ་གཉེར་བྱེད་བཞིན་པའི་སློབ་མ་གཉིས་ཡིན་འདུག་ལ། ཁོང་གཉིས་སློབ་གྲྭའི་གུང་གསེང་རྫོགས་ཏེ་ཕྱིར་སློབ་གྲྭར་འགྲོ་སྐབས་གོང་ཚེས་ཉིན་རྨ་ཆུ་རྫོང་མགྲོན་ཁང་ཞིག་ཏུ་བསྡད་ཡོད་སྐབས་འཛིན་བཟུང་གིས་རྨ་ཆུ་རྫོང་བཀག་ཉར་ཁང་བཙོན་འཇུག་བྱས་ཡོད་འདུག འདས་ལོ་ཕྱི་ཟླ་བདུན་པ་ནས་རྨ་ཆུ་རྫོང་སྲང་ལམ་གཡས་གཡོན་དུ་གཟུགས་ལེན་འཕྲུལ་ཆས་བརྒྱད་དང་རྫོང་སྲིད་གཞུང་དང་སྤྱི་བདེ་ལས་ཁུངས་གཉིས་ཀྱི་སྒོ་འགྲམ་དུའང་ཉེན་ཟོན་སླད་གཟུགས་ལེན་འཕྲུལ་ཆས་ཆེད་འཛུགས་བྱས་ཡོད་འདུག

Read more

བལ་ཡུལ་དུ་མར་མེའི་ཁྲོམ་སྐོར།

ཕྱི་ཟླ་༢ པའི་ཚེས་༢༤ ཉིན་གྱི་ཕྱི་དྲོ་བལ་ཡུལ་མཆོད་རྟེན་ཁུལ་དུ་མདོ་སྟོད་ཆུ་བཞི་སྒང་དྲུག་ས་གནས་རྒྱུན་ལས་ཁང་གི་གོ་སྒྲིག་འོག་བོད་དོན་ཆེད་མར་མེ་ཁྲོམ་སྐོར་ཞིག་བྱས་ཡོད་པ་དང༌། ཉིན་དེར་སེར་སྐྱ་ཕོ་མོ་སྟོང་ཚོ་གཅིག་ལྷག་འདུ་འཛོམས་བྱུང་ཡོད་པ་རེད། དེ་ནི་བོད་ནང་ད་བར་བོད་དོན་ལས་འགུལ་ཆེད་བོད་མི་རྒྱ་ཕྲག་མང་པོ་དམར་གསོད་དང༌། སྟོང་ཚོ་བརྒལ་བ་འཛིན་བཟུང་བཙོན་འཇུག་བྱས་དང་བྱེད་མུས་སུ་ཡོད་པ་དག་ལ་བྱེས་འབྱོར་བོད་མི་རྣམས་ཀྱིས་གདུང་སེམས་མཉམ་སྐྱེད་མཚོན་བྱེད་དུ་ཡིན་སྐོར་གྱི་གསར་འགོད་གསལ་བསྒྲགས་གནང་ཡོད་པ་རེད།

Read more

ལོ་གསར་སྐབས་བལ་ཡུལ་དུ་བོད་དོན་ལས་འགུལ།

ཕྱི་ཟླ་༢ པའི་ཚེས་༢༥ བོད་ཀྱི་ལོ་གསར་ཚེས་༡ གི་སྡ་དྲོ་ཆུ་ཚོད་༦ པའི་ཐོག་བོད་པའི་གཞོན་སྐྱེས་ཁག་ཅིག་གིས་བལ་ཡུལ་རྒྱ་ནག་གཞུང་ཚབ་ཁང་གི་ལྕགས་རིའི་གྱང་ངོས་སུ་བོད་དུ་མི་གསོད་མཚམས་འཇོག་བྱེད་དགོས་ཞེས་ལྕགས་རྩི་སྔོན་པོས་བྲིས་ཡོད་པ་མ་ཟད། གྱང་ཁར་བོད་ཀྱི་རྒྱལ་དར་ཞིག་བཙུགས་ཡོད་པ་རེད། དེ་གློ་བུར་དུ་བྱུང་བའི་དོན་རྐྱེན་ཞིག་ཡིན་ཕྱིར་ཉེན་རྟོག་པས་འཛིན་བཟུང་བྱེད་ཐུབ་མེད་པ་དང༌། དེ་བཞིན་བོད་ཚེས་༢༩ ཞོགས་པ་སྔ་པོ་རྒྱ་ནག་གཞུང་ཚབ་ཁང་གི་རྒྱ་སྒོའི་མདུན་དུ་ན་ནིང་བོད་བར་གོམ་བགྲོད་གཉིས་པ་འགྲོ་མཁན་ཚོས་རྒྱ་ནག་གི་སྲིད་འཛིན་ཧུའུ་ཅིན་ཐའོ་དང་རང་སྐྱོང་ལྗོངས་ཀྱི་དཔོན་པོ་བྱམས་པ་ཕུན་ཚོགས་གཉིས་ཀྱི་འདྲ་གཟུགས་རེ་བཟོས་ཏེ་དགུ་གླུད་ནང་དུ་བསྐྱལ་ཡོད་པ་རེད། ཉིན་དེའི་དགོང་མོ་སླར་ཡང་གཞོན་སྐྱེས་ཁག་གཅིག་གི་རྒྱ་ནག་གཞུང་ཚབ་ཁང་གི་ལྕགས་རིའི་ནང་དུ་དགུ་གླུད་བཟོས་ཏེ་གཡུགས་ཡོད་པ་རེད།།  བལ་ཡུལ་གསར་འགོད་པས།

Read more

བོད་དོན་དང་འབྲེལ་བའི་རྒྱ་ཡིག་དེབ་ཆུང་ཞིག

ཟླ་འདིའི་ཚེས་༢༨ ཉིན་བོད་ཀྱི་བུད་མེད་ལྷན་ཚོགས་ཀྱིས་གངས་སྐྱིད་ལྷག་པ་ཚེ་རིང་ཚོགས་ཁང་དུ་རྒྱ་རིགས་བུད་མེད་རྩོམ་པ་པོ་  བརྩམས་པའི་དཔེ་དེབ་དབུ་འབྱེད་ཀྱི་གསར་འགོད་གསར་བསྒྲགས་ཤིག་འཚོགས་པ་དང༌། སྐབས་དེར་བོད་ཀྱི་བུད་མེད་ལྷན་གྱི་ཚོགས་གཙོ་བུ་མོ་ཚེ་རིང་ལགས་ཀྱིས་བུད་མེད་ཚོགས་པའི་ངོས་ནས་དེབ་དེ་དཔར་བསྐྲུན་བྱེད་དགོས་པའི་དམིགས་ཡུལ་སྐོར་ངོ་སྤྲོད་གནང་ཡོད་པ་རེད། རྒྱ་ནག་གིས་འཛུགས་སྐྲུན་བྱས་ཡོད་ཅེས་བརྗོད་ཀྱིན་ཡོད་པ་དེ། སྔོན་མ་ཁོ་རང་ཚོས་གཏོར་བཤིག་བཏང་བཞག་པ་དེ་ཡང་བསྐྱར་སླར་གསོ་ཅུང་ཙམ་བྱས་པ་ལས། སྔོན་མ་གཏོར་བཤིག་བཏང་ཚར་བ་དེ་ནམ་ཡང་རྙེད་རྒྱུ་ཡོད་པ་མ་རེད་ཅེས་རྩོམ་པ་པོས་འགྲེལ་བརྗོད་གནང་སོང༌།

Read more

གངས་ཁྲོད་ཀྱི་ལག་དམར་བ་ཞེས་པའི་གློག་བརྙན།

ཟླ་སྔོན་མའི་ཚེས་༢༨ ཀྱི་དགོང་མོ་དྷ་ས་ཐེག་ཆེན་ཆོས་གླིང་གཙུག་ལག་ཁང་དུ། ཕྱི་ལོ་༢༠༠༦ ལོར་ནང་པ་ལའི་རི་རྒྱུད་བརྒལ་ནས་རྒྱ་གར་དུ་བཙན་བྱོལ་ལ་ཡོང་མཁན་བོད་པ་རྣམས་ཀྱི་ཐོག་ཏུ། རྒྱ་གཞུང་གི་ས་མཚམས་དམག་མིས་འཛེམས་བག་མེད་པར་མེ་མདའ་བརྒྱབ་ནས་བཀྲོངས་པའི་དངོས་ཡོད་མིག་མཐོང་བྱུང་བའི་གནས་ཚུལ་གཞིར་བཞག་གིས་བཟོས་པའི་གློག་བརྙན། གངས་ཁྲོད་ཀྱི་ལག་དམར་བ་(Murder In The Snow)ཞེས་པ་དེ་བསྟན་ཡོད་པ་དང༌། གློག་བརྙན་དེ་ནི་ཨོ་སི་ཁྲུ་ལི་ཡ་ནས་ཡིན་པའི་སྐུ་ཞབས་མཱཀ་ལགས་དང༌། ལྕམ་སེའ་ལིའི་ལགས་གཉིས་ཀྱིས་གཙོ་གཉེར་བྱས་ནས་དཔར་སྐྲུན་བྱས་པ་མ་ཟད། ད་ཐེངས་ཁོང་གཉིས་ཆེད་དུ་དྷ་རམ་ས་ལར་ཡོང་བ་རེད་འདུག

Read more

བོད་དོན་ཆེད་རྐང་འཁོར་འགྲུལ་བསྐྱོད།

ཟླ་འདིའི་ཚེས་28  ཉིན་མོན་གྷོ་ས་གནས་གངས་ལྗོངས་རང་བདེན་རྩོད་ལེན་མཐུན་ཚོགས་ཀྱི་མི་བཅུའི་རྐང་འཁོར་རྒྱང་བསྐྱོད་པ་རྣམས་བྷེལ་ཀོབ་དུ་འབྱོར་ཡོད་པ་རེད། ཁོང་རྣམས་ཀྱིས་རྒྱ་ནག་གིས་ྋགོང་ས་མཆོག་ལ་བོད་མི་མང་གི་སྐུ་ཚབ་གནང་བའི་ཐོབ་ཐང་མེད་པར་བཤད་པར་ངོ་རྒོལ་དང༌།་ འདས་ལོའི་ནང་བོད་ནང་ཟིང་བྱུང་བ་ྋགོང་ས་མཆོག་དང་བཙན་བྱོལ་བོད་གཞུང་གིས་བརྒྱུད་བསྐུལ་ཡིན་པར་རྒྱ་གཞུང་གིས་ཉེས་འཛུག་བྱས་པར་ཁུངས་སྐྱེལ་དགོས་པ། བོད་ནང་གི་ཆབ་སྲིད་བཙོན་པ་རྣམས་ཀློད་གྲོལ་དགོས་པ།

Read more

གྲྭ་པ་ཞིག་གི་རང་ལུས་མེར་བསྲེག

བོད་ཀྱི་ལོ་གསར་ཚེས་༣ ཉིན་སྟེ། ཕྱི་ཟླ་2 ཚེས་27 ཉིན་གོང་ཆུ་ཚོད་1ཙམ་ལ་ཨ་མདོ་རྔ་བ་ཀིརྟི་དགོན་པའི་དགེ་འདུན་པ་བཀྲ་བྷེ་ལགས་ཀྱིས་བོད་བསྟན་སྲིད་ཀྱི་དོན་དུ་རང་ལུས་མེར་བསྲེག་བཏང་སྟེ། རྒྱ་གཞུང་ལ་ངོ་རྒོལ་སྐད་འབོད་བྱས་ཡོད་སྟབས་རྒྱ་གཞུང་གི་ཉེན་རྟོག་པས་མེ་མདའ་བརྒྱབ་ཡོད་འདུག

 ཕྱི་ཚེས་26 ཉིན་གྱི་ཕྱི་དྲོ་ཨ་མདོ་རྔ་བ་ཀིརྟི་དགོན་པ་དང་རྔ་བ་རྫོང་ཐོག་བཅས་སུ། ཁ་སང་གི་དམར་གསོད་ལ་མ་སྐྲག་ན། དེ་རིང་གི་རྡུང་རྡེག་ལ་ཅིའི་ཕྱིར་སྐྲག སང་ཉིན་ང་ཚོས་ཡར་ལངས་རྒྱག་དགོས། ཞེས་བཀོད་པའི་སྦྱར་ཡིག་མང་པོ་ཞིག་སྦྱར་ཡོད་སྟབས། ཚེས་27 གྱི་ཞོགས་པ་རྔ་བ་རྫོང་ཐོག་གི་བོད་རིགས་མང་པོ་ཞིག་འདུ་འཛོམས་བྱས་ཡོད་པ་དང༌། ལོ་གསར་སྨོན་ལམ་ཆེན་མོ་ཚོགས་སུ་བཅུག་མེད་སྟབས། རྔ་བ་ཀིརྟི་དགོན་པའི་དགེ་འདུན་པ་ ༡༠༠༠ ཙམ་ཚོགས་ཆེན་འདུ་ཁང་མདུན་དུ་འདུ་འཛོམས་བྱས་ཡོད་འདུག

Read more

ལྡི་ལི་བོད་སྒར་དུ་ལོ་གསར་མི་གཏོང་བའི་ལས་འགུལ།

ཕྱི་ཚེས་༢༥ སྟེ་བོད་ཀྱི་ལོ་གསར་ཚེས་གཅིག་ཉིན། ལྡི་ལི་ས་གནས་གཞོན་ནུའི་གོ་སྒྲིག་འོག ལྡི་ལི་བོད་སྒར་དུ་ཡོད་པའི་བོད་མི་རྣམས་ཀྱིས་ལྡི་ལི་འཇན་ཏར་མན་ཏར་ས་གནས་སུ་ལོ་གསར་མི་གཏོང་བའི་ལས་འགུལ་སྤེལ་བ་མ་ཟད། ལོ་གསར་ཚེས་༡ ནས་ཚེས་༣ བར་ཟས་བཅད་ངོ་རྒོལ་གྱི་ལས་འགུལ་ཞིག་ཀྱང་སྤེལ་འདུག ཟས་བཅད་ངོ་རྒོལ་གནང་མཁན་གྱི་ནང་ནས། ལོ་གསར་ཚེས་༡ ནས་༣ བར་ཟས་བཅད་ངོ་རྒོལ་གནང་མཁན་རྣམས་ནི། ཡེ་ཤེས་ཆོས་འཛོམས་དང༌། བློ་བཟང་བསྟན་འཛིན། ཟླ་བ་དོན་གྲུབ། བསོད་ནམས་རྒྱ་མཚོ། བསོད་དགའ། བཀྲ་ཤིས་རྣམ་རྒྱལ། བསྟན་འཛིན་བློ་བཟང༌། བློ་བཟང་བསོད་ནམས་བཅས་ཡིན་པ་དང༌། གནམ་གོང་དགོང་མོར་ལོ་གསར་མི་གཏོང་ཞེས་པའི་སྐད་འབོད་བྱས་ཡོད་པ་མ་ཟད།

Read more

ཧུའུ་ཅིན་ཐའོ་ཡི་འདྲ་པར་ལ་ལྷམ་གཞུ་བའི་ལས་འགུལ།

ཕྱི་ཚེས་༢༧ ཉིན་སྟེ། བོད་ཀྱི་ལོ་གསར་ཚེས་གསུམ་ཉིན་རྡ་ས་གཙུག་ལག་ཁང་གི་ཉེ་འགྲམ་དུ། བོད་རང་བཙན་སློབ་ཕྲུག་ཚོགས་པ་དང༌། རེ་བ་ཤེས་ཡོན་ཚོགས་པ་སོགས་ཀྱི་གོ་སྒྲིག་འོག རྒྱ་ནག་དམར་པོའི་སྲིད་གཞུང་གི་གཙོ་འཛིན་ཧུའུ་ཅིན་ཐའོ་ཡི་འདྲ་པར་ཆེན་པོ་ཞིག་ལ། ལྷག་གཞུ་བའི་ལས་འགུལ་ཞིག་སྤེལ་སོང༌། དེར་རྒན་རྒོན་དང་གཞོན་སྐྱེས། གྲྭ་བཙུན། སློབ་ཕྲུག་སོགས་དབྱེ་བ་མེད་པར་ཚང་མས་དམར་གཞུང་གི་སྲིད་དབང་སྒེར་འཛིན་པ་ཧུའུ་ཅིན་ཐའོ་ལ་དམོད་མོ་དང་བཅས་ལྷམ་གཞུས་སོང༌། དེའི་ཐད་བོད་རང་བཙན་སློབ་ཕྲུག་ཚོགས་པའི་བསྟན་འཛིན་ཆོས་དབྱིངས་ལ་བཅར་འདྲི་ཞུས་པར། ཁོང་གིས། ད་ལྟའི་ལས་འགུལ་འདི་སྤེལ་

Read more

ལོ་གསར་ཚེས་༣ ཉིན་གྱི་ལས་འགུལ།

ཕྱི་ཚེས་༢༧ སྟེ། བོད་ཀྱི་ལོ་གསར་གྱི་ཚེས་༣ ཉིན་གྱི་ཞོགས་པ་བོད་ཀྱི་གཞོན་ནུ་ལྷན་ཚོགས་ཀྱི་གོ་སྒྲིག་འོག་རྡ་ས་ལྷ་རྒྱལ་རིར་བསང་གསོལ་ཟབ་རྒྱས་ཤིག་གནང་བ་དང༌། ཐེག་ཆེན་ཆོས་གླིང་གཙུག་ལག་ཁང་དུའང་མཆོད་འབུལ་དང་སྨོན་ལམ་རྒྱ་ཆེ་ཞིག་ཀྱང་གནང་སོང༌། དེར་མི་མང་རྣམས་ཀྱིས་སྨོན་ལམ་འདོན་པ་དང༌། སྐུ་གཤེགས་རྒྱལ་གཅེས་དཔའ་བོ་དཔའ་མོ་རྣམས་ཀྱི་སྐུ་པར་མདུན་དུ་ཁ་བཏགས་འབུལ་བ་དང༌། མཆོད་མེ་སྒྲོན་པ། ཞལ་འདེབས་འབུལ་བ་བཅས་མི་མང་རྣམས་འཚང་ཁ་ཤིག་ཤིག་གིས་གསོལ་བ་སྨོན་ལམ་འདེབས་ཀྱི་འདུག་པ་དང༌། ཕྱོགས་ཡོངས་ནས་མྱ་ངན་དང་གུས་འདུད་ཀྱི་རྣམ་པ་ཞིག་ཀྱང་མངོན་གྱི་འདུག

Read more
Page 709 of 741« First...707708709710711...Last »