བླ་བྲང་གི་གྲྭ་པ་ཞིག་འཛིན་བཟུང༌།

སྔར་ལོའི་ཞི་རྒོལ་ནང་ཞུགས་པའི་མདོ་སྨད་བླ་བྲང་དགོན་པའི་གྲྭ་འཇམ་དབྱངས་རྒྱ་མཚོ་ཟླ་ངོ་༡༡ ཙམ་ལ་བྲོས་བྱོལ་བྱས་མཐར་ཕྱི་ཟླ་༢ ཚེས་༢ ཉིན་ཉེན་རྟོག་པས་འཛིན་བཟུང་བྱས་ཡོད་པ་དང༌། ད་ཆར་ཁོང་ས་གནས་གང་དུ་ཡོད་པ་དང་གནས་སྟངས་གང་འདྲ་ཆགས་ཡོད་སོགས་ཀྱི་གནས་སྟངས་གང་ཡང་ཤེས་རྟོགས་བྱུང་མེད་འདུག ཁོང་སྔར་ལོར་བླ་བྲང་གི་ཞི་རྒོལ་ཁྲོད་མཉམ་ཞུགས་བྱས་ཡོད་པ་དང༌། ཞི་རྒོལ་རྗེས་རྫོང་ཉེན་རྟོག་པས་ཉེས་ཅན་མི་སྣ་ཁྲོམ་བསྒྲགས་བྱས་པའི་ཁྲོད།

Read more

ཆེས་ཛ་དྲག་གི་འོག་ཏུ་གྱར་བའི་མདོ་སྨད་ར་རྒྱ་དགོན།

ཁུངས་ལྡན་གནས་ཚུལ་ཤེས་རྟོགས་བྱུང་བ་ལྟར་ན། ཕྱི་ཟླ་ ༣ ཚེས་ ༡༠ ཉིན་མདོ་སྨད་མགོ་ལོག་ར་རྒྱ་དགོན་པར་རྒྱ་མིའི་དར་དམར་མར་ཕབ་ནས་བོད་ཀྱི་རྒྱལ་དར་སྒྲེང་འཛུགས་བྱས་པའི་རྐྱེན་གྱིས་གྲྭ་པ་འགའ་ཞིག་ཉེན་རྟོག་པས་བཀག་ཉར་བྱས་ཡོད་པའི་ཁོངས་ནས་དེ་རིང་༼༢༠༠༨།༣།༢༡༽གྲྭ་པ་འགའ་ཤས་བྲོས་བྱོལ་དུ་སོང་ཡོད་འདུག་པ་དང༌། དེ་དག་གི་ཁོངས་ནས་ཐུན་ཏེ་རྫོང་ཁོངས་སྒར་རྩེ་ནས་ཡིན་པ་གྲྭ་བཀྲ་ཤིས་བཟང་པོ་རྨ་ཆུའི་ནང་མཆོངས་ཏེ་རང་ཤི་བརྒྱབ་དགོས་ཐུག་པའི་ཕུང་པོ་ད་ལྟ་རྙེད་སོན་བྱུང་ཡོད་མི་འདུག་ཀྱང༌།

Read more

ཞིང་ལས་མ་བྱས་ན་གཞུང་བཞེས་གཏོང་རྒྱུ་ཡིན་ཟེར།

རྒྱ་ནག་གཞུང་གིས་དཀར་མཛེས་རྫོང་ཁོངས་སུ་ས་ཞིང་འདེབས་ལས་མི་བྱེད་པའི་ངོ་རྒོལ་བྱུང་བའི་དོན་རྐྱེན་འོག་གྲྭ་བྱམས་པ་དོན་གྲུབ་འཛིན་བཟུང་བྱས་ཡོད་པ་དང༌། འབྲེལ་ཡོད་ལ་ཞིང་ལས་བྱེད་མཁན་ཡོད་མིན་ལ་མ་ལྟོས་པར་ཞིང་ལས་བྱེད་དགོས། གལ་སྲིད་མ་བྱས་ན་ས་ཞིང་གཞུང་བཞེས་གཏོང་རྒྱུ་ཁྱིམ་མི་འཛིན་བཟུང་བྱ་རྒྱུའི་བཀའ་རྒྱ་བཏང་ཡོད་པ་རེད།

Read more

མནར་གཅོད་བཏང་བའི་དཔང་རྟགས།

ཟླ་འདིའི་ཚེས་༢༠ ཕྱི་དྲོ་བོད་གཞུང་ཕྱི་དྲིལ་ལས་ཁུངས་ནས་གསར་འགོད་ལྷན་ཚོགས་ཤིག་བསྐོངས་ཏེ། བོད་ནང་གི་ཞི་རྒོལ་བ་རྣམས་ལ་རྒྱ་ནག་གཞུང་གིས་མནར་གཅོད་བཏང་བའི་སྐོར་གྱི་རྙན་འཕྲིན་ཞིག་འགྲེམས་སྤེལ་བྱས་ཡོད་པ་དང༌། རྙན་འཕྲིན་དེའི་ནང་དུ་བོད་མི་ཚོས་ཞི་རྒོལ་བྱེད་སྐབས་བརྙན་པར་བརྒྱབ་པ་ཁག་ཅིག་ཡོད་པ་མ་ཟད། ཉེན་རྟོག་པ་དང་དམག་མིས་ཞི་རྒོལ་བ་རྣམས་བཅིངས་བསྡོམས་བྱས་ཏེ། མནར་གཅོད་གཏོང་གི་ཡོད་པ། དེ་བཞིན་བསྟན་དར་ཟེར་བ་ལ་རྨས་སྐྱོན་བཏང་རྗེས་སྨན་བཅོས་ཡག་པོ་མ་བྱས་པའི་རྐྱེན་གྱིས། རྨ་ཁ་རྣག་གིས་ཟོས་ཏེ་རྗེས་སུ་འདས་གྲོངས་སུ་སོང་བའི་བརྒྱུད་རིམ་ཆ་ཚང་གི་བརྙན་པར་ཡང་ཡོད་པ་རེད།

Read more

འཇིགས་མེད་ལོ་ཙཱ་བསྐྱར་དུ་འཇུ་བཟུང༌།

བོད་ནང་ནས་མི་མང་ལ་བོད་དོན་སྐོར་བསམ་ཚུལ་བསྡུ་ལེན་བྱས་པའི་འཇིགས་བྲལ་ཞེས་པའི་གློག་བརྙན་བཟོ་སྐྲུན་པ་འཇིགས་མེད་ལོ་ཙཱ་ཉེ་བའི་ཆར་བསྐྱར་དུ་རྒྱ་ནག་གཞུང་གིས་འཇུ་བཟུང་བྱས་ཡོད་ཀྱང༌། ད་ལྟའི་གནས་སྟངས་གསལ་རྟོགས་བྱུང་ཐུབ་མེད་པ་རེད། དོན་གྲུབ་དབང་ཆེན་ལགས་དང༌། འཇིགས་མེད་ལོ་ཙཱ་གཉིས་ཀྱིས་བོད་ནང་གི་མི་མང་བརྒྱ་ལྷག་ལ་བཅར་འདྲི་བྱས་ཏེ། རྒྱ་ནག་གི་བཙན་གནོན་འོག་གི་བོད་མིའི་གནས་སྟངས་གསལ་བཤད་བྱས་ཡོད་པ་དང༌། ༢༠༠༨ ལོའི་ཕྱི་ཟླ་༣ པའི་ནང་ཁོང་གཉིས་རྒྱ་ནག་གཞུང་གིས་འཛིན་བཟུང་བཙོན་འཇུག་བྱས་ཡོད་པ་རེད། དེ་རྗེས་འཇིགས་མེད་ལོ་ཙཱ་ལགས་གློད་གྲོལ་བཏང་ཡོད་ནའང༌། ཉེ་བའི་ཆར་ཁོང་རྒྱ་ནག་གཞུང་གིས་འཇུ་བཟུང་བྱས་པ་ཙམ་ལས། གཞན་གནས་སྟངས་གང་ཡང་གསལ་རྟོགས་བྱུང་ཐུབ་མེད་པ་དང༌། དེ་བཞིན་དོན་གྲུབ་དབང་ཆེན་ལགས་ཀྱི་གནས་སྟངས་ཀྱང་ཤེས་རྟོགས་གང་ཡང་མེད་པ་རེད།

Read more

མདོ་སྨད་མང་ར་རྫོང་གི་ལས་བྱེད་ཅིག་འཇུ་བཟུང༌།

ཉིན་ཤས་སྔོན་མང་ར་རྫོང་སྤྱི་བདེ་དམག་མིས་ཆབ་སྲིད་ཀྱི་དོགས་གཞིའི་འོག་མང་ར་རྫོང་སུམ་མདོ་ཞང་སྲིད་གཞུང་གི་གཞུང་ཞབས་བཀྲ་ཤིས་དོན་འགྲུབ་བམ་མིང་གཞན་དུ་དོ་ལ་ཟེར་བའི་རང་ལོ་༢༧ ཡིན་པ་ཞིག་རང་ཁྱིམ་ནས་འཛིན་བཟུང་བྱས་ཡོད་འདུག སྐབས་དེར་རྒྱ་གཞུང་སྤྱི་བདེ་མི་སྣས་བཀྲ་ཤིས་དོན་འགྲུབ་ཀྱི་ཀློག་ཀླད་རྩིས་འཁོར་དང་ལག་ཁྱེར་ཁ་པར་སོགས་ཀྱང་བཙན་ཕྲོགས་བྱས་ཡོད་པ་དང༌། གནས་ཚུལ་ཤེས་རྟོགས་བྱུང་བ་ལྟར་ན། བཀྲ་ཤིས་དོན་འགྲུབ་ལགས་ད་ལྟ་མང་ར་རྫོང་སྤྱི་བདེ་ལས་ཁུངས་དོ་དམ་ཁང་དུ་བཀག་ཉར་བྱས་ཡོད་འདུག

Read more

དཀར་མཛེས་སུ་རྒྱ་རྒོལ།

ཁམས་དཀར་མཛེས་རྫོང་དུ་གསུམ་བཅུའི་དུས་དྲན་རྗེས་ཚེས་༡༡། ༡༢། ༡༤ བཅས་ཀྱི་ཉིན་རྒྱ་ནག་གཞུང་གི་སྲིད་བྱུས་ལ་མོས་མཐུན་མེད་པ་དང༌། ྋགོང་ས་མཆོག་ཁྲི་ལོ་བརྟན་པར་ཤོག བོད་ལ་རང་དབང་དགོས་ཞེས་ངོ་རྒོལ་བྱེད་མཁན་བྱུང་འདུག  ཟླ་འདིའི་ཚེས་༡༡ དཔལ་ལྡན་རིན་ཆེན་གྱི་བུ་མོ་ཚེ་རིང་ལྷ་མོ་དང༌། ཉི་མ་ཚེ་རིང་གི་བུ་མོ་ཐུབ་བསྟན་ལྷ་མོ། ཡེ་ཤེས་དབང་འདུས་ཀྱི་བུ་མོ་ཡེ་ཤེས་ལྷ་མོ་བཅས་ཀྱིས་དཀར་མཛེས་ལྟ་ཆུ་མདོ་རུ་རྒྱ་ནག་ལ་ངོ་རྒོལ་བྱས་ཏེ། སྐར་མ་ཁ་ཤས་རྗེས་ལ་རྒྱ་ནག་གཞུང་གི་ཉེན་རྟོག་པས་འཇུ་བཟུང་བྱས་ཡོད་འདུག

Read more

ཀིརྟི་དགོན་པའི་རྒྱ་རྒོལ།

གནས་ཚུལ་ཤེས་རྟོགས་བྱུང་བ་ལྟར་ན། ཨ་མདོ་རྔ་པ་ཀིརྟི་དགོན་པའི་གྲྭ་པ་ཁག་ཅིག་རྒྱ་ནག་གཞུང་གིས་འཛིན་བཟུང་བྱས་ཡོད་འདུག ཟླ་འདིའི་ཚེས་ ༡༠ མཚན་མོར་མཛོད་དགེ་འབྲིང་བ་སུམ་མདོ་དགོན་པའི་ནང་བོད་རང་བཙན་ཡིན། ྋགོང་ས་མཆོག་བོད་ལ་གདན་འདྲེན་བྱ་དགོས་སོགས་ཀྱི་ནང་དོན་འཁོད་པའི་ཡི་གེ་མང་པོ་ཞིག་སྦྱར་འགྲེམ་བྱས་པར་བརྟེན། རྒྱ་གཞུང་གི་འབྲེལ་ཡོད་མི་སྣས་དགོན་པའི་གྲྭ་པ་རྣམས་ལ་འདྲི་རྩད་བྱས་ཏེ། ཡི་གེ་སྦྱོར་མཁན་སུ་ཡིན་ཐད་རྩད་གཅོད་བྱེད་མུས་ཡིན་པ་དང༌། སྟག་ཚང་ལྷ་མོ་ཀིརྟི་དགོན་པ་སོགས་མཛོད་དགེ་ཕྱོགས་ཀྱི་དགོན་པ་ཁག་ཏུ་དམག་དཔུང་མང་བོ་བཀྲམ་ནས་དམ་དྲག་བྱེད་ཤུགས་ཆ་རུ་བཏང་སྟེ། དགེ་འདུན་པ་དགོན་པའི་ཕྱི་ལ་འགྲོ་བསྐྱོད་བྱེད་མི་ཆོག་པ་དང༌། མི་མང་དགོན་པའི་ནང་ཡོང་འཇུག་གི་མི་འདུག

Read more

ཉག་རོང་དུ་མི་གསུམ་འཛིན་བཟུང།

བོད་ནས་འབྲེལ་ཡོད་བརྒྱུད་འདི་གར་ཁུངས་ལྡན་གནས་ཚུལ་འབྱོར་གསལ་ལྟར་ན། ཟླ་འདིའི་ཚེས་༡༠ གསུམ་བཅུའི་དུས་དྲན་ཉིན་དཀར་མཛེས་ཁུལ་ཉག་རོང་རྫོང་ཐང་སྐྱ་ཤང་ནས་ཡིན་པ་པདྨ་ཡེ་ཤེས་དང༌། བསོད་ནམས་མགོན་པོ། ཚངས་དབྱངས་རྒྱ་མཚོ་གསུམ་ཉེན་རྟོག་དམག་མིས་འཛིན་བཟུང་བྱས་ཡོད་པ་རེད། ཁོང་རྣམས་འཛིན་བཟུང་བྱེད་དགོས་དོན་ཕྱི་ཟླ་༢ ཚེས་༢༥ བོད་ཀྱི་ལོ་སར་ཉིན་ཐང་སྐྱ་ཤང་སྲིད་གཞུང་ལ་མེ་བརྒྱབ་ནས་ཚང་མ་མེར་བསྲེག་བཏང་ནས་ཐལ་བར་བསྒྱུར་ཡོད་པ་དང༌། མི་ལ་གནོད་སྐྱོན་གང་ཡང་བྱུང་མེད་པ་རེད། གོང་གསལ་མི་གསུམ་གནད་དོན་དེ་ལ་བརྟེན་ནས་འཛིན་བྱས་པ་ཞིག་ཡིན་འདུག་པ་དང༌། ཁོང་རྣམས་འཛིན་བཟུང་བྱེད་པའི་སྐབས་མེར་སྲེག་གཏོང་མཁན་ང་ཚོ་ཡིན་པ་མ་ཟད། བོད་ལ་རང་དབང་མེད་པར་རྒྱ་གཞུང་གི་གཉའ་ནོན་དང་བཤུ་གཞོག་གི་འོག་ཏུ་ཡོད་སྟབས་སེམས་ཚོར་མ་བཟོད་པར་དེ་ལྟར་བྱས་པ་ཡིན། བོད་ལ་རང་བཙན་དགོས་ཞེས་སྐད་འབོད་ཤུགས་ཆེ་བརྒྱབ་པ་དང་འབྲེལ་ཉེན་རྟོག་པས་མི་དེ་དག་གི་ཁའི་ནང་རས་བརྫངས་ནས་སྐད་འབོད་བྱེད་མི་ཐུབ་པ་བཟོས་ཡོད་འདུག

Read more

༣་༡༠ དུས་དྲན་ཉིན་གྱི་བོད་ཀྱི་རྒྱལ་དར།

བོད་ཀྱི་གསུམ་བཅུའི་དུས་དྲན་ཉིན་ཏེ། ཟླ་འདིའི་ཚེས་༡༠ ཉིན་གྱི་ཞོགས་པ་ནམ་ལངས་དུས་ཨ་མདོ་ར་རྒྱ་དགོན་པའི་གཙུག་ལག་ཁང་གི་ཐོག་ཏུ་བོད་ཀྱི་རྒྱལ་དར་བསྒྲེངས་འཛུགས་བྱས་པ་ཡོད་པ་དང༌། དེ་བཞིན་ཡིག་ཆ་སྦྱར་འགྲེམས་བྱས་པའི་ནང་རྒྱ་ནག་གིས་སྤྲད་པའི་ཁྲ་ཁྲ་ཟང་ཟིང་ལ་མགོ་འཁོར་བ་ལས་བོད་མི་རིགས་ཀྱི་ཆེད་དུ་ཤི་ན་དགའ་བ་རེད། རྒྱ་ནག་གི་མགོ་སྐོར་འོག་ཏུ་མ་ཚུད་པ་དགོས་པ་གལ་ཆེན་པོ་རེད་ཅེས་སོགས་འཁོད་ཡོད་འདུག ད་ལྟ་རྒྱ་ནག་གི་དམག་མི་མང་དུ་བཏང་ནས་དགོན་པ་དེར་ཧ་ཅང་དམ་དྲག་བྱེད་བཞིན་ཡོད་འདུག

Read more
Page 113 of 123« First...111112113114115...Last »