བཙུན་མ་ཞིག་གིས་སྐད་འབོད་བྱས་ནས་འཛིན་བཟུང་བྱས་པ།

ཕྱི་ཚེས་༢༠ ཉིན་གྱི་ཞོགས་པ་དཀར་མཛེས་རྫོང་ཐོག་ཏྲེ་ཧོར་དར་རྒྱས་རུ་མདའ་གྲོང་ནས་ཡིན་པ་ཕ་ཕུར་བུ་རབ་བརྟན་དང༌། མ་བསོད་ནམས་དཔལ་སྐྱིད་གཉིས་ཀྱི་བུ་མོ་རང་ལོ་ ༤༣ ཅན་དར་རྒྱས་ཧ་དྷི་བཙུན་དགོན་གྱི་བཙུན་མ་བསོད་ནམས་ཆོས་སྐྱིད་ཀྱིས་ྋགོང་ས་མཆོག་སྐུ་ཚེ་ཁྲི་ལོ་བརྟན་པ་དང་རང་ཡུལ་གངས་ཅན་ཞིང་དུ་བཞུགས་གདན་འཇགས་དགོས་པ། བོད་ཀྱི་ཆབ་སྲིད་བཙོན་པ་རྣམས་མྱུར་དུ་གློད་བཀྲོལ་གཏོང་དགོས་པ། བོད་ཀྱི་བདག་པོ་བོད་མི་ཡིན་པ། བོད་ལ་འགྲོ་བ་མིའི་ཐོབ་ཐང་དགོས་པ་སོགས་ཀྱི་སྐད་འབོད་ཤུགས་ཆེར་བྱས་མ་ཐག་ཉེན་རྟོག་པས་ཉེས་རྡུང་འོག་འཛིན་བཟུང་གིས་བཙན་ཁྲིད་བྱས་ཡོད་འདུག

Read more

གསེར་རྟ་རྒྱའུ་གདོང་དགོན་དུ་དམ་དྲག་དང་དགོན་བདག་བྲོས་བྱོལ།

བོད་ནས་འབྲེལ་ཡོད་བརྒྱུད་ཁུངས་ལྡན་གནས་ཚུལ་འབྱོར་གསལ་ལྟར་ན་ཟླ་འདིའི་ཚེས་༡༧ ཉིན་གསེར་རྟ་རྫོང་ཁོངས་གསེར་སྨད་རྒྱའུ་གདོང་དགོན་དུ་རྒྱ་གཞུང་གིས་ལས་བྱེད་པ་ཡོང་ནས་ལོ་གསར་གཏོང་དགོས་པ་དང༌། གྲྭ་མང་ལ་ལོ་གསར་གཏོང་ཆེད་རྒྱ་སྒོར་ལྔ་སྟོང་སྤྲོད་རྒྱུ་དང༌། དགོན་བདག་སྤྲུལ་སྐུ་ཤེས་རབ་བློ་ལྡན་ལགས་སུ་ཁྱེད་རང་གིས་རྒྱའུ་གདོང་དགོན་པར་ལོ་གསར་གཏོང་ཐུབ་པ་ཞིག་གྱིས་དང་ཟླ་རེ་བཞིན་རྒྱ་སྒོར་སུམ་བརྒྱ་རེའི་ཟླ་ཕོགས་སྤྲད་རྒྱུ་ཡིན་ཚུལ་བརྗོད་ཡོད་ཀྱང༌། གྲྭ་མང་ཡོངས་ཀྱིས་ལོ་སར་གཏོང་བྱེད་དུ་སྤྲད་པའི་རྒྱ་སྒོར་༥༠༠༠ དང་སྤྲུལ་སྐུ་ལ་ཟླ་རེ་བཞིན་སྒོར་༣༠༠ རེ་ཟླ་ཕོགས་སྤྲད་རྒྱུ་བཅས་ལ་དང་ལེན་མ་བྱས་པར་བརྟེན། དགོན་པའི་སྒྲུབ་མཆོད་ཉིན་བཅོ་ལྔའི་རིང་འཚོགས་སྲོལ་ཡོད་པ་བཞིན་འཚོགས་ནས་དངོས་གཞིའི་གར་འཆམ་འཆམས་མ་བཅུག་པར་མཚམས་འཇོག་བྱེད་དགོས་བྱུང་ཡོད་པ་དང༌།

Read more

བཙུན་མ་གཉིས་དང་མི་སྐྱ་གཉིས་ལ་ཁྲིམས་ཆད།

ཉེ་ཆར་དཀར་མཛེས་སྤང་རི་སྣའི་བཙུན་མ་གཉིས་དང་མི་སྐྱ་གཉིས་བཅས་མི་བཞི་ལ་རྒྱ་ནག་གཞུང་གིས་ཁྲིམས་ཆད་བཏང་ཟིན་པ་དང༌། དཀར་མཛེས་དགེ་ཆུང་གྲོང་ནས་ཡིན་པ་ཕ་ཡེ་ཤེས་རྒྱལ་མཚན་དང༌། མ་འབྲུག་སྡུང་གཉིས་ཀྱི་བུ་མོ་རང་ལོ་ ༣༥ ཅན་སྤང་རི་སྣ་བཙུན་དགོན་གྱི་འགན་འཛིན་ཟུར་པ་བསོད་ལྷ་མཚོ་ལ་ལོ་༡༠ ཁྲིམས་ཆད་དང༌། དགེ་ཆུང་གྲོང་ནས་ཡིན་པ་ཕ་ཚེ་འདས་བསྟན་འཛིན་འཕྲིན་ལས་དང༌། ཞེས་མོ་གཉིས་ཀྱི་བུ་མོ་རང་ལོ་ ༣༦ ཅན་བཙུན་མ་བུ་མོ་ལ་ལོ་༢ ཉིས་ཀྱི་ཁྲིམས་ཆད་བཏང་ཡོད་པ་རེད། ཕྱི་ཟླ་ ༥ ཚེས་ ༡༤ ཉིན་སྤང་རི་སྣའི་བཙུན་མ་ཡོངས་ནས་ཞི་རྒོལ་བྱེད་སྐབས་གཙོ་བོ་ཁོང་གཉིས་ཀྱིས་ཞི་རྒོལ་བྱས་རྐྱེན་འཛིན་བཟུང་བྱས་པ་རེད། ད་སྐབས་དར་རྩེ་མདོ་ནས་ལམ་ཐག་ཀི་ལོ་མི་ཊ་ ༡༤༠ ཙམ་གྱི་སར་༼ཧྲི་མོན༽ཟེར་བའི་ས་གནས་ཀྱི་བཙོན་ཁང་ཞིག་བསྐྱལ་ཡོད་འདུག

Read more

བེ་རིའི་གྲྭ་པ་ཞིག་འཇུ་བཟུང༌།

བོད་ནས་ཁ་པར་བརྒྱུད་ཁུངས་ལྡན་གནས་ཚུལ་འབྱོར་གསལ་ལྟར་ན། ཟླ་བ་༢ པའི་ཚེས་༡༤ ཉིན་རང་ལོ་༡༩ སོན་པའི་བེ་རི་དགོན་གྱི་གྲྭ་བྱམས་པ་བློ་གྲོས་ལགས་ཀྱིས་དཀར་མཛེས་རྫོང་གི་ཁྲོམ་ལམ་དུ་ྋགོང་ས་མཆོག་སྐུ་ཚེ་བརྟན་པའི་སྐད་འབོད་དང་ཡིག་ཆ་འགྲེམས་སྤེལ་བྱས་པར་བརྟེན། རྒྱ་ནག་གཞུང་གི་ས་གནས་ཉེན་རྟོག་པས་འཛིན་བཟུང་གིས་བཙོན་འཇུག་བྱས་ཡོད་པ་རེད། གྲྭ་བྱམས་པ་བློ་གྲོས་ཀྱི་ཤག་རོགས་ཁོང་གི་ཨ་ཞང་སྐལ་བཟང་ཡེ་ཤེས་ལགས་ཀྱིས་དེ་སྔོན་ངོ་རྒོལ་བྱས་ཏེ། རྒྱ་གཞུང་གིས་འཛིན་བཟུང་བྱས་པར་བརྟེན། ཁོང་སེམས་སྡུག་དང་བཅས་ཨ་མ་ལ། ང་བུར་སྐྱེས་གོ་ཆོད་མི་འདུག ངའི་ཨ་ཞང་བོད་ཀྱི་དོན་དུ་སྐད་འབོད་བརྒྱབ་ནས་བཟུང་ཚར་བ་རེད། ད་དུང་ང་འདི་འདྲ་སྡོད་ག་ལ་རུང༌། ཅེས་བརྗོད་ནས་ཟླ་བ་འདི་ཡི་ཚེས་༡༤ ཉིན་བོད་དོན་སྐད་འབོད་བྱས་མཐར་རྒྱ་གཞུང་གི་ཉེན་རྟོག་པས་འཛིན་བཟུང་བཙོན་འཇུག་བྱས་ཡོད་པ་རེད་ཅེས་གྲྭ་བེ་རི་དཔལ་ལྡན་རྣམ་རྒྱལ་ལགས་ཀྱིས་གནས་ཚུལ་མཁོ་གཏོང་གནང་སོང༌།

Read more

ཁམས་ལི་ཐང་དུ་རྒྱ་གཞུང་ལ་ངོ་རྒོལ་དང་མི་མང་ཕོན་ཆེ་འཛིན་བཟུང༌།

འདི་ཟླའི་ཕྱི་ཚེས་༡༥ རེ་གཟའ་ཉི་མ་ཉིན་གྱི་ཞོགས་པ། བོད་ནང་གི་ཆུ་ཚོད་༨ པ་ཡོལ་ཙམ་ལ་ཁམས་ལི་ཐང་མཐིལ་ནས་ཡིན་པ། འབའ་གེ་མོ་བ་གྲྭ་བློ་བཟང་ལྷུན་འགྲུབ་༼ཡོངས་གྲགས་སུ་ལྷུན་འགྲུབ༽ཅེས་པས་རྒྱ་གཞུང་ལ་ངོ་རྒོལ་བྱས་འདུག འདི་གར་སེར་སྨད་ལི་ཐང་གྲྭ་བློ་དགའ་ལགས་ཀྱིས་ཁུངས་ལྡན་གནས་ཚུལ་མཁོ་སྤྲོད་བྱས་པ་ལྟར་ན། ཕ་ཀུན་མཁྱེན་དང༌། མ་བློ་བཟང་སྒྲོལ་མ་གཉིས་ཀྱི་བུ་བློ་བཟང་ལྷུན་འགྲུབ་ཀྱིས། ྋགོང་ས་ཡིད་བཞིན་ནོར་བུའི་སྐུ་ཚེ་བསྐལ་བརྒྱར་བརྟན་པར་ཤོག། བོད་རང་དབང་རང་བཙན་གཙང་མ་ཡིན། བོད་ཡུལ་གྱི་དམྱལ་ཁམས་ན་བོད་ཀྱི་ལོ་སར་མེད། ཅེས་སོགས་སྐད་ཤུགས་ཆེན་པོས་རྒྱ་གཞུང་ལ་ངོ་རྒོལ་བྱས། ཁོས་ལག་ཏུ་དབྱུག་པ་ཞིག་ཐོགས་ཡོད་པ་དང་དེ་ནི་ཉེ་འགྲམ་གྱི་མིས་ཤ་ཚ་བྱས་ཏེ་ངོ་རྒོལ་ལ་འགོག་རྐྱེན་མི་ཡོང་བའི་ཆེད་རེད་ཟེར། ཉིན་དེའི་སྔ་ནུབ་སོགས་སུ་མྱ་ངན་གྱི་ལོ་གསར་འདི་བོད་རྒྱ་གཉིས་ཙམ་མ་ཡིན་པར་འཛམ་གླིང་གི་མི་རྣམས་ཀྱིས་ངེས་པར་ཤེས་དགོས་ཞེས་དང༌། མུ་མཐུད་དོན། རྒྱལ་ཁབ་དང་མི་རིགས་ཀྱི་དོན་དུ་ཚེས་བཅོ་ལྔ་ཉིན་རང་སྲོག་བློས་གཏོང་བྱེད་ཀྱི་ཡིན། ངའི་སྲོག་ཐོག་ལ་རྒྱ་དམག་གིས་མེ་འབུད་སྟངས་དེ་གྲོགས་པོ་ཁྱེད་རྣམས་ཀྱིས་ངེས་པར་མཐོང་དགོས་ལ་གཞན་ལ་བརྗོད་ཀྱང་དགོས།

Read more

མི་ཉག་རབ་སྒང་དགོན་དུ་ཉེན་རྟོག་སྤྱི་ཁང་མེར་བསྲེག

    ཕྱི་ལོ་༢༠༠༨ ལོར་མི་ཉག་རབ་སྒང་དགོན་དུ་ཆེད་འཛུགས་བྱས་པའི་ཉེན་རྟོག་སྤྱི་སྲུང་ཁང་མེར་བསྲེག་བཏང་བ་དང༌། གཞུང་ལམ་ཐོག་བོད་རང་བཙན་ཡིན་པའི་ཡི་གེ་བྲིས་ཡོད་པ་རེད།
དེ་ཡང་བོད་ནས་འབྱོར་བའི་ཁུངས་ལྡན་གནས་ཚུལ་ལྟར་ན། ཕྱི་ཟླ་༡ པོའི་ཚེས་༣༠ ཡས་མས་ཤིག་ལ་རབ་སྒང་དགོན་དུ་ཕྱི་ལོ་༢༠༠༨ ལ་ཆེད་འཛུགས་བྱས་པའི་རྒྱ་དམག་དང་ཉེན་རྟོག་པའི་སྤྱི་སྲུང་ཁང་ཞིག་ཡོད་པ་མེར་བསྲེག་བཏང་བ་དང་གཞུང་ལམ་ཐོག་ཏུ་བོད་རང་བཙན་ཡིན། ྋརྒྱལ་བ་རིན་པོ་ཆེ་སྐུ་ཚེ་ཁྲི་ལོ་ནས་ཁྲི་ལོ་བརྟན་པར་ཤོག ྋརྒྱལ་བ་རིན་པོ་ཆེ་ཁྲི་ལ་འཁོད་པར་ཤོག ང་ཚོ་གངས་ཅན་པ་ཡོངས་ཀྱི་དཀའ་སྡུག་མཉམ་ཁུར་ཡིན། རྒྱ་ནག་གིས་འདུག་ཚོད་འཛིན་དགོས། ཅེས་སོགས་ལྕགས་རྩི་དམར་པོས་སྣུམ་ལམ་ཐོག་བྲིས་པ་དང་འཕྲེད་དར་ཐོག་བྲིས་ནས་ཕྱར་ཡོད་འདུག་ལ། འཕྲེད་དར་ཉིན་གཅིག་རིང་ལྷག་ཡོད་པ་དང་ལམ་ཐོག་གི་ཡི་གེ་ཉིན་གཉིས་ཙམ་ལ་བསུབ་མ་ཐུབ་པར་ལྷག་ཡོད་པ་རེད། ཁང་པ་མེར་བསྲེག་བཏང་བས་ཉེན་རྟོག་པ་དང་དམག་མི་སོགས་སུ་ལ་ཡང་གནོད་སྐྱོན་བྱུང་མི་འདུག

Read more

གྲྭ་པ་དགུ་བཙོན་འཇུག་དང་གཅིག་རང་ཤི།

འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གིས་གནས་ཚུལ་མཁོ་སྤྲོད་གནང་བ་ལྟར་ན། ལྷོ་ཁ་མི་མང་ཁྲིམས་ཞིབ་ཁང་ཟེར་བའི་ཁྲིམས་བཤེར་འོག་ལོ་སྔོན་མ་གསུམ་བཅུའི་དུས་དྲན་སྐབས་སུ་ངོ་རྒོལ་ལས་འགུལ་ནང་འཛུལ་ཞུགས་བྱས་པའི་ཉེས་མིང་འོག་ལྷོ་ཁ་ས་གནས་སུ་གྲྭ་པ་༩ ལ་བཙོན་འཇུག་གི་ཁྲིམས་ཆད་ལོ་གྲངས་༢ ནས་༡༥ བར་བཅད་ཡོད་པ་དང༌། དེའི་ནང་བསམ་ཡས་དགོན་དུ་དཔེ་ཁྲིད་གནང་བཞིན་ཡོད་པའི་གྲྭ་པ་གཅིག་རང་ཤི་བརྒྱབ་ཡོད་པ་རེད།  ཁོང་གིས་ཞལ་ཆེམས་ཤིག་བཞག་ཡོད་པའི་ནང་རང་ཤི་བརྒྱབ་པ་ནི་ངོ་རྒོལ་གྱི་འོས་འགན་ཁྱེར་བ་ཞིག་ཡིན་ཞེས་བཀོད་ཡོད་འདུག དེ་མིན་གྲྭ་བསྟན་འཛིན་བུ་ཆུང་ལ་ཁྲིམས་ཆད་ལོ་༡༥ དང་བསྟན་འཛིན་བཟོད་པ་ལ་ལོ་༡༣། དགེ་ལེགས་དང༌། ངག་དབང་བསྟན་འཛིན་གཉིས་ལ་ལོ་༢ ཀྱི་བཙོན་འཇུག་གི་ཁྲིམས་ཆད་བཏང་ཡོད་པ་རེད། བསམ་ཡས་དགོན་པ་ནས་ཡིན་པའི་གྲྭ་རྒྱལ་མཚན་ལ་ཁྲིམས་ཆད་ལོ་༡༥ དང་ཉི་མ་བཀྲིས་དང་ཕུན་ཚོགས་ལ་ལོ་༡༣ བསྟན་འཛིན་ཟླ་བ་དང་རིག་ལྡན་ལ་ལོ་༢ ཁྲིམས་ཆད་བཏང་ཡོད་པ་རེད། དེ་བཞིན་ལོ་སྔོན་མའི་གསུམ་བཅུའི་དུས་དྲན་ལ་ཁ་གཡར་ནས། བོད་མི་མང་པོ་གང་སར་བཙོན་འཇུག་བྱས་ཡོད་པ་རེད།།

Read more

ཨ་མདོ་བླ་བྲང་ཁུལ་དུ་དམག་གིས་དམ་དྲག

    གསར་འགྱུར་བརྒྱུད་ལམ་ཁག་ནས་གནས་ཚུལ་སྤེལ་བ་ལྟར་ན། རྒྱ་གཞུང་གིས་ཨ་མདོ་བླ་བྲང་ཁུལ་དུ་དམག་དཔུང་ཕོན་ཆེན་འགྲེམས་འཇོག་གིས་དྲག་གནོན་མུ་མཐུད་བྱེད་རྒྱུར་གྲ་སྒྲིག་དང༌། དམ་དྲག་ཤུགས་ཆེ་རུ་གཏོང་བཞིན་ཡོད་འདུག

Read more

ྋགོང་ས་མཆོག་ལ་མཚན་སྨོད་བྱེད་བཅུག་པར་ངོ་རྒོལ།

  ཁམས་འབའ་ཐང་རྫོང་དུ་རྒྱ་ནག་གཞུང་གི་གོ་སྒྲིག་འོག་ྋགོང་ས་མཆོག་ལ་སྐྱོན་བརྗོད་དགོས་པའི་ལས་འགུལ་སྤེལ་བར་མང་ཚོགས་ནས་ངོ་རྒོལ་བྱས་ཡོད་པ་རེད།
    འདི་ག་གསར་ཁང་དུ་བོད་ནས་ཁུངས་ལྡན་གནས་ཚུལ་འབྲེལ་ཡོད་ཀྱིས་འགྲེལ་བརྗོད་གནང་དོན། ཁ་སྔོན་ཉིན་གསུམ་གྱི་སྔོན་དུ། འབའ་ཐང་རྫོང་གི་ལས་བྱེད་༢༠ ལྷག་ལས་གྲུབ་པའི་ལས་དོན་ཚོགས་ཆུང་ཞིག་སྤོ་ཁུག་ཤང་དུ་སླེབས་ནས་མི་མང་ཚོགས་འདུའི་ཐོག ཏཱ་ལའི་བླ་མ་ནི་མེས་རྒྱལ་ཁ་བྲལ་གཏོང་མཁན་དང༌། རྒྱལ་ཁབ་ལ་ཁ་གཏད་གཅོག་མཁན་གྱི་དགྲ་བོ་ཡིན་སྟབས། ཚང་མས་ཁོ་ལ་སྐྱོན་བརྗོད་དགག་རྒྱག་དགོས་ལུགས་དང༌། གུང་ཁྲན་ཏང་ནི་ཁྱེད་ཚོར་དྲིན་ཆེན་པོ་ཡིན་པ་དང༌། ཁྱོད་ཚོས་ཏང་གི་བཀའ་སྲུང་ཅི་སྒྲུབ་ཞུས་ན་

Read more

མི་ཉག་ཁུལ་དུ་ལྷ་མི་ཡོངས་ཀྱིས་ལོ་གསར་བཏང་མེད།

ད་ལོ་རྒྱ་ནག་གི་བཙན་སྐུལ་དང་གནོན་ཤུགས་དྲག་པོའི་འོག་ཤོར་བ་རེ་འགའ་མ་གཏོགས་བོད་ས་ཡོངས་ནས་ལོ་གསར་གཏོང་གི་མེད་པ་དང༌། དེ་བཞིན་དཔྱིད་གསར་དུས་ཆེན་སྐབས་དང་བསྟུན་ནས་ལོ་གསར་གཏོང་སྲོལ་ཡོད་མཁན་ཚོས་ཀྱང་ལོ་གསར་སྤྲོ་སྐྱིད་བཏང་མེད་པ་མ་ཟད། ནམ་རྒྱུན་ལོ་གསར་དང་བསྟུན་ནས་མི་རབས་མི་རྒྱུད་ནས་བརྟེན་པའི་ཡུལ་ལྷ་གཞི་བདག་ལ་མཆོད་གསོལ་བྱེད་སྲོལ་ཡོད་པ་ཡང་བྱས་མེད་པ་རེད་ཅེས་མདོ་ཁམས་ཉགས་ཕྲན་གྱི་ཡུལ་མི་ཞིག་གིས་ཁ་པར་བརྒྱུད་གནས་ཚུལ་འགྲེལ་བརྗོད་གནང་སོང༌།

Read more
Page 114 of 121« First...112113114115116...Last »