ཨ་མདོ་རྔ་སྟོད་དུ་མི་མང་གིས་རྒྱ་རྒོལ།

གནས་ཚུལ་ཤེས་གསལ་ལྟར་ན། ཕྱི་ཟླ ༣ པའི་ཚེས་ ༥ ཉིན་ཨ་མདོ་རྔ་པ་རྔ་སྟོད་སྒོ་མང་གྲྭ་ཚང་གི་དགེ་འདུན་པ་ ༢༠ ལྷག་གིས་སྣེ་ཁྲིད་འོག ཚོ་དྲུག་གྲོང་ཚོའི་མི་སྐྱ་སོགས་མི་གྲངས་ ༢༠༠ ལྷག་གིས་བོད་རྒྱ་ལག་ཏུ་ཤོར་ནས་མི་ལོ་ལྔ་བཅུའི་ལོ་ནག་སྲུང་བརྩི་བྱ་དགོས། ང་ཚོ་ལ་ཞི་བདེ་དང་རང་དབང་དགོས། བོད་མི་རྩམ་གཟན་ཚང་མ་ཡར་ལོངས་ཤོག ཅེས་དགོན་པ་ནས་སྤྱི་ལེ་ ༢ ལྷག་གི་མཚམས་སུ་ཞི་བའི་སྐད་འབོད་བྱས་ཡོད་པ་དང༌། ཁོང་ཚོ་མུ་མཐུད་རྔ་པ་རྫོང་ཐོག་ལ་འགྲོ་རྩིས་བྱེད་སྐབས། དགེ་འདུན་པ་ཚོའི་ནང་མི་དང་ཕ་མ་གཉེན་ཉེ་ཚོས་ངུ་འབོད་བྱེད་བཞིན་བཀག་འགོག་བྱས་ཤིང༌། དེར་ཡོད་རྫོང་ཉེན་རྟོག་པ་དང་དམག་མི་མང་པོས་མཐའ་བསྐོར་ཏེ། གྲྭ་བ་ཚོ་བཙན་གྱིས་ཕྱིར་དགོན་པར་ལོག་བཅུག་ཡོད་པ་དང༌། གྲྭ་ཏིང་འཛིན་ཞུ་བ་ཞིག་འཛིན་བཟུང་བྱས་ཡོད་འདུག ད་ལྟ་རྔ་སྟོད་སྒོ་མང་གྲྭ་ཚང་གི་ཕྱོགས་ཡོངས་སུ་དམག་མིས་བསྐོར་ཏེ་དམ་དྲག་བྱས་ཡོད་པ་མ་ཟད། དགེ་འདུན་པ་དང་མི་སྐྱ་ཚོ་དགོན་པའི་ནང་འགྲོ་འོང་བྱེད་པར་བཀག་བསྡོམས་བྱས་ཡོད་འདུག

Read more

ཁྲིན་ཏུའུ་གྲོང་ཁྱེར་དུ་བོད་རིགས་ཚོར་དམ་དྲག

 རྒྱ་ནག་ཁྲིན་ཏུའུ་ནས་འབྱོར་བའི་ཁུངས་ལྡན་གནས་ཚུལ་ལྟར་ན། ཟླ་འདིའི་ཚེས་༣ ནས་རྒྱུ་ནག་ཁྲིན་ཏུའུ་ཝོ་ཧའོ་སུ་ཟེར་བའི་ས་གནས་བོད་རིགས་ཚོང་པ་འདུ་ས་དེར་རྒྱ་དམག་གིས་བསྐོར་ནས་བོད་རིགས་ཚོ་གར་འགྲོ་གར་འདུག་སོགས་ལ་ཉིན་མཚན་མེད་པར་སྲུང་འདུག་ཟེར། དེ་ཡང་གནས་ཚུལ་མཁོ་སྤྲོད་པས་བཤད་པ་ལྟར་ན། སྤྱིར་བཏང་ད་ལོ་བོད་རིགས་ཚོ་ས་ཆ་གང་དུ་སོང་ཡང་རྒྱ་མི་ཉེན་རྟོག་པ་དང་སྐོར་སྲུང་བས་ལྟ་སྲུང་བྱེད་ཀྱི་ཡོད་པ་དང༌། ལྷག་པར་ཁ་སང་ཁ་ཉིན་ཚེས་༣ ནས་ཁྲིན་ཏུའུ་བོད་རིགས་འདུས་སྡོད་བྱེད་ས་ཝོ་ཧའོ་སུ་ཟེར་ས་དེར་རྒྱ་མི་སྐོར་སྲུང་བ་མང་པོ་སླེབས་སོང༌། ཝོ་ཧའོ་སུ་ཟེར་ས་དེ་ཁམས་དང་ཨ་མདོའི་ཕྱོགས་ཀྱི་བོད་རིགས་ཚོང་པ་རྣམས་འདུས་སྡོད་བྱེད་ས་གཙོ་བོ་ཞིག་རེད། ད་དམག་གིས་བསྐོར་ཚར་སོང༌།

Read more

གསེར་རྟ་རྫོང་ཁོངས་སུ་ངོ་རྒོལ།

ཟླ་འདིའི་ཚེས་༢༥ དང༌། བོད་ཀྱི་ལོ་སར་ཚེས་༡ ཉིན་གསེར་རྟ་རྫོང་ཁོངས་ཀྱི་དགོན་གྲོང་མང་པོའི་ཁང་ཐོག་ལ་དར་ནག་བཙུགས་པ་དང༌། སེ་ར་དགོན་པའི་གྲྭ་མང་གིས་ཁེས་སྐོར་ཞང་སྲིད་གཞུང་གི་སྒོ་འགྲམ་དུ་སྔ་ལོའི་ཚེ་སྲོག་ཤོར་བའི་སྤུན་ཟླ་རྣམས་དང༌། བཙོན་འོག་ན་མནར་གཅོད་མྱོང་བཞིན་པ་རྣམས་ལ་མྱ་ངན་དང་གུས་འདུད་མཚོན་བྱེད་དུ་བྱང་ཆུབ་སེམས་མཆོག་དང༌། རྒྱལ་བའི་ཞབས་བརྟན་གསོལ་འདེབས་བཏོན་ནས་ཟས་བཅད་ངོ་རྒོལ་བྱས་ཡོད་འདུག ཆུ་ཚོད་གསུམ་ལྷག་སོང་མཚམས་ས་གནས་ཉེན་རྟོག་པ་སླེབས་ནས་བོད་རིགས་ལས་བྱེད་པ་དང༌། སྡེ་བ་སོ་སོའི་མི་སྣ་རྣམས་ལ་ཁྱེད་རང་ཚོའི་འགན་ཁུར་ནས་གྲྭ་བ་ཚོ་མྱུར་དུ་དགོན་ནང་དུ་འགྲོར་མ་བཅུག་ཚེ་ཐག་གཅོད་ནན་པོ་བྱེད་ངེས་ཡིན། ཞེས་འཇིགས་སྐུལ་བྱས་པར་བརྟེན་དགོན་པའི་ལྷ་སྡེ་ཁག་དང༌། དེ་མིན་རྟ་ཤུལ་སྡེ་བ་དང༌། དབོན་བཟའ་དང་ཨ་སྐྱབས་སྡེ་བ་ལ་སོགས་པའི་མི་མང་བརྒྱ་ཕྲག་མང་པོ་འདུ་འཛོམས་བྱུང་ནས་གྲྭ་མང་ལ་ལས་འགུལ་མཚམས་འཇོག་མ་བྱས་ཚེ་སྔ་ལོ་བཞིན་གནས་ཚུལ་ཚབས་ཆེན་འབྱུང་ངེས་རེད།

Read more

མང་ར་རྫོང་དུ་དགེ་འདུན་པས་ཁྲོམ་སྐོར།

ཕྱི་ཟླ་༢ པའི་ཚེས་༢༥ ཉིན་ལོ་གསར་ཚེས་༡ ཉིན་གྱི་ཕྱི་དྲོའི་ཆུ་ཚོད་༦ དང་ཕྱེད་ཀའི་ཐོག་ཨ་མདོ་མང་ར་རྫོང་ཀླུ་ཚང་དགོན་པའི་དགེ་འདུན་པ་༢༠༠ ལྷག་གིས་ལཱ་མོ་ཡོངས་འཛིན་རིན་པོ་ཆེའི་ལྷ་ཁང་ནས་འགོ་བཙུགས་ཏེ། སྤྱི་ལེ་༡ ལྷག་གིས་སར་ཡོད་པའི་མང་ར་རྫོང་སྲིད་གཞུང་གི་བར་ཏུ་མར་མེའི་ཁྲོམ་སྐོར་གནང་ཡོད་པ་དང༌། དགོང་མོ་རྒྱ་ནག་གཞུང་གི་སྒོ་ཆེན་མདུན་དུ་འདུ་འཛོམས་ཀྱིས་དགོས་འདུན་ཁག་བཞི་བཏོན་ཡོད་འདུག
    དང་པོ། བོད་མི་གཞོན་སྐྱེས་ཚོའི་བསམ་ཚུལ་དང་སེམས་དོན་རྒྱ་གཞུང་གིས་ཤེས་རྟོགས་ཡོང་རྒྱུ། གཉིས་པ། ད་ལོ་མར་མེའི་ཁྲོམ་སྐོར་འདིས་མཚོན་ཞི་བའི་ལས་འགུལ་དག་འདས་ལོ་ལས་རྒྱ་ཆེ་བ་ཡོང་རྒྱུ་ཡིན་པ་ཤེས་རྟོགས་ཡོང་རྒྱུ། གསུམ་པ། ཀླུ་ཚང་དགོན་པའི་མར་མེའི་ཁྲོམ་སྐོར་འདི་ནི་གཞིས་བྱེས་གཉིས་ཀྱི་བོད་རིགས་སྤུན་ཟླ་ཡོངས་ལ་ལོ་ནག་གི་རྗེས་དྲན་ལེགས་སྐྱེས་སུ་ཕུལ་བ། བཞི་པ། བོད་དོན་བདེན་མཐའ་མྱུར་དུ་སེལ་དགོས་པ་བཅས་ཀྱི་དགོས་འདུན་བཅས་བཏོན་ཡོད་འདུག སྐབས་དེར་ས་གནས་བོད་རིགས་ལས་བྱེད་རྒན་གྲས་དང་དགོན་པའི་དགེ་རྒན་རྣམས་སླེབས་ཏེ། ཞི་བའི་ངོ་རྒོལ་མཚམས་འཇོག་གནང་སྟེ་དགེ་འདུན་པ་རྣམས་ཕྱིར་དགོན་པར་ཕེབས་དགོས་པའི་འབོད་སྐུལ་ཞུས་པ་བཞིན་ལས་འགུལ་དེ་རེ་ཞིག་མཚམས་འཇོག་བྱས་ཡོད་འདུག

Read more

རྨ་ཆུ་རྫོང་དུ་གྲྭ་གཉིས་འཛིན་བཟུང༌།

ཕྱི་ལོ་ཉིས་སྟོང་དགུ་ལོའི་ཧོར་ཟླ་དང་པོའི་སྨོན་ལམ་གྱི་ཚེས་༡༤ རྨ་ཆུ་རྫོང་མུར་བྱེ་ཞང་བྱེ་གཤོང་དགོན་དགའ་ལྡན་ཆོས་འཁོར་གླིང་གི་གྲྭ་གཉིས་རྨ་ཆུ་རྫོང་ཐོག་ཏུ་རྒྱ་ནག་གཞུང་གི་སྤྱི་བདེ་མི་སྣ་ཟེར་བས་བོད་དོན་ལས་འགུལ་སྤེལ་མཁན་གྱི་དོགས་གཞིའི་འོག་འཛིན་བཟུང་བྱས་འདུག  གྲྭ་དེ་གཉིས་རྭ་རྒྱ་ཤེས་རིག་ནོར་བུའི་སློབ་གླིང་དུ་སློབ་གཉེར་བྱེད་བཞིན་པའི་སློབ་མ་གཉིས་ཡིན་འདུག་ལ། ཁོང་གཉིས་སློབ་གྲྭའི་གུང་གསེང་རྫོགས་ཏེ་ཕྱིར་སློབ་གྲྭར་འགྲོ་སྐབས་གོང་ཚེས་ཉིན་རྨ་ཆུ་རྫོང་མགྲོན་ཁང་ཞིག་ཏུ་བསྡད་ཡོད་སྐབས་འཛིན་བཟུང་གིས་རྨ་ཆུ་རྫོང་བཀག་ཉར་ཁང་བཙོན་འཇུག་བྱས་ཡོད་འདུག འདས་ལོ་ཕྱི་ཟླ་བདུན་པ་ནས་རྨ་ཆུ་རྫོང་སྲང་ལམ་གཡས་གཡོན་དུ་གཟུགས་ལེན་འཕྲུལ་ཆས་བརྒྱད་དང་རྫོང་སྲིད་གཞུང་དང་སྤྱི་བདེ་ལས་ཁུངས་གཉིས་ཀྱི་སྒོ་འགྲམ་དུའང་ཉེན་ཟོན་སླད་གཟུགས་ལེན་འཕྲུལ་ཆས་ཆེད་འཛུགས་བྱས་ཡོད་འདུག

Read more

གྲྭ་པ་ཞིག་གི་རང་ལུས་མེར་བསྲེག

བོད་ཀྱི་ལོ་གསར་ཚེས་༣ ཉིན་སྟེ། ཕྱི་ཟླ་2 ཚེས་27 ཉིན་གོང་ཆུ་ཚོད་1ཙམ་ལ་ཨ་མདོ་རྔ་བ་ཀིརྟི་དགོན་པའི་དགེ་འདུན་པ་བཀྲ་བྷེ་ལགས་ཀྱིས་བོད་བསྟན་སྲིད་ཀྱི་དོན་དུ་རང་ལུས་མེར་བསྲེག་བཏང་སྟེ། རྒྱ་གཞུང་ལ་ངོ་རྒོལ་སྐད་འབོད་བྱས་ཡོད་སྟབས་རྒྱ་གཞུང་གི་ཉེན་རྟོག་པས་མེ་མདའ་བརྒྱབ་ཡོད་འདུག

 ཕྱི་ཚེས་26 ཉིན་གྱི་ཕྱི་དྲོ་ཨ་མདོ་རྔ་བ་ཀིརྟི་དགོན་པ་དང་རྔ་བ་རྫོང་ཐོག་བཅས་སུ། ཁ་སང་གི་དམར་གསོད་ལ་མ་སྐྲག་ན། དེ་རིང་གི་རྡུང་རྡེག་ལ་ཅིའི་ཕྱིར་སྐྲག སང་ཉིན་ང་ཚོས་ཡར་ལངས་རྒྱག་དགོས། ཞེས་བཀོད་པའི་སྦྱར་ཡིག་མང་པོ་ཞིག་སྦྱར་ཡོད་སྟབས། ཚེས་27 གྱི་ཞོགས་པ་རྔ་བ་རྫོང་ཐོག་གི་བོད་རིགས་མང་པོ་ཞིག་འདུ་འཛོམས་བྱས་ཡོད་པ་དང༌། ལོ་གསར་སྨོན་ལམ་ཆེན་མོ་ཚོགས་སུ་བཅུག་མེད་སྟབས། རྔ་བ་ཀིརྟི་དགོན་པའི་དགེ་འདུན་པ་ ༡༠༠༠ ཙམ་ཚོགས་ཆེན་འདུ་ཁང་མདུན་དུ་འདུ་འཛོམས་བྱས་ཡོད་འདུག

Read more

ལི་ཐང་དུ་འཛིན་བཟུང་བྱས་པ་ཁག་ཅིག་གློད་གྲོལ།

སེར་སྨད་ལི་ཐང་གྲྭ་བློ་དགའ་ལགས་ཀྱིས་གནས་ཚུལ་འགྲེལ་བརྗོད་གནང་བ་ལྟར་ན། ལི་ཐང་ནས་འཛིན་བཟུང་བྱས་པའི་ནང་ནས་མི་བདུན་ཟླ་འདིའི་ཕྱི་ཚེས་༢༢ ཉིན་འབའ་ཐང་རྫོང་ནས་གློད་གྲོལ་བཏང་ཡོད་པ་དང༌། ཐོག་མ་ཕྱི་ཚེས་༡༥ དང་༡༦ སོ་སོར་སྐད་འབོད་བྱས་ནས་འཛིན་བཟུང་བྱས་པ་མི་༡༥ ལ་ལག་ལྕགས་བརྒྱབ་པ་དང་མགོ་ལ་རས་ནག་པོ་རེས་བཏུམ་ནས་ཕྱི་ཚེས་༢༠ ཉིན་དཀར་མཛེས་ཁུལ་འདབ་པ་རྫོང་དུ་ཁྲིད་ཡོད་པ་དང༌། དེའི་ནང་ནས་སྐད་འབོད་ཐོག་མ་བྱེད་མཁན་བློ་བཟང་ལྷུན་གྲུབ་དང༌། ཕྱི་ཚེས་༡༦ ཉིན་ྋགོང་ས་མཆོག་གི་སྐུ་པར་ཆེན་པོ་ཞིག་བསྣམས་ནས་ཕེབས་མཁན་བསོད་ནམས་བསྟན་པ་གཉིས་དམིགས་བསལ་ནག་ཆེན་དུ་བརྩི་བཞིན་ཡོད་པས་གང་དུ་ཁྲིད་ཡོད་མེད་གསལ་ཁ་མེད་ཀྱང༌། གཞན་རྣམས་༡༣ དེ་ཕྱི་ཚེས་༢༡ ཉིན་ལི་ཐང་བརྒྱུད་འབའ་ཐང་རྫོང་དུ་རྩིས་སྤྲོད་བྱས་ཡོད་པ་རེད།

Read more

ནག་ཆུ་ཁུལ་དུ་འཁྲུག་ཟིང་དང་སྐད་འབོད།

གསར་ལམ་ཁག་ནས་གནས་ཚུལ་སྤེལ་བ་ལྟར་ན། ཟླ་འདིའི་ཚེས་༡༩ ཉིན་ནག་ཆུ་རྫོང་ཁུལ་ནས་ཡིན་པའི་བོད་པ་རླངས་འཁོར་ཁ་ལོ་བ་ཞིག་གི་འགྲུལ་པ་རྣམས་རྒྱ་མི་རླངས་འཁོར་གཏོང་མཁན་ཞིག་གིས་བཙན་ཤེད་ཀྱིས་ཁོ་རང་གི་རླངས་འཁོར་དུ་འཇུག་རྩིས་བྱས་པ་མ་ཟད། བོད་མི་དེ་ལ་མཐོང་ཆུང་དང་དམའ་འབེབས་ཀྱི་ཚིག་ངན་བཤད་པས། བོད་མི་དེ་ཁོང་ཁྲོ་ལངས་ནས་ཕན་ཚུན་འཁྲུག་པ་ཤོར་ཡོད་འདུག དེ་ནས་ས་གནས་དེའི་བདེ་འཇགས་མི་སྣ་གཙོ་བོ་རྒྱ་མི་དེས་ཀྱང་རྒྱ་མི་ཁ་ལོ་བ་དེའི་ཕྱོགས་བྱས་ནས། བོད་མི་དེར་རྡུང་རྡེག་བཏང་བ་མ་ཟད། བཙོན་ཁང་དུ་འཁྲིད་རྩིས་བྱས་པས།

Read more

བཙུན་མ་ཞིག་གིས་སྐད་འབོད་བྱས་ནས་འཛིན་བཟུང་བྱས་པ།

ཕྱི་ཚེས་༢༠ ཉིན་གྱི་ཞོགས་པ་དཀར་མཛེས་རྫོང་ཐོག་ཏྲེ་ཧོར་དར་རྒྱས་རུ་མདའ་གྲོང་ནས་ཡིན་པ་ཕ་ཕུར་བུ་རབ་བརྟན་དང༌། མ་བསོད་ནམས་དཔལ་སྐྱིད་གཉིས་ཀྱི་བུ་མོ་རང་ལོ་ ༤༣ ཅན་དར་རྒྱས་ཧ་དྷི་བཙུན་དགོན་གྱི་བཙུན་མ་བསོད་ནམས་ཆོས་སྐྱིད་ཀྱིས་ྋགོང་ས་མཆོག་སྐུ་ཚེ་ཁྲི་ལོ་བརྟན་པ་དང་རང་ཡུལ་གངས་ཅན་ཞིང་དུ་བཞུགས་གདན་འཇགས་དགོས་པ། བོད་ཀྱི་ཆབ་སྲིད་བཙོན་པ་རྣམས་མྱུར་དུ་གློད་བཀྲོལ་གཏོང་དགོས་པ། བོད་ཀྱི་བདག་པོ་བོད་མི་ཡིན་པ། བོད་ལ་འགྲོ་བ་མིའི་ཐོབ་ཐང་དགོས་པ་སོགས་ཀྱི་སྐད་འབོད་ཤུགས་ཆེར་བྱས་མ་ཐག་ཉེན་རྟོག་པས་ཉེས་རྡུང་འོག་འཛིན་བཟུང་གིས་བཙན་ཁྲིད་བྱས་ཡོད་འདུག

Read more

གསེར་རྟ་རྒྱའུ་གདོང་དགོན་དུ་དམ་དྲག་དང་དགོན་བདག་བྲོས་བྱོལ།

བོད་ནས་འབྲེལ་ཡོད་བརྒྱུད་ཁུངས་ལྡན་གནས་ཚུལ་འབྱོར་གསལ་ལྟར་ན་ཟླ་འདིའི་ཚེས་༡༧ ཉིན་གསེར་རྟ་རྫོང་ཁོངས་གསེར་སྨད་རྒྱའུ་གདོང་དགོན་དུ་རྒྱ་གཞུང་གིས་ལས་བྱེད་པ་ཡོང་ནས་ལོ་གསར་གཏོང་དགོས་པ་དང༌། གྲྭ་མང་ལ་ལོ་གསར་གཏོང་ཆེད་རྒྱ་སྒོར་ལྔ་སྟོང་སྤྲོད་རྒྱུ་དང༌། དགོན་བདག་སྤྲུལ་སྐུ་ཤེས་རབ་བློ་ལྡན་ལགས་སུ་ཁྱེད་རང་གིས་རྒྱའུ་གདོང་དགོན་པར་ལོ་གསར་གཏོང་ཐུབ་པ་ཞིག་གྱིས་དང་ཟླ་རེ་བཞིན་རྒྱ་སྒོར་སུམ་བརྒྱ་རེའི་ཟླ་ཕོགས་སྤྲད་རྒྱུ་ཡིན་ཚུལ་བརྗོད་ཡོད་ཀྱང༌། གྲྭ་མང་ཡོངས་ཀྱིས་ལོ་སར་གཏོང་བྱེད་དུ་སྤྲད་པའི་རྒྱ་སྒོར་༥༠༠༠ དང་སྤྲུལ་སྐུ་ལ་ཟླ་རེ་བཞིན་སྒོར་༣༠༠ རེ་ཟླ་ཕོགས་སྤྲད་རྒྱུ་བཅས་ལ་དང་ལེན་མ་བྱས་པར་བརྟེན། དགོན་པའི་སྒྲུབ་མཆོད་ཉིན་བཅོ་ལྔའི་རིང་འཚོགས་སྲོལ་ཡོད་པ་བཞིན་འཚོགས་ནས་དངོས་གཞིའི་གར་འཆམ་འཆམས་མ་བཅུག་པར་མཚམས་འཇོག་བྱེད་དགོས་བྱུང་ཡོད་པ་དང༌།

Read more
Page 114 of 122« First...112113114115116...Last »