སྡེ་དགེ་འཇོ་མདའ་ལ་རི་ཉིལ་གྱི་གནོད་སྐྱོན། 

ཟླ་འདིའི་ཕྱི་ཚེས་༡༡ ཉིན་ས་གནས་ཀྱི་མཚན་གྱི་ཆུ་ཚོད་༤ པ་ཡས་མས་སུ། བོད་ཁམས་འཇོ་མདའ་རྫོང་། སྤོ་ལོ་ཡུལ་ཚོའི་ཉེ་ཕྱོགས་ནས་རི་ཉིལ་ཏེ་འབྲི་ཆུའི་བཞུར་རྒྱུན་འགག་ནས། འབྲི་ཆུའི་འགྲམ་དུ་གནས་པའི་གྲོང་སྡེ་མང་པོ་ཞིག་ཉེན་ཁའི་གནས་སུ་ལྷུང་ཡོད་འདུག་ཀྱང་། ད་བར་མིའི་ཚེ་སྲོག་ལ་གནོད་སྐྱོན་ཤོར་མེད་པའི་གནས་ཚུལ་འདུག དེ་ཡང་། སྤོ་ལོ་ཡུལ་ཚོའི་ཉེ་ཕྱོགས་ནས་རི་ཉིལ་ཤུགས་ཆེན་པོ་བྱུང་བའི་དབང་གིས་གཙང་པོ་འགག་ནས་སྐར་མ་གཉིས་རིང་། ཆུའི་ཟབ་ཚད་སེན་ཊི་མི་ཊེར་(Centimeter)གཉིས་འཕར་ཡོད་འདུག་པ་དང་།  གཙང་པོ་འགག་པ་ལ་བརྟེན་ནས་ཉེ་འཁོར་གྱི་གྲོང་གསེབ་ཁག་ཅིག་གི་ཡུལ་མི་ལ་འཇིག་ཉེན་ཆེན་པོ་ཡོད་སྟབས། ཡུལ་མི་༤༠༠ ཡས་མས་དང་། སྤོ་ལོ་གྲོང་སྡེའི་ས་གནས་ཀྱི་སློབ་གྲྭ་ནས་དགེ་རྒན་དང་སློབ་མ་༢༨༧ བཅས་གནས་སྐབས་རིང་ཉེན་ཡོལ་ཆེད་གནས་སྤོ་བྱེད་མུས་ཡིན་འདུག ཡུལ་དངོས་ནས་བླངས་པའི་བརྙན་ཐུང་ཁག་ཕྱི་ཕྱོགས་ཀྱི་སྤྱི་ཚོགས་དྲ་རྒྱ་ཁག་ཏུ་བརྒྱུད་སྤེལ་བྱས་པའི་ནང་། གཙང་པོ་འཁྱིལ་ནས་སྡོད་ཁང་ཁག་ཅིག་གཙང་པོའི་ནང་ནུབ་ཟིན་འདུག་པ་དང་། ཡུལ་མི་ཚོས་རྒྱབ་ཏུ་ཁུར་པོ་ཁུར་ནས་ཉེན་ཡོལ་ཆེད་གནས་སྤོ་བྱེད་བཞིན་པ་རེད་འདུག་པ་མ་ཟད། བརྙན་ལེན་མཁན་གྱི་ཡུལ་མི་ཞིག་གིས་“ད་དཀའ་མོ་རེད་ཚར། ད་ངོ་མ་དཀའ་མོ་རེད་ཚར་”ཞེས་ངག་ནས་བརྗོད་བཞིན་འདུག

Read more

ཆབ་སྲིད་བཙོན་ཟུར་གཞོན་ནུ་དཔལ་ལྡན་འདས་གྲོངས།

བོད་མདོ་སྨད་རྨ་ཆུ་རྫོང་དབལ་བན་ཡུལ་འཚོའི་རོང་སྐོར་སྡེ་བ་ནས་ཡིན་པའི་ཆབ་སྲིད་བཙོན་ཟུར་གཞོན་ནུ་དཔལ་ལྡན་ཡུན་རིང་ནད་མནར་གྱི་རྐྱེན་པས་འདས་གྲོངས་སུ་གྱུར་ཡོད་འདུག

Read more

ཀརྟི་དགོན་པའི་གྲྭ་པ་བོད་དོན་ལས་འགུལ་བ་ཁག་ཅིག་རྒྱ་ནག་ཉེན་རྟོག་པས་བཀག་ཉར་བྱས་འདུག

ཟླ་འདིའི་ཚེས་༥ ཉིན་བོད་མདོ་སྨད་རྔ་པ་ཀིརྟི་དགོན་གྱི་གྲྭ་རྡོ་རྗེ་རབ་བརྟན་གྱིས་རྔ་བའི་རྫོང་མཁར་ནས་བོད་དོན་སྐད་འབོད་བྱེད་སྐབས། རྒྱ་གཞུང་གི་ཉེན་རྟོག་པས་བཙད་ཁྲིད་བྱས་ཏེ་ད་ལྟ་བཀག་ཉར་བྱས་ཡོད་འདུག ཟླ་འདིའི་ཚེས་༦ ཉིན་རྔ་པ་ཀིརྟི་དགོན་པའི་གྲྭ་བསྟན་འཛིན་དགེ་ལེགས་ཀྱིས་རྔ་པའི་རྫོང་མཁར་ནས་བོད་ལ་རང་དབང་དགོས་པའི་སྐད་འབོད་བྱེད་སྐབས་རྒྱ་ནག་གཞུང་གི་ཉེན་རྟོག་པས་བཙན་ཁྲིད་བཀག་ཉར་བྱས་ཡོད་འདུག

Read more

པདྨ་ཚེ་བརྟན་གྱི་གློག་བརྙན་གསར་པར་རྒྱལ་སྤྱིའི་བྱ་དགའ་ཐོབ་འདུག

བོད་ཀྱི་གློག་བརྙན་འཁྲབ་ཁྲིད་པ་གྲགས་ཅན་པདྨ་ཚེ་བརྟན་གྱི་གློག་བརྙན་གསར་པ་ལག་དམར་ཞེས་པ་དེར། རྒྱལ་སྤྱིའི་གློག་བརྙན་དུས་སྟོན་གྲགས་ཆེན་ཞིག་གི་ནང་དུ། འཁྲབ་གཞུང་རྩེ་ཕུད་ཀྱི་བྱ་དགའ་ཐོབ་འདུག་པ་དང་། ཁོང་གི་གློག་བརྙན་གཞན་ལ་ཡང་རྒྱལ་སྤྱིའི་ནང་གདེང་འཇོག་ཆེན་པོ་ཐོབ་མྱོང་ཡོད་པ་རེད།

Read more

བཀྲ་ཤིས་དབང་ཕྱུག་གི་བསྐྱར་གཏུག་ལ་ཁྲིམས་ཁང་གིས་ངོས་ལེན་བྱས་མི་འདུག

བོད་ཀྱི་སྐད་ཡིག་སྲུང་སྐྱོབ་པ་བཀྲ་ཤིས་དབང་ཕྱུག་གིས། དེ་སྔོན་རྒྱ་ནག་གཞུང་གི་འབྲིང་རིམ་ཁྲིམས་ཁང་ཞིག་གིས་ཁོང་ལ་ལོ་ལྔའི་བཙོན་འཇུག་ཁྲིམས་ཐག་བཅད་པ་དེར། མཐོ་རིམ་ཁྲིམས་ཁང་ཞིག་ལ་བསྐྱར་གཏུག་བྱས་ཡོད་ཀྱང་། ཁྲིམས་ཁང་དེས་ངོས་ལེན་བྱས་མེད་པ་རེད་འདུག

Read more

ཚོང་པ་བསྟན་འཛིན་ཆོས་འཕེལ་རྒྱ་ནག་གཞུང་གིས་འཇུ་བཟུང་།  

་བོད་ཀྱི་ཤར་ཕྱོགས་སུ་གནས་པ་ཁམས་ནག་ཆུ་ཁུལ། ནག་ཆུ་རྫོང་། ཤག་རོང་སྟར་ཆེན་ཡུལ་ཚོ། སྲ་ཁུ་གྲོང་ནས་ཡིན་པའི་ཚོང་པ་བསྟན་འཛིན་ཆོས་འཕེལ་ཉེ་ཆར་རྒྱ་གཞུང་གིས་འཇུ་བཟུང་བྱས་པའི་གནས་ཚུལ་ཐོན་ཡོད་འདུག  

Read more

རྒྱ་ནག་གཞུང་གིས་དབུ་མའི་ལམ་དང་འབྲེལ་བའི་བྱ་སྤྱོད་ཁྲིམས་འགལ་བཟོས་འདུག

རྒྱ་ནག་གཞུང་གིས་དབུ་མའི་ལམ་ལ་རྒྱབ་སྐྱོར་གྱི་བྱ་སྤྱོད་རྣམས་ཁྲིམས་འགལ་བཟོས་འདུག་པ་དང་། དེ་བཞིན་བོད་ཡིག་བཀོལ་སྤྱོད་མང་དུ་གཏོང་དགོས་པའི་དགོས་འདུན་ཡང་ཁྲིམས་འགལ་བྱ་སྤྱོད་བཟོས་འདུག

Read more

གུང་སེང་སྐབས་སློབ་ཕྲུག་རྣམས་ཆོས་ལུགས་ཀྱི་བྱེད་སྒོར་ཞུགས་རྒྱུ་བཀག་སྡོམ་བྱས་འདུག

ཟླ་འདིའི་ཕྱི་ཚེས་༢༤ ཉིན་རྒྱ་ནག་ལྷོ་བརྒྱུད་ཞོགས་པའི་ཆ་འཕྲིན་གྱི་གསར་ཁང་སོགས་ཀྱིས་གནས་ཚུལ་སྤེལ་བ་ལྟར་ན། ལྷ་ས་གྲོང་ཁྱེར་མཐོ་རིམ་སློབ་འབྲིང་གསུམ་པས་ཁྱིམ་བདག་ལ་སྤྲིངས་པའི་ཡི་གེ་ཞེས་པའི་ནང་། སློབ་མ་རྣམས་དབྱར་ཁའི་གུང་སེང་གི་སྐབས་སུ་ཆོས་ཕྱོགས་ཀྱི་ལས་རིམ་སྣ་ཚོགས་པའི་ནང་ཞུགས་རྒྱུ་བཀག་སྡོམ་བྱས་ཡོད་འདུག

Read more

ཡུལ་ཤུལ་རྫོང་ཁོངས་སུ་གཏེར་ཁ་སྔོག་འདོན་དང་མི་མང་ལ་རྡུང་རྡེག

ཟླ་འདིའི་ཚེས་༧ ཉིན་ཁམས་ཡུལ་ཤུལ་རྫོང་།    རོང་པོ་གྲོང་བརྡལ་(རྗེ་རོང་ཡུལ་ཚོ་) སྡེ་ཆེན་སྡེ་བ། རུ་ཁག་གསུམ་པའི་སྡེ་ཆུང་ལུང་པའི་ཕུ་ནས་རྒྱ་ནག་གཞུང་གིས་གཏེར་ཁ་སྔོག་འདོན་བྱེད་སྐབས། ས་གནས་བོད་མི་ཚོས་བཀག་འགག་བྱས་པར་བརྟེན། ཉེན་རྟོག་པས་མི་མང་ལ་རྡུང་རྡེག་བཏང་ཡོད་འདུག

Read more

རྒྱ་ནག་གི་ཆབ་སྲིད་སློབ་གསོའི་ལྟེ་གནས་ཁང་དུ་བོད་མིར་བཙན་གཡེམ་དང་མནར་གཅོད།

བོད་པའི་དགེ་འདུན་པ་ཞིག་གི་ཉིན་ཐོ་ལས། རྒྱ་ནག་གཞུང་གིས་བོད་ཁུལ་དུ་བཙུགས་པའི་ཆབ་སྲིད་སློབ་གསོའི་ལྟེ་གནས་ཁང་དུ། བོད་པའི་བཙུན་མ་རྣམས་ལ་བཙན་གཡེམ་དང་བོད་མི་ཚོར་མནར་གཅོད་མྱོང་གི་ཡོད་སྐོར་བྲིས་ཡོད་འདུག

Read more
Page 2 of 12212345...Last »