རྒྱལ་སྤྱི།

རྒྱ་ནག་གི་སློབ་མས་ཧྥ་རན་སིའི་སློབ་ཐོན་ལག་ཁྱེར་ཉོས་འདུག

ཟླ་འདིའི་ཚེས་ ༡༧ ཉིན་གསར་ལམ་ཁག་ནས་གནས་ཚུལ་སྤེལ་གསལ་ལྟར་ན། ཧྥ་རན་སིའི་ཚོང་ལས་འཛིན་སྐྱོང་གཙུག་ལག་སློབ་གྲྭ་ཆེན་མོར་ཡོད་པའི་རྒྱ་རིགས་སློབ་མ་ཚོས། སློབ་གྲྭའི་ལས་བྱེད་མི་སྣ་དང་སློབ་གྲྭ་དེའི་སློབ་ཟུར་བརྒྱུད་ནས་སློབ་ཐོན་ལག་ཁྱེར་ཁྲིམས་འགལ་ཐོག་ནས་ཉོས་ཡོད་པའི་གསང་བ་འབྲེལ་ཡོད་ལས་བྱེད་ཀྱིས་ཕྱིར་བསྒྲགས་བྱས་ཡོད་པ་རེད།    དེ་ཡང་ཧྥ་རན་སིའི་ཊོ་ལུན་ཚོང་ལས་འཛིན་སྐྱོང་གཙུག་ལག་སློབ་གྲྭ་ཆེན་མོའི་སློབ་ཟུར་རི་རྗིན་སི་ཟེར་བ། ཧྥ་རན་སིའི་ཉེན་རྟོག་ལས་ཁུངས་སུ་སོང་ནས་ཚོང་ལས་འཛིན་སྐྱོང་གཙུག་ལག་སློབ་གྲྭ་ཆེན་མོར་སློབ་སྦྱོང་བྱེད་བཞིན་པའི་རྒྱ་རིགས་སློབ་མ་ཚོས། ཁོ་ལ་དངུལ་ཕོན་ཆེན་སྤྲད་ནས་སློབ་ཐོན་ལག་ཁྱེར་བཙོང་དགོས་པའི་རེ་སྐུལ་ལན་མང་བྱས་ཀྱང་ཁས་ལེན་བྱས་མེད། འོན་ཀྱང༌། ཁྲིམས་མཐུན་གྱི་སློབ་མ་གསོ་སྐྱོང་གི་ཆེད་དུ་ཉེན་རྟོག་པས་ཁྲིམས་འགལ་གྱི་སློབ་མ་རྣམས་ལ་སྟངས་འཛིན་བྱེད་དགོས་ཀྱི་འདུག་ཅེས་གནས་ཚུལ་དེ་མཁོ་སྤྲོད་དང་རེ་སྐུལ་ཡིག་ཆ་ཞིག་ཕུལ་ཡོད་པ་རེད།

Bangchen admin· · Comments are Disabled ·

པཱ་ཀི་སི་ཐན་ལ་ཨ་སྒོར་ཐེར་འབུམ་གཅིག་སྤྲད་འདུག

ཟླ་འདིའི་ཚེས་ ༡༦ ཉིན་གསར་ལམ་ཁག་ནས་གནས་ཚུལ་སྤེལ་གསལ་ལྟར་ན། པཱ་ཀི་སི་ཐན་གྱི་སྲིད་འཛིན་མཆོག་ཉི་ཧོང་དུ་ཕེབས་ནས་ཕྱོགས་གཉིས་ཀྱི་དཔོན་རིགས་ཚོའི་བར་་གྲོས་བསྡུར་ལྷུག་པོ་གནང་ཡོད་པ་དང།    ཉི་ཧོང་གི་སྲིད་བློན་ཏཱ་རོ་ཨ་སུའུ་མཆོག་དང། པཱ་ཀི་སི་ཐན་གྱི་སྲིད་འཛིན་ཨ་སིཧྥི་རྣམ་གཉིས་ཀྱིས་ཉི་ཧོང་གི་རྒྱལ་ས་ཊོ་ཀི་ཡོ་ལ་ལྷན་ཚོགས་ཤིག་འཚོགས་ཡོད་པའི་ཐོག ཉི་ཧོང་གི་སྲིད་བློན་གྱིས་པཱ་ཀི་སི་ཐན་གྱི་བདེ་འཇགས་དེ་འཛམ་གླིང་སྤྱི་ལ་ཧ་ཅང་གལ་ཆེན་པོ་ཡིན་པས། ཉི་ཧོང་གཞུང་ཕྱོགས་ནས་འཛམ་གླིང་ལ་ཉེན་ཁ་ཆེ་བའི་འཇིགས་སྐུལ་རིང་ལུགས་ལ་འགོག་རྒོལ་དང༌།    པཱ་ཀི་སི་ཐན་དུ་དཔལ་འབྱོར་ཉམ་གུད་འགྲོ་བཞིན་པ་སླར་གསོའི་ཆེད་དུ་རོགས་དངུལ་ཐེར་འབུམ་ ༡ གཅིག་སྤྲད་རྒྱུ་ཡིན་ཞེས་ཁྱབ་བསྒྲགས་བྱས་ཡོད་པ་རེད།

Bangchen admin· · 0 མཆན་འགྲེལ། ·

རྒྱ་ནག་གི་འགྲོ་བ་མིའི་ཐོབ་ཐང་ལག་བསྟར་གྱི་འཆར་འགོད།

  ཟླ་འདིའི་ཚེས་༡༤ ཉིན་གསར་ལམ་ཁག་ནས་གནས་ཚུལ་སྤེལ་གསལ་ལྟར་ན། རྒྱ་ནག་གཞུང་གིས་ཤོག་གྲངས་༥༤ ཡོད་པའི་འགྲོ་བ་མིའི་ཐོབ་ཐང་སྐོར་གྱི་ཡིག་ཆ་ཞིག་འགྲེམས་སྤེལ་བྱས་ཡོད་པ་དང༌། དེའི་ནང་དེང་སྐབས་རྒྱ་ནག་ཏུ་ལག་བསྟར་བྱེད་བཞིན་པའི་སྲོག་ཐོག་གི་ཁྲིམས་གཅོད་དང་མནར་གཅོད་སོགས་ཁྲིམས་ཆད་དེ་དག་བསྒྱུར་བཅོས་གཏོང་འཆར་ཡོད་ཅེས་འཁོད་ཡོད་པར། ཤར་ཨེ་ཤ་ཡའི་རྒྱལ་སྤྱིའི་བཙོན་གྲོལ་མཐུན་ཚོགས་ཀྱིས་དགའ་བསུ་ཞུས་ཡོད་པའི་གནས་ཚུལ་ཐོན་ཡོད་པ་རེད།

Bangchen admin· · Comments are Disabled ·

སྐབས་བཅོ་ལྔ་པའི་རྒྱ་གར་འོས་བསྡུ་ཆེན་པོ།

འདིའི་ཚེས་༡༣ ཉིན་གསར་ལམ་ཁག་ནས་གནས་ཚུལ་སྤེལ་གསལ་ལྟར་ན། རྒྱ་གར་གྱི་ཆབ་སྲིད་ཚོགས་པ་ཆེ་ཤོས་ཁན་གྷི་རི་སི་དང། བྷི་ཇི་བྷི་གཉིས་ལས་གཞན་པའི། ལྟ་གྲུབ་གཅིག་མཐུན་ཚོགས་པ་ཟེར་བ་ཞིག་རྒྱ་གར་གྱི་དམར་ཕྱོགས་ཚོགས་པ་གཙོ་བོར་བྱས་ནས་བཙུགས་པའི་ཆབ་སྲིད་ཚོགས་པ་གཞན་ཞིག་ཐོན་ཡོད་པ་དང༌། ཆབ་སྲིད་ཚོགས་པ་ཚང་མས་གཞུང་འཛིན་གྱི་རྒྱལ་ཁ་ཐོབ་ན་ས་ཁུལ་དེ་དང་དེ་ལ་དཀའ་ངལ་གང་ཡོད་པ་རྣམས་འཕྲལ་དུ་སེལ་རྒྱུ་ཡིན་པའི་གཏམ་བཤད་སྤེལ་བཞིན་ཡོད་ལ། དམིགས་བསལ་གྱི་གྲོང་གསེབ་ཁག་ཏུ་ལས་འགུལ་དེ་དག་གཞི་རྒྱ་ཆེན་པོ་དང་འགྲོ་གྲོན་ཡང་མི་ཉུང་བ་ཞིག་གཏོང་བཞིན་ཡོད་པའི་གནས་ཚུལ་ཐོན་ཡོད་པ་རེད།

Bangchen admin· · Comments are Disabled ·

རྒྱ་ནག་གཞུང་གིས་རྒྱ་གར་གྱི་སྲིད་འཛིན་ལ་ངོ་རྒོལ།

        གསར་ལམ་ཁག་ནས་གནས་ཚུལ་སྤེལ་གསལ་ལྟར་ན། རྒྱ་གར་གྱི་སྲིད་འཛིན་ལྕམ་པཱ་ཊལ་རྒྱ་གར་ཨ་རུན་ནཱ་ཆའི་མངའ་སྡེའི་ཁོངས་སུ་གཏོགས་པའི་མོན་རྟ་དབང་དུ་གཟིགས་སྐོར་ལ་ཕེབས་སྐབས། རྒྱ་ནག་གཞུང་ངོས་ནས་མོན་རྟ་དབང་རྒྱ་ནག་གི་ཆ་ཤས་ཡིན་པས་རྒྱ་གར་གྱི་དཔོན་རིགས་ཚོ་ས་ཆ་དེར་ཕེབས་པ་ངོ་རྒོལ་ཡོད་ཅེས་ཁྱབ་བསྒྲགས་བྱས་ཡོད་པ་རེད།

Bangchen admin· · Comments are Disabled ·

སླར་ཡང་གྲང་དམག་ལངས་སྲིད།

དབྱིན་ལན་དུ་འཛམ་གླིང་རྒྱལ་ཁབ་ ༢༠ ཚོགས་འདུ་ཆེན་པོ་དེ་ཚར་བའི་རྗེས་སུ། ཨ་རིའི་སྲིད་འཛིན་ཨོ་བྷ་མ་མཆོག་ཡུ་རོབ་རྒྱལ་ཁབ་ཁག་ལ་གཟིགས་སྐོར་ཕེབས་ཏེ་ཊར་ཀི་ཡུ་རོབ་མཉམ་འབྲེལ་ནང་འཛུལ་ཞུགས་དགོས་སྐོར་དང༌། རྡུལ་ཕྲན་བཟོ་སྐྲུན་མཚམས་འཇོག་མ་བྱས་ན་སླར་ཡང་གྲང་དམག་ལངས་སྲིད་པའི་ཉེན་བརྡ་བཏང་ཡོད་པ་རེད།
    དེ་ཡང་ཨ་རིའི་སྲིད་འཛིན་ཡུ་རོབ་ལུང་པར་གཟིགས་སྐོར་ཕེབས་བཞིན་པའི་སྐབས་དེར། ཟླ་འདིའི་ཚེས་༥ ཉིན་བྱང་ཀོ་རི་ཡས་མཉམ་འབྲེལ་རྒྱལ་ཚོགས་ཀྱིས་ཉེན་བརྡ་སོགས་ལ་མ་འཛེམས་ནས་མེ་ཤུགས་འཕུར་མདའ་ཚོད་ལྟ་བྱས་པ་དང༌། དུས་དེར་ཨ་རི་དང་ཉི་ཧོང་གཉིས་ཀྱིས་བྱང་ཀོ་རི་ཡ་ལ་མཉམ་འབྲེལ་རྒྱལ་ཚོགས་བརྒྱུད་ནས།

Bangchen admin· · Comments are Disabled ·

ཨ་ཕས་རང་གི་བུ་ཕྲུག་ལྔ་ལ་མེ་མདའ་བརྒྱབ་འདུག

                ཨ་ཕས་རང་གི་བུ་ཕྲུག་ལྔ་ལ་མེ་མདའ་བརྒྱབ་འདུག
    ཟླ་འདིའི་ཚེས་ ༥ ཉིན་གསར་ལམ་ཁག་ནས་གནས་ཚུལ་སྤེལ་གསལ་ལྟར་ན། ཨ་རིའི་མི་ཚང་གཅིག་གི་བཟའ་ཟླས་ཁྱོ་ག་དང་ཁ་བྲལ་གྱི་ཡིན་ཞེས་བརྗོད་སྐབས། ཁྱོ་གས་བཟའ་ཟླ་མེད་པའི་དུས་དང་བསྟུན་ནས་ཁོ་རང་གཉིས་ཀྱི་ཕྲུ་གུ་༥ ལ་མེ་མདའ་བརྒྱབ་རྗེས་ཁོ་རང་ཡང་མཉམ་དུ་རང་ཤི་བརྒྱབ་ཡོད་པ་རེད།
    ཕྲུ་གུ་རྒན་ཤོས་བུ་རང་ལོ་ ༡༦ ཅན་དང་ ༧ ཅན། དེའི་འོག་བུ་མོ་གསུམ་བཅས་ཁྱོན་ཕྲུ་གུ་ལྔ་ཡོད་པ་རྣམས་ནས་ཕྲུ་གུ་བཞི་ཉལ་ཁྲིའི་སྒང་ལ་བསད་ཡོད་པ་དང་གཅིག་ཁྲུས་ཁང་ནང་བསད་ཡོད་པ་རེད། ཕྲུ་གུ་རྣམས་ཀྱི་ཕུང་པོ་སྒེའུ་ཁུང་ནས་མར་གཡུགས་སྐབས་ཉེན་རྟོག་པས་ནང་མིའི་འབྲེལ་ཡོད་ལ་ཁ་པར་བརྒྱུད་ནས་འབྲེལ་བ་བྱེད་སྐབས། སུ་གཅིག་གིས་འདི་ཡིན་དེ་མིན་གྱི་ལན་རྒྱག་མཁན་བྱུང་མེད་པ་རེད།

Bangchen admin· · Comments are Disabled ·

རྒྱུགས་ཤོག་བཙོང་བའི་ནག་ཉེས།

ཟླ་འདིའི་ཚེས་༤ ཉིན་གསར་ལམ་ཁག་ནས་གནས་ཚུལ་སྤེལ་གསལ་ལྟར་ན། རྒྱ་ནག་གི་གྲོང་ཁྱེར་ཌི་ཇིན་ནང་སློབ་གྲྭ་ཆེན་པོའི་ཡིག་ཚད་ཀྱི་སྐབས་དགེ་རྒན་གྱིས་ཡིག་ཚད་དྲི་བ་བཙོང་པ་དང༌། ནང་མིས་ཉོས་ཏེ་ལག་ཐོག་ཁ་པར་བརྒྱུད་ནས་ཕྲུ་གུར་གསང་བརྡ་བྱེད་སྐབས། ཡིག་ཚད་རྟོག་ཞིབ་པས་ཧ་གོ་ནས་དགེ་རྒན་དང་སློབ་མ་ནང་མི་གསུམ་ལ་བཙོན་འཇུག་གི་ཁྲིམས་ཆད་གཏོང་རྒྱུ་ཡིན་པ་ཁྱབ་བསྒྲགས་བྱས་ཡོད་པ་རེད།

Bangchen admin· · Comments are Disabled ·

རྒྱ་ནག་ཏུ་འཛམ་གླིང་ནང་པའི་ཚོགས་ཆེན།

གསར་ལམ་ཁག་ནས་གནས་ཚུལ་སྤེལ་གསལ་ལྟར་ན། ཟླ་བ་ ༣ པའི་ཚེས་ ༢༨ ཉིན་རྒྱ་ནག་དབུས་གཞུང་གི་གོ་སྒྲིག་འོག རྒྱ་ནག་ཤར་ཁུལ་གྱི་གྲོང་ཁྱེར་ཝོ་ཤིས་ས་གནས་སུ་འཛམ་གླིང་རྒྱལ་ཁབ་ ༥༠ ཙམ་གྱི་གྲྭ་པ་གྲངས་ ༡༧༠༠ དང་མཉམ་དུ་མཁས་དབང་མང་པོ་ཕེབས་ཏེ། ནང་ཆོས་ཀྱིས་འཛམ་གླིང་ཐོག་ཞི་བདེ་ཇི་ལྟར་སྤེལ་ཐབས་ཀྱི་སྐོར་ཉིན་གྲངས་ ༥ རིང་གྲོས་བསྡུར་བྱས་ཡོད་པའི་གནས་ཚུལ་ཐོན་འདུག

Bangchen admin· · Comments are Disabled ·

འཛམ་གླིང་རྒྱལ་ཁབ་ཉི་ཤུའི་ཚོགས་ཆེན།

ཟླ་བ་འདིའི་ཚེས་ ༡ ནས་ ༣ བར་དབྱིན་ཇིའི་རྒྱལ་ས་ལོན་ཌོན་དུ་འཛམ་གླིང་རྒྱལ་ཁབ་ཡར་རྒྱས་སོང་ཟིན་པ་དང༌། འགྲོ་བཞིན་པའི་རྒྱལ་ཁབ་ ༢༠ ཙམ་གྱི་ཚོགས་ཆེན་ཞིག་བསྐོངས་ཚོགས་བྱས་པ་དེས། འཛམ་གླིང་ཁྲོམ་ར་ལ་བཟང་ཕྱོགས་ཀྱི་ཤུགས་རྐྱེན་ཐེབས་ཡོད་པའི་གནས་ཚུལ་ཐོན་ཡོད་པ་རེད།
    ཚོགས་ཆེན་དེའི་ནང་འཛུལ་ཞུགས་བྱེད་མཁན་གྱི་རྒྱལ་ཁབ་ནི་ཨ་རི་དང་དབྱིན་ཇི། ཨར་ཇིན་ཏྲིན་ན། ཨའོ་སི་ཊིར་ལའི་ཡ། བྷི་ར་རྫིལ། ཁེ་ན་ཌ། རྒྱ་ནག ཧཕ་རན་སི། འཇར་མིན། རྒྱ་གར། ཨིན་ཌོན་ནི་ཤི་ཡ། ཨི་ཊ་ལའི། ཉི་ཧོང༌། མས་སི་ཀོ། ཨུ་རུ་སུ། ཨ་རབ། ལྷོ་ཨ་ཧཕི་རི་ཁ། ལྷོ་ཀོ་རི་ཡ། དུ་རུ་ཁ། ཅེཀ་སྤྱི་མཐུན་རྒྱལ་ཁབ། ཡུ་རོབ་མཉམ་འབྲེལ་མཐུན་ཚོགས། སི་པན། ནི་ཌར་ལན་ཐི། དེ་བཞིན་འཛམ་གླིང་ནང་ཤུགས་རྐྱེན་ཆེ་བའི་གཞུང་འབྲེལ་མ་ཡིན་པའི་ཚོང་ལས་མཐུན་ཚོགས་ཀྱི་འཐུས་མི་མང་པོ་ཚོགས་བཅར་བྱས་ཡོད་པ་རེད།

Bangchen admin· · 0 མཆན་འགྲེལ། ·