རྒྱལ་སྤྱི།

ཡུ་གུར་བ་ཚོས་ྋགོང་ས་མཆོག་ལ་ཕྱག་བྲིས་ཕུལ་མེད།

ྋགོང་ས་མཆོག་ལ་བོད་མི་རྣམས་ཡུ་གུར་བ་དང་ཟླ་སྒྲིལ་གྱིས་ཤིན་ཅང་གི་ཆེད་དུ་ངོ་རྒོལ་གྱི་ལས་འགུལ་ནང་ཞུགས་དགོས་པའི་ཕྱག་བྲིས་ཕུལ་ཡོད་པ་རེད་ཅེས། ཨ་རིའི་ཡུ་གུར་མཐུན་ཚོགས་ཀྱི་ཚོགས་གཞོན་དང་འཛམ་གླིང་ཡུ་གུར་ལྷན་ཚོགས་ཀྱི་མགྲིན་ཚབ་པའི་མཚན་ཐོག་ནས་གསར་ལམ་ཁག་དུ་གནས་ཚུལ་སྤེལ་ཡོད་པ་དང། ཟླ་འདིའི་ཚེས་༡༦ ཉིན་ཚོགས་པ་དེའི་གཉིས་ཀྱི་ངོས་ནས་གནས་ཚུལ་དེ་རྫུན་མ་རེད། ྋགོང་ས་མཆོག་ལ་ཡི་གེ་གཅིག་ཀྱང་ཕུལ་རྒྱུ་མ་བྱུང་ཞེས་ཁྱབ་བསྒྲགས་བྱས་ཡོད་པ་རེད།

Bangchen admin· · 0 མཆན་འགྲེལ། ·

རྒྱ་ནག་ལ་ཉེན་བརྡ།

ཟླ་འདིའི་ཚེས་༡༥ ཉིན་རྒྱ་ནག་པེ་ཅིང་ནས་གནས་ཚུལ་སྤེལ་གསལ་ལྟར་ན། བྱང་ཨ་ཧྥི་རི་ཁར་ཡོད་པའི་རྒྱ་ནག་གི་ལས་བཟོ་བ་ཡོད་སའི་ས་ཁུལ་དུ་རྒྱ་ནག་གི་ཚོང་དོན་ལས་འཆར་གཞི་རྒྱ་ཆེན་པོ་འགྲོ་བཞིན་ཡོད་པ་དེར། ཁ་ཆེའི་འཇིགས་སྐུལ་རིང་ལུགས་པ་ཆེ་ཤོས་ཨ་ལི་ཁེ་ཌ་ཚོགས་པས། བདུན་གཅིག་གི་སྔོན་དུ་ཤིན་ཅང་གི་རྒྱལ་ས་ཨུ་ལུ་མུ་ཆིར་ཁ་ཆེ་བ་མང་པོ་བསད་ཡོད་པའི་དགྲ་ཤ་ལེན་རྒྱུའི་ཉེན་བརྡ་བཏང་ཡོད་ལུགས་བརྗོད་ཡོད་པ་རེད།

Bangchen admin· · Comments are Disabled ·

ཨ་རིའི་བོད་ལ་རོགས་རམ་བྱེད་འཆར།

ཟླ་འདིའི་ཚེས་༡༤ ཉིན་གསར་ལམ་ཁག་ནས་གནས་ཚུལ་སྤེལ་གསལ་ལྟར་ན། ཨ་རིའི་གྲོས་ཚོགས་འོག་མའི་ནང་ཕྱི་ལོ་༢༠༡༠ ནོར་སྲིད་ཀྱི་འགྲོ་གྲོན་སྔོན་རྩིས་སྐབས། བོད་ཕྱི་ནང་གཉིས་སུ་བོད་ཀྱི་ཆོས་དང་རིག་གཞུང་མི་རིགས་ཀྱི་ངོ་བོ་བཅས་སྲུང་སྐྱོབ་ཆེད་དུ། ཨ་སྒོར་ས་ཡ་མང་པོའི་རོགས་རམ་བྱེད་དགོས་པའི་གྲོས་འཆར་བཏོན་ཡོད་པ་དང༌། དེ་ལ་རྒྱབ་སྐྱོར་བ་༣༡༨ དང་

Bangchen admin· · Comments are Disabled ·

རེ་བྷའི་ཡ་ྋཏཱ་ལའི་བླ་མ་དང་གཅིག་མཚུངས་རེད།

ཟླ་འདིའི་ཚེས་༩ ཉིན་གསར་ལམ་ཁག་ནས་གནས་ཚུལ་སྤེལ་བ་ལྟར་ན། ཡུ་གུར་ཁ་ཆེའི་གྲངས་ཉུང་མི་རིགས་དང་རྒྱ་ནག་ཧན་མི་རིགས་གཉིས་དབར་འགལ་ཟླ་ཕྱིན་པ་དང་དུས་མཚུངས། ཡུ་གུར་མི་མང་གྱེན་ལངས་བྱས་ཏེ་རྒྱ་ནག་གཞུང་གིས་དྲག་པོའི་དམག་དཔུང་བཏང་སྟེ་ཞི་འཇགས་

Bangchen admin· · 0 མཆན་འགྲེལ། ·
རྒྱ་ནག་ཡུན་ནན་དུ་ཚད་རིམ་༦.༠ ཅན་གྱི་ས་ཡོམ་བརྒྱབ་པ།

རྒྱ་ནག་ཡུན་ནན་དུ་ཚད་རིམ་༦.༠ ཅན་གྱི་ས་ཡོམ་བརྒྱབ་པ།

རྒྱ་ནག་གི་གསར་ལམ་ཁག་ནས་དེ་རིང་སྔ་དྲོ་གནས་ཚུལ་སྤེལ་གསལ་ལྟར་ན། ཕྱི་ཚེས་༩ མཚན་མོ་ཆུ་ཚོད་༡༡ སྐར་མ་༤༠ ཐོག་རྒྱ་ནག་ཡུན་ཡན་ཞིང་ཆེན་གྱི་ཁོངས་གཏོགས་རྫོང་ཁག་༩ ནང་ས་ཡོམ་ཚད་རིམ་༦.༠ བརྒྱབ་ནས་མི་གཅིག་ཤི་བ་དང།  མི༣༢༠ ལ་རྨས་ཕོག་ཡོད་ཚུལ་འདུག ཡུན་ནན་ཞིང་ཆེན་དམངས་སྲིད་ཐིང་ཟེར་བས་ཐོག་མར་སྡོམ་རྩིས་བྱས་པ་ལྟར་ན། ཁང་པ་༣༤༠༠ རྡིབ་སྐྱོན་བྱུང་ཡོད་པ་དང། ཡུན་ནན་ཞིང་ཆེན་གྱི་རྫོང་༩ ཡི་ཕལ་ཆེར་མི་ཁྲི༧༠ ལ་ཉེ་བ་ཞིག་ལ་ས་ཡོམ་གྱིས་གནོད་སྐྱོན་བཟོས་ཡོད་འདུག་པ་དང། ཡུན་ནན་གྱི་ཁོངས་སུ་ཡོད་པའི་བོད་རིགས་ཀྱི་རྫོང་ཁག་རྣམས་གནོད་སྐྱོན་ཕོག་ཡུལ་གྱི་ཁོངས་སུ་ཡོད་མེད་ད་ཆ་གསར་ལམ་ཁག་ཏུ་གསལ་གང་ཡང་བཀོད་མེད་པ་རེད།

Bangchen admin· · Comments are Disabled ·

རྒྱ་གར་མེ་འཁོར་བློན་ཆེན་གྱི་འཆར་འགོད།

ཟླ་འདིའི་ཚེས་༥ ཉིན་གསར་ལམ་ཁག་ནས་གནས་ཚུལ་སྤེལ་བར་གཞིགས་ན། རྒྱ་གར་གྱི་ཆབ་སྲིད་ཚོགས་པར་ཀོང་རི་སི་ལ་འོས་བསྡུ་ཆེན་པོའི་རྒྱལ་ཁ་ཐོབ་པ་དང༌། མངའ་སྡེ་ཁག་གི་འོས་ཐོབ་ཀྱི་གྲངས་འབོར་ལ་གཞིགས་ནས། མེ་འཁོར་བློན་ཆེན་སོགས་བློན་ཆེན་མང་པོ་གསར་བསྐོས་བྱས་ཏེ་བློན་ཆེན་ཁག་གི་ལས་གནས་ལ་ཧ་ཅང་འཕོ་འགྱུར་ཆེན་པོ་བཏང་ཡོད་པ་རེད། དེའི་ནང་ནས་མེ་འཁོར་བློན་ཆེན་ལཱ་ལུས་པར་སཱ་ཐིའི་ཚབ་ཏུ་ནུབ་བྷན་གལ་མངའ་སྡེའི་ཁ་གཏད་ཚོགས་པའི་ཚོགས་གཙོ་མཱ་མཱ་ཏཱ་མཆོག རྒྱ་གར་རྒྱལ་ཡོངས་མེ་འཁོར་བློན་ཆེན་གྱི་གོ་གནས་ལ་བསྐོ་བཞག་བྱས་ཡོད་པ་རེད།

Bangchen admin· · Comments are Disabled ·

རྒྱ་ནག་གི་རྩོམ་པ་པོ་ལེའུ་ཞོ་པོ་དངོས་སུ་འཛིན་བཟུང།

ཉེ་དུས་རྒྱ་ནག་ཏུ་ཉིས་སྟོང་བརྒྱད་ལོའི་རྩ་ཁྲིམས་ཞེས་པའི་ད་ལྟའི་རྒྱ་ནག་གི་སྲིད་ཇུས་ལེགས་བཅོས་དགོས་པའི་མ་རྩོམ་ཡིག་སྤེལ་མཁན་རྩོམ་པ་པོ་ལུའུ་ཞོ་པོ་ཟླ་བ་ལྔའི་སྔོན་ནས་སྲིད་གཞུང་འབྲེལ་ཡོད་སྡེ་ཚན་ནས་བཀའ་ཉར་དྲི་རྩད་ཀྱི་ཆེད་དུ་བཙོན་འཇུག་བྱས་ཡོད་པ་དང༌། མ་འོངས་རྒྱ་ནག་གི་སྲིད་ཇུས་ལེགས་བཅོས་དགོས་པའི་སྐོར་རྩོམ་ཡིག་དེ་ཕྱི་ཕྱོགས་ཀྱི་རྒྱ་མི་གྲགས་ཅན་མི་སྣས་དེ་ཙམ་འཐུས་ཚང་ཞིག་བྱུང་མེད་སྐོར་བརྗོད་བཞིན་པ་དང་དུས་མཚུངས་སུ། དེ་ནི་དྲག་པོའི་སྲིད་དབང་འོག་ཏུ་དཔའ་ངར་ཅན་གྱི་བྱ་བཞག་ཅིག་ལ་ངོས་འཛིན་ཡང་བྱས་ནས། ཚང་མས་ཁོང་ལ་རྒྱབ་སྐྱོར་བྱེད་པ་དང་དེ་ལུགས་མོས་མཐུན་གྱི་མིང་རྟགས་བཀོད་པའི་ལས་འགུལ་ཡང་གང་སར་སྤེལ་བཞིན་ཡོད་པ་རེད།

Bangchen admin· · Comments are Disabled ·
གཞས་པ་གྲགས་ཅན་མེཀ་ཁལ་རྗེག་སན་འདས་གྲོངས།

གཞས་པ་གྲགས་ཅན་མེཀ་ཁལ་རྗེག་སན་འདས་གྲོངས།

ཕྱི་ཚེས་༢༥ཉིན་ལོ་སི་ཨན་ཇེལ་གྲོང་ཁྱེར་གྱི་སྨན་ཁང་ཞིག་ནང་འཛམ་གླིང་གི་གཞས་པ་གྲགས་ཅན་མེཀ་ཁལ་རྗེག་སན་འདས་གྲོངས་སུ་གྱུར་ཡོད་པ་རེད། ཁོང་གི་རོལ་དབྱངས་རུ་ཁག་ཚོགས་མི་རཱན་ཌི་རྗེག་སན་གྱིས་བརྗོད་གསལ་ལྟར་ན། ཉིན་གུང་ཙམ་ལ་ཁོང་སྙིང་གི་ཁྲག་རྩ་འགག་ནས་དྲན་མེད་དུ་བརྒྱལ་བ་དང། སྐབས་དེར་མགྱོགས་མྱུར་སྨན་ཁང་དུ་བསྐྱལ་ནས་སྐྱོབ་ཐབས་བྱས་པ་རེད་ཅེས་དང། ཁོང་གི་གཅེན་པོ་ཇེར་མཱན་ནེ་ཡིས་བརྗོད་གསལ་ལ། སྨན་པས་ཆུ་ཚོད་གཅིག་ཙམ་གྱི་རིང་ལ་དྲན་པ་སོས་ཐབས་ཀྱི་འབད་བརྩོན་བྱས་ཀྱང་གསོན་པོར་གནས་ཐུབ་མ་སོང་ཞེས་བརྗོད་ཡོད་པ་རེད།

Bangchen admin· · 0 མཆན་འགྲེལ། ·

ཀི་རི་ཀེཊའི་རྩེད་རིགས་འགྲན་སྡུར།

ཕྱི་ཟླ་༦ཚེས་༥ ཉིན་༢༠༠༩ ལོའི་རྒྱལ་སྤྱིའི་ཀི་རི་ཀེཊི་ལྷན་ཚོགས་ཀྱི་འཛམ་གླིང་ཉི་ཤུ་༢༠ ཞེས་པའི་འགྲན་སྡུར་ཐེངས་གཉིས་པ་དབྱིན་ཡུལ་དུ་འཚོགས་པ་དང། དེའི་ནང་རྒྱ་གར། པ་ཀི་སི་ཐན། ཨོ་སི་ཁྲུ་ལི་ཡ། ནིའུ་ཛི་ལན་ཌི། བྷང་ལ་དྷེ་ཤི། དབྱིན་ཇི། ཤྲི་ལངྐ། ལྷོ་ཨ་ཧྥི་རི་ཁ། ཨ་རེ་ལན་ཌི། ནི་དྷར་ལན་ཌི། ནུབ་ཨིན་ཌི་སི། ས་ཁོ་ལན་ཌི་བཅས་རྒྱལ་ཁབ་རུ་ཁག་༡༢ མཉམ་ཞུགས་བྱས་ཤིང། ཉིན་༡༧ རིང་གི་འགྲན་སྡུར་གྱི་རྒྱུད་རིམ་ཁྲོད་པ་ཀི་སི་ཐན་དང་ཤྲི་ལངྐ་གཉིས་མཐའ་མའི་འགྲན་སྡུར་ནང་སླེབས་པ་དང། ཕྱི་༦ཚེས་༢༠ ཉིན་དབྱིན་ཡུལ་གྱི་ལོར་ཌའི་རྩེ་རར་མཐའ་མཇུག་འགྲན་སྡུར་གྱི་རྒྱལ་ཁ་པ་ཀི་སི་ཐན་ལ་ཐོབ་ཡོད་པ་རེད།

Bangchen admin· · 0 མཆན་འགྲེལ། ·

བཀྲེས་སྐོམ་གྱི་དཀའ་ངལ་འདུག

ཟླ་འདིའི་ཚེས་༢༠ ཉིན་གསར་ལམ་ཁག་ནས་གནས་ཚུལ་སྤེལ་བ་ལྟར་ན། མཉམ་འབྲེལ་རྒྱལ་ཚོགས་ཀྱི་ཟས་དང་སོ་ནམ་ཞིང་ལས་ཀྱི་ཚོགས་པས་དཔྱད་ཐོ་ཞིག་འགྲེམས་སྤེལ་བྱས་ཡོད་པའི་ནང༌། འཛམ་གླིང་གི་མི་འབོར་ཐེར་འབུམ་གཅིག་ལ་ཟས་མི་རག་པའི་བཀྲེས་སྐོམ་གྱི་དཀའ་ངལ་འཕྲད་བཞིན་པ་དང༌། དེའི་ཐོག་༢༠༠༨ ཀྱི་དཔལ་འབྱོར་ཉམས་གུད་ཀྱིས་རྐྱེན་བྱས་ཏེ། བཀྲེས་སྐོམ་གྱི་དཀའ་ངལ་ཡོད་མཁན་ས་ཡ་༡༠ མང་དུ་སོང་ཡོད་པའི་གནས་ཚུལ་ཐོན་ཡོད་པ་རེད།

Bangchen admin· · 0 མཆན་འགྲེལ། ·