རྒྱལ་སྤྱི།

ཕྲུ་གུ་གཉིས་གཉེན་སྒྲིག་གི་ཆེད་དུ་བྲོས་བྱོལ།

ཟླ་འདིའི་ཚེས་༩ ཉིན་ཨེ་པི་གསར་ཁང་ནས་གནས་ཚུལ་སྤེལ་གསལ་ལྟར་ན། འཇར་མི་ནི་ཡི་རྒྱལ་ས་བྷར་ལིན་ནས་ཕྲུ་གུ་བུ་ལོ་༧ དང་བུ་མོ་ལོ་༦ ལོན་པ་གཉིས་དགའ་རོགས་བསྒྲིགས་ནས་ཉེ་ཆར་ལོ་སར་གནམ་གང་ཉིན་རང་ཉིད་ཀྱི་ཁྱིམ་ནས་ཕ་མ་རྣམས་གཉིད་དུ་ཡོལ་བའི་སྐབས་དང་བསྟུན་ནས་གསང་བའི་ངང་ཨ་ཧཕ་རི་ཁར་བྲོས་བྱོལ་དུ་ཕྱིན་ཡོད་པ་རེད།

Bangchen admin· · 0 མཆན་འགྲེལ། ·

རྒྱ་ནག་ལ་དཔལ་འབྱོར་ཁྲོམ་རའི་དཀའ་ངལ།

      ཕྱི་ཚེས་༡༣ ཉིན་འཛམ་གླིང་གསར་འགྱུར་དྲ་གནས་སུ་གནས་ཚུལ་སྤེལ་གསལ་ལྟར་ན། ད་ལྟ་རྒྱ་ནག་གི་ཕྱི་འབྲེལ་ཚོང་དོན་དང་ནང་ཁུལ་ཚོང་འབྲེལ་གཉིས་ཀ་ཟླ་བ་སྔོན་མ་ནས་ཞན་དུ་ཕྱིན་ནས་མི་མང་གི་ལས་ཀ་ཤོར་རྒྱུའི་ཉེན་ཁ་ཆེ་རུ་འགྲོ་བཞིན་ཡོད་པ་དང༌། མི་མང་ཁྲོད་ལ་ལས་ཀ་ཇི་ཙམ་མེད་པ་ཆགས་པ་དེ་ཙམ་གྱིས་སྤྱི་ཚོགས་བརྟན་ལྷིང་མེད་པ་ཆགས་རྒྱུ་ཡིན་པས། ལས་མེད་ཀྱི་དཀའ་ངལ་དང་སེམས་ཁྲལ་ཆེ་རུ་འགྲོ་མུས་ཡིན་འདུག

Bangchen admin· · 0 མཆན་འགྲེལ། ·

ཕོ་བྲང་དཀར་པོའི་ནང་སྐུ་ཞབས་བྷུ་ཤིའི་མཐའ་མཇུག་གི་གསུང་བཤད།

    ཟླ་འདིའི་ཚེས་༡༢ ཉིན་ཨ་རིའི་སྲིད་འཛིན་བྷུ་ཤི་མཆོག་གིས་ཕོ་བྲང་དཀར་པོའི་ནང་ཆེས་མཐའ་མའི་གསར་འགོད་ལྷན་ཚོགས་ཤིག་བསྐོང་ཡོད་པ་དང༌། ཁོང་གིས་ཨི་རག་སོགས་ལ་དམག་འཁྲུག་བརྒྱབ་པ་དེ་ནོར་འཁྲུལ་ཤོར་བའི་སྲིད་ཇུས་ཤིག་ཡིན་རུང༌། རང་བྱུང་གི་ཆག་སྒོ་དང་མ་རྐང་ཁྲོམ་ར་ཉམས་ཆག་ཕྱིན་ཡོད་པ་ནི་འགོག་ཐབས་བྲལ་བ་ཞིག་རེད་ཅེས་བརྗོད་ཡོད་པ་རེད།
    ཡང་ཁོང་གིས་འབྱུང་འགྱུར་ཨ་རིའི་སྤྱི་མཐུན་ཚོགས་པ་ཕོ་བྲང་དཀར་པོའི་ནང་ཡོང་ངེས་པ་དང༌། ཨ་རིའི་ནང་གི་ཁྱོན་ཡོངས་ཀྱི་གནས་བབས་ལ་གཞིགས་ཚེ་སྤྱི་མཐུན་ཚོགས་པ་ནི་དགོས་ངེས་ཅན་ཆགས་ཡོད་ཅེས་སོགས་ཀྱི་གསུང་བཤད་གནང་ཡོད་པ་རེད།

Bangchen admin· · 0 མཆན་འགྲེལ། ·
རྒྱལ་ཚོགས་ཀྱིས་དམག་འཐབ་མཚམས་འཇོག་ལག་བསྟར།

རྒྱལ་ཚོགས་ཀྱིས་དམག་འཐབ་མཚམས་འཇོག་ལག་བསྟར།

རྒྱལ་སྤྱིའི་གསར་ལམ་ཁག་ནས་གནས་ཚུལ་སྤེལ་བ་ལྟར་ན། ཨི་ཟི་རལ་དང་པཱ་ལི་སི་ཐན་གཉིས་ཀྱི་རྒྱལ་མཚམས་གྷ་ཛྷ་རུ་ཧ་མཱ་སི་འཇིགས་སྐུལ་ཚོགས་པའི་རྐྱེན་གྱིས་ལུང་པ་གཉིས་ཀྱིས་མེ་ཤུགས་འཕུར་མདའ་སོགས་དྲག་པོའི་མཚོན་ཆ་སྤྱད་ནས། འཐབ་རྒོལ་བྱེད་རེས་ཀྱིས་ད་བར་མི་༦༥༠ ལྷག་བསད་ཡོད་འདུག ཉེ་ཆར་བདུན་ཕྲག་གཅིག་གི་གོང་ནས་ཆེས་ཚད་མཐོ་བའི་དྲག་མཚོན་འདྲ་མིན་བེད་སྤྱོད་བྱས་ནས་འཐབ་འཛིང་བྱེད་འགོ་ཚུགས་ཡོད་པ་རེད།ཕྱི་ཚེས་༥ ཉིན་ཨི་ཟི་རལ་གྱིས་དམག་འཐབ་འཕྲུལ་འཁོར་དང༌། དམག་མི་ཁྲི་ཕྲག་གིས་ཧ་མཱ་སི་ལ་དམག་འཐབ་བྱས་ནས་ཧ་མ་སིའི་ཚུར་རྒོལ་མཚམས་འཇོག་གི་ཆེད་དུ་དམིགས་པ་ཞིག་ཡིན་པ་རེད། ལུང་པ་དེ་གཉིས་ཀྱི་ཞི་བའི་ལས་འགུལ་བ་སྟོང་ཕྲག་མང་པོས་ལས་འགུལ་སྣ་ཚོགས་སྤེལ་

Bangchen admin· · 0 མཆན་འགྲེལ། ·

རྒྱ་ནག་གིས་དྲ་རྒྱར་སྟངས་འཛིན་བྱེད་བཞིན་པ།

       རྒྱལ་སྤྱིའི་གསར་ལམ་ཁག་ཏུ་གནས་ཚུལ་ལྟར་ན། ཕྱི་ཟླ་༡ ཚེས་༥ ཉིན་རྒྱ་ནག་གིས་གྷུ་གྷལ་ལ་སོགས་པའི་དྲ་རྒྱ་ཆེ་ཁག་བཀག་འགོག་དང་དམ་དྲག་ཤུགས་ཆེན་བྱས་ཡོད་པའི་གནས་ཚུལ་ཐོན་འདུག རྒྱ་ནག་གཞུང་འབྲེལ་གྱི་རྒྱ་ཡིག་དྲ་རྒྱ་ཞིག་གི་ནང་གཞུང་གི་ལས་ཁུངས་བདུན་གྱིས་དྲ་རྒྱའི་རིག་གཞུང་གི་ཁོར་ཡུག་ལ་དག་བཅོས་ཀྱི་ལས་དོན་རྩོམ་རྒྱུ་དང༌། ན་གཞོན་རྣམས་འཕྲོ་བརླག་མི་འགྲོ་བ་དང༌། ཡར་རྒྱས་ལེགས་པོ་ཡོང་རྒྱུར་སྲུང་སྐྱོབ་བྱེད་ཀྱི་ཡིན་ཞེས་འཁོད་ཡོད་པ་རེད།

Bangchen admin· · 0 མཆན་འགྲེལ། ·

དྷ་སར་འཇུས་པའི་རྒྱ་མི་དེར་འདྲི་གཅོད་བྱེད་བཞིན་པ།

འདས་ལོའི་ཕྱི་ཟླ་༡༢ ཚེས་༡༤ ཉིན་ྋགོང་ས་མཆོག་བཞུགས་སྒར་དྷ་སར་ཞབས་སོར་འཁོད་ཡོད་པ་དང༌། ཉིན་དེར་དྷ་ས་མེག་གྷན་དུ་རྒྱ་གར་ཉེན་རྟོག་པས་རྒྱ་མི་ཞིག་འཇུ་བཟུང་བྱས་པའི་གནས་ཚུལ་ལྷགས་ཡོད་པ་དང༌། ཧིན་དྷུའི་དུས་བབ་ནས་ཟླ་འདིའི་ཚེས་༣ ཉིན་གནས་ཚུལ་སྤེལ་གསལ་ལྟར་ན། རྒྱ་ནག་གི་མི་སེར་ཡིན་པ་ལེ་ཤི་ཨུའན་ཞེས་པ་ཞིག་རྒྱ་གར་ནང་ཁྲིམས་འགལ་གྱིས་གནས་སྡོད་བྱས་ཡོད་པས། ཕྱི་ལོ་༢༠༠༨ ཟླ་བ་༡༢ ཚེས་༡༡ ཉིན་དྷ་རམ་ས་ལའི་མེག་གྷན་ནས་རྒྱ་གར་ཉེན་རྟོག་པས་འཛིན་བཟུང་བྱས་ཡོད་པ་རེད།

Bangchen admin· · 0 མཆན་འགྲེལ། ·

ཉིས་སྟོང་བརྒྱད་ལོའི་རྒྱལ་སྤྱིའི་གནས་ཚུལ་གལ་ཆེན་ཁག་ཅིག

    འཛམ་གླིང་གསར་འགྱུར་དྲ་བ་ནས་༢༠༠༨ ལོའི་གནས་ཚུལ་ཕྱོགས་བསྒྲིགས་བྱས་པ་ལྟར་ན།

ཕྱི་ཟླ་དང་པོ། ཕྱི་ཚེས་༢ ཉིན་ཀན་ཡ་རྒྱལ་ཁབ་ཀྱི་འོས་འདེམས་བྱེད་ཕྱོགས་ལ་ཡོ་རོབ་མཐུན་ཚོགས་ཀྱིས་དོགས་སློང་བྱས་ཤིང༌། ལི་ཁྲི་མང་གཙོའི་ལས་འགུལ་གྱི་སྲིད་འཛིན་འོས་མི་ཨོ་ཊིན་གཱས་སྲིད་འཛིན་ལས་ཐོག་མཱ་ཝེ་ཀི་བྷ་ཀི་ལ་འོས་བསྡུ་བེད་སྤྱོད་ལོག་པར་བཏང་བར་སྐྱོན་བརྗོད་བྱས་རྗེས་དྲག་སྤྱོད་ཀྱི་ལས་འགུལ་སྤེལ་བ་བརྒྱུད་མི་མང་བརྒྱ་ཕྲག་བསད་ཅིང༌། འཐབ་འཛིང་ཟླ་བ་གཉིས་པ་ཙམ་བར་རྒྱུན་མ་ཆད་པར་གནས། ཕྱི་ཚེས་༤ ཉིན་ཨ་རིའི་སྔོན་འགྲོའི་འོས་བསྡུ་འགོ་ཚུགས།

Bangchen admin· · 0 མཆན་འགྲེལ། ·

ཆོས་ལུགས་རིས་མེད་ཀྱི་ཞི་བདེའི་སྨོན་ལམ།

འདི་ཟླའི་ཚེས་༢༡ ཉིན་ལྷོ་ཕྱོགས་རྒྱ་མཚོའི་འགྲམ་དུ་གནས་པའི་གྷོ་བ་གྲོང་ཁྱེར་དུ། ཆོས་ལུགས་འདྲ་མིན་གྱི་ཆོས་པ་༣༠༠ ཙམ་གྱིས་World Humanism Prayerཞེས་པའི་སྨོན་ལམ་ཞིག་འཚོགས་ཡོད་པ་རེད།

Bangchen admin· · 0 མཆན་འགྲེལ། ·

མོམ་བྷེ་ཡི་སྐར་ལྔའི་མགྲོན་ཁང་གཉིས་བསྐྱར་གསོ་བྱུང་བ།

ཟླ་འདིའི་ཚེས་༢༠ ཉིན་རྒྱ་གར་གྱི་གྲོང་ཁྱེར་མོམ་བྷེའི་དོན་རྐྱེན་སྐབས་གཏོར་སྐྱོན་ཕོག་པའི་སྐར་མ་ལྔ་ཅན་གྱི་མགྲོན་ཁང་ཏཱ་ཇི་དང༌། ཊ་རི་ཌེན་གཉིས་བསྐྱར་གསོ་ལེགས་འགྲུབ་ཀྱི་སྒོ་འབྱེད་བྱས་ཡོད་པ་རེད། མགྲོན་ཁང་འདི་གཉིས་ཀྱི་ལོ་རབས་དུ་མའི་རིང་ལ་མཁོ་སྒྲུབ་བྱས་པའི་འགྲེམས་སྟོན་གྱི་ཅ་དངོས་རིགས་བརྒྱ་ཆ་༩༠ ཙམ་ལ་གནོད་སྐྱོན་བྱུང་མི་འདུག་ཅེས་མགྲོན་ཁང་གི་འགན་འཛིན་གཞོན་པ་ཀ་རི་ཤ་ན་ཀུ་མར་གྱིས་གསར་ལམ་ཁག་ལ་གསལ་བཤད་བྱས་ཡོད་པ་རེད། མགྲོན་ཁང་ནང་དུ་འཇིགས་སྐུལ་རིང་ལུགས་པས་བཀྲོངས་པའི་འདས་པོ་རྣམས་དང༌། འཇིགས་སྐུལ་པར་རྒོལ་ལན་སྤྲོད་མཁན་གྱི་དཔའ་བོ་དག་ལ་རྗེས་དྲན་ཆེད་མིང་བྱང་བརྐོས་བརྒྱབ་ནས་བཞག་ཡོད་པ་རེད། ཊ་རི་ཌེན་མགྲོན་ཁང་ལ་མཚོན་ན་བསྐྱར་གསོའི་ཆེད་ཧིན་སྒོར་འབུམ་བཞི་བཅུ་ནས་ལྔ་བཅུ་བར་ཕྱིན་ཡོད་འདུག་ལ། རྒྱ་གར་གཞུང་དང་གཞུང་འབྲེལ་མིན་པའི་སྒེར་དང་ཚོགས་པ་སོགས་ཡོང་ཁུངས་སྣ་ཚོགས་ནས་ཞལ་འདེབས་གནང་ཡོད་འདུག མགྲོན་ཁང་དེ་སྒོ་འབྱེད་བྱེད་སྐབས་སུ་ཆོས་ལུགས་མི་འདྲ་བ་ཆེ་ཁག་བརྒྱད་ཀྱི་སྐུ་ཚབ་གདན་དྲངས་ནས་ཆོས་དཔོན་རྣམས་ཀྱིས་ཚེ་འདས་རྣམས་ཀྱི་ཆེད་བསྔོ་སྨོན་དང༌། རྨས་སྐྱོན་ཤོར་བ་རྣམས་མྱུར་དུ་དྲག་སྐྱེད། ལྷག་པར་འབྱུང་འགྱུར་འཛམ་གླིང་ནང་ཞི་བདེ་ཡོང་བའི་སྨོན་ལམ་རྒྱ་ཆེར་གནང་ཡོད་པ་རེད། ད་ལྟ་ཡེ་ཤུའི་འཁྲུངས་སྐར་དང་ལོ་གསར་གྱི་དུས་ཆེན་སྐབས་ལ་ཁེལ་ཡོད་པས། ཏཱ་ཇི་མགྲོན་ཁང་ལ་མཚོན་ན་ཁང་པ་༢༦༨ ནས་༡༥༠ དང༌། ཊ་རི་ཌེན་མགྲོན་ཁང་གི་ཁང་མིག་གྲངས་༥༥༠ ལས་བརྒྱ་ལྷག་ཙམ་རྒྱལ་ཕྱི་ནང་གི་མགྲོན་པོ་རྣམས་ཀྱིས་སྔ་ས་ནས་དེབ་འགོད་བྱས་ཡོད་པ་དང༌། བརྒྱ་ཆ་༦༠ ཙམ་ནི་རྒྱ་གར་བ་ཡིན་པ་རེད། མགྲོན་ཁང་གི་གླ་ཆ་མཐོ་ཤོས་༡༠༠༠༠ ཐམ་པ་ཡིན་འདུག  རྒྱལ་སྤྱིའི་དུས་ཆེན་གྲགས་ཅན་གཉིས་འདིའི་སྐབས་སུ་བསྐྱར་གསོ་གྲུབ་པའི་མགྲོན་ཁང་འདི་གཉིས་ཀྱིས་ཟས་རིགས་ཀྱི་རྣམ་གྲངས་དམིགས་བསལ་ཅན་གྱི་གསོལ་སྟོན་བཤམས་བསྒྲིགས་ཐོག་མགྲོན་འགུགས་ཀྱི་ཁྱབ་བསྒྲགས་དང༌། ཕེབས་བསུ་རྒྱ་ཆེན་བྱེད་བཞིན་པའི་གནས་ཚུལ་ཐོན་འདུག།

Bangchen admin· · 0 མཆན་འགྲེལ། ·

ཨ་རིའི་སྲིད་འཛིན་གསར་རྙིང་གཉིས་ཀྱི་ལྟ་གྲུབ།

ཟླ་འདིའི་ཕྱི་ཚེས་༢༠ ཉིན་ཨ་རིའི་སྲིད་འཛིན་ཨོ་བྷ་མས་ཨ་རི་རྒྱལ་ཡོངས་ཀྱི་གསལ་བསྒྲགས་ཤིག་གི་ནང་དུ་ཆེས་ཁ་གསལ་པོའི་ངང་ཆབ་སྲིད་ཆེད་ཚན་རིག་བེད་སྤྱོད་ལོག་པར་བཏང་བའི་སྲིད་འཛིན་བྷུ་ཤིའི་སྲིད་བྱུས་དེ་མཚམས་འཇོག་རྒྱུ་ཡིན་ཞེས་བརྗོད་འདུག ཨོ་བྷ་མས་ཁོང་གི་ཆབ་སྲིད་ཀྱི་འཛིན་སྐྱོང་ཁྲོད་རང་བྱུང་ཁམས་ཀྱི་ཁོར་ཡུག་སྲུང་སྐྱོབ་བྱེད་རྒྱུ་ནི་སྲིད་བྱུས་གལ་འགངས་ཆེ་ཤོས་ཤིག་ཏུ་བཞག་ཡོད་པ་དང༌། གནམ་གཤིས་ཀྱི་ཚན་རིག་པ་འཛིན་སྐྱོང་གི་ལས་སྣེ་ནང་ཛ་དྲག་དང་གནད་འགག་ཅན་དུ་བཞག་ཡོད་ཅིང༌། གནམ་གཤིས་དང་ཁོར་ཡུག་ལ་འགྱུར་བ་གཏོང་རྒྱུའི་ཕུགས་བསམ་རྒྱ་ཆེན་བཞེས་ཡོད་པ་རེད། སྲིད་འཛིན་བྷུ་ཤིས་ཁོང་གི་གོ་གནས་འཕོ་འགྱུར་མ་བཏང་བའི་མཇུག་མཐའི་གཟའ་འཁོར་གྱི་ནང་སྤྱི་པའི་ས་ཆ་ནས་སྣུམ་དང་གཏེར་ཁ་སོགས་སྔོག་འདོན་དང༌། ལྷག་པར་དུ་རྒྱལ་ཁབ་ཀྱི་གླིང་ཁའི་ནང་མི་མང་གིས་ཁྲིམས་འཐུན་གྱི་ཆོག་མཆན་ཡོད་པའི་མེ་མདའ་གསང་བའི་ངང་འཁྱེར་ཆོག་པ་སོགས་ལ་ཤུགས་སྣོན་རྒྱག་གི་ཡོད་འདུག སྲིད་འཛིན་བྷུ་ཤིའི་འཛིན་སྐྱོང་གི་དུས་སྐབས་སུ་ཆབ་སྲིད་ཀྱི་སྲིད་བྱུས་ལ་མོས་མཐུན་མེད་པའི་གཞུང་གི་ཚན་རིག་པ་མང་པོ་ཁ་བཀག་པ་དང༌། ཚན་རིག་གི་སྙན་ཐོ་ལ་འགྱུར་བ་བཏང་བའི་གནས་ཚུལ་ལྷག་པ། དེ་བཞིན་གཙུག་ལག་སློབ་གཉེར་ཁང་༦༠ ལྷག་གིས་བྷུ་ཤིས་ཆབ་སྲིད་ལག་ལེན་བསྟར་ཕྱོགས་ཐད་དགག་པ་དང་སྐྱོན་བརྗོད་ཀྱིས་ཕོ་བྲང་དཀར་པོར་སྙན་ཞུ་འབུལ་དགོས་པའི་དཀའ་ངལ་འཕྲད་ཡོད་པ་རེད། ཨོ་བྷ་མས་འདས་པའི་འཛམ་གླིང་གི་གནམ་གཤིས་དང་ཁོར་ཡུག་གནོད་སྐྱོན་ལ་སྐྱར་ཞིབ་ཐོག་རང་ཉིད་ཀྱི་འཛིན་སྐྱོང་ནང་ཨ་རིའི་ཚན་རིག་པ་གྲགས་ཅན་འགའ་གཞུང་གི་ཆབ་སྲིད་སློབ་སྟོན་པའི་ལས་སྣེར་བསྐོ་གཞག་གནང་ཡོད་པ་རེད།།

Bangchen admin· · Comments are Disabled ·