རྒྱལ་སྤྱི།

བུ་མོ་ལོ་བཅུ་གཉིས་ཅན་ཞིག་ལ་ཕྲུ་གུ་སྐྱེས་འདུག

ཟླ་འདིའི་ཚེས་༢༧ གསར་ལམ་ཁག་ནས་གནས་ཚུལ་སྤེལ་གསལ་ལྟར་ན། དབྱིན་ཡུལ་དུ་རང་ལོ་༡༢ ལ་སོན་པའི་བུ་མོ་ཞིག་ལ་ཕྲུག་གུ་བུ་གཅིག་སྐྱེས་ཡོད་པ་དེ། འཛམ་གླིང་ནང་ཨ་མ་ལོ་ན་ཆུང་ཤོས་ཀྱི་གྲས་ཆགས་ཡོད་པའི་གནས་ཚུལ་ཐོན་ཡོད་པ་རེད། བུ་མོ་རང་ལོ་༡༢ ལས་སོན་མེད་པས་མངལ་དུ་ཕྲུག་གུ་སྦྲུམ་ཡོད་མེད་ཤེས་མེད་པ་དང༌། བུ་མོས་རང་ཉིད་དང་ཐེངས་གཅིག་འབྲེལ་བ་བྱུང་བའི་བུ་དེའང་ཕྲུ་གུའི་ཨ་ཕ་ཡིན་མིན་གྱི་གནས་ཚུལ་གསལ་པོ་བཤད་ཐུབ་མེད་པ་རེད། བུ་མོའི་ནང་མིས་ཕྲུ་གུ་ཨ་ཕ་སུ་ཡིན་མིན་བརྩད་གཅོད་ཐུབ་ཡོད་ན་ཡང༌། དབྱིན་ཡུལ་གྱི་སྤྱི་ཚོགས་ཞབས་ཞུ་ཚོགས་པས་རོགས་པ་མ་བྱས་ན་ལོ་ན་ཆུང་བའི་ཕྲུ་གུ་གཉིས་ཀྱི་འཚོ་བ་འཁྱོལ་ཁག་པོ་རེད་ཅེས་གསར་འགོད་པར་བརྗོད་ཡོད་པ་རེད།     སྤྱི་འཛམ་གླིང་ནང་ཕྲུ་གུ་ལོ་ན་གཞོན་ཤོས་ལ་མངལ་སྦྲུམ་མཁན་མང་ཤོས་དབྱིན་ཡུལ་ཆགས་ཡོད་པ་དང༌། བུ་དང་བུ་མོ་གཉིས་ཀྱི་ལོ་ཚོད་འདྲ་མཉམ་ཡིན་ན་ཁྲིམས་ཐོག་ནས་ཉེས་ཆད་སོགས་གཅོད་སྲོལ་མེད་ནའང༌། ལོ་ལ་ཁྱད་པར་ཅུང་ཟད་ཡོད་ན་ཕྲུ་གུར་བཙན་གཡེམ་བྱས་པའི་ནག་ཉེས་འཛུགས་ཆོག་གི་ཡོད་པས། དབྱིན་ཡུལ་དུ་བུ་ལོ་ན་ཆུང་ཆུང་ཁྲིམས་ཐོག་ཏུ་འགྲོ་མཁན་ཧ་ཅང་མང་པོ་ཡོད་པ་རེད།

Bangchen admin· · 0 མཆན་འགྲེལ། ·

རྒྱ་གར་གྱི་སྲིད་བློན་ལ་ལྷམ་གཡུགས་འདུག

ཟླ་འདིའི་ཚེས་༢༦ ཉིན་གསར་ལམ་ཁག་ནས་གནས་ཚུལ་སྤེལ་གསལ་ལྟར་ན། རྒྱ་གར་གྱི་སྲིད་བློན་མན་མོ་ཧན་སིང་མཆོག་གིས་གྷུ་ཇི་ར་ཏིའི་མངའ་སྡེར་འོས་འཕེན་གྱི་ལས་འགུལ་སྤེལ་བའི་གསུང་བཤད་གནང་བཞིན་པའི་སྐབས། རང་ལོ་༢༡ ལ་སོན་པའི་སློབ་མ་ཞིག་གིས་སྲིད་བློན་ལ་ངོ་རྒོལ་གྱི་ལྷམ་གཡུགས་པའི་གནས་ཚུལ་ཐོན་ཡོད་པ་རེད། དེ་ཡང་སྲིད་བློན་མཆོག་གིས་མི་མང་སྟོང་ཕྲག་མང་པོ་འཛོམས་པའི་ཏག་གོར་ཚོགས་ཁང་དུ་གསུང་བཤད་འགོ་བཙུགས་ནས་ཡུན་རིང་མ་སོང་བར། མདུན་གྲལ་དུ་ཡོད་པའི་ཧ་ཊི་ཆིས་ཟེར་བ་རང་ལོ་༢༡ ལ་སོན་ཞིང༌། ས་གནས་དེར་གློག་ཀླད་ཆེད་ལས་མཐོ་སློབ་ཀྱི་སློབ་མ་ཡིན་པ་ཞིག་གིས་ལྷམ་གཡུགས་ནས་སྲིད་བློན་གྱི་ཉེ་འགྲམ་དུ་ལྷུང་ཡོད་པ་རེད།

Bangchen admin· · Comments are Disabled ·

པཎ་ཆེན་རིན་པོ་ཆེའི་ཆེད་དུ་ཞི་བའི་གོམ་བགྲོད།

གསར་ལམ་ཁག་ནས་གནས་ཚུལ་ཐོན་པ་ལྟར་ན། ྋགོང་ས་སྐྱབས་མགོན་ཆེན་པོ་མཆོག་གིས་ངོས་འཛིན་མཛད་པའི་པཎ་ཆེན་རིན་པོ་ཆེ་དགེ་འདུན་ཆོས་ཀྱི་ཉི་མ་མཆོག་རྒྱ་གཞུང་གིས་འཛིན་བཟུང་བཙན་འཁྲིད་བྱས་ནས་མི་ལོ་བཅུ་བཞི་ཙམ་འཁོར་བའི་ཉིན་མོ་དང་བསྟུན། ལྷོ་ཨ་ཧྥི་རི་ཁར་ཡོད་པའི་བོད་དོན་རྒྱབ་སྐྱོར་ཚོགས་པ་ཞིག་གིས་ཞི་བའི་གོམ་བགྲོད་ཅིག་བྱེད་རྒྱུའི་གསལ་བསྒྲགས་བྱས་ཡོད་པ་རེད།  ཕྱི་ཟླ་༥ ཚེས་༡༧ ཉིན་ནས་བཟུང་ལྷོ་ཨ་ཧྥི་རི་ཁར་ཡོད་པའི་བོད་དོན་རྒྱབ་སྐྱོར་ཚོགས་པ་ཞིག་གི་གོ་སྒྲིག་འོག་པཎ་ཆེན་རིན་པོ་ཆེ་དང་ཁོང་གི་སྐུ་འཁོར། དེ་བཞིན་ཆབ་སྲིད་བཙོན་པ་རྣམས་གློད་གྲོལ་དང༌། བོད་ནང་དུ་རང་དབང་གི་སྒྲིག་འཛུགས་དང་གསར་འགོད་པ་འགྲོ་བསྐྱོད་བྱེད་དུ་འཇུག་དགོས་པ་སོགས་ཀྱི་དགོས་འདུན་དོན་ཚན་ལྔ་ཅན་ཞིག་འདོན་རྒྱུ་དང༌། ཞི་བདེ་དང་བྱམས་བརྩེའི་གོམ་བགྲོད་ཅིག་བྱེད་རྒྱུའི་གསལ་བསྒྲགས་ཤིག་སྤེལ་ཡོད་འདུག

Bangchen admin· · 0 མཆན་འགྲེལ། ·

ཨ་རིའི་སྲིད་འཛིན་ྋགོང་ས་མཆོག་དང་མཇལ་འཕྲད་ཞུ་མི་ཆོག་ཟེར།

    ཟླ་འདིའི་༢༣ ཉིན་གསར་ལམ་ཁག་ནས་གནས་ཚུལ་སྤེལ་གསལ་ལྟར་ན། རྒྱ་ནག་གཞུང་གིས་འདི་ལོའི་ཟླ་བ་༡༠ ནང་ྋགོང་ས་མཆོག་ཨ་རིར་ཆིབས་བསྒྱུར་གནང་གཏན་འཁེལ་ཡོད་པ་དེར། ཨ་རིའི་སྲིད་འཛིན་ཨོ་བྷ་མ་མཆོག་གིས་ྋགོང་ས་མཆོག་དང་མཇལ་འཕྲད་བྱེད་མི་ཆོག་ཅེས་ཁྱབ་བསྒྲགས་བྱས་པའི་གནས་ཚུལ་ཐོན་ཡོད་པ་རེད།
    དེ་ཡང་རྒྱ་ནག་ཕྱི་སྲིད་བློན་ཆེན་གྱི་མགྲིན་ཚབ་པ་ཆིན་ཡུས་ཀྱིས་ྋཏཱ་ལའི་བླ་མ་ལས་གནས་གང་ཞིག་གི་མིང་འོག་ནས། རྒྱལ་ཁབ་གང་ཞིག་ཏུ་འགྲུད་བཞུད་ཀྱིས་ཁ་བྲལ་གྱི་ལས་འགུལ་སྤེལ་བར་རྒྱ་ནག་གཞུང་གིས་ངོ་རྒོལ་མཐའ་གཅིག་ཏུ་བྱེད་ཀྱི་ཡོད་ཅེས། པེ་ཅིང་གསར་འགོད་ལྷན་ཚོགས་ཤིག་གི་ཐོག་བརྗོད་ཡོད་པ་རེད།

Bangchen admin· · 0 མཆན་འགྲེལ། ·
ཤྲཱི་ལངྐའི་སྟག་གྱེན་ལངས་ཚོགས་པའི་དཀའ་ངལ།

ཤྲཱི་ལངྐའི་སྟག་གྱེན་ལངས་ཚོགས་པའི་དཀའ་ངལ།

ཟླ་འདིའི་༢༢ ཉིན་གསར་ལམ་ཁག་ནས་གནས་ཚུལ་སྤེལ་གསལ་ལྟར་ན། ཤྲཱི་ལངྐའི་སྟག་གྱེན་ལངས་ཚོགས་པ་དང་དབུས་གཞུང་གཉིས་དབར་དམག་འཁྲུག་ཤོར་ཏེ། ཡུལ་མི་འབུམ་༡ ལྷག་ཙམ་ཁྱིམ་གཞིས་དོར་ནས་ཡུལ་གཞན་ལ་སྐྱབས་བཅོལ་དུ་འགྲོ་དགོས་བྱུང་བའི་གནས་ཚུལ་ཐོན་ཡོད་པ་རེད།
    དེ་ཡང་ཤྲཱི་ལངྐ་དང་དབུས་གཞུང་བར་རྟག་ཏུ་དམག་འཁྲུག་རྒྱག་བཞིན་ཡོད་པའི་གྲངས་ཉུང་མི་རིགས་ཀྱི་སྟག་གྱེན་ལངས་ཚོགས་པ་ཟེར་བ་འདི་ནི།རྒྱ་གར་ལྷོ་ཕྱོགས་ཀྱི་མངའ་སྡེ་ཏཱ་མིལ་ན་དྷུས་ཟེར་བའི་མངའ་སྡེ་ནས་ཡོང་བའི་རྒྱ་གར་གྱི་མི་རིགས་ཡིན་ཞིང༌།

Bangchen admin· · Comments are Disabled ·

དཀྱིལ་ཤར་ཡུལ་གྲུ་ཁག་ཏུ་ཨ་རིའི་བུད་མེད་དམག་མིའི་དཀའ་ངལ།

   ཟླ་འདིའི་ཚེས་༡༩ ཉིན་གསར་ལམ་ཁག་ནས་གནས་ཚུལ་སྤེལ་གསལ་ལྟར་ན། དཀྱིལ་ཤར་ཡུལ་གྲུ་ཁག་ཏུ་ཨ་རིའི་བུད་མེད་དམག་མི་གྲངས་ ༢༠༦༠༠༠ ཙམ་ཡོད་པ་རྣམས། མང་ཆེ་བ་ཨི་རག་ཏུ་ཡོད་པ་དང་དེའི་ནང་ནས་གྲངས་ ༡༠༤ སྲོག་ཤོར་ཡོད་པ་དང་ ༦༠༠ རྨས་སྐྱོན་ཚབས་ཆེན་ཕོག་ཡོད་པའི་གནས་ཚུལ་ཐོན་ཡོད་པ་རེད།

Bangchen admin· · 0 མཆན་འགྲེལ། ·

རྒྱ་ནག་གི་སློབ་མས་ཧྥ་རན་སིའི་སློབ་ཐོན་ལག་ཁྱེར་ཉོས་འདུག

ཟླ་འདིའི་ཚེས་ ༡༧ ཉིན་གསར་ལམ་ཁག་ནས་གནས་ཚུལ་སྤེལ་གསལ་ལྟར་ན། ཧྥ་རན་སིའི་ཚོང་ལས་འཛིན་སྐྱོང་གཙུག་ལག་སློབ་གྲྭ་ཆེན་མོར་ཡོད་པའི་རྒྱ་རིགས་སློབ་མ་ཚོས། སློབ་གྲྭའི་ལས་བྱེད་མི་སྣ་དང་སློབ་གྲྭ་དེའི་སློབ་ཟུར་བརྒྱུད་ནས་སློབ་ཐོན་ལག་ཁྱེར་ཁྲིམས་འགལ་ཐོག་ནས་ཉོས་ཡོད་པའི་གསང་བ་འབྲེལ་ཡོད་ལས་བྱེད་ཀྱིས་ཕྱིར་བསྒྲགས་བྱས་ཡོད་པ་རེད།    དེ་ཡང་ཧྥ་རན་སིའི་ཊོ་ལུན་ཚོང་ལས་འཛིན་སྐྱོང་གཙུག་ལག་སློབ་གྲྭ་ཆེན་མོའི་སློབ་ཟུར་རི་རྗིན་སི་ཟེར་བ། ཧྥ་རན་སིའི་ཉེན་རྟོག་ལས་ཁུངས་སུ་སོང་ནས་ཚོང་ལས་འཛིན་སྐྱོང་གཙུག་ལག་སློབ་གྲྭ་ཆེན་མོར་སློབ་སྦྱོང་བྱེད་བཞིན་པའི་རྒྱ་རིགས་སློབ་མ་ཚོས། ཁོ་ལ་དངུལ་ཕོན་ཆེན་སྤྲད་ནས་སློབ་ཐོན་ལག་ཁྱེར་བཙོང་དགོས་པའི་རེ་སྐུལ་ལན་མང་བྱས་ཀྱང་ཁས་ལེན་བྱས་མེད། འོན་ཀྱང༌། ཁྲིམས་མཐུན་གྱི་སློབ་མ་གསོ་སྐྱོང་གི་ཆེད་དུ་ཉེན་རྟོག་པས་ཁྲིམས་འགལ་གྱི་སློབ་མ་རྣམས་ལ་སྟངས་འཛིན་བྱེད་དགོས་ཀྱི་འདུག་ཅེས་གནས་ཚུལ་དེ་མཁོ་སྤྲོད་དང་རེ་སྐུལ་ཡིག་ཆ་ཞིག་ཕུལ་ཡོད་པ་རེད།

Bangchen admin· · Comments are Disabled ·

པཱ་ཀི་སི་ཐན་ལ་ཨ་སྒོར་ཐེར་འབུམ་གཅིག་སྤྲད་འདུག

ཟླ་འདིའི་ཚེས་ ༡༦ ཉིན་གསར་ལམ་ཁག་ནས་གནས་ཚུལ་སྤེལ་གསལ་ལྟར་ན། པཱ་ཀི་སི་ཐན་གྱི་སྲིད་འཛིན་མཆོག་ཉི་ཧོང་དུ་ཕེབས་ནས་ཕྱོགས་གཉིས་ཀྱི་དཔོན་རིགས་ཚོའི་བར་་གྲོས་བསྡུར་ལྷུག་པོ་གནང་ཡོད་པ་དང།    ཉི་ཧོང་གི་སྲིད་བློན་ཏཱ་རོ་ཨ་སུའུ་མཆོག་དང། པཱ་ཀི་སི་ཐན་གྱི་སྲིད་འཛིན་ཨ་སིཧྥི་རྣམ་གཉིས་ཀྱིས་ཉི་ཧོང་གི་རྒྱལ་ས་ཊོ་ཀི་ཡོ་ལ་ལྷན་ཚོགས་ཤིག་འཚོགས་ཡོད་པའི་ཐོག ཉི་ཧོང་གི་སྲིད་བློན་གྱིས་པཱ་ཀི་སི་ཐན་གྱི་བདེ་འཇགས་དེ་འཛམ་གླིང་སྤྱི་ལ་ཧ་ཅང་གལ་ཆེན་པོ་ཡིན་པས། ཉི་ཧོང་གཞུང་ཕྱོགས་ནས་འཛམ་གླིང་ལ་ཉེན་ཁ་ཆེ་བའི་འཇིགས་སྐུལ་རིང་ལུགས་ལ་འགོག་རྒོལ་དང༌།    པཱ་ཀི་སི་ཐན་དུ་དཔལ་འབྱོར་ཉམ་གུད་འགྲོ་བཞིན་པ་སླར་གསོའི་ཆེད་དུ་རོགས་དངུལ་ཐེར་འབུམ་ ༡ གཅིག་སྤྲད་རྒྱུ་ཡིན་ཞེས་ཁྱབ་བསྒྲགས་བྱས་ཡོད་པ་རེད།

Bangchen admin· · 0 མཆན་འགྲེལ། ·

རྒྱ་ནག་གི་འགྲོ་བ་མིའི་ཐོབ་ཐང་ལག་བསྟར་གྱི་འཆར་འགོད།

  ཟླ་འདིའི་ཚེས་༡༤ ཉིན་གསར་ལམ་ཁག་ནས་གནས་ཚུལ་སྤེལ་གསལ་ལྟར་ན། རྒྱ་ནག་གཞུང་གིས་ཤོག་གྲངས་༥༤ ཡོད་པའི་འགྲོ་བ་མིའི་ཐོབ་ཐང་སྐོར་གྱི་ཡིག་ཆ་ཞིག་འགྲེམས་སྤེལ་བྱས་ཡོད་པ་དང༌། དེའི་ནང་དེང་སྐབས་རྒྱ་ནག་ཏུ་ལག་བསྟར་བྱེད་བཞིན་པའི་སྲོག་ཐོག་གི་ཁྲིམས་གཅོད་དང་མནར་གཅོད་སོགས་ཁྲིམས་ཆད་དེ་དག་བསྒྱུར་བཅོས་གཏོང་འཆར་ཡོད་ཅེས་འཁོད་ཡོད་པར། ཤར་ཨེ་ཤ་ཡའི་རྒྱལ་སྤྱིའི་བཙོན་གྲོལ་མཐུན་ཚོགས་ཀྱིས་དགའ་བསུ་ཞུས་ཡོད་པའི་གནས་ཚུལ་ཐོན་ཡོད་པ་རེད།

Bangchen admin· · Comments are Disabled ·

སྐབས་བཅོ་ལྔ་པའི་རྒྱ་གར་འོས་བསྡུ་ཆེན་པོ།

འདིའི་ཚེས་༡༣ ཉིན་གསར་ལམ་ཁག་ནས་གནས་ཚུལ་སྤེལ་གསལ་ལྟར་ན། རྒྱ་གར་གྱི་ཆབ་སྲིད་ཚོགས་པ་ཆེ་ཤོས་ཁན་གྷི་རི་སི་དང། བྷི་ཇི་བྷི་གཉིས་ལས་གཞན་པའི། ལྟ་གྲུབ་གཅིག་མཐུན་ཚོགས་པ་ཟེར་བ་ཞིག་རྒྱ་གར་གྱི་དམར་ཕྱོགས་ཚོགས་པ་གཙོ་བོར་བྱས་ནས་བཙུགས་པའི་ཆབ་སྲིད་ཚོགས་པ་གཞན་ཞིག་ཐོན་ཡོད་པ་དང༌། ཆབ་སྲིད་ཚོགས་པ་ཚང་མས་གཞུང་འཛིན་གྱི་རྒྱལ་ཁ་ཐོབ་ན་ས་ཁུལ་དེ་དང་དེ་ལ་དཀའ་ངལ་གང་ཡོད་པ་རྣམས་འཕྲལ་དུ་སེལ་རྒྱུ་ཡིན་པའི་གཏམ་བཤད་སྤེལ་བཞིན་ཡོད་ལ། དམིགས་བསལ་གྱི་གྲོང་གསེབ་ཁག་ཏུ་ལས་འགུལ་དེ་དག་གཞི་རྒྱ་ཆེན་པོ་དང་འགྲོ་གྲོན་ཡང་མི་ཉུང་བ་ཞིག་གཏོང་བཞིན་ཡོད་པའི་གནས་ཚུལ་ཐོན་ཡོད་པ་རེད།

Bangchen admin· · Comments are Disabled ·