ཨ་རིས་ཨ་རིར་ཡོད་པའི་རྒྱ་ནག་གི་འགོ་ཁྲིད་ཚོའི་འགྲོ་འདུག་ཡར་ཞུ་དགོས་པའི་སྒྲིག་ལམ་གསར་པ་བཞག་འདུག

ཨ་རྒྱ་གཉིས་ཀྱི་འགལ་བ་ཇེ་མང་དང་ཇེ་ཆེར་འགྲོ་བཞིན་པའི་སྐབས་འདིར། ཨ་རིའི་གཞུང་ནས་ཨ་རི་ལ་ཡོད་པའི་རྒྱ་ནག་གི་འགོ་ཁྲིད་རྣམས་གང་དུ་འགྲོ་བ་དང་སུ་དང་ཐུག་པའི་སྐོར་གྱི་གནས་ཚུལ་རྣམས་སྔོན་ཚོད་ནས་ཨ་རིའི་གཞུང་ལ་ཡར་ཞུ་དགོས་པའི་སྒྲིག་ལམ་གསར་པ་ཞིག་བཞག་ཡོད་འདུག དེ་ཡང་ཟླ་འདིའི་ཚེས་ ༡༧ ཉིན་རྒྱལ་སྤྱིའི་བརྒྱུད་ལམ་ཁག་ནས་གནས་ཚུལ་སྤེལ་བ་ལྟར་ན། ཨ་རིའི་སྲིད་གཞུང་གིས་ཨ་རི་ལ་ཡོད་པའི་རྒྱ་ནག་གི་འགོ་ཁྲིད་ཚོ་དང་འབྲེལ་བའི་སྒྲིག་ལམ་གསར་པ་ཞིག་བཞག་པ་དང་། སྒྲིག་ལམ་གསར་པ་དེའི་འོག་རྒྱ་ནག་གི་འགོ་ཁྲིད་ཚོས་ཨ་རིའི་མངའ་སྡེ་དང་ས་གནས་ཀྱི་དཔོན་པོའམ། ཡང་ན་མཐོ་སློབ་དང་སློབ་གྲྭ་ཁག་ལ་གཞུང་འབྲེལ་གྱི་ཐུག་འཕྲད་དང་ལྟ་སྐོར་བྱེད་སྐབས། དེ་དོན་སྔོན་ཚོད་ནས་ཨ་རིའི་སྲིད་གཞུང་ལ་ཡར་ཞུས་བྱེད་དགོས་ཡོད་འདུག སྒྲིག་ལམ་གསར་པ་དེ་འཇོག་པའི་རྒྱུ་མཚན་ནི། རྒྱ་ནག་ཏུ་ཡོད་པའི་ཨ་རིའི་འགོ་ཁྲིད་ཚོས་རྒྱ་ནག་གི་མཐོ་དམན་བར་མའི་དཔོན་པོ་དང་ཐུག་འཕྲད་བྱེད་སྐབས་དང་། ཡང་ན་སློབ་གྲྭ་ཆེ་ཆུང་ཁག་དང་། ཞིབ་འཇུག་གི་ལྟེ་གནས་རྣམས་ལ་ལྟ་སྐོར་བྱེད་དུས། རྒྱ་ནག་གཞུང་གི་ལག་ནས་ཆོག་མཆན་ཞུ་དགོས་ཀྱི་ཡོད་པ་དེའི་ཡ་ལན་དང་རྒྱ་ཁབ་གཉིས་ཀྱི་འབྲེལ་ཡོད་ལས་བྱེད་རྣམས་ཀྱི་འགྲོ་འདུག་གི་དབང་ཚད་ཆ་སྙོམ་བཟོ་ཆེད་ཡིན་འདུག་སྟེ། གནས་ཚུལ་དེ་ཕྱིར་བསྒྲགས་བྱེད་མཁན་གྱི་ཨ་རིའི་ལས་བྱེད་ཅིག་གིས“ང་ཚོས་འདིར་གང་ཞིག་འབད་བརྩོན་བྱེད་བཞིན་ཡོད་ཟེར་ན། ཕན་ཚུན་ཆ་སྙོམ་དང་འདྲ་མཉམ་གྱི་གནས་སྟངས་ཤིག་ཡོང་ཐབས་བྱེད་བཞིན་ཡོད”ཅེས་བཤད་འདུག ཡིན་ན་ཡང་། ཨ་རིའི་གཞུང་ནས་རྒྱ་ནག་གི་འགོ་ཁྲིད་ཚོས་ཡར་ཞུ་བྱེད་དགོས་པ་ལས་ཆོག་མཆན་ལེན་མི་དགོས་པ་དེ་དོ་ནན་གྱིས་བཤད་འདུག་པ་མ་ཟད། སྒྲིག་ལམ་གསར་པ་དེའི་མཐར་ཐུག་གི་དམིགས་ཡུལ་ནི་རྒྱ་ཁབ་གཉིས་ཀའི་འབྲེལ་ཡོད་འགོ་ཁྲིད་ཚོའི་འགྲོ་འདུག་སྤྱོད་གསུམ་ལ་ཚད་བཀག་མེད་པ་བཟོ་རྒྱུ་དེ་ཡིན་སྐོར་ཀྱང་བཤད་ཡོད་འདུག རྒྱ་ནག་གི་ཕྱོགས་ནས་ད་ཐེངས་ཀྱི་སྒྲིག་ལམ་གསར་པ་དེ་ནི་སྔོན་ཆད་ཨ་རྒྱའི་བར་དུ་བཞག་པའི་ཝིན་ན་གྲོས་མཐུན་(The

Read more

ཧོང་ཀོང་གི་ངོ་རྒོལ་ལ་རྒྱབ་སྐྱོར་བྱེད་པའི་ཁྲིམས་འཆར་གསུམ་ལ་ཨ་རིའི་གྲོས་ཚོགས་འོག་མའི་ནང་རྒྱབ་སྐྱོར་ཐོབ་འདུག

ཧོང་ཀོང་གྲོང་ཁྱེར་དུ་རྒྱ་ནག་གཞུང་ལ་ངོ་རྒོལ་གྱི་མང་གཙོའི་ལས་འགུལ་བརྩམས་ནས་ཟླ་བ་བཞི་ཙམ་འགྲོ་བཞིན་ཡོད་པ་མ་ཟད། ངོ་རྒོལ་བ་དང་ཉེན་རྟོག་པ་གཉིས་ཀྱི་བར་དུ་དྲག་པོའི་གདོང་ཐུག་ཇེ་མང་དང་། རྒྱ་ནག་གཞུང་ནས་ངོ་རྒོལ་བ་རྣམས་ལ་བཙན་གནོན་བྱེད་རྒྱུའི་ཉེན་བརྡ་དང་འཇིགས་སྐུལ་མང་པོ་བཏང་ནས་ཧོང་ཀོང་གི་གནས་སྟངས་དེ་ཉིན་རེ་བཞིན་ཉེན་ཚབས་ཇེ་ཆེར་འགྲོ་བཞིན་པའི་སྐབས་འདིར། ཨ་རིའི་གྲོས་ཚོགས་འོག་མ་ནས་ཧོང་ཀོང་གི་ངོ་རྒོལ་ལ་རྒྱབ་སྐྱོར་བྱེད་པའི་ཁྲིམས་འཆར་གསུམ་ལ་མོས་མཐུན་གཏན་འབེབས་བྱས་ཡོད་འདུག 

Read more

ཀེ་ཌ་ལོ་ནི་ཡ་མི་མང་གིས་སེ་པན་དབུས་གཞུང་ལ་ངོ་རྒོལ་བྱེད་བཞིན་འདུག 

སེ་པན་གྱི་ཆེས་མཐོའི་ཁྲིམས་ཁང་གིས། ཀེ་ཌ་ལོ་ནི་ཡ་རང་སྐྱོང་མངའ་ཁུལ་དེའི་རང་བཙན་འཐབ་རྩོད་ཀྱི་འགོ་ཁྲིད་ཁག་ཅིག་ལ། གཞུང་སྲིད་མགོ་རྟིང་སློག་ཐབས་ཀྱི་ཉེས་འཛུགས་འོག་བཙོན་འཇུག་ཁྲིམས་ཐག་བཅད་རྐྱེན། མི་མང་གིས་ངོ་རྒོལ་ལས་འགུལ་སྤེལ་བཞིན་འདུག 

Read more

༢༠༡༨ དང་༢༠༡༩ གཉིས་ཀྱི་ནོ་བྷེལ་རྩོམ་རིག་གཟེངས་རྟགས་ལྷན་དུ་གསལ་བསྒྲགས་བྱས་འདུག

ཟླ་འདིའི་ཚེས་༡༠ ཉིན་ནོ་བྷེལ་རྩོམ་རིག་ཚོགས་ཆུང་(Swedish Academy) ནས་རྩོམ་པ་པོ་གཉིས་ལ་ནོ་བྷེལ་རྩོམ་རིག་གཟེངས་རྟོགས་ཐོབ་པའི་གསལ་བསྒྲགས་བྱས་ཤིང་། དེ་ནི་ནོ་བྷེལ་རྩོམ་རིག་གཟེངས་རྟགས་ཀྱི་འདས་པའི་མི་ལོ་༡༡༨ ཀྱི་ལོ་རྒྱུས་རིང་པོའི་ནང་ཐེངས་དང་པོར་བྱུང་བ་ཞིག་ཡིན་འདུག 

Read more

ཨི་རན་བུད་མེད་རྣམས་ཀྱིས་ཐེངས་དང་པོར་རྐང་སྤོལ་འགྲན་སྡུར་ལྟད་མོ་བལྟས་འདུག

ཨི་རན་བུད་མེད་རྣམས་ཀྱིས་ཐེངས་དང་པོར་རྐང་སྤོལ་འགྲན་སྡུར་ལྟད་མོ་བལྟས་འདུག བུད་མེད་ཀྱི་འགྲོ་འདུག་སྤྱོད་གསུམ་གྱི་རང་དབང་ལ་དམ་དྲག་ཆེན་པོ་ཡོད་པའི་ཨི་རན་ལུང་པའི་ནང་། ལོ་ངོ་༤༠ ཡི་ནང་ཐེངས་དང་པོར་བུད་མེད་རྣམས་རྐང་སྤོལ་རྩེད་འགྲན་བལྟ་ཆེད་དུ་རྩེད་རྭའི་ནང་དུ་འགྲོ་བཅུག་འདུག་པ་དང་། བུད་མེད་རྣམས་ཀྱིས་གཞུང་གི་ཐག་གཅོད་དེར་དགའ་བསུ་ཆེན་པོ་བྱེད་བཞིན་འདུག་ཀྱང་། ཡར་རྒྱས་གཏོང་ཡུལ་གྱི་གཞི་ཡང་མང་པོ་ལྷག་ཡོད་འདུག  ཟླ་༡༠ པའི་ཚེས་༡༡ ཉིན་རྒྱལ་སྤྱིའི་བརྒྱུད་ལམ་ཁག་ཏུ་གནས་ཚུལ་སྤེལ་གསལ། ཨི་རན་ནང་རྙིང་ཞེན་མཁྲེགས་འཛིན་པའི་ཆོས་དཔོན་ཚོས། བུད་མེད་རྣམས་སྐྱེས་པའི་ལུས་སྟོབས་དང་རྩལ་སྟོན་ཡུལ་གྱི་རྩེད་རྭ་སོགས་ཀྱི་ནང་དུ་གཏོང་མི་རུང་བ་སོགས་ནི་ཁ་ཆེ་ཆོས་ལུགས་ཀྱི་ཁྲིམས་ནང་ཡོད་ཚུལ་སྒེར་གྱི་འགྲེལ་བརྗོད་བྱས་ནས། རྒྱལ་ཁབ་དེའི་ནང་བུད་མེད་ཀྱི་འགྲོ་འདུག་སྤྱོད་གསུམ་ལ་དམ་དྲག་ཆེན་པོ་ཡོད་ཀྱི་འདུག ཨི་རན་གཞུང་གི་དཔོན་རིགས་ཁག་ཅིག་གིས་བུད་མེད་རྣམས་རྐང་སྤོལ་སོགས་རྩེད་མོའི་རིགས་ལ་ལྟད་མོ་བལྟ་ཆོག་པ་བཟོ་ཐབས་བྱས་ཡོད་ཀྱང་།རྒྱལ་ཁབ་དེའི་བླ་ན་མེད་པའི་འགོ་ཁྲིད་དང་ཆོས་ལུགས་མི་སྣ་སོགས་ཀྱི་དགག་བྱ་ལ་བརྟེན་ནས་མདུན་བསྐྱོད་བྱས་ཐུབ་མེད་འདུག འོན་ཀྱང་འདི་ལོའི་ཟླ་བ་༩ པའི་ནང་ཨི་རན་གྱི་བུད་མེད་རང་ལོ་༢༩ ཡིན་པ་སཱ་ཧར་གྱིས། སོ་སོའི་དགའ་མོས་བྱེད་ཡུལ་ཨི་རན་གྱི་རྒྱལ་ནང་རྐང་སྤོལ་རུ་ཁག་གཅིག་གི་རྩེད་འགྲན་ལ་ལྟད་མོ་བལྟ་ཆེད་དུ། བུའི་ཆས་སྤྲས་ནས་རྩེད་རྭར་སོང་སྐབས་འཇུ་བཟུང་བྱས་ཡོད་པ་དང་། རྗེས་སུ་མོས་གནད་དོན་དེ་ལ་བརྟེན་ནས་རང་ལ་ཟླ་བ་༦ (བརྒྱུད་ལམ་ཁག་ཅིག་ཏུ་ལོ་༢

Read more

པེ་རག་གྲོང་ཁྱེར་སྤྱི་ཁྱབ་དཔོན་གྱིས་པེ་ཅིང་དང་འབྲེལ་བ་བཅད་འདུག

ཟླ་ཤས་སྔོན་ལ་ཆེག་སྤྱི་མཐུན་རྒྱལ་ཁབ་ཀྱི་རྒྱལ་ས་པེ་རག་གྲོང་ཁྱེར་གྱི་སྤྱི་ཁྱབ་དཔོན་གྱིས། པེ་རག་དང་པེ་ཅིང་གྲོང་ཁྱེར་གཉིས་བར་གྱི་འབྲེལ་ལམ་གྲོས་མཐུན་ནང་། རྒྱ་ནག་གཅིག་གྱུར་སྲིད་བྱུས་ལ་རྒྱབ་སྐྱོར་དགོས་པའི་དོན་ཚན་དེ་ཕྱིར་འཐེན་མ་བྱས་ཚེ། གྲོས་མཐུན་གྱི་ཆ་རྐྱེན་ཆ་ཚང་རྩིས་མེད་གཏོང་རྒྱུའི་སྡིགས་སྐུལ་བྱས་ཡོད་པ་ལྟར། ཟླ་༡༠ པའི་ཚེས་༩ ཉིན་རྒྱལ་སྤྱིའི་བརྒྱུད་ལམ་ཁག་ཅིག་ཏུ་གནས་ཚུལ་སྤེལ་གསལ། ཟླ་༡༠ པའི་ཚེས་༧ ཉིན་ཁོང་གིས་དངོས་སུ་གྲོས་མཐུན་ནས་པེ་རག་གྲོང་ཁྱེར་ཕྱིར་འཐེན་བྱས་པའི་གསལ་བསྒྲགས་བྱས་འདུག ཆེག་སྤྱི་མཐུན་རྒྱལ་ཁབ་ཀྱི་རྒྱལ་ས་པེ་རག་གྲོང་ཁྱེར་གྱི་སྤྱི་ཁྱབ་དཔོན་ཛཱེ་ནེག་ཧཱ་རིབ་ནི་རྒྱ་ནག་གཅིག་གྱུར་གྱི་སྲིད་བྱུས་ལ་རྒྱབ་སྐྱོར་མེད་མཁན་དང་། བོད་དང་ཐའེ་ཝན་གནད་དོན་ལ་རྒྱབ་སྐྱོར་བྱེད་མཁན་ཡིན་པ་ཡོངས་གྲགས་ལྟར། ཆེག་སྤྱི་མཐུན་རྒྱལ་ཁབ་ཀྱི་སྲིད་གཞུང་གིས་རྒྱ་ནག་དང་འབྲེལ་བ་བཟང་དུ་གཏོང་ཐབས་གང་ཡོང་བྱེད་བཞིན་ཡོད་མེད་ལ་མ་ལྟོས་པར། ཁོང་གིས་པེ་རག་གྲོང་ཁྱེར་གྱི་སྤྱི་ཁྱབ་དཔོན་ལས་ཁུར་བླངས་ནས་ཟླ་བ་གཅིག་ལས་མ་སོང་བའི་སྐབས་ཏེ། ལོ་སྔོན་མའི་ཟླ་༡ པོའི་ནང་གྲོང་ཁྱེར་དེར་རྒྱལ་སྤྱིའི་རྒྱལ་ཁབ་ཁག་གི་སྐུ་ཚབ་ཀྱི་ལྷན་ཚོགས་ཤིག་བསྐོངས་འཚོགས་བྱེད་བཞིན་པའི་སྐབས་སུ། རྒྱ་ནག་གི་སྐུ་ཚབ་ཀྱིས་ཁོང་ལ་རྒྱ་ནག་གཅིག་གི་སྲིད་བྱུས་ལ་གུས་བརྩི་བྱས་ཏེ། ལྷན་ཚོགས་དེ་ནས་ཐའེ་ཝན་གྱི་སྐུ་ཚབ་ཕྱིར་འབུད་གཏོང་བའི་རེ་སྐུལ་བྱས་འདུག་ཀྱང་། ཁོང་གིས་ངོས་ལེན་བྱས་མེད་པས། ཐའེ་ཝན་སྐུ་ཚབ་རྣམས་ལྷན་ཚོགས་དེར་མཉམ་ཞུགས་བྱེད་ཐུབ་པ་བྱུང་འདུག

Read more

ཞི་ཅིན་ཕིང་རྒྱ་གར་དུ་མ་སླེབས་སྔོན་བོད་མི་༡༠ འཛིན་བཟུང་བྱས་ཟིན་འདུག 

རྒྱ་ནག་གི་སྲིད་འཛིན་ཞི་ཅིན་ཕིང་རྒྱ་གར་དུ། སྲིད་བློན་མཱོ་དྷི་དང་གྲོས་མོལ་བྱེད་པར་མ་སླེབས་པའི་སྔོན་ནས། རྒྱ་གར་ཉེན་རྟོག་པས་བོད་མི་༡༠ འཛིན་བཟུང་བྱས་ཟིན་ཡོད་ཁར། སློབ་མ་མང་པོ་ཞིག་ཉེན་རྟོག་ཁང་དུ་ཁྲིད་ནས་ལས་འགུལ་མི་སྤེལ་བའི་ཁས་ལེན་ཡི་གེར་མིང་རྟགས་བཀོད་བཅུག་ཡོད་འདུག 

Read more

ཨ་རིའི་རྒྱལ་ཡོངས་ལག་རྩེད་སྤོ་ལོའི་རུ་ཚོགས་(NBA)ནང་དུའང་རྒྱ་ནག་གི་གནོན་ཤུགས་ཆེན་པོ་སླེབ་བཞིན་ཡོད་འདུག  

དེང་སྐབས་འཛམ་གླིང་གི་མི་འབོར་མང་ཤོས་ལྡན་པའི་རྒྱ་ནག་ནི་གོ་ལའི་དཔལ་འབྱོར་གྱི་སྟོབས་ཤུགས་ཨང་གཉིས་པ་དང་། རྒྱལ་སྤྱིའི་ཁྲོམ་ར་ཆེ་ཤོས་ཤིག་ཏུ་གྱུར་ཡོད་སྟབས། རྒྱ་ནག་གཞུང་དང་མི་མང་གིས་དམིགས་བསལ་གྱི་གོ་ཐོབ་དེ་བཀོལ་ནས་ཕྱིའི་བཟོ་ཚོང་ཁང་ཆེ་ཆུང་ཐམས་ཅད་ལ་གནོན་ཤུགས་སྤྲོད་རྐྱང་བྱེད་ཀྱིན་ཡོད་པ་དང་། བཟོ་ཚོང་ཁང་དེ་དག་གིས་ཀྱང་(ཐའེ་ཝན་དང་བོད་གཉིས་འཛམ་གླིང་རྒྱལ་ཁབ་ཀྱི་ས་ཁྲའི་ངོས་སུ་བཀོད་པའམ། ཡང་ན་༧ཏཱ་ལའི་བླ་མའི་གསུང་ཚིག་བཟོ་ཚོང་ཁང་གི་དྲྭ་ངོས་སུ་བཞག་པ་ལྟ་བུའི)“ནོར་འཁྲུལ”རེ་ཤོར་མ་ཐག སོ་སོའི་ཚོང་གི་ཁེ་ཕན་ཆེད་དུ་རྒྱ་ནག་ལ་དགོངས་སེལ་ཞུས་ཏེ་བསྟུན་ཆེ་ཐུབ་ཆུང་ཐུབ་བྱེད་བཞིན་ཡོད།

Read more

ཧོང་ཀོང་གཞུང་གིས་ངོ་རྒོལ་ལས་འགུལ་སྐབས་སུ་གདོང་ཁེབ་གྱོན་མི་ཆོག་པའི་ཁྲིམས་བཟོས་འདུག 

ཧོང་ཀོང་ནང་གཞོན་སྐྱེས་གཙོས་པའི་མི་མང་གི་མང་གཙོའི་ངོ་རྒོལ་ལས་འགུལ་ཆེན་མོ་འགོ་བཙུགས་ནས་ཟླ་བ་༤ ལྷག་འགྲོ་བཞིན་པ་དང་བསྟུན། ཧོང་ཀོང་གཞུང་གིས་སྔར་དབྱིན་ཇིའི་མངའ་འོག་སྐབས་ཀྱི་ཁྲིམས་ཤིག་བེད་སྤྱད་ནས། ངོ་རྒོལ་ལས་འགུལ་སྐབས་སུ་མི་མང་གིས་གདོང་ཁེབ་གྱོན་མི་ཆོག་པའི་ཁྲིམས་གཏན་འབེབས་བྱས་འདུག 

Read more

གྷན་དྷིའི་འཁྲུངས་སྐར་ཉིན་གྷན་དྷིའི་པུར་ཐལ་རྐུ་རུ་ཤོར་བ། 

ཟླ་འདིའི་ཚེས་༣ ལ་བྷེ་བྷེ་སི་གསར་ཁང་ནས་གནས་ཚུལ་སྤེལ་བ་ལྟར་ན། རྒྱ་གར་གྱི་རང་བཙན་འཐབ་རྩོད་ཀྱི་སྣེ་འཁྲིད་མཁན་གྷན་དྷི་སྐུ་འཁྲུངས་ནས་ལོ་ངོ་༡༥༠ འཁོར་བའི་འཁྲུངས་སྐར་ཉིན། ཁོང་གི་པུར་ཐལ་སྐུ་རུ་ཤོར་བ་མ་ཟད། སྐུ་པར་གྱི་ངོས་སུའང་མ་རུང་བའི་ཡི་གེ་བྲིས་ནས་བཞག་པའི་གནས་ཚུལ་བྱུང་ཡོད་འདུག

Read more
Page 4 of 192« First...23456...Last »